Lóka 5
5
Yéso aɛɓɔphani ɓagoigi á k'ama mosá-mosá
(Ɔna phɔtɔ Mat 4.18-22; Mkɔ 1.16-20)
1Esa ímoci Yéso ɗáiki ka motii á etǔ Gɛnɛjaɛ́ti#5.1 etǔ Gɛnɛjaɛ́ti: ande ina nɛngbo á etǔ á Galiláya. Ɔna Mkɔ 6.53. Usɛsɛ á ɓakpa ɓáɔmɓɔkanisa nga, ɗáɓátúokonda ɔ́ka Nyɔngɔ á Mokonga. 2Wa, Yéso áɔɔna koko iɓɛ ka motii á iɓo, nndɔ ɓaɔphigi ɗáɓátóki suɓi í. Ɓɔ gǎkɛ, ɗáɓátú ɔɓɔngisia moaɓɔ nɛɓɔ. 3Mpɔ Yéso áokambea ka koko ndɔ moci nnde á Simɔ́ni, áɔmmɛma yɛ, átútuisɛ koko ɗanga ábɔa n'ɔɓɛɛ. Yéso áoika ka koko, áǒgoisaga usɛsɛ á ɓakpa. 4Agɔɓi ye yɔnga, áongoɗea Simɔ́ni: «Cɔ, tútuisa phɔ́ koko ka kiba, ɓómakɛ moaɓɔ nɛnu k'éphenga.»
5Simɔ́ni áongea: «Ngoisigi, ɓekisima tambaga kala na ka ɓî esa age osa, ɓékékambɛ tanda. Cɔ, ka nyɔngɔ nde omososi, nemakande moaɓɔ.» 6Ɓî ɓámaki ye ú, ɓasú ɓáotá ɓásii phɛɛ. Moaɓɔ nɛɓɔ áokpanga kakokanaga#Ɔna Yoá 21.6. 7Mpɔ, ɓáɔ̌ɔphana ɓadaɓɔ na njaga gea, ɓábikɛ na koko nɛɓɔ ka enga aɓɔ. Ɓábiki ye, ɓáotúmisa koko bui, púu! Koko iɓɛ ndɔ n'akpangi ye tɔta.
8Simɔ́ni Pɛ́tɛɛ aɔni ye ɓó, áogbúka muanku akɛ mosá á Yéso, áongea: «Mɔkɔta, tóka ka mpɛphɛ ani nga, nende nto á ɓojeɗe.» 9Nga, kɔɓɔɓɔkɔ ɗámbɛdi yɛ na ɓadakɛ ɓɔbu ka nyɔngɔ á ɓasú ɓásii ndɔ ɗáɓáté ka moaɓɔ. 10Yakɔ́ɓɔ na Yoáni, ɓana Jɛbɛdáyɔ ɓadakɛ na Simɔ́ni, ɓɔ phɔtɔ ɗáɓátú na kɔɓɔɓɔkɔ kimoci na yɛ. Cɔ, Yéso áongoɗea Simɔ́ni: «Koɓɛmbɛ na kɔɓɔɓɔkɔ. Kpanga á kɛ̌kɛnde, oɓande mɔ́phigi á ɓakpa.» 11Mpɔ, ɓáodunduisa koko kubi, ɓáoɗeketa bui, ɓáomɓea Yéso.
Yéso annamisi nto á sǔ
(Ɔna phɔtɔ Mat 8.1-4; Mkɔ 1.40-45)
12Mbenɔ nde Yéso ɗátú ka nji moci, nsambi áombikia. Nsambi ndɔ ɗátú na sǔ nde ɗáɛmbí nyama akɛ bui! Amɔni ye Yéso, áɔgɔtɔma na ka ɓî endóndó akɛ age ogbondoa oɗo, áonɗengemisaga ɓe: «Mɔkɔta, aoɓá n'okondi, ɔɔtɔka n'omosokosei.» 13Yéso áonanoa njaga, áɔndunga, áongoɗea te: «Cɔ, nekondi, neosokosei.» Kɛ̌kɛndɔ tɔ, sǔ áontóka. 14Mpɔ, Yéso áongoɗea te: «Kɔntɔ̌miɛ mɔnɔ nkpa. Gǎ ndiu óphangisiɛ mosá á ntoɓeigi-phɛ́a na opha akɛ ɔphɛ́ɔ ɓíndɔ Mósa asosi ka nyɔngɔ á sokosea nto á sǔ. Nndɔ áɓɛ mphangiɔ ka ɓɔ gea oami.» 15Ɓoombia ndea Yéso â gǎkɛ ondanda phɛɛ. Usɛsɛ á ɓakpa ɓásii ɓáombikia k'aphe á ɔ́ka nyɔngɔ nɛkɛ na amisa á kukuwa nɛɓɔ. 16Yéso ɗá gǎkɛ ogaga ka nkanda ka mɛma á Mokonga.
Amisa á nɗɔti
(Ɔna phɔtɔ Mat 9.1-8; Mkɔ 2.1-12)
17Esa ímoci, ɓî Yéso ɗáogoisaga, Ɓaphaisáyɔ na ɓagoisigi-ɛɔphi ɗáɓáiki ka mpɛphɛ akɛ. Ɗáɓátóki ka nji ɗanga-ɗanga á ka Galiláya n'índe á ka Yudɛ́a na á ka Yɛusalɛ́ma. Ɓukpɛkpɛ á Mɔkɔta Mokonga ɗátú suɓi akɛ ka amisa á ɓasambi. 18Wa, ɓakpa ɓáobika na ɓánkumbigi nɗɔti k'éka. Ande gea, nyama akɛ bui na nnaoemana. Ɓáokaɓa, ɓángisɛ mosá á Yéso suɓi éndu. 19Ɔma á nyɛ́nya ɗákátú gǎkɛ ɓei, ka nyɔngɔ á usɛsɛ á ɓakpa. Kaɓondɔ, ɓáonɗapha ně bákijɔ#5.19 Ɓayúda ɗáɓáɔphɛka endu nɛɓɔ ɓáɔbisa ɔma á úmbia k'égo na ɓáɗindi na oɗo. Ka mɔphɛkɔ nɛɓɔ, ɗáɓátú na mogombagomba nde ɗáɓáodapha na kia kau.. Ɓáophɔ́a ɔma moci, ɓáondidisa nɗɔti ndɔ n'a tɔ k'éka ka nkíndí á ɓakpa mosá á Yéso suɓi éndu. Ɓáonkisa ka nkíndí á ɓakpa, mosá á Yéso. 20Aɔni ye ɓeekea nɛɓɔ, Yéso áongea nɗɔti te: «Moko, ɓojeɗe nɛkɔ aímiki.»
21Mpɔ, ɓaɗundu-ɛɔphi na Ɓaphaisáyɔ ɓáoianaga: «Mogaa nde ande ani ka yɛ bóma á Mokonga ɓende? Ani mmbé aɔtɔka n'aími ɓojeɗe na nna tɔndɔ Mokonga sasakɛ?» 22Ɓî Yéso, ɗáúbi ianaga aɓɔ, áǒngoɗea ɓe: «Ka nyɔngɔ sina nde ɓona nkókó á ianaga nde suɓi á měma anu? 23Kema sina nde aáphǒ ka yɔnga í: ‹Ɓojeɗe nɛkɔ aímiki›, na yɔnga: ‹Má! Ótambɛ!›? 24Ka gea ɓóúbɛ te, eme Muna-Nkpa, nena kɔkɔta á íma á ɓojeɗe ka mokonda.» Mpɔ, áǒpháia, áongoɗea nɗɔti te: «Má! Bɛɗa eka nɛkɔ, ósikianɛgɛ mɔtɛ-akɔ.» 25Kɛ̌kɛndɔ, áoma mosá á ɓakpa ɓɔbu, áɔbɛɗa eka nde atóɗé kau, áosikianaga mɔtɛ-akɛ n'aombeba Mokonga. 26Ɓakpa ɓɔbu ɓáotangaaga, ɓáoɓá na kɔɓɔɓɔkɔ, ɓâ gǎkɛ ombeba Mokonga, ɓáogea: «Ai! Ɓɛɔni ketangaɔ kesande.»
Yéso amɔphani Láwi
(Ɔna phɔtɔ Mat 9.9-13; Mkɔ 2.13-17)
27Mbusa á wa, Yéso áojuana, áɔmɔna mphendisigi-manjanja, ina akɛ Láwi, n'aiki ka ntua á phendisaga á manjanja. Yéso áongoɗea: «Ómoɓeá!» 28Wa, Láwi áoɗeketa bui, áoma, áomɓea.
29Mbusa, Láwi áɔɓɔngisiaga jaí mɔtɛ-akɛ ka phɔa Yéso. Áǒdondanisa ɓakpa ɓásii na ɓadakɛ ɓaphendisigi-manjanja. Ɓáoika k'ɔ́ma á eaga. 30Mpɔ, Ɓaphaisáyɔ na ɓadaɓɔ ɓaɗundu-ɛɔphi, ɓáɔ̌ngɔngɔnɛaga ɓagoigi ndea Yéso: «Kanyɔngɔ sina nde ɓooeaga na noa kimoci na ɓaphendisigi-manjanja na ɓato á ɓojeɗe ɓunɛngbo?» 31Yéso â gǎkɛ ǒsikisia te: «Ɓasambi ɓáunge ɓána siki á nsaku. Nna ɓunde ɓánáosamba. 32Kébiki k'aphe á ɔphana á ɓato á ɓonjánja. Nebiki ndiu ka ɔphana á ɓato á ɓojeɗe gea, ɓákětiɛ tambea aɓɔ.»
Moangɔ á Yéso ka kema á kala
(Ɔna phɔtɔ Mat 9.14-17; Mkɔ 2.18-22)
33Ɓaphaisáyɔ ɓáomúsia Yéso: «Ɓagoigi ndea Yoáni na ɓundeasu ɓáoikaga kángá á eaga ka nyɔngɔ á mɛma á Mokonga. Cɔ, ekende ɓundeakɔ, ɓá gǎkɛ oeaga na noa?» 34Yéso áǒsikisia: «Ɓato á ɛkɛka ɓáikimbɛ mɔnɔ kángá á eaga na mǒko-ɛ́kɛka a kimoci na ɓɔ? Ɓɛɛndɔ. 35Esa kájumbɛ ɓî ɓándungaeka mǒko-ɛ́kɛka. Wandɔ unge, ɓáikaeka kángá á eaga.»
36Yéso â phɔtɔ ǒngoɗea mɛní ndee: «Nna na nkpa nde aɔnyɔa phaeka á bɔngɔ á kɛ̌kɛ ka jukanisa í na bɔngɔ á kala. Aogea ɓó, áotúkatúka nndɔ á kɛ̌kɛ. Nndɔ á kala kágamanɛku na phaeka índɔ á kɛ̌kɛ. 37Ka asii ndeasu ɓánáoɗukia divai á kɛ̌kɛ suɓi á mboso á kala nde ɓáɓɔngisigi na mpoko á nyama. Oogea ɓó, mbenɔ nde divai aɔɛma áoboma mboso. Divai na mboso bui áoújukana. 38Akeni ndiu ɗukia á divai á kɛ̌kɛ suɓi á mboso á kɛ̌kɛ. 39Nkpa aye onoa divai á kala, kakondɛ ye nnde á kɛ̌kɛ. Â ye tɔ ogea, divai á kala unge aánjá.»
S'ha seleccionat:
Lóka 5: KMW
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc.
Lóka 5
5
Yéso aɛɓɔphani ɓagoigi á k'ama mosá-mosá
(Ɔna phɔtɔ Mat 4.18-22; Mkɔ 1.16-20)
1Esa ímoci Yéso ɗáiki ka motii á etǔ Gɛnɛjaɛ́ti#5.1 etǔ Gɛnɛjaɛ́ti: ande ina nɛngbo á etǔ á Galiláya. Ɔna Mkɔ 6.53. Usɛsɛ á ɓakpa ɓáɔmɓɔkanisa nga, ɗáɓátúokonda ɔ́ka Nyɔngɔ á Mokonga. 2Wa, Yéso áɔɔna koko iɓɛ ka motii á iɓo, nndɔ ɓaɔphigi ɗáɓátóki suɓi í. Ɓɔ gǎkɛ, ɗáɓátú ɔɓɔngisia moaɓɔ nɛɓɔ. 3Mpɔ Yéso áokambea ka koko ndɔ moci nnde á Simɔ́ni, áɔmmɛma yɛ, átútuisɛ koko ɗanga ábɔa n'ɔɓɛɛ. Yéso áoika ka koko, áǒgoisaga usɛsɛ á ɓakpa. 4Agɔɓi ye yɔnga, áongoɗea Simɔ́ni: «Cɔ, tútuisa phɔ́ koko ka kiba, ɓómakɛ moaɓɔ nɛnu k'éphenga.»
5Simɔ́ni áongea: «Ngoisigi, ɓekisima tambaga kala na ka ɓî esa age osa, ɓékékambɛ tanda. Cɔ, ka nyɔngɔ nde omososi, nemakande moaɓɔ.» 6Ɓî ɓámaki ye ú, ɓasú ɓáotá ɓásii phɛɛ. Moaɓɔ nɛɓɔ áokpanga kakokanaga#Ɔna Yoá 21.6. 7Mpɔ, ɓáɔ̌ɔphana ɓadaɓɔ na njaga gea, ɓábikɛ na koko nɛɓɔ ka enga aɓɔ. Ɓábiki ye, ɓáotúmisa koko bui, púu! Koko iɓɛ ndɔ n'akpangi ye tɔta.
8Simɔ́ni Pɛ́tɛɛ aɔni ye ɓó, áogbúka muanku akɛ mosá á Yéso, áongea: «Mɔkɔta, tóka ka mpɛphɛ ani nga, nende nto á ɓojeɗe.» 9Nga, kɔɓɔɓɔkɔ ɗámbɛdi yɛ na ɓadakɛ ɓɔbu ka nyɔngɔ á ɓasú ɓásii ndɔ ɗáɓáté ka moaɓɔ. 10Yakɔ́ɓɔ na Yoáni, ɓana Jɛbɛdáyɔ ɓadakɛ na Simɔ́ni, ɓɔ phɔtɔ ɗáɓátú na kɔɓɔɓɔkɔ kimoci na yɛ. Cɔ, Yéso áongoɗea Simɔ́ni: «Koɓɛmbɛ na kɔɓɔɓɔkɔ. Kpanga á kɛ̌kɛnde, oɓande mɔ́phigi á ɓakpa.» 11Mpɔ, ɓáodunduisa koko kubi, ɓáoɗeketa bui, ɓáomɓea Yéso.
Yéso annamisi nto á sǔ
(Ɔna phɔtɔ Mat 8.1-4; Mkɔ 1.40-45)
12Mbenɔ nde Yéso ɗátú ka nji moci, nsambi áombikia. Nsambi ndɔ ɗátú na sǔ nde ɗáɛmbí nyama akɛ bui! Amɔni ye Yéso, áɔgɔtɔma na ka ɓî endóndó akɛ age ogbondoa oɗo, áonɗengemisaga ɓe: «Mɔkɔta, aoɓá n'okondi, ɔɔtɔka n'omosokosei.» 13Yéso áonanoa njaga, áɔndunga, áongoɗea te: «Cɔ, nekondi, neosokosei.» Kɛ̌kɛndɔ tɔ, sǔ áontóka. 14Mpɔ, Yéso áongoɗea te: «Kɔntɔ̌miɛ mɔnɔ nkpa. Gǎ ndiu óphangisiɛ mosá á ntoɓeigi-phɛ́a na opha akɛ ɔphɛ́ɔ ɓíndɔ Mósa asosi ka nyɔngɔ á sokosea nto á sǔ. Nndɔ áɓɛ mphangiɔ ka ɓɔ gea oami.» 15Ɓoombia ndea Yéso â gǎkɛ ondanda phɛɛ. Usɛsɛ á ɓakpa ɓásii ɓáombikia k'aphe á ɔ́ka nyɔngɔ nɛkɛ na amisa á kukuwa nɛɓɔ. 16Yéso ɗá gǎkɛ ogaga ka nkanda ka mɛma á Mokonga.
Amisa á nɗɔti
(Ɔna phɔtɔ Mat 9.1-8; Mkɔ 2.1-12)
17Esa ímoci, ɓî Yéso ɗáogoisaga, Ɓaphaisáyɔ na ɓagoisigi-ɛɔphi ɗáɓáiki ka mpɛphɛ akɛ. Ɗáɓátóki ka nji ɗanga-ɗanga á ka Galiláya n'índe á ka Yudɛ́a na á ka Yɛusalɛ́ma. Ɓukpɛkpɛ á Mɔkɔta Mokonga ɗátú suɓi akɛ ka amisa á ɓasambi. 18Wa, ɓakpa ɓáobika na ɓánkumbigi nɗɔti k'éka. Ande gea, nyama akɛ bui na nnaoemana. Ɓáokaɓa, ɓángisɛ mosá á Yéso suɓi éndu. 19Ɔma á nyɛ́nya ɗákátú gǎkɛ ɓei, ka nyɔngɔ á usɛsɛ á ɓakpa. Kaɓondɔ, ɓáonɗapha ně bákijɔ#5.19 Ɓayúda ɗáɓáɔphɛka endu nɛɓɔ ɓáɔbisa ɔma á úmbia k'égo na ɓáɗindi na oɗo. Ka mɔphɛkɔ nɛɓɔ, ɗáɓátú na mogombagomba nde ɗáɓáodapha na kia kau.. Ɓáophɔ́a ɔma moci, ɓáondidisa nɗɔti ndɔ n'a tɔ k'éka ka nkíndí á ɓakpa mosá á Yéso suɓi éndu. Ɓáonkisa ka nkíndí á ɓakpa, mosá á Yéso. 20Aɔni ye ɓeekea nɛɓɔ, Yéso áongea nɗɔti te: «Moko, ɓojeɗe nɛkɔ aímiki.»
21Mpɔ, ɓaɗundu-ɛɔphi na Ɓaphaisáyɔ ɓáoianaga: «Mogaa nde ande ani ka yɛ bóma á Mokonga ɓende? Ani mmbé aɔtɔka n'aími ɓojeɗe na nna tɔndɔ Mokonga sasakɛ?» 22Ɓî Yéso, ɗáúbi ianaga aɓɔ, áǒngoɗea ɓe: «Ka nyɔngɔ sina nde ɓona nkókó á ianaga nde suɓi á měma anu? 23Kema sina nde aáphǒ ka yɔnga í: ‹Ɓojeɗe nɛkɔ aímiki›, na yɔnga: ‹Má! Ótambɛ!›? 24Ka gea ɓóúbɛ te, eme Muna-Nkpa, nena kɔkɔta á íma á ɓojeɗe ka mokonda.» Mpɔ, áǒpháia, áongoɗea nɗɔti te: «Má! Bɛɗa eka nɛkɔ, ósikianɛgɛ mɔtɛ-akɔ.» 25Kɛ̌kɛndɔ, áoma mosá á ɓakpa ɓɔbu, áɔbɛɗa eka nde atóɗé kau, áosikianaga mɔtɛ-akɛ n'aombeba Mokonga. 26Ɓakpa ɓɔbu ɓáotangaaga, ɓáoɓá na kɔɓɔɓɔkɔ, ɓâ gǎkɛ ombeba Mokonga, ɓáogea: «Ai! Ɓɛɔni ketangaɔ kesande.»
Yéso amɔphani Láwi
(Ɔna phɔtɔ Mat 9.9-13; Mkɔ 2.13-17)
27Mbusa á wa, Yéso áojuana, áɔmɔna mphendisigi-manjanja, ina akɛ Láwi, n'aiki ka ntua á phendisaga á manjanja. Yéso áongoɗea: «Ómoɓeá!» 28Wa, Láwi áoɗeketa bui, áoma, áomɓea.
29Mbusa, Láwi áɔɓɔngisiaga jaí mɔtɛ-akɛ ka phɔa Yéso. Áǒdondanisa ɓakpa ɓásii na ɓadakɛ ɓaphendisigi-manjanja. Ɓáoika k'ɔ́ma á eaga. 30Mpɔ, Ɓaphaisáyɔ na ɓadaɓɔ ɓaɗundu-ɛɔphi, ɓáɔ̌ngɔngɔnɛaga ɓagoigi ndea Yéso: «Kanyɔngɔ sina nde ɓooeaga na noa kimoci na ɓaphendisigi-manjanja na ɓato á ɓojeɗe ɓunɛngbo?» 31Yéso â gǎkɛ ǒsikisia te: «Ɓasambi ɓáunge ɓána siki á nsaku. Nna ɓunde ɓánáosamba. 32Kébiki k'aphe á ɔphana á ɓato á ɓonjánja. Nebiki ndiu ka ɔphana á ɓato á ɓojeɗe gea, ɓákětiɛ tambea aɓɔ.»
Moangɔ á Yéso ka kema á kala
(Ɔna phɔtɔ Mat 9.14-17; Mkɔ 2.18-22)
33Ɓaphaisáyɔ ɓáomúsia Yéso: «Ɓagoigi ndea Yoáni na ɓundeasu ɓáoikaga kángá á eaga ka nyɔngɔ á mɛma á Mokonga. Cɔ, ekende ɓundeakɔ, ɓá gǎkɛ oeaga na noa?» 34Yéso áǒsikisia: «Ɓato á ɛkɛka ɓáikimbɛ mɔnɔ kángá á eaga na mǒko-ɛ́kɛka a kimoci na ɓɔ? Ɓɛɛndɔ. 35Esa kájumbɛ ɓî ɓándungaeka mǒko-ɛ́kɛka. Wandɔ unge, ɓáikaeka kángá á eaga.»
36Yéso â phɔtɔ ǒngoɗea mɛní ndee: «Nna na nkpa nde aɔnyɔa phaeka á bɔngɔ á kɛ̌kɛ ka jukanisa í na bɔngɔ á kala. Aogea ɓó, áotúkatúka nndɔ á kɛ̌kɛ. Nndɔ á kala kágamanɛku na phaeka índɔ á kɛ̌kɛ. 37Ka asii ndeasu ɓánáoɗukia divai á kɛ̌kɛ suɓi á mboso á kala nde ɓáɓɔngisigi na mpoko á nyama. Oogea ɓó, mbenɔ nde divai aɔɛma áoboma mboso. Divai na mboso bui áoújukana. 38Akeni ndiu ɗukia á divai á kɛ̌kɛ suɓi á mboso á kɛ̌kɛ. 39Nkpa aye onoa divai á kala, kakondɛ ye nnde á kɛ̌kɛ. Â ye tɔ ogea, divai á kala unge aánjá.»
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2021, Wycliffe Bible Translators, Inc.