Luk 21
21
Apmang ka ila mani sasi boto kar mani ke Ida Tapolngon
(Mak 12.41-44)
1Yesus bitna tito e iye vati osep ka urok mani pula tiuri mani ka tiwaiki la ke Ida Tapolngon ke karoro ka dong ke Ida Tapolngon ila ninu. 2E iye vati apmang asap batne ka ila wan isuk boto vala uri ila mani ka kapa daudeng orwo ke karoro. 3Deka iye wai langane. “Ngawai lokono ke umu. Apmang asap batne ane ka ila wan isuk boto vala uri mani ka langka mole mani ka osep leklou keniye tiurie. 4Kesua urok mani pula e tituktuk mani sasi boto e tiurie ke karoro e apmang ane ka ila wan isuk boto vala kar ila mani keniye e ila mani leklou dong ma iye karanga kli ngangon ine kovok.”
Yesus wai ma osep tidar Ida Tapolngon ila ninu
(Matyu 24.1-2 e Mak 13.1-2)
5Osep leklou tivati Ida Tapolngon ila ninu e tiwai langane. “Tibares ninu ane ke opmu ka bitna itau lokono e wan bitna bitna ka osep tikare ke Ida Tapolngon ma ila wan.” E Yesus koli wai ke isak langane. 6“Umavati wan ane. Ngawai ke umu langane. Oklou gesa ma me e opmu kene ma napal munu ke opmu silang kovok. Osep ma time e tidardar opmu keniye ke ninu ane.”
Yesus wai elio soulu pula ma tipolou
(Matyu 24.3-14 e Mak 13.3-13)
7E Yesus ila disaipel tipmi iye langane. “Gute parerengen ina lesen ma elio ane polou? E nisngen sua polou ma imeile isuk boto elio ane ma polou?” 8E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam. 9E alo ka umoklingen omon ke ola e evlei ka polou umoulou tarna lumu ine kovok. Elio ane ma polou mgo e alo ka wan ka pula keniye yagos ma polou suong kovok.” 10E iye wai blang langane. “Kantri kene ma due evlei kap kantri silang e gute ka vri mgo ke omur kene ila osep ola ina ma tidue evlei kap gute ka vri mgo ke omur silang ila osep ola ina. 11Ma orgi ombatno e sapanga omba e paiangan omba tipolou ke omur pula. E ma osep tivati nisngen omba ke sirva e tivati wan ka tiulou tarna lisak omba ine. 12E mgo ke elio tonari ma osep tikis umu e tidue agegeng ke umu. Ma tidue umu umala umesep ke duningen ina ninu e umesep ke kalabus. E ma tipaur umu umevri ke osep ka tivri mgo ke omur omur e ka tivri mgo ke omur emkil emkil amtarsak. E tidue langane kesua batne umedidi ngong. 13Tidue langane e ma umakaranga umpalongo urok ke Ida Tapolngon ila omon itau. 14Deka langane. Ke mgo aitno lumu mter pula ke pelengon ka ma umawai ke isak ine kovok. 15Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok. 16Ma sipmomu e titnomu e upu titovro e upu saiver e lumu osua e lumu saten tilai upu e ma umu leklou umemete ine. 17Ma osep ka pula keniye aitno lisak soulu lokono ke umu kesua umedidi ngong. 18E dau ma tikaranga tidue pogle ke opomu elilo kene vala kovok. 19E langka umodong dagar ke aitno lumu ila dagar ma umodue lumu mosongon ka dong vala dong.”
Yesus wai ma osep tidar Jerusalem
(Matyu 24.15-21 e Mak 13.14-19)
20“E alo ka umavati osep ola ina ke kantri pula tidong lelei Jerusalem ma umeile isuk boto ma tidue pogle omba ine. 21Deka osep ka tidong ke omur Judia ma tiulou ke omur ke gigri gigri e osep ka tidong ke Jerusalem ma tisongon armok e osep ka tidong ke omur ka lelei Jerusalem ma tisepe kovok. 22Kesua alo ari taim ka Ida Tapolngon ma ules osep e koli batne ke urok elio soulu eriar langka oglou ila pelengon wai ine. 23Aisudo ke apmang ka tisomugu e apmang ka tipainim mimi. Kesua agegeng ma polou ke taklak e Ida Tapolngon aitno ila engil ma polou ke osep are. 24Osep leklou ma timete ke elil omba e osep ma tipaur osep leklou ma isak kla ke kalabus ke kantri kantri. Osep ka isak osep Yuda ina kovok ma tidue agegeng langka kamsak tipes Jerusalem la lama taim ka osep ka isak osep Yuda ina kovok tiplau omur tonari yagos.”
Gute Ka Polou Langka Osep ma me
(Matyu 24.29-31 e Mak 13.24-27)
25“Alo ari nisngen bitna bitna ma tipolou ke oklou e taiko e gigimo. E ke taklak osep ma tiulou tarna lisak e tile wansua tidue kovok kesua tiklingen misuon ina ngusngon omba e ina boitini bakul bakul. 26Ma isuk boto osep timete e ansak nesik ke wan sasi ka ma polou ke taklak kesua wan ka tidong ke sirva ma tinemilmil. 27Deka osep ma tivati Gute Ka Polou Langka Osep me ke gaup ke sirva kap ila arit e ila bublongon ka omba. 28E alo ka wan ka pula keniye tonari tinogrum tipolou umetito e umodue omtomu tito ke sirva kesua isuk boto alo ka Ida Tapolngon lua umu ma polou.”
Pelengon ano ke akai fik
(Matyu 24.32-35 e Mak 13.28-31)
29Deka Yesus wai pelengon ano langane. “Umavati akai fik e akai keniye leklou. 30Alo ka umavati elilo novluk oku umeile isuk boto ma oklou lana polou. 31E eriar langane ke nisngen tonari. Alo ka umavati isak tipolou ma umeile langka isuk boto omur ka Ida Tapolngon plaue ma polou. 32Ngawai lokono ke umu langane. Osep ka tidong oku ane ma timete dau kovok la lama elio tonari polou kodong. 33Sirva e taklak ma tipolou yagos e lou pelengon ma polou yagos kovok. Aurou.”
Yesus wai ke ila disaipel ma tiplau isak itau
34“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong. 35Kesua elio tonari ma polou ke osep ka pula keniye ka tidong ke taklak. 36E aling aling umodong umaplau umu itau e umawai itau ke Ida Tapolngon ma lumu arit dong ma umakaranga umepren ke elio bitna bitna ka ma tipolou. E ma umevri ke Gute Ka Polou Langka Osep bitna.”
37Ke oklou kene kene Yesus parere osep ke omur ka lelei Ida Tapolngon ila ninu e ke epmes kene kene iye la dong ke ninu ka dong ke gigri Oliv. 38E oklou kene kene osep pula pula titipa ke kotkotu lokono e isak kla ke Ida Tapolngon ila ninu ma tiklingen Yesus ila pelengon.
S'ha seleccionat:
Luk 21: ANT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
copyright 2003 New Tribes Mission, Sanford, FL 32771
Luk 21
21
Apmang ka ila mani sasi boto kar mani ke Ida Tapolngon
(Mak 12.41-44)
1Yesus bitna tito e iye vati osep ka urok mani pula tiuri mani ka tiwaiki la ke Ida Tapolngon ke karoro ka dong ke Ida Tapolngon ila ninu. 2E iye vati apmang asap batne ka ila wan isuk boto vala uri ila mani ka kapa daudeng orwo ke karoro. 3Deka iye wai langane. “Ngawai lokono ke umu. Apmang asap batne ane ka ila wan isuk boto vala uri mani ka langka mole mani ka osep leklou keniye tiurie. 4Kesua urok mani pula e tituktuk mani sasi boto e tiurie ke karoro e apmang ane ka ila wan isuk boto vala kar ila mani keniye e ila mani leklou dong ma iye karanga kli ngangon ine kovok.”
Yesus wai ma osep tidar Ida Tapolngon ila ninu
(Matyu 24.1-2 e Mak 13.1-2)
5Osep leklou tivati Ida Tapolngon ila ninu e tiwai langane. “Tibares ninu ane ke opmu ka bitna itau lokono e wan bitna bitna ka osep tikare ke Ida Tapolngon ma ila wan.” E Yesus koli wai ke isak langane. 6“Umavati wan ane. Ngawai ke umu langane. Oklou gesa ma me e opmu kene ma napal munu ke opmu silang kovok. Osep ma time e tidardar opmu keniye ke ninu ane.”
Yesus wai elio soulu pula ma tipolou
(Matyu 24.3-14 e Mak 13.3-13)
7E Yesus ila disaipel tipmi iye langane. “Gute parerengen ina lesen ma elio ane polou? E nisngen sua polou ma imeile isuk boto elio ane ma polou?” 8E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam. 9E alo ka umoklingen omon ke ola e evlei ka polou umoulou tarna lumu ine kovok. Elio ane ma polou mgo e alo ka wan ka pula keniye yagos ma polou suong kovok.” 10E iye wai blang langane. “Kantri kene ma due evlei kap kantri silang e gute ka vri mgo ke omur kene ila osep ola ina ma tidue evlei kap gute ka vri mgo ke omur silang ila osep ola ina. 11Ma orgi ombatno e sapanga omba e paiangan omba tipolou ke omur pula. E ma osep tivati nisngen omba ke sirva e tivati wan ka tiulou tarna lisak omba ine. 12E mgo ke elio tonari ma osep tikis umu e tidue agegeng ke umu. Ma tidue umu umala umesep ke duningen ina ninu e umesep ke kalabus. E ma tipaur umu umevri ke osep ka tivri mgo ke omur omur e ka tivri mgo ke omur emkil emkil amtarsak. E tidue langane kesua batne umedidi ngong. 13Tidue langane e ma umakaranga umpalongo urok ke Ida Tapolngon ila omon itau. 14Deka langane. Ke mgo aitno lumu mter pula ke pelengon ka ma umawai ke isak ine kovok. 15Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok. 16Ma sipmomu e titnomu e upu titovro e upu saiver e lumu osua e lumu saten tilai upu e ma umu leklou umemete ine. 17Ma osep ka pula keniye aitno lisak soulu lokono ke umu kesua umedidi ngong. 18E dau ma tikaranga tidue pogle ke opomu elilo kene vala kovok. 19E langka umodong dagar ke aitno lumu ila dagar ma umodue lumu mosongon ka dong vala dong.”
Yesus wai ma osep tidar Jerusalem
(Matyu 24.15-21 e Mak 13.14-19)
20“E alo ka umavati osep ola ina ke kantri pula tidong lelei Jerusalem ma umeile isuk boto ma tidue pogle omba ine. 21Deka osep ka tidong ke omur Judia ma tiulou ke omur ke gigri gigri e osep ka tidong ke Jerusalem ma tisongon armok e osep ka tidong ke omur ka lelei Jerusalem ma tisepe kovok. 22Kesua alo ari taim ka Ida Tapolngon ma ules osep e koli batne ke urok elio soulu eriar langka oglou ila pelengon wai ine. 23Aisudo ke apmang ka tisomugu e apmang ka tipainim mimi. Kesua agegeng ma polou ke taklak e Ida Tapolngon aitno ila engil ma polou ke osep are. 24Osep leklou ma timete ke elil omba e osep ma tipaur osep leklou ma isak kla ke kalabus ke kantri kantri. Osep ka isak osep Yuda ina kovok ma tidue agegeng langka kamsak tipes Jerusalem la lama taim ka osep ka isak osep Yuda ina kovok tiplau omur tonari yagos.”
Gute Ka Polou Langka Osep ma me
(Matyu 24.29-31 e Mak 13.24-27)
25“Alo ari nisngen bitna bitna ma tipolou ke oklou e taiko e gigimo. E ke taklak osep ma tiulou tarna lisak e tile wansua tidue kovok kesua tiklingen misuon ina ngusngon omba e ina boitini bakul bakul. 26Ma isuk boto osep timete e ansak nesik ke wan sasi ka ma polou ke taklak kesua wan ka tidong ke sirva ma tinemilmil. 27Deka osep ma tivati Gute Ka Polou Langka Osep me ke gaup ke sirva kap ila arit e ila bublongon ka omba. 28E alo ka wan ka pula keniye tonari tinogrum tipolou umetito e umodue omtomu tito ke sirva kesua isuk boto alo ka Ida Tapolngon lua umu ma polou.”
Pelengon ano ke akai fik
(Matyu 24.32-35 e Mak 13.28-31)
29Deka Yesus wai pelengon ano langane. “Umavati akai fik e akai keniye leklou. 30Alo ka umavati elilo novluk oku umeile isuk boto ma oklou lana polou. 31E eriar langane ke nisngen tonari. Alo ka umavati isak tipolou ma umeile langka isuk boto omur ka Ida Tapolngon plaue ma polou. 32Ngawai lokono ke umu langane. Osep ka tidong oku ane ma timete dau kovok la lama elio tonari polou kodong. 33Sirva e taklak ma tipolou yagos e lou pelengon ma polou yagos kovok. Aurou.”
Yesus wai ke ila disaipel ma tiplau isak itau
34“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong. 35Kesua elio tonari ma polou ke osep ka pula keniye ka tidong ke taklak. 36E aling aling umodong umaplau umu itau e umawai itau ke Ida Tapolngon ma lumu arit dong ma umakaranga umepren ke elio bitna bitna ka ma tipolou. E ma umevri ke Gute Ka Polou Langka Osep bitna.”
37Ke oklou kene kene Yesus parere osep ke omur ka lelei Ida Tapolngon ila ninu e ke epmes kene kene iye la dong ke ninu ka dong ke gigri Oliv. 38E oklou kene kene osep pula pula titipa ke kotkotu lokono e isak kla ke Ida Tapolngon ila ninu ma tiklingen Yesus ila pelengon.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
copyright 2003 New Tribes Mission, Sanford, FL 32771