Markus 15
15
Khunz Pilat caetz Yesuhz
(Matthe 27:1-2, 27:11-14, Lukas 23:1-5, Yohn 18:28-38)
1Meuz teuk ngup cao cao ne beunz caangz keui, teur lao tang ihz peur aacz, ihz mawz kyaamz boh ihz mawh Yio aarz diz keui mat Yesuhz lan phuhz aez Khunz Pilat nahz. 2Khunz Pilat maanyz Yesuhz daz, “Anz Mih anz khunz Yio?”
Hnhz kaw lao daz, “Naeh ceun mih maanyz ne.”
3Beunz caangz keui teur aacz daehz maap Hnhz paw keunyz. 4Khunz Pilat kaw maanyz thaengz, “Mih nam lao mial naehz leui haz? Mih yawt luz, ihz maap Mih paw keunyz.”
5Yesuhz kaw nam tawpz hawkz hawkz, Khunz Pilat kaw sangz baaiz.
Ihz piamz Yesuhz
(Matthe 27:15-26, Lukas 23:13-25, Yohn 18:39-19:16)
6Tuhz pawiz lawt phez klawhz wit ne khunz Pilat tomz plawiz plaez ihz klaez thang teun akz, an ihz keui maanyz. 7Meuz phangz an diz, maang ihz hawkz, mus hnhz daz Barabas, piamz ihz meuz hnhz seuk weur tiukz meu rae prih ne, klaez thang teur kawmz tang bohz raen daehz keui. 8Ihz keui teur cuhz daehz raak maanyz khunz Pilat, aez hnhz cih ceun hnhz tomz cih klawhz pawk ne. 9Khunz Pilat maanyz keuh nahz, “Pehz sunz aez ohz plawiz khunz Yio hiuz?” 10Kawp daz, hnhz mas beunz caangz keui seu ke Yesuhz rae caang aapz aez daehz nahz.
11Beunz caangz keui lao srawz srawz, aez ihz keui cao khunz plawiz Barabas. 12Khunz Pilat kaw maanyz thaengz keuh nahz, “Pehz sunz aez ohz cih seu naez kaai ihz an pehz raak daz khunz Yio ne hoh?”
13Keuh teur aacz daehz raak daz, “Tawkz sapz Hnhz kaai lakz keun rang klawngz klaengz raez.”
14Khunz Pilat kaw daz thaengz keuh nahz, “Kawp naehz? Hnhz cih kawi naehz?”
Meuz khunz maanyz ceun ni ne keuh baaiz yeung raak daz, “Tawkz sapz Hnhz kaai lakz keun rang klawngz klaengz raez.”
15Khunz Pilat kaw plawiz Barabas aez phre phawmz keuh. Hnhz cao ihz leh nuarz rotz Yesuhz, aapz aez keuh tawkz piamz Hnhz kaai lakz keun rang ne.
Siukz Rom keui nyao peuk pyaak Yesuhz
(Matthe 27:27-31, Yohn 19:2-3)
16Siukz keui leh lan Yesuhz cu teu laangz hawz rae raak truz siukz hacz aamz. 17Keuh kap aez Hnhz nahz cung cui#15:17 kreung eurz boh paanz kumz ne sunz daz naeh kreung kap khunz. Keuh cih kaai Yesuhz ceun diz ne naeh ta keuh saehz keulz.eurz, leh seur keutz cih tong, supz aez kaai kingz Hnhz. 18Siukz keui daz Hnhz nahz, “Khunz Yio ne aez a saak hanz se kamz.” 19Keuh leh kawn teur law tiz kingz Hnhz, teuk chuz sapz Hnhz nahz omz nyaangz, seuk deumz waiz Hnhz. 20Waaiz keuh cih peuk pyaak ceun diz ne, keuh mial pucz seu kaeng eurz, mial kap aez kreung Hnhz kaw leh lan tawkz sapz kaai keun rang klawngz klaengz.
Siukz leh Yesuhz tawkz kaai keun rang klawngz klaengz
(Matthe 27:32-44, Lukas 23:26-43, Yohn 19:17-27)
21Siukz keui awlz Simon, ihz prih Siren, an naeh paz keuh Alesandar kaar Ruphus, tawiz reung dengz ne keuh peun pae hnhz, cao hnhz baekz keun rang klawngz klaengz. 22Keuh leh lan pukz Kolkotha, an loz daz, pukz klakz kingz. 23Keuh leh aez Hnhz nahz omz seu pit an seuk rah mok omz hawm mar kaw Hnhz nam tiangz. 24Tawkz Hnhz kaai keun rang klawngz klaengz, teur aacz daehz pohz ceu kawk, teur baengz leh kreung Hnhz. 25Kraao timz na ri teuk ngup ne, keuh leh Hnhz tawkz kaai keun rang. 26Lik an maap Hnhz taemz mok daz, “Khunz kheuz Yio.” 27Keuh tawkz sapz mok tang conz keu aarz, plaakz takz dahz Hnhz hawkz, takz kaaiz Hnhz hawkz. 28“Hnhz an ni bawnz nap sapz teur kawmz tang ihz raai keui,” an daz mok tuhz kyaamz lik ne, a wa neuk truz meuz diz.
29Ihz lan tawiz reung dengz keui krasz kingz daehz, saehz daz tang Hnhz nahz, “Euz, Ihz an ngaz ya wat, moh waiz seu ngihz mial cih meu rae ne, 30cur truz thaz lakz keun rang raez, khyawt mial toz Daehz raez.”
31Beunz caangz boh ihz mawz kyaamz keui kaw daz, “Hnhz an ni khyawt bawnz ihz, nam khyawt bawnz toz daehz.” 32Keuh saehz Hnhz daz, “Aez ehz awlz, aez ehz yum ne khunz Israel an naeh Tahz Khris, cur truz thaz lakz keun rang klawngz klaengz seu ni raez.”
Ihz keu aarz an tawkz teur kawmz kaai lakz keun rang klawngz klaengz kaw saehz Hnhz.
Yesuhz plotz phawmz
(Matthe 27:45-56, Lukas 23:44-49, Yohn 19:28-30)
33Meuz seu ngihz teun cang ne prih bimz hacz aamz thonz taw waiz na ri teuk borz. 34Meuz teuk borz waiz na ri ne Yesuhz raak reus usz usz daz, “Eloi, Eloi, lama sabacthani?” an loz daz, “Phraz Ohz, Phraz Ohz, kawp naehz lah thengz Ohz a?”
35Ihz an ceng boh a diz teur ka keui ngarz reus Hnhz raak daz, “Teuk ngarz raez, Hnhz raak Eliyas eu.” 36Meuz ceun diz, maang ihz hawkz, leh an naeh ceun paaiz seu keu neumz nyahz sapz tuhz omz seu pit praang. Hawiz kaai cawkz kawn teur law, aez Hnhz nahz. Keuh teur daz daehz nahz, “Ehz pao yawt, Anz Eliyas ngaz truz khyawt Hnhz.”
37Yesuhz raak keurz reus usz rae plotz phawmz.
38Meuz ceun diz, pahz kangz tuhz wat ne seuk siarz thaz kol taw thaz wa, penz aarz plaakz. 39Meuz ihz mawh siukz ceng boh aacz ngaai Hnhz ne awlz Yesuhz raak reus usz phawmz hacz lan rae daz, “Hnhz an ni naeh mawn Kuanz Phraz Pen Caoh.”
40Keun nyah teur ka moh teun yaan pao teuk soz yawt. Keun nyah keu diz naeh Mari Makdalen, Mari mah Yakop kyehz kaar Yoses, tang Salome. 41Keun nyah keu diz naeh ihz cih damz Yesuhz, meuz Hnhz yeung naeh prih Kalile ne. Pa thaengz tang keun nyah an truz tawiz Hnhz kut tuhz weng Yerusalem.
Yosep saangz keo toz Yesuhz
(Matthe 27:57-61, Lukas 23:50-56, Yohn 19:38-42)
42Seu ngihz an diz maen kaai seu ngihz phit, meuz teuk borz ne, 43Yosep ihz weng Arimathea, an naeh ihz mawh, ihz nap suamz ne kawp daz hnhz mang prih Phraz Pen Caoh rae kut cu yaak yaak tawz khunz Pilat ne, maanyz toz yam Yesuhz. 44Khunz Pilat kaw khranz kawp mas Yesuhz a wa yam rae, aez daehz bawnz mas caem caem anz Hnhz yam mawn ne raak maanyz ihz mawh siukz. 45Mas Hnhz a wa yam mawn kaw aez Yosep nahz toz yam Yesuhz. 46Yosep leh teuk klaez toz yam Yesuhz, wian aez Hnhz nahz banz an daehz yal truz, mok tuhz peun lu an ihz kawngz mok tawiz pha laan. Leh reu aangz mawh kling bitz mok tuhz tham an diz. 47Mari Makdalen boh Mari mah keuh Yoses kaw yawt ti mok toz yam.
S'ha seleccionat:
Markus 15: ril
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.
Markus 15
15
Khunz Pilat caetz Yesuhz
(Matthe 27:1-2, 27:11-14, Lukas 23:1-5, Yohn 18:28-38)
1Meuz teuk ngup cao cao ne beunz caangz keui, teur lao tang ihz peur aacz, ihz mawz kyaamz boh ihz mawh Yio aarz diz keui mat Yesuhz lan phuhz aez Khunz Pilat nahz. 2Khunz Pilat maanyz Yesuhz daz, “Anz Mih anz khunz Yio?”
Hnhz kaw lao daz, “Naeh ceun mih maanyz ne.”
3Beunz caangz keui teur aacz daehz maap Hnhz paw keunyz. 4Khunz Pilat kaw maanyz thaengz, “Mih nam lao mial naehz leui haz? Mih yawt luz, ihz maap Mih paw keunyz.”
5Yesuhz kaw nam tawpz hawkz hawkz, Khunz Pilat kaw sangz baaiz.
Ihz piamz Yesuhz
(Matthe 27:15-26, Lukas 23:13-25, Yohn 18:39-19:16)
6Tuhz pawiz lawt phez klawhz wit ne khunz Pilat tomz plawiz plaez ihz klaez thang teun akz, an ihz keui maanyz. 7Meuz phangz an diz, maang ihz hawkz, mus hnhz daz Barabas, piamz ihz meuz hnhz seuk weur tiukz meu rae prih ne, klaez thang teur kawmz tang bohz raen daehz keui. 8Ihz keui teur cuhz daehz raak maanyz khunz Pilat, aez hnhz cih ceun hnhz tomz cih klawhz pawk ne. 9Khunz Pilat maanyz keuh nahz, “Pehz sunz aez ohz plawiz khunz Yio hiuz?” 10Kawp daz, hnhz mas beunz caangz keui seu ke Yesuhz rae caang aapz aez daehz nahz.
11Beunz caangz keui lao srawz srawz, aez ihz keui cao khunz plawiz Barabas. 12Khunz Pilat kaw maanyz thaengz keuh nahz, “Pehz sunz aez ohz cih seu naez kaai ihz an pehz raak daz khunz Yio ne hoh?”
13Keuh teur aacz daehz raak daz, “Tawkz sapz Hnhz kaai lakz keun rang klawngz klaengz raez.”
14Khunz Pilat kaw daz thaengz keuh nahz, “Kawp naehz? Hnhz cih kawi naehz?”
Meuz khunz maanyz ceun ni ne keuh baaiz yeung raak daz, “Tawkz sapz Hnhz kaai lakz keun rang klawngz klaengz raez.”
15Khunz Pilat kaw plawiz Barabas aez phre phawmz keuh. Hnhz cao ihz leh nuarz rotz Yesuhz, aapz aez keuh tawkz piamz Hnhz kaai lakz keun rang ne.
Siukz Rom keui nyao peuk pyaak Yesuhz
(Matthe 27:27-31, Yohn 19:2-3)
16Siukz keui leh lan Yesuhz cu teu laangz hawz rae raak truz siukz hacz aamz. 17Keuh kap aez Hnhz nahz cung cui#15:17 kreung eurz boh paanz kumz ne sunz daz naeh kreung kap khunz. Keuh cih kaai Yesuhz ceun diz ne naeh ta keuh saehz keulz.eurz, leh seur keutz cih tong, supz aez kaai kingz Hnhz. 18Siukz keui daz Hnhz nahz, “Khunz Yio ne aez a saak hanz se kamz.” 19Keuh leh kawn teur law tiz kingz Hnhz, teuk chuz sapz Hnhz nahz omz nyaangz, seuk deumz waiz Hnhz. 20Waaiz keuh cih peuk pyaak ceun diz ne, keuh mial pucz seu kaeng eurz, mial kap aez kreung Hnhz kaw leh lan tawkz sapz kaai keun rang klawngz klaengz.
Siukz leh Yesuhz tawkz kaai keun rang klawngz klaengz
(Matthe 27:32-44, Lukas 23:26-43, Yohn 19:17-27)
21Siukz keui awlz Simon, ihz prih Siren, an naeh paz keuh Alesandar kaar Ruphus, tawiz reung dengz ne keuh peun pae hnhz, cao hnhz baekz keun rang klawngz klaengz. 22Keuh leh lan pukz Kolkotha, an loz daz, pukz klakz kingz. 23Keuh leh aez Hnhz nahz omz seu pit an seuk rah mok omz hawm mar kaw Hnhz nam tiangz. 24Tawkz Hnhz kaai keun rang klawngz klaengz, teur aacz daehz pohz ceu kawk, teur baengz leh kreung Hnhz. 25Kraao timz na ri teuk ngup ne, keuh leh Hnhz tawkz kaai keun rang. 26Lik an maap Hnhz taemz mok daz, “Khunz kheuz Yio.” 27Keuh tawkz sapz mok tang conz keu aarz, plaakz takz dahz Hnhz hawkz, takz kaaiz Hnhz hawkz. 28“Hnhz an ni bawnz nap sapz teur kawmz tang ihz raai keui,” an daz mok tuhz kyaamz lik ne, a wa neuk truz meuz diz.
29Ihz lan tawiz reung dengz keui krasz kingz daehz, saehz daz tang Hnhz nahz, “Euz, Ihz an ngaz ya wat, moh waiz seu ngihz mial cih meu rae ne, 30cur truz thaz lakz keun rang raez, khyawt mial toz Daehz raez.”
31Beunz caangz boh ihz mawz kyaamz keui kaw daz, “Hnhz an ni khyawt bawnz ihz, nam khyawt bawnz toz daehz.” 32Keuh saehz Hnhz daz, “Aez ehz awlz, aez ehz yum ne khunz Israel an naeh Tahz Khris, cur truz thaz lakz keun rang klawngz klaengz seu ni raez.”
Ihz keu aarz an tawkz teur kawmz kaai lakz keun rang klawngz klaengz kaw saehz Hnhz.
Yesuhz plotz phawmz
(Matthe 27:45-56, Lukas 23:44-49, Yohn 19:28-30)
33Meuz seu ngihz teun cang ne prih bimz hacz aamz thonz taw waiz na ri teuk borz. 34Meuz teuk borz waiz na ri ne Yesuhz raak reus usz usz daz, “Eloi, Eloi, lama sabacthani?” an loz daz, “Phraz Ohz, Phraz Ohz, kawp naehz lah thengz Ohz a?”
35Ihz an ceng boh a diz teur ka keui ngarz reus Hnhz raak daz, “Teuk ngarz raez, Hnhz raak Eliyas eu.” 36Meuz ceun diz, maang ihz hawkz, leh an naeh ceun paaiz seu keu neumz nyahz sapz tuhz omz seu pit praang. Hawiz kaai cawkz kawn teur law, aez Hnhz nahz. Keuh teur daz daehz nahz, “Ehz pao yawt, Anz Eliyas ngaz truz khyawt Hnhz.”
37Yesuhz raak keurz reus usz rae plotz phawmz.
38Meuz ceun diz, pahz kangz tuhz wat ne seuk siarz thaz kol taw thaz wa, penz aarz plaakz. 39Meuz ihz mawh siukz ceng boh aacz ngaai Hnhz ne awlz Yesuhz raak reus usz phawmz hacz lan rae daz, “Hnhz an ni naeh mawn Kuanz Phraz Pen Caoh.”
40Keun nyah teur ka moh teun yaan pao teuk soz yawt. Keun nyah keu diz naeh Mari Makdalen, Mari mah Yakop kyehz kaar Yoses, tang Salome. 41Keun nyah keu diz naeh ihz cih damz Yesuhz, meuz Hnhz yeung naeh prih Kalile ne. Pa thaengz tang keun nyah an truz tawiz Hnhz kut tuhz weng Yerusalem.
Yosep saangz keo toz Yesuhz
(Matthe 27:57-61, Lukas 23:50-56, Yohn 19:38-42)
42Seu ngihz an diz maen kaai seu ngihz phit, meuz teuk borz ne, 43Yosep ihz weng Arimathea, an naeh ihz mawh, ihz nap suamz ne kawp daz hnhz mang prih Phraz Pen Caoh rae kut cu yaak yaak tawz khunz Pilat ne, maanyz toz yam Yesuhz. 44Khunz Pilat kaw khranz kawp mas Yesuhz a wa yam rae, aez daehz bawnz mas caem caem anz Hnhz yam mawn ne raak maanyz ihz mawh siukz. 45Mas Hnhz a wa yam mawn kaw aez Yosep nahz toz yam Yesuhz. 46Yosep leh teuk klaez toz yam Yesuhz, wian aez Hnhz nahz banz an daehz yal truz, mok tuhz peun lu an ihz kawngz mok tawiz pha laan. Leh reu aangz mawh kling bitz mok tuhz tham an diz. 47Mari Makdalen boh Mari mah keuh Yoses kaw yawt ti mok toz yam.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.