लूका 6
6
बिँसैना दिनके प्रभु
(मत्ती १२:१-१४; मर्कू. २:२३-२८; ३:१-६)
1यहूदिनके बिँसैना दिनमे जब येशू और हुँकार चेलनके खेट्वैखेट्वा जाइतिहिँत, तब हुँकार चेलनके अनाजके बाली टुरके हाँथेम मिस्के खाई लग्लाँ। 2पर फरिसीनमेसे केऊ-केऊ ओइन्हे कलाँ, “बिँसैना दिनमे ज्या करना सही नै हो, ऊ तुहुरे काकरे करथो?” 3येशू ओइन्हे जवाफ देलाँ, “का तुहुरे यी फेन नै पह्रल हुइतो, दाऊद जब अप्ने और ओकर संगे रहुइयन भुँखाइल रहिँत, तब् ओइने का करलाँ? 4और कसिके परमेश्वरके तम्बूमे पैँठ्के चह्राइल रोटी ऊ खाइल, और ओकर संगे रहुइयनहे फेन देहल, जोन पुजारी बाहेक औरे जहनहे खैना अनुमति नै रहे।” 5येशू ओइन्हे कलाँ, “मै, मनैयक छावाहे असिक कना अधिकार बा कि यहूदिनके बिँसैना दिनमे मनैनहे का करना अनुमति बा।”
बिँसैना दिनमे रोगीहे चोखैना
6बिँसैना दिनमे यहूदी बैठक भवनके भित्तर पैँठ्के येशू शिक्षा देलाँ। वहाँ एकथो मनैया रहे। ओकर दाहिन हाँथ सुखल रहिस। 7यहूदी कानुनके गुरु और फरिसीनके यी हेरे लग्लाँ कि येशू सुखल हाँथ रहल मनैयाहे यहूदिनके बिँसैना दिनमे चोख्वैथाँ कि नाई, ताकि ओइने हुँकारमे दोष लगाई सेकिँत। 8पर येशू ओइन्के नियत पता पागिलाँ। और सुखल हाँथ रहल मनैयाहे ऊ कलाँ, “आऊ, और यहाँ सक्कुहुनके आघे ठरह्याजाऊ।” तब् ऊ उठल और ठरह्यागिल। 9तब येशू ओइन्हे कलाँ, “मै तुहुरिन्से पुँछम, बिँसैना दिनमे मोशक कानुन हम्रिहिन्हे मजा करे कहत कि गलत करे कहत? केक्रो जिन्गीहे बँचाई कहत कि उहिहे मुवादेना कहत?” 10तब् सक्कु जहन चारुओहोँर हेरके येशू उ सुखल हाँथ रहल मनैयाहे कलाँ, “अपन हाँथ पसार।” ऊ अपन हाँथ आघे पसारल, और ओकर हाँथ फट्से चोखागिलिस। 11पर फरिसीनके रिसेलेके चुर होगिलाँ, और येशूहे का करी कहिके आपसमे योजना बनाई लग्लाँ।
बाह्रथो निउतरह्यन
(मत्ती १०:१-४; मर्कू. ३:१३-१९)
12उ दिनमे येशू एकथो पहाड़मे प्राथना करे गैलाँ, और परमेश्वरसे प्राथना कर्ती पूरा रात बितैलाँ। 13बेहान हुइल ते येशू अपन चेलनहे अपन थेन बलाके ओइन्मेसे बाह्र जहन छन्लाँ। और ऊ ओइन्हे निउतरह्या कहिके नाउँ देलाँ। 14सिमोन, जेकर नाउँ येशू पत्रुस धरलाँ। और ओकर भैया अन्द्रियास, याकूब और यूहन्ना, फिलिप और बारथोलोमाइ, 15मत्ती और थोमा, अल्फयसके छावा याकूब और सिमोन जिहिहे उग्रपन्थी कथाँ। 16याकूबके छावा यहूदा और करियोत गाउँक यहूदा जे हुँकिन्हे धोखा देहल।
आशिष और श्राप
(मत्ती ५:३-१२)
17येशू ओइन्के संग धिक्वामेसे तरे उतरके एकथो बराबर धर्तीमे ठरह्यैलाँ। हुँकार चेलनके एकथो बरवार भीड़ और सक्कु यहूदिया प्रदेश और यरुशलेम शहर, समुन्दरके आँजरपाँजरके टुरोस और सीडोनके आँजरपाँजरके ईलाका ओहोँरसे मनैनके बरवार भीड़ 18हुँकार वचन सुनक लग और अपन-अपन रोगसे मजा हुइक लग आइल रहिँत। भूत्वा लागल मनै फेन मजा होगिलाँ। 19भीड़के सक्कु मनै हुँकिन्हे छुए खोजतिहिँत। काकरेकी शक्ति हुँकारमेसे निक्रतेहे, और सक्कु जहनहे चोख्वाइतेहे।
20तब ऊ अपन चेलनके उप्पर हेरके कलाँ, “धन्य हुइँत उ मनै, जेने परमेश्वरके जरुरीहे महसुस करथाँ। काकरेकी परमेश्वरके राज ओइनेहेँन्के हुइतिन।
21धन्य हुइतो तुहुरे जेने अब्बे भुँख्ले बतो, परमेश्वर तुहुरिन्हे अघ्वादिहीँ।
धन्य हुइतो तुहुरे अब्बे जेने रुइतो,
काकरेकी तुहुरे हँस्बो।”
22धन्य हुइतो तुहुरे जब मनै तुहुरिन्हे मै, मनैयक छावक लग घृणा करहीँ,
और बहिष्कार करहीँ,
और गिल्ला करहीँ,
और दुष्ट मानके तुहुरिन्के नाउँहे अपमान करहीँ।
23“उ दिन रमाऊ और खुशीसे कुदगो, काकरेकी तुहुरिन्के बहुत भारी ईनाम स्वर्गमे धारल बा। काकरेकी बहुत समय आघे ओइन्के पुर्खन परमेश्वरके अगमवक्तनहे ओस्तेहेँक करल रहिँत।”
शोकके वचन
24येशू कलाँ, “हे धनी मनै, तुहुरिन्हे डरलग्तिक दण्ड हुई! काकरेकी तुहुरे अपन सुखके जीवन भेटासेकल बतो।
25तुहुरिन्हे डरलग्तिक दण्ड हुई, जेने तुहुरे अब्बे अघाइल बतो! पाछे तुहुरे भुँख्ले रबो।
तुहुरिन्हे डरलग्तिक दण्ड हुई! जेने अब्बे हाँसतो। पाछे तुहुरे शोक करबो और रुइबो।
26तुहुरिन्हे डरलग्तिक दण्ड हुई, जेने अब्बे सक्कु मनैनके प्रशंसा भेटैथो!
काकरेकी तुहुरिन्के पुर्खन झूँटा अगमवक्तनके प्रशंसा करलाँ,
यिहिसे पता चलत कि तुहुरे फेन ओइनेहेँन्के हस झूँटा अगमवक्ता हुइतो।”
दुश्मनहे प्रेम करना
(मत्ती ५:३८-४२)
27“पर मै तुहुरे सुनुइयनहे कहतुँ, अपन दुश्मनहे प्रेम करो और घृणा करुइयनहे भलाई करो। 28सराप देहुइयनहे आशीर्वाद देऊ, और दुर्व्यवहार करुइयनके लग प्राथना करो। 29तुहिन्हे एकथो गालमे पिटुइयाहे दोसुर गाल फेन दोगदेऊ। और यदि कौनो मनैया मुद्दा चलाके तोहाँरिक झुल्वा लेना दाबी करता कलेसे, उहिहे तोहाँरिक कोट फेन दैदेऊ। 30तुहिन्से मगुइयन प्रत्येक जहनहे देऊ। और तोहाँर ज्यात्या लैजुइयनसे फेनदोस्रे जिन मंग्हो। 31मनै तुहुरिन्से जसिन व्यवहार करिँत् कना तुहुरे चहथो, तुहुरे फेन ओइन्के संग ओस्तेहेँक व्यवहार करो। 32तुहुरिन्हे प्रेम करुइयनसे प्रेम करथो कलेसे, तुहुरिन्हे का फाइदा हुइल? काकरेकी पापीन फेन अपनहे प्रेम करुइयनसे प्रेम करथाँ। 33तुहुरिन्के भलाई करुइयनहे भलाई करबो ते तुहुरिन्हे का फाइदा हुइल? काकरेकी पापीन फेन ओस्तेहेँके करथाँ। 34यदि तुहुरे ओइन्हे सापट देबो, जिहिसे तुहुरे फिर्ता पैना आशा करथो कलेसे केऊ तुहुरिन्के प्रशंसा काकरे करी? काकरेकी पापीन असिन पापीनहे सापट देथाँ, जे ओइन्हे फिर्ता करे सेकत। 35पर अपन दुश्मनहे प्रेम करो, और ओइन्के भलाई करो। फेनदोस्रे मिली कना आशा बिना कर्ले सापट देऊ, और तोहाँर ईनाम भारी हुई। और तुँ परमप्रधानके सन्तान हुइबो। काकरेकी परमेश्वर गुन नै मनुइयनके और दुष्ट मनैनके उप्पर फेन दयालु बताँ। 36तुहुरिन्के बाबा दयालु रहल हस तुहुरे फेन दयालु होऊ।”
दोसुर जहनहे दोषी नै ठहरैना
(मत्ती ७:१-५)
37“दोसुर जहनके न्याय ना करो, और तुहुरिन्के फेन परमेश्वर न्याय नै करहीँ। दोसुर जहनहे दोष जिन लगाऊ, तब् तुहुरिन्हे फेन दोष नै लगाजाई। माफ करो और तुहुरिन्हे फेन माफ करजाई। 38देऊ और तुहुरिन्हे फेन देजाई। मनै प्रशस्त मात्रामे दाब-दाबके जोरसे हिलाके, अँरैना मेरके तुहुरिन्के कोनामे धारदिहीँ। काकरेकी जोन नापसे तुहुरे नप्थो, वहे नापसे तुहुरिन्के लग फेन नाप जाई।” 39और येशू ओइन्हे एकथो दृष्टान्त फेन कलाँ, “का एकथो आँधर मनैया दोसुर आँधर मनैयाहे नेगाई सेकी? ओइने दुनुजाने गड्ढामे परजैहीँ। 40चेला अपन गुरुसे भारी नै रहत, पर सक्कु ज्ञान पाके सेकके ऊ अपन गुरु जसिन होजाई।” 41“तैँ अपन भैयक किल छुटीछुटी गल्ती देख्थे, अपन बर-बर गल्ती भर तैँ नै देख्थे। 42तोरिक अपने बर-बर गल्ती बा कलेसे कसिके तैँ अपन भैयक छुटीछुटी गल्तीहे सुधारे सेक्बे! ए कपटी! आघे तैँ अपन बर-बर गल्ती सुधार, तब् तैँ अपन भैयक छुटीछुटी गल्तीहे मजासे सुधारे सेक्बे।”
रुख्वा और ओकर फारा
43“कौनो मजा रुख्वा खराब फारा नै फराइत, ना ते खराब रुख्वा मजा फारा फराइत। 44प्रत्येक रुख्वा ओकर फारासे फेन चिहिन्जाइत। काकरेकी काँटक झर्कत्तीमेसे केऊ फेन अञ्जीर नै टुरत, ना ते ऐँसेलुक झर्कत्तीमेसे अंगुर टुरत। 45एकथो मजा मनैया अपन मनमे रहल मजा चिजसे मजै बात निकारत। पर एकथो खराब मनैया अपन मनमे रहल खराब चिजसे खराबे बात निकारत। काकरेकी जोन बातसे मन भरल रहत मनैयक मुहेँमेसे वहे निकरत।”
दुईथो घरक दृष्टान्त
(मत्ती ७:२४-२७)
46“मोरिक कहल बात नै मन्थो कलेसे काकरे महिन्हे ‘प्रभु, प्रभु,’ कथो? 47जे मोरिक थेन आइत, मोरिक वचन सुनत और वहे अनुसार करत, ऊ कसिन मनैया हो, मै तुहुरिन्हे बतैबुँ। 48ऊ एकथो असिन घर बनुइया मनैया हस हो, जे गहिँर कोरके चट्टानमे जग बैठाइल। और जब पानी बर्सल और बहार आइल और पानीक बेग हल्कोरा मर्ती आके उ घरेम ठोकल। तब् उ घरहे हिलाई नै सेकल, काकरेकी ऊ बल्गर बनाइल रहे। 49पर जे सुनत और फेन वहे अनुसार नै करत, उ एकथो असिन मनैया हस हो, जे धर्तीमे बिना जगके घर बनाइल। जब ओकर घरक उप्पर पानीक हल्कोरा आके ठोक्लिस्। तब् उ घर जुरतेहेँ ढलगिल, और उ घरक बरवार नोकसान होगिलिस।”
S'ha seleccionat:
लूका 6: DVGNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Deukhuri (देउखरिया थारु) Bible by The Love Fellowship is licensed under Creative Commons Attribution-ShareAlike 4.0 License.
लूका 6
6
बिँसैना दिनके प्रभु
(मत्ती १२:१-१४; मर्कू. २:२३-२८; ३:१-६)
1यहूदिनके बिँसैना दिनमे जब येशू और हुँकार चेलनके खेट्वैखेट्वा जाइतिहिँत, तब हुँकार चेलनके अनाजके बाली टुरके हाँथेम मिस्के खाई लग्लाँ। 2पर फरिसीनमेसे केऊ-केऊ ओइन्हे कलाँ, “बिँसैना दिनमे ज्या करना सही नै हो, ऊ तुहुरे काकरे करथो?” 3येशू ओइन्हे जवाफ देलाँ, “का तुहुरे यी फेन नै पह्रल हुइतो, दाऊद जब अप्ने और ओकर संगे रहुइयन भुँखाइल रहिँत, तब् ओइने का करलाँ? 4और कसिके परमेश्वरके तम्बूमे पैँठ्के चह्राइल रोटी ऊ खाइल, और ओकर संगे रहुइयनहे फेन देहल, जोन पुजारी बाहेक औरे जहनहे खैना अनुमति नै रहे।” 5येशू ओइन्हे कलाँ, “मै, मनैयक छावाहे असिक कना अधिकार बा कि यहूदिनके बिँसैना दिनमे मनैनहे का करना अनुमति बा।”
बिँसैना दिनमे रोगीहे चोखैना
6बिँसैना दिनमे यहूदी बैठक भवनके भित्तर पैँठ्के येशू शिक्षा देलाँ। वहाँ एकथो मनैया रहे। ओकर दाहिन हाँथ सुखल रहिस। 7यहूदी कानुनके गुरु और फरिसीनके यी हेरे लग्लाँ कि येशू सुखल हाँथ रहल मनैयाहे यहूदिनके बिँसैना दिनमे चोख्वैथाँ कि नाई, ताकि ओइने हुँकारमे दोष लगाई सेकिँत। 8पर येशू ओइन्के नियत पता पागिलाँ। और सुखल हाँथ रहल मनैयाहे ऊ कलाँ, “आऊ, और यहाँ सक्कुहुनके आघे ठरह्याजाऊ।” तब् ऊ उठल और ठरह्यागिल। 9तब येशू ओइन्हे कलाँ, “मै तुहुरिन्से पुँछम, बिँसैना दिनमे मोशक कानुन हम्रिहिन्हे मजा करे कहत कि गलत करे कहत? केक्रो जिन्गीहे बँचाई कहत कि उहिहे मुवादेना कहत?” 10तब् सक्कु जहन चारुओहोँर हेरके येशू उ सुखल हाँथ रहल मनैयाहे कलाँ, “अपन हाँथ पसार।” ऊ अपन हाँथ आघे पसारल, और ओकर हाँथ फट्से चोखागिलिस। 11पर फरिसीनके रिसेलेके चुर होगिलाँ, और येशूहे का करी कहिके आपसमे योजना बनाई लग्लाँ।
बाह्रथो निउतरह्यन
(मत्ती १०:१-४; मर्कू. ३:१३-१९)
12उ दिनमे येशू एकथो पहाड़मे प्राथना करे गैलाँ, और परमेश्वरसे प्राथना कर्ती पूरा रात बितैलाँ। 13बेहान हुइल ते येशू अपन चेलनहे अपन थेन बलाके ओइन्मेसे बाह्र जहन छन्लाँ। और ऊ ओइन्हे निउतरह्या कहिके नाउँ देलाँ। 14सिमोन, जेकर नाउँ येशू पत्रुस धरलाँ। और ओकर भैया अन्द्रियास, याकूब और यूहन्ना, फिलिप और बारथोलोमाइ, 15मत्ती और थोमा, अल्फयसके छावा याकूब और सिमोन जिहिहे उग्रपन्थी कथाँ। 16याकूबके छावा यहूदा और करियोत गाउँक यहूदा जे हुँकिन्हे धोखा देहल।
आशिष और श्राप
(मत्ती ५:३-१२)
17येशू ओइन्के संग धिक्वामेसे तरे उतरके एकथो बराबर धर्तीमे ठरह्यैलाँ। हुँकार चेलनके एकथो बरवार भीड़ और सक्कु यहूदिया प्रदेश और यरुशलेम शहर, समुन्दरके आँजरपाँजरके टुरोस और सीडोनके आँजरपाँजरके ईलाका ओहोँरसे मनैनके बरवार भीड़ 18हुँकार वचन सुनक लग और अपन-अपन रोगसे मजा हुइक लग आइल रहिँत। भूत्वा लागल मनै फेन मजा होगिलाँ। 19भीड़के सक्कु मनै हुँकिन्हे छुए खोजतिहिँत। काकरेकी शक्ति हुँकारमेसे निक्रतेहे, और सक्कु जहनहे चोख्वाइतेहे।
20तब ऊ अपन चेलनके उप्पर हेरके कलाँ, “धन्य हुइँत उ मनै, जेने परमेश्वरके जरुरीहे महसुस करथाँ। काकरेकी परमेश्वरके राज ओइनेहेँन्के हुइतिन।
21धन्य हुइतो तुहुरे जेने अब्बे भुँख्ले बतो, परमेश्वर तुहुरिन्हे अघ्वादिहीँ।
धन्य हुइतो तुहुरे अब्बे जेने रुइतो,
काकरेकी तुहुरे हँस्बो।”
22धन्य हुइतो तुहुरे जब मनै तुहुरिन्हे मै, मनैयक छावक लग घृणा करहीँ,
और बहिष्कार करहीँ,
और गिल्ला करहीँ,
और दुष्ट मानके तुहुरिन्के नाउँहे अपमान करहीँ।
23“उ दिन रमाऊ और खुशीसे कुदगो, काकरेकी तुहुरिन्के बहुत भारी ईनाम स्वर्गमे धारल बा। काकरेकी बहुत समय आघे ओइन्के पुर्खन परमेश्वरके अगमवक्तनहे ओस्तेहेँक करल रहिँत।”
शोकके वचन
24येशू कलाँ, “हे धनी मनै, तुहुरिन्हे डरलग्तिक दण्ड हुई! काकरेकी तुहुरे अपन सुखके जीवन भेटासेकल बतो।
25तुहुरिन्हे डरलग्तिक दण्ड हुई, जेने तुहुरे अब्बे अघाइल बतो! पाछे तुहुरे भुँख्ले रबो।
तुहुरिन्हे डरलग्तिक दण्ड हुई! जेने अब्बे हाँसतो। पाछे तुहुरे शोक करबो और रुइबो।
26तुहुरिन्हे डरलग्तिक दण्ड हुई, जेने अब्बे सक्कु मनैनके प्रशंसा भेटैथो!
काकरेकी तुहुरिन्के पुर्खन झूँटा अगमवक्तनके प्रशंसा करलाँ,
यिहिसे पता चलत कि तुहुरे फेन ओइनेहेँन्के हस झूँटा अगमवक्ता हुइतो।”
दुश्मनहे प्रेम करना
(मत्ती ५:३८-४२)
27“पर मै तुहुरे सुनुइयनहे कहतुँ, अपन दुश्मनहे प्रेम करो और घृणा करुइयनहे भलाई करो। 28सराप देहुइयनहे आशीर्वाद देऊ, और दुर्व्यवहार करुइयनके लग प्राथना करो। 29तुहिन्हे एकथो गालमे पिटुइयाहे दोसुर गाल फेन दोगदेऊ। और यदि कौनो मनैया मुद्दा चलाके तोहाँरिक झुल्वा लेना दाबी करता कलेसे, उहिहे तोहाँरिक कोट फेन दैदेऊ। 30तुहिन्से मगुइयन प्रत्येक जहनहे देऊ। और तोहाँर ज्यात्या लैजुइयनसे फेनदोस्रे जिन मंग्हो। 31मनै तुहुरिन्से जसिन व्यवहार करिँत् कना तुहुरे चहथो, तुहुरे फेन ओइन्के संग ओस्तेहेँक व्यवहार करो। 32तुहुरिन्हे प्रेम करुइयनसे प्रेम करथो कलेसे, तुहुरिन्हे का फाइदा हुइल? काकरेकी पापीन फेन अपनहे प्रेम करुइयनसे प्रेम करथाँ। 33तुहुरिन्के भलाई करुइयनहे भलाई करबो ते तुहुरिन्हे का फाइदा हुइल? काकरेकी पापीन फेन ओस्तेहेँके करथाँ। 34यदि तुहुरे ओइन्हे सापट देबो, जिहिसे तुहुरे फिर्ता पैना आशा करथो कलेसे केऊ तुहुरिन्के प्रशंसा काकरे करी? काकरेकी पापीन असिन पापीनहे सापट देथाँ, जे ओइन्हे फिर्ता करे सेकत। 35पर अपन दुश्मनहे प्रेम करो, और ओइन्के भलाई करो। फेनदोस्रे मिली कना आशा बिना कर्ले सापट देऊ, और तोहाँर ईनाम भारी हुई। और तुँ परमप्रधानके सन्तान हुइबो। काकरेकी परमेश्वर गुन नै मनुइयनके और दुष्ट मनैनके उप्पर फेन दयालु बताँ। 36तुहुरिन्के बाबा दयालु रहल हस तुहुरे फेन दयालु होऊ।”
दोसुर जहनहे दोषी नै ठहरैना
(मत्ती ७:१-५)
37“दोसुर जहनके न्याय ना करो, और तुहुरिन्के फेन परमेश्वर न्याय नै करहीँ। दोसुर जहनहे दोष जिन लगाऊ, तब् तुहुरिन्हे फेन दोष नै लगाजाई। माफ करो और तुहुरिन्हे फेन माफ करजाई। 38देऊ और तुहुरिन्हे फेन देजाई। मनै प्रशस्त मात्रामे दाब-दाबके जोरसे हिलाके, अँरैना मेरके तुहुरिन्के कोनामे धारदिहीँ। काकरेकी जोन नापसे तुहुरे नप्थो, वहे नापसे तुहुरिन्के लग फेन नाप जाई।” 39और येशू ओइन्हे एकथो दृष्टान्त फेन कलाँ, “का एकथो आँधर मनैया दोसुर आँधर मनैयाहे नेगाई सेकी? ओइने दुनुजाने गड्ढामे परजैहीँ। 40चेला अपन गुरुसे भारी नै रहत, पर सक्कु ज्ञान पाके सेकके ऊ अपन गुरु जसिन होजाई।” 41“तैँ अपन भैयक किल छुटीछुटी गल्ती देख्थे, अपन बर-बर गल्ती भर तैँ नै देख्थे। 42तोरिक अपने बर-बर गल्ती बा कलेसे कसिके तैँ अपन भैयक छुटीछुटी गल्तीहे सुधारे सेक्बे! ए कपटी! आघे तैँ अपन बर-बर गल्ती सुधार, तब् तैँ अपन भैयक छुटीछुटी गल्तीहे मजासे सुधारे सेक्बे।”
रुख्वा और ओकर फारा
43“कौनो मजा रुख्वा खराब फारा नै फराइत, ना ते खराब रुख्वा मजा फारा फराइत। 44प्रत्येक रुख्वा ओकर फारासे फेन चिहिन्जाइत। काकरेकी काँटक झर्कत्तीमेसे केऊ फेन अञ्जीर नै टुरत, ना ते ऐँसेलुक झर्कत्तीमेसे अंगुर टुरत। 45एकथो मजा मनैया अपन मनमे रहल मजा चिजसे मजै बात निकारत। पर एकथो खराब मनैया अपन मनमे रहल खराब चिजसे खराबे बात निकारत। काकरेकी जोन बातसे मन भरल रहत मनैयक मुहेँमेसे वहे निकरत।”
दुईथो घरक दृष्टान्त
(मत्ती ७:२४-२७)
46“मोरिक कहल बात नै मन्थो कलेसे काकरे महिन्हे ‘प्रभु, प्रभु,’ कथो? 47जे मोरिक थेन आइत, मोरिक वचन सुनत और वहे अनुसार करत, ऊ कसिन मनैया हो, मै तुहुरिन्हे बतैबुँ। 48ऊ एकथो असिन घर बनुइया मनैया हस हो, जे गहिँर कोरके चट्टानमे जग बैठाइल। और जब पानी बर्सल और बहार आइल और पानीक बेग हल्कोरा मर्ती आके उ घरेम ठोकल। तब् उ घरहे हिलाई नै सेकल, काकरेकी ऊ बल्गर बनाइल रहे। 49पर जे सुनत और फेन वहे अनुसार नै करत, उ एकथो असिन मनैया हस हो, जे धर्तीमे बिना जगके घर बनाइल। जब ओकर घरक उप्पर पानीक हल्कोरा आके ठोक्लिस्। तब् उ घर जुरतेहेँ ढलगिल, और उ घरक बरवार नोकसान होगिलिस।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Deukhuri (देउखरिया थारु) Bible by The Love Fellowship is licensed under Creative Commons Attribution-ShareAlike 4.0 License.