Luka 24
24
A Yeezu lɛb'a yi a kũu pʋɔ
(Mat 28:1-10, Mark 16:1-8, Zã 20:1-10)
1A kɔsɩɛra bibir biɓaar-pipi, a pɔwbɛ tɩ ìr'a cen a yaa pɛr nɩ a parfɛ̃ nɩ a kãa-nyuure bɛ na tɩ cɔbrɩ a. 2Bɛ tɩ nyɛ̃ nɩ a kʋsɩɛr ʋ bili yi zaa a bɔw nʋɔrɩ́. 3Bɛ tɩ kpɛ na, ɛcɛ bɛ bɛ tɩ nyɛ̃ a Sore Yeezu ƴã-gan ɛ. 4Bɛ na bɛ tɩ bãw ŋmɩŋmɩn za n'a bɛ na tɩɛrɛ a, dɛbr ayi wa tɩ sãá na àr a bɛ zie, su kparɩ na nyɩwrɛ a. 5Dɛ̃bɩ̃ɛ tɩ nyɔw nɩ a pɔwbɛ bɛ su zuru. A dɛbr tɩ yel bɛ na: «Bʋ̃ʋ n'ʋ so nyɩ bɔbr nɩ-vʋʋra a kũuni pʋɔ? 6Ʋ bɛ be ka ɩ, ʋ lɛb'a yi a kũu pʋɔ. Nyɩ lɛb tɩɛrɩ a lɛ ʋ na yel kʋ̀ nyɩ a lɛn daar ʋ na tɩ cãà be a Galile a: 7“A fɛr'a kɛ́ bɛ mɩl a Nɩsaal Bie nyɔw ƴãw a yel-bebe dem nuru pʋɔ, ɛ̀ bɛ kpa ʋ da-gara zu, ʋʋ lɛb yi a kũu pʋɔ a bibie ata sob daar.”»
8Lɛ n'a a pɔwbɛ tɩ lɛb tɩɛrɩ bãwnɩ a Yeezu ƴɛ̀r-bie. 9Bɛ na tɩ yi a yaa pɛr lɛb wa a, bɛ manɩ nɩ a za kʋ̀ a Pie-nɩ-been nɩ a ʋ po-tuurbɛ bɛl za na tɩ cɛ a. 10Madala tẽw Marya, Zan nɩ Zakɩ mã Marya tɩ nɛbɛ. A pɔwbɛ bɛl mɩ̀ na tɩ bɩɛlɛ bɛ a, mɩ̀ tɩ manɛ nɩ a ʋlɩ bʋ̃-been nɛ kʋ̀rɛ a Yeezu nɩ-toni. 11A tɩ sãá nɩ ƴɛ̀rʋ na bɛ tɛr pɛr a, a bɛ zie, ɛ̀ bɛ bɛ sàw de a pɔwbɛ ƴɛ̀rʋ ɛ. 12Ɛcɛ a Pɩɛr tɩ ìr'a zɔ cen a yaa pɛr, tɩ muuli nyɛ̃ a pɛnɛ tɛwr. Ʋ tɩ lɛb'a kul, ɛ́ nɔ-ɓãa nyɔw ʋ yaga a yel ŋa na tɩ ɩ a ƴãw.
A Emayisɩ tẽw sɔ́r zu yele
(Mark 16:12-13)
13A ʋlɩ bibir nɛ tɔr za, a Yeezu po-tuurbɛ ayi kãw tɩ cere nɩ tẽle kãw pʋɔ bɛ na bʋɔlɛ Emayisɩ a, na tɩ zãá nɩ a Zerizalɛm mɛ̃ kilo#24:13 Kilo: A kilomɛtɩr'ʋ bɛ pʋ̃ɔ bʋɔlɛ a kilo a ka. A kilomɛtɩr been ɩ n mɛtɩr túr. Wogo bʋ̃-mána n'ʋ. pie nɩ ayi a. 14A yele al za na tɩ ɩ a, alɛ n'a bɛ tɩ manɛ cere nɩ. 15Zɩ̃ kɛ́ bɛ na tɩ ƴɛ̀rɛ ŋmɩɛr'ɩ nɔkpɛn a, a Yeezu mɩŋa tɩ wa na wa páw bɛ, bɛ za lãw cere. 16Bɛ tɩ nyɛ̃ ʋ na, ɛ́ bʋ̃-kãw ɩ bɛ bɛ bãw kɛ́ ʋlɛ n'ʋ ɛ. 17A Yeezu tɩ sowri bɛ na: «Bʋ̃ʋ ƴɛ̀rʋ n'a nyɩ ƴɛ̀rɛ cere nɩ?» Bɛ tɩ tɛw na àr, ɛ́ sãw niŋe. 18A bɛ kãw, a yúor na dɩ kɛ́ Kilopasɩ a, tɩ sɔw na yel: «Fʋ̃ʋ yõ n'ʋ ɩ sãan a Zerizalɛm, bɛ bãw a yele na ɩ a bibie á ŋá pʋɔ a ɩ?» 19Ʋ lɛb sowri bɛ: «Bʋ̃ʋ yele?» Ɛ̀ bɛ yel ʋ: «A Nazarɛtɩ tẽw Yeezu yele: a dɛb ŋa na tɩ ɩ naaŋmɩn-ƴɛ̀r-manɛ, tɛr fãw a ʋ ɩ-ɩrɩ nɩ a ʋ ƴɛ̀rʋ pʋɔ, a Naaŋmɩn nɩ a nɩbɛ niŋé a. 20A tɩ bàwr-maal-nɩ-bɛrɛ nɩ a tɩ nɩ-kore nyɔw ʋ na tɩr bɛ kʋ, bɛ kpa ʋ da-gara zu. 21Tɩɩm tɩ tɩɛrɛ na kɛ́ ʋlɛ n'ʋ nãá wa faa a Ɩsɩrayɛl nɩbɛ. Ɛcɛ bibie ata n'ɩ dɩ̃a a yele á ŋá na ɩ a. 22Yel-mɩŋa n'a, pɔwbɛ bɛ mɩnɛ kãw na yi a tɩ pʋɔ a vʋ̃ɔ tɩ nɩ pʋ̀lá yaga za: bɛ cen nɩ a yaa pɛr zi-lige, 23bɛ tɩ nyɛ̃ a ʋ ƴã-gan ɛ. Ɛ́ lɛb wa yel kʋ̀ tɩ kɛ́ bɛ nyɛ̃ nɩ malkɩ mɩnɛ bɛ yel bɛ kɛ́ a Yeezu vʋʋrɛ na. 24A tɩ taabɛ bɛ mɩnɛ cen nɩ a yaa pɛr, tɩ nyɛ̃ a yele a tu mɛ̃ a lɛ a pɔwbɛ na manɩ a, ɛcɛ a Yeezu ʋl a, bɛ bɛ nyɛ̃ ʋ ɛ». 25Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a? 26A bɛ tɩ fɛr kɛ́ a Kɩrɩta wõ tuo ɛ́ bãw nyɛ̃ a yúor-vɩɛlʋ-danʋ bɩɩ?» 27Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.
28Bɛ na tɩ tarɛ a tẽle ʋl bɛ na cere a, a Yeezu tɩ bãw na kɛ́ ɩ mɛ̃ ʋ cãà na tɔlɛ nidaa a. 29Ɛcɛ bɛ bɛ tɩ sàwr ɛ, ɛ́ yere: «Ɩ tɩ za lãw tɛw a ka, a zaanʋɔra ta na, ɛ́ a zie kʋ̃ yaa kɛ́ sɔb ɛ!» A Yeezu tɩ tɛw nɩ a be kpɛ a bɛ zie. 30Bɛ na tɩ lãw zɩ̃ a dɩb ƴãw a, ʋ de nɩ a dipɛ̃, puori a Naaŋmɩn yãanɩ ɛ́ ŋma põ kʋ̀ bɛ. 31Lɛ n'a a bɛ mimie tɩ yuo ɛ̀ bɛ bãw kɛ́ ʋlɛ n'ʋ. Ɛcɛ ʋ tɩ bɔr'ɩ a bɛ niŋé be. 32Bɛ tɩ yere na kʋ̀rɛ taa: «A tɩ tɩɛrʋ bɛ tɩ damnɛ tɩ a sɔ́r zu, a lɛ ʋ na tɩ ƴɛ̀rɛ nɩ tɩ, ɛ́ íre a Sɛb-Son ƴɛ̀r-bie pɛ́ɛ kʋ̀rɛ tɩ a ɩ?»
33Bɛ tɩ ìr'ɩ daadaalɛ lɛb cen a Zerizalɛm. Bɛ tɩ nyɛ̃ nɩ a Yeezu nɩ-toni pie nɩ been nɩ a bɛ taabɛ bɛ ɓã taa. 34Bɛ tɩ yel bɛ na: «Sɩza n'a, a Sore lɛb'a yi, Sɩmʋ̃ nyɛ̃ ʋ na!» 35A bɛl mɩ̀ tɩ manɩ nɩ a yele al na ɩ a sɔ́r zu a, nɩ a bɛ mɩ̀ na tɩ bãw kɛ́ a Yeezu n'ʋ, a lɛn daar ʋ na tɩ ŋmarɛ a dipɛ̃ a.
A Yeezu po-tuurbɛ nyɛ̃ ʋ na ʋ na lɛb yi a kũu pʋɔ a
(Mat 28:16-20, Mark 16:14-18, Zã 20:19-23, Nɩ-t 1:6-8)
36Bɛ tɩ cãà na ƴɛ̀rɛ, wa bere a Yeezu tɔr za àr a bɛ sɔgɔ, ɛ́ yel bɛ: «A ƴã-ɓaarʋ, ʋ be a nyɩ zie!» 37Pʋl-vʋ̃ɔ nɩ dɛ̃bɩ̃ɛ za tɩ nyɔw bɛ na: bɛ tɩ manɛ kɛ́ nyãakpɩ̃ɩn n'ʋ bɛ nyɛ̃. 38Ɛcɛ a Yeezu tɩ yel bɛ na: «Bʋ̃ʋ n'ʋ so a dɛ̃bɩ̃ɛ, ɛ́ bʋ̃ʋ so a bʋnʋ nyɩ na bʋ́nɛ a? 39Nyɩ nyɛ̃ a ɩ̃ nuru nɩ a ɩ̃ gbɛ́ɛ, mãa tɔr za n'ʋ! Nyɩ tɔ m kaa, nyãakpɩ̃ɩn bɛ tɛr ƴã-gan nɩ kɔbɛ mɛ̃ nyɩ na nyɛ̃ ɩ̃ tɛr a ɩ.» 40Ʋ tɩ yel'ɩ a lɛ, ɛ́ wul bɛ a ʋ nuru nɩ a ʋ gbɛ́ɛ. 41A nʋ̃ɔ̀ na bɛ tɩ sàw bɛ na sàw kɛ́ sɩza n'a a, ɛ́ a nɔ-ɓãa nyɔw bɛ tɩ zuo a, a Yeezu tɩ sowri bɛ na: «Nyɩ tɛr'ɩ bʋ̃-dɩra a ka a?» 42Bɛ tɩ kʋ̀ ʋ nɩ zʋm-sɩ̃ɛna ŋmãa, 43ʋ de 'wɔb a bɛ niŋé. 44Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.» 45Lɛ n'a ʋ pãa tɩ yuo a bɛ yã a Sɛb-sõw bãwfʋ ƴãw, 46ɛ́ yel bɛ: «À ŋá n'a bɛ tɩ sɛb: “A Naaŋmɩn Nɩ-kabra na wõ n tuo, ɛ́ lɛb yi a kũuni pʋɔ a bibie ata sob, 47ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.” 48Nyɩmɛ nɛbɛ ɩ a yele á ŋá dãsɩɛ dem. 49Ɛ́ a mãa a, a ʋlɩ bom nɛ a ɩ̃ Sãà na ƴãw nʋɔr k'ʋʋ na tɩr'a a, ɩ̃ na ɩ na ʋ wa a nyɩ zu. Nyɩɩm ƴãw a, nyɩ be a Zerizalɛm tẽw pʋɔ ɛ́ gù nyɩ wa tɩ páw a fãw na yi a saa-zu a.»
A Yeezu na lɛb do a tẽ-vla a
(Mark 16:19-20, Nɩ-t 1:9-11)
50Al pùorí, a Yeezu tɩ tɛr bɛ na tɩ ta n Betani lowr, zɛw a nuru maal'ɩ bɛ. 51Ʋ tɩ kʋ̀rɛ bɛ nɩ a maalʋ wa bʋ́r yi a bɛ pʋɔ cen a tẽ-vla. 52Bɛ tɩ lo na gbĩ dume a ʋ niŋé, al pùorí bɛ lɛb cen a Zerizalɛm, ɛ́ nʋ̃ɔ̀ tɩ kpɩɛr bɛ yaga. 53Bɛ mɩ́ tɩ be n a Ŋmɩn-yir-kpɛ̃ɛ pʋɔ kʋralɛ, danɛ a Naaŋmɩn.
S'ha seleccionat:
Luka 24: DBDC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Dagara © Alliance Biblique du Burkina Faso, 2013.
Luka 24
24
A Yeezu lɛb'a yi a kũu pʋɔ
(Mat 28:1-10, Mark 16:1-8, Zã 20:1-10)
1A kɔsɩɛra bibir biɓaar-pipi, a pɔwbɛ tɩ ìr'a cen a yaa pɛr nɩ a parfɛ̃ nɩ a kãa-nyuure bɛ na tɩ cɔbrɩ a. 2Bɛ tɩ nyɛ̃ nɩ a kʋsɩɛr ʋ bili yi zaa a bɔw nʋɔrɩ́. 3Bɛ tɩ kpɛ na, ɛcɛ bɛ bɛ tɩ nyɛ̃ a Sore Yeezu ƴã-gan ɛ. 4Bɛ na bɛ tɩ bãw ŋmɩŋmɩn za n'a bɛ na tɩɛrɛ a, dɛbr ayi wa tɩ sãá na àr a bɛ zie, su kparɩ na nyɩwrɛ a. 5Dɛ̃bɩ̃ɛ tɩ nyɔw nɩ a pɔwbɛ bɛ su zuru. A dɛbr tɩ yel bɛ na: «Bʋ̃ʋ n'ʋ so nyɩ bɔbr nɩ-vʋʋra a kũuni pʋɔ? 6Ʋ bɛ be ka ɩ, ʋ lɛb'a yi a kũu pʋɔ. Nyɩ lɛb tɩɛrɩ a lɛ ʋ na yel kʋ̀ nyɩ a lɛn daar ʋ na tɩ cãà be a Galile a: 7“A fɛr'a kɛ́ bɛ mɩl a Nɩsaal Bie nyɔw ƴãw a yel-bebe dem nuru pʋɔ, ɛ̀ bɛ kpa ʋ da-gara zu, ʋʋ lɛb yi a kũu pʋɔ a bibie ata sob daar.”»
8Lɛ n'a a pɔwbɛ tɩ lɛb tɩɛrɩ bãwnɩ a Yeezu ƴɛ̀r-bie. 9Bɛ na tɩ yi a yaa pɛr lɛb wa a, bɛ manɩ nɩ a za kʋ̀ a Pie-nɩ-been nɩ a ʋ po-tuurbɛ bɛl za na tɩ cɛ a. 10Madala tẽw Marya, Zan nɩ Zakɩ mã Marya tɩ nɛbɛ. A pɔwbɛ bɛl mɩ̀ na tɩ bɩɛlɛ bɛ a, mɩ̀ tɩ manɛ nɩ a ʋlɩ bʋ̃-been nɛ kʋ̀rɛ a Yeezu nɩ-toni. 11A tɩ sãá nɩ ƴɛ̀rʋ na bɛ tɛr pɛr a, a bɛ zie, ɛ̀ bɛ bɛ sàw de a pɔwbɛ ƴɛ̀rʋ ɛ. 12Ɛcɛ a Pɩɛr tɩ ìr'a zɔ cen a yaa pɛr, tɩ muuli nyɛ̃ a pɛnɛ tɛwr. Ʋ tɩ lɛb'a kul, ɛ́ nɔ-ɓãa nyɔw ʋ yaga a yel ŋa na tɩ ɩ a ƴãw.
A Emayisɩ tẽw sɔ́r zu yele
(Mark 16:12-13)
13A ʋlɩ bibir nɛ tɔr za, a Yeezu po-tuurbɛ ayi kãw tɩ cere nɩ tẽle kãw pʋɔ bɛ na bʋɔlɛ Emayisɩ a, na tɩ zãá nɩ a Zerizalɛm mɛ̃ kilo#24:13 Kilo: A kilomɛtɩr'ʋ bɛ pʋ̃ɔ bʋɔlɛ a kilo a ka. A kilomɛtɩr been ɩ n mɛtɩr túr. Wogo bʋ̃-mána n'ʋ. pie nɩ ayi a. 14A yele al za na tɩ ɩ a, alɛ n'a bɛ tɩ manɛ cere nɩ. 15Zɩ̃ kɛ́ bɛ na tɩ ƴɛ̀rɛ ŋmɩɛr'ɩ nɔkpɛn a, a Yeezu mɩŋa tɩ wa na wa páw bɛ, bɛ za lãw cere. 16Bɛ tɩ nyɛ̃ ʋ na, ɛ́ bʋ̃-kãw ɩ bɛ bɛ bãw kɛ́ ʋlɛ n'ʋ ɛ. 17A Yeezu tɩ sowri bɛ na: «Bʋ̃ʋ ƴɛ̀rʋ n'a nyɩ ƴɛ̀rɛ cere nɩ?» Bɛ tɩ tɛw na àr, ɛ́ sãw niŋe. 18A bɛ kãw, a yúor na dɩ kɛ́ Kilopasɩ a, tɩ sɔw na yel: «Fʋ̃ʋ yõ n'ʋ ɩ sãan a Zerizalɛm, bɛ bãw a yele na ɩ a bibie á ŋá pʋɔ a ɩ?» 19Ʋ lɛb sowri bɛ: «Bʋ̃ʋ yele?» Ɛ̀ bɛ yel ʋ: «A Nazarɛtɩ tẽw Yeezu yele: a dɛb ŋa na tɩ ɩ naaŋmɩn-ƴɛ̀r-manɛ, tɛr fãw a ʋ ɩ-ɩrɩ nɩ a ʋ ƴɛ̀rʋ pʋɔ, a Naaŋmɩn nɩ a nɩbɛ niŋé a. 20A tɩ bàwr-maal-nɩ-bɛrɛ nɩ a tɩ nɩ-kore nyɔw ʋ na tɩr bɛ kʋ, bɛ kpa ʋ da-gara zu. 21Tɩɩm tɩ tɩɛrɛ na kɛ́ ʋlɛ n'ʋ nãá wa faa a Ɩsɩrayɛl nɩbɛ. Ɛcɛ bibie ata n'ɩ dɩ̃a a yele á ŋá na ɩ a. 22Yel-mɩŋa n'a, pɔwbɛ bɛ mɩnɛ kãw na yi a tɩ pʋɔ a vʋ̃ɔ tɩ nɩ pʋ̀lá yaga za: bɛ cen nɩ a yaa pɛr zi-lige, 23bɛ tɩ nyɛ̃ a ʋ ƴã-gan ɛ. Ɛ́ lɛb wa yel kʋ̀ tɩ kɛ́ bɛ nyɛ̃ nɩ malkɩ mɩnɛ bɛ yel bɛ kɛ́ a Yeezu vʋʋrɛ na. 24A tɩ taabɛ bɛ mɩnɛ cen nɩ a yaa pɛr, tɩ nyɛ̃ a yele a tu mɛ̃ a lɛ a pɔwbɛ na manɩ a, ɛcɛ a Yeezu ʋl a, bɛ bɛ nyɛ̃ ʋ ɛ». 25Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a? 26A bɛ tɩ fɛr kɛ́ a Kɩrɩta wõ tuo ɛ́ bãw nyɛ̃ a yúor-vɩɛlʋ-danʋ bɩɩ?» 27Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.
28Bɛ na tɩ tarɛ a tẽle ʋl bɛ na cere a, a Yeezu tɩ bãw na kɛ́ ɩ mɛ̃ ʋ cãà na tɔlɛ nidaa a. 29Ɛcɛ bɛ bɛ tɩ sàwr ɛ, ɛ́ yere: «Ɩ tɩ za lãw tɛw a ka, a zaanʋɔra ta na, ɛ́ a zie kʋ̃ yaa kɛ́ sɔb ɛ!» A Yeezu tɩ tɛw nɩ a be kpɛ a bɛ zie. 30Bɛ na tɩ lãw zɩ̃ a dɩb ƴãw a, ʋ de nɩ a dipɛ̃, puori a Naaŋmɩn yãanɩ ɛ́ ŋma põ kʋ̀ bɛ. 31Lɛ n'a a bɛ mimie tɩ yuo ɛ̀ bɛ bãw kɛ́ ʋlɛ n'ʋ. Ɛcɛ ʋ tɩ bɔr'ɩ a bɛ niŋé be. 32Bɛ tɩ yere na kʋ̀rɛ taa: «A tɩ tɩɛrʋ bɛ tɩ damnɛ tɩ a sɔ́r zu, a lɛ ʋ na tɩ ƴɛ̀rɛ nɩ tɩ, ɛ́ íre a Sɛb-Son ƴɛ̀r-bie pɛ́ɛ kʋ̀rɛ tɩ a ɩ?»
33Bɛ tɩ ìr'ɩ daadaalɛ lɛb cen a Zerizalɛm. Bɛ tɩ nyɛ̃ nɩ a Yeezu nɩ-toni pie nɩ been nɩ a bɛ taabɛ bɛ ɓã taa. 34Bɛ tɩ yel bɛ na: «Sɩza n'a, a Sore lɛb'a yi, Sɩmʋ̃ nyɛ̃ ʋ na!» 35A bɛl mɩ̀ tɩ manɩ nɩ a yele al na ɩ a sɔ́r zu a, nɩ a bɛ mɩ̀ na tɩ bãw kɛ́ a Yeezu n'ʋ, a lɛn daar ʋ na tɩ ŋmarɛ a dipɛ̃ a.
A Yeezu po-tuurbɛ nyɛ̃ ʋ na ʋ na lɛb yi a kũu pʋɔ a
(Mat 28:16-20, Mark 16:14-18, Zã 20:19-23, Nɩ-t 1:6-8)
36Bɛ tɩ cãà na ƴɛ̀rɛ, wa bere a Yeezu tɔr za àr a bɛ sɔgɔ, ɛ́ yel bɛ: «A ƴã-ɓaarʋ, ʋ be a nyɩ zie!» 37Pʋl-vʋ̃ɔ nɩ dɛ̃bɩ̃ɛ za tɩ nyɔw bɛ na: bɛ tɩ manɛ kɛ́ nyãakpɩ̃ɩn n'ʋ bɛ nyɛ̃. 38Ɛcɛ a Yeezu tɩ yel bɛ na: «Bʋ̃ʋ n'ʋ so a dɛ̃bɩ̃ɛ, ɛ́ bʋ̃ʋ so a bʋnʋ nyɩ na bʋ́nɛ a? 39Nyɩ nyɛ̃ a ɩ̃ nuru nɩ a ɩ̃ gbɛ́ɛ, mãa tɔr za n'ʋ! Nyɩ tɔ m kaa, nyãakpɩ̃ɩn bɛ tɛr ƴã-gan nɩ kɔbɛ mɛ̃ nyɩ na nyɛ̃ ɩ̃ tɛr a ɩ.» 40Ʋ tɩ yel'ɩ a lɛ, ɛ́ wul bɛ a ʋ nuru nɩ a ʋ gbɛ́ɛ. 41A nʋ̃ɔ̀ na bɛ tɩ sàw bɛ na sàw kɛ́ sɩza n'a a, ɛ́ a nɔ-ɓãa nyɔw bɛ tɩ zuo a, a Yeezu tɩ sowri bɛ na: «Nyɩ tɛr'ɩ bʋ̃-dɩra a ka a?» 42Bɛ tɩ kʋ̀ ʋ nɩ zʋm-sɩ̃ɛna ŋmãa, 43ʋ de 'wɔb a bɛ niŋé. 44Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.» 45Lɛ n'a ʋ pãa tɩ yuo a bɛ yã a Sɛb-sõw bãwfʋ ƴãw, 46ɛ́ yel bɛ: «À ŋá n'a bɛ tɩ sɛb: “A Naaŋmɩn Nɩ-kabra na wõ n tuo, ɛ́ lɛb yi a kũuni pʋɔ a bibie ata sob, 47ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.” 48Nyɩmɛ nɛbɛ ɩ a yele á ŋá dãsɩɛ dem. 49Ɛ́ a mãa a, a ʋlɩ bom nɛ a ɩ̃ Sãà na ƴãw nʋɔr k'ʋʋ na tɩr'a a, ɩ̃ na ɩ na ʋ wa a nyɩ zu. Nyɩɩm ƴãw a, nyɩ be a Zerizalɛm tẽw pʋɔ ɛ́ gù nyɩ wa tɩ páw a fãw na yi a saa-zu a.»
A Yeezu na lɛb do a tẽ-vla a
(Mark 16:19-20, Nɩ-t 1:9-11)
50Al pùorí, a Yeezu tɩ tɛr bɛ na tɩ ta n Betani lowr, zɛw a nuru maal'ɩ bɛ. 51Ʋ tɩ kʋ̀rɛ bɛ nɩ a maalʋ wa bʋ́r yi a bɛ pʋɔ cen a tẽ-vla. 52Bɛ tɩ lo na gbĩ dume a ʋ niŋé, al pùorí bɛ lɛb cen a Zerizalɛm, ɛ́ nʋ̃ɔ̀ tɩ kpɩɛr bɛ yaga. 53Bɛ mɩ́ tɩ be n a Ŋmɩn-yir-kpɛ̃ɛ pʋɔ kʋralɛ, danɛ a Naaŋmɩn.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Bible en Dagara © Alliance Biblique du Burkina Faso, 2013.