Lucas 16
16
Ku jä'ä tumu'ixa jä ka'oy meen ix'ijtpa
1Wa'nit jä Jesús jä ixpëjkpata jä'ä kyets ayuuk tumumatyejk: Jäm y'ijt tu'k jä kumeen jaye tmëëta tu'k jä tyuumpa juu jä myeen tyuuk'ix'ijtp; jäts ojts yajkwaanya ku jä meen ix'ijtpa ka' oy t'ix'ijt jä meen. 2Wa'nit jä wintsën wyatsoowe jäts tnïmye: ¿Ti yë we'e juu ëts n'amotenaxp mits këx? Nikotse nijum winju'un ëts jä nmeen jäp, ka' y'ujk'ooyene mits myajktunet ëts mëët. 3Wa'nit jä meen ix'ijtpa ojts tpayo'oy: ¿Ti ëts tuunep ku yëë wintsën jä tyuunk texpëjkene? Ka' ëts majw n'ok mëëtene jäts kam tuunet, jäts mëjk ëts ntsotyun ku jä jaye nmeen namotetat. 4Të nijawa tii ëts ntunep, jäts pën ëts xkupekep jäm tyëjk jootm ku ëts jä ntuunk nyajkpëjkenet. 5Wa'nit t'watsëw tu'k jä tu'k jä jayeta juu jä wintsën tmuyojetep. Jäts mutu'k tyajktïwe: ¿Winju'un ëts jä nwintsën xmuyoja? 6Wa'nit jä'ä y'atsoowe: Mokepx tu'uts jä on ëts tumuyoja. Wa'nit jä meen ix'ijtpa nyë'ëmxe; xyaja jä mnëjk, tsëjna jäts xyajk'oyat jätu'k juu kotsep wïxkepxmajk jä'ye juu mtumuyoyep. 7Wa'nit tyajktiwe jätu'k: Jäts mits, ¿Winju'un xmuyoja? Jäts y'atsoowe: Mokepx kuntsy jä tsujxmook nyojä. Jäts tnïmye: Xyaja jä mnëjk; jäts xyajk'oyat jätu'k juu kotsep maktepx jä'ye juu myoyep. 8Wa'nit jä wintsën ojts tjantsyjawa tsoj tam jyatka jä juu myeen tyuuk'ix'ijt këëm ojts tpayoy tsoj jä winmaayen nyë'ëmxe. Jäts tpayoy tsoj jä myeen tyajkmayat, jä jaye juu yaja naaxwin jyajtep tsoj jä myujuuk twintayetat jäts juu Kunu'kxtee tnijawetep ka' jä we'en jyäyweta.
9We'en miits nëmeta jäts jä mjotkujkenta juu yaja naaxwiin mëëta jäts xyajktuntat jä mujuuktëjkta xputëjketat juu oy mëët mniajawetat, ku wye'ena jä mjotkujken kyëjxta, jäm wye'ena pën miits mkupëjketap juma jä juukyen juu xëma këxm ijtep.
10Jäts pen juu oy t'ix'ijtp jyatumyïïnema jä'ä, jäts nawye'en jä'ä ntunet juu niyujk'am; jäts juu oy katuump jyatumyïïnema jä'ä, nawye'en jä ntunet juu niyujk'am. 11Pën ka' miits xyäta, jä jotkuken xyajktuntat oy juu yaja naaxwiin, ¿Pën miits mkuy'ixetap jäts oy xyajktuntat jä jotkuken juu tni'oyep? 12Pën ka' miits tsu'u t'ix'ijta jä juu jaye jyëyëp, ¿Pën mits mojetap juu miits mtuketaketep?
13Ni pën tuumpa ka' y'oya jäts mäjtsk jä wintsën tmëëtat; tu'k jä tmu'äket jäts jätu'k tsoket, tu'k jä tketspëjket jäts jätu'k twintsowet. Ka' y'oya tmutunet jä Kunu'kxtee jäts nawye'en jä jyotkujken.
14Jä fariseos jayeta, jä'ä meen y'ijt tsyojknaxtep, ku t'amotenaxte tsoj jä Jesús wya'an jäts ojts tuxiijkta. 15Wa'nit jä Jesús nyë'ëmxete: Miista wa'ajts oy mnayjaweta jä jaye winkujkta, jä Kunu'kxtee wa'ajts jä tnijawa tsoj miits jä mjaawenta; jä jayeta juu nayjaawetep mëj'këxm ku kyumeeneta, ka' jä Kunu'kxtee t'oy'ix.
Jä Moisés pyawanen jäts jä Kunu'kxtee kyutujken
16Jä Moisés pyawanen jäts juu jyayte jä Kunu'kxtee kyukexepa konem jye'y jä Juan yajknëpätpa. Wa'nit t'awanujkwante jä nam kets nam ayuuk tsoj ixwa jä Kunu'kxtee kyutujken, jäts nijum jä jayeta mëjk jä winmayen tpëmta jäts tutëjketat jä kyejts ayuuk.
17Wa'ats ja'tna jä tsap jäts jä ijt jä naax wintokewet, jäwe'e tsu'ux tsoj kyotyunkexet jä kyets ayuuk tsoj jäp jä'ä pyawanen wya'an.
Jä Jesús yajk'ixpïjk tsoj jä ya'atyëjk ku jä'ä te'extëjk tmatsojkne
(Mateo 19.1-12; Marcos 10.1-12)
18Ku jä ya'atyëjk jä tye'extëjk tmatsë'ëjk jäts wiink te'extëjk tpejkome, jawe'e to'ken; jäts pën tpejknep jä te'extëjk juu tyajkmatsojkne, nawye'en jawe'e to'ken.
Tsoj tumu'ixa jä'ä jotkujk jaye mëët jä'ä ayowa Lázaro
19Jäm y'ijt tu'k jä ya'atyëjk wa'ajts jotkujk, jä wit juu myëët wa'ajts oy wa'ajts tsuj jäts winxëë xyëëtun jäts kyayta y'uukta. 20Jäm y'ijt tu'k jä ayow jaye juu txëë Lázaro, nijum nijkx kyopk jä pu'uts tmëëta jäts jäm ijt tsyïïna naaxkix jä jotkujk jaye tyëjk'aake. 21Jä ayoowa jaye tja'aaxy jä kaaky apu'uxk juu tyukuxep juu kistëjkep jäm juma jä jotkujk jaye kyaayta; jäts jä ujkta nimejtse jäts yajkwääy jä pyu'uts. 22Jäts ojts y'ookne jä ayoow jaye, wa'nit jä ángeles yajknëjkxe juma jäm tsyëënat kyaayet jä Abraham pya'ay. Jäts nawye'en ojts y'ookne jä jotkujk jaye, jäts tyajknaaxtëjkete. 23Jäts jäm wye'ena mëjk jä jotkujk jaye tsaatsyipaaty jäm juma jä ookpata nyëjkxta, jäts ojts y'ijxek wa'nit t'ixpaaty jäm jekem jä Abraham, jäts jä Lázaro jäm pyatsïïna. 24Wa'nit jä mëjk tmukets: Tëë Abraham, tune maayen tumo'tk ëts. Käxe tu'k yëë Lázaro jäts tyajkxeeke jä kyëë'unek në'ëmëët jäts ëts jä ntoots tyajkxeeme, mëjk ëts xyam tsaatsyipaaty jam jëën jootm. 25Wa'nit jä Abraham y'atsoowe: Unejk, jamyetse jäts oy mits jä mjuukyen xyajknax jäm naaxwiim, jäts yëë Lázaro yajk'ayoow jäm jä'ä juukyen tyajknaxy. Jäts xyam yëë jä maayen tpaaty yaja, jäts mits jä tsaatsypaaten. 26Jäts yaja, mëj jä ijt oy awa'ajts juma nipëna kya'oya nyaxet ni'miitsa ni'ëëtsa; jäts ka' y'oya ëëts naaxet jämtso, nika' y'oya, miits mnaaxtat yaatsoj.
27Wa'nit jä jotkujk jaye wya'an: Tune maayen, tee Abraham, jäts xkäxet yëë Lázaro ëts ntee tyëjk wintëm, 28jäm ëts nimujooxk jä n'utsta, jäts twaanetat, jäts ka' mintat yaja juma mëjk jä tsaatsypaaten nyajknax. 29Wa'nit jä Abraham wya'an, jäm jääta tmëëteta jä juu Moisés jyaay jäts juu jyaayte jä Kunu'kxtee kyukexepa: we'en jä tmëjpëmta jä kyets y'ayuuk. 30Wa'nit jä jotkujk jaye y'atsew: tee Abraham, ka'jäyap ijtep; jä oy ku tu'k jä ookpa jyuukpëjket jäts jäm yajknijäyetat, jyaantsy'jawetap jääta jä kyets y'ayuuk. 31Wa'nit jä Abraham nyë'ëmxe: Pën ka' jä tmëjpëmta jä Moisés kyets y'ayuuk jäts jä juu jyaayte jä Kunu'kxtee kyukexepa, nika' jä tmëjpëmtat jyatum juujkpïjk tu'k jä ookpa.
S'ha seleccionat:
Lucas 16: LKMIXHUI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Lucas 16
16
Ku jä'ä tumu'ixa jä ka'oy meen ix'ijtpa
1Wa'nit jä Jesús jä ixpëjkpata jä'ä kyets ayuuk tumumatyejk: Jäm y'ijt tu'k jä kumeen jaye tmëëta tu'k jä tyuumpa juu jä myeen tyuuk'ix'ijtp; jäts ojts yajkwaanya ku jä meen ix'ijtpa ka' oy t'ix'ijt jä meen. 2Wa'nit jä wintsën wyatsoowe jäts tnïmye: ¿Ti yë we'e juu ëts n'amotenaxp mits këx? Nikotse nijum winju'un ëts jä nmeen jäp, ka' y'ujk'ooyene mits myajktunet ëts mëët. 3Wa'nit jä meen ix'ijtpa ojts tpayo'oy: ¿Ti ëts tuunep ku yëë wintsën jä tyuunk texpëjkene? Ka' ëts majw n'ok mëëtene jäts kam tuunet, jäts mëjk ëts ntsotyun ku jä jaye nmeen namotetat. 4Të nijawa tii ëts ntunep, jäts pën ëts xkupekep jäm tyëjk jootm ku ëts jä ntuunk nyajkpëjkenet. 5Wa'nit t'watsëw tu'k jä tu'k jä jayeta juu jä wintsën tmuyojetep. Jäts mutu'k tyajktïwe: ¿Winju'un ëts jä nwintsën xmuyoja? 6Wa'nit jä'ä y'atsoowe: Mokepx tu'uts jä on ëts tumuyoja. Wa'nit jä meen ix'ijtpa nyë'ëmxe; xyaja jä mnëjk, tsëjna jäts xyajk'oyat jätu'k juu kotsep wïxkepxmajk jä'ye juu mtumuyoyep. 7Wa'nit tyajktiwe jätu'k: Jäts mits, ¿Winju'un xmuyoja? Jäts y'atsoowe: Mokepx kuntsy jä tsujxmook nyojä. Jäts tnïmye: Xyaja jä mnëjk; jäts xyajk'oyat jätu'k juu kotsep maktepx jä'ye juu myoyep. 8Wa'nit jä wintsën ojts tjantsyjawa tsoj tam jyatka jä juu myeen tyuuk'ix'ijt këëm ojts tpayoy tsoj jä winmaayen nyë'ëmxe. Jäts tpayoy tsoj jä myeen tyajkmayat, jä jaye juu yaja naaxwin jyajtep tsoj jä myujuuk twintayetat jäts juu Kunu'kxtee tnijawetep ka' jä we'en jyäyweta.
9We'en miits nëmeta jäts jä mjotkujkenta juu yaja naaxwiin mëëta jäts xyajktuntat jä mujuuktëjkta xputëjketat juu oy mëët mniajawetat, ku wye'ena jä mjotkujken kyëjxta, jäm wye'ena pën miits mkupëjketap juma jä juukyen juu xëma këxm ijtep.
10Jäts pen juu oy t'ix'ijtp jyatumyïïnema jä'ä, jäts nawye'en jä'ä ntunet juu niyujk'am; jäts juu oy katuump jyatumyïïnema jä'ä, nawye'en jä ntunet juu niyujk'am. 11Pën ka' miits xyäta, jä jotkuken xyajktuntat oy juu yaja naaxwiin, ¿Pën miits mkuy'ixetap jäts oy xyajktuntat jä jotkuken juu tni'oyep? 12Pën ka' miits tsu'u t'ix'ijta jä juu jaye jyëyëp, ¿Pën mits mojetap juu miits mtuketaketep?
13Ni pën tuumpa ka' y'oya jäts mäjtsk jä wintsën tmëëtat; tu'k jä tmu'äket jäts jätu'k tsoket, tu'k jä tketspëjket jäts jätu'k twintsowet. Ka' y'oya tmutunet jä Kunu'kxtee jäts nawye'en jä jyotkujken.
14Jä fariseos jayeta, jä'ä meen y'ijt tsyojknaxtep, ku t'amotenaxte tsoj jä Jesús wya'an jäts ojts tuxiijkta. 15Wa'nit jä Jesús nyë'ëmxete: Miista wa'ajts oy mnayjaweta jä jaye winkujkta, jä Kunu'kxtee wa'ajts jä tnijawa tsoj miits jä mjaawenta; jä jayeta juu nayjaawetep mëj'këxm ku kyumeeneta, ka' jä Kunu'kxtee t'oy'ix.
Jä Moisés pyawanen jäts jä Kunu'kxtee kyutujken
16Jä Moisés pyawanen jäts juu jyayte jä Kunu'kxtee kyukexepa konem jye'y jä Juan yajknëpätpa. Wa'nit t'awanujkwante jä nam kets nam ayuuk tsoj ixwa jä Kunu'kxtee kyutujken, jäts nijum jä jayeta mëjk jä winmayen tpëmta jäts tutëjketat jä kyejts ayuuk.
17Wa'ats ja'tna jä tsap jäts jä ijt jä naax wintokewet, jäwe'e tsu'ux tsoj kyotyunkexet jä kyets ayuuk tsoj jäp jä'ä pyawanen wya'an.
Jä Jesús yajk'ixpïjk tsoj jä ya'atyëjk ku jä'ä te'extëjk tmatsojkne
(Mateo 19.1-12; Marcos 10.1-12)
18Ku jä ya'atyëjk jä tye'extëjk tmatsë'ëjk jäts wiink te'extëjk tpejkome, jawe'e to'ken; jäts pën tpejknep jä te'extëjk juu tyajkmatsojkne, nawye'en jawe'e to'ken.
Tsoj tumu'ixa jä'ä jotkujk jaye mëët jä'ä ayowa Lázaro
19Jäm y'ijt tu'k jä ya'atyëjk wa'ajts jotkujk, jä wit juu myëët wa'ajts oy wa'ajts tsuj jäts winxëë xyëëtun jäts kyayta y'uukta. 20Jäm y'ijt tu'k jä ayow jaye juu txëë Lázaro, nijum nijkx kyopk jä pu'uts tmëëta jäts jäm ijt tsyïïna naaxkix jä jotkujk jaye tyëjk'aake. 21Jä ayoowa jaye tja'aaxy jä kaaky apu'uxk juu tyukuxep juu kistëjkep jäm juma jä jotkujk jaye kyaayta; jäts jä ujkta nimejtse jäts yajkwääy jä pyu'uts. 22Jäts ojts y'ookne jä ayoow jaye, wa'nit jä ángeles yajknëjkxe juma jäm tsyëënat kyaayet jä Abraham pya'ay. Jäts nawye'en ojts y'ookne jä jotkujk jaye, jäts tyajknaaxtëjkete. 23Jäts jäm wye'ena mëjk jä jotkujk jaye tsaatsyipaaty jäm juma jä ookpata nyëjkxta, jäts ojts y'ijxek wa'nit t'ixpaaty jäm jekem jä Abraham, jäts jä Lázaro jäm pyatsïïna. 24Wa'nit jä mëjk tmukets: Tëë Abraham, tune maayen tumo'tk ëts. Käxe tu'k yëë Lázaro jäts tyajkxeeke jä kyëë'unek në'ëmëët jäts ëts jä ntoots tyajkxeeme, mëjk ëts xyam tsaatsyipaaty jam jëën jootm. 25Wa'nit jä Abraham y'atsoowe: Unejk, jamyetse jäts oy mits jä mjuukyen xyajknax jäm naaxwiim, jäts yëë Lázaro yajk'ayoow jäm jä'ä juukyen tyajknaxy. Jäts xyam yëë jä maayen tpaaty yaja, jäts mits jä tsaatsypaaten. 26Jäts yaja, mëj jä ijt oy awa'ajts juma nipëna kya'oya nyaxet ni'miitsa ni'ëëtsa; jäts ka' y'oya ëëts naaxet jämtso, nika' y'oya, miits mnaaxtat yaatsoj.
27Wa'nit jä jotkujk jaye wya'an: Tune maayen, tee Abraham, jäts xkäxet yëë Lázaro ëts ntee tyëjk wintëm, 28jäm ëts nimujooxk jä n'utsta, jäts twaanetat, jäts ka' mintat yaja juma mëjk jä tsaatsypaaten nyajknax. 29Wa'nit jä Abraham wya'an, jäm jääta tmëëteta jä juu Moisés jyaay jäts juu jyaayte jä Kunu'kxtee kyukexepa: we'en jä tmëjpëmta jä kyets y'ayuuk. 30Wa'nit jä jotkujk jaye y'atsew: tee Abraham, ka'jäyap ijtep; jä oy ku tu'k jä ookpa jyuukpëjket jäts jäm yajknijäyetat, jyaantsy'jawetap jääta jä kyets y'ayuuk. 31Wa'nit jä Abraham nyë'ëmxe: Pën ka' jä tmëjpëmta jä Moisés kyets y'ayuuk jäts jä juu jyaayte jä Kunu'kxtee kyukexepa, nika' jä tmëjpëmtat jyatum juujkpïjk tu'k jä ookpa.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió