Yohana 4
4
1Bwana ekitisiwa ti Mafarisayo wasikia ti Isa earehe waanaloshwa wengi ekibatiza kukela Yohana,
2(Ekioka Isa tebatize, kake waanaloshwa wakwe),
3Akafuma ghati ya Uyahudi akatongawa mtano Galilaya.
4Ikambe kuvetia ghati ya Samaria.
5Akaza kaa ya Samaria, iitangwa Sukar, afuhi na mtemi ula emwingie Yakobo mwana wakwe Yusuf;
6Hena ikongo lakwe Yakob. Isa akaremwa na kuzoka akaikaasi na ikongo, sandu saa ya katandatu.
7Mche wa Samaria akaza atahe mbombe. Isa akamburra, Uniinge ninywe.
8Amu waanaloshwa wakwe watonga kaa wazore kidjo.
9Mche Msamaria akamburra, Nikini we, Myahudi ukundie kunywa hangu mche wa Samaria? Amu Wayahudi teweteta na Wasamaria.
10Akatalwa Isa akamburra, Idje watisiwe wuzuri wakwe Izuwa, nianiye ekuwurra, niinga ninywe, we idje unemwomba naye ekikwinga mbombe ya moo.
11Akamburra mche, Bwana, tuhena cha kutahia, na ikongo latonga si muno, wawonaze mbombe ya moo?
12We mbaha kukela apa wetu Yakobo, etwingie ikongo ili, akanywa uko, ye na waana wakwe na mafyo makwe?
13Akatalwa Isa, akamburra, Ula enywa mbombe ii enewonawa ngiru.
14Ula enywa mbombi ila ninemwinga tewona ngiruye tendarasi, kake mbombi ila ninemwinga ineoka ndeni hakwe ejisso la mbombi ikisherukiasherukia mtano moo wa tendarasi.
15Akamburra mche, Bwana uniinge mbombe ii nisiwone ngiru kana nisize aha nitahe.
16Akamburra Isa, Tonga, umwitange mume wako uze aha.
17Akatalwa mche, akaghamba, Sina mume, Akamburra Isa, Waghamba nezo, Sina mume:
18Amu weokie na wome wasanu, naye una ngeriaha si mume wako, ama wamaghamba kididi.
19Akamburra mche, Bwana, nakuwona u nabii,
20Weapa wetu wetasie ghati ya nduwi ii, na unwi mwaghamba, ti ghati ya Yerusalem niho handu hewe kutasa.
21Akamburra Isa, Mche, uniitikije, misi yaza wesimtasia Apa ghati ya nduwi ii kana ghati ya Yerusalemi.
22Unwi mutasa musimaije, uswi tumtasia tumwaiji, amu kukija kuoho ghati ya Wayahudi.
23Kake misi yaza, na yoo, wetasa kididi wenemtasia Apa hena ngoma na kididi; amu Apa ewaenda awa wetasa huwo.
24Izuwa ni Ngoma, nawo wemtasia kiwe wemtasia hena ngoma na kididi.
25Akamburra mche, Natisiwa ti Masiya eza, niye Egeriwe mafuta (Khristo), enekaze ye niho enetuwurra vyose.
26Akamburra, Nimi, niteta nawe.
27Chwii ila wakaza waanaloshwa wakwe, wakarighiwa amu ateta naye mche, kake tetetie mundu ti Ukundie kini? kana uteta kini naye.
28Mche akaishigha nyungu yakwe, akatonga kaa, akawawurra wome,
29Orazoni, mbone mundu eniwurrie niviarehe vyose, Siye uu niye Masiya?
30Wakafuma ghati ya isanga, wakaza hakwe.
31Nawo waanaloshwa weokie wekimburra, Mlosha, ula.
32Akawawurra, Nina kidjo kila msikitisiwe unwi.
33Waanaloshwa wakateta wonawo, Mundu tamwetie kidjo?
34Isa akawawurra, Kidjo changu nicho nikiareha ekikunda eniingije, mifishe ndima yakwe.
35Tomteta ti kutera mieji minne na kufindika kuneza? Nami namburra, Ushijeni meso, yoeni mboweni, te yazera ya kufindika yoo huwo.
36Efindika euha makwe, ewunganya mawono ma moo wa tendarasi, ehanda eizihirwe sa efindika.
37Huwo na mfanano ula wa kididi, Mwe ehanda, na ungi efindika.
38Mi namwingija mfindike, mwasawihiria ndimi, weingi wehira ndima, unwi mwaingia ghati ya ndima jawo.
39Wengi wa kaa ii wakamwitikija, Wasamaria, hena kiteto chakwe mche, ekiwondja mburi, Aniwurra niviareha vyose.
40Wekiza hakwe Wasamaria wakamwomba aikae nawo, akaikaa uko misi miri.
41Wengiwa muno wakaitikija na kiteto chakwe, wakamburra mche,
42Totuitikija ngeriaha hena kiteto chako, amu na uswi twasikia, twatisiwa ti kididi uu niye Mkija wa masanga, eiye Masiya.
43Kutera misi ii miri akafuma uko, akaza ghati ya Galilaya.
44Na ye Isa akawondja mburi ti nabii ghati ya isanga lakwe tena nganyi.
45Ekinaze ghati ya Galilaya, Wagalilaya wakamkunda wekioka weviwona vyose eviarehe ghati ya Yerusaleni ghati ya itasi, amu wetonga awa ghati ya itasi.
46Akazawa Isa mtano Kana ya Galilaya, ekinaoshe mbombe mvinyo. Heokie na njama, mwana wakwe eokie ewadjua ghati ya Kapernaum.
47Un ekisikia ti Isa eza ghati ya Uyahudi kufika Galilaya, akamzia akamsemba asee, amkije mwana wakwe, amu afuhi na kufwa.
48Akamburra Isa, Msiwone maluano na vindu vibaha, tomwitikija.
49Njama akamburra, Bwana, usee, mwana wangu esimefwa.
50Akamburra Isa, Tonga hako, mwana wako eoho na moo. Mundu uu akakiitikija kiteto kila emburra Isa, akatonga.
51Ekioka ghati ya kusea masinga makwe wakamtorana, wakamburra mburi, wekiteta, Mwana wako eoho na moo.
52Akawawujanya saa aikasha. Wakamburra, Iwuo, saa ya ka fungate, kidedema kikamshigha.
53Akatisiwa wawee ti saa ii niyo emburra Isa, Mwana wako eoho na moo, Akaitikija, ye na nyumba yakwe yose.
54Ii niyo luano lwa keri eareha Isa; ekiza ghati ya Uyahudi mtano Galilaya.
S'ha seleccionat:
Yohana 4: TAVETA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Yohana 4
4
1Bwana ekitisiwa ti Mafarisayo wasikia ti Isa earehe waanaloshwa wengi ekibatiza kukela Yohana,
2(Ekioka Isa tebatize, kake waanaloshwa wakwe),
3Akafuma ghati ya Uyahudi akatongawa mtano Galilaya.
4Ikambe kuvetia ghati ya Samaria.
5Akaza kaa ya Samaria, iitangwa Sukar, afuhi na mtemi ula emwingie Yakobo mwana wakwe Yusuf;
6Hena ikongo lakwe Yakob. Isa akaremwa na kuzoka akaikaasi na ikongo, sandu saa ya katandatu.
7Mche wa Samaria akaza atahe mbombe. Isa akamburra, Uniinge ninywe.
8Amu waanaloshwa wakwe watonga kaa wazore kidjo.
9Mche Msamaria akamburra, Nikini we, Myahudi ukundie kunywa hangu mche wa Samaria? Amu Wayahudi teweteta na Wasamaria.
10Akatalwa Isa akamburra, Idje watisiwe wuzuri wakwe Izuwa, nianiye ekuwurra, niinga ninywe, we idje unemwomba naye ekikwinga mbombe ya moo.
11Akamburra mche, Bwana, tuhena cha kutahia, na ikongo latonga si muno, wawonaze mbombe ya moo?
12We mbaha kukela apa wetu Yakobo, etwingie ikongo ili, akanywa uko, ye na waana wakwe na mafyo makwe?
13Akatalwa Isa, akamburra, Ula enywa mbombe ii enewonawa ngiru.
14Ula enywa mbombi ila ninemwinga tewona ngiruye tendarasi, kake mbombi ila ninemwinga ineoka ndeni hakwe ejisso la mbombi ikisherukiasherukia mtano moo wa tendarasi.
15Akamburra mche, Bwana uniinge mbombe ii nisiwone ngiru kana nisize aha nitahe.
16Akamburra Isa, Tonga, umwitange mume wako uze aha.
17Akatalwa mche, akaghamba, Sina mume, Akamburra Isa, Waghamba nezo, Sina mume:
18Amu weokie na wome wasanu, naye una ngeriaha si mume wako, ama wamaghamba kididi.
19Akamburra mche, Bwana, nakuwona u nabii,
20Weapa wetu wetasie ghati ya nduwi ii, na unwi mwaghamba, ti ghati ya Yerusalem niho handu hewe kutasa.
21Akamburra Isa, Mche, uniitikije, misi yaza wesimtasia Apa ghati ya nduwi ii kana ghati ya Yerusalemi.
22Unwi mutasa musimaije, uswi tumtasia tumwaiji, amu kukija kuoho ghati ya Wayahudi.
23Kake misi yaza, na yoo, wetasa kididi wenemtasia Apa hena ngoma na kididi; amu Apa ewaenda awa wetasa huwo.
24Izuwa ni Ngoma, nawo wemtasia kiwe wemtasia hena ngoma na kididi.
25Akamburra mche, Natisiwa ti Masiya eza, niye Egeriwe mafuta (Khristo), enekaze ye niho enetuwurra vyose.
26Akamburra, Nimi, niteta nawe.
27Chwii ila wakaza waanaloshwa wakwe, wakarighiwa amu ateta naye mche, kake tetetie mundu ti Ukundie kini? kana uteta kini naye.
28Mche akaishigha nyungu yakwe, akatonga kaa, akawawurra wome,
29Orazoni, mbone mundu eniwurrie niviarehe vyose, Siye uu niye Masiya?
30Wakafuma ghati ya isanga, wakaza hakwe.
31Nawo waanaloshwa weokie wekimburra, Mlosha, ula.
32Akawawurra, Nina kidjo kila msikitisiwe unwi.
33Waanaloshwa wakateta wonawo, Mundu tamwetie kidjo?
34Isa akawawurra, Kidjo changu nicho nikiareha ekikunda eniingije, mifishe ndima yakwe.
35Tomteta ti kutera mieji minne na kufindika kuneza? Nami namburra, Ushijeni meso, yoeni mboweni, te yazera ya kufindika yoo huwo.
36Efindika euha makwe, ewunganya mawono ma moo wa tendarasi, ehanda eizihirwe sa efindika.
37Huwo na mfanano ula wa kididi, Mwe ehanda, na ungi efindika.
38Mi namwingija mfindike, mwasawihiria ndimi, weingi wehira ndima, unwi mwaingia ghati ya ndima jawo.
39Wengi wa kaa ii wakamwitikija, Wasamaria, hena kiteto chakwe mche, ekiwondja mburi, Aniwurra niviareha vyose.
40Wekiza hakwe Wasamaria wakamwomba aikae nawo, akaikaa uko misi miri.
41Wengiwa muno wakaitikija na kiteto chakwe, wakamburra mche,
42Totuitikija ngeriaha hena kiteto chako, amu na uswi twasikia, twatisiwa ti kididi uu niye Mkija wa masanga, eiye Masiya.
43Kutera misi ii miri akafuma uko, akaza ghati ya Galilaya.
44Na ye Isa akawondja mburi ti nabii ghati ya isanga lakwe tena nganyi.
45Ekinaze ghati ya Galilaya, Wagalilaya wakamkunda wekioka weviwona vyose eviarehe ghati ya Yerusaleni ghati ya itasi, amu wetonga awa ghati ya itasi.
46Akazawa Isa mtano Kana ya Galilaya, ekinaoshe mbombe mvinyo. Heokie na njama, mwana wakwe eokie ewadjua ghati ya Kapernaum.
47Un ekisikia ti Isa eza ghati ya Uyahudi kufika Galilaya, akamzia akamsemba asee, amkije mwana wakwe, amu afuhi na kufwa.
48Akamburra Isa, Msiwone maluano na vindu vibaha, tomwitikija.
49Njama akamburra, Bwana, usee, mwana wangu esimefwa.
50Akamburra Isa, Tonga hako, mwana wako eoho na moo. Mundu uu akakiitikija kiteto kila emburra Isa, akatonga.
51Ekioka ghati ya kusea masinga makwe wakamtorana, wakamburra mburi, wekiteta, Mwana wako eoho na moo.
52Akawawujanya saa aikasha. Wakamburra, Iwuo, saa ya ka fungate, kidedema kikamshigha.
53Akatisiwa wawee ti saa ii niyo emburra Isa, Mwana wako eoho na moo, Akaitikija, ye na nyumba yakwe yose.
54Ii niyo luano lwa keri eareha Isa; ekiza ghati ya Uyahudi mtano Galilaya.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.