यूहन्ना 13
13
प्रभु कै बोइदोउत
1ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।
2यीशुए औरौ तैसकै चैलै बेयाल़ी खाए लोए थै। शैतानै आगैई यीशु कै धौखा दैणौ कारिए शमौन कै बैटै यहूदा इस्करियोती कै मनो कै उकसाए राए थिया। 3यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्वर कै धोरे पाछु जांदा लागै रौआ। 4इथकारिए यीशु खाणौ पौरैशा बिज़यो आपणा लोइया खोले दिया, औरौ तौलिया लोयो आपणै कमर बानै।
यीशुए चैलै कै लात धूएँ
5तोबै बासणौ दौ पाणी भोरेयो चैलै कै लात धोंदा लागा औरौ जैसी तौलिऐ लैई तैणै कमर बानै राए थै तिथी लैई घुशदा लागा।
6जोबै सै शमौन पतरस कै धोरे ओऊवा तोबै तैणै तैसी बौल़ौ, “ओए रै प्रभु, का तू मैरै लात धोंदा?” 7यीशुए तैसीखै जोवाब दिया, “जू हांव कौरु, तू इबी इथका मतलब ना सौमझै, पौरौ तिथकै बाद सोमझदा।” 8पतरसे तैसीखै बौल़ौ, “तू मैरै लात कौलोंई ना धोए पांदा!” ऐजौ शोणेयो यीशुए तैसी बौल़ौ, “जै हांव तैरै लात ना धुं, तौ मैरा तैरै साथै कुणजाई रिशता ना हौंदा।” 9शमौन पतरसे तैसीखै बौल़ौ, “ओए रै प्रभु तौ तू मैरै लात ही नी पौरौ हाथ बै औरौ मुंड बै धोए दै।”
10यीशुए तैसीखै बौल़ौ, “ऐक आदमी जू नाहै गौआ तैसी सिरफ आपणै लातो कै धोणो कै जौरुरत औसौ; तैसका पूरा शोरीर साफ औसौ। औरौ तुऐं सौबै शुध्द औसौ, सिरफ ऐकी कै छोड़ेयौ।” 11यीशु आपणै थोमाणोवाल़ै कै जाणौ थिया इथकारिए तैणै बौल़ौ, “कै तुऐं सौबै शुध्द औसौ, सिरफ ऐकी कै छोड़ेयौ।”
लात धोणो का मतलब
12जोबै यीशुए आपणै चैलै कै लात धोए पाए औरौ आपणै लोइया बाम्बेबा बौठै गौआ, औरौ तिनुकै बौलदा लागा, “का तुऐं सौमझै गौवै कै मोऐं तोंवारै साथै का कौरौ? 13तुऐं मुखै गुरु, औरौ प्रभु बौल़ौ, ठीक ही बौल़ौ, जिथुकै हांव तोंवारा गुरु औरौ प्रभु औसौ। 14जै मोऐं प्रभु औरौ गुरु जाणैयौ तोंवारै लात धोवे, तौ तुऔं बै आपी कै शरीफ बाणैयौ ऐकी दूजै कै लात धोणे चैंई। 15जिथुकै मोऐं तुऔं उदारण दिखाए दिया, कै जैशै मोऐं तोंवारै साथै कियु, तुऐं बै ऐशैखैई कौरौ। 16हांव तुऔं कै साचौ-साचौ बुलू, नोकर आपणै मालिक दा बौड़ा ना आथी; औरौ ना सौंदेश लोयो भेजेयोंदा चैला आपणै भेजणोवाल़ो शै बौड़ा ना हौंव। 17तुऐं ऐबै इनु बातौ कै जाणौए, औरौ जै तुऐं तिनु पांदी चालौ, तौ धन्य औसौ।
18हांव तोंवारै बारै मुंजी किछै ना बुलू: जिनु मोऐं चोणे राए, तिनु हांव जाणुए। पौरौ ऐजौ इथकारिए हौंव ताकि पवित्र शास्त्र दो जू लैखै राए सैजौ पूरु हौंव, ‘जियौं थाली दो खाणौ खोऊ तियौं थाली कै बीनै।’ 19ऐबै हांव तुऔं खै तिथकै हौणौ दै औगौड़ियौई तुऔं बौताए दियु कै जोबै ऐजौ हौए जालो तौ तुऐं बिशवाश कौरलै कै हांव मसीहा औसौ। 20हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”
धोकैबाज कै ढौबौ इशारा
21ऐजी बातौ बौलणौ कै बाद, यीशु बैजाए घबराए गौआ औरौ आपणै चैलै कै बौल़ौ, “हांव तुऔं कैंई साचौ-साचौ बुलू कै तुऔं मुंजीदा ऐक मुखै थोम्बाला।” 22चैलै ऐजा शक कौरेयौ, कै यीशुए ऐबै कोसके बारै मुंजी बौल़ौ, ऐकी दूजै कै दैखदै लागै। 23तैसकै चैलै मुंजीदा ऐक जैसीआरी यीशु बैजाए प्यार राखौ थिया, यीशु कै पोशो दा बौठै रौआ थिया। 24शमौन पतरसे तैसकै चैलै कै ढौबौ इशारे कौरेयौ पूछु, “बौता, ऐणै कोसके बारै मुंजी बौल़ै लो?” 25तोबै तैणै तैशैकैई यीशु कै नेड़िक जाएयो पूछु, “ओए रै प्रभु सैजा कुण औसौ?” यीशुए जवाब दिया, “जैसी हांव रोटी का टुकड़ा तरी मुंजी डुबोयो दियु, सैजाई औसौ।” 26औरौ यीशुए रोटी का टुकड़ा तरी मुंजी डुबोयो शमौन कै बैटै यहूदा इस्करियोती कै दिया। 27यहूदाए रोटी का टुकड़ा लोणो कै बाद, यीशुए तैसीकै बौल़ौ, “जू तू कौरणौवाल़ा औसौ, सैजौ तावल़ो कौर।” तैसी सौमय शैतान तैसीदा सोमाए गौआ। 28पौरौ बौठणौवाल़ै मुंजीदै कुणिए ना जाणी कै यीशुए ऐजै बात तैसकै ऐशैखै किथु बौल़ै। 29यहूदा इस्करियोती कैंई पौयसै कै थोली रौंव थी, इथकारिए कुणिए-कुणिए ऐजौ सौमझौ, कै यीशुए तैसीकै बौल़ै लो, कै जू किछै आमु तैयारो कारिए चैंई सैजौ मोलै लो या ऐजौ कै कंगालो कै किछै दै। 30रोटी का टुकड़ा खाणौ कै बाद यहूदा तौलोंई बायरै हौटै गौआ औरौ ऐजा राती का सौमय थिया।
ऐक नोऐं आज्ञा
(मत्ती 26:31-35; मर 14:27-31; लूका 22:31-34)
31जोबै यहूदा बायरै हौटै गौआ तोबै यीशुए बौल़ौ, “ऐबै मुं आदमी कै बैटै की महिमा तैसकै हौंव, औरौ ऐजौ प्रगट हौंव कै पौरमेशवर कैतरा महान औसौ। 32औरौ पौरमेशवर आपणै बैटै कै महिमा कौरदा, औरौ सै तावल़ै कौरदा। 33ओए रै साथियो, हांव हौजौ दैणिक देर तौड़ी तोंवारै धोरे औसौ: हौजौ तुऐं मुखै जौले औरौ जैशै मोऐं यहूदी नेताओं कै बौल़ौ, ‘जिथै हांव जोऊं तिथै तुऐं ना आए सौकौ,’ तैशैकैई ऐबै हांव तुऔं खै बुलू।
34हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया। 35जै तुऐं ऐकी दुजैआरी प्यार राखलै तौ सौबै लोग जाणदै कै तुऐं मैरै चैलै औसौ।”
यीशुए पतरस कै भाजणौ कै हौणौवाल़ी बात बौताए
36शमौन पतरसे तैसी बौल़ौ, “ओए रै प्रभु तू कुकै चालै रौआ?” यीशुए बौल़ौ, “जिथै हांव जोऊं तिथै तू मैरै पौछौड़ियौ कौलोंई ना आए सौकै; पौरौ इथकै बाद मैरै पौछौड़ियौ आईला।” 37पतरसे तैसीखै बौल़ौ, “ओए रै प्रभु, इबी हांव तैरै पौछौड़ियौ काए ना आए सौकु? हांव तौ तांव कारिए मौरणौ कै बै तैयार औसौ।” 38यीशुए जोवाब दिया, “का तू मुं कारिए मौरदा? हांव तुऔं कै साचौ-साचौ बुलू, कै ऐलोई रातै कै कुकड़ै कै बांक दैणौ दै औगौड़ियौ तू तीन बैई मुखै भाजै जाला, कै तू मुखै ना जाणै!”
S'ha seleccionat:
यूहन्ना 13: SRXNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
यूहन्ना 13
13
प्रभु कै बोइदोउत
1ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।
2यीशुए औरौ तैसकै चैलै बेयाल़ी खाए लोए थै। शैतानै आगैई यीशु कै धौखा दैणौ कारिए शमौन कै बैटै यहूदा इस्करियोती कै मनो कै उकसाए राए थिया। 3यीशु ऐजौ जाणौ थिया कै पिता पौरमेशवरे तैसी सारी चीज़ौ पांदी औधिकार दैय राए औरौ हांव पौरमेशवर कै धोरे दा आए रौआ, औरौ पौरमेश्वर कै धोरे पाछु जांदा लागै रौआ। 4इथकारिए यीशु खाणौ पौरैशा बिज़यो आपणा लोइया खोले दिया, औरौ तौलिया लोयो आपणै कमर बानै।
यीशुए चैलै कै लात धूएँ
5तोबै बासणौ दौ पाणी भोरेयो चैलै कै लात धोंदा लागा औरौ जैसी तौलिऐ लैई तैणै कमर बानै राए थै तिथी लैई घुशदा लागा।
6जोबै सै शमौन पतरस कै धोरे ओऊवा तोबै तैणै तैसी बौल़ौ, “ओए रै प्रभु, का तू मैरै लात धोंदा?” 7यीशुए तैसीखै जोवाब दिया, “जू हांव कौरु, तू इबी इथका मतलब ना सौमझै, पौरौ तिथकै बाद सोमझदा।” 8पतरसे तैसीखै बौल़ौ, “तू मैरै लात कौलोंई ना धोए पांदा!” ऐजौ शोणेयो यीशुए तैसी बौल़ौ, “जै हांव तैरै लात ना धुं, तौ मैरा तैरै साथै कुणजाई रिशता ना हौंदा।” 9शमौन पतरसे तैसीखै बौल़ौ, “ओए रै प्रभु तौ तू मैरै लात ही नी पौरौ हाथ बै औरौ मुंड बै धोए दै।”
10यीशुए तैसीखै बौल़ौ, “ऐक आदमी जू नाहै गौआ तैसी सिरफ आपणै लातो कै धोणो कै जौरुरत औसौ; तैसका पूरा शोरीर साफ औसौ। औरौ तुऐं सौबै शुध्द औसौ, सिरफ ऐकी कै छोड़ेयौ।” 11यीशु आपणै थोमाणोवाल़ै कै जाणौ थिया इथकारिए तैणै बौल़ौ, “कै तुऐं सौबै शुध्द औसौ, सिरफ ऐकी कै छोड़ेयौ।”
लात धोणो का मतलब
12जोबै यीशुए आपणै चैलै कै लात धोए पाए औरौ आपणै लोइया बाम्बेबा बौठै गौआ, औरौ तिनुकै बौलदा लागा, “का तुऐं सौमझै गौवै कै मोऐं तोंवारै साथै का कौरौ? 13तुऐं मुखै गुरु, औरौ प्रभु बौल़ौ, ठीक ही बौल़ौ, जिथुकै हांव तोंवारा गुरु औरौ प्रभु औसौ। 14जै मोऐं प्रभु औरौ गुरु जाणैयौ तोंवारै लात धोवे, तौ तुऔं बै आपी कै शरीफ बाणैयौ ऐकी दूजै कै लात धोणे चैंई। 15जिथुकै मोऐं तुऔं उदारण दिखाए दिया, कै जैशै मोऐं तोंवारै साथै कियु, तुऐं बै ऐशैखैई कौरौ। 16हांव तुऔं कै साचौ-साचौ बुलू, नोकर आपणै मालिक दा बौड़ा ना आथी; औरौ ना सौंदेश लोयो भेजेयोंदा चैला आपणै भेजणोवाल़ो शै बौड़ा ना हौंव। 17तुऐं ऐबै इनु बातौ कै जाणौए, औरौ जै तुऐं तिनु पांदी चालौ, तौ धन्य औसौ।
18हांव तोंवारै बारै मुंजी किछै ना बुलू: जिनु मोऐं चोणे राए, तिनु हांव जाणुए। पौरौ ऐजौ इथकारिए हौंव ताकि पवित्र शास्त्र दो जू लैखै राए सैजौ पूरु हौंव, ‘जियौं थाली दो खाणौ खोऊ तियौं थाली कै बीनै।’ 19ऐबै हांव तुऔं खै तिथकै हौणौ दै औगौड़ियौई तुऔं बौताए दियु कै जोबै ऐजौ हौए जालो तौ तुऐं बिशवाश कौरलै कै हांव मसीहा औसौ। 20हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”
धोकैबाज कै ढौबौ इशारा
21ऐजी बातौ बौलणौ कै बाद, यीशु बैजाए घबराए गौआ औरौ आपणै चैलै कै बौल़ौ, “हांव तुऔं कैंई साचौ-साचौ बुलू कै तुऔं मुंजीदा ऐक मुखै थोम्बाला।” 22चैलै ऐजा शक कौरेयौ, कै यीशुए ऐबै कोसके बारै मुंजी बौल़ौ, ऐकी दूजै कै दैखदै लागै। 23तैसकै चैलै मुंजीदा ऐक जैसीआरी यीशु बैजाए प्यार राखौ थिया, यीशु कै पोशो दा बौठै रौआ थिया। 24शमौन पतरसे तैसकै चैलै कै ढौबौ इशारे कौरेयौ पूछु, “बौता, ऐणै कोसके बारै मुंजी बौल़ै लो?” 25तोबै तैणै तैशैकैई यीशु कै नेड़िक जाएयो पूछु, “ओए रै प्रभु सैजा कुण औसौ?” यीशुए जवाब दिया, “जैसी हांव रोटी का टुकड़ा तरी मुंजी डुबोयो दियु, सैजाई औसौ।” 26औरौ यीशुए रोटी का टुकड़ा तरी मुंजी डुबोयो शमौन कै बैटै यहूदा इस्करियोती कै दिया। 27यहूदाए रोटी का टुकड़ा लोणो कै बाद, यीशुए तैसीकै बौल़ौ, “जू तू कौरणौवाल़ा औसौ, सैजौ तावल़ो कौर।” तैसी सौमय शैतान तैसीदा सोमाए गौआ। 28पौरौ बौठणौवाल़ै मुंजीदै कुणिए ना जाणी कै यीशुए ऐजै बात तैसकै ऐशैखै किथु बौल़ै। 29यहूदा इस्करियोती कैंई पौयसै कै थोली रौंव थी, इथकारिए कुणिए-कुणिए ऐजौ सौमझौ, कै यीशुए तैसीकै बौल़ै लो, कै जू किछै आमु तैयारो कारिए चैंई सैजौ मोलै लो या ऐजौ कै कंगालो कै किछै दै। 30रोटी का टुकड़ा खाणौ कै बाद यहूदा तौलोंई बायरै हौटै गौआ औरौ ऐजा राती का सौमय थिया।
ऐक नोऐं आज्ञा
(मत्ती 26:31-35; मर 14:27-31; लूका 22:31-34)
31जोबै यहूदा बायरै हौटै गौआ तोबै यीशुए बौल़ौ, “ऐबै मुं आदमी कै बैटै की महिमा तैसकै हौंव, औरौ ऐजौ प्रगट हौंव कै पौरमेशवर कैतरा महान औसौ। 32औरौ पौरमेशवर आपणै बैटै कै महिमा कौरदा, औरौ सै तावल़ै कौरदा। 33ओए रै साथियो, हांव हौजौ दैणिक देर तौड़ी तोंवारै धोरे औसौ: हौजौ तुऐं मुखै जौले औरौ जैशै मोऐं यहूदी नेताओं कै बौल़ौ, ‘जिथै हांव जोऊं तिथै तुऐं ना आए सौकौ,’ तैशैकैई ऐबै हांव तुऔं खै बुलू।
34हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया। 35जै तुऐं ऐकी दुजैआरी प्यार राखलै तौ सौबै लोग जाणदै कै तुऐं मैरै चैलै औसौ।”
यीशुए पतरस कै भाजणौ कै हौणौवाल़ी बात बौताए
36शमौन पतरसे तैसी बौल़ौ, “ओए रै प्रभु तू कुकै चालै रौआ?” यीशुए बौल़ौ, “जिथै हांव जोऊं तिथै तू मैरै पौछौड़ियौ कौलोंई ना आए सौकै; पौरौ इथकै बाद मैरै पौछौड़ियौ आईला।” 37पतरसे तैसीखै बौल़ौ, “ओए रै प्रभु, इबी हांव तैरै पौछौड़ियौ काए ना आए सौकु? हांव तौ तांव कारिए मौरणौ कै बै तैयार औसौ।” 38यीशुए जोवाब दिया, “का तू मुं कारिए मौरदा? हांव तुऔं कै साचौ-साचौ बुलू, कै ऐलोई रातै कै कुकड़ै कै बांक दैणौ दै औगौड़ियौ तू तीन बैई मुखै भाजै जाला, कै तू मुखै ना जाणै!”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.