यहुन्ना 4
4
यीशु जां सामरी जनानि
1फिरी जेख्णी यीशु पता लगा कि फरीसियै शुणोरू आ कि यीशु यूहन्ने किना जादै चैलै बणांता जां तेन्हांनि बपतिस्मा दींता। 2पण यीशु ऐपु ना पण तेसेरै चैलै बपतिस्मा दिईंथ्यै। 3फिरी सै यहूदिया प्रदेशा छडि करि गलील प्रदेशा मझ अपड़ा चैला सेईतै वापस चलि ग्या। 4जां तैस सामरियै प्रदेशै बत्तै गांहणु जरूरी थियु केईनी कि परमेश्वर बि ऐहै चांहथा थ्या। 5ऐठणीरै तेईनी यीशु सामरिया प्रदेशेरै सूखार नाँईयेरै शहरा मझ या, जै याकूबै अपड़ै पुत्रा यूसुफनी दितौरा थ्या। 6जां याकूबै जै कुवां बंणाउरा थ्या सै हालै बि तैड़िऐ थ्या, यीशु हँठि-हँठि खिजि गियौरा थ्या, सै खिजौरा अईछी करि तैठि कुवैं पन ऐहियें बेशि ग्या। ऐ गल धियाड़िरै टैंमेरी आ।
7योउती हांणी मझ अक सामरी जानानि तैठि पांणी भरनानि यैई, यीशु तैस जनेनी सिंउ बौलु, “मूंनी पांणी पिवा।” 8केईनी कि तेसेरै चैलै तैस टैंमा नगरा रोटी खरीदणा गियोरै थ्यै। 9तेनी सामरी जनेनी तैस सेईतै हैरान भौ करि बौलु, “तुवे अक यहूदी अत्तै जां आंउ अक सामरी जनानि आ। तु मूं किना पांणी केईनी आ मगता?” केईनी कि यहूदी मैहणु ता सामरी मैहणुवां सिंउ कौ बि सम्बंध ना रखता। 10यीशु तैस सिंउ बौलु, “ताउ ना पता कि परमेश्वर ताउनि कितु दींणा चांहथा, जां तु ना जांणति कि ताउ किना केणु आ पाणी मगता। अगर ताउ पता भूंता, ता ताउ मूं किना ऐ जीवनैरु पांणी मगणुं थियु, ता मूं ताउनि सै जीवनैरु पांणी दींणु थियु जैस मझ अनन्त जीवन आ।” 11जनेनी तैस सिंउ बौलु, “हे मालिक! ताउ किनि ता पांणी भरनानि किछ बि आहै ना, जां कुवां बड़ा डुघा आ, ता फिरी सै जीवन दींणै बाउ पांणी ताउ किनि कोठां यू? 12क्या तु असेड़ै विजुर्गा याकूबा किना बि बडा आ, जेनि असुनि ऐ कुवां दित्तौरा आ; जां सै ऐपु बि जां तेसेरै छोकरू जां तेन्हैरै गोरू-पोरूह बि ऐस कुवैं मझांं पांणी पिईंथ्यै। 13यीशु तेसनी उत्तर दित्ता, जै कौ बि ऐस पांणी पींता, तेसनी फिरी त्रिश लगणी। 14पण जै कौ मिंडु दितोरू पांणी पींता, तैस फिरी कदि त्रिश ना लगणी। जै पांणी मूं तेसनी दींणु सै तैस मझ अक दरियौ बंणी गांहणा जै दरियौ अनन्त काल तेईनी शुकणा ना।” 15जनेनी यीशु सिंउ बौलु, “हे मालिक! तैस पांणी मूंनी दै, कि मूं फिरी त्रिश ना लगिया जां मूं दुबारे ऐठि पांणी भरनानि ऐईंणु ना पुईया।”
16यीशु तैस जनेनी सिंउ बौलु, “गा, अपड़ै लाड़ै इठि शदा अंण।” 17जनेनी उत्तर दिता, “मिंडा कौ लाड़ा ना।” यीशु तेसनी जुबाव दिता, “तीं ठीक बौलु, कि तिंडा कौ लाड़ा ना। 18केईनी कि तु हालै-तेईनी पंज लाड़ै करि बेठौरी आ, जां सैक्या मैहणु जैस सेईतै तु अबै आ सै बि तिंडा लाड़ा ना, ऐ तीं ठीकै बौलु।” 19तेसै जनेनी बौलु, हे प्रभु! आंउ समझि गैई तुवे कोई भविष्यवक्ता अत्तै। 20असेड़ै वुजुर्ग ऐस पहाड़ा पन अराधना करींथ्यै, जां तुवे यहूदी मैहणु बोलतै कि यरूशलेम शहरा मझ अराधना कांनी चेहिंथी।
21यीशु तैस सिंउ बौलु, “हे जनेनियें! मिंडी गलैरा विश्वास कर सै टैंम ऐईंता कि तुहां मैहणुवां ना ता ऐस पहाड़ा पन परमेश्वरेरी अराधना कांनी ना यरूशलेम शहरा मझ कांनी। 22तुवे सामरी मैहणु जैस ना जांणतै तेसैरी अराधना कातै, जां असै यहूदी मैहणु जैस जांणतै तेसैरीऐ अराधना कातै; केईनी कि उद्धार यहूदिया मझांं आ। 23पण सै टैंम ऐईंता जेख्णी सच्चा भक्ता असेड़ै पिता परमेश्वरेरी अराधना आत्मायरी अगुवाय मझ सच्चाई सिंउ कांनी, केईनी कि असैड़ा परमेश्वर अपड़ै तेईनी ऐतियै भक्ता तौपता। 24परमेश्वर आत्मा आ ऐठणीरै तेईनी जरूरी आ कि तेसैरी अराधना कांनार आत्मा जां सच्चै मनैं सेईतै अराधना करिया।” 25जनेनी तैस सेईतै बौलु, “आंउ जांणति कि मसीह जै परमेश्वरैरा अभिषिक्त क्यौरा मैहणु आ, सै ऐईंणै वा। जेख्णी तैस ऐईंणु ता तैस असुनि सारी गलै शुणा दींणी।” 26यीशु तैस सेईतै बौलु, “आंउ, जै ताउ सिंउ गलै लांता, सैहै आ।”
चैला केरी वापसी
27योउतै टैंमा मझ तेसेरै चैलै चलि यै जां हैरान भौ ग्यै कि सै एकि जनेनी सिंउ गलै लांता, पण तां बि तैन्हैं मझांं तैस किना कुनि किछ ना पुच्छु, “तु कितु चांहथा?” या तु ऐस जनेनी सिंउ कितु गलै लांता थ्या? 28तां सै जनानि घड़ा छडि करि चलि गैई, जां मैहणुवां सेईतै बोलणा लगी, 29“ऐईछा, एकि मैहणु तका, जेनि सभ-किछ जै मीं क्यौरू आ, शुणा दित्तु। क्या सैहै मसीह ता ना?” 30ऐठणीरै तेईनी सै मैहणु नगरा किना निकोहि करि यीशु तकांणनि नीड़ गांहणा लगै।
31तेसै टैंमा यीशुरै चैलै यीशु सिंउ विनती की, कि “हे गुरू! किछ खा ल्या।” 32पण यीशु तैन्हांं सिंउ बौलु, “मूं किनि खांणेरै तेईनी ऐतेई रोटी अत्ति, जेसेरै बारै तुवे ना जांणतै।”
33तां चैलै योकिया मझ बौलु, “क्या कुनिक्यै ऐसनि रोटी अंणोरी अत्ति?” 34यीशु तैन्हांं सेईतै बौलु, “जेनि आंउ भेईजौरा, तेसैरी मर्जी चलणु जां तेसेरै कम पूरै कांने, ऐहै मिंडै तेईनी रोटी अत्ति।” 35क्या तुवे ना बोलतै, “लुणनिनी चोउर महीने रिहै? पण आंउ तुहां मैहणुवां सिंउ बोलता; टीरै खोलि करि ऐईंणारा मैहणुवां धेरै तका। सै एकि पट्टि सैयि अत्तै जै फसल बढियूंणैरै तेईनी तियार आ। 36पेहिलै किना बढ़णार मैहणु कम कातै अत्तै, जां अपड़ि मजदूरी लींतै अत्तै जां सै ऐक्यु आ कि सै तैन्हांं मैहणुवां किट्ठैता जैन्हां अनन्त जीवन प्राप्त कांना। 37केईनी कि ऐ कहावत सही आ, कि बांणार केणुक्या हौरा जां बढणार हौरा। 38मीं तुवे मैहणु तैस पट्टि फसल बढणनी भेईजै, जैस पट्टि तुहैं मैहनत ऐ ना क्यौरी, होरनियें तैठि मैहनत क्यौरी आ, ता तुहां सै फसल किट्ठी कांनी।”
सामरिया केरा विश्वास
39जां तैस नगरेरै बड़ै सारै मैहणुवें तैस सामरी जनेनिरै बोलणा पन यीशु पन विश्वास केया, केईनी कि तेनी ऐ गवाहि दित्थी, कि जै किछ मीं क्यौरू थियु सै सभ-किछ मिंडै जीवनेरै बारै मूंनी शुणा दित्तु। 40ऐठणीरै तेईनी सारै सामरी मैहणु यीशु किनि ऐ विनती कांना लगै कि तु असेड़ै ऐठि बेश, जां यीशु तैठि तैन्हांं किनि दो धियाड़ि बेठा। 41जां तेसेरै वचने ला प्रभावित भौ करि होरनियें बि बड़ै-सारै मैहणुवें तैस पन विश्वास केया। 42सामरी मैहणुवें तेसै जनेनी सिंउ बौलु, “अबै असै तिंडु बोलणै ला विश्वास ना कातै, असै अपड़ै कन्नै शुणि लियु, असु पता लगी ग्या कि यीशु सच-मझ संसारैरा उद्धारकर्ता।” 43फिरी तैन्हांं धियाड़िया किना बाद यीशु तेठां किना गलील प्रदेशनी चलि ग्या। 44केईनी कि यीशु ऐपुवै बोलोरू थियु कि अपड़ै देशा मझ भविष्यवक्तैरा आदर ना भूंता। 45जेख्णी सै गलील प्रदेशा मझ पुज्जै, ता गलील प्रदेशेरै मैहणुवें तेन्हैरा स्वागत केया; केईनी कि यीशु त्यौव्हारेरी धियाड़ि जै यरूशलेम शहरा मझ चमत्कार केईथ्या, सै सभ गलील प्रदेशेरै मैहणुवें तकाईंथ्या। त्यौव्हारेरै तेईनी सै बि तैठि गियोरै थ्यै।
राज कर्मचारिरा पुत्र ठीक कांना
46यीशु फिरी गलील प्रदेशेरै काना नगरा मझ या, जेठि यीशु पांणी अंगूरी रस बणाउरू थियु। तैठि राज्यरा अक कर्मचारी थ्या, तेसैरा पुत्र कफरनहूम नगरा मझ बिमार थ्या। 47तेनी जेख्णी ऐ शुणु कि मसीह यीशु यहूदियै प्रदेशा किना गलील प्रदेशा मझ यौउरा, ता सै कर्मचारी यीशु किनि या। तेनी यीशु सिंउ विनती की कि मूं सेईतै चलि करि मिंडै पुत्रा ठीक करि दै, केईनी कि सै मरनारा। 48यीशु तैस सेईतै बौलु, “तुवे मैहणु चिन्ह जां चमत्कार तकांणै बगैर कदि बि मूं पनि मसीहरै रूपा मझ विश्वास ना करेलै।” 49ऐस गलै पन कर्मचारी यीशु सिंउ बौलु, “हे प्रभु! मिंडै पुत्रा मरना किना पेहिलै चल।” 50यीशु तेसनी बौलु, “गा तिंडा पुत्र जींता।” सै यीशुरी गलैरा विश्वास करि-करि चलि ग्या। 51सै हालै-तेईनी बत्तै मझ थ्या कि तैस अपड़ै दास मैऐ जां तैन्हैं तैस सेईतै बौलु, “तिंडा पुत्र जींता।” 52तेनी तैन्हांं किना पच्छु, कि कोस टैंमा सै ठीक भुआ? तैन्हैं तैस सेईतै बौलु, “ही धियाड़ि एकि बजै किना बाद तेसैरा बुखार उतरि ग्या।” 53तां सै बुझि ग्या कि ठीक तेसै टैंमा यीशु तैस सेईतै बोत्थियु, कि “तिंडा पुत्र जींता” जां तेनी अपड़ै पूरै परिवारै समैत विश्वास केया। 54ऐ दुवां सामर्थिरा कम थ्या जै यीशु यहूदियै प्रदेशा किना वापस अईछी करि गलील प्रदेशा मझ लुहाआ।
S'ha seleccionat:
यहुन्ना 4: CDJNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
यहुन्ना 4
4
यीशु जां सामरी जनानि
1फिरी जेख्णी यीशु पता लगा कि फरीसियै शुणोरू आ कि यीशु यूहन्ने किना जादै चैलै बणांता जां तेन्हांनि बपतिस्मा दींता। 2पण यीशु ऐपु ना पण तेसेरै चैलै बपतिस्मा दिईंथ्यै। 3फिरी सै यहूदिया प्रदेशा छडि करि गलील प्रदेशा मझ अपड़ा चैला सेईतै वापस चलि ग्या। 4जां तैस सामरियै प्रदेशै बत्तै गांहणु जरूरी थियु केईनी कि परमेश्वर बि ऐहै चांहथा थ्या। 5ऐठणीरै तेईनी यीशु सामरिया प्रदेशेरै सूखार नाँईयेरै शहरा मझ या, जै याकूबै अपड़ै पुत्रा यूसुफनी दितौरा थ्या। 6जां याकूबै जै कुवां बंणाउरा थ्या सै हालै बि तैड़िऐ थ्या, यीशु हँठि-हँठि खिजि गियौरा थ्या, सै खिजौरा अईछी करि तैठि कुवैं पन ऐहियें बेशि ग्या। ऐ गल धियाड़िरै टैंमेरी आ।
7योउती हांणी मझ अक सामरी जानानि तैठि पांणी भरनानि यैई, यीशु तैस जनेनी सिंउ बौलु, “मूंनी पांणी पिवा।” 8केईनी कि तेसेरै चैलै तैस टैंमा नगरा रोटी खरीदणा गियोरै थ्यै। 9तेनी सामरी जनेनी तैस सेईतै हैरान भौ करि बौलु, “तुवे अक यहूदी अत्तै जां आंउ अक सामरी जनानि आ। तु मूं किना पांणी केईनी आ मगता?” केईनी कि यहूदी मैहणु ता सामरी मैहणुवां सिंउ कौ बि सम्बंध ना रखता। 10यीशु तैस सिंउ बौलु, “ताउ ना पता कि परमेश्वर ताउनि कितु दींणा चांहथा, जां तु ना जांणति कि ताउ किना केणु आ पाणी मगता। अगर ताउ पता भूंता, ता ताउ मूं किना ऐ जीवनैरु पांणी मगणुं थियु, ता मूं ताउनि सै जीवनैरु पांणी दींणु थियु जैस मझ अनन्त जीवन आ।” 11जनेनी तैस सिंउ बौलु, “हे मालिक! ताउ किनि ता पांणी भरनानि किछ बि आहै ना, जां कुवां बड़ा डुघा आ, ता फिरी सै जीवन दींणै बाउ पांणी ताउ किनि कोठां यू? 12क्या तु असेड़ै विजुर्गा याकूबा किना बि बडा आ, जेनि असुनि ऐ कुवां दित्तौरा आ; जां सै ऐपु बि जां तेसेरै छोकरू जां तेन्हैरै गोरू-पोरूह बि ऐस कुवैं मझांं पांणी पिईंथ्यै। 13यीशु तेसनी उत्तर दित्ता, जै कौ बि ऐस पांणी पींता, तेसनी फिरी त्रिश लगणी। 14पण जै कौ मिंडु दितोरू पांणी पींता, तैस फिरी कदि त्रिश ना लगणी। जै पांणी मूं तेसनी दींणु सै तैस मझ अक दरियौ बंणी गांहणा जै दरियौ अनन्त काल तेईनी शुकणा ना।” 15जनेनी यीशु सिंउ बौलु, “हे मालिक! तैस पांणी मूंनी दै, कि मूं फिरी त्रिश ना लगिया जां मूं दुबारे ऐठि पांणी भरनानि ऐईंणु ना पुईया।”
16यीशु तैस जनेनी सिंउ बौलु, “गा, अपड़ै लाड़ै इठि शदा अंण।” 17जनेनी उत्तर दिता, “मिंडा कौ लाड़ा ना।” यीशु तेसनी जुबाव दिता, “तीं ठीक बौलु, कि तिंडा कौ लाड़ा ना। 18केईनी कि तु हालै-तेईनी पंज लाड़ै करि बेठौरी आ, जां सैक्या मैहणु जैस सेईतै तु अबै आ सै बि तिंडा लाड़ा ना, ऐ तीं ठीकै बौलु।” 19तेसै जनेनी बौलु, हे प्रभु! आंउ समझि गैई तुवे कोई भविष्यवक्ता अत्तै। 20असेड़ै वुजुर्ग ऐस पहाड़ा पन अराधना करींथ्यै, जां तुवे यहूदी मैहणु बोलतै कि यरूशलेम शहरा मझ अराधना कांनी चेहिंथी।
21यीशु तैस सिंउ बौलु, “हे जनेनियें! मिंडी गलैरा विश्वास कर सै टैंम ऐईंता कि तुहां मैहणुवां ना ता ऐस पहाड़ा पन परमेश्वरेरी अराधना कांनी ना यरूशलेम शहरा मझ कांनी। 22तुवे सामरी मैहणु जैस ना जांणतै तेसैरी अराधना कातै, जां असै यहूदी मैहणु जैस जांणतै तेसैरीऐ अराधना कातै; केईनी कि उद्धार यहूदिया मझांं आ। 23पण सै टैंम ऐईंता जेख्णी सच्चा भक्ता असेड़ै पिता परमेश्वरेरी अराधना आत्मायरी अगुवाय मझ सच्चाई सिंउ कांनी, केईनी कि असैड़ा परमेश्वर अपड़ै तेईनी ऐतियै भक्ता तौपता। 24परमेश्वर आत्मा आ ऐठणीरै तेईनी जरूरी आ कि तेसैरी अराधना कांनार आत्मा जां सच्चै मनैं सेईतै अराधना करिया।” 25जनेनी तैस सेईतै बौलु, “आंउ जांणति कि मसीह जै परमेश्वरैरा अभिषिक्त क्यौरा मैहणु आ, सै ऐईंणै वा। जेख्णी तैस ऐईंणु ता तैस असुनि सारी गलै शुणा दींणी।” 26यीशु तैस सेईतै बौलु, “आंउ, जै ताउ सिंउ गलै लांता, सैहै आ।”
चैला केरी वापसी
27योउतै टैंमा मझ तेसेरै चैलै चलि यै जां हैरान भौ ग्यै कि सै एकि जनेनी सिंउ गलै लांता, पण तां बि तैन्हैं मझांं तैस किना कुनि किछ ना पुच्छु, “तु कितु चांहथा?” या तु ऐस जनेनी सिंउ कितु गलै लांता थ्या? 28तां सै जनानि घड़ा छडि करि चलि गैई, जां मैहणुवां सेईतै बोलणा लगी, 29“ऐईछा, एकि मैहणु तका, जेनि सभ-किछ जै मीं क्यौरू आ, शुणा दित्तु। क्या सैहै मसीह ता ना?” 30ऐठणीरै तेईनी सै मैहणु नगरा किना निकोहि करि यीशु तकांणनि नीड़ गांहणा लगै।
31तेसै टैंमा यीशुरै चैलै यीशु सिंउ विनती की, कि “हे गुरू! किछ खा ल्या।” 32पण यीशु तैन्हांं सिंउ बौलु, “मूं किनि खांणेरै तेईनी ऐतेई रोटी अत्ति, जेसेरै बारै तुवे ना जांणतै।”
33तां चैलै योकिया मझ बौलु, “क्या कुनिक्यै ऐसनि रोटी अंणोरी अत्ति?” 34यीशु तैन्हांं सेईतै बौलु, “जेनि आंउ भेईजौरा, तेसैरी मर्जी चलणु जां तेसेरै कम पूरै कांने, ऐहै मिंडै तेईनी रोटी अत्ति।” 35क्या तुवे ना बोलतै, “लुणनिनी चोउर महीने रिहै? पण आंउ तुहां मैहणुवां सिंउ बोलता; टीरै खोलि करि ऐईंणारा मैहणुवां धेरै तका। सै एकि पट्टि सैयि अत्तै जै फसल बढियूंणैरै तेईनी तियार आ। 36पेहिलै किना बढ़णार मैहणु कम कातै अत्तै, जां अपड़ि मजदूरी लींतै अत्तै जां सै ऐक्यु आ कि सै तैन्हांं मैहणुवां किट्ठैता जैन्हां अनन्त जीवन प्राप्त कांना। 37केईनी कि ऐ कहावत सही आ, कि बांणार केणुक्या हौरा जां बढणार हौरा। 38मीं तुवे मैहणु तैस पट्टि फसल बढणनी भेईजै, जैस पट्टि तुहैं मैहनत ऐ ना क्यौरी, होरनियें तैठि मैहनत क्यौरी आ, ता तुहां सै फसल किट्ठी कांनी।”
सामरिया केरा विश्वास
39जां तैस नगरेरै बड़ै सारै मैहणुवें तैस सामरी जनेनिरै बोलणा पन यीशु पन विश्वास केया, केईनी कि तेनी ऐ गवाहि दित्थी, कि जै किछ मीं क्यौरू थियु सै सभ-किछ मिंडै जीवनेरै बारै मूंनी शुणा दित्तु। 40ऐठणीरै तेईनी सारै सामरी मैहणु यीशु किनि ऐ विनती कांना लगै कि तु असेड़ै ऐठि बेश, जां यीशु तैठि तैन्हांं किनि दो धियाड़ि बेठा। 41जां तेसेरै वचने ला प्रभावित भौ करि होरनियें बि बड़ै-सारै मैहणुवें तैस पन विश्वास केया। 42सामरी मैहणुवें तेसै जनेनी सिंउ बौलु, “अबै असै तिंडु बोलणै ला विश्वास ना कातै, असै अपड़ै कन्नै शुणि लियु, असु पता लगी ग्या कि यीशु सच-मझ संसारैरा उद्धारकर्ता।” 43फिरी तैन्हांं धियाड़िया किना बाद यीशु तेठां किना गलील प्रदेशनी चलि ग्या। 44केईनी कि यीशु ऐपुवै बोलोरू थियु कि अपड़ै देशा मझ भविष्यवक्तैरा आदर ना भूंता। 45जेख्णी सै गलील प्रदेशा मझ पुज्जै, ता गलील प्रदेशेरै मैहणुवें तेन्हैरा स्वागत केया; केईनी कि यीशु त्यौव्हारेरी धियाड़ि जै यरूशलेम शहरा मझ चमत्कार केईथ्या, सै सभ गलील प्रदेशेरै मैहणुवें तकाईंथ्या। त्यौव्हारेरै तेईनी सै बि तैठि गियोरै थ्यै।
राज कर्मचारिरा पुत्र ठीक कांना
46यीशु फिरी गलील प्रदेशेरै काना नगरा मझ या, जेठि यीशु पांणी अंगूरी रस बणाउरू थियु। तैठि राज्यरा अक कर्मचारी थ्या, तेसैरा पुत्र कफरनहूम नगरा मझ बिमार थ्या। 47तेनी जेख्णी ऐ शुणु कि मसीह यीशु यहूदियै प्रदेशा किना गलील प्रदेशा मझ यौउरा, ता सै कर्मचारी यीशु किनि या। तेनी यीशु सिंउ विनती की कि मूं सेईतै चलि करि मिंडै पुत्रा ठीक करि दै, केईनी कि सै मरनारा। 48यीशु तैस सेईतै बौलु, “तुवे मैहणु चिन्ह जां चमत्कार तकांणै बगैर कदि बि मूं पनि मसीहरै रूपा मझ विश्वास ना करेलै।” 49ऐस गलै पन कर्मचारी यीशु सिंउ बौलु, “हे प्रभु! मिंडै पुत्रा मरना किना पेहिलै चल।” 50यीशु तेसनी बौलु, “गा तिंडा पुत्र जींता।” सै यीशुरी गलैरा विश्वास करि-करि चलि ग्या। 51सै हालै-तेईनी बत्तै मझ थ्या कि तैस अपड़ै दास मैऐ जां तैन्हैं तैस सेईतै बौलु, “तिंडा पुत्र जींता।” 52तेनी तैन्हांं किना पच्छु, कि कोस टैंमा सै ठीक भुआ? तैन्हैं तैस सेईतै बौलु, “ही धियाड़ि एकि बजै किना बाद तेसैरा बुखार उतरि ग्या।” 53तां सै बुझि ग्या कि ठीक तेसै टैंमा यीशु तैस सेईतै बोत्थियु, कि “तिंडा पुत्र जींता” जां तेनी अपड़ै पूरै परिवारै समैत विश्वास केया। 54ऐ दुवां सामर्थिरा कम थ्या जै यीशु यहूदियै प्रदेशा किना वापस अईछी करि गलील प्रदेशा मझ लुहाआ।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.