maṯa 7
7
asa 7
ḏakɩmia liji lun liro kaja
lk. 6:37-38,41-42
1lo laṯanyalakɩmi kani ate aṯajilakɩmi no; 2na ŋiro gi gwune aṯanyakɩmide na nyalakɩmi dino, na əlmɩḏ yun yaṯanyayuni ŋɩdio yaje yajilwəɽəṯijo. 3gwudaro gəko aṯaŋalade kacɩder gun gijo kei geḏi magalo, namɩni ḏuɽi dun dijo kei ŋuŋa nate naŋaŋu no? 4namɩni gələkwe ŋəṯi ŋɩma ŋeico magalo no, ouwɩrɩcinyi ŋaŋawala ŋacɩdera kei ŋuŋa? eʼe na ḏuɽi do kei ŋuŋa. 5ŋa kwe gwun gwəṯi ŋuɽuna ŋanu ŋɩttən, di gwerre ganu ḏuɽi dun dijo kei ŋuŋa, kəbe na ŋadaŋaga muma ŋa gwəṯi ŋɩma ŋa gwawala magalo gacɩdera gun gijo kei guŋun.
6aṯanyanḏəḏə nyino ŋɩdio ŋun ŋaṯanyalo ŋun ŋɩpiḏo pɽul di elo no, na aṯanyawinijo juḏurə nyida nye nyalo nyun nyiro ŋwoiny ŋwun ŋwiro bibɩɽŋal no, kani ate alɩnḏuṯe ŋwara ŋwe ŋwagin nalwɩrla ŋalo nanyalḏuge no.
ḏibɩɽeḏa nanu gi ḏuməḏɩjo eloŋu
lk. 11:9-13
7ɽoṯeḏɩl nalajiḏəḏə; bunyil nyalabuje; piḏɩl naləjiḏɩjo; 8ŋi gwune gwun gwaṯɩɽoṯeḏe gwaɽe, na gwun gwaṯɩbunyi ŋwulbuje, na gwun gwaṯɩpi gɩburə gwaliḏɩjo. 9gwiji gwo gwura lagalo ḏa ma ŋaɽe ŋuŋun ɽoṯəḏɩjo ŋia ŋe, ŋuḏəḏə gɩḏolia? 10na da ŋɩmaɽoṯəḏɩjo lumi le, ŋwuḏəḏə ḏuŋɩnyaŋe a? 11na dino nyaŋa lun lɩki na ḏa nyalmalɩŋe nyaləḏəḏə nyaɽe nyalo ŋɩdio ŋun ŋiŋir, namɩni ŋiro ŋaḏa ŋutəno baba gwalo gwe kanyin lulḏəḏə lun lɩɽoṯeḏo lugwun ŋidio ŋiŋir?
ŋuɽun ŋiŋir gworki
lk. 6:31
12na ŋiro dino ŋuɽun wei ŋun ŋɩbunyalo ŋaŋal liji ərrɩjo lagalo, dujɩlo nyaŋa dino; gi gwune ŋeno ŋiro ŋuɽun ŋun ŋigelijɩlo elo musaŋ na nebɩŋa.
daṯ dɩttən
lk. 13:24
13əḏɩl kouwɩr yun yɩmə ganu, gi gwune ouwɩr yiwɩra ganu na ṯat ḏiwɩra ganu ḏun ḏaṯele gi ḏaiya, na luŋa luti lun ləḏi kouwir yono; 14namɩni ouwɩr yun yɩmə ganu na ṯaṯ ḏun ḏɩmə ganu ḏun ḏaṯele gi ḏɩmiḏa, na luŋa louwɩrio lun labuje.
ŋuɽun ŋun ŋiro gwerkwe na ŋun ŋiro ŋɩwɩɽɩgal
lk. 6:43-44
15jil muma di nebəŋa lun liro lɩwɩɽɩgal lun lɩwidi lagalo lɩkanu jiria jeḏi joŋol namɩni gi dugwor ganu nalro jamɽainy jun jiṯɩlo lun liṯɩlo jaŋu. 16nyalilɩŋiḏi nyaɽe nye nyagin. liji laṯɩwone nyaɽe gi ŋwuɽuṯ gi jugi a? i ŋwuwɩḏa gi ŋiɽebeny a? 17na ŋiro dino gwaɽe wei gwun gwiŋir gwaṯɩɽe nyaɽe nyun nyiŋɩr, namɩni gwaɽe gwun gwɩki gwaṯɩɽe nyaɽe nyun nŋɩki. 18gwaɽe gwun gwiŋir gwate gwəṯi ŋɩma gwaṯɩɽe nyaɽe nyun nŋɩki no, na dino gwaɽe gwun gwɩki gwate gwəṯi ŋɩma gwaṯɩɽe nyaɽe nyun nyiŋir no. 19na jaɽe wei jun jate jaṯɩɽe nyaɽe nyiŋir no, gwouɽəne ga na gwagelini kigo. 20na dino nyaɽe nye nyagin nyalɩŋine.
ŋuɽun na ŋɩru
lk. 6:46; 13:25-27
21na lədu wei lun laṯɩnyieicɩno, gwele, gwele, ləḏi ŋele ŋeḏi kanyin no, namɩni gwun gwaṯɩlduji ŋuɽuna ŋun ŋɩbunyɩlo baba gwi gwun gwaṯɩje kanyin. 22na gi lamon leno lutu linyieicɩno, gwele, gwele, anate naṯaŋiḏi ŋuɽuna jiri je juŋa ŋun ŋaŋijijɩlo elo na? na jiri je juŋa naṯanəṯi ḏiŋeroma, na jiri je juŋa nate naṯape ŋɩru ŋɩbuḏo ŋutu na? 23na nyiluməḏɩjo, nyileicɩno, nyi gwate gwilɩŋidaje no, abɩrɩl lugwi nyaŋa lun laṯape ŋuɽuna ŋɩki.
jama jɩttən
lk. 6:47-49, mks. 1:22
24na ŋiro dino gwun gwatɩḏiŋɩni ŋuɽuna ŋeno ŋinyi, ŋularre, gwaro gi gwiji gwun gwəṯi ŋadɩgɩɽenya gwun gwuṯo duno gwuŋun gi loɽi elo. 25na ŋau ni, na gwəri wila na ḏɩron mɩɽi duno kweno, nate nuiḏi no gi gwune gwəṯi jama gi loɽi elo. 26na gwun gwatɩḏiŋɩni ŋuɽuna ŋeno ŋinyi nate nunɩmɩni arre no, gwaro gi gɩɽilo, gwun gwuṯo duno gwuŋun kəmuɽ elo, 27na ŋau ni, na gwəri wila na ḏɩron mɩɽi duno kweno, nuiḏi ḏido ḏɩki gworki.
28gwune na yecu ṯɩmi ŋuɽuna ŋeno, na liji obaga ṯuṯ gi ḏalɩmia ḏuŋun, 29gi gwune nulalɩmi gwiro gi gwiji gwun gwəṯi ŋelɩnya, na gwate gwiro gi jalgaṯɩm jagin no.
S'ha seleccionat:
maṯa 7: OTR1966
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Nuba, Otoro New Testament
© British and Foreign Bible Society, 1966.
maṯa 7
7
asa 7
ḏakɩmia liji lun liro kaja
lk. 6:37-38,41-42
1lo laṯanyalakɩmi kani ate aṯajilakɩmi no; 2na ŋiro gi gwune aṯanyakɩmide na nyalakɩmi dino, na əlmɩḏ yun yaṯanyayuni ŋɩdio yaje yajilwəɽəṯijo. 3gwudaro gəko aṯaŋalade kacɩder gun gijo kei geḏi magalo, namɩni ḏuɽi dun dijo kei ŋuŋa nate naŋaŋu no? 4namɩni gələkwe ŋəṯi ŋɩma ŋeico magalo no, ouwɩrɩcinyi ŋaŋawala ŋacɩdera kei ŋuŋa? eʼe na ḏuɽi do kei ŋuŋa. 5ŋa kwe gwun gwəṯi ŋuɽuna ŋanu ŋɩttən, di gwerre ganu ḏuɽi dun dijo kei ŋuŋa, kəbe na ŋadaŋaga muma ŋa gwəṯi ŋɩma ŋa gwawala magalo gacɩdera gun gijo kei guŋun.
6aṯanyanḏəḏə nyino ŋɩdio ŋun ŋaṯanyalo ŋun ŋɩpiḏo pɽul di elo no, na aṯanyawinijo juḏurə nyida nye nyalo nyun nyiro ŋwoiny ŋwun ŋwiro bibɩɽŋal no, kani ate alɩnḏuṯe ŋwara ŋwe ŋwagin nalwɩrla ŋalo nanyalḏuge no.
ḏibɩɽeḏa nanu gi ḏuməḏɩjo eloŋu
lk. 11:9-13
7ɽoṯeḏɩl nalajiḏəḏə; bunyil nyalabuje; piḏɩl naləjiḏɩjo; 8ŋi gwune gwun gwaṯɩɽoṯeḏe gwaɽe, na gwun gwaṯɩbunyi ŋwulbuje, na gwun gwaṯɩpi gɩburə gwaliḏɩjo. 9gwiji gwo gwura lagalo ḏa ma ŋaɽe ŋuŋun ɽoṯəḏɩjo ŋia ŋe, ŋuḏəḏə gɩḏolia? 10na da ŋɩmaɽoṯəḏɩjo lumi le, ŋwuḏəḏə ḏuŋɩnyaŋe a? 11na dino nyaŋa lun lɩki na ḏa nyalmalɩŋe nyaləḏəḏə nyaɽe nyalo ŋɩdio ŋun ŋiŋir, namɩni ŋiro ŋaḏa ŋutəno baba gwalo gwe kanyin lulḏəḏə lun lɩɽoṯeḏo lugwun ŋidio ŋiŋir?
ŋuɽun ŋiŋir gworki
lk. 6:31
12na ŋiro dino ŋuɽun wei ŋun ŋɩbunyalo ŋaŋal liji ərrɩjo lagalo, dujɩlo nyaŋa dino; gi gwune ŋeno ŋiro ŋuɽun ŋun ŋigelijɩlo elo musaŋ na nebɩŋa.
daṯ dɩttən
lk. 13:24
13əḏɩl kouwɩr yun yɩmə ganu, gi gwune ouwɩr yiwɩra ganu na ṯat ḏiwɩra ganu ḏun ḏaṯele gi ḏaiya, na luŋa luti lun ləḏi kouwir yono; 14namɩni ouwɩr yun yɩmə ganu na ṯaṯ ḏun ḏɩmə ganu ḏun ḏaṯele gi ḏɩmiḏa, na luŋa louwɩrio lun labuje.
ŋuɽun ŋun ŋiro gwerkwe na ŋun ŋiro ŋɩwɩɽɩgal
lk. 6:43-44
15jil muma di nebəŋa lun liro lɩwɩɽɩgal lun lɩwidi lagalo lɩkanu jiria jeḏi joŋol namɩni gi dugwor ganu nalro jamɽainy jun jiṯɩlo lun liṯɩlo jaŋu. 16nyalilɩŋiḏi nyaɽe nye nyagin. liji laṯɩwone nyaɽe gi ŋwuɽuṯ gi jugi a? i ŋwuwɩḏa gi ŋiɽebeny a? 17na ŋiro dino gwaɽe wei gwun gwiŋir gwaṯɩɽe nyaɽe nyun nyiŋɩr, namɩni gwaɽe gwun gwɩki gwaṯɩɽe nyaɽe nyun nŋɩki. 18gwaɽe gwun gwiŋir gwate gwəṯi ŋɩma gwaṯɩɽe nyaɽe nyun nŋɩki no, na dino gwaɽe gwun gwɩki gwate gwəṯi ŋɩma gwaṯɩɽe nyaɽe nyun nyiŋir no. 19na jaɽe wei jun jate jaṯɩɽe nyaɽe nyiŋir no, gwouɽəne ga na gwagelini kigo. 20na dino nyaɽe nye nyagin nyalɩŋine.
ŋuɽun na ŋɩru
lk. 6:46; 13:25-27
21na lədu wei lun laṯɩnyieicɩno, gwele, gwele, ləḏi ŋele ŋeḏi kanyin no, namɩni gwun gwaṯɩlduji ŋuɽuna ŋun ŋɩbunyɩlo baba gwi gwun gwaṯɩje kanyin. 22na gi lamon leno lutu linyieicɩno, gwele, gwele, anate naṯaŋiḏi ŋuɽuna jiri je juŋa ŋun ŋaŋijijɩlo elo na? na jiri je juŋa naṯanəṯi ḏiŋeroma, na jiri je juŋa nate naṯape ŋɩru ŋɩbuḏo ŋutu na? 23na nyiluməḏɩjo, nyileicɩno, nyi gwate gwilɩŋidaje no, abɩrɩl lugwi nyaŋa lun laṯape ŋuɽuna ŋɩki.
jama jɩttən
lk. 6:47-49, mks. 1:22
24na ŋiro dino gwun gwatɩḏiŋɩni ŋuɽuna ŋeno ŋinyi, ŋularre, gwaro gi gwiji gwun gwəṯi ŋadɩgɩɽenya gwun gwuṯo duno gwuŋun gi loɽi elo. 25na ŋau ni, na gwəri wila na ḏɩron mɩɽi duno kweno, nate nuiḏi no gi gwune gwəṯi jama gi loɽi elo. 26na gwun gwatɩḏiŋɩni ŋuɽuna ŋeno ŋinyi nate nunɩmɩni arre no, gwaro gi gɩɽilo, gwun gwuṯo duno gwuŋun kəmuɽ elo, 27na ŋau ni, na gwəri wila na ḏɩron mɩɽi duno kweno, nuiḏi ḏido ḏɩki gworki.
28gwune na yecu ṯɩmi ŋuɽuna ŋeno, na liji obaga ṯuṯ gi ḏalɩmia ḏuŋun, 29gi gwune nulalɩmi gwiro gi gwiji gwun gwəṯi ŋelɩnya, na gwate gwiro gi jalgaṯɩm jagin no.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Nuba, Otoro New Testament
© British and Foreign Bible Society, 1966.