Luku 21:25-27

Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na. Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne. Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno biꞌo.