Mark 14
14
Jisu gei Ngumvü Do Rhükecü
(Mat 26:1-5; Luk 22:1-2; Joh 11:45-53)
1Zha kenie sie Ciekevonyi mu khreiüshükemo Niekhrüdanyi nyitatuoü bata. Süki zievokezhako mu thezhokepethako pekhre di Jisu tepie dukhriwaketuo rhü bata. 2Derei uko sie, “Süu thenyi kilie lho, themia mha kebvüketa keprei la,” sita.
Bethani nu Tier pie Jisu Kenhekecü
(Mat 26:6-13; Joh 12:1-8)
3Jisue Bethani nu Simon mpa kechüu ki nu ba, mu puo mhacü keba nu miapfü puo nard tier puoma kere phipfü alabaster bou puo pie vor, sidi süpfüe tier bou phalie di lapie puo tsü gei shü. 4Derei süki ketha mia huo u nei mo di sie huoniehuo ki, “Kiüdi tier hai di pekawate shi? 5Kekreilamonyü hau denari krie se kezie nunu zelie vi, sidi raka khapie mhakejümia tsüshülie vi.” Sidi uko puo kerhieta. 6Derei Jisu sie, “Puo kha hiecie; kiüdi nieko puo keyhuya ga? Puo mha kevi chüpie a gei shüwate. 7Kekreilamonyü kejümia nie ze sei batuo mu kehoukipuorei nieko süko khruohishü nyü ro khruohilie vi; derei nieko a ze sei zo balie lho. 8Puo chülie keviu chüshüwate, puo a kekhrunyie keseshüketuo la pedzüperie tier pie a kenheshüwata zo. 9A nieko ki pu toushütuo, kijü pete nu dieliekeviu pupie mia kiekecü kheko nu thenu hapfü rükra tuolieketuo la puo dze pu tuo zotuo,” sita.
Judas Jisu Tekeshü Puo Medokelie
(Mat 26:14-16; Luk 22:3-6)
10Süsie Iskariot Judas, kerekenieko donu mia puo, Jisu tepie uko tsükeshü le di zievokezhako ki vo. 11Siro süu sikeshü ki uko nei phi di raka pie puo tsütuo üshüwa. Süla puoe puo tepie uko tsüshüketuo la puotei kevi puo rütuota.
Jisu Pethakelieko Ze Ciekevonyi Nyikecü
(Mat 26:17-25; Luk 22:7-14,21-23; Joh 13:21-30)
12Siro Khreiüshükemo Niekhrüdanyi zha therie nhie Ciekevonyi kuonuo kedukhri nhie puoe pethakelieko puo ki, “Hieko bu kirapuo nu n la Ciekevonyiu nyiketuo kesekecü n medo ga?” sita. 13Süla puoe pethakelie kenie ketseshü di unie ki, “Nadi nu lelie, sitse nnie mia puo dzü lipfhü puo pie tuo di ze kesetuo ho; puo siemedzi volie, 14sidi nnie puo ze ki nu le di niepuu ki, ‘Kepethaue, a bu ae pethakelieko ze Ciekevonyiu nyiketuo rüsobouu kirapuo ba ga? idi ketsoyalie,’ sicie. 15Sitse puoe pesogei kibou kezha mha pete kesepie keba puo thashütuo ho, nnie sünunu úko la mha keseliecie,” sishü. 16Süla pethakelienie nadiu nu le tse mha pete puo unie ki pukeshü tuoi ba di ngulie; mu unie sünunu Ciekevonyiu la mha keselie. 17Süsie thevatieta tse, puoe kerekenieko ze vorlie. 18Siro uko keze mhacü keba nu Jisu sie, “A nieko ki pu toushütuo, nieko a ze mhacü kebako donu mia puoe a teshütuo.” 19Sitse uko die süu sipie u nou kemezhie di mia puopuo sie puo ki, “Süu a me, a me?” iphreta. 20Sitse puo uko ki, “Süu kerekenieko donu mia puo, puo a ze di niekhrüda se mekhou nunu se cü kebamia puo zo. 21Themia Nuou zowe thiedzü puo dze thupie kezhü tuoi tuotatuo; derei Themia Nuou teshüketuou we ce, chülietie! Themia süu penuo vor mocü we puo dze vikuotuomu ru.”
Niepuu Kerükra Ca
(Mat 26:26-30; Luk 22:14-20; 1 Kor 11:23-25)
22Siro uko mhacü keba nu, puo niekhrüda yopuo chü pielie, süsie puo jashü di süu bietshielie di süu pie uko tsüshü, sidi sie, “Lieliecie, hauha a mo zo.” 23Süsie puo tehieu rei chü pielie, sidi kethezie khakeshü sie süu pie uko tsüshü, mu uko peteko süu krie phrelie. 24Siro puo uko ki, “Hauha themia kekra la pekrukeshü dietseidiekhokelie a zieu zo. 25A nieko ki pu toushütuo, a Ukepenuopfü kedi nunu khubedzü kesa krie kemochie mhakipuorei khubedzü krie salie lhote.”
Jisue Pitor Puo Phra Mvütaketuo Pukeshü
(Mat 26:31-35; Luk 22:31-34; Joh 13:36-38)
26Süsie uko tsali puo chülie di Oliv Kijüthou gei vota. 27Mu Jisu uko ki, “Nieko pete a khawatatuo;
kekreilamonyü, ‘Ae kuopfheu vüshütuo,
sitse tekuoko ta cüretatuo,’
idi thupie kezhü la. 28Derei a rhei lakelie sie, a nieko mhodzü Galil nu votatuo.” 29Sitse Pitor sie puo ki, “Themia pete n khawa zorei a we n khawalie lho,” sita. 30Jisu sie puo ki, “A n ki pu toushütuo, thie ha, tsiezhü thevü khou keniekecü mhodzü, no va se a si mo ücü putatuo.” 31Sirei puo puo rhiechü sa di sie, “A bu n ze siatatuoü rei, a n phra mvüta lho zo!” sita. Mu kekreiko pete rei sükemhie pu phre.
Jisu Gethsemane nunu Chakecü
(Mat 26:36-46; Luk 22:39-46)
32Süsie uko Gethsemane ükecü thechü puo nu vorlie; mu puo sie puoe pethakelieko ki, “A kecha chü keba ki nieko haki baliecie.” 33Sidi puo Pitor, Jakob, mu Johan uko ze tuota, süsie puoe puo nou kemezhiepie meyhumezhie zota. 34Sidi puo uko ki, “A nou kemezhiepie siata kemoyo chüte; haki ba di pfhe bacie.” 35Sidi puo tuo petse za phi di tsu kijü zerepfü zhülie di chülie vi ücü sie we kemezhiekecü bavüdo süu bu puo therhietanu chata. 36Puo sie, “Abba#14:36 Aramaik nu Apuo iya., apuo, No we mha pete chülie vi zocü la, a kinu tehie hau chüwacie; siürei a medo-u monyü n thuo n medo chüliecie.” 37Sidi puo la phir tse pethakelieko zezhü di ngulie; sitse puo Pitor ki, “Simon, no zezhüte me? No bavüdo puorei co balie kenjüte me? 38Medokephi nu leta molieketuo la cha mu nie terüchü baliecie; ruopfütsa we chü nyü bei ba zo derei u chü u phou tsatie zowe thachü ba zo.” 39Sidi puo tuo phi khinyhü kemhie pu cha lashü. 40Süsie puo la phir ru uko zezhü di ngulie; uko mhirho reilie kenjü zoketa la, tsiu uko puo ki mha kepu tetuo rei si mota. 41Süsie puo va seu la phir di uko ki, “Nieko tsie rei ze mu rüleizhü zo me? Cüsie ci zota! Puoteiu sü vorte ho; mu Themia Nuou tepie kephoumamia dzie nu shüwatuoü bate. 42Sielie, di tuota khe. Harie a teshüketuou vor haki thate.”
Jisu Tekelie
(Mat 26:47-56; Luk 22:47-53; Joh 18:3-12)
43Siro puo die pu thaluocü nu kerekenieko donu mia puo, Judas mhai vorta, siro zievokezhako, thezhokepethako mu phichüko kinu ketsekeshü themia krodiu u zhiecha mu seideko pie di puo ze vorta. 44Siro puo tepie mia dzie nu shüketuou pedzü zasi puo pie uko ki pu di sie, “Ae meboshüketuou, süu puo zo; puo telie di puo pfhe menuo ze votacie.” 45Sidi puo vor tsolie tse, mhai phi puo ki, “Kepethau” idi puo meboshü. 46Sitse uko puo merhashülie di puo telieta. 47Derei süki ketha mia puoe puo zhiecha zoulie di pie zievokezhatho-u kituou du sie ru puo nyieto metakreiwa. 48Süsie Jisu uko ki, “Nieko zhiecha mu seideko pie di a ü mia vie sekecümia puo tuoi a tetuoü vorzhü me? 49A teisonhie rüsuokiu nu nieko ze ba di mia petha baya ze, mu nieko süki we a te mo. Derei kethodieko bu tsei morosuo,” ishü. 50Süki uko pete puo khawa di tata.
51Siro khriesanuomia puo linen pfhe rübei dzie di puo siemedzi tuo. Sitse mia puo merhashülie, 52derei puoe puo linen pfheu khawa di methuo tata.
Jisu Mechükehouu Mhodzünu Ketha
53Siro uko Jisu ze zievokezhatho-u kinu vota, mu sünu zievokezhako, phichüko mu thezhokepethako vo kengu ba. 54Pitor rei petse za di puo siemedzi vor zievokezhatho-u kitiezha tsolie; mu puo süki balie di rükhouko ze mi peguo ba. 55Süki zievokezhako mu mechükehouu pete rei Jisu pejopie dukhriwatuoü zhapu huo pfhü sie, sirei uko mhapuorei ngulie mota. 56Kekreilamonyü mia kekra tijü di puo kepejo zhapu khashü, derei uko zhapu dieko kerhelie mota. 57Mia huo ketijü zhapu se puo pejo di sie, 58“Hie puo kepu die sikecü, ‘A themia dzie thuo chükelie rüsuoki hau bierhuowatuo, sidi zha se sie themia dzie üse chü kemo kekrei puo chü lalietuo,’ isiwe.” 59Derei die hau nu zorei uko zhapu dieko kerhelie mota. 60Süsie zievokezhatho-u uko mhodzü sie thalie di Jisu ki, “No mhapuorei pu lashü lho me? Uko n pejo ketha die hako kedipuota ga?” 61Derei puo kemekrieta di mhapuorei pu mota. Sitse zievokezhatho-u la sie puo ki, “No Khristau, Thejakepfütho-u Nuou zo me?” 62Sitse Jisu sie, “A süu zo;
‘mu nieko Themia Nuou Kekuotho-u zatsa keba,’
mu ‘teigei kimhouko geinu ketsur ngutuo.’ ”
63Sitse zievokezhatho-u puo pfhenei cierha di sie, “Kiüdi nieko zhapu kekrei puo se sa nyüya ga? 64Nieko puo Ukepenuopfü ketha die kepu sishüte! Nie kedipuo le ga?” Sitse uko pete puo pejo di puo bu siata rei vi üta. 65Siro mia huomia mhitsiepie puo tshe, puo mhi dzewa mu puo vü di puo ki, “Siedzedie pushücie!” ishü. Süsie rükhouko puo ze vo puo vüta.
Pitor Jisu Phra Mvüketa
66Siro Pitor kitiezha pekhrotsa ketha ki zievokezhatho-u kituopfü puo vor. 67Süpfü Pitor mi peguo ketha ngushü tse, puo meho terüpfü di puo ki, “No rei Nazaret Jisu ze ketuomia puo zo,” sita. 68Derei puo mo üdi sie, “A puo si mo morei no kedipuo pu tha shi a süu rei si mo.” Sidi puo kitie cha ze prata. Süsie thevü khouta. 69Süsie rei kituopfü puoe puo ngu di süki kethako ki pu la di, “Themia hau rei uko mia puolie,” sita. 70Derei puo süu va rei mo üta. Süsie chaba kemonu süki kethako la sie Pitor ki, “No rei uko mia puo zo kethowe; no Galilmia zocü la,” sita. 71Derei puo rüse khu zo di, “No puo dze pukethau a si mo zo,” sita. 72Süki thevü va kenieu khouta. Sitse Pitor pedzü Jisu puo ki, “No thevü khou kenie mhodzü va se a si mo üdi putatuo,” ikeshü die rükralie; süsie puo noukesuo pfü krata.
S'ha seleccionat:
Mark 14: ANBRBSI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible Society of India
© 2023, Used by permission. All rights reserved. More
Mark 14
14
Jisu gei Ngumvü Do Rhükecü
(Mat 26:1-5; Luk 22:1-2; Joh 11:45-53)
1Zha kenie sie Ciekevonyi mu khreiüshükemo Niekhrüdanyi nyitatuoü bata. Süki zievokezhako mu thezhokepethako pekhre di Jisu tepie dukhriwaketuo rhü bata. 2Derei uko sie, “Süu thenyi kilie lho, themia mha kebvüketa keprei la,” sita.
Bethani nu Tier pie Jisu Kenhekecü
(Mat 26:6-13; Joh 12:1-8)
3Jisue Bethani nu Simon mpa kechüu ki nu ba, mu puo mhacü keba nu miapfü puo nard tier puoma kere phipfü alabaster bou puo pie vor, sidi süpfüe tier bou phalie di lapie puo tsü gei shü. 4Derei süki ketha mia huo u nei mo di sie huoniehuo ki, “Kiüdi tier hai di pekawate shi? 5Kekreilamonyü hau denari krie se kezie nunu zelie vi, sidi raka khapie mhakejümia tsüshülie vi.” Sidi uko puo kerhieta. 6Derei Jisu sie, “Puo kha hiecie; kiüdi nieko puo keyhuya ga? Puo mha kevi chüpie a gei shüwate. 7Kekreilamonyü kejümia nie ze sei batuo mu kehoukipuorei nieko süko khruohishü nyü ro khruohilie vi; derei nieko a ze sei zo balie lho. 8Puo chülie keviu chüshüwate, puo a kekhrunyie keseshüketuo la pedzüperie tier pie a kenheshüwata zo. 9A nieko ki pu toushütuo, kijü pete nu dieliekeviu pupie mia kiekecü kheko nu thenu hapfü rükra tuolieketuo la puo dze pu tuo zotuo,” sita.
Judas Jisu Tekeshü Puo Medokelie
(Mat 26:14-16; Luk 22:3-6)
10Süsie Iskariot Judas, kerekenieko donu mia puo, Jisu tepie uko tsükeshü le di zievokezhako ki vo. 11Siro süu sikeshü ki uko nei phi di raka pie puo tsütuo üshüwa. Süla puoe puo tepie uko tsüshüketuo la puotei kevi puo rütuota.
Jisu Pethakelieko Ze Ciekevonyi Nyikecü
(Mat 26:17-25; Luk 22:7-14,21-23; Joh 13:21-30)
12Siro Khreiüshükemo Niekhrüdanyi zha therie nhie Ciekevonyi kuonuo kedukhri nhie puoe pethakelieko puo ki, “Hieko bu kirapuo nu n la Ciekevonyiu nyiketuo kesekecü n medo ga?” sita. 13Süla puoe pethakelie kenie ketseshü di unie ki, “Nadi nu lelie, sitse nnie mia puo dzü lipfhü puo pie tuo di ze kesetuo ho; puo siemedzi volie, 14sidi nnie puo ze ki nu le di niepuu ki, ‘Kepethaue, a bu ae pethakelieko ze Ciekevonyiu nyiketuo rüsobouu kirapuo ba ga? idi ketsoyalie,’ sicie. 15Sitse puoe pesogei kibou kezha mha pete kesepie keba puo thashütuo ho, nnie sünunu úko la mha keseliecie,” sishü. 16Süla pethakelienie nadiu nu le tse mha pete puo unie ki pukeshü tuoi ba di ngulie; mu unie sünunu Ciekevonyiu la mha keselie. 17Süsie thevatieta tse, puoe kerekenieko ze vorlie. 18Siro uko keze mhacü keba nu Jisu sie, “A nieko ki pu toushütuo, nieko a ze mhacü kebako donu mia puoe a teshütuo.” 19Sitse uko die süu sipie u nou kemezhie di mia puopuo sie puo ki, “Süu a me, a me?” iphreta. 20Sitse puo uko ki, “Süu kerekenieko donu mia puo, puo a ze di niekhrüda se mekhou nunu se cü kebamia puo zo. 21Themia Nuou zowe thiedzü puo dze thupie kezhü tuoi tuotatuo; derei Themia Nuou teshüketuou we ce, chülietie! Themia süu penuo vor mocü we puo dze vikuotuomu ru.”
Niepuu Kerükra Ca
(Mat 26:26-30; Luk 22:14-20; 1 Kor 11:23-25)
22Siro uko mhacü keba nu, puo niekhrüda yopuo chü pielie, süsie puo jashü di süu bietshielie di süu pie uko tsüshü, sidi sie, “Lieliecie, hauha a mo zo.” 23Süsie puo tehieu rei chü pielie, sidi kethezie khakeshü sie süu pie uko tsüshü, mu uko peteko süu krie phrelie. 24Siro puo uko ki, “Hauha themia kekra la pekrukeshü dietseidiekhokelie a zieu zo. 25A nieko ki pu toushütuo, a Ukepenuopfü kedi nunu khubedzü kesa krie kemochie mhakipuorei khubedzü krie salie lhote.”
Jisue Pitor Puo Phra Mvütaketuo Pukeshü
(Mat 26:31-35; Luk 22:31-34; Joh 13:36-38)
26Süsie uko tsali puo chülie di Oliv Kijüthou gei vota. 27Mu Jisu uko ki, “Nieko pete a khawatatuo;
kekreilamonyü, ‘Ae kuopfheu vüshütuo,
sitse tekuoko ta cüretatuo,’
idi thupie kezhü la. 28Derei a rhei lakelie sie, a nieko mhodzü Galil nu votatuo.” 29Sitse Pitor sie puo ki, “Themia pete n khawa zorei a we n khawalie lho,” sita. 30Jisu sie puo ki, “A n ki pu toushütuo, thie ha, tsiezhü thevü khou keniekecü mhodzü, no va se a si mo ücü putatuo.” 31Sirei puo puo rhiechü sa di sie, “A bu n ze siatatuoü rei, a n phra mvüta lho zo!” sita. Mu kekreiko pete rei sükemhie pu phre.
Jisu Gethsemane nunu Chakecü
(Mat 26:36-46; Luk 22:39-46)
32Süsie uko Gethsemane ükecü thechü puo nu vorlie; mu puo sie puoe pethakelieko ki, “A kecha chü keba ki nieko haki baliecie.” 33Sidi puo Pitor, Jakob, mu Johan uko ze tuota, süsie puoe puo nou kemezhiepie meyhumezhie zota. 34Sidi puo uko ki, “A nou kemezhiepie siata kemoyo chüte; haki ba di pfhe bacie.” 35Sidi puo tuo petse za phi di tsu kijü zerepfü zhülie di chülie vi ücü sie we kemezhiekecü bavüdo süu bu puo therhietanu chata. 36Puo sie, “Abba#14:36 Aramaik nu Apuo iya., apuo, No we mha pete chülie vi zocü la, a kinu tehie hau chüwacie; siürei a medo-u monyü n thuo n medo chüliecie.” 37Sidi puo la phir tse pethakelieko zezhü di ngulie; sitse puo Pitor ki, “Simon, no zezhüte me? No bavüdo puorei co balie kenjüte me? 38Medokephi nu leta molieketuo la cha mu nie terüchü baliecie; ruopfütsa we chü nyü bei ba zo derei u chü u phou tsatie zowe thachü ba zo.” 39Sidi puo tuo phi khinyhü kemhie pu cha lashü. 40Süsie puo la phir ru uko zezhü di ngulie; uko mhirho reilie kenjü zoketa la, tsiu uko puo ki mha kepu tetuo rei si mota. 41Süsie puo va seu la phir di uko ki, “Nieko tsie rei ze mu rüleizhü zo me? Cüsie ci zota! Puoteiu sü vorte ho; mu Themia Nuou tepie kephoumamia dzie nu shüwatuoü bate. 42Sielie, di tuota khe. Harie a teshüketuou vor haki thate.”
Jisu Tekelie
(Mat 26:47-56; Luk 22:47-53; Joh 18:3-12)
43Siro puo die pu thaluocü nu kerekenieko donu mia puo, Judas mhai vorta, siro zievokezhako, thezhokepethako mu phichüko kinu ketsekeshü themia krodiu u zhiecha mu seideko pie di puo ze vorta. 44Siro puo tepie mia dzie nu shüketuou pedzü zasi puo pie uko ki pu di sie, “Ae meboshüketuou, süu puo zo; puo telie di puo pfhe menuo ze votacie.” 45Sidi puo vor tsolie tse, mhai phi puo ki, “Kepethau” idi puo meboshü. 46Sitse uko puo merhashülie di puo telieta. 47Derei süki ketha mia puoe puo zhiecha zoulie di pie zievokezhatho-u kituou du sie ru puo nyieto metakreiwa. 48Süsie Jisu uko ki, “Nieko zhiecha mu seideko pie di a ü mia vie sekecümia puo tuoi a tetuoü vorzhü me? 49A teisonhie rüsuokiu nu nieko ze ba di mia petha baya ze, mu nieko süki we a te mo. Derei kethodieko bu tsei morosuo,” ishü. 50Süki uko pete puo khawa di tata.
51Siro khriesanuomia puo linen pfhe rübei dzie di puo siemedzi tuo. Sitse mia puo merhashülie, 52derei puoe puo linen pfheu khawa di methuo tata.
Jisu Mechükehouu Mhodzünu Ketha
53Siro uko Jisu ze zievokezhatho-u kinu vota, mu sünu zievokezhako, phichüko mu thezhokepethako vo kengu ba. 54Pitor rei petse za di puo siemedzi vor zievokezhatho-u kitiezha tsolie; mu puo süki balie di rükhouko ze mi peguo ba. 55Süki zievokezhako mu mechükehouu pete rei Jisu pejopie dukhriwatuoü zhapu huo pfhü sie, sirei uko mhapuorei ngulie mota. 56Kekreilamonyü mia kekra tijü di puo kepejo zhapu khashü, derei uko zhapu dieko kerhelie mota. 57Mia huo ketijü zhapu se puo pejo di sie, 58“Hie puo kepu die sikecü, ‘A themia dzie thuo chükelie rüsuoki hau bierhuowatuo, sidi zha se sie themia dzie üse chü kemo kekrei puo chü lalietuo,’ isiwe.” 59Derei die hau nu zorei uko zhapu dieko kerhelie mota. 60Süsie zievokezhatho-u uko mhodzü sie thalie di Jisu ki, “No mhapuorei pu lashü lho me? Uko n pejo ketha die hako kedipuota ga?” 61Derei puo kemekrieta di mhapuorei pu mota. Sitse zievokezhatho-u la sie puo ki, “No Khristau, Thejakepfütho-u Nuou zo me?” 62Sitse Jisu sie, “A süu zo;
‘mu nieko Themia Nuou Kekuotho-u zatsa keba,’
mu ‘teigei kimhouko geinu ketsur ngutuo.’ ”
63Sitse zievokezhatho-u puo pfhenei cierha di sie, “Kiüdi nieko zhapu kekrei puo se sa nyüya ga? 64Nieko puo Ukepenuopfü ketha die kepu sishüte! Nie kedipuo le ga?” Sitse uko pete puo pejo di puo bu siata rei vi üta. 65Siro mia huomia mhitsiepie puo tshe, puo mhi dzewa mu puo vü di puo ki, “Siedzedie pushücie!” ishü. Süsie rükhouko puo ze vo puo vüta.
Pitor Jisu Phra Mvüketa
66Siro Pitor kitiezha pekhrotsa ketha ki zievokezhatho-u kituopfü puo vor. 67Süpfü Pitor mi peguo ketha ngushü tse, puo meho terüpfü di puo ki, “No rei Nazaret Jisu ze ketuomia puo zo,” sita. 68Derei puo mo üdi sie, “A puo si mo morei no kedipuo pu tha shi a süu rei si mo.” Sidi puo kitie cha ze prata. Süsie thevü khouta. 69Süsie rei kituopfü puoe puo ngu di süki kethako ki pu la di, “Themia hau rei uko mia puolie,” sita. 70Derei puo süu va rei mo üta. Süsie chaba kemonu süki kethako la sie Pitor ki, “No rei uko mia puo zo kethowe; no Galilmia zocü la,” sita. 71Derei puo rüse khu zo di, “No puo dze pukethau a si mo zo,” sita. 72Süki thevü va kenieu khouta. Sitse Pitor pedzü Jisu puo ki, “No thevü khou kenie mhodzü va se a si mo üdi putatuo,” ikeshü die rükralie; süsie puo noukesuo pfü krata.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
The Bible Society of India
© 2023, Used by permission. All rights reserved. More