Lóka 22
22
Ɓɔgɔmɛaga á mowa Yéso
(Ɔna phɔtɔ Mat 26.1-5; Mkɔ 14.1-2; Yoá 11.45-53)
1Cɔ, bíbí á jaí á mokati kángá cacu, nndɔ ɓáɔɔphana Pasáka#Ɔna Jua 12.1-27, 2ɓagbɛga á ɓatoɓeigi-phɛ́a na ɓaɗundu-ɛɔphi, ɗáɓáɔɓɔgɔmɛaga mowa á Yéso, ɓâ ndiu oɓá na kɔɓɔɓɔkɔ á ɓakpa.
3Ɓî Sɛtáni angí ka měma á Yúda mmbɔ ɓáɔmɔphana Isikaliɔ́ta, mmbé ɗátú ka ɓagoigi nkama na ɓaɓɛ (12), 4áoga ɔyɔngaga na ɓagbɛga á ɓatoɓeigi-phɛ́a na ɓakɔta á ɓaámbi-endu á Mokonga k'óphangɔ á dungisa á Yéso. 5Ɓáoɓá na maseye phɛɛ, ɓáɔɔ́kana ka opha akɛ imɔna. 6Yúda áoɓeekea, mpɔ áokpanga kaɓa mbenɔ ánjá á dungisa Yéso ka ɓɔsɔmɛa.
Ɓɔngisiaga á Pasáka
(Ɔna phɔtɔ Mat 26.17-25; Mkɔ 14.12-21; Yoá 13.21-30)
7Ɗáɓi ye esa á ko ímoci á maseye á mokati kángá cacu, ɓî ɗátókeni phúia ɓamponjo á ɓamɔgɔgɔ ka phɛ́a á Pasáka, 8Yéso áonteka Pɛ́tɛɛ na Yoáni áɔyɔnga gea: «Gǎni ɓɔ́ɔmbɛ kasu eea á Pasáka ɓéɛgɛ#Ɔna Jua 12.3-9.» 9Ɓáomúsia: «Ɔma sina nde okondi gea ɓɛ́ɔmbɛ eea á Pasáka?» 10Aǒsikisia te: «Mbenɔ nde ɓongiande ka ntanga-nji, ɓɔmɔnande nkpa moci mmbé ɓodondanande na yɛ n'akumbi mbikiɓo. Ɓômɓea k'éndu nde angiande kau. 11Ɓongoɗeande gǎkɛ mɛna-endu gea, Mɔkɔta akoúsi ɓe: ‹Ngoisigi áoúsia gea, ɔma sina nde aeagande Pasáka na ɓagoigi nɛkɛ?› 12Na anophangiande k'ɔ́ma á gǔ k'éndu, n'ande ɔma ángbó phɛɛ, kema bui n'a ye tɔ ɓei. Wa unge ɓɔɓɔngisiagande kasu eea.» 13Ɓáoga odonda kema bui tɔ ɓíndɔ Yéso ɗěngoɗi, mpɔ ɓáɔɓɔngisiaga eea á Pasáka.
Eea á ɔngana
(Ɔna phɔtɔ Mat 26.26-30; Mkɔ 14.22-26; 1 Ɓkt 11.23-25)
14Ka mbenɔ á eaga, Yéso áoika kimoci na ɓateki nɛkɛ. 15Áǒngoɗea gea: «Netókondi phɛɛ néeɛgɛ Pasáka nde kimoci na ɓenu mosá á tambaga ani. 16Nenóngoɗi ɓo nga, kéɛgɛku ye Pasáka na ka ɓî kantíti í aúbikanande base ka koɓoamɛ ndea Mokonga.» 17Mpɔ Yéso áɔbɛɗa kiɓe áɔmɛma, áɔyɔnga: «Bɛɗani ú ɓókatisanɛgɛ sɔsɔɓɛ anu. 18Nenóngoɗi, kpanga á kɛ̌kɛnde, kénoɛeka ye divai na ka ɓî koɓoamɛ ndea Mokonga abikaeka.» 19Mpɔ Yéso áɔbɛɗa mokati, áonsega Mokonga, áoɓúnaga ú. Áǒgabea ɓagoigi nɛkɛ n'aɔyɔnga gea: «Nyama ani ungee, nnde negabi ka phɛ́a ka phɔa anu. Geani ɓó ka kanisiani.» 20Mbusa á eaga, â phɔtɔ ɔbɛɗa kiɓe, áɔyɔnga te: «Kiɓe nde ande ɔngana á kɛ̌kɛ, ka magiani nnde aɗǔkani ka phɔanu#Ɔna Jua 24.8; Yɛɛ 31.31-34.
21Cɔ, ɔnani! Njaga á mmbé amɔtɔngi ɓeoeaga kimoci na yɛ gǔ á mɛja ndee#Ɔna Jab 41.10. 22Muna-Nkpa akuwande ɓíndɔ Mokonga ɗáangi. Ande gǎkɛ ngomi phɛɛ ka mmbé antɔngi Muna-Nkpa!» 23Mpɔ ɓagoigi ɓáokpanga úsianaga sɔsɔɓɛ aɓɔ: «Ani mmbé ageande ɓo?»
Sani ka nyɔngɔ á kɔkɔta
24Ɓî ɓagoigi nɛkɛ ɓákpangi sana sɔsɔɓɛ aɓɔ ka úba ani mmbé aikande k'ɔ́ma á kɔkɔta, 25Yéso áǒngoɗea te: «Ɓaamɛ á ɓunde ɓáná Ɓayúda ɓáɔ̌bɛɗanisaga ɓakpa nɛɓɔ akpɛ. Ɓɔ, ɗáɓá gǎkɛ okonda ɓakpa ɓɛ́ɓɔphanɛ: ‹Ɓato á egabɔ›#22.25 Ka mbenɔ ndɔ, ɓaamɛ ɓunɛngbo ɗáɓáǒsua sasaɓɔ «Ɓato á egabɔ».. 26Cɔ, ka phɔanu nna ɓó. Ambe mmbé ana kɔkɔta sɔsɔɓɛ anu áɓɛ ndiu ɓea miki, mmbé gǎkɛ aoanga áoɓá ɓea mbɛɗanigi. 27Cɔ, ka ɔlɔ anu ka ɓɔ sina mmbé ana kɔkɔta, mmbé a ka mɛja na mmbé ande mbɛɗanigi? Cɔ, eme ne ka ɔlɔ anu ka bɛɗaneaga anu.
28Ɓenu ndiu ɓáunge ɓotóphiphíí ika kimoci n'eme ka tambaga nɛmɔ. 29Eme gǎkɛ nenóbisíí koɓoamɛ ɓíndɔ abɛ amobisíí. 30Ka gea, ɓóeɛgɛ na noa ka mɛja nɛmɔ suɓi á koɓoamɛ nɛmɔ, phɔtɔ ɓoikande ka kankaanga á kɔkɔta ka tena nyɔngɔ á ekuna nkama na iɓɛ (12) á Ɓaisilaɛ́li.»
Onganɔ ndea Pɛ́tɛɛ
(Ɔna phɔtɔ Mat 26.31-35; Mkɔ 14.27-31; Yoá 13.36-38)
31Yéso áɔyɔnga gea: «Simɔ́ni, Simɔ́ni, Sɛtáni anɔmɛmi gea, ánɔpɛcɛ sumbia ɓî ɓámɔ̂ɔpɛca mbó ka ungɔ. 32Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.» 33Pɛ́tɛɛ áongoɗea te: «Mɔkɔta! Kaɓɛ ka gǎ ka mekakɔ, kaɓɛ ka gǎ kuwa, neɓeeki gǎ kimoci n'oɓɛ.» 34Mpɔ Yéso áonsikisia te: «Neongoɗi mosá á ɔsa kɔkɔ kesande, omonganande mɔngɔ isaɔ gea kóomoúba.»
35Mpɔ, Yéso áǒɓúsia ɓagoigi te: «Netónotekima kángá njombi á imɔna, phɔtɔ kángá ɓonda na ɓiato, ɓotóúki ka kema?» Ɓáonsikisia te: «Áoɓóɓóa!» 36Áǒngoɗea: «Cɔ, kɛ̌kɛnde, mmbé a gǎkɛ na njombi á imɔna, kaɓɛ ɓonda, ábɛɗɛ, mmbé gǎkɛ nna na píndí, ásombisɛ ngɔ́mbɛ nɛkɛ mpɔ, ásombɛ moci. 37Nenóngoɗi goto nndɔ nga, ambe átɔtɔkɛanɛ ka phɔani ɓíndɔ ɗáɓáɗundu: ‹Ɗáɓámbisi ka mɔɔmba á ɓato á ɓojeɗe#Ɔna Isa 53.12.› Na nnde á ka phɔa ani atɔtɔkɛanande.» 38Ɓáɔyɔnga: «Mɔkɔta píndí iɓɛ ungee.» Áǒngoɗea te: «Áɓɛ ángaá.»
Ɛmɛmi ndea Yéso ka mamba á Mijɛitúni
(Ɔna phɔtɔ Mat 26.36-46; Mkɔ 14.32-42)
39Mbusa á Yéso júana, áoga ɓíndɔ ɗáɛmbani ně ka mamba á Mijɛitúni, ɓagoigi ɓáomɓea. 40Aɓí ye ɓî ajú kó, áǒngoɗea: «Mɛmani ka gea ɓókóguɛmbɛ mbenɔ nde ɓáonótombaga.» 41Mpɔ yɛ áoketa mbamba, áɔsɛkɛɗa ɗanga ábɔa, áogbúka muanku akɛ, áɔmɛma, 42áɔyɔnga ɓe: «Abɛ, kaɓɛ n'okondi, ómophausa na cǎ ndee#22.42 Cǎ ndee ande cǎ á divai á esúia ndea Mokonga. A phɔtɔ tena á nyɔngɔ á ɓojeɗe. Ɔna Isa 51.17,22; Yɛɛ 25.15; Mph 15.7 kaɓɛmbɛ ka mɔphɛ ani, ambe ndeakɔ ndiu unge átɔtɔkɛanɛ.» [43Mpɔ malaéka áotóka na koba, áɔnsɛnɛkɛa áomopha ɓukpɛkpɛ. 44Áoɓá na ɓɔmbɛ phɛɛ, áosuia mɛma, eungú áɔnɗɔka n'aɓea ntɔngɛ á magia, áogua ka oɗo to! to! to!]
45Mbusa ɛ́mɛmi, áoma, áǒɓea ɓagoigi, áǒdonda na ɓáɗe nga nyama aɓɔ ɗádǔki na ɓɛí. 46Mpɔ áǒngoɗea: «Ɓoɗe ka nyɔngɔ éke? Máni ɓɔ́mɛmɛ ka gea ɓókoguɛmbɛ mbenɔ nde ɓáonótombaga.»
Yúda andungisi Yéso
(Ɔna phɔtɔ Mat 26.47-56; Mkɔ 14.43-50; Yoá 18.3-11)
47N'a phɔ́tɔ kɔyɔnga, usɛsɛ á ɓakpa áɔsɛnɛka. Nsɔndɔi n'ande ka ɓagoigi nkama na ɓaɓɛ (12) mmbé ɓáɔmɔphana Yúda, áɔsɛkɛɗa bíbí á Yéso, áomumbia. 48Mpɔ Yéso áongoɗea: «Yúda, ɔmɔtɔngi eme Muna-Nkpa ka umbia ani!»
49Ɓî ɓagoigi ɓáɔni nyɔngɔ ndɔ ɗáɔnyɛ́nya ɓáongoɗea Yéso: «Mɔkɔta, ɓémanɛ na píndí nɛsu?» 50Ka ɓɔ moci áomɓɛta mbɛɗanigi á ngbɛga á ɓatoɓeigi-phɛ́a na tena kɛcuɛ akɛ á njaga á mǔku. 51Mpɔ Yéso áɔyɔnga gea: «Ásungiɛ wa, ɗeketani!» Áodunga kɛcuɛ á mbɛɗanigi ndɔ áonamisa.
52Mpɔ Yéso â goto ǒngoɗea ɓagbɛga á ɓatoɓeigi-phɛ́a, ɓakɔta á ɓaámbi-éndu á Mokonga na ɓagbɛga á ka nji ɓunde ɗáɓábiki ondunga gea: «Ɓokiɗi na píndí na gbutu ka dunga ani ɓea moege-ɓakpa? 53Cɔ, esa bui ɗétú na ɓenu k'éndu á Mokonga ɗóɓokótuomodunga. Cɔ, mbenɔ nde a ye tɔ nɛnu na ɓukpɛkpɛ á kaiphiɔ.»
Pɛ́tɛɛ angáni Yéso mɔngɔ isaɔ
(Ɔna phɔtɔ Mat 26.57-58,69-75; Mkɔ 14.53-54,66-72; Yoá 18.12-18,25-27)
54Mpɔ ɓáondunga Yéso ɓáonga ně k'éndu ndea ngbɛga á ɓatoɓeigi-phɛ́a. Pɛ́tɛɛ n'aobika nɛkɛ mbusa ɗanga. 55Ɓî ɗáɓágongi nsa ka měme á ntanga, ɓakpa ɓáotimba ú, Pɛ́tɛɛ áoika sɔsɔɓɛ aɓɔ. 56Nke moci mbɛɗanigi áɔmɔna Pɛ́tɛɛ n'aiki k'owanga bíbí á nsa, áontúmia n'íso. Mpɔ aɔyɔnga: «Mogaa nde atú phɔtɔ kimoci na Yéso.» 57Pɛ́tɛɛ â ndiu ongána, áongoɗea nke ndɔ gea: «Kéomúba.» 58Mbusa ábɔa, nkpa ɓaangbo áɔmɔna áɔyɔnga: «Ɔɓɛ ɔphɔtɔ ka ɓɔ!» Pɛ́tɛɛ áonsikisia: «Ké ka ɓɔ, ca!»
59Ɓî anyɛ́nyi ye ɓea mbenɔ moci mbusa á wa, nkpa ɓaangbo â goto osoea gea: «Ande ɗoni gea mmbosi atú phɔtɔ kimoci na yɛ, ande nto á na Galiláya.» 60Pɛ́tɛɛ áonsikisia: «Moko, keoúba nyɔngɔ ndɔ.» N'a phɔ́tɔ ɔyɔnga, mɔngɔ ímoci kɔkɔ áɔɔsa. 61Mpɔ Mɔkɔta áǒpháia áontúmia Pɛ́tɛɛ n'íso, wa, Pɛ́tɛɛ áokanisia nyɔngɔ nde Mɔkɔta ɗángoɗi gea: «Mosá á kɔkɔ ɔsa, kesande omonganande mɔngɔ isaɔ#Ɔna Lók 22.34.» 62Pɛ́tɛɛ áojuana na nsɛngɛ áotoɓokea ngamɔ ko!
Nɛphɛaga á Yéso na ɓɛta akɛ
(Ɔna phɔtɔ Mat 26.67-68; Mkɔ 14.65)
63Ɓakpa ɓunde ɗáɓándungi Yéso ɗáɓáontɛbɛaga na ɓɛta akɛ. 64Ɓáonɗaka keongi na úsia akɛ Mɔtu-nyɔngɔ ndea Mokonga ca: «Ani mmbé akɔɓɛti?» 65Na ɓáɔyɔnga ka phɔakɛ nyɔngɔ nɛngbo á bóma akɛ phɛɛ.
Yéso mosá á ntua ángbó á tena nyɔngɔ
(Ɔna phɔtɔ Mat 26.59-66; Mkɔ 14.55-64; Yoá 18.19-24)
66Ɓî esa asé ɓagbɛga á ka nji, ɓagbɛga á ɓatoɓeigi-phɛ́a na ɓaɗundu-ɛɔphi, ɓáombika na Yéso mosá á ntua nɛɓɔ á tena nyɔngɔ. 67Ɓáomúsia gea te: «Aoɓá n'onde Masíya, ósongoɗea.» Áǒsikisia te: «Nanga nɛ́nɔtɔmia, ɓókómoɓeekeɛku. 68Nanga nénoúsia gǎkɛ, ɓókómosikisiɛku tanda. 69Cɔ, kpanga kɛ̌kɛnde Muna-Nkpa aikande ka njaga á mǔku ndea Mokonga mɛna-ɓukpɛkpɛ#Ɔna Jab 110.1.» 70Ɓɔbu ɓâ gǎkɛ ɔyɔnga: «O gǎkɛ tɔ Muna-Mokonga?» Áǒsikisia te: «Ɓɛnu ɓáunge ɓɔyɔngi gea nende yɛ.» 71Mpɔ ɓáɔyɔnga gea: «Ɓî aɓó, ɓékéɓɛku ye na siki á nɗigimisi nga, ɓɛɔ́ki sisasu nyɔngɔ nde atóki k'aphenɔkɔ akɛ.»
S'ha seleccionat:
Lóka 22: KMW
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc.
Lóka 22
22
Ɓɔgɔmɛaga á mowa Yéso
(Ɔna phɔtɔ Mat 26.1-5; Mkɔ 14.1-2; Yoá 11.45-53)
1Cɔ, bíbí á jaí á mokati kángá cacu, nndɔ ɓáɔɔphana Pasáka#Ɔna Jua 12.1-27, 2ɓagbɛga á ɓatoɓeigi-phɛ́a na ɓaɗundu-ɛɔphi, ɗáɓáɔɓɔgɔmɛaga mowa á Yéso, ɓâ ndiu oɓá na kɔɓɔɓɔkɔ á ɓakpa.
3Ɓî Sɛtáni angí ka měma á Yúda mmbɔ ɓáɔmɔphana Isikaliɔ́ta, mmbé ɗátú ka ɓagoigi nkama na ɓaɓɛ (12), 4áoga ɔyɔngaga na ɓagbɛga á ɓatoɓeigi-phɛ́a na ɓakɔta á ɓaámbi-endu á Mokonga k'óphangɔ á dungisa á Yéso. 5Ɓáoɓá na maseye phɛɛ, ɓáɔɔ́kana ka opha akɛ imɔna. 6Yúda áoɓeekea, mpɔ áokpanga kaɓa mbenɔ ánjá á dungisa Yéso ka ɓɔsɔmɛa.
Ɓɔngisiaga á Pasáka
(Ɔna phɔtɔ Mat 26.17-25; Mkɔ 14.12-21; Yoá 13.21-30)
7Ɗáɓi ye esa á ko ímoci á maseye á mokati kángá cacu, ɓî ɗátókeni phúia ɓamponjo á ɓamɔgɔgɔ ka phɛ́a á Pasáka, 8Yéso áonteka Pɛ́tɛɛ na Yoáni áɔyɔnga gea: «Gǎni ɓɔ́ɔmbɛ kasu eea á Pasáka ɓéɛgɛ#Ɔna Jua 12.3-9.» 9Ɓáomúsia: «Ɔma sina nde okondi gea ɓɛ́ɔmbɛ eea á Pasáka?» 10Aǒsikisia te: «Mbenɔ nde ɓongiande ka ntanga-nji, ɓɔmɔnande nkpa moci mmbé ɓodondanande na yɛ n'akumbi mbikiɓo. Ɓômɓea k'éndu nde angiande kau. 11Ɓongoɗeande gǎkɛ mɛna-endu gea, Mɔkɔta akoúsi ɓe: ‹Ngoisigi áoúsia gea, ɔma sina nde aeagande Pasáka na ɓagoigi nɛkɛ?› 12Na anophangiande k'ɔ́ma á gǔ k'éndu, n'ande ɔma ángbó phɛɛ, kema bui n'a ye tɔ ɓei. Wa unge ɓɔɓɔngisiagande kasu eea.» 13Ɓáoga odonda kema bui tɔ ɓíndɔ Yéso ɗěngoɗi, mpɔ ɓáɔɓɔngisiaga eea á Pasáka.
Eea á ɔngana
(Ɔna phɔtɔ Mat 26.26-30; Mkɔ 14.22-26; 1 Ɓkt 11.23-25)
14Ka mbenɔ á eaga, Yéso áoika kimoci na ɓateki nɛkɛ. 15Áǒngoɗea gea: «Netókondi phɛɛ néeɛgɛ Pasáka nde kimoci na ɓenu mosá á tambaga ani. 16Nenóngoɗi ɓo nga, kéɛgɛku ye Pasáka na ka ɓî kantíti í aúbikanande base ka koɓoamɛ ndea Mokonga.» 17Mpɔ Yéso áɔbɛɗa kiɓe áɔmɛma, áɔyɔnga: «Bɛɗani ú ɓókatisanɛgɛ sɔsɔɓɛ anu. 18Nenóngoɗi, kpanga á kɛ̌kɛnde, kénoɛeka ye divai na ka ɓî koɓoamɛ ndea Mokonga abikaeka.» 19Mpɔ Yéso áɔbɛɗa mokati, áonsega Mokonga, áoɓúnaga ú. Áǒgabea ɓagoigi nɛkɛ n'aɔyɔnga gea: «Nyama ani ungee, nnde negabi ka phɛ́a ka phɔa anu. Geani ɓó ka kanisiani.» 20Mbusa á eaga, â phɔtɔ ɔbɛɗa kiɓe, áɔyɔnga te: «Kiɓe nde ande ɔngana á kɛ̌kɛ, ka magiani nnde aɗǔkani ka phɔanu#Ɔna Jua 24.8; Yɛɛ 31.31-34.
21Cɔ, ɔnani! Njaga á mmbé amɔtɔngi ɓeoeaga kimoci na yɛ gǔ á mɛja ndee#Ɔna Jab 41.10. 22Muna-Nkpa akuwande ɓíndɔ Mokonga ɗáangi. Ande gǎkɛ ngomi phɛɛ ka mmbé antɔngi Muna-Nkpa!» 23Mpɔ ɓagoigi ɓáokpanga úsianaga sɔsɔɓɛ aɓɔ: «Ani mmbé ageande ɓo?»
Sani ka nyɔngɔ á kɔkɔta
24Ɓî ɓagoigi nɛkɛ ɓákpangi sana sɔsɔɓɛ aɓɔ ka úba ani mmbé aikande k'ɔ́ma á kɔkɔta, 25Yéso áǒngoɗea te: «Ɓaamɛ á ɓunde ɓáná Ɓayúda ɓáɔ̌bɛɗanisaga ɓakpa nɛɓɔ akpɛ. Ɓɔ, ɗáɓá gǎkɛ okonda ɓakpa ɓɛ́ɓɔphanɛ: ‹Ɓato á egabɔ›#22.25 Ka mbenɔ ndɔ, ɓaamɛ ɓunɛngbo ɗáɓáǒsua sasaɓɔ «Ɓato á egabɔ».. 26Cɔ, ka phɔanu nna ɓó. Ambe mmbé ana kɔkɔta sɔsɔɓɛ anu áɓɛ ndiu ɓea miki, mmbé gǎkɛ aoanga áoɓá ɓea mbɛɗanigi. 27Cɔ, ka ɔlɔ anu ka ɓɔ sina mmbé ana kɔkɔta, mmbé a ka mɛja na mmbé ande mbɛɗanigi? Cɔ, eme ne ka ɔlɔ anu ka bɛɗaneaga anu.
28Ɓenu ndiu ɓáunge ɓotóphiphíí ika kimoci n'eme ka tambaga nɛmɔ. 29Eme gǎkɛ nenóbisíí koɓoamɛ ɓíndɔ abɛ amobisíí. 30Ka gea, ɓóeɛgɛ na noa ka mɛja nɛmɔ suɓi á koɓoamɛ nɛmɔ, phɔtɔ ɓoikande ka kankaanga á kɔkɔta ka tena nyɔngɔ á ekuna nkama na iɓɛ (12) á Ɓaisilaɛ́li.»
Onganɔ ndea Pɛ́tɛɛ
(Ɔna phɔtɔ Mat 26.31-35; Mkɔ 14.27-31; Yoá 13.36-38)
31Yéso áɔyɔnga gea: «Simɔ́ni, Simɔ́ni, Sɛtáni anɔmɛmi gea, ánɔpɛcɛ sumbia ɓî ɓámɔ̂ɔpɛca mbó ka ungɔ. 32Eme gǎkɛ nɛtɔ́mɛmi ka phɔa akɔ ka gea, ɓeekea nɛkɔ kaɓúngɛmbɛ. Na ka sikianaga akɔ, ambe ótetemisɛ měma á ɓana-amakɔ.» 33Pɛ́tɛɛ áongoɗea te: «Mɔkɔta! Kaɓɛ ka gǎ ka mekakɔ, kaɓɛ ka gǎ kuwa, neɓeeki gǎ kimoci n'oɓɛ.» 34Mpɔ Yéso áonsikisia te: «Neongoɗi mosá á ɔsa kɔkɔ kesande, omonganande mɔngɔ isaɔ gea kóomoúba.»
35Mpɔ, Yéso áǒɓúsia ɓagoigi te: «Netónotekima kángá njombi á imɔna, phɔtɔ kángá ɓonda na ɓiato, ɓotóúki ka kema?» Ɓáonsikisia te: «Áoɓóɓóa!» 36Áǒngoɗea: «Cɔ, kɛ̌kɛnde, mmbé a gǎkɛ na njombi á imɔna, kaɓɛ ɓonda, ábɛɗɛ, mmbé gǎkɛ nna na píndí, ásombisɛ ngɔ́mbɛ nɛkɛ mpɔ, ásombɛ moci. 37Nenóngoɗi goto nndɔ nga, ambe átɔtɔkɛanɛ ka phɔani ɓíndɔ ɗáɓáɗundu: ‹Ɗáɓámbisi ka mɔɔmba á ɓato á ɓojeɗe#Ɔna Isa 53.12.› Na nnde á ka phɔa ani atɔtɔkɛanande.» 38Ɓáɔyɔnga: «Mɔkɔta píndí iɓɛ ungee.» Áǒngoɗea te: «Áɓɛ ángaá.»
Ɛmɛmi ndea Yéso ka mamba á Mijɛitúni
(Ɔna phɔtɔ Mat 26.36-46; Mkɔ 14.32-42)
39Mbusa á Yéso júana, áoga ɓíndɔ ɗáɛmbani ně ka mamba á Mijɛitúni, ɓagoigi ɓáomɓea. 40Aɓí ye ɓî ajú kó, áǒngoɗea: «Mɛmani ka gea ɓókóguɛmbɛ mbenɔ nde ɓáonótombaga.» 41Mpɔ yɛ áoketa mbamba, áɔsɛkɛɗa ɗanga ábɔa, áogbúka muanku akɛ, áɔmɛma, 42áɔyɔnga ɓe: «Abɛ, kaɓɛ n'okondi, ómophausa na cǎ ndee#22.42 Cǎ ndee ande cǎ á divai á esúia ndea Mokonga. A phɔtɔ tena á nyɔngɔ á ɓojeɗe. Ɔna Isa 51.17,22; Yɛɛ 25.15; Mph 15.7 kaɓɛmbɛ ka mɔphɛ ani, ambe ndeakɔ ndiu unge átɔtɔkɛanɛ.» [43Mpɔ malaéka áotóka na koba, áɔnsɛnɛkɛa áomopha ɓukpɛkpɛ. 44Áoɓá na ɓɔmbɛ phɛɛ, áosuia mɛma, eungú áɔnɗɔka n'aɓea ntɔngɛ á magia, áogua ka oɗo to! to! to!]
45Mbusa ɛ́mɛmi, áoma, áǒɓea ɓagoigi, áǒdonda na ɓáɗe nga nyama aɓɔ ɗádǔki na ɓɛí. 46Mpɔ áǒngoɗea: «Ɓoɗe ka nyɔngɔ éke? Máni ɓɔ́mɛmɛ ka gea ɓókoguɛmbɛ mbenɔ nde ɓáonótombaga.»
Yúda andungisi Yéso
(Ɔna phɔtɔ Mat 26.47-56; Mkɔ 14.43-50; Yoá 18.3-11)
47N'a phɔ́tɔ kɔyɔnga, usɛsɛ á ɓakpa áɔsɛnɛka. Nsɔndɔi n'ande ka ɓagoigi nkama na ɓaɓɛ (12) mmbé ɓáɔmɔphana Yúda, áɔsɛkɛɗa bíbí á Yéso, áomumbia. 48Mpɔ Yéso áongoɗea: «Yúda, ɔmɔtɔngi eme Muna-Nkpa ka umbia ani!»
49Ɓî ɓagoigi ɓáɔni nyɔngɔ ndɔ ɗáɔnyɛ́nya ɓáongoɗea Yéso: «Mɔkɔta, ɓémanɛ na píndí nɛsu?» 50Ka ɓɔ moci áomɓɛta mbɛɗanigi á ngbɛga á ɓatoɓeigi-phɛ́a na tena kɛcuɛ akɛ á njaga á mǔku. 51Mpɔ Yéso áɔyɔnga gea: «Ásungiɛ wa, ɗeketani!» Áodunga kɛcuɛ á mbɛɗanigi ndɔ áonamisa.
52Mpɔ Yéso â goto ǒngoɗea ɓagbɛga á ɓatoɓeigi-phɛ́a, ɓakɔta á ɓaámbi-éndu á Mokonga na ɓagbɛga á ka nji ɓunde ɗáɓábiki ondunga gea: «Ɓokiɗi na píndí na gbutu ka dunga ani ɓea moege-ɓakpa? 53Cɔ, esa bui ɗétú na ɓenu k'éndu á Mokonga ɗóɓokótuomodunga. Cɔ, mbenɔ nde a ye tɔ nɛnu na ɓukpɛkpɛ á kaiphiɔ.»
Pɛ́tɛɛ angáni Yéso mɔngɔ isaɔ
(Ɔna phɔtɔ Mat 26.57-58,69-75; Mkɔ 14.53-54,66-72; Yoá 18.12-18,25-27)
54Mpɔ ɓáondunga Yéso ɓáonga ně k'éndu ndea ngbɛga á ɓatoɓeigi-phɛ́a. Pɛ́tɛɛ n'aobika nɛkɛ mbusa ɗanga. 55Ɓî ɗáɓágongi nsa ka měme á ntanga, ɓakpa ɓáotimba ú, Pɛ́tɛɛ áoika sɔsɔɓɛ aɓɔ. 56Nke moci mbɛɗanigi áɔmɔna Pɛ́tɛɛ n'aiki k'owanga bíbí á nsa, áontúmia n'íso. Mpɔ aɔyɔnga: «Mogaa nde atú phɔtɔ kimoci na Yéso.» 57Pɛ́tɛɛ â ndiu ongána, áongoɗea nke ndɔ gea: «Kéomúba.» 58Mbusa ábɔa, nkpa ɓaangbo áɔmɔna áɔyɔnga: «Ɔɓɛ ɔphɔtɔ ka ɓɔ!» Pɛ́tɛɛ áonsikisia: «Ké ka ɓɔ, ca!»
59Ɓî anyɛ́nyi ye ɓea mbenɔ moci mbusa á wa, nkpa ɓaangbo â goto osoea gea: «Ande ɗoni gea mmbosi atú phɔtɔ kimoci na yɛ, ande nto á na Galiláya.» 60Pɛ́tɛɛ áonsikisia: «Moko, keoúba nyɔngɔ ndɔ.» N'a phɔ́tɔ ɔyɔnga, mɔngɔ ímoci kɔkɔ áɔɔsa. 61Mpɔ Mɔkɔta áǒpháia áontúmia Pɛ́tɛɛ n'íso, wa, Pɛ́tɛɛ áokanisia nyɔngɔ nde Mɔkɔta ɗángoɗi gea: «Mosá á kɔkɔ ɔsa, kesande omonganande mɔngɔ isaɔ#Ɔna Lók 22.34.» 62Pɛ́tɛɛ áojuana na nsɛngɛ áotoɓokea ngamɔ ko!
Nɛphɛaga á Yéso na ɓɛta akɛ
(Ɔna phɔtɔ Mat 26.67-68; Mkɔ 14.65)
63Ɓakpa ɓunde ɗáɓándungi Yéso ɗáɓáontɛbɛaga na ɓɛta akɛ. 64Ɓáonɗaka keongi na úsia akɛ Mɔtu-nyɔngɔ ndea Mokonga ca: «Ani mmbé akɔɓɛti?» 65Na ɓáɔyɔnga ka phɔakɛ nyɔngɔ nɛngbo á bóma akɛ phɛɛ.
Yéso mosá á ntua ángbó á tena nyɔngɔ
(Ɔna phɔtɔ Mat 26.59-66; Mkɔ 14.55-64; Yoá 18.19-24)
66Ɓî esa asé ɓagbɛga á ka nji, ɓagbɛga á ɓatoɓeigi-phɛ́a na ɓaɗundu-ɛɔphi, ɓáombika na Yéso mosá á ntua nɛɓɔ á tena nyɔngɔ. 67Ɓáomúsia gea te: «Aoɓá n'onde Masíya, ósongoɗea.» Áǒsikisia te: «Nanga nɛ́nɔtɔmia, ɓókómoɓeekeɛku. 68Nanga nénoúsia gǎkɛ, ɓókómosikisiɛku tanda. 69Cɔ, kpanga kɛ̌kɛnde Muna-Nkpa aikande ka njaga á mǔku ndea Mokonga mɛna-ɓukpɛkpɛ#Ɔna Jab 110.1.» 70Ɓɔbu ɓâ gǎkɛ ɔyɔnga: «O gǎkɛ tɔ Muna-Mokonga?» Áǒsikisia te: «Ɓɛnu ɓáunge ɓɔyɔngi gea nende yɛ.» 71Mpɔ ɓáɔyɔnga gea: «Ɓî aɓó, ɓékéɓɛku ye na siki á nɗigimisi nga, ɓɛɔ́ki sisasu nyɔngɔ nde atóki k'aphenɔkɔ akɛ.»
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc.