Juan 14
14
Jesudepa Tachi Ak'õremá wãnai jarada
1»K'ĩra piawẽa p'anarãt'ɨ. Tachi Ak'õrepa oorude mãɨnepa chi mɨa oorude ĩjãat'ɨ. 2Mɨ Ak'õre baparimá k'ɨda minachia bɨma. Mɨ mãmá wãipɨ mãɨ k'ɨda ooi k'orea mãra pae. Mãɨyawẽpara mɨa jaraiwẽ pasima. 3Mɨ mãɨ k'ɨda oode wãipɨra, ya mãicha cheipɨ mãra ateewãi k'orea mɨ ome p'ananamẽrá. 4Mãrapa k'awa p'anɨma mɨ sãmá wãit'a. Chi o sida k'awa p'anɨma.
5Maamina Tomapa jarasima:
—Tai Chipari, atua p'anɨma pɨ sãmá wãit'a. ¿Sãmaasã́ mãɨ o k'awadaima?
6Mãɨne Jesupa jarasima:
—Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma. 7Mãrapa mɨ piarã k'awa p'anɨpɨra, mɨ Ak'õre sida k'awa p'anɨma.#14:7 Mãrapa mɨ piarã k'awa p'anɨpɨra, mɨ Ak'õre sida k'awa p'anɨma. Griego pedeade chi eda waapẽarã k'art'ade bɨ bɨma: Mãrapa mɨ piarã k'awa p'ananapara, mɨ Ak'õre sida k'awa p'ananai pasima. Idiipa waa mãrapa ichi k'awa p'anɨma unu p'anɨ pẽra.
8Mãɨne P'elipepa ichiá jarasima:
—Tai Chipari, Tachi Ak'õre taiyá unupise. Ara mãɨpa ara bɨma.
9Mãɨpuru Jesupa jarasima:
—P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma? 10¿Pɨa ĩjãawẽa bɨk'ãra mɨ, mɨ Ak'õre ome ará bɨt'a mãɨnepa mɨ Ak'õre mɨ ome ará bɨt'a? Mɨa pedea bɨ ara mɨchidepa pedeak'ama. Mãɨpari mɨ Ak'õre mɨ ome ará bɨpa mɨnepa pedea bɨma. Piarã mɨnepa ne ãarea ichia ooparima. 11Ĩjãat'ɨ mɨ, mɨ Ak'õre ome bɨt'a mãɨnepa mɨ Ak'õre mɨ ome bɨt'a. Mɨa mãɨya jara bɨ k'orea mãrapa ĩjãanawẽa p'anɨpɨra, mɨa oo bɨ k'orea ĩjãat'ɨ.
12Mɨa piarã jararuma: parituapa mɨne ĩjãa bɨpɨra, mɨa oo bɨt'a ichia pida ooipɨ. Piarã mɨa oo bɨ k'aepẽra ichia atepe ooipɨ, mɨ, mɨ Ak'õremá bade wãi pẽra. 13Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ. 14Piarã mãrapa mɨne ĩjãa p'anɨ pẽra jõma mɨ t'ɨ̃nepa ɨt'aa chiidiuta mɨa ooipɨ.
Jesupa Tachi Ak'õre Jaore teai jarada
15»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.#14:15 Oo p'ananaipɨ. Griego pedeade chi eda waapẽarã k'art'ade bɨ bɨma: ĩjãa p'anat'ɨ. 16Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ. 17Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.
18»Mɨa mãra jẽramãra jĩra ameeiwẽma. Mɨ mãicha mãramá cheipɨ. 19Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ. 20Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a. 21Chi mɨ pedea ũrik'ari oo bɨpa mɨ k'ɨ̃ria bɨma. Abaɨpa mɨ k'ɨ̃ria bɨpɨra, mɨ Ak'õrepa ichi k'ɨ̃ria baipɨ. Mɨa pida ichi k'ɨ̃ria baipɨ, mãɨnepa ara mɨ ichiá unupiipɨ.
22Maapae chi abaɨ Juda, Iscariotewẽpa Jesua idisima:
—Tai Chipari, ¿sãmaasã́ pɨ taiyá unupiima maamina nãɨ ĩjũanepemarã́ unupiiwẽma?
23Jesupa p'anoosima:
—Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea. 24Chi mɨ k'ɨ̃riawẽa bɨpa mɨ pedea ook'ama. Chi mãrapa ũri p'anɨ pedea mõrewẽma, mãɨpari mɨ Ak'õrenepɨ, chi mɨ peedadepɨ.
25»Mãɨ mɨa mãrá jararuma wapida mãra ome bɨmisa. 26Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.
27»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ. 28Mɨa mãrá jarasima mɨ wãrut'a mãɨnepa mãicha mãramá cheit'a.#Juan 14:3,18. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá. 29Mɨa mãɨ jara bɨma waidi mãɨyai naena, piarã mãɨyarune mãrapa ĩjãanamẽrá.
30»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama. 31Mãɨya mɨ Ak'õrepa oopi bɨt'a mɨa ooipɨ. Mãɨnepa nãɨ ĩjũanepemarãpa k'awadaipɨ mɨa mɨ Ak'õre minachia k'ɨ̃ria bɨt'a.
»P'irabarit'ɨ. Wãtɨma.
S'ha seleccionat:
Juan 14: tdc
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.
Juan 14
14
Jesudepa Tachi Ak'õremá wãnai jarada
1»K'ĩra piawẽa p'anarãt'ɨ. Tachi Ak'õrepa oorude mãɨnepa chi mɨa oorude ĩjãat'ɨ. 2Mɨ Ak'õre baparimá k'ɨda minachia bɨma. Mɨ mãmá wãipɨ mãɨ k'ɨda ooi k'orea mãra pae. Mãɨyawẽpara mɨa jaraiwẽ pasima. 3Mɨ mãɨ k'ɨda oode wãipɨra, ya mãicha cheipɨ mãra ateewãi k'orea mɨ ome p'ananamẽrá. 4Mãrapa k'awa p'anɨma mɨ sãmá wãit'a. Chi o sida k'awa p'anɨma.
5Maamina Tomapa jarasima:
—Tai Chipari, atua p'anɨma pɨ sãmá wãit'a. ¿Sãmaasã́ mãɨ o k'awadaima?
6Mãɨne Jesupa jarasima:
—Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma. 7Mãrapa mɨ piarã k'awa p'anɨpɨra, mɨ Ak'õre sida k'awa p'anɨma.#14:7 Mãrapa mɨ piarã k'awa p'anɨpɨra, mɨ Ak'õre sida k'awa p'anɨma. Griego pedeade chi eda waapẽarã k'art'ade bɨ bɨma: Mãrapa mɨ piarã k'awa p'ananapara, mɨ Ak'õre sida k'awa p'ananai pasima. Idiipa waa mãrapa ichi k'awa p'anɨma unu p'anɨ pẽra.
8Mãɨne P'elipepa ichiá jarasima:
—Tai Chipari, Tachi Ak'õre taiyá unupise. Ara mãɨpa ara bɨma.
9Mãɨpuru Jesupa jarasima:
—P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma? 10¿Pɨa ĩjãawẽa bɨk'ãra mɨ, mɨ Ak'õre ome ará bɨt'a mãɨnepa mɨ Ak'õre mɨ ome ará bɨt'a? Mɨa pedea bɨ ara mɨchidepa pedeak'ama. Mãɨpari mɨ Ak'õre mɨ ome ará bɨpa mɨnepa pedea bɨma. Piarã mɨnepa ne ãarea ichia ooparima. 11Ĩjãat'ɨ mɨ, mɨ Ak'õre ome bɨt'a mãɨnepa mɨ Ak'õre mɨ ome bɨt'a. Mɨa mãɨya jara bɨ k'orea mãrapa ĩjãanawẽa p'anɨpɨra, mɨa oo bɨ k'orea ĩjãat'ɨ.
12Mɨa piarã jararuma: parituapa mɨne ĩjãa bɨpɨra, mɨa oo bɨt'a ichia pida ooipɨ. Piarã mɨa oo bɨ k'aepẽra ichia atepe ooipɨ, mɨ, mɨ Ak'õremá bade wãi pẽra. 13Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ. 14Piarã mãrapa mɨne ĩjãa p'anɨ pẽra jõma mɨ t'ɨ̃nepa ɨt'aa chiidiuta mɨa ooipɨ.
Jesupa Tachi Ak'õre Jaore teai jarada
15»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.#14:15 Oo p'ananaipɨ. Griego pedeade chi eda waapẽarã k'art'ade bɨ bɨma: ĩjãa p'anat'ɨ. 16Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ. 17Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.
18»Mɨa mãra jẽramãra jĩra ameeiwẽma. Mɨ mãicha mãramá cheipɨ. 19Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ. 20Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a. 21Chi mɨ pedea ũrik'ari oo bɨpa mɨ k'ɨ̃ria bɨma. Abaɨpa mɨ k'ɨ̃ria bɨpɨra, mɨ Ak'õrepa ichi k'ɨ̃ria baipɨ. Mɨa pida ichi k'ɨ̃ria baipɨ, mãɨnepa ara mɨ ichiá unupiipɨ.
22Maapae chi abaɨ Juda, Iscariotewẽpa Jesua idisima:
—Tai Chipari, ¿sãmaasã́ pɨ taiyá unupiima maamina nãɨ ĩjũanepemarã́ unupiiwẽma?
23Jesupa p'anoosima:
—Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea. 24Chi mɨ k'ɨ̃riawẽa bɨpa mɨ pedea ook'ama. Chi mãrapa ũri p'anɨ pedea mõrewẽma, mãɨpari mɨ Ak'õrenepɨ, chi mɨ peedadepɨ.
25»Mãɨ mɨa mãrá jararuma wapida mãra ome bɨmisa. 26Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.
27»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ. 28Mɨa mãrá jarasima mɨ wãrut'a mãɨnepa mãicha mãramá cheit'a.#Juan 14:3,18. Mãrapa mɨ piarã k'ɨ̃ria p'anɨpara arapaadai pasima mɨ Ak'õremá wãyane ada k'orea. Ichi mɨ atepe bɨ pẽra, mɨ mãicha bɨipɨ mɨ naena badamá. 29Mɨa mãɨ jara bɨma waidi mãɨyai naena, piarã mãɨyarune mãrapa ĩjãanamẽrá.
30»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama. 31Mãɨya mɨ Ak'õrepa oopi bɨt'a mɨa ooipɨ. Mãɨnepa nãɨ ĩjũanepemarãpa k'awadaipɨ mɨa mɨ Ak'õre minachia k'ɨ̃ria bɨt'a.
»P'irabarit'ɨ. Wãtɨma.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.