लूका 9
9
येशूगी ल़ेह-पेन च्यिङ्यी़ला या़हबु लेहङगु स्येच्येला ताङ नाङग्यो
(मत्ती १०:५-१५; मर्क ६:७-१३)
1येशूगी ल़ेह-पेन च्यिङ्यी़ला क़े क्याहप्नाङसीन। ओहले खुङया़ला ल्हेन्डीया़ तेन्गे दाङ नेहपाया़ला टा़ह च्य़ूगेन्गी स्युक दाङ ओङ नाङसीन। 2किन्ज्योगी क्याहल्सीगी तेहन्दाला स्येच्येला ओहले नेहपाया़ला टा़ह च्य़ूज्येला ताङ चाहङ नाङसीन। 3ओहले येशूगी खुङया़ला, “लाहम स्य़ूहदी डोएँमु ख्यागी प्रेहका, काहल्दा, साहएँ स़ेह, टाङगा, दाङ पोयाप काप्च्याया़ च्यी़ॱआङ माहखुर। 4का़हन्दी खाङबा मे़हमेया़गी ख्याला फेप स्युहएँ, ओ़ह युहलले थेन्दी माहकाहल थु ओ़ह खाङबालाराङ तेहतोङ। 5मिहगी युहलला लेप्ते ख्याला सुगीॱआङ फेप मिहस्युहसीमाना ओ़ह युहलले थेन्दी डोएँमु ओ़ह युहलगी मिहया़ला किन्ज्योगी ठिम ताङ नाङज्ये येह म़ेदी तेन्ज्येला ख्यागी काङबाला ज़्योरक्योगी थाल्बी प्रू़दी ज़्यो़!”#ल़ेह १३:५१; लूक १०:४-११ म़ेदी येशूगी स्याहप्च्यीया़ला सुङ नाङसीन। 6ओहले स्याहप्च्यीया़ युहल युहलला काहल्दी मिहया़ला येशूगी लेहङगु या़हबु स्येसीन, ओहले नेहपाया़ला टा़ह च्य़ूसीन।
क्याहल्बु हेरोद थामा थोमे काहल्ग्यो
(मत्ती १४:१-१२; मर्क ६:१४-२९)
7ओहले गालील साने़ला ओङ छ्य़ेगे हेरोदगी येशूगी जे नाङग्यो छ्या़लेगी तेहन्दाला मिहया़गी ताम माक्यो थे़दी खो थामा थोमे काहल्सीन। च्यिबेमाना लाहलागी, “बप्तिस्मा तेर्केन यूहन्नाराङ सोम्बो लो़हदी ओहङग्यो यिहम्बा छ़े दु” म़ेदी माउ येहकें।#मत्ती १६:१४; मर्क ८:२८; लूक ९:१९ 8लाहलागी, “एलिया स्यिहङगामलेगी फेप्सीन दु” म़ेदी माउ येहकें, लाहलागी, “ताहङबोगी लुहङतेम्बाया़ नाहङगी मेहन्दा च्यी़ सोम्बो ज़्याङदी फेप्सीन दु” म़ेदी माउ येहकें। 9ओहले हेरोदगी, “यूहन्नालानी ङाहगीराङ गो़ तुप च्य़ूक्यो यिहन, दि सु यिहम्बा ता़ह? च्यि याहम्जेन छ्येवागी तामया़ ङाहगी थ़े कोहउ दु!” म़ेदी मासीन। ओहले हेरोदकी येशूला थू़ज्ये सेम पेहसीन।
येशूगी मिह तोङरा ङाला साहज्ये नाङग्यो
(मत्ती १४:१३-२१; मर्क ६:३०-४४; यूह ६:१-१४)
10ल़ेह-पेनया़ या़हबु लेहङगु स्येती लो़ह ओहङसीम्बाराङ खुङगी च्यि च्यि पेहपा ओ़हदी येशूला स्येसीन। ओहले येशूगी खुङया़ला बेथसेदा क्याहसाला नोम फेप नाङसीन। 11येशू ओ़हला फेप्सीन दु म़ेदी थ़े फान्ज्यो मिह माहङबुराङ येशूगी तिङदा तिङ ओहङसीन। ओहले येशूगी मिहया़ला क़े क्याहप्नाङसीन, ओहले खुङला किन्ज्योगी क्याहल्सीगी तेहन्दाला सुङ ख्येप्टा नाङसीन, ओहले नेहपाया़ला टा़ह च्य़ू नाङसीन।
12नाहम सोज्ये पेहकेमु ओ़ह स्याहप्च्यी च्यिङ्यी़ ओहङदी येशूला दि ल़ेहमु म़ेदी स्युहसीन, “देलानी च्यिॱआङ मिहन्दु, ता़हनी दि मिहया़ला कोहङबा नाङदोङ, खुङ काहल्दी साहर-सुहरकी युहलया़ला तेहसा ग्या़ छोल्ज्यु!” 13ओहले येशूगी, “ख्यागीराङ खुङला साहज्ये तेर्तोङ!” म़ेदी सुङ नाङसीन। ओहले खुङगी, “ङ्यिह ङ्याम्बुनी खुरा ङा दाङ ङ्याह ङ्यी़ च्यी़राङ येहबा। च्यि ङ्यिहगी देजे माहङा मिहया़ला साहज्ये से़हया़ ङ्ये़हदी ख्योङज्ये ला़ह?” म़ेदी स्युहसीन। 14ओ़हला जोम्ग्यो क्येप-ख्योवाया़ज्यीॱराङ तोङरा ङाजे येहकें। ओहले येशूगी स्याहप्च्यीया़ला, “दि मिहया़ला ङाप्च्यु-ङाप्च्युगी नाहरे (लाइन) जे़दी पाङगाला तेह च्य़ूदोङ!” म़ेदी कुल नाङसीन। 15ओहले स्याहप्च्यीया़गी ओ़ह ल़ेहमुराङ पेहसीन। 16ओहले येशूगी खुरा ङा दाङ ङ्याह ङ्यी़ छ्या़ला नोम्दे नामला याहर ज़ी़ नाङदी किन्ज्योला थुज्यी-छ्ये़ फुल नाङसीन। ओहले खुरा दाङ ङ्याह च्येती स्याहप्च्यीया़ला नाङसीन, स्याहप्च्यीया़गी ख्येर्ती मिहया़ला के़हदी तेर्सीन। 17ओहले मिह थाम्ज्यीगीराङ साह ख़ूएँ थु साहसीन। साह सिहन फान्ज्यो ल्हा़स्युलया़ तुहएँमु डा़लो च्यिङ्यी़ काहङसीन।
येशू थार्पा नाङगेन्गी मास्यीका
(मत्ती १६:१३-२३; मर्क ८:२७-३३)
18लेहमा च्यी़ येशू राहङ च्यी़राङ सोल्वाङ ताप्ते ज़्य़ू नाङगेमु स्याहप्च्यीया़ येशूसाला ओहङसीन। ओहले येशूगी स्याहप्च्यीया़ला, “मिहया़गी ङाहला सु यिहम्बा म़ेदी माउ दु ले?” म़ेदी टी़ह नाङसीन। 19ओहले स्याहप्च्यीया़गी, “लाहलागी बप्तिस्मा तेर्केन यूहन्ना यिहन माउ दु, लाहलागी एलिया यिहन माउ दु, लाहलागीनी ताहङबो लुहङतेम्बाया़ नाहङगी मेहन्दा च्यी़ सोम्बो ज़्याङदी फेप्क्यो यिहम्बा छ़े दु म़ेदी माउ दु” म़ेदी स्युहसीन।#मत्ती १४:१,२; मर्क ६:१४,१५; लूक ९:७,८ 20ओहले येहपाराङ येशूगी टी़ह नाङसीन, “ओहले ख्याया़गीदी ङाहला सु यिहम्बा माएँ ले?” “लोबेन ला़ह, राहङ किन्ज्योगी ताङ नाङग्योकी थार्पा थोप च्य़ू नाङगेन मास्यीका यिहम्बा!”#यूह ६:६८,६९ म़ेदी पत्रुसगी स्युहसीन।
21ओहले येशूगी स्याहप्च्यीया़ला, “दि केच्या सुॱलाङ माहस्ये” म़ेदी का नाङसीन। 22दि का नाङ सिहन फान्ज्यो येशूगी येहपाराङ सुङ नाङसीन, “मिहगी स़ेबुगी तुहक्पु माहङबुराङ ना़ कोहज्ये येह, एल्डर, पूजाहारी छ्यिम्बु दाङ खेम्बुया़गी खोला चा़ पेहच्ये म़ेह, ओहले तिङले सेच्ये येह। यिहॱनाङ, ङ्यिहमा सुम ङ्यिहमु किन्ज्योगी ङाहला सोम्बो लो़ह च्य़ू नाङज्ये येह” म़ेदी येशूगी स्याहप्च्यीया़ला सुङ नाङसीन।
स्याहप्च्यीगी क्युर कोहएँगी से़हया़
(मत्ती १६:२४-२८; मर्क ८:३४–९:१)
23ओहले येशूगी मिहया़ला सुङ नाङसीन, “त़ेदोङ, सुॱआङ ङाहगी तिङला ओहङज्ये सेम येहसीमाना खोगी राहङगी राहङला मा-लोक पेहच्यु ओहले ङ्यिहमा-टाहङमाराङ राहङगी क्याहङस्यीङ खुर्ती ङाहगी तिङदा तिङ ओहङज्यु।#मत्ती १०:२८; लूक १४:२७ 24का़हन्दीगी मिहली सी़ज्ये छोल्गे ओ़हदीगी मिहली तोर च्य़ूज्ये येह, ङाहगी तेहन्दाला का़हन्दीगी मिहली तेर्के ओ़हदीगी मिहली ज्योर्च्ये येह।#मत्ती १०:३९; लूक १७:३३; यूह १२:२५ 25ख्यागी जाम्बुलीङ थाम्ज्यीराङ राहङगी लाहक्पाला लेहन्दी राहङगी मिहलीदी तोर च्यू़सीमाना ख्याला च्यि फेन थोएँ ले? 26सुगी ङाहती मिहन दाङ लोप्च्युङ लेहन्ज्येला ङोहजा पेहकें, ङाह मिहगी स़ेबुगीॱआङ ङाह दाङ किन्ज्यो याहपकी ओहले नाम्पार-ताहक्पा स्यिहङगामकी स्याहप्च्यीया़की ज़िज्यिद नोम्दी फेप नाङगेमु खोला ङाह राहङदी माज्येला ङोहजा पेहच्ये येह। 27ङाहगी ख्याया़ला तेहम्बाराङ माउ येह, किन्ज्योगी क्याहल्सीला माहलेप थु देला लाहङदी तेहक्योया़ नाहङला काहजे मिहया़ स्यिज्ये म़ेह!” म़ेदी येशूगी सुङ नाङसीन।
येशूगी कुसो ग्युरक्यो
(मत्ती १७:१-८; मर्क ९:२-८)
28दि स्याहल सुङदी स्याहक्पु क्ये़हचे तिङले येशूगी पत्रुस, यूहन्ना दाङ याकूबला नोम्दे सोल्वाङ ताप्च्येला काहङ च्यी़ला फेप नाङसीन। 29ओहले येशू सोल्वाङ ताप-ताप्पा काहङला येशूगी स्याहल्दोङ ग्युर नाङसीन, ओहले मी़राङ छ्यिप्कें थु येशूगी नाहम्सा कार्पु पेहती ओहङसीन। 30ओहले याहम्बीज्यीलाराङ मिह ङ्यी़ फोक थेन्दी येशू ङ्याम्बु स्याहल सुङज्ये छ़ूसीन। खुङ ङ्यी़दी मोशा दाङ एलिया यिहन्गे! 31खुङया़ स्यिहङगामकी क्या-साङेला येहपा छ्या़दे येहकें ओहले यरूशलेमला येशू टोहङ कोहएँगी तेहन्दाला येशू ङ्याम्बु स्याहल सुङगेराङ येहकें।
32ओहजेला पत्रुस दाङ खोगी रो़हया़ ङ्यि स्यिहम्बुज्यी लो़हदी तेहक्यो येहकें। ओहले ङ्यि साङदे ताएँमु खुङगी येशूला मी़गी ता राङ मी़हखुएँ स्यिहङगामगी क्या-साङे येहसेरला राहङसा मेहन्दा ङ्यी़ ङ्याम्बु ज़्याङदी स्याहल सुङ नाङग्यो थोङसीन। 33ओहले मोशा दाङ एलियागी येशूला कोहङबा स्य़ूहज्ये जेकें थुला पत्रुसगी, “लोबेन ला़ह, ङ्यिहॱआङ देला ओहङग्योदी या़हबु काहल्सीन दु। ङ्यिहगी देला खाङज्युङ सुम ज़ोएँ, लोबेनला च्यी़, मोशाला च्यी़, एलियाला च्यी़!” म़ेदी खोगी खाले फोक थेन्सीन, च्यि मे़बा म़ेदी खोराङलाॱआङ क्यी़ह म़ेहबा येहकें।
34ओहले पत्रुसगी ताम माएँ माएँमुराङ मुक्पा थेन ओहङदी खुङ फे़बेया़ला का़सीन, ओहले स्याहप्च्यीया़ ज्यी़सीन। 35ओहले ओ़ह मुक्पा नाहङलेगी दि ल़ेहमु सुङ-क़े च्यी़ थ़ेसीन, “दि ङाहगी पुह यिहम्बा, खोलाराङ ङाहगी दाम्ग्यो यिहम्बा, खोगी माक्योगी ताम ङ्यिहन्दोङ!”#यशै ४२:१; मत्ती ३:१७; १२:१८; मर्क १:११; लूक ३:२२; २ पत्र १:१७,१८ 36ओ़ह सुङ-क़े छ्येप तेह फान्ज्यो स्याहप्च्यीया़गी येशू च्यी़लाॱराङ थोङसीन। ओ़ह ती़हजीला स्याहप्च्यीया़गी राहङगी थोङग्योकी केच्या सुॱलाङ माहस्ये।
येशूगी ल्हेन्डी स्य़ूहक्योगी स्यारा च्यी़ला टा़ह च्य़ू नाङग्यो
(मत्ती १७:१४-१८; मर्क ९:१४-२७)
37नाहङबार च्युङ खुङ फ़ेबेॱया काहङदोले माहर लो़ह फेप्केमु मिह माहङबुगीराङ येशूला थ़ू ओहङसीन। 38ओहले मिह च्यी़गी क़े तेन्दी मासीन, “ओ़ लोबेन ला़ह, ओहर-छ्य़े!, ङाहगी पुहला राहङगी ज़ी़-नाङदोङ लाह! च्यिबे मासीमाना खो ङाहगी पुह च्यिमे च्यी़राङ यिहन। 39ङ्येहम्बा नाम्स्यी च्यी़गी खोला ज़ुङगे ओहले याहङमे-याहङ खो ची़रा तेन्दी दाङे रिहल्गे, ओहले खो खाले पोहवाल थेन्दी फार छुर बोल्गे, ओहले नाहन्दी माहकाहल थु ङ्येहम्बा नाम्स्यीगी ताङॱराङ मेहताङगे। 40राहङगी स्याहप्च्यीया़ला ङाहगी ओ़ह ङ्येहम्बा नाम्स्यीला तेन चाहङज्येला ओहर-छ्य़े! म़ेदी स्युहसीन यिहॱनाङ खुङगीनी ला़ मा़हखे ला़ह!” म़ेदी ओ़ह मिहगी येशूला स्युहसीन। 41ओहले येशूगी सुङ नाङसीन, “ख्याया़ काहन्डुमु यिह-छ्य़े म़ेहबा दाङ गो़ कोरक्यो मिहया़ दुबा! ङाह ख्याया़ ङ्याम्बु काहजे थु तेहच्ये, ङाहगी ख्याया़ला काहजे थु ना़ज्ये?” ओ़ह तिङले येशूगी ओ़ह पुहगी आबाला सुङ नाङसीन, “ख्येगी पुहला ख्योङदी स्यो!” 42ओहले आबादीगी पुहला ख्योङगे ख्योङगेमुराङ ल्हेन्डीगी ओ़ह पेहजाला च्यार-ताप क्याहप्ती कक्र्याक-कुक्रुक ज़ोसीन। ओ़हजेलाराङ येशूगी मेहचाङा नाम्स्यीला काप्क्येन नाङसीन ओहले ओ़ह पेहजा टा़ह च्य़ू नाङदी आबादीला चि क्याहप नाङसीन। 43किन्ज्योगी दि ल़ेहमु ओङ छ्यिम्बु थोङदी मिहया़ थाम्ज्यीराङ ह्अ ल़ेहसीन।
येशूगी येहपाराङ राहङ टोहङ कोहएँगी तेहन्दाला सुङ नाङग्यो
(मत्ती १७:२२-२३; मर्क ९:३०-३२)
येशूगी जे नाङग्योकी छ्या़लेला मिह थाम्ज्यी ह्अ ल़ेहक्यो ज़ी़दी, येशूगी राहङगी स्याहप्च्यीया़ला सुङ नाङसीन, 44“ङाहगी च्यि माज्ये पेहक्यो यिहम्बा, ओ़ह टेहम्बा माहच्येह च्यिबेमाना मिहगी स़ेबुला ज़ुङदी मिहया़गी लाहक्पाला चि क्याहप्च्ये येह।” 45स्याहप्च्यीया़गी दि केच्या ह्अ मा़हकेह, च्यिबेमाना दि केच्या खुङया़गी ह्अ माहकोहज्यु म़ेदी खुङया़ ङो़ले पे़हदी ज़्या़क्यो येहकें। ओहले च्यी़ सुङ नाङग्यो यिहम्बानी म़ेदी खुङया़गी येशूला टी़हज्येला आप-छ्ये मा़हखु।
सु छ्यिम्बु यिहम्बा?
(मत्ती १८:१-५; मर्क ९:३३-४०)
46ओहले स्याहप्च्यी च्यिङ्यी़ नाहङला, “सु छ्यिम्बु यिहम्बा?#लूक २२:२४” म़ेदी कालाम काहल्सीन। 47ओहले येशूगी खुङगी साम्लु ङोह ख्येन्दी पेहजा च्यी़ला राहङगी सुहरला नोम फेप्ती लाहङ च्य़ूसीन। 48ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्दीॱलाङ चा़ पेहकें। च्यिबेमाना ख्या नाहङला सु थाम्ज्यी म़ेदी फेमा येहबा, खोराङ छ्यिम्बु ओहङगे।”#मत्ती १०:४०; लूक १०:१६; यूह १३:२०
49ओहले यूहन्नागी मासीन, “लोबेन ला़ह, मिह च्यी़गी राहङगी छेनला ङ्येहम्बा नाम्स्यीया़ला ङेती ताङगेन ङ्यिहगी थोङसीन। ओहले खो ओहराङ नाहङदी मिहम्बा सोङगोराङ ङ्यिहगी खोला ओ़ह ल़ेहमु ल़ेह पेह मा़हच्यु।” 50ओहजेला येशूगी सुङ नाङसीन, “खोला मा़हका!, ख्याला टा़ह मेहबेकें थाम्ज्यीराङ ख्यागी रो़ह यिहम्बा।”
सामरियागी येशूला फेप मा़हस्युहबा
51ओहले येशू स्यिहङगामला फेप्कें ती़हजी लेप्च्ये पेह फान्ज्यो येशू यरूशलेम ङो़ले थाक-ताङदी फेप नाङसीन। 52ओहले येशूगी, “तोहङलेराङ थाम्ज्यीराङ से़हया़ ठाबे पेहकेन राङ पेहतोङ” सुङदी लेहङगु ख्येर्केया़ला सामरिया माएँ ग्या़गी युहल च्यी़ला ताङ नाङसीन। 53येशू यरूशलेमला फेप्केराङ येह माएँ ताम क्यी़ह ज्योर फान्ज्यो सुगीॱआङ येशूला फेप मा़हस्यी। 54दि थोङदी याकूब दाङ यूहन्नागी येशूला स्युहसीन, “चो़वो ला़ह, ङ्यिहगी स्यिहङगामले माहर मेह ताहप च्य़ूदी दि मिहया़ला तोङ च्यू़ज्यु माएँ राहङगी थुला ठुङगु दुबा?”#२ राज १:९-१६
55दि ताम सेन्दी येशूगी खुङ ङो़ले ज़ी़दी काप्क्येन नाङसीन। 56ओहले येशू स्याहप्च्यीया़ ङ्याम्बु लेहमेन युहलला फेप नाङसीन।
येशूगी तिङदा तिङ डोज्ये सेम्बा पेहकें मिहया़
(मत्ती ८:१९-२२)
57ओहले येशू दाङ स्याहप्च्यीया़ लाहमला फेप्केराङ जेकेमु मिह च्यी़ ओहङदी येशूला स्युहसीन, “लोबेन ला़ह, राहङ का़हला फेप नाङगे ङाहॱआङ राहङगी तिङदा तिङ ओहङगे।” 58ओहले येशूगी ओ़ह मिहला ल़ेहन क्याहप्नाङसीन, “लिहन्दीया़दी तेहच्येला फुक्पा येहबा, च्याह-च्यिहवाया़दी छाङ येहबा, मिहगी स़ेबुदीनी गो़ ज़्या़सा ग्या़ज्यीॱआङ म़ेह!” म़ेदी सुङ नाङसीन।
59येहपाराङ लो़हलो मिह च्यी़ला येशूगी सुङ नाङसीन, “ङाहगी तिङदा तिङ स्यो!” ओहले ओ़ह मिहगी स्युहसीन, “चो़वो ला़ह, तोहङले ङाहला राहङगी आबागी फुङबु तो़ह-लुहङ नाङदोङ लाह” 60ओहले येशूगी ओ़ह मिहला सुङ नाङसीन, “रोहया़गी रोहया़लाराङ तो़हज्यु, यिहॱनाङ ख्येदी काहल्दी किन्ज्योगी क्याहल्सीगी तेहन्दाला स्येतोङ!”
61येहपाराङ लो़हलो मिह च्यी़गी येशूला स्युहसीन, “चो़वो, ङाह ता़ह यिहन्ज्यु राहङगी तिङदा तिङ ओहङगे, यिहॱनाङ, तोहङले ङाहगी खाङबागी मे़हमेया़ला कोहङबा स्युह डो-लुहङ नाङदोङ ला़ह।”#१ राज १९:२० 62ओहले येशूगी सुङ नाङसीन, “लाङगो मोएँ मिह क्याहप्लो लो़हदी त़ेदी तेहसीमाना लाङगो मो मी़हखुएँ। ओ़ह ल़ेहमुराङ, ङाहगी तिङदा तिङ ओहङगेन मिह क्याहप्लो लो़हदी त़ेदी तेहसीमाना किन्ज्योगी क्याहल्सीकी तेहन्दाला खो फेन मे़हथोएँ!” म़ेदी येशूगी सुङ नाङसीन।
S'ha seleccionat:
लूका 9: HYLM
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023 (Active), Wycliffe Bible Translators, Inc. All rights reserved.
लूका 9
9
येशूगी ल़ेह-पेन च्यिङ्यी़ला या़हबु लेहङगु स्येच्येला ताङ नाङग्यो
(मत्ती १०:५-१५; मर्क ६:७-१३)
1येशूगी ल़ेह-पेन च्यिङ्यी़ला क़े क्याहप्नाङसीन। ओहले खुङया़ला ल्हेन्डीया़ तेन्गे दाङ नेहपाया़ला टा़ह च्य़ूगेन्गी स्युक दाङ ओङ नाङसीन। 2किन्ज्योगी क्याहल्सीगी तेहन्दाला स्येच्येला ओहले नेहपाया़ला टा़ह च्य़ूज्येला ताङ चाहङ नाङसीन। 3ओहले येशूगी खुङया़ला, “लाहम स्य़ूहदी डोएँमु ख्यागी प्रेहका, काहल्दा, साहएँ स़ेह, टाङगा, दाङ पोयाप काप्च्याया़ च्यी़ॱआङ माहखुर। 4का़हन्दी खाङबा मे़हमेया़गी ख्याला फेप स्युहएँ, ओ़ह युहलले थेन्दी माहकाहल थु ओ़ह खाङबालाराङ तेहतोङ। 5मिहगी युहलला लेप्ते ख्याला सुगीॱआङ फेप मिहस्युहसीमाना ओ़ह युहलले थेन्दी डोएँमु ओ़ह युहलगी मिहया़ला किन्ज्योगी ठिम ताङ नाङज्ये येह म़ेदी तेन्ज्येला ख्यागी काङबाला ज़्योरक्योगी थाल्बी प्रू़दी ज़्यो़!”#ल़ेह १३:५१; लूक १०:४-११ म़ेदी येशूगी स्याहप्च्यीया़ला सुङ नाङसीन। 6ओहले स्याहप्च्यीया़ युहल युहलला काहल्दी मिहया़ला येशूगी लेहङगु या़हबु स्येसीन, ओहले नेहपाया़ला टा़ह च्य़ूसीन।
क्याहल्बु हेरोद थामा थोमे काहल्ग्यो
(मत्ती १४:१-१२; मर्क ६:१४-२९)
7ओहले गालील साने़ला ओङ छ्य़ेगे हेरोदगी येशूगी जे नाङग्यो छ्या़लेगी तेहन्दाला मिहया़गी ताम माक्यो थे़दी खो थामा थोमे काहल्सीन। च्यिबेमाना लाहलागी, “बप्तिस्मा तेर्केन यूहन्नाराङ सोम्बो लो़हदी ओहङग्यो यिहम्बा छ़े दु” म़ेदी माउ येहकें।#मत्ती १६:१४; मर्क ८:२८; लूक ९:१९ 8लाहलागी, “एलिया स्यिहङगामलेगी फेप्सीन दु” म़ेदी माउ येहकें, लाहलागी, “ताहङबोगी लुहङतेम्बाया़ नाहङगी मेहन्दा च्यी़ सोम्बो ज़्याङदी फेप्सीन दु” म़ेदी माउ येहकें। 9ओहले हेरोदगी, “यूहन्नालानी ङाहगीराङ गो़ तुप च्य़ूक्यो यिहन, दि सु यिहम्बा ता़ह? च्यि याहम्जेन छ्येवागी तामया़ ङाहगी थ़े कोहउ दु!” म़ेदी मासीन। ओहले हेरोदकी येशूला थू़ज्ये सेम पेहसीन।
येशूगी मिह तोङरा ङाला साहज्ये नाङग्यो
(मत्ती १४:१३-२१; मर्क ६:३०-४४; यूह ६:१-१४)
10ल़ेह-पेनया़ या़हबु लेहङगु स्येती लो़ह ओहङसीम्बाराङ खुङगी च्यि च्यि पेहपा ओ़हदी येशूला स्येसीन। ओहले येशूगी खुङया़ला बेथसेदा क्याहसाला नोम फेप नाङसीन। 11येशू ओ़हला फेप्सीन दु म़ेदी थ़े फान्ज्यो मिह माहङबुराङ येशूगी तिङदा तिङ ओहङसीन। ओहले येशूगी मिहया़ला क़े क्याहप्नाङसीन, ओहले खुङला किन्ज्योगी क्याहल्सीगी तेहन्दाला सुङ ख्येप्टा नाङसीन, ओहले नेहपाया़ला टा़ह च्य़ू नाङसीन।
12नाहम सोज्ये पेहकेमु ओ़ह स्याहप्च्यी च्यिङ्यी़ ओहङदी येशूला दि ल़ेहमु म़ेदी स्युहसीन, “देलानी च्यिॱआङ मिहन्दु, ता़हनी दि मिहया़ला कोहङबा नाङदोङ, खुङ काहल्दी साहर-सुहरकी युहलया़ला तेहसा ग्या़ छोल्ज्यु!” 13ओहले येशूगी, “ख्यागीराङ खुङला साहज्ये तेर्तोङ!” म़ेदी सुङ नाङसीन। ओहले खुङगी, “ङ्यिह ङ्याम्बुनी खुरा ङा दाङ ङ्याह ङ्यी़ च्यी़राङ येहबा। च्यि ङ्यिहगी देजे माहङा मिहया़ला साहज्ये से़हया़ ङ्ये़हदी ख्योङज्ये ला़ह?” म़ेदी स्युहसीन। 14ओ़हला जोम्ग्यो क्येप-ख्योवाया़ज्यीॱराङ तोङरा ङाजे येहकें। ओहले येशूगी स्याहप्च्यीया़ला, “दि मिहया़ला ङाप्च्यु-ङाप्च्युगी नाहरे (लाइन) जे़दी पाङगाला तेह च्य़ूदोङ!” म़ेदी कुल नाङसीन। 15ओहले स्याहप्च्यीया़गी ओ़ह ल़ेहमुराङ पेहसीन। 16ओहले येशूगी खुरा ङा दाङ ङ्याह ङ्यी़ छ्या़ला नोम्दे नामला याहर ज़ी़ नाङदी किन्ज्योला थुज्यी-छ्ये़ फुल नाङसीन। ओहले खुरा दाङ ङ्याह च्येती स्याहप्च्यीया़ला नाङसीन, स्याहप्च्यीया़गी ख्येर्ती मिहया़ला के़हदी तेर्सीन। 17ओहले मिह थाम्ज्यीगीराङ साह ख़ूएँ थु साहसीन। साह सिहन फान्ज्यो ल्हा़स्युलया़ तुहएँमु डा़लो च्यिङ्यी़ काहङसीन।
येशू थार्पा नाङगेन्गी मास्यीका
(मत्ती १६:१३-२३; मर्क ८:२७-३३)
18लेहमा च्यी़ येशू राहङ च्यी़राङ सोल्वाङ ताप्ते ज़्य़ू नाङगेमु स्याहप्च्यीया़ येशूसाला ओहङसीन। ओहले येशूगी स्याहप्च्यीया़ला, “मिहया़गी ङाहला सु यिहम्बा म़ेदी माउ दु ले?” म़ेदी टी़ह नाङसीन। 19ओहले स्याहप्च्यीया़गी, “लाहलागी बप्तिस्मा तेर्केन यूहन्ना यिहन माउ दु, लाहलागी एलिया यिहन माउ दु, लाहलागीनी ताहङबो लुहङतेम्बाया़ नाहङगी मेहन्दा च्यी़ सोम्बो ज़्याङदी फेप्क्यो यिहम्बा छ़े दु म़ेदी माउ दु” म़ेदी स्युहसीन।#मत्ती १४:१,२; मर्क ६:१४,१५; लूक ९:७,८ 20ओहले येहपाराङ येशूगी टी़ह नाङसीन, “ओहले ख्याया़गीदी ङाहला सु यिहम्बा माएँ ले?” “लोबेन ला़ह, राहङ किन्ज्योगी ताङ नाङग्योकी थार्पा थोप च्य़ू नाङगेन मास्यीका यिहम्बा!”#यूह ६:६८,६९ म़ेदी पत्रुसगी स्युहसीन।
21ओहले येशूगी स्याहप्च्यीया़ला, “दि केच्या सुॱलाङ माहस्ये” म़ेदी का नाङसीन। 22दि का नाङ सिहन फान्ज्यो येशूगी येहपाराङ सुङ नाङसीन, “मिहगी स़ेबुगी तुहक्पु माहङबुराङ ना़ कोहज्ये येह, एल्डर, पूजाहारी छ्यिम्बु दाङ खेम्बुया़गी खोला चा़ पेहच्ये म़ेह, ओहले तिङले सेच्ये येह। यिहॱनाङ, ङ्यिहमा सुम ङ्यिहमु किन्ज्योगी ङाहला सोम्बो लो़ह च्य़ू नाङज्ये येह” म़ेदी येशूगी स्याहप्च्यीया़ला सुङ नाङसीन।
स्याहप्च्यीगी क्युर कोहएँगी से़हया़
(मत्ती १६:२४-२८; मर्क ८:३४–९:१)
23ओहले येशूगी मिहया़ला सुङ नाङसीन, “त़ेदोङ, सुॱआङ ङाहगी तिङला ओहङज्ये सेम येहसीमाना खोगी राहङगी राहङला मा-लोक पेहच्यु ओहले ङ्यिहमा-टाहङमाराङ राहङगी क्याहङस्यीङ खुर्ती ङाहगी तिङदा तिङ ओहङज्यु।#मत्ती १०:२८; लूक १४:२७ 24का़हन्दीगी मिहली सी़ज्ये छोल्गे ओ़हदीगी मिहली तोर च्य़ूज्ये येह, ङाहगी तेहन्दाला का़हन्दीगी मिहली तेर्के ओ़हदीगी मिहली ज्योर्च्ये येह।#मत्ती १०:३९; लूक १७:३३; यूह १२:२५ 25ख्यागी जाम्बुलीङ थाम्ज्यीराङ राहङगी लाहक्पाला लेहन्दी राहङगी मिहलीदी तोर च्यू़सीमाना ख्याला च्यि फेन थोएँ ले? 26सुगी ङाहती मिहन दाङ लोप्च्युङ लेहन्ज्येला ङोहजा पेहकें, ङाह मिहगी स़ेबुगीॱआङ ङाह दाङ किन्ज्यो याहपकी ओहले नाम्पार-ताहक्पा स्यिहङगामकी स्याहप्च्यीया़की ज़िज्यिद नोम्दी फेप नाङगेमु खोला ङाह राहङदी माज्येला ङोहजा पेहच्ये येह। 27ङाहगी ख्याया़ला तेहम्बाराङ माउ येह, किन्ज्योगी क्याहल्सीला माहलेप थु देला लाहङदी तेहक्योया़ नाहङला काहजे मिहया़ स्यिज्ये म़ेह!” म़ेदी येशूगी सुङ नाङसीन।
येशूगी कुसो ग्युरक्यो
(मत्ती १७:१-८; मर्क ९:२-८)
28दि स्याहल सुङदी स्याहक्पु क्ये़हचे तिङले येशूगी पत्रुस, यूहन्ना दाङ याकूबला नोम्दे सोल्वाङ ताप्च्येला काहङ च्यी़ला फेप नाङसीन। 29ओहले येशू सोल्वाङ ताप-ताप्पा काहङला येशूगी स्याहल्दोङ ग्युर नाङसीन, ओहले मी़राङ छ्यिप्कें थु येशूगी नाहम्सा कार्पु पेहती ओहङसीन। 30ओहले याहम्बीज्यीलाराङ मिह ङ्यी़ फोक थेन्दी येशू ङ्याम्बु स्याहल सुङज्ये छ़ूसीन। खुङ ङ्यी़दी मोशा दाङ एलिया यिहन्गे! 31खुङया़ स्यिहङगामकी क्या-साङेला येहपा छ्या़दे येहकें ओहले यरूशलेमला येशू टोहङ कोहएँगी तेहन्दाला येशू ङ्याम्बु स्याहल सुङगेराङ येहकें।
32ओहजेला पत्रुस दाङ खोगी रो़हया़ ङ्यि स्यिहम्बुज्यी लो़हदी तेहक्यो येहकें। ओहले ङ्यि साङदे ताएँमु खुङगी येशूला मी़गी ता राङ मी़हखुएँ स्यिहङगामगी क्या-साङे येहसेरला राहङसा मेहन्दा ङ्यी़ ङ्याम्बु ज़्याङदी स्याहल सुङ नाङग्यो थोङसीन। 33ओहले मोशा दाङ एलियागी येशूला कोहङबा स्य़ूहज्ये जेकें थुला पत्रुसगी, “लोबेन ला़ह, ङ्यिहॱआङ देला ओहङग्योदी या़हबु काहल्सीन दु। ङ्यिहगी देला खाङज्युङ सुम ज़ोएँ, लोबेनला च्यी़, मोशाला च्यी़, एलियाला च्यी़!” म़ेदी खोगी खाले फोक थेन्सीन, च्यि मे़बा म़ेदी खोराङलाॱआङ क्यी़ह म़ेहबा येहकें।
34ओहले पत्रुसगी ताम माएँ माएँमुराङ मुक्पा थेन ओहङदी खुङ फे़बेया़ला का़सीन, ओहले स्याहप्च्यीया़ ज्यी़सीन। 35ओहले ओ़ह मुक्पा नाहङलेगी दि ल़ेहमु सुङ-क़े च्यी़ थ़ेसीन, “दि ङाहगी पुह यिहम्बा, खोलाराङ ङाहगी दाम्ग्यो यिहम्बा, खोगी माक्योगी ताम ङ्यिहन्दोङ!”#यशै ४२:१; मत्ती ३:१७; १२:१८; मर्क १:११; लूक ३:२२; २ पत्र १:१७,१८ 36ओ़ह सुङ-क़े छ्येप तेह फान्ज्यो स्याहप्च्यीया़गी येशू च्यी़लाॱराङ थोङसीन। ओ़ह ती़हजीला स्याहप्च्यीया़गी राहङगी थोङग्योकी केच्या सुॱलाङ माहस्ये।
येशूगी ल्हेन्डी स्य़ूहक्योगी स्यारा च्यी़ला टा़ह च्य़ू नाङग्यो
(मत्ती १७:१४-१८; मर्क ९:१४-२७)
37नाहङबार च्युङ खुङ फ़ेबेॱया काहङदोले माहर लो़ह फेप्केमु मिह माहङबुगीराङ येशूला थ़ू ओहङसीन। 38ओहले मिह च्यी़गी क़े तेन्दी मासीन, “ओ़ लोबेन ला़ह, ओहर-छ्य़े!, ङाहगी पुहला राहङगी ज़ी़-नाङदोङ लाह! च्यिबे मासीमाना खो ङाहगी पुह च्यिमे च्यी़राङ यिहन। 39ङ्येहम्बा नाम्स्यी च्यी़गी खोला ज़ुङगे ओहले याहङमे-याहङ खो ची़रा तेन्दी दाङे रिहल्गे, ओहले खो खाले पोहवाल थेन्दी फार छुर बोल्गे, ओहले नाहन्दी माहकाहल थु ङ्येहम्बा नाम्स्यीगी ताङॱराङ मेहताङगे। 40राहङगी स्याहप्च्यीया़ला ङाहगी ओ़ह ङ्येहम्बा नाम्स्यीला तेन चाहङज्येला ओहर-छ्य़े! म़ेदी स्युहसीन यिहॱनाङ खुङगीनी ला़ मा़हखे ला़ह!” म़ेदी ओ़ह मिहगी येशूला स्युहसीन। 41ओहले येशूगी सुङ नाङसीन, “ख्याया़ काहन्डुमु यिह-छ्य़े म़ेहबा दाङ गो़ कोरक्यो मिहया़ दुबा! ङाह ख्याया़ ङ्याम्बु काहजे थु तेहच्ये, ङाहगी ख्याया़ला काहजे थु ना़ज्ये?” ओ़ह तिङले येशूगी ओ़ह पुहगी आबाला सुङ नाङसीन, “ख्येगी पुहला ख्योङदी स्यो!” 42ओहले आबादीगी पुहला ख्योङगे ख्योङगेमुराङ ल्हेन्डीगी ओ़ह पेहजाला च्यार-ताप क्याहप्ती कक्र्याक-कुक्रुक ज़ोसीन। ओ़हजेलाराङ येशूगी मेहचाङा नाम्स्यीला काप्क्येन नाङसीन ओहले ओ़ह पेहजा टा़ह च्य़ू नाङदी आबादीला चि क्याहप नाङसीन। 43किन्ज्योगी दि ल़ेहमु ओङ छ्यिम्बु थोङदी मिहया़ थाम्ज्यीराङ ह्अ ल़ेहसीन।
येशूगी येहपाराङ राहङ टोहङ कोहएँगी तेहन्दाला सुङ नाङग्यो
(मत्ती १७:२२-२३; मर्क ९:३०-३२)
येशूगी जे नाङग्योकी छ्या़लेला मिह थाम्ज्यी ह्अ ल़ेहक्यो ज़ी़दी, येशूगी राहङगी स्याहप्च्यीया़ला सुङ नाङसीन, 44“ङाहगी च्यि माज्ये पेहक्यो यिहम्बा, ओ़ह टेहम्बा माहच्येह च्यिबेमाना मिहगी स़ेबुला ज़ुङदी मिहया़गी लाहक्पाला चि क्याहप्च्ये येह।” 45स्याहप्च्यीया़गी दि केच्या ह्अ मा़हकेह, च्यिबेमाना दि केच्या खुङया़गी ह्अ माहकोहज्यु म़ेदी खुङया़ ङो़ले पे़हदी ज़्या़क्यो येहकें। ओहले च्यी़ सुङ नाङग्यो यिहम्बानी म़ेदी खुङया़गी येशूला टी़हज्येला आप-छ्ये मा़हखु।
सु छ्यिम्बु यिहम्बा?
(मत्ती १८:१-५; मर्क ९:३३-४०)
46ओहले स्याहप्च्यी च्यिङ्यी़ नाहङला, “सु छ्यिम्बु यिहम्बा?#लूक २२:२४” म़ेदी कालाम काहल्सीन। 47ओहले येशूगी खुङगी साम्लु ङोह ख्येन्दी पेहजा च्यी़ला राहङगी सुहरला नोम फेप्ती लाहङ च्य़ूसीन। 48ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्दीॱलाङ चा़ पेहकें। च्यिबेमाना ख्या नाहङला सु थाम्ज्यी म़ेदी फेमा येहबा, खोराङ छ्यिम्बु ओहङगे।”#मत्ती १०:४०; लूक १०:१६; यूह १३:२०
49ओहले यूहन्नागी मासीन, “लोबेन ला़ह, मिह च्यी़गी राहङगी छेनला ङ्येहम्बा नाम्स्यीया़ला ङेती ताङगेन ङ्यिहगी थोङसीन। ओहले खो ओहराङ नाहङदी मिहम्बा सोङगोराङ ङ्यिहगी खोला ओ़ह ल़ेहमु ल़ेह पेह मा़हच्यु।” 50ओहजेला येशूगी सुङ नाङसीन, “खोला मा़हका!, ख्याला टा़ह मेहबेकें थाम्ज्यीराङ ख्यागी रो़ह यिहम्बा।”
सामरियागी येशूला फेप मा़हस्युहबा
51ओहले येशू स्यिहङगामला फेप्कें ती़हजी लेप्च्ये पेह फान्ज्यो येशू यरूशलेम ङो़ले थाक-ताङदी फेप नाङसीन। 52ओहले येशूगी, “तोहङलेराङ थाम्ज्यीराङ से़हया़ ठाबे पेहकेन राङ पेहतोङ” सुङदी लेहङगु ख्येर्केया़ला सामरिया माएँ ग्या़गी युहल च्यी़ला ताङ नाङसीन। 53येशू यरूशलेमला फेप्केराङ येह माएँ ताम क्यी़ह ज्योर फान्ज्यो सुगीॱआङ येशूला फेप मा़हस्यी। 54दि थोङदी याकूब दाङ यूहन्नागी येशूला स्युहसीन, “चो़वो ला़ह, ङ्यिहगी स्यिहङगामले माहर मेह ताहप च्य़ूदी दि मिहया़ला तोङ च्यू़ज्यु माएँ राहङगी थुला ठुङगु दुबा?”#२ राज १:९-१६
55दि ताम सेन्दी येशूगी खुङ ङो़ले ज़ी़दी काप्क्येन नाङसीन। 56ओहले येशू स्याहप्च्यीया़ ङ्याम्बु लेहमेन युहलला फेप नाङसीन।
येशूगी तिङदा तिङ डोज्ये सेम्बा पेहकें मिहया़
(मत्ती ८:१९-२२)
57ओहले येशू दाङ स्याहप्च्यीया़ लाहमला फेप्केराङ जेकेमु मिह च्यी़ ओहङदी येशूला स्युहसीन, “लोबेन ला़ह, राहङ का़हला फेप नाङगे ङाहॱआङ राहङगी तिङदा तिङ ओहङगे।” 58ओहले येशूगी ओ़ह मिहला ल़ेहन क्याहप्नाङसीन, “लिहन्दीया़दी तेहच्येला फुक्पा येहबा, च्याह-च्यिहवाया़दी छाङ येहबा, मिहगी स़ेबुदीनी गो़ ज़्या़सा ग्या़ज्यीॱआङ म़ेह!” म़ेदी सुङ नाङसीन।
59येहपाराङ लो़हलो मिह च्यी़ला येशूगी सुङ नाङसीन, “ङाहगी तिङदा तिङ स्यो!” ओहले ओ़ह मिहगी स्युहसीन, “चो़वो ला़ह, तोहङले ङाहला राहङगी आबागी फुङबु तो़ह-लुहङ नाङदोङ लाह” 60ओहले येशूगी ओ़ह मिहला सुङ नाङसीन, “रोहया़गी रोहया़लाराङ तो़हज्यु, यिहॱनाङ ख्येदी काहल्दी किन्ज्योगी क्याहल्सीगी तेहन्दाला स्येतोङ!”
61येहपाराङ लो़हलो मिह च्यी़गी येशूला स्युहसीन, “चो़वो, ङाह ता़ह यिहन्ज्यु राहङगी तिङदा तिङ ओहङगे, यिहॱनाङ, तोहङले ङाहगी खाङबागी मे़हमेया़ला कोहङबा स्युह डो-लुहङ नाङदोङ ला़ह।”#१ राज १९:२० 62ओहले येशूगी सुङ नाङसीन, “लाङगो मोएँ मिह क्याहप्लो लो़हदी त़ेदी तेहसीमाना लाङगो मो मी़हखुएँ। ओ़ह ल़ेहमुराङ, ङाहगी तिङदा तिङ ओहङगेन मिह क्याहप्लो लो़हदी त़ेदी तेहसीमाना किन्ज्योगी क्याहल्सीकी तेहन्दाला खो फेन मे़हथोएँ!” म़ेदी येशूगी सुङ नाङसीन।
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023 (Active), Wycliffe Bible Translators, Inc. All rights reserved.