Lukas 9
9
Yesus utus Antua pung murid sapulu dua orang
9:1-6
(Matius 10:5-11; Markus 6:7-13)
1Satu kali bagini, Yesus panggel Antua pung murid sapulu dua orang tu la kasi hak deng kuasa par dong par user setang-setang deng kasi bae panyaki-panyaki. 2Abis itu, Antua utus dong par kasi tau orang-orang soal bagemana Allah pegang parenta jadi Raja deng par kasi bae orang-orang saki. 3Antua pasáng par dong kata, “Waktu kamong pi, jang bawa apapa lai. Jang bawa tongka, tas, bakal, kepeng, ka baju ganti lai.#Lukas 10:4-11 4Kalo kamong sampe di tampa satu la ada orang yang mau tarima kamong manumpang di dia pung ruma, tinggal di ruma tu sa sampe kamong kaluar dari tampa tu. 5Mar, kalo kamong sampe di tampa satu la orang-orang di situ seng mau tarima kamong, pi kasi tinggal dong pung kota tu la kabas abu dari kamong pung kaki par jadi tanda par dong kalo Allah nanti seng tarima dong.”#Utusang pung Carita 13:51
6La dong pi koliling sagala kampong par kasi tau Kabar Bae deng kasi bae orang-orang saki di mana-mana.
Herodes balisa deng takotang soal Yesus
9:7-9
(Matius 14:1-12; Markus 6:14-29)
7Barita soal tanda-tanda herang yang Yesus biking tu su sampe ka Gubernur Herodes#9:7 Gubernur Herodes: Ini ni Herodes Antipas, Herodes Basar pung ana satu. pung talingang la dia pung hati balisa. Barang, ada orang yang bilang kata, “Dia tu Yohanis Tukang Baptis yang su hidop kombali.” 8Ada jua yang bilang, “Dia tu Allah pung Juru Bicara Elia yang su muncul kombali.” Mar ada lai yang bilang kata, “Dia tu satu dari Allah pung juru-juru bicara dolo-dolo yang su hidop kombali.”#Matius 16:14; Markus 8:28; Lukas 9:19
9Mar Herodes bilang, “Beta su suru orang potong Yohanis pung kapala! Jadi Dia ni sapa lai? Beta su dengar carita banya soal Dia.” Abis itu, Herodes cari jalang par baku dapa deng Yesus.
Yesus kasi makang labe dari lima ribu orang
9:10-17
(Matius 14:13-21; Markus 6:30-44; Yohanis 6:1-13)
10Waktu Yesus pung murid sapulu dua orang yang Antua utus tu bale, dong carita samua yang dong su biking tu par Antua. Tarus, Antua bawa dong ka tampa sunyi di pinggir kota Betsaida, biar dong bisa sandiri. 11Mar orang banya tau soal itu, jadi dong iko Antua. La Antua tarima dong la bicara soal bagemana Allah pegang parenta jadi Raja. Antua jua kasi bae orang-orang saki.
12Akang pung amper malang, Antua pung murid sapulu dua tu datang par Antua la bilang kata, “Tuang Guru e, suru orang banya ni pi ka kampong-kampong yang ada di dekat-dekat sini jua, biar dong bisa cari makang deng tampa par tidor, tagal ini ni tampa sunyi.”
13Mar Yesus bilang par dong, “Kamong yang musti kasi makang dong!”
La dong bilang par Antua kata, “Katong cuma pung roti lima bua deng ikang dua ekor. Kalo katong pi bali makanang tamba lai, baru katong bisa kasi makang dong samua.” 14Dong bilang bagitu, tagal di situ ada mangkali barang lima ribu laki-laki kapa. Itu jua balong rekeng parampuang deng anana lai.
La Yesus bilang par Antua pung murid-murid kata, “Suru orang banya tu dudu kalompok-kalompok. Satu kalompok kira-kira lima pulu orang.”
15Murid-murid tu biking apa yang Antua bilang par dong la orang banya tu dudu. 16Abis itu, Yesus ambe roti lima bua deng ikang dua ekor tu, la angka muka ka langit, la sombayang minta dangke dari Allah par akang. Abis itu Antua pata-pata roti deng ikang tu, la kasi akang par Antua pung murid-murid par bage-bage akang par orang banya. 17Dong samua makang sampe kanyang. Abis itu, Antua pung murid-murid bajalang kumpul panggal-panggal roti deng ikang-ikang sisa. Samua ada sapulu dua bakol.
Petrus mangaku kalo Yesus tu Orang yang Allah su Angka par Kasi Salamat Manusia
9:18-22
(Matius 16:13-28; Markus 8:27—9:1)
18Satu kali bagini, Yesus ada sombayang sandiri la Antua pung murid-murid ada di situ, seng jau dari Antua. Abis sombayang, Antua tanya dong kata, “E, kalo kamong dengar-dengar, orang banya bilang Beta ni sapa?”
19Dong jawab Antua kata, “Ada yang bilang kata Tuang Guru tu Yohanis Tukang Baptis yang su hidop kombali. Ada lai yang bilang kata Tuang Guru tu Allah pung Juru Bicara Elia yang su muncul kombali. Mar ada jua yang bilang kata Tuang Guru tu satu dari Allah pung juru-juru bicara dolo-dolo yang su hidop kombali.”#Matius 14:1-2; Markus 6:14-15; Lukas 9:7-8
20Tarus, Antua tanya dong kata, “Mar kalo iko kamong sandiri, Beta ni sapa?”
La Petrus jawab, “Tuang Guru ni Orang yang Allah su Angka par Kasi Salamat Manusia.”#Yohanis 6:68-69 21Tarus, Antua larang dong par jang paskali kasi tau akang par sapa-sapa.
22La Yesus bilang lai kata, “Beta Ana Manusia ni musti pikol sangsara yang barát. Orang Yahudi pung pamimping-pamimping, imam-imam kapala, deng guru-guru Torat nanti seng mau tarima Beta. Dong nanti bunu Beta, mar akang pung tiga hari, Beta nanti dapa kasi hidop kombali.”
Orang parcaya pung cara hidop
9:23-27
(Matius 16:21-28; Markus 8:31—9:1)
23La Yesus bilang par samua orang yang ada di situ kata, “Sapa yang mau iko Beta, dia musti manyangkal dia pung diri la iko Beta. Dia musti pikol dia pung salib sabang hari. Beta pung maksud, dia musti salalu siap par dapa biking malu deng dapa siksa, biar kata sampe mati lai. 24Tagal sapa yang usaha par kasi salamat dia pung diri, dia nanti seng bisa hidop tarus-tarus deng Allah. Mar sapa yang siap mati tagal iko Beta, dia nanti hidop tarus-tarus deng Allah.#Matius 10:39; Lukas 17:33; Yohanis 12:25 25Guna apa satu orang dapa dunya ni lapis deng akang pung isi samua, mar dia sandiri seng bisa hidop tarus-tarus deng Allah? 26Jadi, jang malu par mangaku kalo kamong iko Beta deng Beta pung ajarang. Tagal sapa yang malu, Beta Ana Manusia ni jua nanti malu par mangaku kalo dia tu Beta pung murid waktu Beta bale kombali. Waktu itu, Beta nanti bale deng Beta pung kuasa yang hebat, Beta pung Bapa pung kuasa yang hebat, deng malekat-malekat kudus yang hebat. 27Dengar bae-bae tagal apa yang Beta bilang ni batul! Dari kamong samua yang ada di sini, ada satu dua orang yang nanti balong mati sampe dong lia Allah pegang parenta jadi Raja.”
Yesus pung murid-murid lia Antua pung kuasa yang hebat di atas gunung
9:28-36
(Matius 17:1-8; Markus 9:2-8)
28Abis Yesus kasi balajar samua tu, lewat dalapang hari bagitu, Antua bawa Petrus, Yohanis, deng Yakobis pi ka gunung par sombayang. 29Waktu Antua ada sombayang, Antua pung muka lia laeng deng Antua pung pakiang jadi paleng puti mangkilat-mangkilat. 30Skrek bagini, Allah pung Juru Bicara Musa deng Elia muncul la bicara deng Yesus, 31dalang sinar tarang dari sorga. Dong bicara kalo seng lama lai Yesus mau mati di kota Yerusalem, iko Allah pung rencana.
32Waktu itu, Petrus deng dia pung tamang-tamang su dapa tidor mati. Waktu dong bangong, dong lia Yesus ada dalang sinar tarang dari sorga la dua orang yang laeng tu ada badiri dekat Antua. 33La waktu dong dua tu mau pi kasi tinggal Yesus, Petrus bilang par Antua kata, “Tuang Guru e, katong paleng sanang ada di sini. Bagemana kalo katong biking walang tiga bua di sini? Satu par Tuang Guru, satu par Musa, deng satu lai par Elia.” (Dia bilang bagitu tagal dia seng tau mau bilang apa lai.)
34Waktu dia ada bicara, awang datang tutu dong samua la Petrus deng dia pung tamang-tamang tu taku waktu ada dalang awang tu. 35La ada suara dari dalang awang tu kata, “Ini ni Beta pung Ana yang Beta su pili par Beta pung maksud yang kusus. Kamong musti dengar Dia!”#Yesaya 42:1; Matius 3:17, 12:18; Markus 1:11; Lukas 3:22; 2 Petrus 1:17-18
36Waktu suara tu su ilang, dong lia bagini, tinggal Yesus sandiri sa. Dong seng carita-carita akang par sapa-sapa lai waktu itu. Dong tutu akang mati.
Yesus kasi bae ana satu yang takanal
9:37-43a
(Matius 17:14-21; Markus 9:14-29)
37Akang pung eso bagini, Yesus deng Antua pung murid tiga tu turung dari gunung la orang banya datang par baku dapa Antua. 38Skrek bagini, laki-laki satu bataria dari tenga-tenga orang banya tu kata, “Sio Tuang Guru e, tolong lia beta pung ana do! Dia tu beta pung ana satu areng-areng, Tuang Guru e, 39mar dia ada takanal. Kalo dia takanal, skrek lai dia bataria-bataria. Setang tu goyang-goyang dia sampe skoim kaluar dari dia pung mulu. Akang tinggal kong bambang dia tarus macang bagitu deng biking dia stenga mati. 40Beta su minta Tuang Guru pung murid-murid par user akang, mar dong seng bisa.”
41La Antua bilang par dong, “Hoe kamong manusia jamang sakarang yang tar parcaya Allah deng yang ilang jalang e! Sampe apa tempo Beta musti tinggal deng kamong? Sampe apa tempo Beta musti sabar deng kamong?”
Abis itu, Yesus bilang par ana tu pung bapa kata, “Bawa ale pung ana tu kamari!”
42Waktu dong bawa ana tu par Yesus, setang yang ada dalang ana tu banting dia ka tana deng goyang-goyang dia. Mar Yesus hokmat setang tu la ana tu bae. Abis itu Antua kasi ana tu par dia pung bapa. 43aSamua orang yang lia Allah pung kuasa yang basar tu, dong taherang-herang.
Yesus kasi tau kalo Antua nanti mati
9:43b-45
(Matius 17:22-23; Markus 9:30-32)
43bWaktu orang banya tu masi taherang-herang lia samua yang Yesus biking, Antua bilang par Antua pung murid-murid kata, 44“Dengar apa yang Beta mau bilang ni bae-bae! Seng lama lai Beta Ana Manusia ni nanti dapa jual par orang-orang yang pung kuasa.”
45Mar Antua pung murid-murid seng mangarti apa yang Antua bilang tu. Akang pung arti masi tatutu dari dong, sampe dong seng mangarti akang. Mar, dong jua taku par tanya akang dari Antua.
Sapa yang paleng basar
9:46-48
(Matius 18:1-5; Markus 9:33-37)
46Yesus pung murid-murid mulai baku malawang kata sapa dari dong yang paleng basar.#Lukas 22:24 47Mar Yesus tau dong pung jalang pikirang. Jadi, Antua ambe ana kacil satu yang ada di situ la kasi badiri dia di pinggir Antua. 48La Antua bilang par Antua pung murid-murid kata, “Kalo orang yang parcaya Beta tarima satu dari orang-orang yang seng pung arti apapa macang deng ana kacil ni, itu dia su tarima Beta. La sapa yang tarima Beta, itu dia su tarima Allah yang utus Beta.#Matius 10:40; Lukas 10:16; Yohanis 13:20 Jadi, sapa dari kamong yang anggap diri seng pung arti apapa, dia tu yang paleng basar di muka Allah.”
Sapa yang satu kalompok deng Yesus
9:49-50
(Markus 9:38-40)
49Tarus, Yohanis bilang par Yesus kata, “Tuang Guru e, katong lia satu orang user setang deng Tuang Guru pung nama. Katong larang dia, tagal dia seng satu kalompok deng katong.”
50Mar Yesus bilang, “Jang larang dia! Tagal sapa sa yang seng malawang kamong, dia tu satu kalompok deng kamong.”
Orang Samaria seng mau tarima Yesus
9:51-56
51Waktu Yesus pung waktu par nai ka sorga su dekat, Antua putus par pi ka kota Yerusalem. 52Tarus, Antua suru babarapa orang pi kamuka Antua. La dong pi ka kampong satu di daera Samaria par kasi siap tampa satu par Antua di kampong tu. 53Mar orang-orang Samaria tu seng mau tarima Antua tagal dong tau kalo Antua mau pi ka Yerusalem. 54Waktu Antua pung murid dua nama Yakobis deng Yohanis dapa tau soal itu, dong bilang par Antua kata, “Tuhan#9:54 Tuhan: Dalang teks bahasa Yunani, pake kata kurie di sini. Akang pung arti luas, bisa ‘Tuhan’, ‘tuang’, ‘bapa’, ka ‘guru’. Seng jelas kalo dong tau Yesus tu Allah ka seng, mar waktu dong panggel Yesus deng kata ni, dong mangaku kalo Antua tu dong pung tuang yang dong musti iko Antua pung parenta, ka Antua tu yang dong musti hormat. e, Tuhan mau ka seng katong parenta api turung dari sorga par kasi binasa dong samua?”#2 Raja-Raja 1:9-16
55Mar Yesus bale lia dong dua la tagor dong. 56Abis itu, Yesus dong bajalang tarus sampe ka kampong satu lai.
Nasehat par orang yang mau iko Yesus
9:57-62
(Matius 8:19-22)
57Waktu Yesus deng Antua pung murid-murid ada bajalang, ada satu orang bilang par Antua kata, “Tuang Guru e, Beta mau jadi Tuang Guru pung murid. Biar kata Tuang Guru mau pi ka mana sa, beta mau iko Tuang Guru tarus.”
58Tarus Yesus bilang kata, “Anjing utang ada pung tampa par tidor, burung jua ada pung sarang. Mar Beta Ana Manusia ni, Beta seng ada pung tampa par taru kapala.”
59La Yesus bale bilang par orang laeng lai kata, “Mari iko Beta la jadi Beta pung murid!”
Mar dia bilang kata, “Tuang Guru e, kasi ijin beta pulang bakubur beta pung bapa do baru beta iko Tuang Guru.”
60Yesus bilang lai kata, “Orang yang seng parcaya Beta, dong tu macang deng orang mati. Jadi, kasi tinggal orang-orang mati bakubur dong pung orang-orang mati! Mar ale, pi carita par sapa sa soal bagemana Allah pegang parenta jadi Raja.”
61La orang laeng lai bilang par Antua kata, “Tuang Guru e, beta mau iko Tuang Guru. Mar, kasi ijin beta pulang kasi tau beta pung basudara do baru beta iko Tuang Guru.”#1 Raja-Raja 19:20
62Mar Yesus bilang par dia kata, “Orang yang su mulai bapacol di kabong la tinggal kong nganga ka balakang, dia pung karja jadi seng batul, jadi dia seng pantas karja di kabong tu. Bagitu lai deng orang yang mau karja par Allah. Kalo dia tinggal kong inga-inga dia pung samua-samua di dunya ni, dia pung karja jadi seng batul, jadi dia seng pantas par karja par Antua.”
S'ha seleccionat:
Lukas 9: ABMA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku
Lukas 9
9
Yesus utus Antua pung murid sapulu dua orang
9:1-6
(Matius 10:5-11; Markus 6:7-13)
1Satu kali bagini, Yesus panggel Antua pung murid sapulu dua orang tu la kasi hak deng kuasa par dong par user setang-setang deng kasi bae panyaki-panyaki. 2Abis itu, Antua utus dong par kasi tau orang-orang soal bagemana Allah pegang parenta jadi Raja deng par kasi bae orang-orang saki. 3Antua pasáng par dong kata, “Waktu kamong pi, jang bawa apapa lai. Jang bawa tongka, tas, bakal, kepeng, ka baju ganti lai.#Lukas 10:4-11 4Kalo kamong sampe di tampa satu la ada orang yang mau tarima kamong manumpang di dia pung ruma, tinggal di ruma tu sa sampe kamong kaluar dari tampa tu. 5Mar, kalo kamong sampe di tampa satu la orang-orang di situ seng mau tarima kamong, pi kasi tinggal dong pung kota tu la kabas abu dari kamong pung kaki par jadi tanda par dong kalo Allah nanti seng tarima dong.”#Utusang pung Carita 13:51
6La dong pi koliling sagala kampong par kasi tau Kabar Bae deng kasi bae orang-orang saki di mana-mana.
Herodes balisa deng takotang soal Yesus
9:7-9
(Matius 14:1-12; Markus 6:14-29)
7Barita soal tanda-tanda herang yang Yesus biking tu su sampe ka Gubernur Herodes#9:7 Gubernur Herodes: Ini ni Herodes Antipas, Herodes Basar pung ana satu. pung talingang la dia pung hati balisa. Barang, ada orang yang bilang kata, “Dia tu Yohanis Tukang Baptis yang su hidop kombali.” 8Ada jua yang bilang, “Dia tu Allah pung Juru Bicara Elia yang su muncul kombali.” Mar ada lai yang bilang kata, “Dia tu satu dari Allah pung juru-juru bicara dolo-dolo yang su hidop kombali.”#Matius 16:14; Markus 8:28; Lukas 9:19
9Mar Herodes bilang, “Beta su suru orang potong Yohanis pung kapala! Jadi Dia ni sapa lai? Beta su dengar carita banya soal Dia.” Abis itu, Herodes cari jalang par baku dapa deng Yesus.
Yesus kasi makang labe dari lima ribu orang
9:10-17
(Matius 14:13-21; Markus 6:30-44; Yohanis 6:1-13)
10Waktu Yesus pung murid sapulu dua orang yang Antua utus tu bale, dong carita samua yang dong su biking tu par Antua. Tarus, Antua bawa dong ka tampa sunyi di pinggir kota Betsaida, biar dong bisa sandiri. 11Mar orang banya tau soal itu, jadi dong iko Antua. La Antua tarima dong la bicara soal bagemana Allah pegang parenta jadi Raja. Antua jua kasi bae orang-orang saki.
12Akang pung amper malang, Antua pung murid sapulu dua tu datang par Antua la bilang kata, “Tuang Guru e, suru orang banya ni pi ka kampong-kampong yang ada di dekat-dekat sini jua, biar dong bisa cari makang deng tampa par tidor, tagal ini ni tampa sunyi.”
13Mar Yesus bilang par dong, “Kamong yang musti kasi makang dong!”
La dong bilang par Antua kata, “Katong cuma pung roti lima bua deng ikang dua ekor. Kalo katong pi bali makanang tamba lai, baru katong bisa kasi makang dong samua.” 14Dong bilang bagitu, tagal di situ ada mangkali barang lima ribu laki-laki kapa. Itu jua balong rekeng parampuang deng anana lai.
La Yesus bilang par Antua pung murid-murid kata, “Suru orang banya tu dudu kalompok-kalompok. Satu kalompok kira-kira lima pulu orang.”
15Murid-murid tu biking apa yang Antua bilang par dong la orang banya tu dudu. 16Abis itu, Yesus ambe roti lima bua deng ikang dua ekor tu, la angka muka ka langit, la sombayang minta dangke dari Allah par akang. Abis itu Antua pata-pata roti deng ikang tu, la kasi akang par Antua pung murid-murid par bage-bage akang par orang banya. 17Dong samua makang sampe kanyang. Abis itu, Antua pung murid-murid bajalang kumpul panggal-panggal roti deng ikang-ikang sisa. Samua ada sapulu dua bakol.
Petrus mangaku kalo Yesus tu Orang yang Allah su Angka par Kasi Salamat Manusia
9:18-22
(Matius 16:13-28; Markus 8:27—9:1)
18Satu kali bagini, Yesus ada sombayang sandiri la Antua pung murid-murid ada di situ, seng jau dari Antua. Abis sombayang, Antua tanya dong kata, “E, kalo kamong dengar-dengar, orang banya bilang Beta ni sapa?”
19Dong jawab Antua kata, “Ada yang bilang kata Tuang Guru tu Yohanis Tukang Baptis yang su hidop kombali. Ada lai yang bilang kata Tuang Guru tu Allah pung Juru Bicara Elia yang su muncul kombali. Mar ada jua yang bilang kata Tuang Guru tu satu dari Allah pung juru-juru bicara dolo-dolo yang su hidop kombali.”#Matius 14:1-2; Markus 6:14-15; Lukas 9:7-8
20Tarus, Antua tanya dong kata, “Mar kalo iko kamong sandiri, Beta ni sapa?”
La Petrus jawab, “Tuang Guru ni Orang yang Allah su Angka par Kasi Salamat Manusia.”#Yohanis 6:68-69 21Tarus, Antua larang dong par jang paskali kasi tau akang par sapa-sapa.
22La Yesus bilang lai kata, “Beta Ana Manusia ni musti pikol sangsara yang barát. Orang Yahudi pung pamimping-pamimping, imam-imam kapala, deng guru-guru Torat nanti seng mau tarima Beta. Dong nanti bunu Beta, mar akang pung tiga hari, Beta nanti dapa kasi hidop kombali.”
Orang parcaya pung cara hidop
9:23-27
(Matius 16:21-28; Markus 8:31—9:1)
23La Yesus bilang par samua orang yang ada di situ kata, “Sapa yang mau iko Beta, dia musti manyangkal dia pung diri la iko Beta. Dia musti pikol dia pung salib sabang hari. Beta pung maksud, dia musti salalu siap par dapa biking malu deng dapa siksa, biar kata sampe mati lai. 24Tagal sapa yang usaha par kasi salamat dia pung diri, dia nanti seng bisa hidop tarus-tarus deng Allah. Mar sapa yang siap mati tagal iko Beta, dia nanti hidop tarus-tarus deng Allah.#Matius 10:39; Lukas 17:33; Yohanis 12:25 25Guna apa satu orang dapa dunya ni lapis deng akang pung isi samua, mar dia sandiri seng bisa hidop tarus-tarus deng Allah? 26Jadi, jang malu par mangaku kalo kamong iko Beta deng Beta pung ajarang. Tagal sapa yang malu, Beta Ana Manusia ni jua nanti malu par mangaku kalo dia tu Beta pung murid waktu Beta bale kombali. Waktu itu, Beta nanti bale deng Beta pung kuasa yang hebat, Beta pung Bapa pung kuasa yang hebat, deng malekat-malekat kudus yang hebat. 27Dengar bae-bae tagal apa yang Beta bilang ni batul! Dari kamong samua yang ada di sini, ada satu dua orang yang nanti balong mati sampe dong lia Allah pegang parenta jadi Raja.”
Yesus pung murid-murid lia Antua pung kuasa yang hebat di atas gunung
9:28-36
(Matius 17:1-8; Markus 9:2-8)
28Abis Yesus kasi balajar samua tu, lewat dalapang hari bagitu, Antua bawa Petrus, Yohanis, deng Yakobis pi ka gunung par sombayang. 29Waktu Antua ada sombayang, Antua pung muka lia laeng deng Antua pung pakiang jadi paleng puti mangkilat-mangkilat. 30Skrek bagini, Allah pung Juru Bicara Musa deng Elia muncul la bicara deng Yesus, 31dalang sinar tarang dari sorga. Dong bicara kalo seng lama lai Yesus mau mati di kota Yerusalem, iko Allah pung rencana.
32Waktu itu, Petrus deng dia pung tamang-tamang su dapa tidor mati. Waktu dong bangong, dong lia Yesus ada dalang sinar tarang dari sorga la dua orang yang laeng tu ada badiri dekat Antua. 33La waktu dong dua tu mau pi kasi tinggal Yesus, Petrus bilang par Antua kata, “Tuang Guru e, katong paleng sanang ada di sini. Bagemana kalo katong biking walang tiga bua di sini? Satu par Tuang Guru, satu par Musa, deng satu lai par Elia.” (Dia bilang bagitu tagal dia seng tau mau bilang apa lai.)
34Waktu dia ada bicara, awang datang tutu dong samua la Petrus deng dia pung tamang-tamang tu taku waktu ada dalang awang tu. 35La ada suara dari dalang awang tu kata, “Ini ni Beta pung Ana yang Beta su pili par Beta pung maksud yang kusus. Kamong musti dengar Dia!”#Yesaya 42:1; Matius 3:17, 12:18; Markus 1:11; Lukas 3:22; 2 Petrus 1:17-18
36Waktu suara tu su ilang, dong lia bagini, tinggal Yesus sandiri sa. Dong seng carita-carita akang par sapa-sapa lai waktu itu. Dong tutu akang mati.
Yesus kasi bae ana satu yang takanal
9:37-43a
(Matius 17:14-21; Markus 9:14-29)
37Akang pung eso bagini, Yesus deng Antua pung murid tiga tu turung dari gunung la orang banya datang par baku dapa Antua. 38Skrek bagini, laki-laki satu bataria dari tenga-tenga orang banya tu kata, “Sio Tuang Guru e, tolong lia beta pung ana do! Dia tu beta pung ana satu areng-areng, Tuang Guru e, 39mar dia ada takanal. Kalo dia takanal, skrek lai dia bataria-bataria. Setang tu goyang-goyang dia sampe skoim kaluar dari dia pung mulu. Akang tinggal kong bambang dia tarus macang bagitu deng biking dia stenga mati. 40Beta su minta Tuang Guru pung murid-murid par user akang, mar dong seng bisa.”
41La Antua bilang par dong, “Hoe kamong manusia jamang sakarang yang tar parcaya Allah deng yang ilang jalang e! Sampe apa tempo Beta musti tinggal deng kamong? Sampe apa tempo Beta musti sabar deng kamong?”
Abis itu, Yesus bilang par ana tu pung bapa kata, “Bawa ale pung ana tu kamari!”
42Waktu dong bawa ana tu par Yesus, setang yang ada dalang ana tu banting dia ka tana deng goyang-goyang dia. Mar Yesus hokmat setang tu la ana tu bae. Abis itu Antua kasi ana tu par dia pung bapa. 43aSamua orang yang lia Allah pung kuasa yang basar tu, dong taherang-herang.
Yesus kasi tau kalo Antua nanti mati
9:43b-45
(Matius 17:22-23; Markus 9:30-32)
43bWaktu orang banya tu masi taherang-herang lia samua yang Yesus biking, Antua bilang par Antua pung murid-murid kata, 44“Dengar apa yang Beta mau bilang ni bae-bae! Seng lama lai Beta Ana Manusia ni nanti dapa jual par orang-orang yang pung kuasa.”
45Mar Antua pung murid-murid seng mangarti apa yang Antua bilang tu. Akang pung arti masi tatutu dari dong, sampe dong seng mangarti akang. Mar, dong jua taku par tanya akang dari Antua.
Sapa yang paleng basar
9:46-48
(Matius 18:1-5; Markus 9:33-37)
46Yesus pung murid-murid mulai baku malawang kata sapa dari dong yang paleng basar.#Lukas 22:24 47Mar Yesus tau dong pung jalang pikirang. Jadi, Antua ambe ana kacil satu yang ada di situ la kasi badiri dia di pinggir Antua. 48La Antua bilang par Antua pung murid-murid kata, “Kalo orang yang parcaya Beta tarima satu dari orang-orang yang seng pung arti apapa macang deng ana kacil ni, itu dia su tarima Beta. La sapa yang tarima Beta, itu dia su tarima Allah yang utus Beta.#Matius 10:40; Lukas 10:16; Yohanis 13:20 Jadi, sapa dari kamong yang anggap diri seng pung arti apapa, dia tu yang paleng basar di muka Allah.”
Sapa yang satu kalompok deng Yesus
9:49-50
(Markus 9:38-40)
49Tarus, Yohanis bilang par Yesus kata, “Tuang Guru e, katong lia satu orang user setang deng Tuang Guru pung nama. Katong larang dia, tagal dia seng satu kalompok deng katong.”
50Mar Yesus bilang, “Jang larang dia! Tagal sapa sa yang seng malawang kamong, dia tu satu kalompok deng kamong.”
Orang Samaria seng mau tarima Yesus
9:51-56
51Waktu Yesus pung waktu par nai ka sorga su dekat, Antua putus par pi ka kota Yerusalem. 52Tarus, Antua suru babarapa orang pi kamuka Antua. La dong pi ka kampong satu di daera Samaria par kasi siap tampa satu par Antua di kampong tu. 53Mar orang-orang Samaria tu seng mau tarima Antua tagal dong tau kalo Antua mau pi ka Yerusalem. 54Waktu Antua pung murid dua nama Yakobis deng Yohanis dapa tau soal itu, dong bilang par Antua kata, “Tuhan#9:54 Tuhan: Dalang teks bahasa Yunani, pake kata kurie di sini. Akang pung arti luas, bisa ‘Tuhan’, ‘tuang’, ‘bapa’, ka ‘guru’. Seng jelas kalo dong tau Yesus tu Allah ka seng, mar waktu dong panggel Yesus deng kata ni, dong mangaku kalo Antua tu dong pung tuang yang dong musti iko Antua pung parenta, ka Antua tu yang dong musti hormat. e, Tuhan mau ka seng katong parenta api turung dari sorga par kasi binasa dong samua?”#2 Raja-Raja 1:9-16
55Mar Yesus bale lia dong dua la tagor dong. 56Abis itu, Yesus dong bajalang tarus sampe ka kampong satu lai.
Nasehat par orang yang mau iko Yesus
9:57-62
(Matius 8:19-22)
57Waktu Yesus deng Antua pung murid-murid ada bajalang, ada satu orang bilang par Antua kata, “Tuang Guru e, Beta mau jadi Tuang Guru pung murid. Biar kata Tuang Guru mau pi ka mana sa, beta mau iko Tuang Guru tarus.”
58Tarus Yesus bilang kata, “Anjing utang ada pung tampa par tidor, burung jua ada pung sarang. Mar Beta Ana Manusia ni, Beta seng ada pung tampa par taru kapala.”
59La Yesus bale bilang par orang laeng lai kata, “Mari iko Beta la jadi Beta pung murid!”
Mar dia bilang kata, “Tuang Guru e, kasi ijin beta pulang bakubur beta pung bapa do baru beta iko Tuang Guru.”
60Yesus bilang lai kata, “Orang yang seng parcaya Beta, dong tu macang deng orang mati. Jadi, kasi tinggal orang-orang mati bakubur dong pung orang-orang mati! Mar ale, pi carita par sapa sa soal bagemana Allah pegang parenta jadi Raja.”
61La orang laeng lai bilang par Antua kata, “Tuang Guru e, beta mau iko Tuang Guru. Mar, kasi ijin beta pulang kasi tau beta pung basudara do baru beta iko Tuang Guru.”#1 Raja-Raja 19:20
62Mar Yesus bilang par dia kata, “Orang yang su mulai bapacol di kabong la tinggal kong nganga ka balakang, dia pung karja jadi seng batul, jadi dia seng pantas karja di kabong tu. Bagitu lai deng orang yang mau karja par Allah. Kalo dia tinggal kong inga-inga dia pung samua-samua di dunya ni, dia pung karja jadi seng batul, jadi dia seng pantas par karja par Antua.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku