Matius 5
5
Orang yang paleng baruntung
5:1-12
(Lukas 6:20-23)
1Waktu Yesus lia orang banya tu, Antua nai gunung la dudu par kasi balajar dong. Antua pung murid-murid jua datang dekat-dekat Antua. 2Tarus Antua mulai kasi balajar dong samua. Antua bilang,
3“Orang-orang yang sadar kalo dong parlu Allah, dong tu paleng baruntung,
tagal dong su jadi Allah pung orang-orang deng Antua pegang parenta jadi Raja par dong.
4Orang-orang yang pung hati susa, dong tu paleng baruntung,
tagal Allah nanti biking dong pung hati sanang.#Yesaya 61:2
5Orang-orang yang randa hati, dong tu paleng baruntung,
tagal Allah nanti kasi samua yang Antua su janji tu par dong.#Lagu-Lagu 37:11
6Orang-orang yang inging paskali par biking apa yang batul iko Allah pung mau, dong tu paleng baruntung,
tagal Allah nanti kasi apa yang dong inging tu par dong.#Yesaya 55:1-2
7Orang-orang yang pung hati bae par orang laeng, dong tu paleng baruntung,
tagal Allah nanti kasi unju Antua pung hati bae par dong lai.
8Orang-orang yang pung hati barsi, dong tu paleng baruntung,
tagal dong nanti lia Allah.#Lagu-Lagu 24:3-4
9Orang-orang yang biking dame orang bakalai, dong tu paleng baruntung,
tagal dong nanti dapa panggel par Allah pung anana.
10Orang-orang yang dapa siksa tagal biking Allah pung mau, dong tu paleng baruntung,
tagal dong su jadi Allah pung orang-orang deng Antua pegang parenta par dong.#1 Petrus 3:14
11Kamong paleng baruntung kalo orang hina kamong, siksa kamong, deng biking busu kamong pung nama, tagal kamong iko Beta.#1 Petrus 4:14 12Barang, dolo-dolo jua Allah pung juru-juru bicara dapa biking macang bagitu lai. Jadi mari barsuka deng hati sanang tagal Allah nanti kasi hadia basar par kamong di sorga.”#2 Orang Israel pung Sejara 36:16; Utusang pung Carita 7:52
Garang deng tarang par dunya
5:13-16
13Yesus bilang lai kata, “Basudara samua! Kamong tu garang par dunya. Kalo garang su tawar, mau kasi asing akang deng apa lai? Akang su seng ada pung guna lai, cuma par dapa buang la dapa inja-inja sa.#Markus 9:50; Lukas 14:34-35
14Kamong tu tarang par dunya. Kota yang ada di atas gunung seng bisa tasambunyi.#Yohanis 8:12, 9:5 15Orang jua seng bakar palita la tutu akang deng sempe, mar taru di tampa yang tinggi biar kasi tarang samua orang dalang ruma.#Markus 4:21; Lukas 8:16, 11:33 16Bagitu lai deng kamong. Kamong musti jadi tarang par orang laeng deng cara biking hal-hal yang bae, biar kalo orang lia apa yang kamong biking tu, dong puji-puji kamong pung Bapa di sorga.”#1 Petrus 2:12
Yesus datang par kasi jelas Hukum Torat pung arti yang batul
5:17-20
(Lukas 6:27-36)
17Yesus bilang lai kata, “Basudara samua! Jang pikir kalo Beta datang par biking Kitab Torat deng Allah pung juru-juru bicara pung tulisang tu seng tapake lai. Beta datang bukang par biking akang seng tapake, mar par kasi jelas akang pung arti yang batul. 18Dengar bae-bae tagal apa yang Beta bilang ni batul! Sampe langit deng dunya ni abis, seng ada satu huruf ka satu titik lai yang bisa tahapus dari Kitab Torat sampe samua yang su tatulis tu jadi.#Lukas 16:17 19Jadi sapa yang seng iko atorang tu, biar kata atorang yang paleng kacil lai, deng ajar orang laeng par jang iko akang, dia nanti jadi paleng seng panting di tenga-tenga Allah pung orang-orang. Mar sapa yang iko atorang tu deng ajar orang laeng par iko akang, dia nanti jadi paleng panting di tenga-tenga Allah pung orang-orang. 20Jadi, dengar Beta bilang par kamong: Kalo kamong pung hidop seng labe batul dari guru-guru Torat deng orang-orang Farisi, kamong seng jadi Allah pung orang-orang yang Antua parenta macang deng Raja.”
Jang baku mara
5:21-26
21Yesus bilang lai kata, “Kamong su dengar parenta par katong pung tete-nene moyang kata, ‘Jang bunu orang. La sapa yang bunu orang musti dapa hukum.’#Kaluar dari Mesir 20:13; Carita Ulang 5:17 22Mar dengar Beta bilang par kamong: Sapa yang mara orang, dia musti dapa hukum. Ka, sapa yang hina orang, dia nanti dapa bawa ka katong pung Pamimping-pamimping Sidang. La sapa yang panggel orang laeng, ‘Pambodo ni’, dia nanti dapa buang ka dalang api naraka yang manyala. 23Jadi, kalo kamong bawa korbang par Allah di tampa bakar korbang, la kamong dapa inga kalo kamong su biking orang laeng pung hati saki deng kamong, 24kamong musti kasi tinggal korbang tu di muka tampa bakar korbang do. Tarus, kamong musti pi baku bae deng orang yang hati saki deng kamong tu, baru kamong bisa pi kasi kamong pung korbang par Allah.
25Kalo orang tuntut kamong, labe bae kamong capat-capat baku bae deng dia waktu masi di tenga jalang par urus parkara di hakim. Kalo seng, dia nanti bawa kamong ka hakim par dapa sidang, la hakim tu kasi kamong par orang yang pung tugas di bui, la dia nanti lempar kamong dalang bui. 26Dengar bae-bae tagal apa yang Beta bilang ni batul! Kamong seng bisa kaluar dari bui sampe kamong bayar kamong pung utang sampe abis do.”
Jang maeng serong
5:27-30
27Yesus bilang lai kata, “Kamong su dengar parenta kata, ‘Jang maeng serong.’#Kaluar dari Mesir 20:14; Carita Ulang 5:29 28Mar dengar Beta bilang par kamong: Kalo laki-laki sapa sa nganga parampuang satu deng napsu, itu dia su maeng serong deng parampuang tu dalang dia pung hati. 29Jadi, kalo kamong pung mata kanang biking kamong bardosa, cungkel la buang akang! Tagal labe bae satu bagiang dari kamong pung badang ilang, daripada musti dapa buang deng badang antero-antero dalang naraka.#Matius 18:9; Markus 9:47 30Kalo kamong pung tangang kanang biking kamong bardosa, potong la buang akang! Tagal labe bae satu bagiang dari kamong pung badang ilang, daripada musti dapa buang deng badang antero-antero dalang naraka.”#Matius 18:8; Markus 9:43
Jang bacere
5:31-32
31Yesus bilang lai kata, “Kamong su dengar parenta kata, ‘Sapa sa yang cere dia pung bini, dia musti kasi surat cere par dia pung bini tu.’#Carita Ulang 24:1-4; Matius 19:7; Markus 10:4 32Mar dengar Beta bilang par kamong: Kalo bini maeng serong, dia pung laki bisa cere dia. Kalo bini seng maeng serong, mar dia pung laki tu cere dia, itu laki tu su biking dia pung bini maeng serong kalo dia pung bini kaweng deng orang laeng. La laki-laki sapa sa yang kaweng deng parampuang yang dapa cere, itu dia jua su maeng serong.”#Matius 19:9; Markus 10:11-12; Lukas 16:18; 1 Korintus 7:10-11
Jang basumpa
5:33-37
33Yesus bilang lai kata, “Basudara e! Kamong su dengar parenta par katong pung tete-nene moyang kata, ‘Jang langgar kamong pung sumpa. Pegang kamong pung sumpa yang kamong su bilang di muka Tuhan.’#Imam-Imam pung Atorang 19:12; Orang Israel di Padang Gurun 30:2; Carita Ulang 23:21 34Mar dengar Beta bilang par kamong: Jang paskali basumpa. Jang basumpa demi langit, tagal langit tu Allah pung kadera.#Yesaya 66:1; Matius 23:22; Yakobis 5:12 35Jang basumpa demi bumi, tagal bumi ni Allah pung tampa taru kaki. Jang basumpa demi Yerusalem, tagal Yerusalem tu Allah, Raja Basar tu, pung kota.#Yesaya 66:1; Lagu-Lagu 48:3 36Jang basumpa demi kamong pung kapala, tagal kamong seng pung kuasa par biking puti ka itang kamong pung rambu, biar kata cuma saurat sa. 37Kalo batul, bilang sa batul. La kalo sala, bilang sa sala. Apa yang labe dari itu asal dari Setang pung Raja.”
Jang balas jahat deng jahat
5:38-42
(Lukas 6:29-30)
38Yesus bilang lai kata, “Kamong su dengar parenta kata, ‘Mata ganti mata, gigi ganti gigi.’#Kaluar dari Mesir 21:24; Imam-Imam pung Atorang 24:20; Carita Ulang 19:21 39Mar dengar Beta bilang par kamong: Jang balas orang yang biking jahat par kamong. Mala kalo orang tampeleng kamong pung pipi kanang, kasi pipi kiri lai. 40Kalo orang lapor kamong ka hakim deng mau ambe kamong pung baju, kasi kamong pung baju panjang luar lai par dia. 41Kalo orang paksa kamong par pikol dia pung barang satu kilometer, pikol akang dua kilometer. 42Kalo orang minta apapa dari kamong, kasi akang par dia. Deng kalo orang mau pinjang apapa dari kamong, kasi akang sa.”
Sayang kamong pung musu
5:43-48
(Lukas 6:27-28, 32-36)
43Yesus bilang lai kata, “Kamong su dengar parenta kata, ‘Sayang orang laeng la binci kamong pung musu.’#Imam-Imam pung Atorang 19:18 44Mar dengar Beta bilang par kamong: Kamong musti sayang kamong pung musu deng sombayang par orang-orang yang siksa kamong. 45Deng bagitu, kamong jadi kamong pung Bapa di sorga pung anana tagal kamong pung kalakuang sama deng Antua pung. Barang, Antua biking matahari nai par orang jahat deng orang bae. Antua jua kasi turung ujang par orang yang biking apa yang batul deng orang yang seng biking apa yang batul. 46Jadi, kalo kamong cuma sayang orang yang sayang kamong, jang harap Allah nanti balas apa yang kamong su biking tu. Barang tukang tagi pajak, biar kata dong jahat, dong jua sayang orang yang sayang dong! 47Kalo kamong cuma kasi suara kamong pung sudara-sudara, akang seng ada beda deng apa yang orang laeng biking. Barang, orang yang seng parcaya Allah jua biking macang bagitu lai. 48Tagal itu, kamong musti batul-batul biking apa yang bae deng seng kurang apapa, sama deng kamong pung Bapa di sorga jua salalu biking apa yang bae deng seng kurang apapa.”#Imam-Imam pung Atorang 19:2; Carita Ulang 18:13
S'ha seleccionat:
Matius 5: ABMA
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku
Matius 5
5
Orang yang paleng baruntung
5:1-12
(Lukas 6:20-23)
1Waktu Yesus lia orang banya tu, Antua nai gunung la dudu par kasi balajar dong. Antua pung murid-murid jua datang dekat-dekat Antua. 2Tarus Antua mulai kasi balajar dong samua. Antua bilang,
3“Orang-orang yang sadar kalo dong parlu Allah, dong tu paleng baruntung,
tagal dong su jadi Allah pung orang-orang deng Antua pegang parenta jadi Raja par dong.
4Orang-orang yang pung hati susa, dong tu paleng baruntung,
tagal Allah nanti biking dong pung hati sanang.#Yesaya 61:2
5Orang-orang yang randa hati, dong tu paleng baruntung,
tagal Allah nanti kasi samua yang Antua su janji tu par dong.#Lagu-Lagu 37:11
6Orang-orang yang inging paskali par biking apa yang batul iko Allah pung mau, dong tu paleng baruntung,
tagal Allah nanti kasi apa yang dong inging tu par dong.#Yesaya 55:1-2
7Orang-orang yang pung hati bae par orang laeng, dong tu paleng baruntung,
tagal Allah nanti kasi unju Antua pung hati bae par dong lai.
8Orang-orang yang pung hati barsi, dong tu paleng baruntung,
tagal dong nanti lia Allah.#Lagu-Lagu 24:3-4
9Orang-orang yang biking dame orang bakalai, dong tu paleng baruntung,
tagal dong nanti dapa panggel par Allah pung anana.
10Orang-orang yang dapa siksa tagal biking Allah pung mau, dong tu paleng baruntung,
tagal dong su jadi Allah pung orang-orang deng Antua pegang parenta par dong.#1 Petrus 3:14
11Kamong paleng baruntung kalo orang hina kamong, siksa kamong, deng biking busu kamong pung nama, tagal kamong iko Beta.#1 Petrus 4:14 12Barang, dolo-dolo jua Allah pung juru-juru bicara dapa biking macang bagitu lai. Jadi mari barsuka deng hati sanang tagal Allah nanti kasi hadia basar par kamong di sorga.”#2 Orang Israel pung Sejara 36:16; Utusang pung Carita 7:52
Garang deng tarang par dunya
5:13-16
13Yesus bilang lai kata, “Basudara samua! Kamong tu garang par dunya. Kalo garang su tawar, mau kasi asing akang deng apa lai? Akang su seng ada pung guna lai, cuma par dapa buang la dapa inja-inja sa.#Markus 9:50; Lukas 14:34-35
14Kamong tu tarang par dunya. Kota yang ada di atas gunung seng bisa tasambunyi.#Yohanis 8:12, 9:5 15Orang jua seng bakar palita la tutu akang deng sempe, mar taru di tampa yang tinggi biar kasi tarang samua orang dalang ruma.#Markus 4:21; Lukas 8:16, 11:33 16Bagitu lai deng kamong. Kamong musti jadi tarang par orang laeng deng cara biking hal-hal yang bae, biar kalo orang lia apa yang kamong biking tu, dong puji-puji kamong pung Bapa di sorga.”#1 Petrus 2:12
Yesus datang par kasi jelas Hukum Torat pung arti yang batul
5:17-20
(Lukas 6:27-36)
17Yesus bilang lai kata, “Basudara samua! Jang pikir kalo Beta datang par biking Kitab Torat deng Allah pung juru-juru bicara pung tulisang tu seng tapake lai. Beta datang bukang par biking akang seng tapake, mar par kasi jelas akang pung arti yang batul. 18Dengar bae-bae tagal apa yang Beta bilang ni batul! Sampe langit deng dunya ni abis, seng ada satu huruf ka satu titik lai yang bisa tahapus dari Kitab Torat sampe samua yang su tatulis tu jadi.#Lukas 16:17 19Jadi sapa yang seng iko atorang tu, biar kata atorang yang paleng kacil lai, deng ajar orang laeng par jang iko akang, dia nanti jadi paleng seng panting di tenga-tenga Allah pung orang-orang. Mar sapa yang iko atorang tu deng ajar orang laeng par iko akang, dia nanti jadi paleng panting di tenga-tenga Allah pung orang-orang. 20Jadi, dengar Beta bilang par kamong: Kalo kamong pung hidop seng labe batul dari guru-guru Torat deng orang-orang Farisi, kamong seng jadi Allah pung orang-orang yang Antua parenta macang deng Raja.”
Jang baku mara
5:21-26
21Yesus bilang lai kata, “Kamong su dengar parenta par katong pung tete-nene moyang kata, ‘Jang bunu orang. La sapa yang bunu orang musti dapa hukum.’#Kaluar dari Mesir 20:13; Carita Ulang 5:17 22Mar dengar Beta bilang par kamong: Sapa yang mara orang, dia musti dapa hukum. Ka, sapa yang hina orang, dia nanti dapa bawa ka katong pung Pamimping-pamimping Sidang. La sapa yang panggel orang laeng, ‘Pambodo ni’, dia nanti dapa buang ka dalang api naraka yang manyala. 23Jadi, kalo kamong bawa korbang par Allah di tampa bakar korbang, la kamong dapa inga kalo kamong su biking orang laeng pung hati saki deng kamong, 24kamong musti kasi tinggal korbang tu di muka tampa bakar korbang do. Tarus, kamong musti pi baku bae deng orang yang hati saki deng kamong tu, baru kamong bisa pi kasi kamong pung korbang par Allah.
25Kalo orang tuntut kamong, labe bae kamong capat-capat baku bae deng dia waktu masi di tenga jalang par urus parkara di hakim. Kalo seng, dia nanti bawa kamong ka hakim par dapa sidang, la hakim tu kasi kamong par orang yang pung tugas di bui, la dia nanti lempar kamong dalang bui. 26Dengar bae-bae tagal apa yang Beta bilang ni batul! Kamong seng bisa kaluar dari bui sampe kamong bayar kamong pung utang sampe abis do.”
Jang maeng serong
5:27-30
27Yesus bilang lai kata, “Kamong su dengar parenta kata, ‘Jang maeng serong.’#Kaluar dari Mesir 20:14; Carita Ulang 5:29 28Mar dengar Beta bilang par kamong: Kalo laki-laki sapa sa nganga parampuang satu deng napsu, itu dia su maeng serong deng parampuang tu dalang dia pung hati. 29Jadi, kalo kamong pung mata kanang biking kamong bardosa, cungkel la buang akang! Tagal labe bae satu bagiang dari kamong pung badang ilang, daripada musti dapa buang deng badang antero-antero dalang naraka.#Matius 18:9; Markus 9:47 30Kalo kamong pung tangang kanang biking kamong bardosa, potong la buang akang! Tagal labe bae satu bagiang dari kamong pung badang ilang, daripada musti dapa buang deng badang antero-antero dalang naraka.”#Matius 18:8; Markus 9:43
Jang bacere
5:31-32
31Yesus bilang lai kata, “Kamong su dengar parenta kata, ‘Sapa sa yang cere dia pung bini, dia musti kasi surat cere par dia pung bini tu.’#Carita Ulang 24:1-4; Matius 19:7; Markus 10:4 32Mar dengar Beta bilang par kamong: Kalo bini maeng serong, dia pung laki bisa cere dia. Kalo bini seng maeng serong, mar dia pung laki tu cere dia, itu laki tu su biking dia pung bini maeng serong kalo dia pung bini kaweng deng orang laeng. La laki-laki sapa sa yang kaweng deng parampuang yang dapa cere, itu dia jua su maeng serong.”#Matius 19:9; Markus 10:11-12; Lukas 16:18; 1 Korintus 7:10-11
Jang basumpa
5:33-37
33Yesus bilang lai kata, “Basudara e! Kamong su dengar parenta par katong pung tete-nene moyang kata, ‘Jang langgar kamong pung sumpa. Pegang kamong pung sumpa yang kamong su bilang di muka Tuhan.’#Imam-Imam pung Atorang 19:12; Orang Israel di Padang Gurun 30:2; Carita Ulang 23:21 34Mar dengar Beta bilang par kamong: Jang paskali basumpa. Jang basumpa demi langit, tagal langit tu Allah pung kadera.#Yesaya 66:1; Matius 23:22; Yakobis 5:12 35Jang basumpa demi bumi, tagal bumi ni Allah pung tampa taru kaki. Jang basumpa demi Yerusalem, tagal Yerusalem tu Allah, Raja Basar tu, pung kota.#Yesaya 66:1; Lagu-Lagu 48:3 36Jang basumpa demi kamong pung kapala, tagal kamong seng pung kuasa par biking puti ka itang kamong pung rambu, biar kata cuma saurat sa. 37Kalo batul, bilang sa batul. La kalo sala, bilang sa sala. Apa yang labe dari itu asal dari Setang pung Raja.”
Jang balas jahat deng jahat
5:38-42
(Lukas 6:29-30)
38Yesus bilang lai kata, “Kamong su dengar parenta kata, ‘Mata ganti mata, gigi ganti gigi.’#Kaluar dari Mesir 21:24; Imam-Imam pung Atorang 24:20; Carita Ulang 19:21 39Mar dengar Beta bilang par kamong: Jang balas orang yang biking jahat par kamong. Mala kalo orang tampeleng kamong pung pipi kanang, kasi pipi kiri lai. 40Kalo orang lapor kamong ka hakim deng mau ambe kamong pung baju, kasi kamong pung baju panjang luar lai par dia. 41Kalo orang paksa kamong par pikol dia pung barang satu kilometer, pikol akang dua kilometer. 42Kalo orang minta apapa dari kamong, kasi akang par dia. Deng kalo orang mau pinjang apapa dari kamong, kasi akang sa.”
Sayang kamong pung musu
5:43-48
(Lukas 6:27-28, 32-36)
43Yesus bilang lai kata, “Kamong su dengar parenta kata, ‘Sayang orang laeng la binci kamong pung musu.’#Imam-Imam pung Atorang 19:18 44Mar dengar Beta bilang par kamong: Kamong musti sayang kamong pung musu deng sombayang par orang-orang yang siksa kamong. 45Deng bagitu, kamong jadi kamong pung Bapa di sorga pung anana tagal kamong pung kalakuang sama deng Antua pung. Barang, Antua biking matahari nai par orang jahat deng orang bae. Antua jua kasi turung ujang par orang yang biking apa yang batul deng orang yang seng biking apa yang batul. 46Jadi, kalo kamong cuma sayang orang yang sayang kamong, jang harap Allah nanti balas apa yang kamong su biking tu. Barang tukang tagi pajak, biar kata dong jahat, dong jua sayang orang yang sayang dong! 47Kalo kamong cuma kasi suara kamong pung sudara-sudara, akang seng ada beda deng apa yang orang laeng biking. Barang, orang yang seng parcaya Allah jua biking macang bagitu lai. 48Tagal itu, kamong musti batul-batul biking apa yang bae deng seng kurang apapa, sama deng kamong pung Bapa di sorga jua salalu biking apa yang bae deng seng kurang apapa.”#Imam-Imam pung Atorang 19:2; Carita Ulang 18:13
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022, Sinode Gereja Protestan Maluku