Luku 17
17
Isi Nke Mmẹsa
Njọ Lẹ Ịgbagharị-njọ
(Mat 18.6-9,21-22; Mak 9.42)
1Jizọsị nọ sị ndị nsọnmazụụn a, “Ihiẹn a han ịhịan e mẹ njọ jẹnkọ d'a bịarịrị; kanị, nsọngbu rị e che onyẹ wẹ k'a gha ẹka a bịa! 2Ọ ka onyẹ hụ mma nị wẹ kẹnmẹ ọlọ y'ẹ olu, tụ a ye imẹ ohimin karị n'ọ han onyẹ ohu imẹ ndị ntanị mẹ njọ.
3“Kpachanpụ nị nwan ẹnya! Nwẹnẹ i mẹ njọ, jụgbọ a; o rogharị, y'a gbagharị a. 4Ọsụọn'a n'o mẹ i njọ mgbe ẹsa imẹ ụhụọhịn, n'ọ bịachanrịn mgbe ẹsa hụ d'a sị ị, ‘E mẹọlẹ m njọ; e kpelẹ,’ ị sikọ d'a gbagharịrịrị a.”
Okukwe
5Ndị-ozi hụ pụ-ichẹn nọ sị Di-nwọnni-ẹnyi, “Mẹ okukwe ẹnyi zewaye.” 6Di-nwọnni-ẹnyi nọ sị wẹ, “Omẹni i nwọn okukwe handẹ kẹ mkpụrụ mọstadị mẹgbu enwẹn ẹ ntịn, ị jẹnkọ d'a sa ẹka sị osisi sịkamọnị higbu enwẹn ẹ ogbe rị ebeni, ‘Hueri d'a gbọrị imẹ ohimin,’ o sikọ d'a gbaye i.
Agụngụn Furu Ezigbo Odibo
7“Gwadẹle ni m: igbọn i gha ugbo mọbụ ebe ọ rị e du atụnrụn lụaha, n'ị sị a, ‘Bịa ozigbo d'a nọdị alị n'i ri ihiẹn-oriri’? 8Mba nụ! I jẹnkọ d'a sị a, ‘Mẹmẹni m ihiẹn-oriri ẹnyasị, y'e buye m'ẹ; y'e cheri m ni m rigụ, ra, n'ị kịpụ ihiẹn; i kebe ri, ra.’ 9N'i kelemẹ igbọn hụ n'o mẹ ihiẹn ị sị a mẹ?
10“Ẹrịrazị, ụnụ nwẹn, ụnụ mẹchanrịngụ ihiẹn ile wẹ sị ụnụ mẹ, sị nị, ‘Igbọn mmakalaka kẹ ẹnyi wụ, ogbo ẹnyi sụọ kẹ ẹnyi rụn hụ.’ ”
Onyẹ Hụn Bịa D'a Kpanmịn Jizọsị
11Ogẹn Jizọsị gi jẹnkọ Jerusalẹm, ọ nọ ghashi ẹgbata Sameria lẹ Galili. 12Hụn o gi banyekọ obodo ohu mẹ ẹkẹrẹ, ndị oti iri nọ bịa d'e kunrun ẹ, turu ebe teyezi ẹkẹrẹ; 13yi, “Jizọsị! Di-nwọnni-ẹnyi! Mẹ omikẹn ẹnyi!” 14Jizọsị a hụn wẹ, ọ nọ sị wẹ, “We ni enwẹn ụnụ d'a ghọsị ndị nchụn-ẹjan kẹni wẹ gwa wẹ nị ụnụ a dịnhịngụọ.” E ru wẹ ụzọ, wẹ nọ dịnhịn, wụbehi ndị rụnị. 15Ogẹn onyẹ ohu imẹ wẹ gi hụn a n'ọ rịgụọ mma, ọ nọ kin azụụn, yikọ, jakọ Osolobuẹ mma. 16Ọ dannị Jizọsị alị, kpanmịn a. Onyẹ Sameria k'ọ wụ. 17Jizọsị nọ sị, “Ẹlẹ mmadụ iri kẹ m zụọ, mẹ wẹ wụbehi ndị rụnị? Elebe kẹ itenẹi họdụnị rị? 18Onwọnni nwan onyẹ kin azụụn d'a ja Osolobuẹ mma wezụka onyẹ alị ọzọnị?”
19Ya Jizọsị nọ sị okẹnnyẹ hụ, “Lihi ọtọ n'ị lama; okukwe i a zụọgụọ ị.”
Kẹ Alị-eze Osolobuẹ Dọn A Bịa
(Mat 24.23-28,37-41)
20Ndị Itu-Farisi jụ Jesu kẹ ele ogẹn kẹ Alị-eze Osolobuẹ e gi bịa. Ọ nọ sị wẹ, “Ẹlẹ ẹnya kẹ wẹ gi a marịn nị Alị-eze Osolobuẹ a bịalẹ d'e weri ọnọdị. 21Ẹlẹ hụn w'a sị, ‘Lee ẹ, ebeni k'ọ rị,’ mọbụ ‘Ebẹhụ k'ọ rị,’ makẹni, eziẹ, Alị-eze Osolobuẹ e werigụọlẹ ọnọdị imẹ ụnụ.”
22Ya ọ nọ sị ndị nsọnmazụụn a, “Ogẹn lala hụn o gi rị ụnụ ọda-ọda nị ụnụ lẹ Nwa nke Ịhịan nọdịzị, ọsụọn'a akpọhịn ohu, kanị ụnụ ahụnkọ a. 23Wẹ k'a sị ụnụ, ‘Lee ẹ ebenẹi!’ mọbụ ‘Lee ẹ ebeni!’ Ka esọnkwọlẹ ni wẹ; a chọhunmẹlẹ n'ẹ. 24Makẹni, kẹ amụma dọn e be elu-igwere, a hụn w'a azụụn ile, ẹrịra kẹ Nwa nke Ịhịan jẹnkọ d'a nọ ụhụọhịn o k'a bịa. 25Kanị, o jẹnkọ d'a tagụ afụnfụn bu ọda, agbọnị a jụgụ a.
26“K'ọ rị ogẹn Nụa k'o jẹnkọ d'a rị ogẹn Nwa nke Ịhịan e gi bịa. 27Ịhịan ile hụ e ri, a ra, a lụ di lẹ nwunyẹ d'e ru ụhụọhịn ahụn Nụa banye imẹ ụgbọ-mirin ahụn pụ-ichẹn, okẹn mirin hụ nọ bịa, gbupụchanrịn wẹ ile.
28“Ẹrịra k'o mẹzi ogẹn Lọtụ: Ịhịan ile hụ e ri, a ra; e ṅọn, e re; a kụn, a tụn. 29Kanị, ụhụọhịn hụ Lọtụ gha Sodọm pụ, ọkụn lẹ nsịn-ẹnyanwụn nọ gha elu-igwee zuetu kẹ mirin, gbuchanrịn wẹ ile. 30Ẹrịra k'o jẹnkọ d'a rị ụhụọhịn hụ Nwa nke Ịhịan jẹnkọ d'a bịa.
31“Ụhụọhịn hụ, onyẹ rị elu ụlọ a hụn nwọn ihiẹn mmụlọ y'e hidangụkwọlẹ banyemẹ d'e weri ẹ. Ẹrịrazịkwọ, onyẹ rị imẹ ugbo y'a lashikwọlẹ ụlọ n'o jẹnkọ d'e weri ihiẹn. 32Nyanhankwọ nị ihiẹn mẹ nwunyẹ Lọtụ! 33Onyẹ chọ n'o ghe isi ẹ, isi ẹ a tọ a; onyẹ tuhu ndụn a k'a zụọpụha a. 34M rị a gwa ụnụ, o ru uhinhin hụ, mmadụ ẹbụọ k'a rị bẹdi ohu, e weri wẹ onyẹ ohu, la hụn-ẹbọ tọ. 35Ikpoho ẹbụọ k'a rị ụzọ ohu a kwọ ihiẹn, e weri wẹ onyẹ ohu, a la wẹ hụn-ẹbọ tọ. 36Ikẹnnyẹ ẹbụọ jẹnkọ d'a rị ugbo a rụn ọrụn, e weri wẹ onyẹ ohu, a la wẹ hụn-ẹbọ tọ.”
37Ndị nsọnmazụụn a nọ jụ a, “Di-nwọnni-ẹnyi, elebe kẹ ihiẹnni jẹnkọ d'a nọ mẹ?” Jizọsị nọ sị wẹ, “Ebe ọwụlẹ ozun rị kẹ udele a gbakikomẹ!”
S'ha seleccionat:
Luku 17: ikkBI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.
Luku 17
17
Isi Nke Mmẹsa
Njọ Lẹ Ịgbagharị-njọ
(Mat 18.6-9,21-22; Mak 9.42)
1Jizọsị nọ sị ndị nsọnmazụụn a, “Ihiẹn a han ịhịan e mẹ njọ jẹnkọ d'a bịarịrị; kanị, nsọngbu rị e che onyẹ wẹ k'a gha ẹka a bịa! 2Ọ ka onyẹ hụ mma nị wẹ kẹnmẹ ọlọ y'ẹ olu, tụ a ye imẹ ohimin karị n'ọ han onyẹ ohu imẹ ndị ntanị mẹ njọ.
3“Kpachanpụ nị nwan ẹnya! Nwẹnẹ i mẹ njọ, jụgbọ a; o rogharị, y'a gbagharị a. 4Ọsụọn'a n'o mẹ i njọ mgbe ẹsa imẹ ụhụọhịn, n'ọ bịachanrịn mgbe ẹsa hụ d'a sị ị, ‘E mẹọlẹ m njọ; e kpelẹ,’ ị sikọ d'a gbagharịrịrị a.”
Okukwe
5Ndị-ozi hụ pụ-ichẹn nọ sị Di-nwọnni-ẹnyi, “Mẹ okukwe ẹnyi zewaye.” 6Di-nwọnni-ẹnyi nọ sị wẹ, “Omẹni i nwọn okukwe handẹ kẹ mkpụrụ mọstadị mẹgbu enwẹn ẹ ntịn, ị jẹnkọ d'a sa ẹka sị osisi sịkamọnị higbu enwẹn ẹ ogbe rị ebeni, ‘Hueri d'a gbọrị imẹ ohimin,’ o sikọ d'a gbaye i.
Agụngụn Furu Ezigbo Odibo
7“Gwadẹle ni m: igbọn i gha ugbo mọbụ ebe ọ rị e du atụnrụn lụaha, n'ị sị a, ‘Bịa ozigbo d'a nọdị alị n'i ri ihiẹn-oriri’? 8Mba nụ! I jẹnkọ d'a sị a, ‘Mẹmẹni m ihiẹn-oriri ẹnyasị, y'e buye m'ẹ; y'e cheri m ni m rigụ, ra, n'ị kịpụ ihiẹn; i kebe ri, ra.’ 9N'i kelemẹ igbọn hụ n'o mẹ ihiẹn ị sị a mẹ?
10“Ẹrịrazị, ụnụ nwẹn, ụnụ mẹchanrịngụ ihiẹn ile wẹ sị ụnụ mẹ, sị nị, ‘Igbọn mmakalaka kẹ ẹnyi wụ, ogbo ẹnyi sụọ kẹ ẹnyi rụn hụ.’ ”
Onyẹ Hụn Bịa D'a Kpanmịn Jizọsị
11Ogẹn Jizọsị gi jẹnkọ Jerusalẹm, ọ nọ ghashi ẹgbata Sameria lẹ Galili. 12Hụn o gi banyekọ obodo ohu mẹ ẹkẹrẹ, ndị oti iri nọ bịa d'e kunrun ẹ, turu ebe teyezi ẹkẹrẹ; 13yi, “Jizọsị! Di-nwọnni-ẹnyi! Mẹ omikẹn ẹnyi!” 14Jizọsị a hụn wẹ, ọ nọ sị wẹ, “We ni enwẹn ụnụ d'a ghọsị ndị nchụn-ẹjan kẹni wẹ gwa wẹ nị ụnụ a dịnhịngụọ.” E ru wẹ ụzọ, wẹ nọ dịnhịn, wụbehi ndị rụnị. 15Ogẹn onyẹ ohu imẹ wẹ gi hụn a n'ọ rịgụọ mma, ọ nọ kin azụụn, yikọ, jakọ Osolobuẹ mma. 16Ọ dannị Jizọsị alị, kpanmịn a. Onyẹ Sameria k'ọ wụ. 17Jizọsị nọ sị, “Ẹlẹ mmadụ iri kẹ m zụọ, mẹ wẹ wụbehi ndị rụnị? Elebe kẹ itenẹi họdụnị rị? 18Onwọnni nwan onyẹ kin azụụn d'a ja Osolobuẹ mma wezụka onyẹ alị ọzọnị?”
19Ya Jizọsị nọ sị okẹnnyẹ hụ, “Lihi ọtọ n'ị lama; okukwe i a zụọgụọ ị.”
Kẹ Alị-eze Osolobuẹ Dọn A Bịa
(Mat 24.23-28,37-41)
20Ndị Itu-Farisi jụ Jesu kẹ ele ogẹn kẹ Alị-eze Osolobuẹ e gi bịa. Ọ nọ sị wẹ, “Ẹlẹ ẹnya kẹ wẹ gi a marịn nị Alị-eze Osolobuẹ a bịalẹ d'e weri ọnọdị. 21Ẹlẹ hụn w'a sị, ‘Lee ẹ, ebeni k'ọ rị,’ mọbụ ‘Ebẹhụ k'ọ rị,’ makẹni, eziẹ, Alị-eze Osolobuẹ e werigụọlẹ ọnọdị imẹ ụnụ.”
22Ya ọ nọ sị ndị nsọnmazụụn a, “Ogẹn lala hụn o gi rị ụnụ ọda-ọda nị ụnụ lẹ Nwa nke Ịhịan nọdịzị, ọsụọn'a akpọhịn ohu, kanị ụnụ ahụnkọ a. 23Wẹ k'a sị ụnụ, ‘Lee ẹ ebenẹi!’ mọbụ ‘Lee ẹ ebeni!’ Ka esọnkwọlẹ ni wẹ; a chọhunmẹlẹ n'ẹ. 24Makẹni, kẹ amụma dọn e be elu-igwere, a hụn w'a azụụn ile, ẹrịra kẹ Nwa nke Ịhịan jẹnkọ d'a nọ ụhụọhịn o k'a bịa. 25Kanị, o jẹnkọ d'a tagụ afụnfụn bu ọda, agbọnị a jụgụ a.
26“K'ọ rị ogẹn Nụa k'o jẹnkọ d'a rị ogẹn Nwa nke Ịhịan e gi bịa. 27Ịhịan ile hụ e ri, a ra, a lụ di lẹ nwunyẹ d'e ru ụhụọhịn ahụn Nụa banye imẹ ụgbọ-mirin ahụn pụ-ichẹn, okẹn mirin hụ nọ bịa, gbupụchanrịn wẹ ile.
28“Ẹrịra k'o mẹzi ogẹn Lọtụ: Ịhịan ile hụ e ri, a ra; e ṅọn, e re; a kụn, a tụn. 29Kanị, ụhụọhịn hụ Lọtụ gha Sodọm pụ, ọkụn lẹ nsịn-ẹnyanwụn nọ gha elu-igwee zuetu kẹ mirin, gbuchanrịn wẹ ile. 30Ẹrịra k'o jẹnkọ d'a rị ụhụọhịn hụ Nwa nke Ịhịan jẹnkọ d'a bịa.
31“Ụhụọhịn hụ, onyẹ rị elu ụlọ a hụn nwọn ihiẹn mmụlọ y'e hidangụkwọlẹ banyemẹ d'e weri ẹ. Ẹrịrazịkwọ, onyẹ rị imẹ ugbo y'a lashikwọlẹ ụlọ n'o jẹnkọ d'e weri ihiẹn. 32Nyanhankwọ nị ihiẹn mẹ nwunyẹ Lọtụ! 33Onyẹ chọ n'o ghe isi ẹ, isi ẹ a tọ a; onyẹ tuhu ndụn a k'a zụọpụha a. 34M rị a gwa ụnụ, o ru uhinhin hụ, mmadụ ẹbụọ k'a rị bẹdi ohu, e weri wẹ onyẹ ohu, la hụn-ẹbọ tọ. 35Ikpoho ẹbụọ k'a rị ụzọ ohu a kwọ ihiẹn, e weri wẹ onyẹ ohu, a la wẹ hụn-ẹbọ tọ. 36Ikẹnnyẹ ẹbụọ jẹnkọ d'a rị ugbo a rụn ọrụn, e weri wẹ onyẹ ohu, a la wẹ hụn-ẹbọ tọ.”
37Ndị nsọnmazụụn a nọ jụ a, “Di-nwọnni-ẹnyi, elebe kẹ ihiẹnni jẹnkọ d'a nọ mẹ?” Jizọsị nọ sị wẹ, “Ebe ọwụlẹ ozun rị kẹ udele a gbakikomẹ!”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2018, Mission for Language Translation/Ika Bible Translation Committee.
© 2018, Wycliffe Bible Translators, Inc.