Luka 15
15
1Pwu vakahegelela kumwene voni navasangutsi navatulanongwa vakata tupulikage itsu itsova. 2Avene avapalisai navamańakalata vwu vakihiva vakata: Umunu uju mumbwene ikuvupilila avatulanongwa ilya navene isinu. 3Pwu umwene akavavula ikihwanihitso iki akata: 4Uńe umwumbelye angave umunu ali niṅolo imilevulo kitsigo, pwu mamato jijage ndita pwu ikutsileka paludasi tsoni inine imilevulo budikakupamato nabudikakupamato, ikonga kulonda ijijagile, ilonda, ilonda ikilekelwa vwu ajivwene ndita? 5Apene vwu ajivwene pwu ivegala pivega ihekela sitso. 6Lola vwu iva pakusika kuńumba, pwu ikuvalundamanya voni navanine navabadiṅine uvwu atsenginye vwu ikuvavula ita: Ukwi tuhekelage twivoni, mańa ndijivwene iṅolo jyango ijikajagile. 7Leka ndivavule uńe: Vwu valagahaga vuvule-vule avakukyańa, navalavalole avagolosu imilevulo budikakupamato nabudikakupamato uvwu navasumbilwi ulukilivuko ulunge, valahekela pantulanongwa mpamato uvi ikilivuka.
8Namwene undala angave ale nindalama kitsigo, lola ulutalama lupamato lujage ndita ikotsa ińale, ikuna nńumba ikilivuṅana nukulonda, ilonda, ilonda ikilekelwa vwu aluvwene ndita? 9Vwu aluvwene ikuvalundamanya avanine navabadiṅine uvwu atsenginye ita: Ukwi tuhekelage twivoni, mańa ndiluvwene ulutalama ulukajagile. 10Leka ndivavule uńe: Vwu valahekelaga vuvule-vule avasuṅwa va Nguluve pantulanongwa mpamato mwene uvi ikilivuka.
11Akavavula akata: Ujyunge umunu ale navaswambe vavili. 12Mańa undebe akatsova kwa dadaje akata: Vi dada utugavanyage ikyuma, umetsage ikyango ikyuma ikyu ndilinaṅile nakyo une. Pwu umwene akavagavanya ikyuma, 13Lola vwu galutile padebe pwu umwene undebe akalundamanya syoni isya mwene akahama akabiha kukilunga ikya kuvutale. Kwu ikyuma kya mwene kikajaga ulwakuva ivejanga vuvule mwene. 14Lola vwu amalile syoni isya mwene, pwu inzala ńongosu jikagwa nkilunga kikyo, pwu umwene akava ngatsu vuvule. 15Pwu akabiha pakuvomba imbombo pamunu ujyunge uvi atsengile nkilunga mumwa. Vi akansuṅa kuludasi lwa mwene akata kwu adimage ingube tsa mwene. 16Umwene akanogwa amakona ga mange ugwu tsalitsaga ingube, gwu vangave vikuma ukuta ndigutage vuvule mwitumbu umu. Nagene vakamwima. 17Pwu akisagila akasaganya akata: Pwu ndikatye ndiswitsage inzala vwu padada avavombi vongosu avikwiguta vuvule isinu isidigile? 18Pwu lino ndibiha kwa dada pwu nditsova nave ndita: Vi dada nditulile inongwa kukyańa nakwave. 19Lino pwu nandinogili ukutsovwa ukuva ndi nswambo, uńupililage ndive munu vako vuvule va kukulimila. 20Pwu akima ukubiha kwa dadaje. Lola vwu ali kuvutale, pwu udadaje akambona, pwu ikisa kikambona udadaje mwitumbu, pwu akańila kukumwupilila, akamwibata kunsingo akantsiba kundomo. 21Umwene unswambe vi akata: Vi dada nditulile inongwa kukyańa nakwave, lino nandinogili ukuva nswambo. 22Umwene udadaje akavavula avakivaga va mwene akata: Nńilage nkatole ugwańingilitsa unnonu gulya unduti kuginge, gwu munswalitsage. Mumpetsage nuluseṅeti lwa ndukonze nisikato sya mmalunde. 23Mugege niṅambako ilya mbude, tulitsage tukinage vunnonu. 24Mańa unswambango uju aswe, lino avujile atsukile, umwene ajagile, lino pwu avonike lweli. Pwu vakakina sitso. 25Umwene unswambe umbaha lola vi ale kwilima, lola vwu itsile vwu ahegelye nńumba pwu akapulika imwato, pwu akapulika nulwimbo ninengela. 26Pwu akamwilanga ujyunge undume akambutsa akata: Kyu kinu kiki ukwa? 27Vi akambula akata: Unnunavo itsile pwu udadajo abudile iṅambako ilya ulwakuva ambwene ndulusu vuvule. 28Pwu umwene gukavipa akabela nukwingila nńumba, Pwu udadaje akahuma panzi akantekelesa. 29Umwene akamwanda udadaje akata: Lola imyaka gyoni ndikuvombye imbombo tsako, natsene indagilo tsako nandivejangili lusiku, lola uve numili lusiku akapene akadebe akakukinila navajango. 30Lola upwu itsile unswambo uju, uvi ikyuma kyako alye mbuligu, pwu uve umbudye iṅambako. 31Umwene udadaje akamwanda akata: Vi nswambango uve, syoni nisyu ndilinasyo une syako uve vuvule. 32Lola kunogye vuvule ukuta tuvetsage nuvukino ukuta tuhekelage, mańa ununavo uju aswe, line avujile atsukile, ajagile, lino lola pwu avonike jilweli.
S'ha seleccionat:
Luka 15: Kinga
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Kikinga © British and Foreign Bible Society, 1961.
Luka 15
15
1Pwu vakahegelela kumwene voni navasangutsi navatulanongwa vakata tupulikage itsu itsova. 2Avene avapalisai navamańakalata vwu vakihiva vakata: Umunu uju mumbwene ikuvupilila avatulanongwa ilya navene isinu. 3Pwu umwene akavavula ikihwanihitso iki akata: 4Uńe umwumbelye angave umunu ali niṅolo imilevulo kitsigo, pwu mamato jijage ndita pwu ikutsileka paludasi tsoni inine imilevulo budikakupamato nabudikakupamato, ikonga kulonda ijijagile, ilonda, ilonda ikilekelwa vwu ajivwene ndita? 5Apene vwu ajivwene pwu ivegala pivega ihekela sitso. 6Lola vwu iva pakusika kuńumba, pwu ikuvalundamanya voni navanine navabadiṅine uvwu atsenginye vwu ikuvavula ita: Ukwi tuhekelage twivoni, mańa ndijivwene iṅolo jyango ijikajagile. 7Leka ndivavule uńe: Vwu valagahaga vuvule-vule avakukyańa, navalavalole avagolosu imilevulo budikakupamato nabudikakupamato uvwu navasumbilwi ulukilivuko ulunge, valahekela pantulanongwa mpamato uvi ikilivuka.
8Namwene undala angave ale nindalama kitsigo, lola ulutalama lupamato lujage ndita ikotsa ińale, ikuna nńumba ikilivuṅana nukulonda, ilonda, ilonda ikilekelwa vwu aluvwene ndita? 9Vwu aluvwene ikuvalundamanya avanine navabadiṅine uvwu atsenginye ita: Ukwi tuhekelage twivoni, mańa ndiluvwene ulutalama ulukajagile. 10Leka ndivavule uńe: Vwu valahekelaga vuvule-vule avasuṅwa va Nguluve pantulanongwa mpamato mwene uvi ikilivuka.
11Akavavula akata: Ujyunge umunu ale navaswambe vavili. 12Mańa undebe akatsova kwa dadaje akata: Vi dada utugavanyage ikyuma, umetsage ikyango ikyuma ikyu ndilinaṅile nakyo une. Pwu umwene akavagavanya ikyuma, 13Lola vwu galutile padebe pwu umwene undebe akalundamanya syoni isya mwene akahama akabiha kukilunga ikya kuvutale. Kwu ikyuma kya mwene kikajaga ulwakuva ivejanga vuvule mwene. 14Lola vwu amalile syoni isya mwene, pwu inzala ńongosu jikagwa nkilunga kikyo, pwu umwene akava ngatsu vuvule. 15Pwu akabiha pakuvomba imbombo pamunu ujyunge uvi atsengile nkilunga mumwa. Vi akansuṅa kuludasi lwa mwene akata kwu adimage ingube tsa mwene. 16Umwene akanogwa amakona ga mange ugwu tsalitsaga ingube, gwu vangave vikuma ukuta ndigutage vuvule mwitumbu umu. Nagene vakamwima. 17Pwu akisagila akasaganya akata: Pwu ndikatye ndiswitsage inzala vwu padada avavombi vongosu avikwiguta vuvule isinu isidigile? 18Pwu lino ndibiha kwa dada pwu nditsova nave ndita: Vi dada nditulile inongwa kukyańa nakwave. 19Lino pwu nandinogili ukutsovwa ukuva ndi nswambo, uńupililage ndive munu vako vuvule va kukulimila. 20Pwu akima ukubiha kwa dadaje. Lola vwu ali kuvutale, pwu udadaje akambona, pwu ikisa kikambona udadaje mwitumbu, pwu akańila kukumwupilila, akamwibata kunsingo akantsiba kundomo. 21Umwene unswambe vi akata: Vi dada nditulile inongwa kukyańa nakwave, lino nandinogili ukuva nswambo. 22Umwene udadaje akavavula avakivaga va mwene akata: Nńilage nkatole ugwańingilitsa unnonu gulya unduti kuginge, gwu munswalitsage. Mumpetsage nuluseṅeti lwa ndukonze nisikato sya mmalunde. 23Mugege niṅambako ilya mbude, tulitsage tukinage vunnonu. 24Mańa unswambango uju aswe, lino avujile atsukile, umwene ajagile, lino pwu avonike lweli. Pwu vakakina sitso. 25Umwene unswambe umbaha lola vi ale kwilima, lola vwu itsile vwu ahegelye nńumba pwu akapulika imwato, pwu akapulika nulwimbo ninengela. 26Pwu akamwilanga ujyunge undume akambutsa akata: Kyu kinu kiki ukwa? 27Vi akambula akata: Unnunavo itsile pwu udadajo abudile iṅambako ilya ulwakuva ambwene ndulusu vuvule. 28Pwu umwene gukavipa akabela nukwingila nńumba, Pwu udadaje akahuma panzi akantekelesa. 29Umwene akamwanda udadaje akata: Lola imyaka gyoni ndikuvombye imbombo tsako, natsene indagilo tsako nandivejangili lusiku, lola uve numili lusiku akapene akadebe akakukinila navajango. 30Lola upwu itsile unswambo uju, uvi ikyuma kyako alye mbuligu, pwu uve umbudye iṅambako. 31Umwene udadaje akamwanda akata: Vi nswambango uve, syoni nisyu ndilinasyo une syako uve vuvule. 32Lola kunogye vuvule ukuta tuvetsage nuvukino ukuta tuhekelage, mańa ununavo uju aswe, line avujile atsukile, ajagile, lino lola pwu avonike jilweli.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Testament in Kikinga © British and Foreign Bible Society, 1961.