Juan 7
7
Jesústyiꞌ vojity muꞌ jam anicjete in
1Aty meꞌsiꞌ muꞌ Jesús paiꞌ nati, socorꞌjeꞌ Galileaĉansiꞌ bäꞌyedyeꞌ in. Judeaĉan qui namꞌ jam jịjcaij ĉaĉaij na muꞌĉantyiꞌ judíoty ayoꞌ muꞌin mạꞌjeꞌ ijate in. 2Aty c̣hẹiꞌyaꞌ mọꞌ feshta tyitiꞌ p̂isijsisĉansiꞌ acaꞌ.#7:2 Ọij feshta cạiꞌ jiꞌdyijvacsiꞌ junꞌ chuc Israeltyiꞌ vóshiꞌ jiquej in p̂isijsisĉan acaꞌ bäꞌyi in cäjyasĉan jac jiquej in, q̂uenꞌĉan mạyedyeꞌ meꞌquiꞌ jịjcaij feshtaij in. 3Jesústyiꞌ vojity muꞌ yi, jéte in:
—Jam raꞌ úyaꞌ mọmoꞌ mi, damꞌdye jämꞌ Judeaĉan jịjcavaꞌ, muꞌĉan jịꞌcaveyacseva ferdyeꞌ mi muꞌin cäc̣häꞌchuntyiꞌ in, paj qui muꞌin chimeꞌ cavibun ferdyeꞌ in. 4Jeshaꞌ muꞌ mạꞌjeꞌ chị́yactyiꞌ muntyiꞌyaꞌ, muꞌ raꞌ jam jumĉan yụꞌtyeꞌ ferdyeꞌ muꞌ. Damꞌdye jämꞌ jịꞌcaveyacsi mi muntyisyaꞌ vej in paj qui räj cavin in —jéte in vojity muꞌ.
5Ĉụiꞌtyiꞌ qui namꞌ vojity muꞌ jam anicjete in. 6Vorjeyacsi Jesús:
—Jambiꞌ ayij tupudyeꞌ yụ paj qui jiꞌcaviti muntyiꞌyaꞌ yụ. Miꞌin na jam meꞌ, junꞌsiꞌ chuc ĉụiꞌ mọmoꞌ tupudyeꞌ ayij miꞌin, tupuj muꞌĉan jịjcaij miꞌin. 7Muꞌin jacchety muntyiꞌ in jam junꞌ fáquinac in, mijam jedyeꞌ jiꞌmeꞌtyiyinac in, yụ na fáquin yụ in ĉaĉaij na yụ jorojĉanjeyacsebi aꞌc̣his dyijyedyeꞌ muꞌin. 8Tạij miꞌin, cạvecvac mọꞌ feshta, yụ raꞌ jam muꞌĉan jịjcaij, jam raꞌ yụ cạvequeꞌ, ĉaĉaij na jambiꞌ ayij tupudyeꞌ yụ —jéyacsi Jesús.
9Taĉan Galileaĉan muꞌ Jesús.
Jesús feshtaĉan p̂isijsisĉan acaꞌ
10Aty sactiyaꞌ in vojity muꞌ Jesústyiꞌ, chat qui muꞌ Jesús muꞌĉan jịjcaij Jerusalénĉan, feshta cạvequeꞌ. Camin venjoij muꞌĉan, mijam chịj muntyiꞌ in. 11Muꞌĉantyiꞌ judíoty ayoꞌ in quevte tsanꞌ in muꞌ Jesús, yi in:
—¿Janaꞌ buty muꞌ Jesús?
12Daiꞌ muꞌin muntyiꞌ in p̂eijvaꞌte in, jítidyeij in: "Anic rụijtyity muꞌ", yi in. Pạrej na yi in: "Jam nash muꞌ rụijtyity, cäj jịꞌchiyacsi muntyiꞌ in", yi in.
13Chabaꞌ chabaꞌ p̂iyiti in ĉaĉaij na quijnacsi in muꞌin judíoty ayoꞌ in.
14Aty vạjpedyeꞌ mạyedyeꞌ feshtas tyitiꞌ mọꞌ, chat q̂uinꞌdyemꞌ sacti muꞌ Jesús, muꞌĉan jịjcaij siti Jenꞌsiꞌĉan acaꞌ muꞌ, tiyacchuti jịꞌchiyacsi muntyiꞌ in. 15Muꞌin judíoty ayoꞌ in anic äjjepte muꞌin in jiꞌchäyitidyeꞌ muꞌ. Yi in:
—¿Junꞌ buty meꞌ muꞌ, meꞌ tsanꞌ jam jịꞌchiyac yụꞌtacdyeꞌ, uts na meꞌ räj chị́yeꞌ muꞌ? —yi in.
16Vorjeyacsi Jesús:
—Jam nash ọij ĉụiꞌsiꞌ jiꞌchäyitidyeꞌ yụ, muꞌ Jenꞌ jutintyiꞌ yụ, muꞌsiꞌ nash jiꞌchäyitidyeꞌ muꞌ. 17Tyi chuc mạꞌjeꞌ cạpte in Jenꞌsiꞌ dyijyedyeꞌ muꞌ, muꞌin raꞌ chäyibun yụ in jiꞌchäyitidyeꞌ yụ, mọꞌ anic Jenꞌsiꞌ muꞌ, jam ĉụiꞌsiꞌ mọꞌ jiꞌchäyitidyeꞌ yụ. 18Jeshaꞌ muꞌyaꞌ pạrej ĉụiꞌsiꞌ mọmoꞌ jiꞌchäyitidyeꞌ jịꞌchiyacsi in, mọꞌ mọmoꞌ mạꞌjeꞌ in paj qui timaꞌcacsi muntyiꞌ in. Muꞌ na mạꞌjeꞌtyiꞌ paj qui mọꞌ timaꞌcacdyeꞌ muꞌdyes tyi chuc jajutitity, muꞌ nash rụijtyity, rụijsis mọmoꞌ p̂eyacdyeꞌ p̂eyeꞌ, meꞌ nash yi yụ paj qui timaꞌcacdyes Jenꞌdyes muꞌ.
19Meꞌ tsanꞌ muꞌ Moisés yuꞌtyiyinac mọꞌ yụꞌtacdyeꞌ Jenꞌsiꞌ muꞌ, uts na jam damꞌ chiquetiñeꞌ mọꞌ, dadamꞌ qui mạꞌjetiñeꞌ ijatiĉaꞌ yụ miꞌin —jéyacsi muꞌ Jesús judíoty ayoꞌ muꞌin.
20Vorjete in:
—Anic sọyoꞌtumtyiꞌ mi, ¿tyi ĉaĉaij mạꞌjeꞌ ijan u? —jéte in.
21Vorjeyacsi Jesús:
—Carijtaquiyaꞌ yụ jiquej jịꞌjutyitidyesĉan mạyedyeꞌ, jiꞌchäĉajteyaꞌ yụ muꞌ muntyiꞌ, mọꞌ jiꞌfajquiyitiĉaꞌ yụ miꞌin. 22Meꞌdye miꞌin chimeꞌ carijtaqui miꞌin jịꞌjutyitidyesĉan mạyedyeꞌ. Pạrej mọꞌdye mạyedyeꞌ seiꞌtaqui ạvaꞌsiꞌ aꞌ miꞌin, aty mọꞌ tupudyeꞌ seiꞌtacdyesiꞌ venchuiꞌ, ĉaĉaij na meꞌ yiꞌ yụꞌtacdyeꞌ sáñeꞌsiꞌ muꞌ Moisés jiquej. (Jam Moisés yụꞌtyeꞌ mọꞌ seiꞌtacdyeꞌ, tạꞌcas mọmoꞌ meꞌ yi in vóshiꞌvun miꞌin.) 23Meꞌdye miꞌin, meꞌ tsanꞌ jịꞌjutyitidyes mạyedyeꞌ, seiꞌtaquimꞌ ạvaꞌsiꞌ aꞌ miꞌin, paj qui meꞌ chiquetiñeꞌ miꞌin mọꞌ seiꞌtacdyes yụꞌtacdyeꞌ. ¿Junꞌ dash mọꞌ jiꞌfajquiyitiĉaꞌ yụ miꞌin, mọꞌ jiꞌchäcacdyeꞌ muntyiꞌ jịꞌjutyitidyesĉan mạyedyeꞌ? 24Jam raꞌ cavintum ñäñibutiĉaꞌ yụs carijtacdyeꞌ miꞌin, jemoñeꞌ rụij dyijtubutiĉaꞌ miꞌin, meꞌ raꞌ chịj miꞌin anic rụij dyijyi yụ —jéyacsi Jesús.
Muntyiꞌ yi in: ¿Jesús buty Jiꞌc̣honacsity Muntyiꞌ?
25Pạrej muꞌin Jerusalénĉantyiꞌ yi jítidyeij in:
—¿Jam adac uts Jesús mạꞌjeꞌ ujatety in muꞌin ayoꞌ in? 26Mush tyuꞌ útsi muntyisyaꞌ vej muꞌin jịꞌchiyacsevaꞌjoij, mijam qui namꞌ méquiꞌ jätäjjete in. Areꞌ muꞌin yụꞌtactyiꞌ in anicyeban muꞌcheꞌ chimeꞌ in muꞌ Jiꞌc̣honacsity Muntyiꞌ —yi in.
27Yoctyiꞌ na yi in:
—Atsijyaꞌ raꞌ muꞌ Jiꞌc̣honacsity Muntyiꞌ jam raꞌ tyi chịj in junatyiꞌ chuc muꞌ, uts na Jesús chị́yeja junatyiꞌ chuc muꞌ.
28Jesús muꞌĉan jịꞌchiyacsi Jenꞌsiꞌĉan acaꞌ muꞌ. Fer p̂eyaqui muꞌĉan jéyacsi:
—¿Jaij meꞌ chäyitiĉaꞌ yụ miꞌin, judyeyaꞌ chịj miꞌin junaty chuc atsij yụ? Jam ĉụiꞌsiꞌyaꞌ dyijyedyeꞌ atsij úcheꞌ yụ, yụ nash jutactyiꞌ muꞌ rụijtyitytyiꞌ, yódyetydyemꞌ miꞌin jam junꞌ chị́yetintety u. 29Yụ qui namꞌ chị́yete ĉaĉaij na muꞌyaty jiquej atsij yụ, muꞌ jutin yụ —jéyacsi Jesús.
30Dyijyi tsanꞌ in mạꞌjeꞌ jiꞌĉärꞌte in, jam qui namꞌ junꞌte in paj qui tapjete in ĉaĉaij na jambiꞌ ayij tupudyeꞌ muꞌ. 31Muntyiꞌ qui namꞌ daiꞌ anicjete in, yi in:
—Muꞌ Jiꞌc̣honacsity Muntyiꞌ, mọꞌ jorojĉanjisinꞌ ĉaĉaij na anic daiꞌ quiꞌ ferdyeꞌ jiꞌcaviyisinꞌ.
Fariseo tsanꞌ in mạꞌjeꞌ ĉärꞌte in muꞌ Jesús
32Muꞌin fariseo in seꞌvacsebi muntyis p̂eyacdyeꞌ muꞌin, yi in muꞌ Jesús muꞌ Jiꞌc̣honacsity Muntyiꞌ. Mọꞌdyes qui muꞌin fariseo in judyeyaꞌ muꞌin tashchety cudyitity Jenꞌcheꞌ in jutacsi pạrej in muꞌin yụꞌtactyiꞌ ĉọjcaiꞌtyiꞌ in Jenꞌsiꞌ acaꞌ muꞌ paj qui muꞌin tapjete in. 33Jesús p̂eyaqui yi:
—Damꞌdyety raꞌ penꞌdyetuyac miꞌin, chat qui raꞌ jọban yụ, yụ raꞌ caꞌñibun muꞌyaꞌ jutintyiꞌyaꞌ yụ. 34Meꞌ raꞌ tsanꞌ quivjudyiĉaꞌ yụ miꞌin, mijam raꞌ junꞌ daĉudyiĉaꞌ yụ miꞌin, ĉaĉaij na jam raꞌ junꞌ venjoij miꞌin, yóĉandyemꞌ raꞌ yụ u —jéyacsi Jesús.
35Muꞌin judíoty ayoꞌ yi jítidyeij in:
—¿Junaꞌ qui buty raꞌ jịjcaij uts Jesús, yoj yi na: "Miꞌin raꞌ jam junꞌ daĉudyiĉaꞌ yụ miꞌin?" yi. Areꞌ raꞌ muꞌve jịjcaij, yoctyisĉan jac in paj qui muꞌve jajbuꞌyacsi muꞌĉantyiꞌ judío in, muꞌĉan qui jịꞌchiyacsi jam judío in. Areꞌ meꞌ dyijyi yocve raꞌ jịjcaij, 36ĉaĉaij na yi muꞌ jísinꞌ: "Miꞌin raꞌ tsanꞌ quivdyiĉaꞌ yụ miꞌin, jam qui na ramꞌ junꞌ daĉudyiĉaꞌ yụ miꞌin, mijam raꞌ méquiꞌ chaꞌshitiĉaꞌ yụ miꞌin, yócheꞌdyemꞌ raꞌ bäꞌbancheꞌ u yụ", yi muꞌ. ¿Jätäjyiꞌ ọij p̂eyacdyeꞌ umꞌ? —yi jítidyeij in.
Tsạꞌchucsis ojñiꞌ
37Jadyiquis mạyedyeꞌ feshtas mọꞌ mọjoꞌchaꞌ därsiꞌ. Mọꞌdye mạyedyeꞌ sacyi muꞌ Jesús fer p̂eyaqui jéyacsi:
—Tyi chuc jajri jụijyaꞌ, paj yụ́yaꞌ atsij, paj tyeij mọꞌ soꞌmetes raꞌ yụ. 38Mọꞌdye yiꞌ sánacdyeꞌ: "Tyi chuc anicjintyiꞌ yụ, maj raꞌ shupquiꞌ tsạꞌchucsis ojñimꞌ ĉojtyiꞌĉansiꞌ muꞌ."
39Mọꞌ cạiꞌ tsạꞌchucsis ojñiꞌ, muꞌ p̂eijbite Jenꞌsiꞌ Ạꞌedyeꞌ muꞌ, soꞌmac raꞌ in muꞌin anicjetety in. Jambiꞌdyemꞌ soꞌmac in Jenꞌsiꞌ Ạꞌedyeꞌ muꞌ, ĉaĉaij na muꞌ Jesús jambiꞌ mạyedyeꞌcheꞌ jịjcaban.
Jam cäts dyijyi Jesúscheꞌ in
40Pạrej na muntyiꞌ in aty seꞌvepte p̂eyacdyeꞌ in, yi in:
—Anicdye meꞌ uts Jesús jasoꞌmitity p̂eyacdyeꞌ Jenꞌ, muꞌ bisjaty tsun jiquej —yi in.
41Pạrej na muꞌyaꞌ yi in:
—Muꞌdye u Jiꞌc̣honacsity Muntyiꞌ —yi in.
Muꞌyaꞌ na chimeꞌ yi in:
—Jam u muꞌ, muꞌ Jiꞌc̣honacsity Muntyiꞌ jam raꞌ junꞌ muꞌ Galileaĉantyiꞌ muntyiꞌ. 42Meꞌ yiꞌ sánacdyeꞌ, muꞌ ca raꞌ Jiꞌc̣honacsity Muntyiꞌ vóshiꞌ ca raꞌ muꞌ Davidvuntyiꞌ jiquej, Belénĉan ca raꞌ naꞌi, yóĉandyemꞌ Davidvun bäꞌyi jiquej u —yi pạrej in.
43Jam vaj cäts dyijyedyeꞌ muꞌin. 44Pạrej mạꞌjeꞌ jiꞌĉärꞌte tsanꞌ in, jam qui namꞌ junꞌjete in.
Ayoꞌ in jam anicjete Jesús in
45Muꞌin yụꞌtactyiꞌ ĉọjcaiꞌtyiꞌ in Jenꞌsiꞌ acaꞌ muꞌ jutactyiꞌ ayoty muꞌin caꞌñibun in, muꞌinyaꞌ jijtuban in fariseoyaꞌ in judyeyaꞌ muꞌin tashchety cudyitity Jenꞌcheꞌ in. Muꞌin jéyacsi in:
—¿Junꞌ caꞌ jam tutinte muꞌ Jesús? —jéyacsi in.
46Muꞌin yụꞌtactyiꞌ ĉọjcaptety Jenꞌsiꞌ acaꞌ in yi vorjeyacsi in:
—Jam tyi chaꞌshepte p̂eyacdyeꞌ Jesússiꞌ muꞌ —yi jéyacsi in.
47Vorjeyacsi fariseo in:
—¿Jiꞌcäc̣häꞌyiti adac miꞌinmun chimeꞌ muꞌyaꞌ? 48Jeshaꞌ, mijam yirity tashcheꞌ buꞌyity tsundyes anicjete muꞌ, mijam fariseo anicjete chimeꞌ in. 49Uts anicjetety Jesús q̂uinꞌ in muꞌin jam chị́yeptety Jenꞌsiꞌ sánacdyeꞌ in, muꞌin raꞌ vaꞌtacdyety Jenꞌyaꞌ in —yi fariseo in.
50Muꞌyaꞌ chimeꞌ muꞌ Nicodemo, muꞌ tsedyedyeꞌ ĉọctety Jesús jiquej, fariseodye muꞌ chimeꞌ. Nicodemo yi jéyacsi fariseo in:
51—Yiꞌ yụꞌtacdyeꞌ tsunsiꞌ, tsun jam cavin soꞌmeja vaꞌtacdyeꞌ yirity muntyiꞌ jiꞌmeꞌtetyyaꞌ ĉụiꞌ in, jemoñeꞌ tashcheꞌ chum jämꞌ cọdyetyeja p̂eyacdyeꞌ muꞌ, jätäjyi raꞌ muꞌ, judyeyaꞌ jämꞌ chị́yac tashcheꞌ, areꞌ mọꞌyaꞌ juchaj muꞌ, areꞌ itŝiꞌ muꞌ —jéyacsi Nicodemo.
52Vorjete fariseo in:
—¿Mi adac chimeꞌ muꞌĉantyiꞌ Galileaĉantyiꞌ muntyiꞌ? Jämꞌtuvaꞌ p̂eyevaꞌ sánacdyeꞌ, meꞌ raꞌ chat chịj mi jam nash junꞌ muꞌĉantyiꞌ Galileaĉantyiꞌ in jasoꞌmitity p̂eyacdyeꞌ Jenꞌ in —jéte in.
53Aty meꞌsiꞌ in chat qui jọban acaꞌyaꞌ jịjcaban in.
S'ha seleccionat:
Juan 7: CAS
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Copyright 2017 Nuevo Testamento en Chimane
Jen'si' P̂eyacdye'
Juan 7
7
Jesústyiꞌ vojity muꞌ jam anicjete in
1Aty meꞌsiꞌ muꞌ Jesús paiꞌ nati, socorꞌjeꞌ Galileaĉansiꞌ bäꞌyedyeꞌ in. Judeaĉan qui namꞌ jam jịjcaij ĉaĉaij na muꞌĉantyiꞌ judíoty ayoꞌ muꞌin mạꞌjeꞌ ijate in. 2Aty c̣hẹiꞌyaꞌ mọꞌ feshta tyitiꞌ p̂isijsisĉansiꞌ acaꞌ.#7:2 Ọij feshta cạiꞌ jiꞌdyijvacsiꞌ junꞌ chuc Israeltyiꞌ vóshiꞌ jiquej in p̂isijsisĉan acaꞌ bäꞌyi in cäjyasĉan jac jiquej in, q̂uenꞌĉan mạyedyeꞌ meꞌquiꞌ jịjcaij feshtaij in. 3Jesústyiꞌ vojity muꞌ yi, jéte in:
—Jam raꞌ úyaꞌ mọmoꞌ mi, damꞌdye jämꞌ Judeaĉan jịjcavaꞌ, muꞌĉan jịꞌcaveyacseva ferdyeꞌ mi muꞌin cäc̣häꞌchuntyiꞌ in, paj qui muꞌin chimeꞌ cavibun ferdyeꞌ in. 4Jeshaꞌ muꞌ mạꞌjeꞌ chị́yactyiꞌ muntyiꞌyaꞌ, muꞌ raꞌ jam jumĉan yụꞌtyeꞌ ferdyeꞌ muꞌ. Damꞌdye jämꞌ jịꞌcaveyacsi mi muntyisyaꞌ vej in paj qui räj cavin in —jéte in vojity muꞌ.
5Ĉụiꞌtyiꞌ qui namꞌ vojity muꞌ jam anicjete in. 6Vorjeyacsi Jesús:
—Jambiꞌ ayij tupudyeꞌ yụ paj qui jiꞌcaviti muntyiꞌyaꞌ yụ. Miꞌin na jam meꞌ, junꞌsiꞌ chuc ĉụiꞌ mọmoꞌ tupudyeꞌ ayij miꞌin, tupuj muꞌĉan jịjcaij miꞌin. 7Muꞌin jacchety muntyiꞌ in jam junꞌ fáquinac in, mijam jedyeꞌ jiꞌmeꞌtyiyinac in, yụ na fáquin yụ in ĉaĉaij na yụ jorojĉanjeyacsebi aꞌc̣his dyijyedyeꞌ muꞌin. 8Tạij miꞌin, cạvecvac mọꞌ feshta, yụ raꞌ jam muꞌĉan jịjcaij, jam raꞌ yụ cạvequeꞌ, ĉaĉaij na jambiꞌ ayij tupudyeꞌ yụ —jéyacsi Jesús.
9Taĉan Galileaĉan muꞌ Jesús.
Jesús feshtaĉan p̂isijsisĉan acaꞌ
10Aty sactiyaꞌ in vojity muꞌ Jesústyiꞌ, chat qui muꞌ Jesús muꞌĉan jịjcaij Jerusalénĉan, feshta cạvequeꞌ. Camin venjoij muꞌĉan, mijam chịj muntyiꞌ in. 11Muꞌĉantyiꞌ judíoty ayoꞌ in quevte tsanꞌ in muꞌ Jesús, yi in:
—¿Janaꞌ buty muꞌ Jesús?
12Daiꞌ muꞌin muntyiꞌ in p̂eijvaꞌte in, jítidyeij in: "Anic rụijtyity muꞌ", yi in. Pạrej na yi in: "Jam nash muꞌ rụijtyity, cäj jịꞌchiyacsi muntyiꞌ in", yi in.
13Chabaꞌ chabaꞌ p̂iyiti in ĉaĉaij na quijnacsi in muꞌin judíoty ayoꞌ in.
14Aty vạjpedyeꞌ mạyedyeꞌ feshtas tyitiꞌ mọꞌ, chat q̂uinꞌdyemꞌ sacti muꞌ Jesús, muꞌĉan jịjcaij siti Jenꞌsiꞌĉan acaꞌ muꞌ, tiyacchuti jịꞌchiyacsi muntyiꞌ in. 15Muꞌin judíoty ayoꞌ in anic äjjepte muꞌin in jiꞌchäyitidyeꞌ muꞌ. Yi in:
—¿Junꞌ buty meꞌ muꞌ, meꞌ tsanꞌ jam jịꞌchiyac yụꞌtacdyeꞌ, uts na meꞌ räj chị́yeꞌ muꞌ? —yi in.
16Vorjeyacsi Jesús:
—Jam nash ọij ĉụiꞌsiꞌ jiꞌchäyitidyeꞌ yụ, muꞌ Jenꞌ jutintyiꞌ yụ, muꞌsiꞌ nash jiꞌchäyitidyeꞌ muꞌ. 17Tyi chuc mạꞌjeꞌ cạpte in Jenꞌsiꞌ dyijyedyeꞌ muꞌ, muꞌin raꞌ chäyibun yụ in jiꞌchäyitidyeꞌ yụ, mọꞌ anic Jenꞌsiꞌ muꞌ, jam ĉụiꞌsiꞌ mọꞌ jiꞌchäyitidyeꞌ yụ. 18Jeshaꞌ muꞌyaꞌ pạrej ĉụiꞌsiꞌ mọmoꞌ jiꞌchäyitidyeꞌ jịꞌchiyacsi in, mọꞌ mọmoꞌ mạꞌjeꞌ in paj qui timaꞌcacsi muntyiꞌ in. Muꞌ na mạꞌjeꞌtyiꞌ paj qui mọꞌ timaꞌcacdyeꞌ muꞌdyes tyi chuc jajutitity, muꞌ nash rụijtyity, rụijsis mọmoꞌ p̂eyacdyeꞌ p̂eyeꞌ, meꞌ nash yi yụ paj qui timaꞌcacdyes Jenꞌdyes muꞌ.
19Meꞌ tsanꞌ muꞌ Moisés yuꞌtyiyinac mọꞌ yụꞌtacdyeꞌ Jenꞌsiꞌ muꞌ, uts na jam damꞌ chiquetiñeꞌ mọꞌ, dadamꞌ qui mạꞌjetiñeꞌ ijatiĉaꞌ yụ miꞌin —jéyacsi muꞌ Jesús judíoty ayoꞌ muꞌin.
20Vorjete in:
—Anic sọyoꞌtumtyiꞌ mi, ¿tyi ĉaĉaij mạꞌjeꞌ ijan u? —jéte in.
21Vorjeyacsi Jesús:
—Carijtaquiyaꞌ yụ jiquej jịꞌjutyitidyesĉan mạyedyeꞌ, jiꞌchäĉajteyaꞌ yụ muꞌ muntyiꞌ, mọꞌ jiꞌfajquiyitiĉaꞌ yụ miꞌin. 22Meꞌdye miꞌin chimeꞌ carijtaqui miꞌin jịꞌjutyitidyesĉan mạyedyeꞌ. Pạrej mọꞌdye mạyedyeꞌ seiꞌtaqui ạvaꞌsiꞌ aꞌ miꞌin, aty mọꞌ tupudyeꞌ seiꞌtacdyesiꞌ venchuiꞌ, ĉaĉaij na meꞌ yiꞌ yụꞌtacdyeꞌ sáñeꞌsiꞌ muꞌ Moisés jiquej. (Jam Moisés yụꞌtyeꞌ mọꞌ seiꞌtacdyeꞌ, tạꞌcas mọmoꞌ meꞌ yi in vóshiꞌvun miꞌin.) 23Meꞌdye miꞌin, meꞌ tsanꞌ jịꞌjutyitidyes mạyedyeꞌ, seiꞌtaquimꞌ ạvaꞌsiꞌ aꞌ miꞌin, paj qui meꞌ chiquetiñeꞌ miꞌin mọꞌ seiꞌtacdyes yụꞌtacdyeꞌ. ¿Junꞌ dash mọꞌ jiꞌfajquiyitiĉaꞌ yụ miꞌin, mọꞌ jiꞌchäcacdyeꞌ muntyiꞌ jịꞌjutyitidyesĉan mạyedyeꞌ? 24Jam raꞌ cavintum ñäñibutiĉaꞌ yụs carijtacdyeꞌ miꞌin, jemoñeꞌ rụij dyijtubutiĉaꞌ miꞌin, meꞌ raꞌ chịj miꞌin anic rụij dyijyi yụ —jéyacsi Jesús.
Muntyiꞌ yi in: ¿Jesús buty Jiꞌc̣honacsity Muntyiꞌ?
25Pạrej muꞌin Jerusalénĉantyiꞌ yi jítidyeij in:
—¿Jam adac uts Jesús mạꞌjeꞌ ujatety in muꞌin ayoꞌ in? 26Mush tyuꞌ útsi muntyisyaꞌ vej muꞌin jịꞌchiyacsevaꞌjoij, mijam qui namꞌ méquiꞌ jätäjjete in. Areꞌ muꞌin yụꞌtactyiꞌ in anicyeban muꞌcheꞌ chimeꞌ in muꞌ Jiꞌc̣honacsity Muntyiꞌ —yi in.
27Yoctyiꞌ na yi in:
—Atsijyaꞌ raꞌ muꞌ Jiꞌc̣honacsity Muntyiꞌ jam raꞌ tyi chịj in junatyiꞌ chuc muꞌ, uts na Jesús chị́yeja junatyiꞌ chuc muꞌ.
28Jesús muꞌĉan jịꞌchiyacsi Jenꞌsiꞌĉan acaꞌ muꞌ. Fer p̂eyaqui muꞌĉan jéyacsi:
—¿Jaij meꞌ chäyitiĉaꞌ yụ miꞌin, judyeyaꞌ chịj miꞌin junaty chuc atsij yụ? Jam ĉụiꞌsiꞌyaꞌ dyijyedyeꞌ atsij úcheꞌ yụ, yụ nash jutactyiꞌ muꞌ rụijtyitytyiꞌ, yódyetydyemꞌ miꞌin jam junꞌ chị́yetintety u. 29Yụ qui namꞌ chị́yete ĉaĉaij na muꞌyaty jiquej atsij yụ, muꞌ jutin yụ —jéyacsi Jesús.
30Dyijyi tsanꞌ in mạꞌjeꞌ jiꞌĉärꞌte in, jam qui namꞌ junꞌte in paj qui tapjete in ĉaĉaij na jambiꞌ ayij tupudyeꞌ muꞌ. 31Muntyiꞌ qui namꞌ daiꞌ anicjete in, yi in:
—Muꞌ Jiꞌc̣honacsity Muntyiꞌ, mọꞌ jorojĉanjisinꞌ ĉaĉaij na anic daiꞌ quiꞌ ferdyeꞌ jiꞌcaviyisinꞌ.
Fariseo tsanꞌ in mạꞌjeꞌ ĉärꞌte in muꞌ Jesús
32Muꞌin fariseo in seꞌvacsebi muntyis p̂eyacdyeꞌ muꞌin, yi in muꞌ Jesús muꞌ Jiꞌc̣honacsity Muntyiꞌ. Mọꞌdyes qui muꞌin fariseo in judyeyaꞌ muꞌin tashchety cudyitity Jenꞌcheꞌ in jutacsi pạrej in muꞌin yụꞌtactyiꞌ ĉọjcaiꞌtyiꞌ in Jenꞌsiꞌ acaꞌ muꞌ paj qui muꞌin tapjete in. 33Jesús p̂eyaqui yi:
—Damꞌdyety raꞌ penꞌdyetuyac miꞌin, chat qui raꞌ jọban yụ, yụ raꞌ caꞌñibun muꞌyaꞌ jutintyiꞌyaꞌ yụ. 34Meꞌ raꞌ tsanꞌ quivjudyiĉaꞌ yụ miꞌin, mijam raꞌ junꞌ daĉudyiĉaꞌ yụ miꞌin, ĉaĉaij na jam raꞌ junꞌ venjoij miꞌin, yóĉandyemꞌ raꞌ yụ u —jéyacsi Jesús.
35Muꞌin judíoty ayoꞌ yi jítidyeij in:
—¿Junaꞌ qui buty raꞌ jịjcaij uts Jesús, yoj yi na: "Miꞌin raꞌ jam junꞌ daĉudyiĉaꞌ yụ miꞌin?" yi. Areꞌ raꞌ muꞌve jịjcaij, yoctyisĉan jac in paj qui muꞌve jajbuꞌyacsi muꞌĉantyiꞌ judío in, muꞌĉan qui jịꞌchiyacsi jam judío in. Areꞌ meꞌ dyijyi yocve raꞌ jịjcaij, 36ĉaĉaij na yi muꞌ jísinꞌ: "Miꞌin raꞌ tsanꞌ quivdyiĉaꞌ yụ miꞌin, jam qui na ramꞌ junꞌ daĉudyiĉaꞌ yụ miꞌin, mijam raꞌ méquiꞌ chaꞌshitiĉaꞌ yụ miꞌin, yócheꞌdyemꞌ raꞌ bäꞌbancheꞌ u yụ", yi muꞌ. ¿Jätäjyiꞌ ọij p̂eyacdyeꞌ umꞌ? —yi jítidyeij in.
Tsạꞌchucsis ojñiꞌ
37Jadyiquis mạyedyeꞌ feshtas mọꞌ mọjoꞌchaꞌ därsiꞌ. Mọꞌdye mạyedyeꞌ sacyi muꞌ Jesús fer p̂eyaqui jéyacsi:
—Tyi chuc jajri jụijyaꞌ, paj yụ́yaꞌ atsij, paj tyeij mọꞌ soꞌmetes raꞌ yụ. 38Mọꞌdye yiꞌ sánacdyeꞌ: "Tyi chuc anicjintyiꞌ yụ, maj raꞌ shupquiꞌ tsạꞌchucsis ojñimꞌ ĉojtyiꞌĉansiꞌ muꞌ."
39Mọꞌ cạiꞌ tsạꞌchucsis ojñiꞌ, muꞌ p̂eijbite Jenꞌsiꞌ Ạꞌedyeꞌ muꞌ, soꞌmac raꞌ in muꞌin anicjetety in. Jambiꞌdyemꞌ soꞌmac in Jenꞌsiꞌ Ạꞌedyeꞌ muꞌ, ĉaĉaij na muꞌ Jesús jambiꞌ mạyedyeꞌcheꞌ jịjcaban.
Jam cäts dyijyi Jesúscheꞌ in
40Pạrej na muntyiꞌ in aty seꞌvepte p̂eyacdyeꞌ in, yi in:
—Anicdye meꞌ uts Jesús jasoꞌmitity p̂eyacdyeꞌ Jenꞌ, muꞌ bisjaty tsun jiquej —yi in.
41Pạrej na muꞌyaꞌ yi in:
—Muꞌdye u Jiꞌc̣honacsity Muntyiꞌ —yi in.
Muꞌyaꞌ na chimeꞌ yi in:
—Jam u muꞌ, muꞌ Jiꞌc̣honacsity Muntyiꞌ jam raꞌ junꞌ muꞌ Galileaĉantyiꞌ muntyiꞌ. 42Meꞌ yiꞌ sánacdyeꞌ, muꞌ ca raꞌ Jiꞌc̣honacsity Muntyiꞌ vóshiꞌ ca raꞌ muꞌ Davidvuntyiꞌ jiquej, Belénĉan ca raꞌ naꞌi, yóĉandyemꞌ Davidvun bäꞌyi jiquej u —yi pạrej in.
43Jam vaj cäts dyijyedyeꞌ muꞌin. 44Pạrej mạꞌjeꞌ jiꞌĉärꞌte tsanꞌ in, jam qui namꞌ junꞌjete in.
Ayoꞌ in jam anicjete Jesús in
45Muꞌin yụꞌtactyiꞌ ĉọjcaiꞌtyiꞌ in Jenꞌsiꞌ acaꞌ muꞌ jutactyiꞌ ayoty muꞌin caꞌñibun in, muꞌinyaꞌ jijtuban in fariseoyaꞌ in judyeyaꞌ muꞌin tashchety cudyitity Jenꞌcheꞌ in. Muꞌin jéyacsi in:
—¿Junꞌ caꞌ jam tutinte muꞌ Jesús? —jéyacsi in.
46Muꞌin yụꞌtactyiꞌ ĉọjcaptety Jenꞌsiꞌ acaꞌ in yi vorjeyacsi in:
—Jam tyi chaꞌshepte p̂eyacdyeꞌ Jesússiꞌ muꞌ —yi jéyacsi in.
47Vorjeyacsi fariseo in:
—¿Jiꞌcäc̣häꞌyiti adac miꞌinmun chimeꞌ muꞌyaꞌ? 48Jeshaꞌ, mijam yirity tashcheꞌ buꞌyity tsundyes anicjete muꞌ, mijam fariseo anicjete chimeꞌ in. 49Uts anicjetety Jesús q̂uinꞌ in muꞌin jam chị́yeptety Jenꞌsiꞌ sánacdyeꞌ in, muꞌin raꞌ vaꞌtacdyety Jenꞌyaꞌ in —yi fariseo in.
50Muꞌyaꞌ chimeꞌ muꞌ Nicodemo, muꞌ tsedyedyeꞌ ĉọctety Jesús jiquej, fariseodye muꞌ chimeꞌ. Nicodemo yi jéyacsi fariseo in:
51—Yiꞌ yụꞌtacdyeꞌ tsunsiꞌ, tsun jam cavin soꞌmeja vaꞌtacdyeꞌ yirity muntyiꞌ jiꞌmeꞌtetyyaꞌ ĉụiꞌ in, jemoñeꞌ tashcheꞌ chum jämꞌ cọdyetyeja p̂eyacdyeꞌ muꞌ, jätäjyi raꞌ muꞌ, judyeyaꞌ jämꞌ chị́yac tashcheꞌ, areꞌ mọꞌyaꞌ juchaj muꞌ, areꞌ itŝiꞌ muꞌ —jéyacsi Nicodemo.
52Vorjete fariseo in:
—¿Mi adac chimeꞌ muꞌĉantyiꞌ Galileaĉantyiꞌ muntyiꞌ? Jämꞌtuvaꞌ p̂eyevaꞌ sánacdyeꞌ, meꞌ raꞌ chat chịj mi jam nash junꞌ muꞌĉantyiꞌ Galileaĉantyiꞌ in jasoꞌmitity p̂eyacdyeꞌ Jenꞌ in —jéte in.
53Aty meꞌsiꞌ in chat qui jọban acaꞌyaꞌ jịjcaban in.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Copyright 2017 Nuevo Testamento en Chimane
Jen'si' P̂eyacdye'