Genesis 8
8
1Ja Dyosi, stalna sya'ujlal ja Noe sok spetsanil ja alak'il chante jumasa ja chante sb'a k'ul tey sok b'a barco. Ja'yuj sjeka jun tsatsal ik' b'a lu'um b'a oj ya ts'ujuk ja ja'i; 2Ja ja' it ti wa'n elel b'a lu'umi, ch'ak smak sb'aj ja b'a eli', cho jach'ni b'a satk'inali, mixa ya'a ja'. 3Jaxa ja' it tey b'a sat lu'umi, och ts'ujuk, tsa'an b'a yojol jun syen chab' tajb'e sok lajune k'ak'u (150) takji ja lu'umi, 4Jaxa barco ti ko' kulan b'a yaxk'ul Ararat. B'a yajtab' juk lajune ja ixaw Etanim,#8:4 ixaw Etanim: Ja sjukil ixaw b'a jab'il yuj ja judio jumasa. Jaxa b'a jtiempo jumasa ke'ntiki, b'a snalan ja ixaw b'a septiembre sok snalan ja yixawil octubre. 5jaxa ja'i, och ts'ujuk man k'ot ja ixaw Tebet#8:5 ixaw Tebet: Ja slajunil ixaw b'a jab'il yuj ja judio jumasa. Jaxa b'a jtiempo ke'ntiki, b'a snalan ja ixaw diciembre sok snalan ja yixawil enero. b'a june yajtab' ja ixaw jawi, wanxax b'ob' ilxuk ja wits jumasa.
6Tsa'an, ek' chab' tajb'e (40) k'ak'u, ja Noeji, sjama ja sbentana'il ja barco, 7sijpa jun joj chan, jaxa joj jawi, ti wa'n ek' jujpel yuj ja mi' sta'a b'a oj jijluki. 8Tsa'an cho sijpa jun yal pumus yal chan ja Noe b'a oj yil ta wa'n ts'ujel ja ja'i. 9Jaxa yal pumus jawi, cho kumxi och b'a barco, mi sta'a b'a oj jijluk yuj ja b'ut'elto ya'lel ja lu'umi. Ja'yuj ja Noeji, syama ja yal chan jawi cho snolo yoj barco.
10Tsa'an ek' juke k'ak'u (7) ti cho sijpa jun majke smoj ja yal pumus ja Noeji. 11Yajni och ja k'ak'u, kumxi ja yal pumus jawi kenan och yuj jun yal spo'wil olivo. Jach' sna'a ja Noe mixa ay ja' b'a lu'umi. 12Jachuk, cho smajla juke k'ak'u (7) ti cho sijpa ja yal pumus ja k'ak'u jawi, mixa kumxi.
El ja Noe ja b'a barco
13Ja jab'il takji kan ja lu'umi, ay yi'oj wake syen sok jun jab'il (601) ja Noeji, ja k'ak'u jawi june yajtab' ja ixaw Abib.#8:13 ixaw Abib: Ja sb'ajtanil ixaw b'a jab'il yuj ja judio jumasa. Jaxa b'a ke'ntiki, snalan ja marso sok snalan ja abrili. Jaxa Noeji, yajni yila ja jastal iti, ti'xa ya' eluk ja smakb'al ja barco. 14Ek' chab' ixaw ja lu'umi, takinxa lek. 15Ja'yuj ja Dyosi, ti yal yab' ja Noeji:
16—Elanxa b'a barco sok wa wuntikil jumasa, wa che'um sok wa walib' jumasa. 17A el spetsanil ja chante jumasa, yal chan b'a wax jujpi, ja b'its'il chan jumasa it tey a moki, b'a jach' oj pojxuke lek sok jach' oj sb'ut' e ja lu'umi.
18Jachuk, ti'xa elye ja Noe b'a barco sok ja yuntikili, ja sche'um sok ja yalib' jumasa. 19Jach'ni ya' el spetsanil ja chante jumasa, yal chan b'a wax jujpi, b'its'il chan jumasa.
20Tsa'an ja Noeji, stojb'es jun altar b'a oj stoy ja sb'i'il ja Dyosi, stsa'a ja yal chante jumasa b'a wax jujpi b'a lek wax yi'aj ja Dyos oj smajtanuki, sts'ikayi b'a sat altar. 21Yajni yab' ja Dyos jastal jex ajb'ani ja yik'ili, ti yala'a:
—Spetsanil ja kristyano'i a'nima man sch'inil kechan ja wajel sk'ujole ja jas mi lekuki, yuj ja jachuki, mi ja' ti' oj k'u'l b'a mi sb'ejuk b'a oj ch'ak ja swinkil ja lu'um ja jastal jch'aka ja majke iti.
22—Ja janek' ti'to ay ja lu'umi,
oj ts'unxuk sok oj tulxuk sb'a'al;
oj k'ixnajuk ja k'ak'u oj ajyuk che'e,
oj ajyuk k'ak'u jumasa oj ya' ja',
oj cho ajyuk k'ak'u jumasa mi oj ya' ja',
oj och ja k'ak'u oj sakb'uk k'inal, xchi ja Dyosi.
S'ha seleccionat:
Genesis 8: YABD
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021
Genesis 8
8
1Ja Dyosi, stalna sya'ujlal ja Noe sok spetsanil ja alak'il chante jumasa ja chante sb'a k'ul tey sok b'a barco. Ja'yuj sjeka jun tsatsal ik' b'a lu'um b'a oj ya ts'ujuk ja ja'i; 2Ja ja' it ti wa'n elel b'a lu'umi, ch'ak smak sb'aj ja b'a eli', cho jach'ni b'a satk'inali, mixa ya'a ja'. 3Jaxa ja' it tey b'a sat lu'umi, och ts'ujuk, tsa'an b'a yojol jun syen chab' tajb'e sok lajune k'ak'u (150) takji ja lu'umi, 4Jaxa barco ti ko' kulan b'a yaxk'ul Ararat. B'a yajtab' juk lajune ja ixaw Etanim,#8:4 ixaw Etanim: Ja sjukil ixaw b'a jab'il yuj ja judio jumasa. Jaxa b'a jtiempo jumasa ke'ntiki, b'a snalan ja ixaw b'a septiembre sok snalan ja yixawil octubre. 5jaxa ja'i, och ts'ujuk man k'ot ja ixaw Tebet#8:5 ixaw Tebet: Ja slajunil ixaw b'a jab'il yuj ja judio jumasa. Jaxa b'a jtiempo ke'ntiki, b'a snalan ja ixaw diciembre sok snalan ja yixawil enero. b'a june yajtab' ja ixaw jawi, wanxax b'ob' ilxuk ja wits jumasa.
6Tsa'an, ek' chab' tajb'e (40) k'ak'u, ja Noeji, sjama ja sbentana'il ja barco, 7sijpa jun joj chan, jaxa joj jawi, ti wa'n ek' jujpel yuj ja mi' sta'a b'a oj jijluki. 8Tsa'an cho sijpa jun yal pumus yal chan ja Noe b'a oj yil ta wa'n ts'ujel ja ja'i. 9Jaxa yal pumus jawi, cho kumxi och b'a barco, mi sta'a b'a oj jijluk yuj ja b'ut'elto ya'lel ja lu'umi. Ja'yuj ja Noeji, syama ja yal chan jawi cho snolo yoj barco.
10Tsa'an ek' juke k'ak'u (7) ti cho sijpa jun majke smoj ja yal pumus ja Noeji. 11Yajni och ja k'ak'u, kumxi ja yal pumus jawi kenan och yuj jun yal spo'wil olivo. Jach' sna'a ja Noe mixa ay ja' b'a lu'umi. 12Jachuk, cho smajla juke k'ak'u (7) ti cho sijpa ja yal pumus ja k'ak'u jawi, mixa kumxi.
El ja Noe ja b'a barco
13Ja jab'il takji kan ja lu'umi, ay yi'oj wake syen sok jun jab'il (601) ja Noeji, ja k'ak'u jawi june yajtab' ja ixaw Abib.#8:13 ixaw Abib: Ja sb'ajtanil ixaw b'a jab'il yuj ja judio jumasa. Jaxa b'a ke'ntiki, snalan ja marso sok snalan ja abrili. Jaxa Noeji, yajni yila ja jastal iti, ti'xa ya' eluk ja smakb'al ja barco. 14Ek' chab' ixaw ja lu'umi, takinxa lek. 15Ja'yuj ja Dyosi, ti yal yab' ja Noeji:
16—Elanxa b'a barco sok wa wuntikil jumasa, wa che'um sok wa walib' jumasa. 17A el spetsanil ja chante jumasa, yal chan b'a wax jujpi, ja b'its'il chan jumasa it tey a moki, b'a jach' oj pojxuke lek sok jach' oj sb'ut' e ja lu'umi.
18Jachuk, ti'xa elye ja Noe b'a barco sok ja yuntikili, ja sche'um sok ja yalib' jumasa. 19Jach'ni ya' el spetsanil ja chante jumasa, yal chan b'a wax jujpi, b'its'il chan jumasa.
20Tsa'an ja Noeji, stojb'es jun altar b'a oj stoy ja sb'i'il ja Dyosi, stsa'a ja yal chante jumasa b'a wax jujpi b'a lek wax yi'aj ja Dyos oj smajtanuki, sts'ikayi b'a sat altar. 21Yajni yab' ja Dyos jastal jex ajb'ani ja yik'ili, ti yala'a:
—Spetsanil ja kristyano'i a'nima man sch'inil kechan ja wajel sk'ujole ja jas mi lekuki, yuj ja jachuki, mi ja' ti' oj k'u'l b'a mi sb'ejuk b'a oj ch'ak ja swinkil ja lu'um ja jastal jch'aka ja majke iti.
22—Ja janek' ti'to ay ja lu'umi,
oj ts'unxuk sok oj tulxuk sb'a'al;
oj k'ixnajuk ja k'ak'u oj ajyuk che'e,
oj ajyuk k'ak'u jumasa oj ya' ja',
oj cho ajyuk k'ak'u jumasa mi oj ya' ja',
oj och ja k'ak'u oj sakb'uk k'inal, xchi ja Dyosi.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Sociedad Bíblica de México 2021