Juan 5
5
Jesús jiꞌchäĉajte Betzatayaty muntyiꞌ
1Chaꞌsheꞌ in yiris feshta judíos muꞌin. Muꞌĉan chimeꞌ muꞌ Jesús Jerusalénĉan. 2Mọꞌyaꞌ Jerusalénĉan yiris ojñiꞌ miquiꞌyas, hebreosĉan p̂eyacdyeꞌ Betzata jeꞌ in. C̣hẹiꞌyaꞌ mọꞌ bäꞌyedyes chụiꞌdyeꞌ mọꞌ Ovecas, jeꞌ mọꞌ chụiꞌdyeꞌ in, ovemun buꞌyiꞌ ojñiꞌve väc̣häjc̣häquen acaꞌ ĉanamꞌ in. 3-4Muꞌĉan daiꞌ bäꞌyi areꞌreijtyiꞌ muntyiꞌ in, judyeyaꞌ tofety in, judyeyaꞌ bureijtyiꞌ in judyeyaꞌ yäjquity muntyiꞌ chimeꞌ in, muꞌĉan chụchujduduꞌ mụijyaꞌ in. 5Muꞌĉan chimeꞌ yirity muntyiꞌ bureijtyiꞌ, chibin quiꞌtac q̂uenꞌĉan jiyiꞌ yómodyeꞌyity, meꞌquiꞌ meꞌ buꞌyi muꞌ bureꞌ buꞌyi. 6Muꞌĉan Jesús cạvete chụjduij. Muꞌ Jesús chịj meꞌtum yómodyeꞌ meꞌ buꞌyi muꞌ. Yi Jesús jéte:
—¿Jam mạꞌjeꞌ chäĉän um?
7Vorjete muꞌ muntyiꞌ:
—Mạꞌjeꞌ tsanꞌ yụ, jam qui namꞌ tyi yuꞌtyin ojñiꞌĉan yụ in aty bubaquiꞌyaꞌ mọꞌ ojñiꞌ.#5:7 Yi jiquej in, jämꞌdyeyaꞌ ca chạij yirity anjer jiꞌbubeꞌ ojñiꞌ, aty meꞌsiꞌyaꞌ, tyi chuc ca tashcheꞌ muꞌĉan p̂aiꞌjoij ojñiꞌĉan jụijyaꞌ, muꞌĉan chäĉän, jedyeꞌ chuc areꞌredyeꞌ muꞌsiꞌ. Jeñej raꞌ tsanꞌ yụ chum yi tashi p̂aiꞌjoij ojñiꞌĉan ĉúti yụ, yoctyiꞌ chum yi mọmoꞌ ojñiꞌĉan in, jam junꞌ tupuj yụ —jéte.
8Yi Jesús jéte:
—Sacyeva, tapjevaꞌ jubij mi, miꞌebada —jajiti.
9P̂eyacdyeꞌĉandye mọmoꞌ chäĉän muꞌ muntyiꞌ, meꞌdye muꞌ tapjebanꞌ jubij muꞌ chat qui miꞌeban muꞌ. Jịꞌjutyitidyesĉan mạyedyeꞌ muꞌ Jesús jajiꞌchäĉun. 10Muꞌin judíoty ayoꞌ muꞌin cạvete in jéte in:
—Ọij mạyedyeꞌ jịꞌjutyitidyes, ¿junꞌ meꞌ cạĉan jubij um? Jam mọꞌ junꞌ tupuj meꞌ, yiꞌ tsunsiꞌ yụꞌtacdyeꞌ —jéte in.
11Jéyacsi muꞌ:
—Muꞌ jiꞌchäĉuntyiꞌ yụ yi muꞌ jin yụ: "Tapjevaꞌ jubij mi, miꞌebada", yi jin yụ —jéyacsi.
12Judíoty ayoꞌ muꞌin jéte in:
—¿Tyi caꞌ meꞌ jin mi paj qui tapjeyaĉan jubij mi judyeyaꞌ miꞌeban mi? —jéte in.
13Muꞌ na chäĉäntyiꞌ jam chịj tyi buty sacjajibun, ĉaĉaij na shachyi muntyiꞌ in, chimeꞌ muꞌ Jesús aty jọban. 14Aty jábiyaꞌ muꞌ Jesús täjjebajte Jenꞌsiꞌĉan acaꞌ muꞌ. Yi jajiti:
—Seꞌvaca q̂uinꞌ, aty chäĉän mi, mijam raꞌ täjbanꞌ juchaj mi, areꞌĉa dadamꞌ mujuꞌchaꞌ tyejoij mi —jajiti.
15Muꞌdye muntyiꞌ ĉọcsequi muꞌin judíoty ayoꞌ in, jéyacsi: "Jesús jiꞌchäĉun yụ", jéyacsi.
16Mọꞌmun jịꞌfajqueyete in muꞌ Jesús judyeyaꞌ ñiñete in, ĉaĉaij na jịꞌjutyitidyesĉan mạyedyeꞌ jiꞌchäĉajte muꞌ muntyiꞌ. 17Muꞌ Jesús yi jéyacsi:
—Jenꞌ yụ räjĉan carijtaqui, meꞌdye raꞌ yụ chimeꞌ carijtaqui, nọ́tacsi yụ muntyiꞌ in —jéyacsi.
18Mọꞌdyes muꞌin judío in mujuꞌchaꞌ c̣hojvete in, mạꞌjeꞌ tsanꞌ ujate in ĉaĉaij na jam ạ̈räjjeꞌ mọꞌ jịꞌjutyitidyes mạyedyeꞌ. Jam mọꞌjete mọmoꞌ in, chimeꞌdye jiꞌmeꞌtyeyete in yíyaꞌ: "Muꞌ Jenꞌ muꞌ nash Jenꞌ yụ." Mọꞌ jịꞌfajqueyete in ĉaĉaij na Jenꞌ yuꞌti muꞌ.
Jesús yụꞌtac Jenꞌyaꞌ
19Jesús jéĉunacsi:
—Yụ jéyac: Yụ Jenꞌtyiꞌ Ạvaꞌ yụ jam ĉụiꞌsiꞌ dyijyedyeꞌ cäc̣häꞌchuiꞌ yụ, Jenꞌsimꞌ cäc̣häꞌchupte dyijyedyeꞌ yụ. Jedyeꞌ chuc carijtyeꞌ Jenꞌ yụ, chịmoꞌdye yụs carijtacdyeꞌ, ĉaĉaij na yụ Ạvaꞌ muꞌ. 20Muꞌ Jenꞌ yụ anic fer mạꞌjin yụ Ạvaꞌ muꞌ, judyeyaꞌ jiꞌcaviyin yụ räj dyijyedyeꞌ muꞌ. Yocsiꞌ qui raꞌ soꞌmin yụ dadamꞌ mọjoꞌchas ferdyeꞌ paj qui mọꞌ jịꞌcaveyeyacsi yụ, ọyaꞌyasdyemꞌ ọij jịꞌcaveyeyacsi yụ q̂uinꞌ, jiꞌchäĉajteij uts muntyiꞌ, anic raꞌ äjyi miꞌin cavitiĉaꞌyaꞌ yụ miꞌin meꞌ. 21Yojdyemꞌ muꞌ Jenꞌ u vañinjeyacseban muꞌin säñity in judyeyaꞌ jịꞌtsaꞌacseban, meꞌjeꞌdye raꞌ yụ chimeꞌ Ạvaꞌ muꞌ, tyi chuc mạꞌjeꞌ jịꞌtsaꞌebajte yụ, meꞌdye raꞌ yụ chimeꞌdye. 22Muꞌ Jenꞌ yụ jam jịꞌcäts yụꞌtacsi juchadyeꞌyaꞌ muntyiꞌ in, yụ qui namꞌ Ạvaꞌ muꞌ yuꞌtyin yụ, yụ raꞌ jịꞌcäts yụꞌtacsity juchadyeꞌyaꞌ, 23paj qui yụ́cheꞌ räj irijyi muntyiꞌ in, yódyemꞌ irijjibun Jenꞌ u yụ in. Tyi chuc jam meꞌ irijyity yụ́cheꞌ in, meꞌdye chimeꞌ muꞌ Jenꞌ jam irijjibun yụ in.
24Yụ jéyac, tyi chuc seꞌvibun p̂eyacdyeꞌ yụ in, judyeyaꞌ anicjete Jenꞌ in, muꞌ jutintyiꞌ yụ, muꞌin aty Jenꞌyadyety in, muꞌin raꞌ jam vaꞌtacdyeꞌ cạiꞌ in juchadyes muꞌin, aty raꞌ jam cạveꞌ sänꞌdyeꞌ in, Jenꞌyaꞌ raꞌ bäꞌyi in. 25Yụ jéyac, aty ayij tupudyeꞌ, muꞌin säñi buꞌyity q̂uinꞌ in, seꞌvibun raꞌ p̂eyacdyeꞌ yụ in, yụ Jenꞌtyiꞌ Ạvaꞌ muꞌ. Seꞌvibuntyiꞌ p̂eyacdyeꞌ jụijyaꞌ yụ in, muꞌin raꞌ tsạꞌeban in. 26Muꞌ Jenꞌ yụ muꞌ nash tsạꞌchucsity, meꞌ buꞌyi yụ chimeꞌ yuꞌtyin yụ, yụ qui tsạꞌchucsity. 27Chimeꞌdye yuꞌtyin yụ, yụ qui raꞌ jịꞌcäts yụꞌtacsi juchadyeꞌyaꞌ muntyiꞌ in, ĉaĉaij nash yụ Anictyity Muntyiꞌ. 28Jam raꞌ äjyi miꞌin yụ́scheꞌ p̂eyacdyeꞌ miꞌin. Ayij raꞌ tupudyeꞌ räj raꞌ muꞌin säñity in seꞌvibun raꞌ fayacdyeꞌ yụ in, 29muꞌin qui raꞌ ruꞌdyety in sacyeban raꞌ in. Muꞌin rụij bäꞌyity jiquej in muꞌin raꞌ tsạꞌeban in chat qui raꞌ Jenꞌyaꞌ bäꞌyi in, muꞌin na ac̣hiꞌ bäꞌyaquety jiquej in, tsạꞌeban raꞌ tsanꞌ chimeꞌ in, jam qui na ramꞌ Jenꞌyaꞌ jịjcaij in, vaꞌtacdyeꞌĉan raꞌ muꞌin jịjcaij in.
P̂eijtety in Jesús
30Yụ jam ĉụiꞌsiꞌtum dyijyedyeꞌ carijtaqui yụ, Jenꞌsiꞌtum dyijyedyeꞌ carijtaqui yụ, jịꞌcäts yụꞌtacsiij juchadyeꞌyaꞌ muntyiꞌ in, junꞌ chuc muꞌ Jenꞌ jutin yụ, mọꞌdyes anic rụij shupquiꞌ jịꞌcäts yụꞌtacdyeꞌ yụ, ĉaĉaij na jam ĉụiꞌsiꞌ dyijyedyeꞌ cäc̣häꞌchuiꞌ yụ, Jenꞌsimꞌ dyijyedyeꞌ cạpte yụ, yódyetydyemꞌ jutintyiꞌ u yụ. 31Yụ ĉụiꞌ mọmoꞌ jịꞌchiqueyacsi jụijyaꞌ yụ junꞌ chuc yụ jutactyiꞌ Jenꞌtyiꞌ muꞌ, mijam raꞌ mọꞌ méquiꞌ yaꞌiꞌ p̂eyacdyeꞌ yụ. 32Jenꞌ yụ chimeꞌ muꞌ jịꞌchiqueyacsi junꞌ chuc yụ, mọꞌ chat yaꞌiꞌ p̂eyacdyeꞌ muꞌ. 33Chimeꞌdye muꞌ Juan chojtacsity, jịꞌchiqueyacsi junꞌ chuc yụ. Miꞌin jutacsi paj qui cọdyecte p̂eyacdyeꞌ Juan in muꞌ chojtacsity, jedyeꞌ chuc muꞌ jéyacsi jiquej jiꞌjäꞌquin yụ, anic rụijsis p̂eyacdyeꞌ muꞌ. 34Yụ meꞌ jiꞌjäcbite Juansiꞌ p̂eyacdyeꞌ muꞌ, ĉaĉaij na mạꞌjeꞌ yụ paj qui anicjitiĉaꞌ yụ miꞌin paj qui c̣hoñi miꞌin. Yụ jam jemonte muntyiꞌ paj qui muꞌ jịꞌchiqueyacsi junꞌ chuc yụ jutactyiꞌ Jenꞌtyiꞌ muꞌ. 35Muꞌ Juan ferdyeꞌtum voroꞌtacsi, jeñej fersiꞌ mạijyis meꞌ voroꞌyedyeꞌ muꞌ. Méquiꞌyaꞌ maꞌjotyebitinte p̂eyacdyeꞌ muꞌ. 36Jam Juan mọmoꞌ jịꞌchiqueyacsi junꞌ chuc yụ, chimeꞌdye mọꞌ carijtacdyeꞌ soꞌminsiꞌ yụ Jenꞌ, mọꞌ jämꞌtyes yụ muꞌsiꞌyaꞌ ferdyeꞌ muꞌ, mọꞌ dadamꞌ mọjoꞌchaꞌ jịꞌchiqueyacsiꞌ, yụ nash jutactyiꞌ Jenꞌtyiꞌ muꞌ. 37Chimeꞌdye, muꞌdye Jenꞌ jutintyiꞌ yụ, muꞌ jịꞌchiqueyacsi junꞌ chuc yụ. Miꞌin na jam jụꞌñisĉan seꞌveptinte p̂eyacdyeꞌ muꞌ mijam cạvetinte chimeꞌ, 38mijam jiꞌsisbitinte ĉojtyiꞌĉan miꞌin p̂eyacdyeꞌ muꞌ ĉaĉaij na jam anicjitiĉaꞌ yụ miꞌin, yụ jutactyiꞌ Jenꞌtyiꞌ muꞌ. 39Miꞌin anic jämꞌ p̂eyeptinte tsanꞌ sánacdyeꞌ Jenꞌsiꞌ muꞌ, jeñej aty raꞌ tsanꞌ mọꞌ jiꞌchäquiyinac ĉúti u miꞌin junꞌ chuc raꞌ tupuj c̣hoñi miꞌin, jam qui namꞌ chịj miꞌin mọꞌ sánacdyeꞌ jiꞌchäquiyinac tsanꞌ junꞌ chuc yụ jiꞌc̣honnactyiꞌ, 40mijam méquiꞌ mạꞌjetiñeꞌ atsij yụ́yaꞌ miꞌin paj qui yụ yụꞌtyeyac Jenꞌyadyety miꞌin.
41Yụ jam mọꞌ queveꞌ paj qui timaꞌquitiĉaꞌ yụ miꞌin jacchety muntyiꞌ miꞌin. 42Yụ jämꞌ chị́yeyac miꞌin, mijam méquiꞌ mạꞌjetinte Jenꞌ. 43Muꞌ Jenꞌ jutin yụ meꞌdyes atsij yụ úcheꞌ, miꞌin qui namꞌ jam méquiꞌ jụjjitiĉaꞌ yụ miꞌin. Yoctyiꞌ na raꞌ ĉụiꞌ jụijyaꞌ atsij, meꞌ tsanꞌ ĉụiꞌ mọmoꞌ yi: "Yụ jutactyiꞌ Jenꞌtyiꞌ muꞌ", muꞌ qui ramꞌ jụjjetinte miꞌin. 44Mọmꞌ dyijtutiñeꞌ miꞌin muntyiꞌyamꞌ timaꞌcac miꞌin, jam qui namꞌ dyijtutiñeꞌ miꞌin paj qui Jenꞌ timaꞌquinac miꞌin, mọꞌdyes jam junꞌ anicjitiĉaꞌ yụ miꞌin. 45Junꞌ a vuꞌ jam dyijyi miꞌin, yụ raꞌ jiꞌmeꞌtyeyac Jenꞌyaꞌ juchadyeꞌyaꞌ miꞌin, jam, muꞌdye raꞌ Moisés jiꞌmeꞌtyinac Jenꞌyaꞌ. Meꞌ raꞌ tsanꞌ ĉúti Moiséscheꞌ miꞌin paj qui jiꞌc̣honnac miꞌin, muꞌ raꞌ jiꞌmeꞌtyinac mọmoꞌ Jenꞌyaꞌ. 46Anicjebitinte sánacdyeꞌ jụijyaꞌ Moiséssiꞌ miꞌin, yụ raꞌ chimeꞌ anicjitiĉaꞌ miꞌin, ĉaĉaij na muꞌ Moisés sánacdyeꞌcheꞌ muꞌ jiꞌjäquin yụ. 47Miꞌin jụijyaꞌ jam anicjebitinte sánacdyeꞌ Moiséssiꞌ muꞌ, dadamꞌ raꞌ yụs jam anicjibutiĉaꞌ p̂eyacdyeꞌ miꞌin —jéyacsi muꞌ Jesús.
S'ha seleccionat:
Juan 5: CAS
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Copyright 2017 Nuevo Testamento en Chimane
Jen'si' P̂eyacdye'
Juan 5
5
Jesús jiꞌchäĉajte Betzatayaty muntyiꞌ
1Chaꞌsheꞌ in yiris feshta judíos muꞌin. Muꞌĉan chimeꞌ muꞌ Jesús Jerusalénĉan. 2Mọꞌyaꞌ Jerusalénĉan yiris ojñiꞌ miquiꞌyas, hebreosĉan p̂eyacdyeꞌ Betzata jeꞌ in. C̣hẹiꞌyaꞌ mọꞌ bäꞌyedyes chụiꞌdyeꞌ mọꞌ Ovecas, jeꞌ mọꞌ chụiꞌdyeꞌ in, ovemun buꞌyiꞌ ojñiꞌve väc̣häjc̣häquen acaꞌ ĉanamꞌ in. 3-4Muꞌĉan daiꞌ bäꞌyi areꞌreijtyiꞌ muntyiꞌ in, judyeyaꞌ tofety in, judyeyaꞌ bureijtyiꞌ in judyeyaꞌ yäjquity muntyiꞌ chimeꞌ in, muꞌĉan chụchujduduꞌ mụijyaꞌ in. 5Muꞌĉan chimeꞌ yirity muntyiꞌ bureijtyiꞌ, chibin quiꞌtac q̂uenꞌĉan jiyiꞌ yómodyeꞌyity, meꞌquiꞌ meꞌ buꞌyi muꞌ bureꞌ buꞌyi. 6Muꞌĉan Jesús cạvete chụjduij. Muꞌ Jesús chịj meꞌtum yómodyeꞌ meꞌ buꞌyi muꞌ. Yi Jesús jéte:
—¿Jam mạꞌjeꞌ chäĉän um?
7Vorjete muꞌ muntyiꞌ:
—Mạꞌjeꞌ tsanꞌ yụ, jam qui namꞌ tyi yuꞌtyin ojñiꞌĉan yụ in aty bubaquiꞌyaꞌ mọꞌ ojñiꞌ.#5:7 Yi jiquej in, jämꞌdyeyaꞌ ca chạij yirity anjer jiꞌbubeꞌ ojñiꞌ, aty meꞌsiꞌyaꞌ, tyi chuc ca tashcheꞌ muꞌĉan p̂aiꞌjoij ojñiꞌĉan jụijyaꞌ, muꞌĉan chäĉän, jedyeꞌ chuc areꞌredyeꞌ muꞌsiꞌ. Jeñej raꞌ tsanꞌ yụ chum yi tashi p̂aiꞌjoij ojñiꞌĉan ĉúti yụ, yoctyiꞌ chum yi mọmoꞌ ojñiꞌĉan in, jam junꞌ tupuj yụ —jéte.
8Yi Jesús jéte:
—Sacyeva, tapjevaꞌ jubij mi, miꞌebada —jajiti.
9P̂eyacdyeꞌĉandye mọmoꞌ chäĉän muꞌ muntyiꞌ, meꞌdye muꞌ tapjebanꞌ jubij muꞌ chat qui miꞌeban muꞌ. Jịꞌjutyitidyesĉan mạyedyeꞌ muꞌ Jesús jajiꞌchäĉun. 10Muꞌin judíoty ayoꞌ muꞌin cạvete in jéte in:
—Ọij mạyedyeꞌ jịꞌjutyitidyes, ¿junꞌ meꞌ cạĉan jubij um? Jam mọꞌ junꞌ tupuj meꞌ, yiꞌ tsunsiꞌ yụꞌtacdyeꞌ —jéte in.
11Jéyacsi muꞌ:
—Muꞌ jiꞌchäĉuntyiꞌ yụ yi muꞌ jin yụ: "Tapjevaꞌ jubij mi, miꞌebada", yi jin yụ —jéyacsi.
12Judíoty ayoꞌ muꞌin jéte in:
—¿Tyi caꞌ meꞌ jin mi paj qui tapjeyaĉan jubij mi judyeyaꞌ miꞌeban mi? —jéte in.
13Muꞌ na chäĉäntyiꞌ jam chịj tyi buty sacjajibun, ĉaĉaij na shachyi muntyiꞌ in, chimeꞌ muꞌ Jesús aty jọban. 14Aty jábiyaꞌ muꞌ Jesús täjjebajte Jenꞌsiꞌĉan acaꞌ muꞌ. Yi jajiti:
—Seꞌvaca q̂uinꞌ, aty chäĉän mi, mijam raꞌ täjbanꞌ juchaj mi, areꞌĉa dadamꞌ mujuꞌchaꞌ tyejoij mi —jajiti.
15Muꞌdye muntyiꞌ ĉọcsequi muꞌin judíoty ayoꞌ in, jéyacsi: "Jesús jiꞌchäĉun yụ", jéyacsi.
16Mọꞌmun jịꞌfajqueyete in muꞌ Jesús judyeyaꞌ ñiñete in, ĉaĉaij na jịꞌjutyitidyesĉan mạyedyeꞌ jiꞌchäĉajte muꞌ muntyiꞌ. 17Muꞌ Jesús yi jéyacsi:
—Jenꞌ yụ räjĉan carijtaqui, meꞌdye raꞌ yụ chimeꞌ carijtaqui, nọ́tacsi yụ muntyiꞌ in —jéyacsi.
18Mọꞌdyes muꞌin judío in mujuꞌchaꞌ c̣hojvete in, mạꞌjeꞌ tsanꞌ ujate in ĉaĉaij na jam ạ̈räjjeꞌ mọꞌ jịꞌjutyitidyes mạyedyeꞌ. Jam mọꞌjete mọmoꞌ in, chimeꞌdye jiꞌmeꞌtyeyete in yíyaꞌ: "Muꞌ Jenꞌ muꞌ nash Jenꞌ yụ." Mọꞌ jịꞌfajqueyete in ĉaĉaij na Jenꞌ yuꞌti muꞌ.
Jesús yụꞌtac Jenꞌyaꞌ
19Jesús jéĉunacsi:
—Yụ jéyac: Yụ Jenꞌtyiꞌ Ạvaꞌ yụ jam ĉụiꞌsiꞌ dyijyedyeꞌ cäc̣häꞌchuiꞌ yụ, Jenꞌsimꞌ cäc̣häꞌchupte dyijyedyeꞌ yụ. Jedyeꞌ chuc carijtyeꞌ Jenꞌ yụ, chịmoꞌdye yụs carijtacdyeꞌ, ĉaĉaij na yụ Ạvaꞌ muꞌ. 20Muꞌ Jenꞌ yụ anic fer mạꞌjin yụ Ạvaꞌ muꞌ, judyeyaꞌ jiꞌcaviyin yụ räj dyijyedyeꞌ muꞌ. Yocsiꞌ qui raꞌ soꞌmin yụ dadamꞌ mọjoꞌchas ferdyeꞌ paj qui mọꞌ jịꞌcaveyeyacsi yụ, ọyaꞌyasdyemꞌ ọij jịꞌcaveyeyacsi yụ q̂uinꞌ, jiꞌchäĉajteij uts muntyiꞌ, anic raꞌ äjyi miꞌin cavitiĉaꞌyaꞌ yụ miꞌin meꞌ. 21Yojdyemꞌ muꞌ Jenꞌ u vañinjeyacseban muꞌin säñity in judyeyaꞌ jịꞌtsaꞌacseban, meꞌjeꞌdye raꞌ yụ chimeꞌ Ạvaꞌ muꞌ, tyi chuc mạꞌjeꞌ jịꞌtsaꞌebajte yụ, meꞌdye raꞌ yụ chimeꞌdye. 22Muꞌ Jenꞌ yụ jam jịꞌcäts yụꞌtacsi juchadyeꞌyaꞌ muntyiꞌ in, yụ qui namꞌ Ạvaꞌ muꞌ yuꞌtyin yụ, yụ raꞌ jịꞌcäts yụꞌtacsity juchadyeꞌyaꞌ, 23paj qui yụ́cheꞌ räj irijyi muntyiꞌ in, yódyemꞌ irijjibun Jenꞌ u yụ in. Tyi chuc jam meꞌ irijyity yụ́cheꞌ in, meꞌdye chimeꞌ muꞌ Jenꞌ jam irijjibun yụ in.
24Yụ jéyac, tyi chuc seꞌvibun p̂eyacdyeꞌ yụ in, judyeyaꞌ anicjete Jenꞌ in, muꞌ jutintyiꞌ yụ, muꞌin aty Jenꞌyadyety in, muꞌin raꞌ jam vaꞌtacdyeꞌ cạiꞌ in juchadyes muꞌin, aty raꞌ jam cạveꞌ sänꞌdyeꞌ in, Jenꞌyaꞌ raꞌ bäꞌyi in. 25Yụ jéyac, aty ayij tupudyeꞌ, muꞌin säñi buꞌyity q̂uinꞌ in, seꞌvibun raꞌ p̂eyacdyeꞌ yụ in, yụ Jenꞌtyiꞌ Ạvaꞌ muꞌ. Seꞌvibuntyiꞌ p̂eyacdyeꞌ jụijyaꞌ yụ in, muꞌin raꞌ tsạꞌeban in. 26Muꞌ Jenꞌ yụ muꞌ nash tsạꞌchucsity, meꞌ buꞌyi yụ chimeꞌ yuꞌtyin yụ, yụ qui tsạꞌchucsity. 27Chimeꞌdye yuꞌtyin yụ, yụ qui raꞌ jịꞌcäts yụꞌtacsi juchadyeꞌyaꞌ muntyiꞌ in, ĉaĉaij nash yụ Anictyity Muntyiꞌ. 28Jam raꞌ äjyi miꞌin yụ́scheꞌ p̂eyacdyeꞌ miꞌin. Ayij raꞌ tupudyeꞌ räj raꞌ muꞌin säñity in seꞌvibun raꞌ fayacdyeꞌ yụ in, 29muꞌin qui raꞌ ruꞌdyety in sacyeban raꞌ in. Muꞌin rụij bäꞌyity jiquej in muꞌin raꞌ tsạꞌeban in chat qui raꞌ Jenꞌyaꞌ bäꞌyi in, muꞌin na ac̣hiꞌ bäꞌyaquety jiquej in, tsạꞌeban raꞌ tsanꞌ chimeꞌ in, jam qui na ramꞌ Jenꞌyaꞌ jịjcaij in, vaꞌtacdyeꞌĉan raꞌ muꞌin jịjcaij in.
P̂eijtety in Jesús
30Yụ jam ĉụiꞌsiꞌtum dyijyedyeꞌ carijtaqui yụ, Jenꞌsiꞌtum dyijyedyeꞌ carijtaqui yụ, jịꞌcäts yụꞌtacsiij juchadyeꞌyaꞌ muntyiꞌ in, junꞌ chuc muꞌ Jenꞌ jutin yụ, mọꞌdyes anic rụij shupquiꞌ jịꞌcäts yụꞌtacdyeꞌ yụ, ĉaĉaij na jam ĉụiꞌsiꞌ dyijyedyeꞌ cäc̣häꞌchuiꞌ yụ, Jenꞌsimꞌ dyijyedyeꞌ cạpte yụ, yódyetydyemꞌ jutintyiꞌ u yụ. 31Yụ ĉụiꞌ mọmoꞌ jịꞌchiqueyacsi jụijyaꞌ yụ junꞌ chuc yụ jutactyiꞌ Jenꞌtyiꞌ muꞌ, mijam raꞌ mọꞌ méquiꞌ yaꞌiꞌ p̂eyacdyeꞌ yụ. 32Jenꞌ yụ chimeꞌ muꞌ jịꞌchiqueyacsi junꞌ chuc yụ, mọꞌ chat yaꞌiꞌ p̂eyacdyeꞌ muꞌ. 33Chimeꞌdye muꞌ Juan chojtacsity, jịꞌchiqueyacsi junꞌ chuc yụ. Miꞌin jutacsi paj qui cọdyecte p̂eyacdyeꞌ Juan in muꞌ chojtacsity, jedyeꞌ chuc muꞌ jéyacsi jiquej jiꞌjäꞌquin yụ, anic rụijsis p̂eyacdyeꞌ muꞌ. 34Yụ meꞌ jiꞌjäcbite Juansiꞌ p̂eyacdyeꞌ muꞌ, ĉaĉaij na mạꞌjeꞌ yụ paj qui anicjitiĉaꞌ yụ miꞌin paj qui c̣hoñi miꞌin. Yụ jam jemonte muntyiꞌ paj qui muꞌ jịꞌchiqueyacsi junꞌ chuc yụ jutactyiꞌ Jenꞌtyiꞌ muꞌ. 35Muꞌ Juan ferdyeꞌtum voroꞌtacsi, jeñej fersiꞌ mạijyis meꞌ voroꞌyedyeꞌ muꞌ. Méquiꞌyaꞌ maꞌjotyebitinte p̂eyacdyeꞌ muꞌ. 36Jam Juan mọmoꞌ jịꞌchiqueyacsi junꞌ chuc yụ, chimeꞌdye mọꞌ carijtacdyeꞌ soꞌminsiꞌ yụ Jenꞌ, mọꞌ jämꞌtyes yụ muꞌsiꞌyaꞌ ferdyeꞌ muꞌ, mọꞌ dadamꞌ mọjoꞌchaꞌ jịꞌchiqueyacsiꞌ, yụ nash jutactyiꞌ Jenꞌtyiꞌ muꞌ. 37Chimeꞌdye, muꞌdye Jenꞌ jutintyiꞌ yụ, muꞌ jịꞌchiqueyacsi junꞌ chuc yụ. Miꞌin na jam jụꞌñisĉan seꞌveptinte p̂eyacdyeꞌ muꞌ mijam cạvetinte chimeꞌ, 38mijam jiꞌsisbitinte ĉojtyiꞌĉan miꞌin p̂eyacdyeꞌ muꞌ ĉaĉaij na jam anicjitiĉaꞌ yụ miꞌin, yụ jutactyiꞌ Jenꞌtyiꞌ muꞌ. 39Miꞌin anic jämꞌ p̂eyeptinte tsanꞌ sánacdyeꞌ Jenꞌsiꞌ muꞌ, jeñej aty raꞌ tsanꞌ mọꞌ jiꞌchäquiyinac ĉúti u miꞌin junꞌ chuc raꞌ tupuj c̣hoñi miꞌin, jam qui namꞌ chịj miꞌin mọꞌ sánacdyeꞌ jiꞌchäquiyinac tsanꞌ junꞌ chuc yụ jiꞌc̣honnactyiꞌ, 40mijam méquiꞌ mạꞌjetiñeꞌ atsij yụ́yaꞌ miꞌin paj qui yụ yụꞌtyeyac Jenꞌyadyety miꞌin.
41Yụ jam mọꞌ queveꞌ paj qui timaꞌquitiĉaꞌ yụ miꞌin jacchety muntyiꞌ miꞌin. 42Yụ jämꞌ chị́yeyac miꞌin, mijam méquiꞌ mạꞌjetinte Jenꞌ. 43Muꞌ Jenꞌ jutin yụ meꞌdyes atsij yụ úcheꞌ, miꞌin qui namꞌ jam méquiꞌ jụjjitiĉaꞌ yụ miꞌin. Yoctyiꞌ na raꞌ ĉụiꞌ jụijyaꞌ atsij, meꞌ tsanꞌ ĉụiꞌ mọmoꞌ yi: "Yụ jutactyiꞌ Jenꞌtyiꞌ muꞌ", muꞌ qui ramꞌ jụjjetinte miꞌin. 44Mọmꞌ dyijtutiñeꞌ miꞌin muntyiꞌyamꞌ timaꞌcac miꞌin, jam qui namꞌ dyijtutiñeꞌ miꞌin paj qui Jenꞌ timaꞌquinac miꞌin, mọꞌdyes jam junꞌ anicjitiĉaꞌ yụ miꞌin. 45Junꞌ a vuꞌ jam dyijyi miꞌin, yụ raꞌ jiꞌmeꞌtyeyac Jenꞌyaꞌ juchadyeꞌyaꞌ miꞌin, jam, muꞌdye raꞌ Moisés jiꞌmeꞌtyinac Jenꞌyaꞌ. Meꞌ raꞌ tsanꞌ ĉúti Moiséscheꞌ miꞌin paj qui jiꞌc̣honnac miꞌin, muꞌ raꞌ jiꞌmeꞌtyinac mọmoꞌ Jenꞌyaꞌ. 46Anicjebitinte sánacdyeꞌ jụijyaꞌ Moiséssiꞌ miꞌin, yụ raꞌ chimeꞌ anicjitiĉaꞌ miꞌin, ĉaĉaij na muꞌ Moisés sánacdyeꞌcheꞌ muꞌ jiꞌjäquin yụ. 47Miꞌin jụijyaꞌ jam anicjebitinte sánacdyeꞌ Moiséssiꞌ muꞌ, dadamꞌ raꞌ yụs jam anicjibutiĉaꞌ p̂eyacdyeꞌ miꞌin —jéyacsi muꞌ Jesús.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Copyright 2017 Nuevo Testamento en Chimane
Jen'si' P̂eyacdye'