Naiˍ htangˍ 12
12
Ang suingˉ Heˍrot Yaˍkok na saeˍ yao Peˍtruˆ na htawngˉ hkaoˉ veu lawngˉ nga jiˉ
1Ang nyamˍ hingˍ hkaoˉ veu ang suingˉ Heˍrot nawˍ, Hkritˆ yanˍ ang muˉ hkaoˉ veu ca naeˉ uiˉ changˉ na ya caeˉ hkanˍ yaˍ chuiˍ yaˍ jiˍ. 2Yaˇ Yoˉhanˍ beu ang aiˉ Yaˍkok mangˉ na mya cae saeˍ jiˍ. 3Ningˉ na Yuˉdaˆ changˉ uiˉ nuing ba cap naeˉ na yang ya myangˉ yao, Peˍtruˆ na muiˉ hpui yao chiˉ jiˉ. Ang nyamˍ hingˍ hkaoˉ veu tangˍ chiˍ baˍ kan nae uiˉ poiˍ nae uiˉ ang nyamˍ hpeuˍ naeˍ yaˇ. 4Peˍtruˆ na hpui aeˉ yao htawngˉ hkaoˉ veu chiˉ yao, yang na hawˍ naeˍ uiˉ luk suikˆ htiˍ cheˍ hkoˍ hu uiˉ laˍ puˍ hkaoˍ veu ap jiˉ. Paˍsaˍhkaˍ poiˍ naeˍ hingˉ peunˉ na yao, changˉ ang byaˍ uiˍ tawngˍ naˍ veu Peˍtruˆ na suiˍ taw luiˍ naeˍ nae yang kuitˆ yao chiˉ jiˉ. 5Haeˉ mae yao, Peˍtruˆ htawngˉ hkaoˉ veu ya ca jiˉ. Caˇ, Hkritˆ yanˍ ang muˉ uiˉ, yang saˍ laiˍ Hpaˍcaoˍ kawngˉ ang chup baˍ chae nae ang buinˉ paˉ jiˉ.
Peˍtruˆ na htawngˉ hkaoˉ veu piˉ caeˉ jiˉ.
6Ang suingˉ Heˍrot na seuˉ laˉ mae hkeu yao Peˍtruˆ na yuˉ taw lae naeˍ nae ha naeˉ hingˉ hkiˍ beu, Peˍtruˆ na samˉ laˍ tuiˍ nyiˍ senˍ hpui yao chiˉ jiˉ. Yaˇ luk suikˆ nyiˍ hu kawngˉ nuingˉ veu yuˍ nuˍ awngˉ ngangˉ yao, hawˍ hu uiˉ muiˉ htawngˉ laˉ kaw ang nyiˉ veu hawˍ yao ca jiˉ. 7Htiˍ chitˍ laˍ hkaoˍ veu, Ang suingˉ Hpaˍcaoˍ beu buingˍ htaˍ naiˍ htangˍ htiˍ hu taw laˉ yao, ang hawngˉ hingˉ hkaoˉ veu ang chit pa laˉ jiˉ. Yaˇ Peˍtruˆ beu nuingˉ pyaˉ hkongˍ na htak yao, Vaiˍ nae hta laˉ bao nae yang na hta hkae jiˉ. Haeˉ mae beu, samˉ laˍ tuiˍ uiˍ, yang laˍ puˍ veu kaˍ hae hko laeˍ jiˍ. 8Buingˍ htaˍ naiˍ htangˍ yang na ha biˍ jiˍ yang, Tawngˍ sitˍ sitˍ nga laeˍ yao hkiˉ naw naw laeo nae ha biˍ yao, yang haeˉ mae ha jiˉ. Peunˉ na yao, Nang beu hkaˍ lao ang huiˍ hingˍ tum yao ga nawngˍ veu hkeˍ lao nae, yang na ha biˍ jiˍ. 9Haeˉ mae beu, Peˍtruˆ htawngˉ hkaoˉ veu awkˍ taw aengˉ yao buingˍ htaˍ naiˍ htangˍ kawngˉ aeˉ jiˉ. Caˇ, buingˍ htaˍ naiˍ htangˍ kanˍ ningˉ ngaˍ maˉ manˉ nae uiˉ kanˉ hpeuˍ naeˍ na yang baˍ bae nae yao, mae buinˉ buinˉ naeˉ uiˉ laˉ mae yuˍ paˍ yongˍ hkaoˍ veu myangˉ ngaeˉ nae yang kuitˆ jiˉ. 10Yaˇ yetˍ muiˍ, hawˍ naeˍ uiˉ kaˉ huˍ veu htiˍ muˍ uiˍ nae nyiˍ muˍ htiˍ muˍ uiˍ na muiˉ caeˉ laengˉ saˍ yao, vengˍ hkaoˍ veu awngˉ aeˉ naeˉ samˉ langˉ kaw veu hkeu aeˉ jiˉ. Yaˇ yetˍ saˍ laiˍ langˉ kaw hingˉ yangˉ yang nae hpawng yaˍ laeˍ yao, yaˉ yetˍ awkˍ taw aengˉ jiˉ. Kaˉ ba kaˉ chumˉ htiˍ tawngˍ veu hkeu lae beu buingˍ htaˍ naiˍ htangˍ yang na hpakˍ nga saˍ jiˍ.
11Haeˉ mae beu, Peˍtruˆ nuing ba hkaoˉ veu puiˉ laˉ laeˍ yao ciˍ jiˍ yang, Ang suingˉ Hpaˍcaoˍ nawˍ, yang beu buingˍ htaˍ naiˍ htangˍ uiˍ na sa luiˍ biˍ yao, ang suingˉ Heˍrot beu laˍ puˍ hkaoˍ veu baˍ upˍ Yuˉdaˆ changˉ uiˉ kuitˆ yao chiˉ jiˉ hkaoˉ veu na baˍ upˍ, ga na piˉ caeˉ laˍ jiˍ maˉ manˉ yaˇ nae ga bae laeˍ byaˇ nae ciˍ jiˍ.
12Awˍ lawng ningˉ na yang bae peunˉ yao Yoˉhanˍ beu ang muing Maˍriˆ yumˉ veu yang lae jiˉ. (Yoˉhanˍ beu ang maengˉ htiˍ maengˍ yangˍ Maˍkuˆ nae). Hingˉ keung veu changˉ ang byaˍ ca chawnˉ laˉ yao ang buinˉ paˉ jiˉ. 13Yumˉ tawngˍ naˍ veu langˉ kaw hingˉ keung Peˍtruˆ hkawk nga beu, Roˇdeˍ nae maengˉ jiˉ yaˍ cenˍ hkaˍ ba yaˍ htiˍ hu lui yao naˉ lui jiˉ. 14Peˍtruˆ beu ang tangˍ yangˍ ngaˇ nae yang ya bae beu, yang mawnˍ pyawˉ naeˉ pa nae langˉ kaw hingˉ baˍ hpawng biˍ suing. Caˇ, yumˉ hkaoˉ veu huinˍ awngˍ lae beu, Peˍtruˆ nawˍ yumˉ tawngˍ naˍ veu langˉ kaw veu cung yao ca ngaeˉ nae yawng na ha biˍ jiˍ. 15Yawng muiˉ naˇ yaˍ cangˍ hpeuˍ jaˇ nae hkaˍ ba yaˍ hiˍ mangˉ na ha biˍ yao muiˉ, Peˍtruˆ maˉ manˉ ang ca yaˇ nae htiˍ cangˉ htiˍ cangˍ ciˍ jiˍ. Yawng ciˍ jiˍ yang, Peˍtruˆ beu buingˍ htaˍ naiˍ htangˍ mangˍ yaˇ yaˍ naeˍ nae ciˍ jiˍ.
16Peˍtruˆ nawˍ hkawk yao cangˉ suing ngaeˉ. Yawng langˉ kaw hingˉ nga hpawng lae beu, yang na ya myangˉ lae yao manˍ jiˍ. 17Peˍtruˆ yawng na aˍ ciˍ caeoˍ jo nae laˍ puˍ mangˍ nga biˍ yao, Ang suingˉ Hpaˍcaoˍ yang na htawngˉ hkaoˉ veu aˉ mae yuˉ taw laˍ jiˍ hingˉ awˍ lawng yawng na hkai bae biˍ jiˍ. Nawng aeˉ yao Yaˍkok nae yumˉ naeˉ saˉ naeˉ uiˉ changˉ uiˉ na ningˉ awˍ lawng ningˉ piˉ kyaˍ aeˉ laeˍ bu nae ha biˍ yao awkˍ taw aengˉ yao htiˍ tawngˍ veu aeˉ laeˍ laeˍ jiˍ.
18Buingˍ paenˉ laˉ laeˍ beu, Peˍtruˆ beu kanˉ hingˉ aˉ mae hpeuˍ laˉ jeuˇ nae baˍ bae nae luk suikˆ htiˍ baˍ uiˍ hkae did did yao ca jiˉ. 19Ang suingˉ Heˍrot maˇ Peˍtruˆ na piˉ saˉ yao baˍ myangˍ nae hawˍ jiˍ changˉ uiˉ na caet nga yao saeˍ voˍ nae aˉ mingˍ piˍ jiˍ. Haeˉ mae beu ang suingˉ Heˍrot nawˍ Yuˉdaˆ ang meungˉ veu hta laˉ yao Kaeˉsaˍriˆ vengˍ veu aeˉ yao hiˉ keung veu ca jiˉ.
Ang suingˉ Heˍrot siˉ jiˉ
20Ang suingˉ Heˍrot nawˍ Tuˆruˆ vengˍ changˍ nae Siˉdonˍ vengˍ changˍ uiˍ na nuing ba inˍ jiˍ. Haeˉ mae yao, yawng ngaˍ nuing ba htiˍ suiˍ laˍ mae taeng nga laeˍ yao yang kawngˉ laˉ jiˉ. Ang suingˉ yumˉ hingˉ na hak sa naeˉ Baˍlaˍtuˆ nae maengˉ jiˉ mangˉ na yawng kaˉ huˍ veu sing capˆ lang yao, ang suingˉ na yaˍ laeˍ teungˉ laeˍ lang naeˉ uiˉ saˍ laiˍ yawng paˉ jiˉ. Aˉ mae yao nae baoˉ vaˍ, yawng ngaˍ caˍ seuˍ tangˉ seuˍ saˍ laiˍ hkunˉ hawˉ hkamˉ Heˍrot upˆ peungˍ nae na ya puing naeˉ pa yaˇ. 21Ang suingˉ Heˍrot mangˉ muiˉ hpat yao chiˉ jiˉ nuing veu hkeu yao, ang suingˉ mangˉ beu ang kaˍ tum hingˉ na tum nga laeˍ yao, paˍ langˍ veu duingˉ yao yawng na maˍ biˍ jiˍ. 22Haeˉ mae beu, changˉ ang byaˍ uiˍ muiˉ, Ningˉ ang tangˍ ningˍ nga changˉ beu ang tangˍ baˍ aˍ, hpaˍcaoˍ beu ang tangˍ yaˇ nae chaˍ yao haoˉ jiˉ. 23Ang suingˉ Heˍrot nawˍ, yang ang to na kuitˆ huiˍ laeˍ yao Hpaˍcaoˍ na baˍ chiˍ mawng nae pa, tiˍ chitˍ nae Ang suingˉ Hpaˍcaoˍ beu buingˍ htaˍ naiˍ htangˍ uiˍ yang na ciˍ yanˍ luiˍ jiˍ. Haeˉ mae beu, yang ang to hkaoˉ veu hpaˉ paw tawngˉ biˍ yao ang saˍ chae jiˉ. 24Caˇ, Hpaˍcaoˍ beu ang tangˍ hingˍ nga huiˍ laˉ yao, yumˉ naeˉ changˉ uiˉ byaˍ laˉ jiˉ. 25Baˍnaˍbaˆ nae Sawˉluˆ yawng ngaˍ Yeˍruˆsaˍlaemˍ vengˍ hkaoˍ veu piˉ caˍ piˉ tangˉ naeˉ kanˉ na vaˍ peunˍ yao, yawng Anˍtiˉokˆ vengˍ veu lae jiˉ. Maˍkuˆ ang maengˉ htiˍ maengˍ na ya jiˉ Yoˉhanˍ na muiˉ suiˍ yao lae jiˉ.
S'ha seleccionat:
Naiˍ htangˍ 12: pyy
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.
Naiˍ htangˍ 12
12
Ang suingˉ Heˍrot Yaˍkok na saeˍ yao Peˍtruˆ na htawngˉ hkaoˉ veu lawngˉ nga jiˉ
1Ang nyamˍ hingˍ hkaoˉ veu ang suingˉ Heˍrot nawˍ, Hkritˆ yanˍ ang muˉ hkaoˉ veu ca naeˉ uiˉ changˉ na ya caeˉ hkanˍ yaˍ chuiˍ yaˍ jiˍ. 2Yaˇ Yoˉhanˍ beu ang aiˉ Yaˍkok mangˉ na mya cae saeˍ jiˍ. 3Ningˉ na Yuˉdaˆ changˉ uiˉ nuing ba cap naeˉ na yang ya myangˉ yao, Peˍtruˆ na muiˉ hpui yao chiˉ jiˉ. Ang nyamˍ hingˍ hkaoˉ veu tangˍ chiˍ baˍ kan nae uiˉ poiˍ nae uiˉ ang nyamˍ hpeuˍ naeˍ yaˇ. 4Peˍtruˆ na hpui aeˉ yao htawngˉ hkaoˉ veu chiˉ yao, yang na hawˍ naeˍ uiˉ luk suikˆ htiˍ cheˍ hkoˍ hu uiˉ laˍ puˍ hkaoˍ veu ap jiˉ. Paˍsaˍhkaˍ poiˍ naeˍ hingˉ peunˉ na yao, changˉ ang byaˍ uiˍ tawngˍ naˍ veu Peˍtruˆ na suiˍ taw luiˍ naeˍ nae yang kuitˆ yao chiˉ jiˉ. 5Haeˉ mae yao, Peˍtruˆ htawngˉ hkaoˉ veu ya ca jiˉ. Caˇ, Hkritˆ yanˍ ang muˉ uiˉ, yang saˍ laiˍ Hpaˍcaoˍ kawngˉ ang chup baˍ chae nae ang buinˉ paˉ jiˉ.
Peˍtruˆ na htawngˉ hkaoˉ veu piˉ caeˉ jiˉ.
6Ang suingˉ Heˍrot na seuˉ laˉ mae hkeu yao Peˍtruˆ na yuˉ taw lae naeˍ nae ha naeˉ hingˉ hkiˍ beu, Peˍtruˆ na samˉ laˍ tuiˍ nyiˍ senˍ hpui yao chiˉ jiˉ. Yaˇ luk suikˆ nyiˍ hu kawngˉ nuingˉ veu yuˍ nuˍ awngˉ ngangˉ yao, hawˍ hu uiˉ muiˉ htawngˉ laˉ kaw ang nyiˉ veu hawˍ yao ca jiˉ. 7Htiˍ chitˍ laˍ hkaoˍ veu, Ang suingˉ Hpaˍcaoˍ beu buingˍ htaˍ naiˍ htangˍ htiˍ hu taw laˉ yao, ang hawngˉ hingˉ hkaoˉ veu ang chit pa laˉ jiˉ. Yaˇ Peˍtruˆ beu nuingˉ pyaˉ hkongˍ na htak yao, Vaiˍ nae hta laˉ bao nae yang na hta hkae jiˉ. Haeˉ mae beu, samˉ laˍ tuiˍ uiˍ, yang laˍ puˍ veu kaˍ hae hko laeˍ jiˍ. 8Buingˍ htaˍ naiˍ htangˍ yang na ha biˍ jiˍ yang, Tawngˍ sitˍ sitˍ nga laeˍ yao hkiˉ naw naw laeo nae ha biˍ yao, yang haeˉ mae ha jiˉ. Peunˉ na yao, Nang beu hkaˍ lao ang huiˍ hingˍ tum yao ga nawngˍ veu hkeˍ lao nae, yang na ha biˍ jiˍ. 9Haeˉ mae beu, Peˍtruˆ htawngˉ hkaoˉ veu awkˍ taw aengˉ yao buingˍ htaˍ naiˍ htangˍ kawngˉ aeˉ jiˉ. Caˇ, buingˍ htaˍ naiˍ htangˍ kanˍ ningˉ ngaˍ maˉ manˉ nae uiˉ kanˉ hpeuˍ naeˍ na yang baˍ bae nae yao, mae buinˉ buinˉ naeˉ uiˉ laˉ mae yuˍ paˍ yongˍ hkaoˍ veu myangˉ ngaeˉ nae yang kuitˆ jiˉ. 10Yaˇ yetˍ muiˍ, hawˍ naeˍ uiˉ kaˉ huˍ veu htiˍ muˍ uiˍ nae nyiˍ muˍ htiˍ muˍ uiˍ na muiˉ caeˉ laengˉ saˍ yao, vengˍ hkaoˍ veu awngˉ aeˉ naeˉ samˉ langˉ kaw veu hkeu aeˉ jiˉ. Yaˇ yetˍ saˍ laiˍ langˉ kaw hingˉ yangˉ yang nae hpawng yaˍ laeˍ yao, yaˉ yetˍ awkˍ taw aengˉ jiˉ. Kaˉ ba kaˉ chumˉ htiˍ tawngˍ veu hkeu lae beu buingˍ htaˍ naiˍ htangˍ yang na hpakˍ nga saˍ jiˍ.
11Haeˉ mae beu, Peˍtruˆ nuing ba hkaoˉ veu puiˉ laˉ laeˍ yao ciˍ jiˍ yang, Ang suingˉ Hpaˍcaoˍ nawˍ, yang beu buingˍ htaˍ naiˍ htangˍ uiˍ na sa luiˍ biˍ yao, ang suingˉ Heˍrot beu laˍ puˍ hkaoˍ veu baˍ upˍ Yuˉdaˆ changˉ uiˉ kuitˆ yao chiˉ jiˉ hkaoˉ veu na baˍ upˍ, ga na piˉ caeˉ laˍ jiˍ maˉ manˉ yaˇ nae ga bae laeˍ byaˇ nae ciˍ jiˍ.
12Awˍ lawng ningˉ na yang bae peunˉ yao Yoˉhanˍ beu ang muing Maˍriˆ yumˉ veu yang lae jiˉ. (Yoˉhanˍ beu ang maengˉ htiˍ maengˍ yangˍ Maˍkuˆ nae). Hingˉ keung veu changˉ ang byaˍ ca chawnˉ laˉ yao ang buinˉ paˉ jiˉ. 13Yumˉ tawngˍ naˍ veu langˉ kaw hingˉ keung Peˍtruˆ hkawk nga beu, Roˇdeˍ nae maengˉ jiˉ yaˍ cenˍ hkaˍ ba yaˍ htiˍ hu lui yao naˉ lui jiˉ. 14Peˍtruˆ beu ang tangˍ yangˍ ngaˇ nae yang ya bae beu, yang mawnˍ pyawˉ naeˉ pa nae langˉ kaw hingˉ baˍ hpawng biˍ suing. Caˇ, yumˉ hkaoˉ veu huinˍ awngˍ lae beu, Peˍtruˆ nawˍ yumˉ tawngˍ naˍ veu langˉ kaw veu cung yao ca ngaeˉ nae yawng na ha biˍ jiˍ. 15Yawng muiˉ naˇ yaˍ cangˍ hpeuˍ jaˇ nae hkaˍ ba yaˍ hiˍ mangˉ na ha biˍ yao muiˉ, Peˍtruˆ maˉ manˉ ang ca yaˇ nae htiˍ cangˉ htiˍ cangˍ ciˍ jiˍ. Yawng ciˍ jiˍ yang, Peˍtruˆ beu buingˍ htaˍ naiˍ htangˍ mangˍ yaˇ yaˍ naeˍ nae ciˍ jiˍ.
16Peˍtruˆ nawˍ hkawk yao cangˉ suing ngaeˉ. Yawng langˉ kaw hingˉ nga hpawng lae beu, yang na ya myangˉ lae yao manˍ jiˍ. 17Peˍtruˆ yawng na aˍ ciˍ caeoˍ jo nae laˍ puˍ mangˍ nga biˍ yao, Ang suingˉ Hpaˍcaoˍ yang na htawngˉ hkaoˉ veu aˉ mae yuˉ taw laˍ jiˍ hingˉ awˍ lawng yawng na hkai bae biˍ jiˍ. Nawng aeˉ yao Yaˍkok nae yumˉ naeˉ saˉ naeˉ uiˉ changˉ uiˉ na ningˉ awˍ lawng ningˉ piˉ kyaˍ aeˉ laeˍ bu nae ha biˍ yao awkˍ taw aengˉ yao htiˍ tawngˍ veu aeˉ laeˍ laeˍ jiˍ.
18Buingˍ paenˉ laˉ laeˍ beu, Peˍtruˆ beu kanˉ hingˉ aˉ mae hpeuˍ laˉ jeuˇ nae baˍ bae nae luk suikˆ htiˍ baˍ uiˍ hkae did did yao ca jiˉ. 19Ang suingˉ Heˍrot maˇ Peˍtruˆ na piˉ saˉ yao baˍ myangˍ nae hawˍ jiˍ changˉ uiˉ na caet nga yao saeˍ voˍ nae aˉ mingˍ piˍ jiˍ. Haeˉ mae beu ang suingˉ Heˍrot nawˍ Yuˉdaˆ ang meungˉ veu hta laˉ yao Kaeˉsaˍriˆ vengˍ veu aeˉ yao hiˉ keung veu ca jiˉ.
Ang suingˉ Heˍrot siˉ jiˉ
20Ang suingˉ Heˍrot nawˍ Tuˆruˆ vengˍ changˍ nae Siˉdonˍ vengˍ changˍ uiˍ na nuing ba inˍ jiˍ. Haeˉ mae yao, yawng ngaˍ nuing ba htiˍ suiˍ laˍ mae taeng nga laeˍ yao yang kawngˉ laˉ jiˉ. Ang suingˉ yumˉ hingˉ na hak sa naeˉ Baˍlaˍtuˆ nae maengˉ jiˉ mangˉ na yawng kaˉ huˍ veu sing capˆ lang yao, ang suingˉ na yaˍ laeˍ teungˉ laeˍ lang naeˉ uiˉ saˍ laiˍ yawng paˉ jiˉ. Aˉ mae yao nae baoˉ vaˍ, yawng ngaˍ caˍ seuˍ tangˉ seuˍ saˍ laiˍ hkunˉ hawˉ hkamˉ Heˍrot upˆ peungˍ nae na ya puing naeˉ pa yaˇ. 21Ang suingˉ Heˍrot mangˉ muiˉ hpat yao chiˉ jiˉ nuing veu hkeu yao, ang suingˉ mangˉ beu ang kaˍ tum hingˉ na tum nga laeˍ yao, paˍ langˍ veu duingˉ yao yawng na maˍ biˍ jiˍ. 22Haeˉ mae beu, changˉ ang byaˍ uiˍ muiˉ, Ningˉ ang tangˍ ningˍ nga changˉ beu ang tangˍ baˍ aˍ, hpaˍcaoˍ beu ang tangˍ yaˇ nae chaˍ yao haoˉ jiˉ. 23Ang suingˉ Heˍrot nawˍ, yang ang to na kuitˆ huiˍ laeˍ yao Hpaˍcaoˍ na baˍ chiˍ mawng nae pa, tiˍ chitˍ nae Ang suingˉ Hpaˍcaoˍ beu buingˍ htaˍ naiˍ htangˍ uiˍ yang na ciˍ yanˍ luiˍ jiˍ. Haeˉ mae beu, yang ang to hkaoˉ veu hpaˉ paw tawngˉ biˍ yao ang saˍ chae jiˉ. 24Caˇ, Hpaˍcaoˍ beu ang tangˍ hingˍ nga huiˍ laˉ yao, yumˉ naeˉ changˉ uiˉ byaˍ laˉ jiˉ. 25Baˍnaˍbaˆ nae Sawˉluˆ yawng ngaˍ Yeˍruˆsaˍlaemˍ vengˍ hkaoˍ veu piˉ caˍ piˉ tangˉ naeˉ kanˉ na vaˍ peunˍ yao, yawng Anˍtiˉokˆ vengˍ veu lae jiˉ. Maˍkuˆ ang maengˉ htiˍ maengˍ na ya jiˉ Yoˉhanˍ na muiˉ suiˍ yao lae jiˉ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.