MAWOOKIONYI 16
16
Sarai na Hajiri
1Nahong'u Sarai mka o Abramu nalafee mana, nao nawewode mṟundi o kika, Mmisri, rina lyake nyi Hajiri. 2Sarai kawia Abramu, “Wulalu Mndumii-Ruwa amepfunga wusu woko kundu njilafee, kekaa na mṟundi-chu oko o kika kulako njechikuwonyiapfo wana ipfo koke.” Abramu kaadanyia ṟu lilya lya Sarai. 3Sarai mka o Abramu kaira kisinga kyake kya kika Hajiri Mmisri, kekikaa na Abramu maaka ikumi kulya orukenyi lo Kanaani kainengia mii oke Abramu, nawe mka oke. 4Abramu kalaa na Hajiri nao kakupfunga. Nao kekikumanya ke nakupfungie nalakiindiese mae. 5Sarai kawia Abramu, “Wuwicho wulenjihoya na wukae huye yapfo, njilekwinenga kisinga kyako kya kika ngambika o kipeeta kyapfo, nao ambona ke nakupfungie nalakinjiwadiese wuindi; njikerise kindo mesonyi hakepfo. Mndumii-Ruwa nawe moanduya kiidi kyako inyi na iyo.” 6Nao Abramu kawia Sarai, “Ambuya kisinga kyapfo kya kika nyi ipfo mawokonyi hapfo ai mmbutie ikyo uwonyi kii kicha.” Sarai kamlisa wukiwa, nao kadicha awuka oshangunyi loke.
Ishimaeli afeo
7Malaika o Mndumii-Ruwa kambona akeri sokenyi ya mṟinga kulya nuka, sokayo iwei kufui na njia yehenda Shuri. 8Kambia, “Hajiri, iyo ni kisinga kya Sarai, nku owuka, na nku uihenda?” Kahamba, “Ngadicha njiwuka oshangunyi lo wama oko Sarai.” 9Malaika o Mndumii-Ruwa kambia, “Wuya na ko mayo, nombadie wuindi.” 10Malaika o Mndumii-Ruwa kambia, “Nkya lohi njechipfumbutsa oshari lopfo, chandu wechifo wechiwa iitalapfo.” 11Malaika o Mndumii kambia, “Ambuya, nokupfungie, nochifee mana o womi, na rina lyake nochimlaha nyi Ismaeli, kyamba Mndumii-Ruwa ameicho kieṟeṟo kya wukiwa wopfo. 12Nao nechiwa cha nzoi ya ngeṟenyi kiidi kya wandu, nechiwa mkituwa o orio mndu na orio mndu nechiwa mkituwa oke, nao nechikaa ai mkituwa oshangunyi lo wana wa mae wose.”
13Hajiri kalaha rina lya Mndumii-Ruwa ulya alededa nao, “Iyo nyi ui Ruwa okewona;” kipfa nalehamba, “Na iya ngawewona Ruwa ichu anjiwonyi, kawededa na inyi.?” 14Koikyo ṟungu lilya lya mṟinga lilelaho nyi, Beer-lahai-roi. Nalyo likeri makidi hawi ha Kadeshi na Beredi.
15 Hajiri kawonyia Abramu mana o womi; Abramu kamdumbuya rina lyake nyi Ismaeli, mana ulya oke alefeeyo nyi Hajiri. 16Nao Abramu nyiwe mndu o maaka makumi nyanya na iṟandaṟu (86), kiheri kyo Hajiri emfeeya Ismaeli.
S'ha seleccionat:
MAWOOKIONYI 16: KIM2
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Kimochi Bible © Bible Society of Tanzania, 2016.
MAWOOKIONYI 16
16
Sarai na Hajiri
1Nahong'u Sarai mka o Abramu nalafee mana, nao nawewode mṟundi o kika, Mmisri, rina lyake nyi Hajiri. 2Sarai kawia Abramu, “Wulalu Mndumii-Ruwa amepfunga wusu woko kundu njilafee, kekaa na mṟundi-chu oko o kika kulako njechikuwonyiapfo wana ipfo koke.” Abramu kaadanyia ṟu lilya lya Sarai. 3Sarai mka o Abramu kaira kisinga kyake kya kika Hajiri Mmisri, kekikaa na Abramu maaka ikumi kulya orukenyi lo Kanaani kainengia mii oke Abramu, nawe mka oke. 4Abramu kalaa na Hajiri nao kakupfunga. Nao kekikumanya ke nakupfungie nalakiindiese mae. 5Sarai kawia Abramu, “Wuwicho wulenjihoya na wukae huye yapfo, njilekwinenga kisinga kyako kya kika ngambika o kipeeta kyapfo, nao ambona ke nakupfungie nalakinjiwadiese wuindi; njikerise kindo mesonyi hakepfo. Mndumii-Ruwa nawe moanduya kiidi kyako inyi na iyo.” 6Nao Abramu kawia Sarai, “Ambuya kisinga kyapfo kya kika nyi ipfo mawokonyi hapfo ai mmbutie ikyo uwonyi kii kicha.” Sarai kamlisa wukiwa, nao kadicha awuka oshangunyi loke.
Ishimaeli afeo
7Malaika o Mndumii-Ruwa kambona akeri sokenyi ya mṟinga kulya nuka, sokayo iwei kufui na njia yehenda Shuri. 8Kambia, “Hajiri, iyo ni kisinga kya Sarai, nku owuka, na nku uihenda?” Kahamba, “Ngadicha njiwuka oshangunyi lo wama oko Sarai.” 9Malaika o Mndumii-Ruwa kambia, “Wuya na ko mayo, nombadie wuindi.” 10Malaika o Mndumii-Ruwa kambia, “Nkya lohi njechipfumbutsa oshari lopfo, chandu wechifo wechiwa iitalapfo.” 11Malaika o Mndumii kambia, “Ambuya, nokupfungie, nochifee mana o womi, na rina lyake nochimlaha nyi Ismaeli, kyamba Mndumii-Ruwa ameicho kieṟeṟo kya wukiwa wopfo. 12Nao nechiwa cha nzoi ya ngeṟenyi kiidi kya wandu, nechiwa mkituwa o orio mndu na orio mndu nechiwa mkituwa oke, nao nechikaa ai mkituwa oshangunyi lo wana wa mae wose.”
13Hajiri kalaha rina lya Mndumii-Ruwa ulya alededa nao, “Iyo nyi ui Ruwa okewona;” kipfa nalehamba, “Na iya ngawewona Ruwa ichu anjiwonyi, kawededa na inyi.?” 14Koikyo ṟungu lilya lya mṟinga lilelaho nyi, Beer-lahai-roi. Nalyo likeri makidi hawi ha Kadeshi na Beredi.
15 Hajiri kawonyia Abramu mana o womi; Abramu kamdumbuya rina lyake nyi Ismaeli, mana ulya oke alefeeyo nyi Hajiri. 16Nao Abramu nyiwe mndu o maaka makumi nyanya na iṟandaṟu (86), kiheri kyo Hajiri emfeeya Ismaeli.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Kimochi Bible © Bible Society of Tanzania, 2016.