लूका 13
13
पश्चाताप कौरौ ताकि नाश ना हौं
1तैसी सौमय दै किछै लोग आए, औरौ तिनुऐ यीशु खै बौल़ौ, रोमी राज्यपाल पिलातुसे गलील जिले कै कैई लोगौ खै मारै दिए थिए, जोबै तिनुऐ मन्दिरो दै बल़ि चौढ़ाए लोऐ थी। 2ऐजौ शोणेयो तैणै तिनु जोवाब दिया, “का तुऐं सौमझौ कै ऐजै गलील जिले कै लोग, ओकी गलील जिले कै लोगौ दै बै जादा पापी थिए कै तिनु पांदी ऐशणी समस्या पौड़ी?” 3हांव तुऔं बुलू कै ना; पौरौ जै तुऐं पाप कौरणा ना छोड़ो तौ तुऐं सौबै ऐशैखैई नाश हौए जांदै। 4औरौ का तुऐं ऐजौ सौमझौ कै ऐजै अठारो लोग तोबै दौबेयौ मौरे गौवै थिए, जौल़ौ यरूशलेम शहर कै धोरे शीलोह को गुम्मट तिनु पांदी पौड़ौ? तौ का सै यरूशलेम शहर कै रौणौवाल़ै लोगौ दै जादा पापी थिए? 5हांव तुऔं खै बुलू कै ना; पौरौ जै तुऐं पाप कौरणै नै छोड़ले, तौ तुऐं सौबै बै ऐशैखैई नाश हौए जांदै।
बिना फोल़ वाल़ा अंजीर का डाल़
6तोबै यीशुए ऐजा उदारण बै दिया, “कोसी आदमी कै अंगूरो कै बागो दा ऐक अंजीरो का डाल़ लागैयौंदा थिया। सै तिंदै आई साल फोल़ झौंदा आंव थिया, पौरौ किछै नै भैटी। 7तोबै तैणै बारी कै रोखवाल़ै खै बौल़ौ, ‘दैखौ, ती सालो दा उंडा हांव ऐसी अंजीरो कै डाल़ो दा फोल़ झौंदा ओऊं पौरौ मुखै इबी तौड़ी किछै फोल़ ना भैटी। ऐसीकै काटै दै जिथुकै ऐणै आछी जोमीनो खै खराब कौरे लोए।’ 8बागड़ी कै रोखवाल़ै तैसी जोवाब दिया, कै ओए रै मालिक, ऐसी इयौं साल रौणौ दै; कै हांव इथै चोऊ ढौबौ खोणेयौ खाद छुडु़। 9जै आगलै साल फोल़ आंव तौ आछौ, नी तौ ऐसी काटै दैया।”#13:9 अंजीर का डाल़ इस्राएल कै लोगौ कै बौतांव।
कुबड़ी बैटमाणिशौ खै ठीक कौरणै
10विशांव कै दूसै यीशुए यहूदी सभा-घोरो दा उपदैश दैय लौआ थिया। 11तिथै ऐक ऐशणी बैटमाणिश थी, जियौं दै अठारो सालो दी ऊंडी अपंग कौरणौवाल़ै ऐक दुष्टआत्मा थी, औरौ सै कुबड़ी हौए रोए थी, औरौ कैशैकैई बै सीधी नै हौए सौकौ थै। 12यीशुए तियौं बैटमाणिशौ कै दैखैयो बोईदी औरौ बौल़ौ, “ओए रै बैटमाणिश, तू आपणै इयौं बीमारी शै ठीक हौए गौए।” 13तोबै यीशुए तियौं पांदी हाथ राखा, औरौ सै तावल़ै सीधी हौए गौए औरौ पौरमेशवर कै बौड़ाए कौरदै लागै। 14इथकारिए कै यीशुए विशांव कै दूसै तियौं ठीक कौरे राए थै, यहूदी सभा-घोरो का ठोगड़ा खिजैयौ कै लोगौ खै बौलदा लागा, “ऐकी हफते दै छौ दूस औसौ, जिंदै आमु टोल सांडणी चैंई, औरौ तिनु दूसौ दै ठीक हौणौ कारिए आणौ चैंई, पौरौ विशांव कै दूसौ नै।” 15ऐजौ शोणेयो प्रभु यीशुए जोवाब दिया, “ओए रै कपटियो, का विशांव कै दूसै तुऔं मुंजीदै सौबीए आपणै बौल़ोद या गोदहे कै शाल़ो पौरैशै खोल़ेयो खै पाणी पियांदै ना नियौ? 16तौ का इयौं बैटमाणिशौ कै जू अब्राहम कै वंश कै औसौ, औरौ जियौं खै शैतानै अठारो सालो दै बानेयो राखै राए थै, यहूदी लोगौ कै विशांव कै दूसै ऐसी बन्धन शै आज़ाद कौरणौ ठीक ना थी?” 17जोबै यीशुए ऐजी बातौ बुली, तौ तैसकै सौबै विरोधी बैज्जत हौए गौवै, औरौ सौबै भीड़ तैसी महान कामौ शै जू सै कौरौ थिया, दैखैयो खुशी हौए।
राई कै दाणै औरौ खमीर का उदारण
(मत्ती 13:31-33; मर 4:30-32)
18तोबै यीशुए बौल़ौ, “हांव तुऔं खै बौतौऊं कै पौरमेशवर का राज्य कोसी साए औसौ? औरौ हांव तैसकी तुलना कोसी आरी कौरु? 19सै ऐकी राई कै दाणै कै जैशणा औसौ, जैसी कोसी आदमीए लोयो आपणै बागड़ी दा जायौ बोए दिया: औरौ सै बौढ़ेयौ डाल़ बौणै गौआ; औरौ गौयणै कै चुड़कुल़ै आयौ तिथकै डाल़ी पांदी कोएलाण बाणौ।”
20तैणै हौजौ बौल़ौ, “हांव पौरमेशवर कै राज्य की तुलना कोसी आरी कौरु? 21सै तैसी खमीरो साए औसौ, जिथुकै कोसी बैटमाणिशै लोयो भौरिशै आटै मुंजी बाटी दियु, औरौ सैजौ दैणिक शौ खमीर पूरै आटै दौ फोयलै गौ।”
चैईथा दवार
22यीशु आपणै चैलै कै साथै नोगरो-नोगरो औरौ गांव-गांव दा जाऐबा उपदैश दैंदै बैई यरूशलेम शहर कै ढौबौ जांदा लागै रौआ थिया। 23तौ कोसीए तैसीयांदो पूछु, “ओए रै प्रभु, का पौरमेशवर ठिकै लोगौ खै सौदा कै सौजा शै बौचांदा?” तैणै तिनु बौल़ौ, 24“पौरमेशवर कै राज्य दो सांगड़ै दवारो बाटी जाणौ चैईथु औसौ, जिथुकै हांव तुऔं बुलू कै भौरिशै लोग ऐसी दवार दै जाणौ की कौचिश कौरलै, पौरौ जाणौ दै नाकामयाब हौए जांदै। 25जोबै पौरमेशवर जू घोरो का मालिक औसौ बिज़यो दवार बन्द कौरे दैला, औरौ तुऐं बायरै खौड़ै हौयौ दवार खोटखोटायो औरौ बिन्ती कौरेयौ बौलदै, ‘ओए रै प्रभु यीशु, आमु कारिए दवार खोले दै,’ औरौ सै जोवाब दैंदा, हांव तुऔं ना जाणु, तुऐं कुकै दै आए रौवै? 26तोबै तुऐं बौलदै, ‘कै आमुए तैरै साथै खोऊं पियुं औरौ तुऐं अमारै बाज़ारो दै उपदैश बै दिए।’ 27पौरौ सै बौलदा, हांव तुऔं खै बुलू, ‘हांव ना जाणु कै तुऐं कुकै दै आए रौवै। ओए रै कुकर्म कौरणौवाल़ै, तुऐं सौबै मैरै सामणै दै दूर हौए जाव।’ 28तिथै रुणु औरौ दांद चाकणै हौंदौ, जौल़ौ तुऐं अमारै पुराणिया अब्राहम औरौ इसहाक औरौ याकूब औरौ सौबी पौरमेशवर कै बातौ बौताणौवाल़ै खै पौरमेशवर कै राज्य दै बौठैयौंदे, औरौ आपी खै बायरै निकाल़दै बैई दैखलै। 29पूरब औरौ पश्चिम; उतर औरौ दक्षिण दै तोबै पूरै दुनिया शै लोग आलै, औरौ पौरमेशवर कै राज्य कै दावत मुंजी शामिल हौंदै। 30ऐजौ जाणै पाया, जू इबी आपी खै खास सौमझौ, सै बाद मै खास ना सौमझै जांदै, औरौ जू आपी खै खास ना सौमझौ सै खास सौमझै जांदै।”
हेरोदेस कै दुशमनी
(मत्ती 23:37-39)
31तैसी सौमय किछै फरीसी लोगै आयौ तैसी बौल़ौ, “इथैदा आगु जा, जिथुकै हेरोदेस राजा ताखै मारणा चांव।” 32तैणै तैसी बौल़ौ, “जाऐबा तैसी आदमी खै जू ऐक सियाल़ी कै जैशणा चलाक औसौ बौल़ै दै, कै दैख हांव ऐलो औरौ दोतियो दुष्टआत्मा कै निकाल़दा औरौ बीमारों कै ठीक कौरदा, औरौ तिजै दूसै हांव आपणा काम पूरा कौरदा। 33तोबै बै ऐलो औरौ दोतियो औरौ पोरशोए हांडणौ जौरुरी औसौ, जिथुकै ऐक पौरमेशवर कै बातौ बौताणौवाल़ै कै सिरफ यरूशलेम शहर दा ही मारा जांदा।”
यरूशलेम शहर कारिए शोग
34“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए, जिनु तोंवारै धोरे छाड़ै राए थिए। किशैक बैई मोऐं ऐजौ चोऊ, कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तैरै नानड़िया कै कौठै कौरु, पौरौ तुऐं ऐजौ ना चैंई। 35दैखैया, तोंवारा मंदिर तुऔं कारिए उजाड़ छोड़ दैंव औरौ हांव तुऔं बुलू, जौल़ौ तुऐं बौलल़ै कै तुऐं औकियो बैई मुखै दैखलै, धन्य औसौ सैजा जू प्रभु कै नांव पांदी आंव।”
S'ha seleccionat:
लूका 13: SRXNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
लूका 13
13
पश्चाताप कौरौ ताकि नाश ना हौं
1तैसी सौमय दै किछै लोग आए, औरौ तिनुऐ यीशु खै बौल़ौ, रोमी राज्यपाल पिलातुसे गलील जिले कै कैई लोगौ खै मारै दिए थिए, जोबै तिनुऐ मन्दिरो दै बल़ि चौढ़ाए लोऐ थी। 2ऐजौ शोणेयो तैणै तिनु जोवाब दिया, “का तुऐं सौमझौ कै ऐजै गलील जिले कै लोग, ओकी गलील जिले कै लोगौ दै बै जादा पापी थिए कै तिनु पांदी ऐशणी समस्या पौड़ी?” 3हांव तुऔं बुलू कै ना; पौरौ जै तुऐं पाप कौरणा ना छोड़ो तौ तुऐं सौबै ऐशैखैई नाश हौए जांदै। 4औरौ का तुऐं ऐजौ सौमझौ कै ऐजै अठारो लोग तोबै दौबेयौ मौरे गौवै थिए, जौल़ौ यरूशलेम शहर कै धोरे शीलोह को गुम्मट तिनु पांदी पौड़ौ? तौ का सै यरूशलेम शहर कै रौणौवाल़ै लोगौ दै जादा पापी थिए? 5हांव तुऔं खै बुलू कै ना; पौरौ जै तुऐं पाप कौरणै नै छोड़ले, तौ तुऐं सौबै बै ऐशैखैई नाश हौए जांदै।
बिना फोल़ वाल़ा अंजीर का डाल़
6तोबै यीशुए ऐजा उदारण बै दिया, “कोसी आदमी कै अंगूरो कै बागो दा ऐक अंजीरो का डाल़ लागैयौंदा थिया। सै तिंदै आई साल फोल़ झौंदा आंव थिया, पौरौ किछै नै भैटी। 7तोबै तैणै बारी कै रोखवाल़ै खै बौल़ौ, ‘दैखौ, ती सालो दा उंडा हांव ऐसी अंजीरो कै डाल़ो दा फोल़ झौंदा ओऊं पौरौ मुखै इबी तौड़ी किछै फोल़ ना भैटी। ऐसीकै काटै दै जिथुकै ऐणै आछी जोमीनो खै खराब कौरे लोए।’ 8बागड़ी कै रोखवाल़ै तैसी जोवाब दिया, कै ओए रै मालिक, ऐसी इयौं साल रौणौ दै; कै हांव इथै चोऊ ढौबौ खोणेयौ खाद छुडु़। 9जै आगलै साल फोल़ आंव तौ आछौ, नी तौ ऐसी काटै दैया।”#13:9 अंजीर का डाल़ इस्राएल कै लोगौ कै बौतांव।
कुबड़ी बैटमाणिशौ खै ठीक कौरणै
10विशांव कै दूसै यीशुए यहूदी सभा-घोरो दा उपदैश दैय लौआ थिया। 11तिथै ऐक ऐशणी बैटमाणिश थी, जियौं दै अठारो सालो दी ऊंडी अपंग कौरणौवाल़ै ऐक दुष्टआत्मा थी, औरौ सै कुबड़ी हौए रोए थी, औरौ कैशैकैई बै सीधी नै हौए सौकौ थै। 12यीशुए तियौं बैटमाणिशौ कै दैखैयो बोईदी औरौ बौल़ौ, “ओए रै बैटमाणिश, तू आपणै इयौं बीमारी शै ठीक हौए गौए।” 13तोबै यीशुए तियौं पांदी हाथ राखा, औरौ सै तावल़ै सीधी हौए गौए औरौ पौरमेशवर कै बौड़ाए कौरदै लागै। 14इथकारिए कै यीशुए विशांव कै दूसै तियौं ठीक कौरे राए थै, यहूदी सभा-घोरो का ठोगड़ा खिजैयौ कै लोगौ खै बौलदा लागा, “ऐकी हफते दै छौ दूस औसौ, जिंदै आमु टोल सांडणी चैंई, औरौ तिनु दूसौ दै ठीक हौणौ कारिए आणौ चैंई, पौरौ विशांव कै दूसौ नै।” 15ऐजौ शोणेयो प्रभु यीशुए जोवाब दिया, “ओए रै कपटियो, का विशांव कै दूसै तुऔं मुंजीदै सौबीए आपणै बौल़ोद या गोदहे कै शाल़ो पौरैशै खोल़ेयो खै पाणी पियांदै ना नियौ? 16तौ का इयौं बैटमाणिशौ कै जू अब्राहम कै वंश कै औसौ, औरौ जियौं खै शैतानै अठारो सालो दै बानेयो राखै राए थै, यहूदी लोगौ कै विशांव कै दूसै ऐसी बन्धन शै आज़ाद कौरणौ ठीक ना थी?” 17जोबै यीशुए ऐजी बातौ बुली, तौ तैसकै सौबै विरोधी बैज्जत हौए गौवै, औरौ सौबै भीड़ तैसी महान कामौ शै जू सै कौरौ थिया, दैखैयो खुशी हौए।
राई कै दाणै औरौ खमीर का उदारण
(मत्ती 13:31-33; मर 4:30-32)
18तोबै यीशुए बौल़ौ, “हांव तुऔं खै बौतौऊं कै पौरमेशवर का राज्य कोसी साए औसौ? औरौ हांव तैसकी तुलना कोसी आरी कौरु? 19सै ऐकी राई कै दाणै कै जैशणा औसौ, जैसी कोसी आदमीए लोयो आपणै बागड़ी दा जायौ बोए दिया: औरौ सै बौढ़ेयौ डाल़ बौणै गौआ; औरौ गौयणै कै चुड़कुल़ै आयौ तिथकै डाल़ी पांदी कोएलाण बाणौ।”
20तैणै हौजौ बौल़ौ, “हांव पौरमेशवर कै राज्य की तुलना कोसी आरी कौरु? 21सै तैसी खमीरो साए औसौ, जिथुकै कोसी बैटमाणिशै लोयो भौरिशै आटै मुंजी बाटी दियु, औरौ सैजौ दैणिक शौ खमीर पूरै आटै दौ फोयलै गौ।”
चैईथा दवार
22यीशु आपणै चैलै कै साथै नोगरो-नोगरो औरौ गांव-गांव दा जाऐबा उपदैश दैंदै बैई यरूशलेम शहर कै ढौबौ जांदा लागै रौआ थिया। 23तौ कोसीए तैसीयांदो पूछु, “ओए रै प्रभु, का पौरमेशवर ठिकै लोगौ खै सौदा कै सौजा शै बौचांदा?” तैणै तिनु बौल़ौ, 24“पौरमेशवर कै राज्य दो सांगड़ै दवारो बाटी जाणौ चैईथु औसौ, जिथुकै हांव तुऔं बुलू कै भौरिशै लोग ऐसी दवार दै जाणौ की कौचिश कौरलै, पौरौ जाणौ दै नाकामयाब हौए जांदै। 25जोबै पौरमेशवर जू घोरो का मालिक औसौ बिज़यो दवार बन्द कौरे दैला, औरौ तुऐं बायरै खौड़ै हौयौ दवार खोटखोटायो औरौ बिन्ती कौरेयौ बौलदै, ‘ओए रै प्रभु यीशु, आमु कारिए दवार खोले दै,’ औरौ सै जोवाब दैंदा, हांव तुऔं ना जाणु, तुऐं कुकै दै आए रौवै? 26तोबै तुऐं बौलदै, ‘कै आमुए तैरै साथै खोऊं पियुं औरौ तुऐं अमारै बाज़ारो दै उपदैश बै दिए।’ 27पौरौ सै बौलदा, हांव तुऔं खै बुलू, ‘हांव ना जाणु कै तुऐं कुकै दै आए रौवै। ओए रै कुकर्म कौरणौवाल़ै, तुऐं सौबै मैरै सामणै दै दूर हौए जाव।’ 28तिथै रुणु औरौ दांद चाकणै हौंदौ, जौल़ौ तुऐं अमारै पुराणिया अब्राहम औरौ इसहाक औरौ याकूब औरौ सौबी पौरमेशवर कै बातौ बौताणौवाल़ै खै पौरमेशवर कै राज्य दै बौठैयौंदे, औरौ आपी खै बायरै निकाल़दै बैई दैखलै। 29पूरब औरौ पश्चिम; उतर औरौ दक्षिण दै तोबै पूरै दुनिया शै लोग आलै, औरौ पौरमेशवर कै राज्य कै दावत मुंजी शामिल हौंदै। 30ऐजौ जाणै पाया, जू इबी आपी खै खास सौमझौ, सै बाद मै खास ना सौमझै जांदै, औरौ जू आपी खै खास ना सौमझौ सै खास सौमझै जांदै।”
हेरोदेस कै दुशमनी
(मत्ती 23:37-39)
31तैसी सौमय किछै फरीसी लोगै आयौ तैसी बौल़ौ, “इथैदा आगु जा, जिथुकै हेरोदेस राजा ताखै मारणा चांव।” 32तैणै तैसी बौल़ौ, “जाऐबा तैसी आदमी खै जू ऐक सियाल़ी कै जैशणा चलाक औसौ बौल़ै दै, कै दैख हांव ऐलो औरौ दोतियो दुष्टआत्मा कै निकाल़दा औरौ बीमारों कै ठीक कौरदा, औरौ तिजै दूसै हांव आपणा काम पूरा कौरदा। 33तोबै बै ऐलो औरौ दोतियो औरौ पोरशोए हांडणौ जौरुरी औसौ, जिथुकै ऐक पौरमेशवर कै बातौ बौताणौवाल़ै कै सिरफ यरूशलेम शहर दा ही मारा जांदा।”
यरूशलेम शहर कारिए शोग
34“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए, जिनु तोंवारै धोरे छाड़ै राए थिए। किशैक बैई मोऐं ऐजौ चोऊ, कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तैरै नानड़िया कै कौठै कौरु, पौरौ तुऐं ऐजौ ना चैंई। 35दैखैया, तोंवारा मंदिर तुऔं कारिए उजाड़ छोड़ दैंव औरौ हांव तुऔं बुलू, जौल़ौ तुऐं बौलल़ै कै तुऐं औकियो बैई मुखै दैखलै, धन्य औसौ सैजा जू प्रभु कै नांव पांदी आंव।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.