Lukas 6
6
Yesus pung kuasa par hari Barenti Karja
6:1-5
(Matius 12:1-8; Markus 2:23-28)
1Satu kali bagini, pas orang Yahudi pung hari Barenti Karja, Yesus deng Antua pung murid-murid bajalang langgar kabong gandum. Waktu dong ada bajalang, Antua pung murid-murid pete gandum la goso-goso akang di dong pung dalang tangang sampe kuli talapas la makang akang pung isi.#Carita Ulang 23:25 2Mar, babarapa orang Farisi lia itu la bilang, “Mangapa kong kamong biking apa yang orang seng bole biking pas hari Barenti Karja ni?”
3Yesus bilang par dong kata, “Kamong seng parna baca apa yang Raja Daud biking waktu dia deng dia pung anana bua tu lapar ka? 4Dia maso ka dalang Tenda Sombayang, la ambe roti yang imam-imam su kasi par Allah, la makang akang. Dia jua kasi akang par dia pung anana bua makang lai.#1 Samuel 21:1-6 Dia tetap biking bagitu biar kata kalo iko atorang dalang Kitab Torat, cuma imam-imam sa yang bisa makang akang.”#Imam-Imam pung Atorang 24:5-9
5La Yesus bilang par dong, “Beta Ana Manusia ni pung kuasa par bilang apa yang orang bisa biking deng seng bisa biking di hari Barenti Karja.”
Yesus kasi bae satu orang pas hari Barenti Karja
6:6-11
(Matius 12:9-14; Markus 3:1-6)
6Pas orang Yahudi pung hari Barenti Karja yang laeng lai, Yesus maso ka orang Yahudi pung tampa sombayang la kasi balajar orang-orang. Di situ, ada satu orang yang pung tangang sabala kanang mati. 7Di situ jua ada guru-guru Torat deng orang-orang Farisi yang tinggal kong taru kira Antua tarus kata Antua mau kasi bae orang pas hari Barenti Karja tu ka seng. Dong biking bagitu par cari-cari alasang par kasi sala Antua. 8Mar Antua tau dong pung pikirang la bilang par orang yang pung tangang mati sabala tu kata, “Bu, mari bangong la badiri di tenga!” Jadi, dia bangong la badiri di tenga. 9Tarus Yesus tanya dong kata, “Kalo iko Kitab Torat, katong musti biking apa waktu hari Barenti Karja? Biking bae ka biking jahat? Kasi salamat ka bunu orang?”
10Antua nganga dong samua la bilang par orang yang pung tangang mati sabala tu kata, “Lunjur ale pung tangang tu kamari!”
Dia iko Antua pung parenta, la oras itu jua dia pung tangang bae.
11Mar guru-guru Torat deng orang-orang Farisi tu jumawa paskali la baku ator rencana par biking apa yang dong bisa biking par Yesus.
Yesus pili Antua pung murid sapulu dua orang
6:12-16
(Matius 10:1-4; Markus 3:13-19)
12Satu kali bagini, Yesus nai ka gunung satu par sombayang. Di situ Antua sombayang par Allah satu malang tare-tare. 13Waktu matahari su nai, Antua panggel Antua pung murid-murid la pili sapulu dua orang dari dong par jadi Antua pung utusang. 14Dong nama: Simon yang Antua panggel par Petrus, Simon pung sudara Andarias, Yakobis deng Yohanis, Filipus, Bartolomeus, 15Matius, Tomas, Yakobis yang pung bapa par Alpeus, Simon dari kalompok Selot,#6:15 Kalompok Selot tu satu kalompok orang Yahudi yang usaha par kasi bebas bangsa Yahudi dari pemerinta Roma. 16Yudas yang pung bapa par Yakobis, deng Yudas Iskariot#6:16 Yudas Iskariot tu pung arti, ‘Yudas dari kampong Kariot’. yang nanti jual Yesus.
Yesus kasi balajar orang banya deng kasi bae orang saki
6:17-19
(Matius 4:23-25)
17Abis Yesus pili Antua pung murid sapulu dua orang tu, Antua turung dari gunung deng dong la barenti di tampa rata satu. Di situ, Antua pung murid banya yang laeng lai su tunggu dong sama-sama deng orang banya kawang-kawang dari kota Yerusalem deng sagala tampa yang laeng di propinsi Yudea, deng dari kota Tirus deng kota Sidon yang ada di pinggir pante. 18Dong datang par dengar Antua pung ajarang deng minta Antua kasi bae dong yang saki. Orang-orang yang takanal jua datang lai la dong samua dapa kasi bae. 19Samua orang manggurebe sonto Antua, tagal ada kuasa yang kaluar dari Antua pung diri par kasi bae orang saki, la samua orang yang sonto Antua tu jadi bae.
Orang yang baruntung deng orang yang cilaka
6:20-26
(Matius 5:1-12)
20Yesus bale muka par Antua pung murid-murid la bilang kata,
“He kamong orang-orang kasiang, kamong tu paleng baruntung,
tagal kamong su jadi Allah pung orang-orang deng Antua pegang parenta jadi Raja par kamong.
21Kamong yang sakarang ni lapar, kamong tu paleng baruntung,
tagal Allah nanti kasi kanyang kamong.
Kamong yang sakarang ni marata, kamong tu paleng baruntung,
tagal Allah nanti biking kamong tatawa.
22Kamong paleng baruntung kalo orang binci kamong, user kamong, hina kamong, deng biking busu kamong pung nama tagal kamong iko Beta Ana Manusia ni.#1 Petrus 4:14
23Kalo orang biking macang bagitu par kamong, mari barsuka deng hati sanang. Barang, Allah nanti kasi hadia basar par kamong di sorga. Beta bilang bagitu, tagal orang yang biking jahat par kamong tu, dong pung tete-nene moyang jua biking macang bagitu dolo-dolo par Allah pung juru-juru bicara lai.#2 Orang Israel pung Sejara 36:16; Utusang pung Carita 7:52
24Kamong orang kaya, kamong tu cilaka!
Barang, sakarang di dunya ni kamong su puas deng kamong pung harta, mar kamong nanti seng dapa apapa lai.
25Kamong yang sakarang ni kanyang, kamong tu cilaka!
Barang, kamong nanti lapar.
Kamong yang sakarang ni tatawa, kamong tu cilaka!
Barang, kamong nanti marata.
26Kamong yang inging dapa puji, kamong tu cilaka!
Barang dolo-dolo jua, kamong pung tete-nene moyang puji-puji juru-juru bicara parlente lai.”
Sayang kamong pung musu
6:27-36
(Matius 5:38-48)
27Waktu Yesus ada kasi balajar orang banya, Antua bilang kata, “Dengar bae-bae! Kamong musti sayang kamong pung musu. Biking bae par orang yang binci kamong. 28Sombayang minta Tuhan kasi berkat par orang-orang yang kutok kamong. Sombayang lai par orang-orang yang suka biking jahat par kamong. 29Kalo orang tampeleng kamong pung pipi sabala, kasi pipi sabala lai. Kalo orang rampas kamong pung baju panjang luar, kasi tinggal dia ambe kamong pung baju lai. 30Kalo orang minta apapa dari kamong, kasi akang par dia. Deng kalo orang rampas kamong pung barang, jang minta akang lai. 31Apa yang kamong mau orang biking par kamong, biking akang jua par dong.#Matius 7:12
32Kalo kamong cuma sayang orang yang sayang kamong, jang harap Allah nanti balas apa yang kamong su biking tu. Barang, orang-orang bardosa jua sayang orang yang sayang dong! 33La kalo kamong cuma biking bae par orang-orang yang biking bae par kamong, jang harap Allah nanti balas apa yang kamong su biking tu. Barang, orang-orang bardosa jua biking macang bagitu lai. 34Tarus, kalo kamong cuma kasi pinjang apapa satu par orang yang bisa kasi pulang akang, jang harap Allah nanti balas apa yang kamong su biking tu. Barang, orang-orang bardosa jua kasi pinjang apapa satu par dong pung tamang yang bisa kasi pulang akang.
35Mar kamong jang biking macang bagitu-bagitu. Kamong musti sayang kamong pung musu. Biking bae par dong. La kalo kasi pinjang apapa satu, jang harap orang kasi pulang akang. Deng bagitu, Allah nanti balas deng kasi hadia basar par kamong. Deng bagitu jua, kamong kasi unju kalo kamong tu Allah yang Paleng Tinggi pung anana, tagal Antua pung hati bae par orang-orang yang seng tau minta dangke deng orang-orang yang jahat. 36Jadi, kamong musti pung hati bae par samua orang, sama deng kamong pung Bapa di sorga jua pung hati bae par samua orang.”
Jang suka batudu orang
6:37-42
(Matius 7:1-5)
37Yesus bilang lai kata, “Jang nilai orang laeng, biar kamong jua seng dapa nilai lai. Jang hukum orang laeng, biar kamong jua seng dapa hukum lai. Kasi ampong orang yang biking sala par kamong, biar kamong jua dapa kasi ampong lai. 38Kasi par orang laeng la Allah nanti kasi labe banya par kamong lai. Akang macang deng orang ukur apapa deng cupa sampe bombong la tindis akang, la tamba lai sampe tumpa-tumpa. Barang, deng ukurang yang kamong pake par orang laeng, Allah jua nanti pake akang par ukur kamong lai.”
39Tarus, Yesus bilang ande-ande satu lai par dong, “Bisa ka seng orang buta hentar orang buta? Pasti seng bisa to, tagal dua-dua nanti jatu dalang kolang.#Matius 15:14 40Ana murid seng bisa labe dari dia pung guru. Mar, kalo dia su abis balajar samua-samua dari dia pung guru, dia nanti sama deng dia pung guru tu.#Matius 10:24-25; Yohanis 13:16, 15:20
41Mangapa kong kamong lia ampas kayo dalang kamong pung sudara pung mata, mar seng taru kira balak dalang kamong pung mata sandiri? 42Bagemana kong kamong bisa bilang par kamong pung sudara kata, ‘Sudara e! Mari beta kasi kaluar ampas kayo tu dari ale pung mata’, mar kamong sandiri seng sadar deng balak dalang kamong pung mata? He orang munafik! Kasi kaluar balak dari kamong pung mata tu do, biar kamong bisa lia bae-bae par kasi kaluar ampas kayo dari kamong pung sudara pung mata.”
Orang pung kalakuang kasi unju dia pung hati
6:43-45
(Matius 12:33-35)
43Yesus bilang lai par orang banya tu kata, “Seng ada pohong yang bae yang kasi bua yang seng bae. Bagitu lai, seng ada pohong yang seng bae yang kasi bua yang bae. 44Barang, orang bisa tau pohong tu bagus ka seng dari akang pung bua. Masa orang pete bua ara dari rumpu baduri ka bua anggor dari rumpu karanjang? 45Bagitu lai, orang yang bae kasi kaluar apa yang bae dari dia pung hati yang bae. Mar, orang yang jahat kasi kaluar apa yang jahat dari dia pung hati yang jahat. Barang, apa yang kaluar dari orang pung mulu, akang asal dari hati.”
Orang yang iko Yesus pung kata-kata tetap kuat waktu susa deng sangsara
6:46-49
(Matius 7:24-27)
46Yesus bilang lai kata, “Mangapa kong kamong panggel Beta, ‘Tuhan, Tuhan!’, mar seng biking apa yang Beta bilang? 47Beta kasi conto bagini: Sapa sa yang datang par Beta la dengar Beta pung ajarang deng iko akang, 48dia sama deng orang yang biking ruma yang kuat. Dia gale tana sampe kadalang do baru taru akang pung pandasi di atas batu. Waktu hener datang hantam ruma tu, akang seng bagara tagal akang pung pandasi kuat. 49Mar sapa sa yang dengar Beta pung kata-kata deng seng iko akang, dia sama deng orang yang biking ruma di atas tana seng pake pandasi. Waktu hener datang hantam ruma tu, akang rubu rata deng tana.”
S'ha seleccionat:
Lukas 6: ABMA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku
Lukas 6
6
Yesus pung kuasa par hari Barenti Karja
6:1-5
(Matius 12:1-8; Markus 2:23-28)
1Satu kali bagini, pas orang Yahudi pung hari Barenti Karja, Yesus deng Antua pung murid-murid bajalang langgar kabong gandum. Waktu dong ada bajalang, Antua pung murid-murid pete gandum la goso-goso akang di dong pung dalang tangang sampe kuli talapas la makang akang pung isi.#Carita Ulang 23:25 2Mar, babarapa orang Farisi lia itu la bilang, “Mangapa kong kamong biking apa yang orang seng bole biking pas hari Barenti Karja ni?”
3Yesus bilang par dong kata, “Kamong seng parna baca apa yang Raja Daud biking waktu dia deng dia pung anana bua tu lapar ka? 4Dia maso ka dalang Tenda Sombayang, la ambe roti yang imam-imam su kasi par Allah, la makang akang. Dia jua kasi akang par dia pung anana bua makang lai.#1 Samuel 21:1-6 Dia tetap biking bagitu biar kata kalo iko atorang dalang Kitab Torat, cuma imam-imam sa yang bisa makang akang.”#Imam-Imam pung Atorang 24:5-9
5La Yesus bilang par dong, “Beta Ana Manusia ni pung kuasa par bilang apa yang orang bisa biking deng seng bisa biking di hari Barenti Karja.”
Yesus kasi bae satu orang pas hari Barenti Karja
6:6-11
(Matius 12:9-14; Markus 3:1-6)
6Pas orang Yahudi pung hari Barenti Karja yang laeng lai, Yesus maso ka orang Yahudi pung tampa sombayang la kasi balajar orang-orang. Di situ, ada satu orang yang pung tangang sabala kanang mati. 7Di situ jua ada guru-guru Torat deng orang-orang Farisi yang tinggal kong taru kira Antua tarus kata Antua mau kasi bae orang pas hari Barenti Karja tu ka seng. Dong biking bagitu par cari-cari alasang par kasi sala Antua. 8Mar Antua tau dong pung pikirang la bilang par orang yang pung tangang mati sabala tu kata, “Bu, mari bangong la badiri di tenga!” Jadi, dia bangong la badiri di tenga. 9Tarus Yesus tanya dong kata, “Kalo iko Kitab Torat, katong musti biking apa waktu hari Barenti Karja? Biking bae ka biking jahat? Kasi salamat ka bunu orang?”
10Antua nganga dong samua la bilang par orang yang pung tangang mati sabala tu kata, “Lunjur ale pung tangang tu kamari!”
Dia iko Antua pung parenta, la oras itu jua dia pung tangang bae.
11Mar guru-guru Torat deng orang-orang Farisi tu jumawa paskali la baku ator rencana par biking apa yang dong bisa biking par Yesus.
Yesus pili Antua pung murid sapulu dua orang
6:12-16
(Matius 10:1-4; Markus 3:13-19)
12Satu kali bagini, Yesus nai ka gunung satu par sombayang. Di situ Antua sombayang par Allah satu malang tare-tare. 13Waktu matahari su nai, Antua panggel Antua pung murid-murid la pili sapulu dua orang dari dong par jadi Antua pung utusang. 14Dong nama: Simon yang Antua panggel par Petrus, Simon pung sudara Andarias, Yakobis deng Yohanis, Filipus, Bartolomeus, 15Matius, Tomas, Yakobis yang pung bapa par Alpeus, Simon dari kalompok Selot,#6:15 Kalompok Selot tu satu kalompok orang Yahudi yang usaha par kasi bebas bangsa Yahudi dari pemerinta Roma. 16Yudas yang pung bapa par Yakobis, deng Yudas Iskariot#6:16 Yudas Iskariot tu pung arti, ‘Yudas dari kampong Kariot’. yang nanti jual Yesus.
Yesus kasi balajar orang banya deng kasi bae orang saki
6:17-19
(Matius 4:23-25)
17Abis Yesus pili Antua pung murid sapulu dua orang tu, Antua turung dari gunung deng dong la barenti di tampa rata satu. Di situ, Antua pung murid banya yang laeng lai su tunggu dong sama-sama deng orang banya kawang-kawang dari kota Yerusalem deng sagala tampa yang laeng di propinsi Yudea, deng dari kota Tirus deng kota Sidon yang ada di pinggir pante. 18Dong datang par dengar Antua pung ajarang deng minta Antua kasi bae dong yang saki. Orang-orang yang takanal jua datang lai la dong samua dapa kasi bae. 19Samua orang manggurebe sonto Antua, tagal ada kuasa yang kaluar dari Antua pung diri par kasi bae orang saki, la samua orang yang sonto Antua tu jadi bae.
Orang yang baruntung deng orang yang cilaka
6:20-26
(Matius 5:1-12)
20Yesus bale muka par Antua pung murid-murid la bilang kata,
“He kamong orang-orang kasiang, kamong tu paleng baruntung,
tagal kamong su jadi Allah pung orang-orang deng Antua pegang parenta jadi Raja par kamong.
21Kamong yang sakarang ni lapar, kamong tu paleng baruntung,
tagal Allah nanti kasi kanyang kamong.
Kamong yang sakarang ni marata, kamong tu paleng baruntung,
tagal Allah nanti biking kamong tatawa.
22Kamong paleng baruntung kalo orang binci kamong, user kamong, hina kamong, deng biking busu kamong pung nama tagal kamong iko Beta Ana Manusia ni.#1 Petrus 4:14
23Kalo orang biking macang bagitu par kamong, mari barsuka deng hati sanang. Barang, Allah nanti kasi hadia basar par kamong di sorga. Beta bilang bagitu, tagal orang yang biking jahat par kamong tu, dong pung tete-nene moyang jua biking macang bagitu dolo-dolo par Allah pung juru-juru bicara lai.#2 Orang Israel pung Sejara 36:16; Utusang pung Carita 7:52
24Kamong orang kaya, kamong tu cilaka!
Barang, sakarang di dunya ni kamong su puas deng kamong pung harta, mar kamong nanti seng dapa apapa lai.
25Kamong yang sakarang ni kanyang, kamong tu cilaka!
Barang, kamong nanti lapar.
Kamong yang sakarang ni tatawa, kamong tu cilaka!
Barang, kamong nanti marata.
26Kamong yang inging dapa puji, kamong tu cilaka!
Barang dolo-dolo jua, kamong pung tete-nene moyang puji-puji juru-juru bicara parlente lai.”
Sayang kamong pung musu
6:27-36
(Matius 5:38-48)
27Waktu Yesus ada kasi balajar orang banya, Antua bilang kata, “Dengar bae-bae! Kamong musti sayang kamong pung musu. Biking bae par orang yang binci kamong. 28Sombayang minta Tuhan kasi berkat par orang-orang yang kutok kamong. Sombayang lai par orang-orang yang suka biking jahat par kamong. 29Kalo orang tampeleng kamong pung pipi sabala, kasi pipi sabala lai. Kalo orang rampas kamong pung baju panjang luar, kasi tinggal dia ambe kamong pung baju lai. 30Kalo orang minta apapa dari kamong, kasi akang par dia. Deng kalo orang rampas kamong pung barang, jang minta akang lai. 31Apa yang kamong mau orang biking par kamong, biking akang jua par dong.#Matius 7:12
32Kalo kamong cuma sayang orang yang sayang kamong, jang harap Allah nanti balas apa yang kamong su biking tu. Barang, orang-orang bardosa jua sayang orang yang sayang dong! 33La kalo kamong cuma biking bae par orang-orang yang biking bae par kamong, jang harap Allah nanti balas apa yang kamong su biking tu. Barang, orang-orang bardosa jua biking macang bagitu lai. 34Tarus, kalo kamong cuma kasi pinjang apapa satu par orang yang bisa kasi pulang akang, jang harap Allah nanti balas apa yang kamong su biking tu. Barang, orang-orang bardosa jua kasi pinjang apapa satu par dong pung tamang yang bisa kasi pulang akang.
35Mar kamong jang biking macang bagitu-bagitu. Kamong musti sayang kamong pung musu. Biking bae par dong. La kalo kasi pinjang apapa satu, jang harap orang kasi pulang akang. Deng bagitu, Allah nanti balas deng kasi hadia basar par kamong. Deng bagitu jua, kamong kasi unju kalo kamong tu Allah yang Paleng Tinggi pung anana, tagal Antua pung hati bae par orang-orang yang seng tau minta dangke deng orang-orang yang jahat. 36Jadi, kamong musti pung hati bae par samua orang, sama deng kamong pung Bapa di sorga jua pung hati bae par samua orang.”
Jang suka batudu orang
6:37-42
(Matius 7:1-5)
37Yesus bilang lai kata, “Jang nilai orang laeng, biar kamong jua seng dapa nilai lai. Jang hukum orang laeng, biar kamong jua seng dapa hukum lai. Kasi ampong orang yang biking sala par kamong, biar kamong jua dapa kasi ampong lai. 38Kasi par orang laeng la Allah nanti kasi labe banya par kamong lai. Akang macang deng orang ukur apapa deng cupa sampe bombong la tindis akang, la tamba lai sampe tumpa-tumpa. Barang, deng ukurang yang kamong pake par orang laeng, Allah jua nanti pake akang par ukur kamong lai.”
39Tarus, Yesus bilang ande-ande satu lai par dong, “Bisa ka seng orang buta hentar orang buta? Pasti seng bisa to, tagal dua-dua nanti jatu dalang kolang.#Matius 15:14 40Ana murid seng bisa labe dari dia pung guru. Mar, kalo dia su abis balajar samua-samua dari dia pung guru, dia nanti sama deng dia pung guru tu.#Matius 10:24-25; Yohanis 13:16, 15:20
41Mangapa kong kamong lia ampas kayo dalang kamong pung sudara pung mata, mar seng taru kira balak dalang kamong pung mata sandiri? 42Bagemana kong kamong bisa bilang par kamong pung sudara kata, ‘Sudara e! Mari beta kasi kaluar ampas kayo tu dari ale pung mata’, mar kamong sandiri seng sadar deng balak dalang kamong pung mata? He orang munafik! Kasi kaluar balak dari kamong pung mata tu do, biar kamong bisa lia bae-bae par kasi kaluar ampas kayo dari kamong pung sudara pung mata.”
Orang pung kalakuang kasi unju dia pung hati
6:43-45
(Matius 12:33-35)
43Yesus bilang lai par orang banya tu kata, “Seng ada pohong yang bae yang kasi bua yang seng bae. Bagitu lai, seng ada pohong yang seng bae yang kasi bua yang bae. 44Barang, orang bisa tau pohong tu bagus ka seng dari akang pung bua. Masa orang pete bua ara dari rumpu baduri ka bua anggor dari rumpu karanjang? 45Bagitu lai, orang yang bae kasi kaluar apa yang bae dari dia pung hati yang bae. Mar, orang yang jahat kasi kaluar apa yang jahat dari dia pung hati yang jahat. Barang, apa yang kaluar dari orang pung mulu, akang asal dari hati.”
Orang yang iko Yesus pung kata-kata tetap kuat waktu susa deng sangsara
6:46-49
(Matius 7:24-27)
46Yesus bilang lai kata, “Mangapa kong kamong panggel Beta, ‘Tuhan, Tuhan!’, mar seng biking apa yang Beta bilang? 47Beta kasi conto bagini: Sapa sa yang datang par Beta la dengar Beta pung ajarang deng iko akang, 48dia sama deng orang yang biking ruma yang kuat. Dia gale tana sampe kadalang do baru taru akang pung pandasi di atas batu. Waktu hener datang hantam ruma tu, akang seng bagara tagal akang pung pandasi kuat. 49Mar sapa sa yang dengar Beta pung kata-kata deng seng iko akang, dia sama deng orang yang biking ruma di atas tana seng pake pandasi. Waktu hener datang hantam ruma tu, akang rubu rata deng tana.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku