Yahiya 5
5
Si Isa ngulian jama yaꞌ kapalān
1Pag-anu, luu na baw disu waktu lay patukad ga si Isa pa Jerusalem ngaluruk ni paballangan bangsa Yahudi. 2Ndooy siꞌ, luu poon boheꞌ inawnan Betsata ni pallun Hibrani. Poon boheꞌ looy siꞌ tapit pa disu lawang kutaꞌ daira looy pinag-awnan Lawang Bili-bili. Ni bihing boheꞌ looy siꞌ, luu lima bawung-bawung man jama pasindung. 3Ndooy siꞌ, meka jama saki pabāk. Luu na buta, luu na tongkaꞌ maka luu du matoy baran da. 4Bbuwatan da ngagad boheꞌ looy usik batan tamūd luu malaikat Tuhan duwai mungka boheꞌ looy. Boꞌ soysoy bay kaparuhuꞌ pilay paaggom taabut boheꞌ looy binungka, mastiꞌ kaulian jaꞌ san lagi oy saki na.
5Na luu disu lalla ndooy, luu na tallumpuꞌ-wawun taun halloman na yaꞌ kapalān. 6Pag takita meꞌ si Isa pabāk ndooy, maka pagka ndang katoonan na hallom na ya saki meꞌ looy, tilaw si Isa niiya, “Paꞌ, doman na ko kina kasay?”
7Pag tampung lalla looy, “Ohoꞌ la Tuwan, sugaꞌ yaꞌ baw luu jama ngangkat aku pa jawom boheꞌ looy bong mintu bay binungka. Ni kalawun ku, tuktuk ku pasōng pilay, wā jaꞌ ku kaduhuan meꞌ jama.”
8Yuk si Isa niiya, “Bangun na ko Paꞌ. Pūtun na tipo nu, boꞌ nu lumān na.” 9Pag-anu, magti du kaulian lalla looy sampay lay na pūt na tipo na boꞌ na lumān pilay-pitu.
Na llaw man lalla looy siꞌ bay inulian, yana Llaw Pahali. 10Dari yuk siga pa-mmean Yahudi ni lalla looy ma bay kaulian, “Uy, ongoy doꞌ ko ina moo tipo nu? Tagga bina ni saraꞌ bong sasang meꞌ tuu ni Llaw Pahali.”
11Pag tampung na, “Bana bina ningkaam, siga Tuwan, sugaꞌ luu baw bay nohoꞌ aku, yana lalla ma bay ngulian aku. Halling na siꞌ niyaku, ‘Pūtun na tipo nu boꞌ nu lumān na.’ ”
12Tilaw da, “Soy baw lay siꞌ bay nohoꞌ kau?” 13Sugaꞌ lalla looy siꞌ tu, yaꞌ na bay katampung batan yaꞌ katoonan na awon jama ma bay ngulian iya. Lagiꞌ na, magti si Isa bay lakka boꞌ limun na ya meꞌ baanan jama ndooy.
14Yaꞌ gi san bay hallom, lay na baw takita si Isa lalla looy siꞌ ni langga mehe. Dari yuk si Isa niiya, “Ū Paꞌ, kasay na ko la! Sugaꞌ ilagan nu na dusa taggahaꞌ luu na baw mintu katuwaꞌ kau kamalasahiyan maat gi man maruhuꞌ.” 15Pag-anu, pag lakka lalla looy mandooy, lay na baan na siga pa-mmean Yahudi looy siꞌ si Isa bay ngulian iya. 16Dari sabap si Isa daran buwat meꞌ looy sasang Llaw Pahali, kinuntra na ya meꞌ siga pa-mmean Yahudi. 17Sugaꞌ yuk si Isa ninsila, “Mmaꞌ ku ina buwat na pin llaw-llaw ngabut sampay batnaa. Aku pun mastiꞌ buwat jaꞌ du.”
18Dari sabap meꞌ looy halling si Isa, magdaruhun na meꞌ siga pa-mmean Yahudi miha jalan man da mapatoy iya. Batan sarī man ngalangga saraꞌ pasal Llaw Pahali, lay gi ya ngawnan Tuhan Mmaꞌ na, magsisibuꞌ dī na ka Tuhan.
Kapatut Anak Tuhan
19Dari yuk si Isa lagi ninsila, “Baan ta kam banahan, bong itu dangan-dangan ku sadjaꞌ, yaꞌ situ luu tapabuwat ku, batan ilooy du pabuwat ku ma takita ku pinabuwat meꞌ Mmaꞌ ku. Dari oy-oy pinabuwat meꞌ Mmaꞌ ku, damikiyan meꞌ aku Anak na, inaa du pabuwat ku. 20Mimon-mimon ma pabuwat Mmaꞌ ku, pinakitahan jaꞌ sina meꞌ na niyaku batan kinaasean ku meꞌ na. Boꞌ na, sohoꞌ na gi sina mintu pinabuwat niyaku siga pakaradjaan labi gi kahaylan-haylan man ga ilooy ma bay na pingkaꞌ pabuwat ku. Pag mintu luu meꞌ looy, haylan jaꞌ kam sina. 21Batan yana meꞌ Mmaꞌ ku makallum jama lay na matoy, damikiyan meꞌ aku pun Anak na, kapakallum du soysoy karomanan ku. 22Boꞌ na, ni hāl meꞌ ngahukum jama, Mmaꞌ ku ina yaꞌ palamud batan mimon kapatut ngahukum jama lay na pa-ntan na niyaku. 23Batan kahandak Mmaꞌ ku subay Anak na inisbat meꞌ mimon manusiyaꞌ meꞌ kadari iya du. Meꞌ aku Anak na, soysoy yaꞌ ngisbat aku, sibuꞌ du ya ka yaꞌ ngisbat Mmaꞌ ku ma bay mapitu aku.
24“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.
25“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau. 26Batan yana meꞌ Mmaꞌ ku poonan kaallum, damikiyan man gantaan na, aku pun poonan kaallum du. 27Maka sabap aku Anak Manusiyaꞌ, lay na du ku buwanan Mmaꞌ ku kapatut ngahukum manusiyaꞌ.
28“San kam yaꞌ na jayip ni bay bitsala ku siꞌ. Luu du sina masa ni sinōng basta mimon njawom kakubuhan kale suwara ku nohoꞌ sila bangun. 29Pag-anu, pōꞌ du sila. Kuwan sagannap ma bay buwat kaintongan, binuwanan na kaallum ma yaꞌ luu katapusan na njawom okoman Tuhan.#(5.29) Ni sabana na, yaꞌ kitabi koleꞌ kaallum ma yaꞌ luu katapusan na sabap meꞌ tabi buwat kaintongan. Tarang-tarang njawom kitab jalan man jama koleꞌ kaallum bahau atawa kasampulnaan nyawa sabap meꞌ da pitsayaꞌ ni Papuꞌ Isa (ndaun Yahiya 3.36, Epesus 2.8-10). Sugaꞌ bong kitabi pitsayaꞌ ni si Isa, subay baw luu buktiꞌ ni kawul-piil tabi. Hati na, subay kitabi buwat jaꞌ kaintongan. Bong kitabi yaꞌ buwat kaintongan, yaꞌ du luu pūs meꞌ tabi pitsayaꞌ (ndaun Yaꞌkub 2.17, 26). Kuwan sagannap ma bay buwat kalaatan, kalabuan jaꞌ sina hukuman.”
30Maka yuk si Isa, “Bong dangan-dangan ku sadjaꞌ, yaꞌ situ luu tapabuwat ku ni kapatut ku dī ku. Sangkon mimon bandingan ku lakka man bitsala Mmaꞌ ku niyaku. Dari mastiꞌ tuwaꞌ jaꞌ situ bandingan ku, batan saꞌ du kahandak ku bean ku, arapun iya bean ku yana kahandak Mmaꞌ ku ma bay mapitu aku.
Saksiꞌ ma mōꞌ kabanahan bong soy si Isa
31“Na bong siꞌ itu isu-isu aku māꞌ bong soy ku, yaꞌ tatantu bi bong bana bitsala ku atawa niyaꞌ. 32Sugaꞌ luu gi baw tu disu mōꞌ kabanahan bong soy ku. Boꞌ katoonan ku bana bitsala na. 33Saꞌ ba, bay kam nohoꞌ jama pa mman si Yahiya, maka lay du ya maan sila bong soy ku? Boꞌ bana jaꞌ du silay mimon bay halling na pasal aku. 34Sugaꞌ saꞌ ga gunahan gi niyaku saksiꞌ manusiyaꞌ mōꞌ kabanahan bong soy ku. Sat na jaꞌ, kon bi bay paintoman ku bitsala si Yahiya pasal aku supaya kinanna meꞌ bi boꞌ bi salamat.
35“Si Yahiya ilay, sibuꞌ karuha na ka disu sūꞌ dantaꞌ banahan ninag ni jawom lindom. Sampay bay du kam pingkaꞌ gāk samantalaꞌ meꞌ dantaꞌ na. 36Sugaꞌ luu gi silay man jama mindoga bong soy ku labi gi man bay bitsala si Yahiya, yana siga pabuwatan kahaylan-haylan bay pōꞌ ku man panohoan Mmaꞌ ku. Siga pabuwatan looy ilay, ilooy na buktiꞌ Mmaꞌ ku bay nohoꞌ aku pitu. Boꞌ tud subay pupus ku mimon ma bay sohoꞌ Mmaꞌ ku. 37Lagiꞌ na, Mmaꞌ ku ina ma bay mapitu aku, iya mismu bay māꞌ bong soy ku. Sat na jaꞌ, yaꞌ kam bay pingkaꞌ kale suwara na atawa pun ngita iya balharapan. 38Palman na pun, yaꞌ du bay kinanna meꞌ bi sabap yaꞌ kam kuhi pitsayaꞌ ni ilooy ma bay papitu na. 39Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu. 40Sugaꞌ kaam tu, amu-amu kam yaꞌ kuhi mmeꞌ niyaku. Bong siꞌ ina kam bay kuhi, mastiꞌ lay na kam koleꞌ kasampulnaan nyawa meꞌ looy.
41“Na aku tu mitsala meꞌ tuu, yaꞌ du tu ku muhung sanglit manusiyaꞌ. 42Sugaꞌ san sawpama miha ku sanglit, yaꞌ du ku ngaholat lakka mman bi, batan katoonan ku yaꞌ luu njawom atay bi aseꞌ pa Tuhan. 43San ku bay pitu ni kapatut Mmaꞌ ku, yaꞌ du ku bay hinasi meꞌ bi. Sugaꞌ bong baw luu jama pitu noan kaam ni kapatut na dī na, iya ya hinasi meꞌ bi.
44“Kaam ina, inaa katigian bi meꞌ bi sibuwan-buwan sanglit. Sugaꞌ bong sanglit man Tuhan, yaꞌ luu hagaꞌ na ningkaam. Sangkon tunmanūn sina meꞌ bi pitsayaꞌ niyaku. 45Sugaꞌ daa kam mista ga aku nusunan kaam ni awpan Mmaꞌ ku bbos-bbos. Arapun iya ilay mintu nusunan kaam yana Nabi Musa ma asahan bi nanggehan kaam. 46Bong siꞌ ina kam bana-bana pitsayaꞌ ni bitsala Nabi Musa, mastiꞌ pitsayaꞌ jaꞌ kam niyaku sabap meka bay sinuwatan meꞌ na pasal aku. 47Sugaꞌ pagka kam yaꞌ bay pitsayaꞌ ni suwat na pasal aku, mastiꞌ yaꞌ du kam pitsayaꞌ ni bitsala ku.”
S'ha seleccionat:
Yahiya 5: sjm
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc. All rights reserved.
Yahiya 5
5
Si Isa ngulian jama yaꞌ kapalān
1Pag-anu, luu na baw disu waktu lay patukad ga si Isa pa Jerusalem ngaluruk ni paballangan bangsa Yahudi. 2Ndooy siꞌ, luu poon boheꞌ inawnan Betsata ni pallun Hibrani. Poon boheꞌ looy siꞌ tapit pa disu lawang kutaꞌ daira looy pinag-awnan Lawang Bili-bili. Ni bihing boheꞌ looy siꞌ, luu lima bawung-bawung man jama pasindung. 3Ndooy siꞌ, meka jama saki pabāk. Luu na buta, luu na tongkaꞌ maka luu du matoy baran da. 4Bbuwatan da ngagad boheꞌ looy usik batan tamūd luu malaikat Tuhan duwai mungka boheꞌ looy. Boꞌ soysoy bay kaparuhuꞌ pilay paaggom taabut boheꞌ looy binungka, mastiꞌ kaulian jaꞌ san lagi oy saki na.
5Na luu disu lalla ndooy, luu na tallumpuꞌ-wawun taun halloman na yaꞌ kapalān. 6Pag takita meꞌ si Isa pabāk ndooy, maka pagka ndang katoonan na hallom na ya saki meꞌ looy, tilaw si Isa niiya, “Paꞌ, doman na ko kina kasay?”
7Pag tampung lalla looy, “Ohoꞌ la Tuwan, sugaꞌ yaꞌ baw luu jama ngangkat aku pa jawom boheꞌ looy bong mintu bay binungka. Ni kalawun ku, tuktuk ku pasōng pilay, wā jaꞌ ku kaduhuan meꞌ jama.”
8Yuk si Isa niiya, “Bangun na ko Paꞌ. Pūtun na tipo nu, boꞌ nu lumān na.” 9Pag-anu, magti du kaulian lalla looy sampay lay na pūt na tipo na boꞌ na lumān pilay-pitu.
Na llaw man lalla looy siꞌ bay inulian, yana Llaw Pahali. 10Dari yuk siga pa-mmean Yahudi ni lalla looy ma bay kaulian, “Uy, ongoy doꞌ ko ina moo tipo nu? Tagga bina ni saraꞌ bong sasang meꞌ tuu ni Llaw Pahali.”
11Pag tampung na, “Bana bina ningkaam, siga Tuwan, sugaꞌ luu baw bay nohoꞌ aku, yana lalla ma bay ngulian aku. Halling na siꞌ niyaku, ‘Pūtun na tipo nu boꞌ nu lumān na.’ ”
12Tilaw da, “Soy baw lay siꞌ bay nohoꞌ kau?” 13Sugaꞌ lalla looy siꞌ tu, yaꞌ na bay katampung batan yaꞌ katoonan na awon jama ma bay ngulian iya. Lagiꞌ na, magti si Isa bay lakka boꞌ limun na ya meꞌ baanan jama ndooy.
14Yaꞌ gi san bay hallom, lay na baw takita si Isa lalla looy siꞌ ni langga mehe. Dari yuk si Isa niiya, “Ū Paꞌ, kasay na ko la! Sugaꞌ ilagan nu na dusa taggahaꞌ luu na baw mintu katuwaꞌ kau kamalasahiyan maat gi man maruhuꞌ.” 15Pag-anu, pag lakka lalla looy mandooy, lay na baan na siga pa-mmean Yahudi looy siꞌ si Isa bay ngulian iya. 16Dari sabap si Isa daran buwat meꞌ looy sasang Llaw Pahali, kinuntra na ya meꞌ siga pa-mmean Yahudi. 17Sugaꞌ yuk si Isa ninsila, “Mmaꞌ ku ina buwat na pin llaw-llaw ngabut sampay batnaa. Aku pun mastiꞌ buwat jaꞌ du.”
18Dari sabap meꞌ looy halling si Isa, magdaruhun na meꞌ siga pa-mmean Yahudi miha jalan man da mapatoy iya. Batan sarī man ngalangga saraꞌ pasal Llaw Pahali, lay gi ya ngawnan Tuhan Mmaꞌ na, magsisibuꞌ dī na ka Tuhan.
Kapatut Anak Tuhan
19Dari yuk si Isa lagi ninsila, “Baan ta kam banahan, bong itu dangan-dangan ku sadjaꞌ, yaꞌ situ luu tapabuwat ku, batan ilooy du pabuwat ku ma takita ku pinabuwat meꞌ Mmaꞌ ku. Dari oy-oy pinabuwat meꞌ Mmaꞌ ku, damikiyan meꞌ aku Anak na, inaa du pabuwat ku. 20Mimon-mimon ma pabuwat Mmaꞌ ku, pinakitahan jaꞌ sina meꞌ na niyaku batan kinaasean ku meꞌ na. Boꞌ na, sohoꞌ na gi sina mintu pinabuwat niyaku siga pakaradjaan labi gi kahaylan-haylan man ga ilooy ma bay na pingkaꞌ pabuwat ku. Pag mintu luu meꞌ looy, haylan jaꞌ kam sina. 21Batan yana meꞌ Mmaꞌ ku makallum jama lay na matoy, damikiyan meꞌ aku pun Anak na, kapakallum du soysoy karomanan ku. 22Boꞌ na, ni hāl meꞌ ngahukum jama, Mmaꞌ ku ina yaꞌ palamud batan mimon kapatut ngahukum jama lay na pa-ntan na niyaku. 23Batan kahandak Mmaꞌ ku subay Anak na inisbat meꞌ mimon manusiyaꞌ meꞌ kadari iya du. Meꞌ aku Anak na, soysoy yaꞌ ngisbat aku, sibuꞌ du ya ka yaꞌ ngisbat Mmaꞌ ku ma bay mapitu aku.
24“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.
25“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau. 26Batan yana meꞌ Mmaꞌ ku poonan kaallum, damikiyan man gantaan na, aku pun poonan kaallum du. 27Maka sabap aku Anak Manusiyaꞌ, lay na du ku buwanan Mmaꞌ ku kapatut ngahukum manusiyaꞌ.
28“San kam yaꞌ na jayip ni bay bitsala ku siꞌ. Luu du sina masa ni sinōng basta mimon njawom kakubuhan kale suwara ku nohoꞌ sila bangun. 29Pag-anu, pōꞌ du sila. Kuwan sagannap ma bay buwat kaintongan, binuwanan na kaallum ma yaꞌ luu katapusan na njawom okoman Tuhan.#(5.29) Ni sabana na, yaꞌ kitabi koleꞌ kaallum ma yaꞌ luu katapusan na sabap meꞌ tabi buwat kaintongan. Tarang-tarang njawom kitab jalan man jama koleꞌ kaallum bahau atawa kasampulnaan nyawa sabap meꞌ da pitsayaꞌ ni Papuꞌ Isa (ndaun Yahiya 3.36, Epesus 2.8-10). Sugaꞌ bong kitabi pitsayaꞌ ni si Isa, subay baw luu buktiꞌ ni kawul-piil tabi. Hati na, subay kitabi buwat jaꞌ kaintongan. Bong kitabi yaꞌ buwat kaintongan, yaꞌ du luu pūs meꞌ tabi pitsayaꞌ (ndaun Yaꞌkub 2.17, 26). Kuwan sagannap ma bay buwat kalaatan, kalabuan jaꞌ sina hukuman.”
30Maka yuk si Isa, “Bong dangan-dangan ku sadjaꞌ, yaꞌ situ luu tapabuwat ku ni kapatut ku dī ku. Sangkon mimon bandingan ku lakka man bitsala Mmaꞌ ku niyaku. Dari mastiꞌ tuwaꞌ jaꞌ situ bandingan ku, batan saꞌ du kahandak ku bean ku, arapun iya bean ku yana kahandak Mmaꞌ ku ma bay mapitu aku.
Saksiꞌ ma mōꞌ kabanahan bong soy si Isa
31“Na bong siꞌ itu isu-isu aku māꞌ bong soy ku, yaꞌ tatantu bi bong bana bitsala ku atawa niyaꞌ. 32Sugaꞌ luu gi baw tu disu mōꞌ kabanahan bong soy ku. Boꞌ katoonan ku bana bitsala na. 33Saꞌ ba, bay kam nohoꞌ jama pa mman si Yahiya, maka lay du ya maan sila bong soy ku? Boꞌ bana jaꞌ du silay mimon bay halling na pasal aku. 34Sugaꞌ saꞌ ga gunahan gi niyaku saksiꞌ manusiyaꞌ mōꞌ kabanahan bong soy ku. Sat na jaꞌ, kon bi bay paintoman ku bitsala si Yahiya pasal aku supaya kinanna meꞌ bi boꞌ bi salamat.
35“Si Yahiya ilay, sibuꞌ karuha na ka disu sūꞌ dantaꞌ banahan ninag ni jawom lindom. Sampay bay du kam pingkaꞌ gāk samantalaꞌ meꞌ dantaꞌ na. 36Sugaꞌ luu gi silay man jama mindoga bong soy ku labi gi man bay bitsala si Yahiya, yana siga pabuwatan kahaylan-haylan bay pōꞌ ku man panohoan Mmaꞌ ku. Siga pabuwatan looy ilay, ilooy na buktiꞌ Mmaꞌ ku bay nohoꞌ aku pitu. Boꞌ tud subay pupus ku mimon ma bay sohoꞌ Mmaꞌ ku. 37Lagiꞌ na, Mmaꞌ ku ina ma bay mapitu aku, iya mismu bay māꞌ bong soy ku. Sat na jaꞌ, yaꞌ kam bay pingkaꞌ kale suwara na atawa pun ngita iya balharapan. 38Palman na pun, yaꞌ du bay kinanna meꞌ bi sabap yaꞌ kam kuhi pitsayaꞌ ni ilooy ma bay papitu na. 39Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu. 40Sugaꞌ kaam tu, amu-amu kam yaꞌ kuhi mmeꞌ niyaku. Bong siꞌ ina kam bay kuhi, mastiꞌ lay na kam koleꞌ kasampulnaan nyawa meꞌ looy.
41“Na aku tu mitsala meꞌ tuu, yaꞌ du tu ku muhung sanglit manusiyaꞌ. 42Sugaꞌ san sawpama miha ku sanglit, yaꞌ du ku ngaholat lakka mman bi, batan katoonan ku yaꞌ luu njawom atay bi aseꞌ pa Tuhan. 43San ku bay pitu ni kapatut Mmaꞌ ku, yaꞌ du ku bay hinasi meꞌ bi. Sugaꞌ bong baw luu jama pitu noan kaam ni kapatut na dī na, iya ya hinasi meꞌ bi.
44“Kaam ina, inaa katigian bi meꞌ bi sibuwan-buwan sanglit. Sugaꞌ bong sanglit man Tuhan, yaꞌ luu hagaꞌ na ningkaam. Sangkon tunmanūn sina meꞌ bi pitsayaꞌ niyaku. 45Sugaꞌ daa kam mista ga aku nusunan kaam ni awpan Mmaꞌ ku bbos-bbos. Arapun iya ilay mintu nusunan kaam yana Nabi Musa ma asahan bi nanggehan kaam. 46Bong siꞌ ina kam bana-bana pitsayaꞌ ni bitsala Nabi Musa, mastiꞌ pitsayaꞌ jaꞌ kam niyaku sabap meka bay sinuwatan meꞌ na pasal aku. 47Sugaꞌ pagka kam yaꞌ bay pitsayaꞌ ni suwat na pasal aku, mastiꞌ yaꞌ du kam pitsayaꞌ ni bitsala ku.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc. All rights reserved.