লূক 23
23
পীলাতনি মিকখাংও গিত্তেল যীশুনি বিচাল
1উনোন উয়া খ্রিমানি মান্দি গিম্মিক চাখাত্তে যীশুখো রোমনি দাল·বাৎগিবা শাসন দাকগিবা পীলাতচা রিম্মাংজক। 2বিসং ইখো ইন্নে যীশুখো দোস হন·জক, “ইয়া মান্দি চিংনি জাতখো ব্রাংএতা, ইখো চিংআ নিকনা মা·ন্না। বিয়া দাল·বাৎগিবা রাজানা খাজিনা হ·ন্না বেং·আ আরো বিয়া আন·থাংখো খ্রীষ্ট, সাকসা রাজা ইন্নে আগানা।”
3পীলাত যীশুখো সিং·জক, “না·আ যিহূদীরাংনি রাজা হং·আমা?”
যীশু আগানজক, “না·আ খাকখেৎখোন আগানজক।”
4উনোন পীলাত খামাল দাল·গিবারাংনা আরো মান্দি গিম্মিকনা আগানজক, “আংআদে ইয়া মান্দিনি মামুং দোসখোন নিকজাংআ।”
5ইন্দিবা বিসং জেৎজেতারি ইন্না হা·বাচেংজক, “যিহূদিয়া হা·দক গিম্মিকো স্খিয়ে হ·ন্নে ইয়া মান্দিরাংখো খা·আওনাংএতিংজক। গালীল হা·দকোনি দা·আও ইয়োনা দিপ্পাৎ সকবাজক।”
6ইয়া খাৎথাখো খিন্নাএ পীলাত সিং·জক যীশু গালীল হা·দকনি মান্দি হং·আমা হং·জা। 7যীশু শাসন দাকগিবা হেরোদনি হা·খিংওনি হং·আ, ইখো হা·আইনা মা·ন্নে পীলাত বিখো হেরোদচা ওয়াত্তেতজক। উনো হেরোদবা যিরূশালেমো দংআমিং। 8যীশুখো নিক্কে হেরোদ খুসি হং·বিজক। বিয়া যীশুনি গিম্মিন বাং·এন আগানারাংখো খিন্নামিং, উনি গিম্মিন স্খাংওনিন বিয়া বিখো নিনা হা·সিকামিং। যীশু আইয়াও ইনমানগিবা কামখো দাক্কে ফিন্নিকনুয়া ইন্নে হেরোদ চানচিয়ামিং। 9বিয়া যীশুখো বাং·এন সিং·জক, ইন্দিবা যীশু মামুংখোন আগানচাকজাজক। 10খামাল দাল·গিবারাং আরো শাস্ত্র স্খিগিবারাং উয়ো চাদেংএ চ্রিকে যীশুখো দোস হ·ন্না হা·বাচেংজক। 11উনোন হেরোদ যীশুখো চন্নিকজক আরো খা·দিংস্থেকজক, আরো বিনি সিপাইরাংবা উগিত্তান দাকজক। উনি জা·মানো যীশুনা নামগিবা বা·রাখো গান্নেতে বিয়া বিখো পীলাতওনা ওয়াত্তেতফিলজক। 12ইনা স্খাং হেরোদ আরো পীলাতমুং বোবিল হং·গ্রিক্কামিং, ইন্দিবা উনিসালোনি বিসং রিপ্পেং হং·গ্রিকজক।
13পীলাত উনোন দাল·গিবা খামালরাংখো, দাল·গিবারাংখো আরো মান্দিরাংখো রিক্কামচিম্মংএ আগানজক, 14“না·সং ইয়া মান্দিখো, মান্দিরাংখো ব্রাংএতিংআ ইন্নে দোস হ·ন্নে আংচানা রা·বাজক। ইন্দিবা আংআ বিখো না·সংনি মিকখাংওন নাম্মেদাক্কে সিং·এ নিজক। না·সংনি দোস হ·ন্না গিত্তা বিনি মামুং নামগিজাখোন আংআ নিকজাজক। 15হেরোদবা বিনি মামুং নামগিজাখো মান·জা, মুয়ানা বিয়া বিখো চিংচানা ওয়াত্তেতফিলজক। না·সং নিকনা মা·ন্নিংজকান স·ওতে গালনা গিত্তা মামুং নামগিজা কামখোবা বিয়া দাকজা। 16উনি গিম্মিন আংআ বিখো শাস্তি হ·ন্নে ওয়াত্তেতনাজক।” 17বিয়া ইখো আগানজক মুয়ানা ওয়াতচাংআনি সালো রাং·ফ্রাকোন সাকসা বন্দিখো ওয়াত্তেতনা নাংনুয়ামিং।
18ইন্দিবা মান্দিরাং আপসান চ্রিকে আগান্না হা·বাচেংজক, “বিখো হা·রিকেতবো, বারা্ববাখো চিংচা ওয়াত্তেতবো।” 19ইয়া বারা্ববাখো সংজিলমাও বামগিজা দংআনা আরো স·ওতারাংনি গিম্মিন জেলো দন্নামিং। 20ইন্দিবা পীলাত যীশুখো ওয়াত্তেতনা হা·সিকামিং, উনি গিম্মিন বিয়া মান্দিরাংনা দা·আবা উয়া খাৎথাখোন আগানজক। 21ইন্দিবা মান্দিরাং চ্রিকে চ্রিকে ইনথকজক, “বিখো চিসলো দাৎখাপবো, চিসলো দাৎখাপবো।”
22পীলাত রাং·গিত্থাম মান্দিরাংখো ইনজক, “মুয়ানা, ইয়া মান্দি মুয়া নামগিজাখো দাকজক? আংআদে বিনি মামুং দোসখোন নিকজাংআ জেদাক্কে বিনা সিয়ানি শাস্তিখো হ·ন্না মা·ন্না। উনি গিম্মিন আংআ বিনা দিংথাং শাস্তিখো হ·ন্নানি জা·মানো বিখো ওয়াত্তেতনাজক।”
23ইন্দিবা মান্দিরাং যীশুখো চিসলো দাৎখাপনা চ্রিকজক আরো বিসং চ্রিকেন হামজক। পীলাত মান্দিরাংনি খাৎথাখো মানিয়ে রা·না চানচিজক। 24-25বামগিজা দংআনা আরো স·ওতানি গিম্মিন জেখো জেলো দন্নামিং মান্দিরাং বিখোন হা·ম্মামিং; উনি গিম্মিন পীলাত উয়া মান্দিখো ওয়াত্তেতজক আরো মান্দিরাংনি হা·সিকা গিত্তা যীশুখো স·ওতে গালখানা বিসংনি জাক্কো হন·জক।
চিসলো গিত্তেল যীশু
26সিপাইরাং যীশুখো রিম্মাংমিত্তিংও শিমোন মিংগিবা কুরীণী সংজিলমানি সাকসা মান্দি সংচাবাক্কানি রি·বাংআমিং। সিপাইরাং বিখো রি·ম্মে চিসলখো বিনি ফাকখ্রংও গাত্তেতজক জেদাক্কে বিয়া যীশুনি জা·মান জা·মান চিসলখো রিপ্পিএ রা·আংনা মা·ন্না। 27মান্দি বাং·আ যীশুখো জারিকিংআমিং। বিসংনি গিসেপো বাং·আ মিচিকরাংবা দংআমিং। বিসং খা·আখো দক্কে গ্রাপিংআমিং। 28যীশু বিসংচা নিএতে আগানজক, “যিরূশালেমনি মিচিকরাং, আংনা দা·আ গ্রাপাবো। না·সং আন·থাংথাংনা আরো না·সংনি দেদ্র্রাংনা গ্রাপবো, 29মুয়ানা ইন্দাকগিবা সাল রি·বাংজক জেনসালো মান্দিরাং আগান্নুয়া, ‘জেরাংনি বি·সা-আংদি দংজা আরো জেরাং বি·সানা সক খানজা উয়া সা·গ্রি মিচিকরাং ফাত্তিয়াখো মান·গিবা হং·আ।’ 30উনসালো মান্দিরাং দালদাল·গিবা হা·ব্রিখো ইন্নুয়া, ‘চিংনি সাক্কাও গা·আকদাপবো,’ আরো চনচনগিবা হা·ব্রিখো ইন্নুয়া, ‘চিংখো ফিনদাপে দনবো।’ 31বিফাং গিত্থাংমিত্তিংওন মান্দিরাং ইন্দাকে দাক্কোদে ইন্দিদে বিফাং রা·ন্নানি জা·মানো বাদাকস্রাংনুয়া!”
32সিপাইরাং স·ওতে গালনা সাকগ্মি গ্রো নাংগিবা মান্দিখোবা যীশুমুং রিম্মাংজক। 33স্খু বিখ্রক মিংগিবা হা·দামওনা সক্কে বিসং যীশুখো আরো উয়া সাকগ্মি গ্রো নাংগিবা মান্দিখো চিসলো দাৎখাপজক- সাকসাখো যীশুনি জাক্রাচা আরো সাকগিপ্পিনখো জাক্কাসিচা। 34উনোন যীশু আগানজক, “আপফা, ইরাংখো ক্ষেমা দাকবো, মুয়ানা ইরাং মুয়াখো দাক্কিংআ উখো হা·আইজা।”
বিসং লটারি খা·ল্লে যীশুনি বা·রারাংখো আন·থাংথাংও সুআলে রা·জক। 35মান্দিরাং চাদেংএ নিংআমিং। থরমনি দাল·গিবারাং যীশুখো খা·দিংস্থেকে ইনজক, “বিয়াদে গিপ্পিনরাংখো জক্কেৎনুয়ামিং। বিয়া খ্রীষ্ট হং·ওদে, ইসলনি বাচ্ছিয়ে রা·গিবা মান্দি হং·ওদে আন·থাংখো জক্কেৎখানা।”
36সিপাইরাংবা বিখো খা·দিংস্থেকনা হা·বাচেংজক। বিসং যীশুখো চা·খানা ইন্নে মেসেং বিৎচিখো বিচা রা·আংএ আগানজক, 37“না·আ যিহূদীরাংনি রাজা হং·ওদে আন·থাংখো জক্কেৎবো।”
38চিসলো বিনি স্খু সাক্কাও ইন্দাকে চক্কে দন্নামিং, “ইয়া মান্দি যিহূদীরাংনি রাজা হং·আ।”
39চিসলো দাৎখাপা মান·গিবা সাকগ্মিওনি সাকসা যীশুখো খা·দিংস্থেকে ইনজক, “না·আ খ্রীষ্ট হং·আমা? ইন্দাকোদে আন·থাংখো আরো চিংখো জক্কেৎবো।”
40উনোন সাকগিপ্পিন মান্দি বিখো খা·চাএ আগানজক, “না·আ ইসলনা খেনজামা? না·আবা আপসান শাস্তিখোন মা·ন্নিংজক। 41আনচিংদে খ্রাগিবা শাস্তিখোন মা·ন্নিংজক। আনচিংনি মা·ন্নানিখো আনচিং মা·ন্নিংজক, ইন্দিবা ইয়া মান্দিদে মামুং নামগিজাখো দাকখুজা।” 42জা·মানো বিয়া আগানজক, “যীশু, জেনসালো না·আ সংনকখো রা·এ ফিল·বানুয়া উনো আংখো গিসিক রা·বো।”
43যীশু বিনা আগানচাকজক, “আংআ নাং·না বিবিন আগানিংআ, না·আ দা·আলোন আংমুং সংনক্কো দংফানুয়া।”
গিত্তেল যীশুনি সিয়া
44-45উনোন সালজাৎচি হং·জক। সাল থেং·সুজাজক আরো হা·গিম্মিক আন্দালে দংজক। গিত্থাম বাজিয়াওনা দিপ্পাৎ উয়ানদাক্কেন দংজক। যিরূশালেমনি থরম নকনি গিমফেংগিবা পর্দা চিৎগ্মি দাক্কে দ্রাকজক।
46যীশু চ্রিকে ইনজক, “আপফা, আংআ নাং·নি জাক্কো আংনি জাংগিখো হন·জক।” ইখো আগানে বিয়া জাংগি গালজক।
47ইরাংখো নিক্কে সুবিদার ইসলখো মিৎথেলে ইনজক, “বিবিন ইয়া মান্দি গ্রো নাংগিজাগিবামিং।”
48উনো থম·দাকগিবা মান্দিরাং ইয়া হং·গিবারাংখো নিক্কে খা·আখো দক্কে দক্কে উয়োনি রি·য়াংজক। 49যীশুখো হা·আইগিবারাং আরো গালীলওনি যীশুমুং রি·বাগিবা মিচিকরাং বিসং গিম্মিকান চে·ল্লাও চাদেংএ গিম্মিকখো নিংআমিং।
গিত্তেল যীশুখো গোপ্পা
50যোষেফ মিংআ নামগিবা আরো থরমি মান্দি সাকসা দাল·বাৎগিবা খ্রিমানি মান্দি দংআমিং। বিয়া অরিমাথিয়া মিংআ যিহূদীরাংনি সং দামসানি মান্দি হং·আ। 51যীশুনি গিম্মিনো খ্রিমানি মান্দিরাংমুং বিয়া খু·মংফানা মান·জাজক। বিয়া ইসলনি সংনকনা নিচাকসোএ দংআমিং। 52পীলাতচা রি·য়াংএ বিয়া যীশুনি মাংগিসিখো হা·ম্মে রা·জক। 53জা·মানো মাংগিসিখো চিসলোনি রা·ওন্নে বা·রাচা বিল·রিমরিমজক আরো রং·থিখো খিত্তে থারিয়ে দনগিবা গি·সা গোপরামও দনজক। উয়া গোপরামও দারাংখো মামুং সালোবা দনখুজা।
54উয়া সাল নেং·থাকানি সালনা থারিসোআনি সালমিং। নেং·থাকানি সাল হং·বাচেংআমিং। 55গালীলওনি যীশুমুং রি·বাগিবা মিচিকরাং যাষেফখো জা·রিকাংএ গোপরামখো নিজক আরো যীশুনি মাংগিসিখো বাদিকে দন্না উখোবা নিজক। 56জা·মানো বিসং রি·য়াংফিলে বিনা সিম্মিলগিবা তেলখো আরো মলমখো থারিজক। উনি জা·মানো বিসং মোশিনি গি·য়েতা গিত্তা নেং·থাকানি সালো নেং·থাকজক।
S'ha seleccionat:
লূক 23: GLNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This translation was published by The Bangladesh Bible Society in 2004 © BBS 2004.
লূক 23
23
পীলাতনি মিকখাংও গিত্তেল যীশুনি বিচাল
1উনোন উয়া খ্রিমানি মান্দি গিম্মিক চাখাত্তে যীশুখো রোমনি দাল·বাৎগিবা শাসন দাকগিবা পীলাতচা রিম্মাংজক। 2বিসং ইখো ইন্নে যীশুখো দোস হন·জক, “ইয়া মান্দি চিংনি জাতখো ব্রাংএতা, ইখো চিংআ নিকনা মা·ন্না। বিয়া দাল·বাৎগিবা রাজানা খাজিনা হ·ন্না বেং·আ আরো বিয়া আন·থাংখো খ্রীষ্ট, সাকসা রাজা ইন্নে আগানা।”
3পীলাত যীশুখো সিং·জক, “না·আ যিহূদীরাংনি রাজা হং·আমা?”
যীশু আগানজক, “না·আ খাকখেৎখোন আগানজক।”
4উনোন পীলাত খামাল দাল·গিবারাংনা আরো মান্দি গিম্মিকনা আগানজক, “আংআদে ইয়া মান্দিনি মামুং দোসখোন নিকজাংআ।”
5ইন্দিবা বিসং জেৎজেতারি ইন্না হা·বাচেংজক, “যিহূদিয়া হা·দক গিম্মিকো স্খিয়ে হ·ন্নে ইয়া মান্দিরাংখো খা·আওনাংএতিংজক। গালীল হা·দকোনি দা·আও ইয়োনা দিপ্পাৎ সকবাজক।”
6ইয়া খাৎথাখো খিন্নাএ পীলাত সিং·জক যীশু গালীল হা·দকনি মান্দি হং·আমা হং·জা। 7যীশু শাসন দাকগিবা হেরোদনি হা·খিংওনি হং·আ, ইখো হা·আইনা মা·ন্নে পীলাত বিখো হেরোদচা ওয়াত্তেতজক। উনো হেরোদবা যিরূশালেমো দংআমিং। 8যীশুখো নিক্কে হেরোদ খুসি হং·বিজক। বিয়া যীশুনি গিম্মিন বাং·এন আগানারাংখো খিন্নামিং, উনি গিম্মিন স্খাংওনিন বিয়া বিখো নিনা হা·সিকামিং। যীশু আইয়াও ইনমানগিবা কামখো দাক্কে ফিন্নিকনুয়া ইন্নে হেরোদ চানচিয়ামিং। 9বিয়া যীশুখো বাং·এন সিং·জক, ইন্দিবা যীশু মামুংখোন আগানচাকজাজক। 10খামাল দাল·গিবারাং আরো শাস্ত্র স্খিগিবারাং উয়ো চাদেংএ চ্রিকে যীশুখো দোস হ·ন্না হা·বাচেংজক। 11উনোন হেরোদ যীশুখো চন্নিকজক আরো খা·দিংস্থেকজক, আরো বিনি সিপাইরাংবা উগিত্তান দাকজক। উনি জা·মানো যীশুনা নামগিবা বা·রাখো গান্নেতে বিয়া বিখো পীলাতওনা ওয়াত্তেতফিলজক। 12ইনা স্খাং হেরোদ আরো পীলাতমুং বোবিল হং·গ্রিক্কামিং, ইন্দিবা উনিসালোনি বিসং রিপ্পেং হং·গ্রিকজক।
13পীলাত উনোন দাল·গিবা খামালরাংখো, দাল·গিবারাংখো আরো মান্দিরাংখো রিক্কামচিম্মংএ আগানজক, 14“না·সং ইয়া মান্দিখো, মান্দিরাংখো ব্রাংএতিংআ ইন্নে দোস হ·ন্নে আংচানা রা·বাজক। ইন্দিবা আংআ বিখো না·সংনি মিকখাংওন নাম্মেদাক্কে সিং·এ নিজক। না·সংনি দোস হ·ন্না গিত্তা বিনি মামুং নামগিজাখোন আংআ নিকজাজক। 15হেরোদবা বিনি মামুং নামগিজাখো মান·জা, মুয়ানা বিয়া বিখো চিংচানা ওয়াত্তেতফিলজক। না·সং নিকনা মা·ন্নিংজকান স·ওতে গালনা গিত্তা মামুং নামগিজা কামখোবা বিয়া দাকজা। 16উনি গিম্মিন আংআ বিখো শাস্তি হ·ন্নে ওয়াত্তেতনাজক।” 17বিয়া ইখো আগানজক মুয়ানা ওয়াতচাংআনি সালো রাং·ফ্রাকোন সাকসা বন্দিখো ওয়াত্তেতনা নাংনুয়ামিং।
18ইন্দিবা মান্দিরাং আপসান চ্রিকে আগান্না হা·বাচেংজক, “বিখো হা·রিকেতবো, বারা্ববাখো চিংচা ওয়াত্তেতবো।” 19ইয়া বারা্ববাখো সংজিলমাও বামগিজা দংআনা আরো স·ওতারাংনি গিম্মিন জেলো দন্নামিং। 20ইন্দিবা পীলাত যীশুখো ওয়াত্তেতনা হা·সিকামিং, উনি গিম্মিন বিয়া মান্দিরাংনা দা·আবা উয়া খাৎথাখোন আগানজক। 21ইন্দিবা মান্দিরাং চ্রিকে চ্রিকে ইনথকজক, “বিখো চিসলো দাৎখাপবো, চিসলো দাৎখাপবো।”
22পীলাত রাং·গিত্থাম মান্দিরাংখো ইনজক, “মুয়ানা, ইয়া মান্দি মুয়া নামগিজাখো দাকজক? আংআদে বিনি মামুং দোসখোন নিকজাংআ জেদাক্কে বিনা সিয়ানি শাস্তিখো হ·ন্না মা·ন্না। উনি গিম্মিন আংআ বিনা দিংথাং শাস্তিখো হ·ন্নানি জা·মানো বিখো ওয়াত্তেতনাজক।”
23ইন্দিবা মান্দিরাং যীশুখো চিসলো দাৎখাপনা চ্রিকজক আরো বিসং চ্রিকেন হামজক। পীলাত মান্দিরাংনি খাৎথাখো মানিয়ে রা·না চানচিজক। 24-25বামগিজা দংআনা আরো স·ওতানি গিম্মিন জেখো জেলো দন্নামিং মান্দিরাং বিখোন হা·ম্মামিং; উনি গিম্মিন পীলাত উয়া মান্দিখো ওয়াত্তেতজক আরো মান্দিরাংনি হা·সিকা গিত্তা যীশুখো স·ওতে গালখানা বিসংনি জাক্কো হন·জক।
চিসলো গিত্তেল যীশু
26সিপাইরাং যীশুখো রিম্মাংমিত্তিংও শিমোন মিংগিবা কুরীণী সংজিলমানি সাকসা মান্দি সংচাবাক্কানি রি·বাংআমিং। সিপাইরাং বিখো রি·ম্মে চিসলখো বিনি ফাকখ্রংও গাত্তেতজক জেদাক্কে বিয়া যীশুনি জা·মান জা·মান চিসলখো রিপ্পিএ রা·আংনা মা·ন্না। 27মান্দি বাং·আ যীশুখো জারিকিংআমিং। বিসংনি গিসেপো বাং·আ মিচিকরাংবা দংআমিং। বিসং খা·আখো দক্কে গ্রাপিংআমিং। 28যীশু বিসংচা নিএতে আগানজক, “যিরূশালেমনি মিচিকরাং, আংনা দা·আ গ্রাপাবো। না·সং আন·থাংথাংনা আরো না·সংনি দেদ্র্রাংনা গ্রাপবো, 29মুয়ানা ইন্দাকগিবা সাল রি·বাংজক জেনসালো মান্দিরাং আগান্নুয়া, ‘জেরাংনি বি·সা-আংদি দংজা আরো জেরাং বি·সানা সক খানজা উয়া সা·গ্রি মিচিকরাং ফাত্তিয়াখো মান·গিবা হং·আ।’ 30উনসালো মান্দিরাং দালদাল·গিবা হা·ব্রিখো ইন্নুয়া, ‘চিংনি সাক্কাও গা·আকদাপবো,’ আরো চনচনগিবা হা·ব্রিখো ইন্নুয়া, ‘চিংখো ফিনদাপে দনবো।’ 31বিফাং গিত্থাংমিত্তিংওন মান্দিরাং ইন্দাকে দাক্কোদে ইন্দিদে বিফাং রা·ন্নানি জা·মানো বাদাকস্রাংনুয়া!”
32সিপাইরাং স·ওতে গালনা সাকগ্মি গ্রো নাংগিবা মান্দিখোবা যীশুমুং রিম্মাংজক। 33স্খু বিখ্রক মিংগিবা হা·দামওনা সক্কে বিসং যীশুখো আরো উয়া সাকগ্মি গ্রো নাংগিবা মান্দিখো চিসলো দাৎখাপজক- সাকসাখো যীশুনি জাক্রাচা আরো সাকগিপ্পিনখো জাক্কাসিচা। 34উনোন যীশু আগানজক, “আপফা, ইরাংখো ক্ষেমা দাকবো, মুয়ানা ইরাং মুয়াখো দাক্কিংআ উখো হা·আইজা।”
বিসং লটারি খা·ল্লে যীশুনি বা·রারাংখো আন·থাংথাংও সুআলে রা·জক। 35মান্দিরাং চাদেংএ নিংআমিং। থরমনি দাল·গিবারাং যীশুখো খা·দিংস্থেকে ইনজক, “বিয়াদে গিপ্পিনরাংখো জক্কেৎনুয়ামিং। বিয়া খ্রীষ্ট হং·ওদে, ইসলনি বাচ্ছিয়ে রা·গিবা মান্দি হং·ওদে আন·থাংখো জক্কেৎখানা।”
36সিপাইরাংবা বিখো খা·দিংস্থেকনা হা·বাচেংজক। বিসং যীশুখো চা·খানা ইন্নে মেসেং বিৎচিখো বিচা রা·আংএ আগানজক, 37“না·আ যিহূদীরাংনি রাজা হং·ওদে আন·থাংখো জক্কেৎবো।”
38চিসলো বিনি স্খু সাক্কাও ইন্দাকে চক্কে দন্নামিং, “ইয়া মান্দি যিহূদীরাংনি রাজা হং·আ।”
39চিসলো দাৎখাপা মান·গিবা সাকগ্মিওনি সাকসা যীশুখো খা·দিংস্থেকে ইনজক, “না·আ খ্রীষ্ট হং·আমা? ইন্দাকোদে আন·থাংখো আরো চিংখো জক্কেৎবো।”
40উনোন সাকগিপ্পিন মান্দি বিখো খা·চাএ আগানজক, “না·আ ইসলনা খেনজামা? না·আবা আপসান শাস্তিখোন মা·ন্নিংজক। 41আনচিংদে খ্রাগিবা শাস্তিখোন মা·ন্নিংজক। আনচিংনি মা·ন্নানিখো আনচিং মা·ন্নিংজক, ইন্দিবা ইয়া মান্দিদে মামুং নামগিজাখো দাকখুজা।” 42জা·মানো বিয়া আগানজক, “যীশু, জেনসালো না·আ সংনকখো রা·এ ফিল·বানুয়া উনো আংখো গিসিক রা·বো।”
43যীশু বিনা আগানচাকজক, “আংআ নাং·না বিবিন আগানিংআ, না·আ দা·আলোন আংমুং সংনক্কো দংফানুয়া।”
গিত্তেল যীশুনি সিয়া
44-45উনোন সালজাৎচি হং·জক। সাল থেং·সুজাজক আরো হা·গিম্মিক আন্দালে দংজক। গিত্থাম বাজিয়াওনা দিপ্পাৎ উয়ানদাক্কেন দংজক। যিরূশালেমনি থরম নকনি গিমফেংগিবা পর্দা চিৎগ্মি দাক্কে দ্রাকজক।
46যীশু চ্রিকে ইনজক, “আপফা, আংআ নাং·নি জাক্কো আংনি জাংগিখো হন·জক।” ইখো আগানে বিয়া জাংগি গালজক।
47ইরাংখো নিক্কে সুবিদার ইসলখো মিৎথেলে ইনজক, “বিবিন ইয়া মান্দি গ্রো নাংগিজাগিবামিং।”
48উনো থম·দাকগিবা মান্দিরাং ইয়া হং·গিবারাংখো নিক্কে খা·আখো দক্কে দক্কে উয়োনি রি·য়াংজক। 49যীশুখো হা·আইগিবারাং আরো গালীলওনি যীশুমুং রি·বাগিবা মিচিকরাং বিসং গিম্মিকান চে·ল্লাও চাদেংএ গিম্মিকখো নিংআমিং।
গিত্তেল যীশুখো গোপ্পা
50যোষেফ মিংআ নামগিবা আরো থরমি মান্দি সাকসা দাল·বাৎগিবা খ্রিমানি মান্দি দংআমিং। বিয়া অরিমাথিয়া মিংআ যিহূদীরাংনি সং দামসানি মান্দি হং·আ। 51যীশুনি গিম্মিনো খ্রিমানি মান্দিরাংমুং বিয়া খু·মংফানা মান·জাজক। বিয়া ইসলনি সংনকনা নিচাকসোএ দংআমিং। 52পীলাতচা রি·য়াংএ বিয়া যীশুনি মাংগিসিখো হা·ম্মে রা·জক। 53জা·মানো মাংগিসিখো চিসলোনি রা·ওন্নে বা·রাচা বিল·রিমরিমজক আরো রং·থিখো খিত্তে থারিয়ে দনগিবা গি·সা গোপরামও দনজক। উয়া গোপরামও দারাংখো মামুং সালোবা দনখুজা।
54উয়া সাল নেং·থাকানি সালনা থারিসোআনি সালমিং। নেং·থাকানি সাল হং·বাচেংআমিং। 55গালীলওনি যীশুমুং রি·বাগিবা মিচিকরাং যাষেফখো জা·রিকাংএ গোপরামখো নিজক আরো যীশুনি মাংগিসিখো বাদিকে দন্না উখোবা নিজক। 56জা·মানো বিসং রি·য়াংফিলে বিনা সিম্মিলগিবা তেলখো আরো মলমখো থারিজক। উনি জা·মানো বিসং মোশিনি গি·য়েতা গিত্তা নেং·থাকানি সালো নেং·থাকজক।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
This translation was published by The Bangladesh Bible Society in 2004 © BBS 2004.