Naiˍ htangˍ 23
23
1Haeˉ mae beu, Pawˉluˆ nawˍ Yuˉdaˆ awn hoˉ ang muˉ na maenˍ nae hu yao ciˍ jiˍ, Yaˍ changˍ mawngˉ namˉ yawng veuˉ, miˉ nuing tiˍ hkeu Hpaˍcaoˍ tawngˍ naˍ veu ga ya vaˍ jiˍ uiˉ kanˉ pa nae ga beu bae hkiˍ naeˍ uiˉ nuing ba ningˉ, ga htaˍ veu naˍ hokˍ baˍ chiˍ. 2Haeˉ mae beu, yit pa lawˍ hek ang kaeˍ Aˍnaˍniˆ maˇ, Yang miˍ tu veu htak nga laeˍ bu nae, Pawˉluˆ htang veu cung yao ca naeˉ uiˉ na ha biˍ jiˍ. 3Haeˉ mae beu, Pawˉluˆ yang na ciˍ sangˍ jiˍ, Punˉ punˉ laeˍ jiˉ kamˉ htuik ang hkawpˆ veuˉ, Hpaˍcaoˍ nang na tuiˍ laˍ naeˍ yaˇ. Ang liˍ ang kawngˍ hkaoˍ veu ga na aˉ muˍ tatˆ laˍ naeˍ nae nang ningˉ keung duingˉ yao ca muiˉ, ang liˍ ang kawngˍ na baˍ yaˍ nae hkaoˉ veu, naˇ ga na piˉ tuiˍ lang ngaeˉ laˍ nae ciˍ sangˍ jiˍ. 4Ang htang veu cung yao ca naeˉ changˉ uiˉ muiˉ, Hpaˍcaoˍ beu yit pa rawˉ hek ang kaeˍ na naˇ baˍ saˍ baˍ nyamˍ nae ang ciˍ caw jiˉ. 5Pawˉluˆ ciˍ laeˍ sangˍ jiˍ. Yaˍ changˍ mawngˉ namˉ yawng veuˉ, yaˇ yit pa rawˉ hek ang kaeˍ hpeuˍ naeˍ na gaˇ baˍ bae. Nang beu changˉ ceuˉ na upˆ peungˍ yao ca naeˉ mangˉ awˍ lawng nang haiˉ naeˉ uiˉ tangˍ baˍ ya ciˍ nae taemˉ saˍ jiˍ nae Pawˉluˆ ciˍ jiˍ. 6Hpawm lang naeˉ changˉ htiˍ baˍ hingˍ uiˉ Saˍduˆkaeˉ hpeuˍ yao, htiˍ baˍ baˍ Hpaˍriˆsaeˉ hpeuˍ naeˍ na Pawˉluˆ ya bae beu, aˉ muˍ tatˆ naeˉ uiˉ ang muˉ na yang ha biˍ jiˍ, Yaˍ changˍ mawngˉ namˉ yawng veuˉ, ga Hpaˍriˆsaeˉ hpeuˍ yao, Hpaˍriˆsaeˉ beu ang yaˍ muiˍ uiˉ yaˇ. Siˉ jiˉ changˉ uiˉ teˍ laˉ laeˍ naeˍ na kuitˆ yao ca naeˍ pa ga aˉ muˍ tatˆ naeˉ na ya hkamˉ naeˉ yaˇ nae kaˍ haengˍ haoˉ jiˉ. 7Yang ningˉ mae ciˍ beu, Hpaˍriˆsaeˉ uiˉ nae Saˍduˆkaeˉ uiˉ muiˉ hteng lang yao hpawm lang jiˉ changˉ uiˉ muiˉ nyiˍ muˍ nae hpeuˍ laˉ jiˉ. 8Aˉ mae yao nae baoˉ vaˍ, Saˍduˆkaeˉ yawng ngaˍ, teˍ laˉ laeˍ naeˍ uiˉ baˍ ca, buingˍ htaˍ naiˍ htangˍ muiˍ, ang hkawˍ laˉ muiˉ baˍ ca nae ciˍ jiˍ. Caˇ, Hpaˍriˆsaeˉ yawng ngaˍ, ningˉ hkaˉ hko laˉ hko ang ca yaˇ nae yumˉ jiˉ. 9Hingˉ pa nae, ciˍ ciˍ caeoˍ caeoˍ hpeuˍ laˉ jiˉ. Haeˉ mae beu, Hpaˍriˆsaeˉ yawng ang muˉ hkaoˉ veu ang laiˍ taemˉ naeˉ uiˉ hta laˉ yao ciˍ jiˍ, Ningˉ mangˉ hkaoˉ veu naˍ hokˍ ang si htiˍ ceuˍ nae muiˉ gu baˍ myangˍ. Ang hkawˍ laˉ mangˉ baˍ baoˇ buingˍ htaˍ naiˍ htangˍ yang na ciˍ sangˍ naeˍ baiˉ nae ciˍ yao hteng lang ga jiˉ. 10Ningˉ mae hteng lang ga yao, changˉ hingˉ uiˉ aˍ Pawˉluˆ na chit lakˍ chit pya naˇ nae hkaw cangˉ longˉ mangˉ kuitˆ manˍ laeˍ yao, yang luk suitˆ htiˍ baˍ uiˍ na piˉ aeˉ yao Pawˉluˆ na yawng beu laˍ puˍ hkaoˍ veu yatˍ yuˍ peunˍ yao, luk suitˆ uiˉ yumˉ veu suiˍ laengˉ voˍ nae, yang ang tangˍ piˍ jiˍ. 11Hingˉ hkiˍ aˍ, Ang suingˉ Hpaˍcaoˍ Pawˉluˆ htang veu cung nga yao ciˍ jiˍ, Nuing ba baˍ kangˍ jo. Yeˍruˆsaˍlaemˍ vengˍ hkaoˍ veu ga beu awˍ lawng nang saˉ hkiˉ ya hkamˉ naeˉ lawˉ Roˉmaˆ vengˍ veu muiˉ saˉ hkiˉ ya hkamˉ naeˉ nae yang na ha biˍ jiˍ.
Pawˉluˆ na ya saeˍ naeˍ uiˉ saˍ laiˍ hao hkaoˍ hpawm lang jiˉ
12Buingˍ paenˉ laˉ laeˍ yao, Yuˉdaˆ changˉ hpawm lang yao, Pawˉluˆ na baˍ ya saeˍ nae baoˉ vaˍ, htiˍ ceuˍ baˍ caˍ baˍ tangˍ nae ciˍ yao, aˍ sangˍ yang beu ang to na hkamˉ buˉ laeˍ jiˍ. 13Ningˉ mae hkamˉ buˉ jiˉ changˉ hanˍ cheˍ canˉ laˉ mae ca jiˉ. 14Yawng ngaˍ, yit pa rawˉ hek ang huiˍ uiˍ nae awn hoˉ yaˍ mangˍ htiˍ baˍ uiˍ kawngˉ lae yao ciˍ jiˍ, Gu Pawˉluˆ na baˍ ya saeˍ nae baoˉ vaˍ, caˍ keungˍ iˉ yaˍ nae muiˉ baˍ caˍ hu lao nae ciˍ yao, aˍ sangˍ yang beu ang to hingˉ na hkamˉ buˉ jiˉ. 15Haeˉ mae yao, nawng ngaˍ aˉ muˍ tatˆ naeˉ uiˉ kawngˉ htuˍ yaˍ laˉ mae Pawˉluˆ beu awˍ lawng hingˉ na ya caeˉ maenˍ nae naˉ voˍ nae, yang na nawng kawngˉ suiˍ ya luingˉ naeˉ uiˉ saˍ laiˍ hkaw cangˉ longˉ mangˉ na paˉ voˍ, ang htang veu yang baˍ hkeu leungˉ beu yang na saeˍ naeˍ uiˉ saˍ laiˍ gu haenˍ htaˍ yao chiˉ byaˇ nae ciˍ jiˍ. 16Yawng ningˉ mae kuitˆ yao chiˉ jiˉ na Pawˉluˆ beu ang miˍ ang yaˍ kaˍ hpaˍ yaˍ luk suitˆ htiˍ baˍ uiˍ ya kyaˍ yao luk suikˆ ang tap veu awngˉ nga laengˉ yao Pawˉluˆ na hkai kyaˍ lae biˍ jiˍ. 17Pawˉluˆ nawˍ yinˍ cangˉ htiˍ hu mangˉ na haoˉ yao yang na ha biˍ jiˍ. Yaˍ hkaˍ ningˍ mangˉ na hkaw cangˉ mangˉ kawngˉ suiˍ yao lae voˍ. Yang na hkai biˍ seuˍ kanˉ ang ca nae ha biˍ jiˍ. 18Haeˉ mae yao, Yinˍ cangˉ mangˉ yang na suiˍ laengˉ yao, hkaw cangˉ mangˉ kawngˉ hkeu lae beu yang na ha biˍ jiˍ. Yaˍ hkaˍ ningˍ mangˉ nang na hkai laˍ seuˍ kanˉ ang ca nae yao, yang na nang kawngˉ suiˍ langˉ voˍ nae, htawngˉ hkaoˉ veu ca naeˉ Pawˉluˆ mangˉ ga na haoˉ nga laˍ yao paˉ langˍ ngaeˉ nae ha biˍ jiˍ. 19Hkaw cangˉ longˉ maˇ, yaˍ hkaˍ hiˍ mangˉ beu laˍ puˍ veu chu yao, ang paˉ veu suiˍ aengˉ yao ciˍ jiˍ. Nang ga na ba ceuˇ hkai laˍ seuˍ ca yaeˇ nae naˉ jiˉ. 20Haeˉ mae beu, yang ciˍ jiˍ, Pawˉluˆ awˍ lawng hingˉ maenˍ nae naˉ siˉ naeˉ hingˉ pa nae, na seuˇ hkeu baoˉ vaˍ, aˉ muˍ tatˆ naeˉ uiˉ changˉ ang muˉ kawngˉ suiˍ langˉ voˍ nae Yuˉdaˆ changˉ uiˉ nang na paˉ laˍ naeˍ nae hkai hko lang byaˇ. 21Caˇ, yawng nuing ba capˆ naeˉ laˉ mae nang baˍ ha jo. Aˉ mae yao nae baoˉ vaˍ, Pawˉluˆ na baˍ ya saeˍ suing nae baoˉ vaˍ, htiˍ ceuˍ nae muiˉ baˍ caˍ baˍ tangˍ nae, changˉ hanˍ cheˍ hu saˉ hkiˉ hkamˉ yao, yang na chiˍ chae sangˍ jiˍ. Ya muiˉ yawng haenˍ hangˉ yao, nang beu ang tangˍ hingˍ na hawˍ yao ca langˍ ngaeˇ nae ha biˍ jiˍ. 22Yinˍ cangˉ longˉ mangˉ yaˍ hkaˍ mangˍ na ha biˍ jiˍ. Nang ga na hkai laˍ naeˍ awˍ lawng ningˉ na, changˉ htiˍ hu na muiˉ baˍ hkai laeˍ biˍ jo nae ang tangˍ piˍ yao yang na piˉ lae laeˍ jiˍ.
Ang suingˉ huiˍ Hpiˉliˆ kawngˉ Pawˉluˆ na piˉ aeˉ jiˉ
23Haeˉ mae beu, cong veoˉ longˉ maˇ, luk suikˆ yinˍ cangˉ nyiˍ hu yaˉ yetˍ na hao nga biˍ yao, Miˉ hkiˍ kaoˍ naˍ riˍ veu Kaeˉsaˍriˆ vengˍ veu aeˉ naeˉ uiˉ saˍ laiˍ, ang hkuing hanˉ naeˉ uiˉ luk suitˆ nyiˍ pakˍ hu, aˍ mawngˍ ta naeˉ uiˉ luk suitˆ cetˍ cheˍ hu nae, keungˍ paˍ naeˍ uiˉ luk suitˆ nyiˍ pakˍ hu haenˍ htaˍ yao ca voˍ. 24Ningˉ htaˍ veu muiˉ, Pawˉluˆ ta naeˍ aˍ mawngˍ htiˍ baˍ uiˍ na maenˍ nae haenˍ hangˉ yao, ang meungˉ ang suingˉ huiˍ Hpeˍliˆ kawngˉ yawng na maenˍ na sa aeˉ voˍ nae, yaˉ yetˍ na ang tangˍ piˍ jiˍ. 25Hkaw cangˉ maˇ ang laiˍ ningˉ mae taemˉ yao fakˍ biˍ jiˍ. 26Kaˍlawˉdiˆluˆsi nawˍ, laˍ htiˍ ang ca ang meungˉ kaˉ seu Ang suinˉ huiˍ Hpeˍliˆ na saˍ nyamˉ naeˉ uiˉ ang tangˍ sangˍ yao piˍ jiˍ. 27Changˉ niˉ mangˉ na Yuˉdaˆ changˉ uiˉ hpui yao, yang na saeˍ naˇ nae ha beu, luk suitˆ htiˍ baˍ uiˍ kawngˉ ga htuˍ yaˍ laˉ mae lae yao, yang Roˉmaˆ ang meungˉ changˉ hpeuˍ naeˍ na ya bae yao yang kawngˉ suiˍ awkˍ nga aengˉ jiˉ. 28Yuˉdaˆ awn hoˉ ang muˉ uiˉ yang htaˍ veu naˍ hokˍ ang si hkaˉ ha jiˉ uiˉ ga bae siˉ yao, yawng aˉ muˍ tatˆ naeˉ uiˉ ang muˉ uiˉ kawngˉ ga yawng na suiˍ yao laeˍ yaeˉ. 29Siˉ yao kuingˉ naeˉ uiˉ naˍ hokˍ na baˍ upˍ, htawngˉ hkaoˉ veu lawngˉ laeˍ naeˍ uiˉ naˍ hokˍ na baˍ up, yawng yang htaˍ veu baˍ chiˍ. Caˇ, yawng beu ang liˍ ang kawngˍ na chaˍ lang naeˉ awˍ lawng na naeˍ yaˇ naˍ hokˍ chiˉ naeˉ na ga ya myangˉ yaeˉ. 30Changˉ niˉ mangˉ na saeˍ naeˍ nae hao haenˍ yao ca jiˉ na ga ya kyaˍ beu, sawk sawk nae yang na nang kawngˉ sa laˍ yao, yang na naˍ hokˍ chiˉ naeˉ uiˉ changˉ, nang tawngˍ naˍ veu yang lawng hingˉ na ciˍ naeˍ uiˉ saˍ laiˍ ga yawng na ang tangˍ piˍ yaeˍ yaˇ nae taemˉ yao piˍ yaeˍ. 31Haeˉ mae yao, yinˍ cangˉ longˉ mangˉ ciˍ jiˍ lawˉ, luk suitˆ uiˉ Pawˉluˆ na suiˍ yao, Anˍtiˆpaˍriˆ vengˍ veu tiˍ hkeu muˍ hkiˍ beu yang na suiˍ yao sa lae laeˍ jiˍ. 32Naˉ seuˉ laˉ mae taeˉ veu Pawˉluˆ na Kaeˉsaˍriˆ vengˍ veu suiˍ laenˉ yao, aˍ mawngˍ ta naeˉ luk suitˆ uiˉ kawngˉ htuˍ yaˍ laˉ mae aeˉ laeˍ jiˍ. Awˍ htaˍ veu luk suitˆ uiˉ aˍ yawng yumˉ veu aeˉ laeˍ jiˍ. 33Aˍ mawngˍ ta naeˉ luk suitˆ uiˉ aˍ, Kaeˉsaˍriˆ vengˍ veu hkeu lae beu, ang suingˉ huiˍ mangˍ na ang laiˍ piˍ yao, Pawˉluˆ na muiˉ yang kawngˉ suiˍ luingˉ yao chiˉ jiˉ. 34Ang meungˉ veu up naeˉ maˇ, ang laiˍ hingˍ na hpatˆ peunˉ yao, Pawˉluˆ nawˍ aˉ lawˍ meungˍ hingˍ ngeu jeuˇ cha lang naeˉ nae naˉ jiˉ. Yaˇ Kiˉliˉkiˆ ang meungˉ hingˉ na chaˍ lang naeˉ na ya bae beu, 35Ang meungˉ veu ang suingˉ huiˍ mangˍ ciˍ jiˍ, Nang na naˍ hokˍ chiˉ laˍ naeˍ uiˉ hkeu laˉ beu, nang hkai kyaˉ hkaˉ ca jiˉ uiˉ ga naˉ laˍ naeˍ yaˇ nae ha biˍ jiˍ. Peunˉ na yao Pawˉluˆ na Heˍrot beu yumˉ hkaoˉ veu lawngˉ nga voˍ nae ang tangˍ piˍ jiˍ.
S'ha seleccionat:
Naiˍ htangˍ 23: pyy
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.
Naiˍ htangˍ 23
23
1Haeˉ mae beu, Pawˉluˆ nawˍ Yuˉdaˆ awn hoˉ ang muˉ na maenˍ nae hu yao ciˍ jiˍ, Yaˍ changˍ mawngˉ namˉ yawng veuˉ, miˉ nuing tiˍ hkeu Hpaˍcaoˍ tawngˍ naˍ veu ga ya vaˍ jiˍ uiˉ kanˉ pa nae ga beu bae hkiˍ naeˍ uiˉ nuing ba ningˉ, ga htaˍ veu naˍ hokˍ baˍ chiˍ. 2Haeˉ mae beu, yit pa lawˍ hek ang kaeˍ Aˍnaˍniˆ maˇ, Yang miˍ tu veu htak nga laeˍ bu nae, Pawˉluˆ htang veu cung yao ca naeˉ uiˉ na ha biˍ jiˍ. 3Haeˉ mae beu, Pawˉluˆ yang na ciˍ sangˍ jiˍ, Punˉ punˉ laeˍ jiˉ kamˉ htuik ang hkawpˆ veuˉ, Hpaˍcaoˍ nang na tuiˍ laˍ naeˍ yaˇ. Ang liˍ ang kawngˍ hkaoˍ veu ga na aˉ muˍ tatˆ laˍ naeˍ nae nang ningˉ keung duingˉ yao ca muiˉ, ang liˍ ang kawngˍ na baˍ yaˍ nae hkaoˉ veu, naˇ ga na piˉ tuiˍ lang ngaeˉ laˍ nae ciˍ sangˍ jiˍ. 4Ang htang veu cung yao ca naeˉ changˉ uiˉ muiˉ, Hpaˍcaoˍ beu yit pa rawˉ hek ang kaeˍ na naˇ baˍ saˍ baˍ nyamˍ nae ang ciˍ caw jiˉ. 5Pawˉluˆ ciˍ laeˍ sangˍ jiˍ. Yaˍ changˍ mawngˉ namˉ yawng veuˉ, yaˇ yit pa rawˉ hek ang kaeˍ hpeuˍ naeˍ na gaˇ baˍ bae. Nang beu changˉ ceuˉ na upˆ peungˍ yao ca naeˉ mangˉ awˍ lawng nang haiˉ naeˉ uiˉ tangˍ baˍ ya ciˍ nae taemˉ saˍ jiˍ nae Pawˉluˆ ciˍ jiˍ. 6Hpawm lang naeˉ changˉ htiˍ baˍ hingˍ uiˉ Saˍduˆkaeˉ hpeuˍ yao, htiˍ baˍ baˍ Hpaˍriˆsaeˉ hpeuˍ naeˍ na Pawˉluˆ ya bae beu, aˉ muˍ tatˆ naeˉ uiˉ ang muˉ na yang ha biˍ jiˍ, Yaˍ changˍ mawngˉ namˉ yawng veuˉ, ga Hpaˍriˆsaeˉ hpeuˍ yao, Hpaˍriˆsaeˉ beu ang yaˍ muiˍ uiˉ yaˇ. Siˉ jiˉ changˉ uiˉ teˍ laˉ laeˍ naeˍ na kuitˆ yao ca naeˍ pa ga aˉ muˍ tatˆ naeˉ na ya hkamˉ naeˉ yaˇ nae kaˍ haengˍ haoˉ jiˉ. 7Yang ningˉ mae ciˍ beu, Hpaˍriˆsaeˉ uiˉ nae Saˍduˆkaeˉ uiˉ muiˉ hteng lang yao hpawm lang jiˉ changˉ uiˉ muiˉ nyiˍ muˍ nae hpeuˍ laˉ jiˉ. 8Aˉ mae yao nae baoˉ vaˍ, Saˍduˆkaeˉ yawng ngaˍ, teˍ laˉ laeˍ naeˍ uiˉ baˍ ca, buingˍ htaˍ naiˍ htangˍ muiˍ, ang hkawˍ laˉ muiˉ baˍ ca nae ciˍ jiˍ. Caˇ, Hpaˍriˆsaeˉ yawng ngaˍ, ningˉ hkaˉ hko laˉ hko ang ca yaˇ nae yumˉ jiˉ. 9Hingˉ pa nae, ciˍ ciˍ caeoˍ caeoˍ hpeuˍ laˉ jiˉ. Haeˉ mae beu, Hpaˍriˆsaeˉ yawng ang muˉ hkaoˉ veu ang laiˍ taemˉ naeˉ uiˉ hta laˉ yao ciˍ jiˍ, Ningˉ mangˉ hkaoˉ veu naˍ hokˍ ang si htiˍ ceuˍ nae muiˉ gu baˍ myangˍ. Ang hkawˍ laˉ mangˉ baˍ baoˇ buingˍ htaˍ naiˍ htangˍ yang na ciˍ sangˍ naeˍ baiˉ nae ciˍ yao hteng lang ga jiˉ. 10Ningˉ mae hteng lang ga yao, changˉ hingˉ uiˉ aˍ Pawˉluˆ na chit lakˍ chit pya naˇ nae hkaw cangˉ longˉ mangˉ kuitˆ manˍ laeˍ yao, yang luk suitˆ htiˍ baˍ uiˍ na piˉ aeˉ yao Pawˉluˆ na yawng beu laˍ puˍ hkaoˍ veu yatˍ yuˍ peunˍ yao, luk suitˆ uiˉ yumˉ veu suiˍ laengˉ voˍ nae, yang ang tangˍ piˍ jiˍ. 11Hingˉ hkiˍ aˍ, Ang suingˉ Hpaˍcaoˍ Pawˉluˆ htang veu cung nga yao ciˍ jiˍ, Nuing ba baˍ kangˍ jo. Yeˍruˆsaˍlaemˍ vengˍ hkaoˍ veu ga beu awˍ lawng nang saˉ hkiˉ ya hkamˉ naeˉ lawˉ Roˉmaˆ vengˍ veu muiˉ saˉ hkiˉ ya hkamˉ naeˉ nae yang na ha biˍ jiˍ.
Pawˉluˆ na ya saeˍ naeˍ uiˉ saˍ laiˍ hao hkaoˍ hpawm lang jiˉ
12Buingˍ paenˉ laˉ laeˍ yao, Yuˉdaˆ changˉ hpawm lang yao, Pawˉluˆ na baˍ ya saeˍ nae baoˉ vaˍ, htiˍ ceuˍ baˍ caˍ baˍ tangˍ nae ciˍ yao, aˍ sangˍ yang beu ang to na hkamˉ buˉ laeˍ jiˍ. 13Ningˉ mae hkamˉ buˉ jiˉ changˉ hanˍ cheˍ canˉ laˉ mae ca jiˉ. 14Yawng ngaˍ, yit pa rawˉ hek ang huiˍ uiˍ nae awn hoˉ yaˍ mangˍ htiˍ baˍ uiˍ kawngˉ lae yao ciˍ jiˍ, Gu Pawˉluˆ na baˍ ya saeˍ nae baoˉ vaˍ, caˍ keungˍ iˉ yaˍ nae muiˉ baˍ caˍ hu lao nae ciˍ yao, aˍ sangˍ yang beu ang to hingˉ na hkamˉ buˉ jiˉ. 15Haeˉ mae yao, nawng ngaˍ aˉ muˍ tatˆ naeˉ uiˉ kawngˉ htuˍ yaˍ laˉ mae Pawˉluˆ beu awˍ lawng hingˉ na ya caeˉ maenˍ nae naˉ voˍ nae, yang na nawng kawngˉ suiˍ ya luingˉ naeˉ uiˉ saˍ laiˍ hkaw cangˉ longˉ mangˉ na paˉ voˍ, ang htang veu yang baˍ hkeu leungˉ beu yang na saeˍ naeˍ uiˉ saˍ laiˍ gu haenˍ htaˍ yao chiˉ byaˇ nae ciˍ jiˍ. 16Yawng ningˉ mae kuitˆ yao chiˉ jiˉ na Pawˉluˆ beu ang miˍ ang yaˍ kaˍ hpaˍ yaˍ luk suitˆ htiˍ baˍ uiˍ ya kyaˍ yao luk suikˆ ang tap veu awngˉ nga laengˉ yao Pawˉluˆ na hkai kyaˍ lae biˍ jiˍ. 17Pawˉluˆ nawˍ yinˍ cangˉ htiˍ hu mangˉ na haoˉ yao yang na ha biˍ jiˍ. Yaˍ hkaˍ ningˍ mangˉ na hkaw cangˉ mangˉ kawngˉ suiˍ yao lae voˍ. Yang na hkai biˍ seuˍ kanˉ ang ca nae ha biˍ jiˍ. 18Haeˉ mae yao, Yinˍ cangˉ mangˉ yang na suiˍ laengˉ yao, hkaw cangˉ mangˉ kawngˉ hkeu lae beu yang na ha biˍ jiˍ. Yaˍ hkaˍ ningˍ mangˉ nang na hkai laˍ seuˍ kanˉ ang ca nae yao, yang na nang kawngˉ suiˍ langˉ voˍ nae, htawngˉ hkaoˉ veu ca naeˉ Pawˉluˆ mangˉ ga na haoˉ nga laˍ yao paˉ langˍ ngaeˉ nae ha biˍ jiˍ. 19Hkaw cangˉ longˉ maˇ, yaˍ hkaˍ hiˍ mangˉ beu laˍ puˍ veu chu yao, ang paˉ veu suiˍ aengˉ yao ciˍ jiˍ. Nang ga na ba ceuˇ hkai laˍ seuˍ ca yaeˇ nae naˉ jiˉ. 20Haeˉ mae beu, yang ciˍ jiˍ, Pawˉluˆ awˍ lawng hingˉ maenˍ nae naˉ siˉ naeˉ hingˉ pa nae, na seuˇ hkeu baoˉ vaˍ, aˉ muˍ tatˆ naeˉ uiˉ changˉ ang muˉ kawngˉ suiˍ langˉ voˍ nae Yuˉdaˆ changˉ uiˉ nang na paˉ laˍ naeˍ nae hkai hko lang byaˇ. 21Caˇ, yawng nuing ba capˆ naeˉ laˉ mae nang baˍ ha jo. Aˉ mae yao nae baoˉ vaˍ, Pawˉluˆ na baˍ ya saeˍ suing nae baoˉ vaˍ, htiˍ ceuˍ nae muiˉ baˍ caˍ baˍ tangˍ nae, changˉ hanˍ cheˍ hu saˉ hkiˉ hkamˉ yao, yang na chiˍ chae sangˍ jiˍ. Ya muiˉ yawng haenˍ hangˉ yao, nang beu ang tangˍ hingˍ na hawˍ yao ca langˍ ngaeˇ nae ha biˍ jiˍ. 22Yinˍ cangˉ longˉ mangˉ yaˍ hkaˍ mangˍ na ha biˍ jiˍ. Nang ga na hkai laˍ naeˍ awˍ lawng ningˉ na, changˉ htiˍ hu na muiˉ baˍ hkai laeˍ biˍ jo nae ang tangˍ piˍ yao yang na piˉ lae laeˍ jiˍ.
Ang suingˉ huiˍ Hpiˉliˆ kawngˉ Pawˉluˆ na piˉ aeˉ jiˉ
23Haeˉ mae beu, cong veoˉ longˉ maˇ, luk suikˆ yinˍ cangˉ nyiˍ hu yaˉ yetˍ na hao nga biˍ yao, Miˉ hkiˍ kaoˍ naˍ riˍ veu Kaeˉsaˍriˆ vengˍ veu aeˉ naeˉ uiˉ saˍ laiˍ, ang hkuing hanˉ naeˉ uiˉ luk suitˆ nyiˍ pakˍ hu, aˍ mawngˍ ta naeˉ uiˉ luk suitˆ cetˍ cheˍ hu nae, keungˍ paˍ naeˍ uiˉ luk suitˆ nyiˍ pakˍ hu haenˍ htaˍ yao ca voˍ. 24Ningˉ htaˍ veu muiˉ, Pawˉluˆ ta naeˍ aˍ mawngˍ htiˍ baˍ uiˍ na maenˍ nae haenˍ hangˉ yao, ang meungˉ ang suingˉ huiˍ Hpeˍliˆ kawngˉ yawng na maenˍ na sa aeˉ voˍ nae, yaˉ yetˍ na ang tangˍ piˍ jiˍ. 25Hkaw cangˉ maˇ ang laiˍ ningˉ mae taemˉ yao fakˍ biˍ jiˍ. 26Kaˍlawˉdiˆluˆsi nawˍ, laˍ htiˍ ang ca ang meungˉ kaˉ seu Ang suinˉ huiˍ Hpeˍliˆ na saˍ nyamˉ naeˉ uiˉ ang tangˍ sangˍ yao piˍ jiˍ. 27Changˉ niˉ mangˉ na Yuˉdaˆ changˉ uiˉ hpui yao, yang na saeˍ naˇ nae ha beu, luk suitˆ htiˍ baˍ uiˍ kawngˉ ga htuˍ yaˍ laˉ mae lae yao, yang Roˉmaˆ ang meungˉ changˉ hpeuˍ naeˍ na ya bae yao yang kawngˉ suiˍ awkˍ nga aengˉ jiˉ. 28Yuˉdaˆ awn hoˉ ang muˉ uiˉ yang htaˍ veu naˍ hokˍ ang si hkaˉ ha jiˉ uiˉ ga bae siˉ yao, yawng aˉ muˍ tatˆ naeˉ uiˉ ang muˉ uiˉ kawngˉ ga yawng na suiˍ yao laeˍ yaeˉ. 29Siˉ yao kuingˉ naeˉ uiˉ naˍ hokˍ na baˍ upˍ, htawngˉ hkaoˉ veu lawngˉ laeˍ naeˍ uiˉ naˍ hokˍ na baˍ up, yawng yang htaˍ veu baˍ chiˍ. Caˇ, yawng beu ang liˍ ang kawngˍ na chaˍ lang naeˉ awˍ lawng na naeˍ yaˇ naˍ hokˍ chiˉ naeˉ na ga ya myangˉ yaeˉ. 30Changˉ niˉ mangˉ na saeˍ naeˍ nae hao haenˍ yao ca jiˉ na ga ya kyaˍ beu, sawk sawk nae yang na nang kawngˉ sa laˍ yao, yang na naˍ hokˍ chiˉ naeˉ uiˉ changˉ, nang tawngˍ naˍ veu yang lawng hingˉ na ciˍ naeˍ uiˉ saˍ laiˍ ga yawng na ang tangˍ piˍ yaeˍ yaˇ nae taemˉ yao piˍ yaeˍ. 31Haeˉ mae yao, yinˍ cangˉ longˉ mangˉ ciˍ jiˍ lawˉ, luk suitˆ uiˉ Pawˉluˆ na suiˍ yao, Anˍtiˆpaˍriˆ vengˍ veu tiˍ hkeu muˍ hkiˍ beu yang na suiˍ yao sa lae laeˍ jiˍ. 32Naˉ seuˉ laˉ mae taeˉ veu Pawˉluˆ na Kaeˉsaˍriˆ vengˍ veu suiˍ laenˉ yao, aˍ mawngˍ ta naeˉ luk suitˆ uiˉ kawngˉ htuˍ yaˍ laˉ mae aeˉ laeˍ jiˍ. Awˍ htaˍ veu luk suitˆ uiˉ aˍ yawng yumˉ veu aeˉ laeˍ jiˍ. 33Aˍ mawngˍ ta naeˉ luk suitˆ uiˉ aˍ, Kaeˉsaˍriˆ vengˍ veu hkeu lae beu, ang suingˉ huiˍ mangˍ na ang laiˍ piˍ yao, Pawˉluˆ na muiˉ yang kawngˉ suiˍ luingˉ yao chiˉ jiˉ. 34Ang meungˉ veu up naeˉ maˇ, ang laiˍ hingˍ na hpatˆ peunˉ yao, Pawˉluˆ nawˍ aˉ lawˍ meungˍ hingˍ ngeu jeuˇ cha lang naeˉ nae naˉ jiˉ. Yaˇ Kiˉliˉkiˆ ang meungˉ hingˉ na chaˍ lang naeˉ na ya bae beu, 35Ang meungˉ veu ang suingˉ huiˍ mangˍ ciˍ jiˍ, Nang na naˍ hokˍ chiˉ laˍ naeˍ uiˉ hkeu laˉ beu, nang hkai kyaˉ hkaˉ ca jiˉ uiˉ ga naˉ laˍ naeˍ yaˇ nae ha biˍ jiˍ. Peunˉ na yao Pawˉluˆ na Heˍrot beu yumˉ hkaoˉ veu lawngˉ nga voˍ nae ang tangˍ piˍ jiˍ.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Wycliffe Bible Translators, Inc. All rights reserved.