Lukas 10
10
Mba Yésu tum ben ṅam sammbàa là
(Mat. 28.18-20; Mark. 16.15-16)
1Yen nu là lo be tshùa, Tshùaben bèn ntsho' tsemo' ghazi'te nu i ntu ṅam sammbàa, ntum yub bàa bàa mbwe i, ntùm njoṅ ngô fa, bo dù' ze tu wul i nsi nèn bwe là; 2ntshob #Mat. 9.37-38bo ndù: Tshu netsho' yàm, là ghafa' b'a metsili; bin le'te tàfa' ndù a tum tsemo' ghafa' ntùm dù' fa' se. 3Bin #Mat. 10.16nène, tshù, me tum zin à mba bon njùmbwe netèt ba nzwimàntô là. 4Kà #Mat. 10.7-14; Mark. 6.8-11; Luk. 9.3-5bin lo' mfi', ke lo' bàm, ke lo' nketo'o, ke nebèn ntsha'te mèn manze.
5Mba ntùm zit ndà lo ze bin tsho bwe là, bin bwôgmbwe ntshob ndù: Fite num yen ndà li. 6A be ze mèn fite be ntùm yen ndà là là, mba fite a' ghô num i; a be z'a ke' be là, mba fite zin a' bèn mbèn bin. 7Bin #1 Korin. 9.14; 1 Tim. 5.18tswe ntùm yen ndà là, njù mbèn nu ju bo ghù là; nummbe ngafa' ku'ni nekwé ntsho'fa' mi, kà bin ke nzi ndà ndà. 8Mba zit ngô lo ze bin tsho bwe, bo lo' zin nà, bin jù ju ze bo fà bin nà, 9bin yate ghangokèt tse bo nsi be bwe là, ntshob bo ndù nufen Nsi à ghebte mbaṅ bin. 10Mba #Mfa' Gha. 13.51zit ngô lo bin nsi tsho bwe bo ke lo' zin nà, bin tum nèn dù' ntse'te be là, ntshob ndù: 11Bag bé'te mba mbab mi a ṅab num nku mag ntùm ngô zin nà, mfaṅ bin. Bin yôg nendèn ndù nufen Nsi à ghebte.
12Me #Net. 19.24-28; Mat. 11.24; 10.15tshob bin ndù num sen lé'njù là, nu ngô Sodom nsi bwô tshùa ze yen ngô là. 13Nge' #Es. 23.1-18; Ez. 26.1—28.26; Yo. 4.4-8; Am. 1.9-10; Sak. 9.2-4num wù me Korazin, nge' num wù me Bètsaida; nummbe nsà tse bo ghù netèt bin nà na' mb'a netèt Tiro mba Sidon, mba bo lo à kaṅ ntù tshobe, ntôg bàm, mbèn nse' bwembwôge. 14Mba nu Tiro mba Sidon nsi bwô ntshùa zin ngelaṅ netsho'te ntsha. 15Wù #Es. 14.13-15Kapernaum, o nsi ko' kà nèn nkum kamànyam ké? Bo nsi lo' o swe' yi tà nèn nkum ntùm ngô fe ben. 16Mèn #Mat. 10.40; Mark. 9.37; Luk. 9.48; Yoha. 13.20z'a ju' zin nà, mb'a ju' àm, mèn z'a ghua' zin nà, mb'a ghua' àm; mèn z'a ghua' àm nà, mb'a ghua' mèn z'a tum àm nà.
17Ben ṅam sammbàa bèn njam ntùm tsiaṅte, ntshob ndù: Tshùaben, mba ba ywètkebwô fà wut nsi mbwe bag num lén su. 18Yésu tshob bo ndù: Me lo nke njen mba Satan swe' mfe kamànyam mba beba'mbaṅ, ngwù nsi là. 19Bin #Yobk. 91.13ju'u, me lo fà ngù' nenyiaṅ nyu nku, nenyiaṅ nenya'tshum mba netshùa neta ghakeban bin, ndù kà sàm ju ghùtni zine. 20Là mba ndùlala, kà bin tsiaṅt'a mba ba ywètkebwô fà wut nsi mbwe bin nà, là, a bwô bin tsiaṅt'a num mba bo kite ndèn min mfe kamànyam nà.
Nela'te tsham nkùn mebwô bônke'
(Mat. 11.25-27)
21Be num yen ngelaṅ nà, Ywèt Nelàn ghù Yésu dun tsiaṅte, ntshob ndù: Me nyàmt'o me Tà, Tshùaben kamànyam mba nsitsha', wù z'o lem tshen nu li num miag ghazenu boa ben neta, nda't'a be nda' bônke' là. A b'a ndùlala me Tà, nummbe o yen ntùm yu nekô ndù à bwô ndùlala. 22Tàa #Yoha. 3.35; 10.15lo fà njoṅ tshu fa me; sàm mèn ke' lèn mèn ze Mén be yi là, mb'a nda' Tà; sàm mèn ke bèn ndèn mèn ze Tà be yi là, mb'a nda' Mén, mba mèn ze Mén kô nela't'é yi là.
23Yésu kaṅ wul i mbaṅ ghazi'te nu i ntshob bo tù' bo ndù: Ghafen b'a miag mi bo tshwèt njen ju ze bin yen nà. 24Nummbe me tshob bin ndù: Ghantum Nsi tse yàm mba fenfen yàm lo ke nkô neyen ju ze bin tshwèt njen nà, ke yen, neju' ju ze bin tshwèt nju' là ke ju'.
Mén Samaria ngakondèn
(Mat. 7.12; 22.34-40)
25Tshù, #Mat. 22.35-40; Mark. 12.28-34mo' ngalèn ntshù' Nsi se' num nelaṅte Yésu ntshob ndù: Ngatswite, m'a' ghù à ke, kà ngù yàm bag i ntùm yôg matmat là? 26Yésu bètt'é ndù: Ke ze bo kite ntùm ntshù' à? Ke z'o num nsiaṅ bwe à? 27A #Lev. 19.18; Neb. 6.5bùnte ntshob ndù: Ke nkô Tàan Nsi o, njoṅ ntù o fa, njoṅ zwiag so fa, njoṅ nkwatenu mu fa, mba njoṅ yu neta fa, mbèn nkô mèn z'a ghebte mbaṅ o là, mba tu wul o là. 28Yésu #Lev. 18.5tshob yi ndù: O bùnte mebwô, ke ngù ndùlala o nsi yôge.
29A diag nebe mèn netsine, ntshob Yésu ndù: Mèn z'a ghebte mbaṅ àm nà b'a we? 30Yésu bèn ntshob ndù: Mo' mènntùn lo lo Yérusalém nke nswe' nèn mà Yériko, ngwù ntùm mbu ba fimntshu; bo kwé tshu tse fa, mbèn nke'te mfaṅ num i, a tù' nekwù, bo faṅ i nène. 31Mo' ngale'te Nsi swe' num manze là, njen i, mbémte ntshùa nze ghua, nèn tse. 32Mo' mén Lévi kum num yen dù' là, njen i, ngù be ndaṅndaṅ, mbémte ntshùa nze ghua nèn tse. 33Là #2 Kron. 28.15mo' mén Samaria z'a ke nèn katte là, kum mbaṅ i, mbe yen i, ndèn mi ko i. 34A kù'te nse' mbaṅ i, naṅ ndu' mba mfèt num nkeko' mi, nkule, njab i num nyàm i, ndo' i nèn yi tusô ba ghùn ntshwint'é. 35Njù be làne, a sô denario bàa, mfà ngalôte tusô, ntshob yi ndù: Tù' nke ntshwint'é; ju z'o nsi tù' bagte num i tshùa yen ni là, me nsi ba' wù ngelaṅ me bèn njam nà. 36A zit mèn netèt tshen ben tat li z'o kwate ndù a b'a mfèt mèn z'a vù ntùm mbu ba fimntshu l'à? 37A bùnte ndù: A b'a mèn z'a nko ndèn mi là. Yésu tshob yi ndù: Nène, tsho nke ngù yu be ndaṅndaṅ.
Marta bo Maria
(Mat. 6.33; Yoha. 11.1-5; 12.1-7)
38Ngelaṅ #Yoha. 11.1ze bo be num manze là, Yésu tsho ntùm mo' ngô; mo' mènnzwi lén se Marta lo' i ntùm ndà i. 39A lo ghù mfèl i ze mènnzwi lén se Maria, z'a tswe ze mbaṅ nku Tshùaben, nke nju' ntshob mi là. 40Là Marta lo ke mfa' ndà yàme, num jujù. A se' ntshob ndù: Tshùaben, a ke' bag o mba mfèl àm faṅ njoṅ fa' fa me tù' me là ké? Tshob yi a se' njwimt'àm. 41Tshùaben bùnte ntshob yi ndù: Marta, Marta, o tshwèt ngùtni wul o, mbèn nke ndab wul o num tshu yàme. 42Là tshu yàm ke' ywimte, ta' ju ntshù' ku'u. A b'a Maria bèn ntsho' bag i ze mebwô ze be bo ke bèn nkwé yi là.
S'ha seleccionat:
Lukas 10: BMa
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Lukas 10
10
Mba Yésu tum ben ṅam sammbàa là
(Mat. 28.18-20; Mark. 16.15-16)
1Yen nu là lo be tshùa, Tshùaben bèn ntsho' tsemo' ghazi'te nu i ntu ṅam sammbàa, ntum yub bàa bàa mbwe i, ntùm njoṅ ngô fa, bo dù' ze tu wul i nsi nèn bwe là; 2ntshob #Mat. 9.37-38bo ndù: Tshu netsho' yàm, là ghafa' b'a metsili; bin le'te tàfa' ndù a tum tsemo' ghafa' ntùm dù' fa' se. 3Bin #Mat. 10.16nène, tshù, me tum zin à mba bon njùmbwe netèt ba nzwimàntô là. 4Kà #Mat. 10.7-14; Mark. 6.8-11; Luk. 9.3-5bin lo' mfi', ke lo' bàm, ke lo' nketo'o, ke nebèn ntsha'te mèn manze.
5Mba ntùm zit ndà lo ze bin tsho bwe là, bin bwôgmbwe ntshob ndù: Fite num yen ndà li. 6A be ze mèn fite be ntùm yen ndà là là, mba fite a' ghô num i; a be z'a ke' be là, mba fite zin a' bèn mbèn bin. 7Bin #1 Korin. 9.14; 1 Tim. 5.18tswe ntùm yen ndà là, njù mbèn nu ju bo ghù là; nummbe ngafa' ku'ni nekwé ntsho'fa' mi, kà bin ke nzi ndà ndà. 8Mba zit ngô lo ze bin tsho bwe, bo lo' zin nà, bin jù ju ze bo fà bin nà, 9bin yate ghangokèt tse bo nsi be bwe là, ntshob bo ndù nufen Nsi à ghebte mbaṅ bin. 10Mba #Mfa' Gha. 13.51zit ngô lo bin nsi tsho bwe bo ke lo' zin nà, bin tum nèn dù' ntse'te be là, ntshob ndù: 11Bag bé'te mba mbab mi a ṅab num nku mag ntùm ngô zin nà, mfaṅ bin. Bin yôg nendèn ndù nufen Nsi à ghebte.
12Me #Net. 19.24-28; Mat. 11.24; 10.15tshob bin ndù num sen lé'njù là, nu ngô Sodom nsi bwô tshùa ze yen ngô là. 13Nge' #Es. 23.1-18; Ez. 26.1—28.26; Yo. 4.4-8; Am. 1.9-10; Sak. 9.2-4num wù me Korazin, nge' num wù me Bètsaida; nummbe nsà tse bo ghù netèt bin nà na' mb'a netèt Tiro mba Sidon, mba bo lo à kaṅ ntù tshobe, ntôg bàm, mbèn nse' bwembwôge. 14Mba nu Tiro mba Sidon nsi bwô ntshùa zin ngelaṅ netsho'te ntsha. 15Wù #Es. 14.13-15Kapernaum, o nsi ko' kà nèn nkum kamànyam ké? Bo nsi lo' o swe' yi tà nèn nkum ntùm ngô fe ben. 16Mèn #Mat. 10.40; Mark. 9.37; Luk. 9.48; Yoha. 13.20z'a ju' zin nà, mb'a ju' àm, mèn z'a ghua' zin nà, mb'a ghua' àm; mèn z'a ghua' àm nà, mb'a ghua' mèn z'a tum àm nà.
17Ben ṅam sammbàa bèn njam ntùm tsiaṅte, ntshob ndù: Tshùaben, mba ba ywètkebwô fà wut nsi mbwe bag num lén su. 18Yésu tshob bo ndù: Me lo nke njen mba Satan swe' mfe kamànyam mba beba'mbaṅ, ngwù nsi là. 19Bin #Yobk. 91.13ju'u, me lo fà ngù' nenyiaṅ nyu nku, nenyiaṅ nenya'tshum mba netshùa neta ghakeban bin, ndù kà sàm ju ghùtni zine. 20Là mba ndùlala, kà bin tsiaṅt'a mba ba ywètkebwô fà wut nsi mbwe bin nà, là, a bwô bin tsiaṅt'a num mba bo kite ndèn min mfe kamànyam nà.
Nela'te tsham nkùn mebwô bônke'
(Mat. 11.25-27)
21Be num yen ngelaṅ nà, Ywèt Nelàn ghù Yésu dun tsiaṅte, ntshob ndù: Me nyàmt'o me Tà, Tshùaben kamànyam mba nsitsha', wù z'o lem tshen nu li num miag ghazenu boa ben neta, nda't'a be nda' bônke' là. A b'a ndùlala me Tà, nummbe o yen ntùm yu nekô ndù à bwô ndùlala. 22Tàa #Yoha. 3.35; 10.15lo fà njoṅ tshu fa me; sàm mèn ke' lèn mèn ze Mén be yi là, mb'a nda' Tà; sàm mèn ke bèn ndèn mèn ze Tà be yi là, mb'a nda' Mén, mba mèn ze Mén kô nela't'é yi là.
23Yésu kaṅ wul i mbaṅ ghazi'te nu i ntshob bo tù' bo ndù: Ghafen b'a miag mi bo tshwèt njen ju ze bin yen nà. 24Nummbe me tshob bin ndù: Ghantum Nsi tse yàm mba fenfen yàm lo ke nkô neyen ju ze bin tshwèt njen nà, ke yen, neju' ju ze bin tshwèt nju' là ke ju'.
Mén Samaria ngakondèn
(Mat. 7.12; 22.34-40)
25Tshù, #Mat. 22.35-40; Mark. 12.28-34mo' ngalèn ntshù' Nsi se' num nelaṅte Yésu ntshob ndù: Ngatswite, m'a' ghù à ke, kà ngù yàm bag i ntùm yôg matmat là? 26Yésu bètt'é ndù: Ke ze bo kite ntùm ntshù' à? Ke z'o num nsiaṅ bwe à? 27A #Lev. 19.18; Neb. 6.5bùnte ntshob ndù: Ke nkô Tàan Nsi o, njoṅ ntù o fa, njoṅ zwiag so fa, njoṅ nkwatenu mu fa, mba njoṅ yu neta fa, mbèn nkô mèn z'a ghebte mbaṅ o là, mba tu wul o là. 28Yésu #Lev. 18.5tshob yi ndù: O bùnte mebwô, ke ngù ndùlala o nsi yôge.
29A diag nebe mèn netsine, ntshob Yésu ndù: Mèn z'a ghebte mbaṅ àm nà b'a we? 30Yésu bèn ntshob ndù: Mo' mènntùn lo lo Yérusalém nke nswe' nèn mà Yériko, ngwù ntùm mbu ba fimntshu; bo kwé tshu tse fa, mbèn nke'te mfaṅ num i, a tù' nekwù, bo faṅ i nène. 31Mo' ngale'te Nsi swe' num manze là, njen i, mbémte ntshùa nze ghua, nèn tse. 32Mo' mén Lévi kum num yen dù' là, njen i, ngù be ndaṅndaṅ, mbémte ntshùa nze ghua nèn tse. 33Là #2 Kron. 28.15mo' mén Samaria z'a ke nèn katte là, kum mbaṅ i, mbe yen i, ndèn mi ko i. 34A kù'te nse' mbaṅ i, naṅ ndu' mba mfèt num nkeko' mi, nkule, njab i num nyàm i, ndo' i nèn yi tusô ba ghùn ntshwint'é. 35Njù be làne, a sô denario bàa, mfà ngalôte tusô, ntshob yi ndù: Tù' nke ntshwint'é; ju z'o nsi tù' bagte num i tshùa yen ni là, me nsi ba' wù ngelaṅ me bèn njam nà. 36A zit mèn netèt tshen ben tat li z'o kwate ndù a b'a mfèt mèn z'a vù ntùm mbu ba fimntshu l'à? 37A bùnte ndù: A b'a mèn z'a nko ndèn mi là. Yésu tshob yi ndù: Nène, tsho nke ngù yu be ndaṅndaṅ.
Marta bo Maria
(Mat. 6.33; Yoha. 11.1-5; 12.1-7)
38Ngelaṅ #Yoha. 11.1ze bo be num manze là, Yésu tsho ntùm mo' ngô; mo' mènnzwi lén se Marta lo' i ntùm ndà i. 39A lo ghù mfèl i ze mènnzwi lén se Maria, z'a tswe ze mbaṅ nku Tshùaben, nke nju' ntshob mi là. 40Là Marta lo ke mfa' ndà yàme, num jujù. A se' ntshob ndù: Tshùaben, a ke' bag o mba mfèl àm faṅ njoṅ fa' fa me tù' me là ké? Tshob yi a se' njwimt'àm. 41Tshùaben bùnte ntshob yi ndù: Marta, Marta, o tshwèt ngùtni wul o, mbèn nke ndab wul o num tshu yàme. 42Là tshu yàm ke' ywimte, ta' ju ntshù' ku'u. A b'a Maria bèn ntsho' bag i ze mebwô ze be bo ke bèn nkwé yi là.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
La Sainte Bible en Bamiléké-Medùmba © Alliance Biblique du Cameroun, 1993. All rights reserved.