Juan 6
6
Jesupa 5 mil p'anɨa nek'opida
Mateo 14:13-21; Marco 6:30-44; Luca 9:10-17
1Mãɨya nak'ari Jesú Galilea senia k'ĩaria lao wãsima. Mãɨ senia ichiaba Tiberia senia apatama.#6:1 Galilea. Mãɨ senia choma chi Napema K'art'a bɨdade Quinéret wa Cineret t'ɨ̃ jarapachidama. Ichiaba bɨ bɨma: Genesare. Luca 5:1. 2Jesupa ẽpẽerãpa ne p'ue oodak'apɨ́ oo bɨdepa k'ɨdade berã jɨpa beepik'oasima. Chok'ará ẽpẽerãpa mãɨ unu p'anana pẽra ichi k'aade wãsidama. 3Maapae Jesú ichi ome p'ɨrrɨapataɨrã ome eyak'á p'eraade wãnak'ari jeeda suak'abari p'aneesidama. 4Judiorã Egitodepa wãnana k'ɨ̃risiapataɨ ewari k'ait'a pa basima. 5Mãɨne Jesupa ẽpẽerã chok'ará k'aade cheuta unuk'ari, P'elipea nãɨya jarasima:
—¿Sãma p'ana atadaima nãɨrã́ nek'opidai k'orea?
6Jesupa k'ãre ooit'a k'awa basima. Mãɨneepuru mãɨya jarasima P'elipepa sak'á p'anooi k'awa. 7P'elipepa p'anoosima:
—Mi jedek'o k'ak'o 8 mimiana erreara tau deepida, mãɨ jitadadepa mi ãpia pida ara baiwẽa bɨma, nãɨ ẽpẽerã́ mi ãpĩipiapida nek'opidayá.#6:7 Mãɨ ewaride jedek'o k'ak'o ocho mimiapachidama dosciento denario erreara tau jitai k'orea.
8Mãɨne chi Jesú ome p'ɨrrɨaparí André, Simón Pedro ũpẽapa nãɨya jarasima:
9—Warra nãma bɨpa p'ana cebada ooda joesoma uru bɨma mãɨnepa beta ume uru bɨma. Maamina nãɨ ¿k'ãa sãit'a nãɨ ẽpẽerã chi minachia nɨbɨ pae?
10Mãma p'ũajãra pará basima. Mãɨpuru Jesupa jarasima:
—Ãareaɨrã́ jarat'ɨ p'ũajãrane suak'abari p'aneenamẽrá.
Ara mãɨne jeeda suak'abari p'aneesidama. Ɨmɨk'ĩirãowa cinco mil p'anasidama. 11Jesupa p'ana juade jitak'ari Tachi Ak'õrea sõpia bɨade asima. Maapae ichi ome p'ɨrrɨapataɨrã́ jarasima ẽpẽerã́ jedadamẽrá. Betadeepida ara mãɨya oosima ãareaɨrãpa ãchia k'ɨ̃riautat'a k'odamẽrá. 12Ãareaɨrã jãwaanak'ari Jesupa ichi ome p'ɨrrɨapataɨrã́ jarasima:
—Chi pichoada jõma jɨrɨp'et'ɨ mi ãpia pida ãrinaemaapa.
13Ara mãɨne jɨrɨp'esidama. Jabara k'ak'o doce ipirupisidama mãɨ p'ana cebada oodat'a mãɨ joesomanepema pichoadapa. 14Chi Jesupa ẽpẽerãpa ne p'ue oodak'apɨ́ ununak'ari ẽpẽerãpa jarasidama:
—Piarã nãɨ Tachi Ak'õre pari pedeaparí chi waibɨa bɨ, chi nãɨ ĩjũane chei badapɨ.#Deuteronomio 18:15-18.
15Maamina Jesupa k'awasima ẽpẽerãpa ichi jita k'ɨ̃ria p'anasit'a ãchi poro jũra jɨ̃parí jɨ̃ bɨ papidai k'orea. Mãɨpuru mãicha ichi tuaba eyadea wãsima.
Jesú to ɨ̃rɨ wãna
Mateo 14:22-27; Marco 6:45-52
16K'iuk'ari Jesú ome p'ɨrrɨapataɨrã senia ik'idá wãsidama. 17P'ãp'orrode batoosidaɨde Jesú ãchimá waidi chewẽa basima. Maamina waa k'ĩaria lao wãsidama Capernaunea wãnai k'orea. Mãɨya bɨde minachia p'ãrio nɨbeesima. 18Mãɨne nãu minachia p'õat'ɨ nɨbeesidepa, senia t'umaane to bɨk'a minachia nɨbeesima. 19To estarik'a wãutade Jesú to ɨ̃rɨ cheru unusidama.#6:19 Mãɨ senia chi jet'ea diez kilómetro chaa bɨma. Mãɨpa jara bɨma cinco wa sei kilómetro ãchi wii wãuta pasit'a. Ãchimá cheru pẽra minachia p'erasidama. 20Maamina Jesupa jarasima:
—P'erarãt'ɨ. Mɨpɨ.
21Mãɨne ichi p'ãp'orrode sõpia batoopidak'ari, ateewãsidama. Ara mãɨne ãchi wãutamá to ik'idá pasidama.#6:21 Mãɨ griego pedeada ichiaba jara k'ɨ̃ria bɨma: «Mãɨne ichi p'ãp'orrode ateewã k'ɨ̃ria p'anɨne, ãchi wãutamá pasidama».
Jesú chok'ae bapiparí p'anapɨ
22Chi eda waapẽarã wa k'ĩaria lao p'aneesidama. Mãɨ norema k'awasidama chi Jesú ome p'ɨrrɨapataɨrã ãchi tuaba p'ãp'orrode batoodak'ari, wãsidat'a. Unusidama mãma p'ãp'orro abapuru basit'a mãɨnepa Jesú ãchi ome wãé pasit'a. 23Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá. 24Ẽpẽerãpa k'awasidama Jesú mãɨnepa ichi ome p'ɨrrɨapataɨrã mãma p'ananaé pasit'a. Mãɨpuru ãchi mãɨ p'ãp'orrode batoodak'ari Capernaunea Jesú jɨrɨde wãsidama. 25Jesú senia k'ĩaria lao unusidaɨde idisidama:
—Jarateaparí, pɨ ¿sãapae nãmá chesima?
26Jesupa p'anoosima:
—Mɨa piarã jararuma: mãrapa k'awadawẽa p'anɨma chi mɨa ẽpẽerãpa ne p'ue oodak'apɨ́ oodapa ne jara k'ɨ̃ria bɨt'a. Aba mɨ jɨrɨ p'anɨma mɨa nek'opik'ari jãwaanana pẽra. 27Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.
28Mãɨpuru ãchia idisidama:
—Taipa ¿k'ãre oodai p'anɨma Tachi Ak'õrepa oopi bɨt'a oodai k'orea?
29Jesupa p'anoosima:
—Tachi Ak'õrepa oopi bɨ nãɨpɨ: chi ichia Peedade ĩjãanai p'anɨma.
30-31Mãɨpuru ãchia Jesua idisidama:
—¿Pɨa taiyá k'ãre unupiima, pɨ pedea ĩjãanamẽrá? Tachi chõarãenapemarãpa ĩjũa pania newẽa bɨde maná k'opachidama. Tachi Ak'õre pedeade jara bɨma: “Ichia ɨt'aripema p'ana teasima ãchia k'odamẽrá”.#Éxodo 16:4,15; Salmo 78:24; Nehemia 9:15. ¿Pɨa k'ãre ooima?
32Mãɨne Jesupa p'anoosima:
—Mɨa piarã jararuma, mãɨ ɨt'aripema p'ana Moisepa mãrá teaé pasima. Mɨ Ak'õrepuru teasima. Mãɨ awara ɨt'aripema p'ana piarã mãrã́ tea bɨma. 33Mãɨ Tachi Ak'õrepa teada p'ana ɨt'aripa chedapa nãɨ ĩjũanepemarã chok'ae bapiparima.#6:33 Chok'ae bapiparima. Juanpa jara bɨma tachia Jesude ĩjãasidara, ewaricha chok'ae p'ananait'a, ichi Jaore uru p'ananait'a tachi k'aripai k'orea mãɨnepa ichi pedea uru p'ananait'a ichi piarãpẽat'a k'awadai k'orea.
34Ãchia jarasidama:
—Tai Chipari, mãɨ chok'ae bapiparí p'ana ewaricha taiyá tea base.
35Jesupa jarasima:
—Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma. 36Maamina mɨa jarada jĩra, mɨa ẽpẽerãpa ne p'ue oodak'apɨ́ ooda mãrapa unusidamina ĩjãanawẽa p'anɨma. 37Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma. 38Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea. 39Mɨ Peedapa k'ɨ̃ria bɨma ichia mɨá teadaɨrã aba pida atuapiemaapa, mãɨpari nãɨ jõru ewari parude, ãchi chok'ae p'irabaripiipɨ. 40Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.
41Jesupa «mɨ chi p'ana ɨt'aripa chedade» ada pẽra, chi mãma p'anɨ judiorãpa ichi k'orea pedea piawẽa pedeasidama. 42Nãɨya jarasidama:
—¿Nãɨ Jesú, José warrawẽk'ãra? Chi ak'õre mãɨnepa chi nae tachia unupatama. ¿K'ãre k'orea ichi ɨt'aripa chesiade a bɨma?
43Mãɨya p'anɨne Jesupa jarasima:
—Waa k'achia pedearãt'ɨ. 44Abaɨ pida p'ue mɨne ĩjãaiwẽma mɨ Ak'õre, chi mɨ Peedapa ichi mɨmá enemeaepɨra. Maamina mɨ Ak'õrepa mãɨ enemeeipɨra nãɨ jõru ewaride mãɨ ẽpẽra mɨa chok'ae p'irabaripiipɨ. 45Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”.#Isaía 54:13. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ. 46Mãɨpa jarawẽa bɨma abaɨpa Tachi Ak'õre unusit'a. Abapuru mɨ chi ichidepa chedapa mãɨ unu basima.
47»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ. 48Mɨ chi p'ana chok'ae bapiparí p'anapɨ. 49Mãra chõarãenapemarãpa ĩjũa pania newẽa bɨde maná k'o p'anasidamina, mãɨrã piusidama. 50Maamina chi nãɨ p'ana ɨt'aripa cheda k'oipɨra piuiwẽma. 51Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.
52Mãɨya bɨde judiorã ãchi tuaba k'ɨ̃risia awara awará k'ĩruu pedea p'anasidadepa jara p'aneesidama:
—¿Sãmaasã́ ichi k'ak'ua tachiá k'opiima?
53Mãɨne Jesupa jarasima:
—Mɨa piarã jararuma: mãrapa mɨ chi Ẽpẽra Warra k'ak'ua k'odaepɨra mãɨnepa mɨ oa todaepɨra, ewaricha chok'ae p'ananaiwẽma. 54-55Mɨ k'ak'ua mãɨ piarãpɨ mãɨnepa mɨ oa mãɨ piarãpɨ. Mãɨpuru chi mɨ k'ak'ua k'o bɨt'a mãɨnepa chi mɨ oa to bɨt'a, mãɨ Tachi Ak'õre ome ewaricha chok'ae baipɨ. Nãɨ jõru ewaride mɨa mãɨ ẽpẽra chok'ae p'irabaripiipɨ.
56Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma. 57Mɨ Ak'õre chok'ae baparipa mɨ peesima. Ya mɨ ichidepa chok'ae bɨma. Ara mãɨ jĩra chi mɨ k'ak'ua k'o bɨpa mɨnepa chok'ae baipɨ. 58Mɨ p'ana ɨt'aripa cheda chi piarãpɨ. Mãra chõarãenapemarãpa maná k'opachidamina ãarea piusidama. Maamina mɨ maná jĩra bɨwẽma. Chi nãɨ p'ana k'o bɨ ewaricha chok'ae baipɨ.
59Jesupa jõma mãɨ Capernaune jarateasima judiorã ará pedeapataɨ tede.
Tachi Ak'õre ome ewaricha chok'ae p'ananai k'orea jarada
60Mãɨ jaratea bɨ ũrisidaɨde chok'ará Jesú ome p'anɨrãpa jarasidama: «Ichia jarada chi t'aju bɨma. ¿K'aipa mãɨ p'ue mãɨya k'ɨ̃riaima?»
61Jesupa k'awasima ichia jarateada k'orea ãchi mãɨya piawẽa pedea p'anɨt'a. Mãɨpuru jarasima:
—Mãramá, mɨa jarateada ¿chi t'aju bɨk'ãra? 62Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima? 63Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá. 64Maamina eda waapẽarãpa waidi mɨ pedea ĩjãanawẽa p'anɨma.
Jesupa mãɨya jarasima ichia naenaena k'awa bada pẽra k'airãpa ichi pedea ĩjãanawẽa p'anɨt'a mãɨnepa k'aipa ichi jitapii bɨt'a.
65Mãɨne Jesupa jarasima:
—Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.
66Mãɨpuru chok'ará Jesú k'aade wã p'ananarãpa ichi itu bɨsidama. Waa ichi ome p'ɨrrɨadaé pasima. 67Mãɨpuru Jesupa ichia doce jɨrɨ atadaɨrã́ jarasima:
—¿Mãra sida wã k'ɨ̃ria p'anɨk'ãra?
68Simón Pedropa p'anoosima:
—Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá. 69Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.#6:69 Tachi Ak'õrepa peeda jĩp'a bɨt'a Griego pedeade chi eda waapẽarã k'art'ade bɨ bɨma: Tachi Ak'õrepa Tachi K'aripaparí teai jarada, chi Tachi Ak'õre chok'ae baparí Warra.
70Jesupa jarasima:
—Mɨa mãra doce jɨrɨ atasima, mɨ ome p'ɨrrɨadamẽrá. Maamina mãranepema aba tioredepɨ.
71Jesupa Juda, Simón Iscariote warra k'orea pedea basima. Ichi Jesú ome p'ɨrrɨapataɨrã doce p'anɨnepemamina, mãɨpa ichi jitapii pasima.
S'ha seleccionat:
Juan 6: tdc
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.
Juan 6
6
Jesupa 5 mil p'anɨa nek'opida
Mateo 14:13-21; Marco 6:30-44; Luca 9:10-17
1Mãɨya nak'ari Jesú Galilea senia k'ĩaria lao wãsima. Mãɨ senia ichiaba Tiberia senia apatama.#6:1 Galilea. Mãɨ senia choma chi Napema K'art'a bɨdade Quinéret wa Cineret t'ɨ̃ jarapachidama. Ichiaba bɨ bɨma: Genesare. Luca 5:1. 2Jesupa ẽpẽerãpa ne p'ue oodak'apɨ́ oo bɨdepa k'ɨdade berã jɨpa beepik'oasima. Chok'ará ẽpẽerãpa mãɨ unu p'anana pẽra ichi k'aade wãsidama. 3Maapae Jesú ichi ome p'ɨrrɨapataɨrã ome eyak'á p'eraade wãnak'ari jeeda suak'abari p'aneesidama. 4Judiorã Egitodepa wãnana k'ɨ̃risiapataɨ ewari k'ait'a pa basima. 5Mãɨne Jesupa ẽpẽerã chok'ará k'aade cheuta unuk'ari, P'elipea nãɨya jarasima:
—¿Sãma p'ana atadaima nãɨrã́ nek'opidai k'orea?
6Jesupa k'ãre ooit'a k'awa basima. Mãɨneepuru mãɨya jarasima P'elipepa sak'á p'anooi k'awa. 7P'elipepa p'anoosima:
—Mi jedek'o k'ak'o 8 mimiana erreara tau deepida, mãɨ jitadadepa mi ãpia pida ara baiwẽa bɨma, nãɨ ẽpẽerã́ mi ãpĩipiapida nek'opidayá.#6:7 Mãɨ ewaride jedek'o k'ak'o ocho mimiapachidama dosciento denario erreara tau jitai k'orea.
8Mãɨne chi Jesú ome p'ɨrrɨaparí André, Simón Pedro ũpẽapa nãɨya jarasima:
9—Warra nãma bɨpa p'ana cebada ooda joesoma uru bɨma mãɨnepa beta ume uru bɨma. Maamina nãɨ ¿k'ãa sãit'a nãɨ ẽpẽerã chi minachia nɨbɨ pae?
10Mãma p'ũajãra pará basima. Mãɨpuru Jesupa jarasima:
—Ãareaɨrã́ jarat'ɨ p'ũajãrane suak'abari p'aneenamẽrá.
Ara mãɨne jeeda suak'abari p'aneesidama. Ɨmɨk'ĩirãowa cinco mil p'anasidama. 11Jesupa p'ana juade jitak'ari Tachi Ak'õrea sõpia bɨade asima. Maapae ichi ome p'ɨrrɨapataɨrã́ jarasima ẽpẽerã́ jedadamẽrá. Betadeepida ara mãɨya oosima ãareaɨrãpa ãchia k'ɨ̃riautat'a k'odamẽrá. 12Ãareaɨrã jãwaanak'ari Jesupa ichi ome p'ɨrrɨapataɨrã́ jarasima:
—Chi pichoada jõma jɨrɨp'et'ɨ mi ãpia pida ãrinaemaapa.
13Ara mãɨne jɨrɨp'esidama. Jabara k'ak'o doce ipirupisidama mãɨ p'ana cebada oodat'a mãɨ joesomanepema pichoadapa. 14Chi Jesupa ẽpẽerãpa ne p'ue oodak'apɨ́ ununak'ari ẽpẽerãpa jarasidama:
—Piarã nãɨ Tachi Ak'õre pari pedeaparí chi waibɨa bɨ, chi nãɨ ĩjũane chei badapɨ.#Deuteronomio 18:15-18.
15Maamina Jesupa k'awasima ẽpẽerãpa ichi jita k'ɨ̃ria p'anasit'a ãchi poro jũra jɨ̃parí jɨ̃ bɨ papidai k'orea. Mãɨpuru mãicha ichi tuaba eyadea wãsima.
Jesú to ɨ̃rɨ wãna
Mateo 14:22-27; Marco 6:45-52
16K'iuk'ari Jesú ome p'ɨrrɨapataɨrã senia ik'idá wãsidama. 17P'ãp'orrode batoosidaɨde Jesú ãchimá waidi chewẽa basima. Maamina waa k'ĩaria lao wãsidama Capernaunea wãnai k'orea. Mãɨya bɨde minachia p'ãrio nɨbeesima. 18Mãɨne nãu minachia p'õat'ɨ nɨbeesidepa, senia t'umaane to bɨk'a minachia nɨbeesima. 19To estarik'a wãutade Jesú to ɨ̃rɨ cheru unusidama.#6:19 Mãɨ senia chi jet'ea diez kilómetro chaa bɨma. Mãɨpa jara bɨma cinco wa sei kilómetro ãchi wii wãuta pasit'a. Ãchimá cheru pẽra minachia p'erasidama. 20Maamina Jesupa jarasima:
—P'erarãt'ɨ. Mɨpɨ.
21Mãɨne ichi p'ãp'orrode sõpia batoopidak'ari, ateewãsidama. Ara mãɨne ãchi wãutamá to ik'idá pasidama.#6:21 Mãɨ griego pedeada ichiaba jara k'ɨ̃ria bɨma: «Mãɨne ichi p'ãp'orrode ateewã k'ɨ̃ria p'anɨne, ãchi wãutamá pasidama».
Jesú chok'ae bapiparí p'anapɨ
22Chi eda waapẽarã wa k'ĩaria lao p'aneesidama. Mãɨ norema k'awasidama chi Jesú ome p'ɨrrɨapataɨrã ãchi tuaba p'ãp'orrode batoodak'ari, wãsidat'a. Unusidama mãma p'ãp'orro abapuru basit'a mãɨnepa Jesú ãchi ome wãé pasit'a. 23Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá. 24Ẽpẽerãpa k'awasidama Jesú mãɨnepa ichi ome p'ɨrrɨapataɨrã mãma p'ananaé pasit'a. Mãɨpuru ãchi mãɨ p'ãp'orrode batoodak'ari Capernaunea Jesú jɨrɨde wãsidama. 25Jesú senia k'ĩaria lao unusidaɨde idisidama:
—Jarateaparí, pɨ ¿sãapae nãmá chesima?
26Jesupa p'anoosima:
—Mɨa piarã jararuma: mãrapa k'awadawẽa p'anɨma chi mɨa ẽpẽerãpa ne p'ue oodak'apɨ́ oodapa ne jara k'ɨ̃ria bɨt'a. Aba mɨ jɨrɨ p'anɨma mɨa nek'opik'ari jãwaanana pẽra. 27Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.
28Mãɨpuru ãchia idisidama:
—Taipa ¿k'ãre oodai p'anɨma Tachi Ak'õrepa oopi bɨt'a oodai k'orea?
29Jesupa p'anoosima:
—Tachi Ak'õrepa oopi bɨ nãɨpɨ: chi ichia Peedade ĩjãanai p'anɨma.
30-31Mãɨpuru ãchia Jesua idisidama:
—¿Pɨa taiyá k'ãre unupiima, pɨ pedea ĩjãanamẽrá? Tachi chõarãenapemarãpa ĩjũa pania newẽa bɨde maná k'opachidama. Tachi Ak'õre pedeade jara bɨma: “Ichia ɨt'aripema p'ana teasima ãchia k'odamẽrá”.#Éxodo 16:4,15; Salmo 78:24; Nehemia 9:15. ¿Pɨa k'ãre ooima?
32Mãɨne Jesupa p'anoosima:
—Mɨa piarã jararuma, mãɨ ɨt'aripema p'ana Moisepa mãrá teaé pasima. Mɨ Ak'õrepuru teasima. Mãɨ awara ɨt'aripema p'ana piarã mãrã́ tea bɨma. 33Mãɨ Tachi Ak'õrepa teada p'ana ɨt'aripa chedapa nãɨ ĩjũanepemarã chok'ae bapiparima.#6:33 Chok'ae bapiparima. Juanpa jara bɨma tachia Jesude ĩjãasidara, ewaricha chok'ae p'ananait'a, ichi Jaore uru p'ananait'a tachi k'aripai k'orea mãɨnepa ichi pedea uru p'ananait'a ichi piarãpẽat'a k'awadai k'orea.
34Ãchia jarasidama:
—Tai Chipari, mãɨ chok'ae bapiparí p'ana ewaricha taiyá tea base.
35Jesupa jarasima:
—Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma. 36Maamina mɨa jarada jĩra, mɨa ẽpẽerãpa ne p'ue oodak'apɨ́ ooda mãrapa unusidamina ĩjãanawẽa p'anɨma. 37Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma. 38Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea. 39Mɨ Peedapa k'ɨ̃ria bɨma ichia mɨá teadaɨrã aba pida atuapiemaapa, mãɨpari nãɨ jõru ewari parude, ãchi chok'ae p'irabaripiipɨ. 40Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.
41Jesupa «mɨ chi p'ana ɨt'aripa chedade» ada pẽra, chi mãma p'anɨ judiorãpa ichi k'orea pedea piawẽa pedeasidama. 42Nãɨya jarasidama:
—¿Nãɨ Jesú, José warrawẽk'ãra? Chi ak'õre mãɨnepa chi nae tachia unupatama. ¿K'ãre k'orea ichi ɨt'aripa chesiade a bɨma?
43Mãɨya p'anɨne Jesupa jarasima:
—Waa k'achia pedearãt'ɨ. 44Abaɨ pida p'ue mɨne ĩjãaiwẽma mɨ Ak'õre, chi mɨ Peedapa ichi mɨmá enemeaepɨra. Maamina mɨ Ak'õrepa mãɨ enemeeipɨra nãɨ jõru ewaride mãɨ ẽpẽra mɨa chok'ae p'irabaripiipɨ. 45Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”.#Isaía 54:13. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ. 46Mãɨpa jarawẽa bɨma abaɨpa Tachi Ak'õre unusit'a. Abapuru mɨ chi ichidepa chedapa mãɨ unu basima.
47»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ. 48Mɨ chi p'ana chok'ae bapiparí p'anapɨ. 49Mãra chõarãenapemarãpa ĩjũa pania newẽa bɨde maná k'o p'anasidamina, mãɨrã piusidama. 50Maamina chi nãɨ p'ana ɨt'aripa cheda k'oipɨra piuiwẽma. 51Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.
52Mãɨya bɨde judiorã ãchi tuaba k'ɨ̃risia awara awará k'ĩruu pedea p'anasidadepa jara p'aneesidama:
—¿Sãmaasã́ ichi k'ak'ua tachiá k'opiima?
53Mãɨne Jesupa jarasima:
—Mɨa piarã jararuma: mãrapa mɨ chi Ẽpẽra Warra k'ak'ua k'odaepɨra mãɨnepa mɨ oa todaepɨra, ewaricha chok'ae p'ananaiwẽma. 54-55Mɨ k'ak'ua mãɨ piarãpɨ mãɨnepa mɨ oa mãɨ piarãpɨ. Mãɨpuru chi mɨ k'ak'ua k'o bɨt'a mãɨnepa chi mɨ oa to bɨt'a, mãɨ Tachi Ak'õre ome ewaricha chok'ae baipɨ. Nãɨ jõru ewaride mɨa mãɨ ẽpẽra chok'ae p'irabaripiipɨ.
56Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma. 57Mɨ Ak'õre chok'ae baparipa mɨ peesima. Ya mɨ ichidepa chok'ae bɨma. Ara mãɨ jĩra chi mɨ k'ak'ua k'o bɨpa mɨnepa chok'ae baipɨ. 58Mɨ p'ana ɨt'aripa cheda chi piarãpɨ. Mãra chõarãenapemarãpa maná k'opachidamina ãarea piusidama. Maamina mɨ maná jĩra bɨwẽma. Chi nãɨ p'ana k'o bɨ ewaricha chok'ae baipɨ.
59Jesupa jõma mãɨ Capernaune jarateasima judiorã ará pedeapataɨ tede.
Tachi Ak'õre ome ewaricha chok'ae p'ananai k'orea jarada
60Mãɨ jaratea bɨ ũrisidaɨde chok'ará Jesú ome p'anɨrãpa jarasidama: «Ichia jarada chi t'aju bɨma. ¿K'aipa mãɨ p'ue mãɨya k'ɨ̃riaima?»
61Jesupa k'awasima ichia jarateada k'orea ãchi mãɨya piawẽa pedea p'anɨt'a. Mãɨpuru jarasima:
—Mãramá, mɨa jarateada ¿chi t'aju bɨk'ãra? 62Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima? 63Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá. 64Maamina eda waapẽarãpa waidi mɨ pedea ĩjãanawẽa p'anɨma.
Jesupa mãɨya jarasima ichia naenaena k'awa bada pẽra k'airãpa ichi pedea ĩjãanawẽa p'anɨt'a mãɨnepa k'aipa ichi jitapii bɨt'a.
65Mãɨne Jesupa jarasima:
—Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.
66Mãɨpuru chok'ará Jesú k'aade wã p'ananarãpa ichi itu bɨsidama. Waa ichi ome p'ɨrrɨadaé pasima. 67Mãɨpuru Jesupa ichia doce jɨrɨ atadaɨrã́ jarasima:
—¿Mãra sida wã k'ɨ̃ria p'anɨk'ãra?
68Simón Pedropa p'anoosima:
—Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá. 69Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.#6:69 Tachi Ak'õrepa peeda jĩp'a bɨt'a Griego pedeade chi eda waapẽarã k'art'ade bɨ bɨma: Tachi Ak'õrepa Tachi K'aripaparí teai jarada, chi Tachi Ak'õre chok'ae baparí Warra.
70Jesupa jarasima:
—Mɨa mãra doce jɨrɨ atasima, mɨ ome p'ɨrrɨadamẽrá. Maamina mãranepema aba tioredepɨ.
71Jesupa Juda, Simón Iscariote warra k'orea pedea basima. Ichi Jesú ome p'ɨrrɨapataɨrã doce p'anɨnepemamina, mãɨpa ichi jitapii pasima.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.