लूका 20:46-47

“शास्‍त्रीनसे होसियार रहो। काकरकि हुँक्र धर्मकर्म कर्ना झुहार पहिरण पहिर्क यहँरउहँर घुम ओ सार्वजनिक ठाउँम मानसम्‍मान पाइ चहठ। हुँक्र सभाघरम मुख्य आसन ओ भ्‍वाजभत्‍यारम फे मुख्य-मुख्य ठाउँ रोज्ठ। हुँक्र विधवन्‍हक श्रीसम्‍पत्तिमसे नाजायज फाइदा लेठ, तर हुँक्र मनैन्‍हक सामुन्‍नेम अपन्‍हेह धर्मी देखाइक लाग भर परमेश्‍वरसे नम्‍मा-नम्‍मा प्रार्थना कर्लक बहाना बनैठ। असिन मनै झन् धेर दण्ड पैहीँ।”