ଯୋହନ 5
5
ଅଟ୍ତିରିଶ୍ ବାର୍ହୁନି ରଗ୍ଦାକାନିଙ୍ଗ୍ ଯୀଶୁ ହାର୍କିତାନ୍
1ତାପାଚେ ଯିହୁଦି ଜାତିନି ର ପାର୍ବୁ ଆତାତ୍, ଲାଗିଙ୍ଗ୍ ଯୀଶୁ ଯିରୁଶାଲାମ ସହର୍ତାକେ ହାଚାନ୍। 2ଯିରୁଶାଲାମ ସହର୍ତାକେ ପାଞ୍ଚ୍ଗଟା ମଣ୍ଡପ୍ ମାନି ର ବାନ୍ଦ୍ ମାଚାତ୍। ଏବ୍ରୀ ବାଷାତାଙ୍ଗ୍ ଇଦାଙ୍ଗ୍ତିଙ୍ଗ୍ ବେଥେସାଦା ଇଞ୍ଜିମାଚାର୍। ଇଦାଙ୍ଗ୍ ମେଣ୍ଢାଙ୍ଗ୍ ହଣି ଦୁୱେର୍ତ ମାଚାତ୍। 3ହେବେ ବାରବିନି ରଗିୟାର୍ ବାନ୍ଦ୍ ଲାଗାୟ୍ନି ମଣ୍ଡପ୍ତାକେ ମାଗ୍ଜି ମାଚାର୍। ହେୱାର୍ ବିତ୍ରେତାଙ୍ଗ୍ କେତ୍ଜାଣ୍ କାଣା, ଚଟା ଆରେ ହିର୍କଲ୍ ରଗ୍ଦାକାର୍ ମାଚାର୍। 4ରକାନ୍ ସରଗ୍ଦୁତ୍ ଏଚେପାଦ୍ନା ୱାଜି ବାନ୍ଦ୍ନି ଏଜୁକାଙ୍ଗ୍ ଜଲାଇ କିଜି ମାଚାତ୍। ହେପାଦ୍ନା ଇମ୍ଣି ରଗିୟା ପାର୍ତୁମ୍ ଏଜୁଙ୍ଗ୍ ବିତ୍ରେ ହାଲ୍ଜି ମାଚାନ୍, ହେୱାନ୍ ହାର୍ ଆଜି ମାଚାନ୍। 5ହେବେ ତିରିଶ୍ ଆଟ୍ ବାର୍ହୁ ରଗ୍ ଆହିଆତି ରକାନ୍ ମାନାୟ୍ ମାଚାନ୍। 6ହେୱାନ୍ ବେସି ଦିନ୍ତି ରଗ୍ ଆହିୟା ଆତାକା ଯୀଶୁ ପୁନ୍ଞ୍ଜି ହେୱାନିଙ୍ଗ୍ ୱେନ୍ବାତାନ୍, “ଏନେଙ୍ଗ୍ ହାର୍ ଆଦେଙ୍ଗ୍ ଇଚାକି?”
7ହେ ରଗ୍ ଆହିୟା ଆତାକାନ୍ ହେୱାନିଙ୍ଗ୍ ୱେଚ୍ଚାନ୍, “ଆଜ୍ଞା, ଏଜୁଙ୍ଗ୍ ଜଲା ଆନିହିଙ୍ଗ୍ ଏଜୁଙ୍ଗ୍ ବିତ୍ରେ ଅସାହାଞ୍ଜେଙ୍ଗ୍ ନାଙ୍ଗେଙ୍ଗ୍ ଇନେର୍ ହିଲୁର୍। ଆନେଙ୍ଗ୍ ପାର୍ତୁମ୍ ଏଜୁଙ୍ଗ୍ ବିତ୍ରେ ହାନାଙ୍ଗ୍ ଇଞ୍ଜି ଉପାୟ୍ କିନିହିଙ୍ଗ୍, ଜେକନିକାର୍ ନା ଆଗେ ଏଜୁକାଙ୍ଗ୍ ହାନାରା।”
8ତାପାଚେ ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ନିଙ୍ଗା! ନି ପାସ୍ତି ଟାଟି ନିକ୍ଚି ହାଲା।”
9ହେଦାପ୍ରେ ହେ ରଗ୍ୟା ହାର୍ ଆତାନ୍। ଆରେ ହେୱାନ୍ ତା ପାସ୍ତି ଟାଟି ଆସ୍ତି ତାଙ୍ଗ୍ଦେଙ୍ଗ୍ ଆରମ୍ କିତାନ୍। ଇ ଗଟ୍ନା ଗଟାଆନିଦିନ୍ ଜମ୍ନିଦିନ୍ ମାଚାତ୍। 10ଲାଗିଙ୍ଗ୍ ଯିହୁଦି ନେତାର୍ ହାର୍ଆତି ମାନାୟ୍ତିଙ୍ଗ୍ ୱେଚ୍ଚାର୍, “ନେଞ୍ଜେଙ୍ଗ୍ ତ ଜମ୍ନିଦିନ୍। ଜମ୍ନିଦିନ୍ତ ଏନେଙ୍ଗ୍ ପାସ୍ତି ଟାଟି ପିଣ୍ଜି ଅନାକା ମା ବିଦି ଆକାୟ୍।”
11ମାତର୍ ହେୱାନ୍ ୱେଚ୍ଚାନ୍, “ନାଙ୍ଗେଙ୍ଗ୍ ଇନେର୍ ହାର୍ କିତ୍ତାନ୍ନା, ହେୱାନ୍ ନାଙ୍ଗେଙ୍ଗ୍ ୱେଚ୍ଚାତାନ୍ ‘ନି ଟାଟି ଆହା ଆରେ ହାଲା।’ ”
12ଯିହୁଦି ନେତାର୍ ହେୱାନିଙ୍ଗ୍ ୱେନ୍ବାତାର୍, “ନେଞ୍ଜେଙ୍ଗ୍ ନିଙ୍ଗେଙ୍ଗ୍ ଇନେର୍ ଟାଟି ଆସ୍ତି ହାଲା ଇଞ୍ଜି ୱେଚ୍ଚାତାନ୍?”
13ମାତର୍ ହାର୍ଆତି ମାନାୟ୍ ହେୱାନ୍ ଇନେର୍ ଇଞ୍ଜି ପୁନ୍ୱାଦାଙ୍ଗ୍ ମାଚାନ୍। ହେ ବାହାତାକେ ବେସିହେନି ମାନାୟ୍ ମାଚାର୍। ଆରେ ଯୀଶୁ ହେବେତାଙ୍ଗ୍ ହାଲ୍ଜି ମାଚାନ୍। 14ତାପାଚେ ଯୀଶୁଙ୍ଗ୍ ହେୱାନ୍ ଈଶ୍ୱର ମାନି ମନ୍ଦିର୍ ବିତ୍ରେ ହୁଡ଼୍ତାନ୍। ହେୱାନ୍ ହେୱାରିଙ୍ଗ୍ ୱେଚ୍ଚାନ୍, “ହୁଡ଼ା ନଙ୍ଗୟ୍ ପୁରାପୁରି ହାର୍ଆତାଇନା। ଲାଗିଙ୍ଗ୍ ଏନେଙ୍ଗ୍ ଆରେ ପାପ୍ କାମାୟ୍ କିମା। ଏନେଙ୍ଗ୍ ଯଦି ପାପ୍ କାମାୟ୍ କିନାୟ୍, ଏନେଙ୍ଗ୍ ଆଦିକ୍ ଦୁକ୍କଷ୍ଟ ପାୟାଆନାୟ୍।” 15ତାପାଚେ ହେ ମାନାୟ୍ ହାଲ୍ଜି ଯିହୁଦି ନେତାରିଙ୍ଗ୍ ୱେଚ୍ଚାନ୍, “ଯୀଶୁ ନାଙ୍ଗେଙ୍ଗ୍ ହାର୍ କିତ୍ତାନ୍।”
16ଯୀଶୁ ଜମ୍ନିଦିନ୍ ନାଞ୍ଜିଙ୍ଗ୍ ଇୱିଜୁ ହାର୍କିନି କାମାୟ୍ କିଜି ମାଚାନ୍। ଲାଗିଙ୍ଗ୍ ଯିହୁଦି ନେତାର୍ ଯୀଶୁଙ୍ଗ୍ ହଇରାଣ୍ କିଦେଙ୍ଗ୍ ଲାଗାତାର୍। 17ମାତର୍ ଯୀଶୁ ଯିହୁଦି ନେତାରିଙ୍ଗ୍ ୱେଚ୍ଚାନ୍, “ନା ଆବା ନଙ୍ଗୟ୍ ପାତେକ୍ କାମାୟ୍ କିନାନା, ଆରେ ଆନେଙ୍ଗ୍ ପା କାମାୟ୍ କିନାଙ୍ଗା।” 18ଇଦାଙ୍ଗ୍ କାଜିଙ୍ଗ୍ ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଆରେ ଆଦିକ୍ ଉପାୟ୍ କିତାର୍। ଯିହୁଦି ନେତାର୍ ୱେଚ୍ଚାର୍, “ପାର୍ତୁମ୍ ଯୀଶୁ ଜମ୍ନିଦିନ୍ ନିୟମ୍ ବିଦିତିଙ୍ଗ୍ ବାଙ୍ଗାଇ କିତାନ୍। ତାପାଚେ ହେୱାନ୍ ଈଶ୍ୱରତିଙ୍ଗ୍ ଜାର୍ ଆବା ଇଞ୍ଜି ଇନାନା। ହେୱାନ୍ ଜାର୍ତିଙ୍ଗ୍ ଈଶ୍ୱର ଲାହାଙ୍ଗ୍ ହାମାନ୍ କିନାନା।”
ମେହିତି ଆଦିକାର୍
19ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ମେହି ରକାନ୍ ଇନାକା କିଦେଙ୍ଗ୍ ଆଡୁନ୍। ଇନାକା ଲାତ୍ରାହି କିନାକା ମେହି ହୁଡ଼୍ତାନ୍, ହେୱାନ୍ ହେଦାଙ୍ଗ୍ନେ ଇନାନ୍। ଇନେସ୍କି ଆବା ଇନାକା କିନାନ୍ ମେହି ପା ହେ ୱିଜୁ କିନାନ୍। 20ଲାଗିଙ୍ଗ୍ ଆବା ମେହିଙ୍ଗ୍ ଲାଡ୍ କିନାନ୍। ଆବା କିନି ୱିଜୁ କାମାୟ୍ ମେହିଙ୍ଗ୍ ଚଚ୍ନାନ୍। ଆରେ ଏପେଙ୍ଗ୍ ହୁଡ଼୍ଜି ଚାନିଆ ଆନାଦେର୍। ଇଦାଙ୍ଗ୍ କାଜିଙ୍ଗ୍ ଆବା ମେହିଙ୍ଗ୍ ଇଦାଙ୍ଗ୍ତାଙ୍ଗ୍ ଆରେ ଗାଜା-ଗାଜା କାମାୟ୍ କିଦେଙ୍ଗ୍ ଚଚ୍ଚାନାନ୍। 21ଆବା ଈଶ୍ୱର ହାଃତାକାରିଙ୍ଗ୍ ନିକ୍ଚି ହେୱାରିଙ୍ଗ୍ ଜିବୁନ୍ ହିନାନ୍। ଟିକ୍ ହେଲେକେନେ ମେହି ଇନେରିଙ୍ଗ୍ ଇଚାକିନାନ୍ ହେୱାରିଙ୍ଗ୍ ଜିବୁନ୍ କିନାନ୍। 22ଆବା ଇନେରିଙ୍ଗ୍ ବିଚାର୍ କିଉନ୍। ମାତର୍ ହେୱାନ୍ ମେହିଙ୍ଗ୍ ବିଚାର୍କିନି ୱିଜୁ ଆଦିକାର୍ ହିତାନ୍ନା। 23ଇମ୍ଣାକାନ୍ ମେହିଙ୍ଗ୍ ସନ୍ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍ମାନ୍ କିଉଦେର୍।”
24ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, “ଇମ୍ଣାକାନ୍ ନା ୱେଚ୍ଚି ବେଣ୍ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍ ମାନ୍ଗାନାନ୍।
25ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ର ସମୟ୍ ୱାନାତା ହାଃତାକାର୍ ମାନାୟ୍ ଈଶ୍ୱର ମେହି ବେଣ୍ ୱେନାର୍। ଆରେ ମେହି ବେଣ୍ ୱେନ୍ଞ୍ଜି ଆସ୍ତାକାର୍ ୱିଜ୍ୱି ଜିବୁନ୍ ପାୟାଆନାର୍। ନଙ୍ଗୟ୍ ହେ ସମୟ୍ ପା ଏକାତାତ୍ନା। 26ମାତର୍ ସରଗ୍ନି ଆବା ଆନାନା ଜିବୁନ୍ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍ନି ଆଦିକାର୍ ହିତାନ୍ନା। 27ମାନାୟାର୍ ବିଚାର୍ କିଦେଙ୍ଗ୍ ହେୱାନ୍ ତା ମେହିଙ୍ଗ୍ ଆଦିକାର୍ ହିତାନ୍ନା। ଇନେସ୍କି ଆନେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତଙ୍ଗ୍। 28ଏପେଙ୍ଗ୍ ଚାନିଆ ଆମାଟ୍। ଇଲେଗ୍ଦି ସମୟ୍ ୱାନାତା, ହେପାଦ୍ନା ହାଃଜି ଦୁଗେର୍ତ ମୁଚିଆ ଆତାକାର୍ ୱିଜାକାର୍ ତା ବେଣ୍ ୱେନାର୍। 29ହେୱାର୍ ଜିବୁନ୍ତ ସତ୍ କାମାୟ୍ କିତାକାର୍ ଆରେରଗ ଜିବୁନ୍ଆଜି ନିଙ୍ଗ୍ନାର୍। ଆରେ ୱିଜ୍ୱି ଜିବୁନ୍ ପାୟାଆନାର୍। ମାତର୍ କରାପ୍ କାମାୟ୍ କିତାକାର୍ ଦଷିଲେକେ ବିଚାର୍ କିୟା ଆଦେଙ୍ଗ୍ ନିଙ୍ଗ୍ନାର୍।”
ଯୀଶୁ ବେଣ୍ତିଙ୍ଗ୍ ପାର୍ତି କିୱାତାର୍
30ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।
31ଆନେଙ୍ଗ୍ ଯଦି ମାନାୟାରିଙ୍ଗ୍ ନା ଜାର୍ ବିଷୟରେ ୱେଚ୍ଚାନାଙ୍ଗ୍, ଏଲେଙ୍ଗ୍ ଆତିସ୍ ନା ୱେଚ୍ଚି ବେଣ୍ ଟିକ୍ ଆଉତ୍। 32ମାତର୍ ନା ବିଷୟରେ ଆବା ଈଶ୍ୱର ସାକି ହିନାନା। ଆରେ ଆନେଙ୍ଗ୍ ପୁନାଙ୍ଗ୍ ନା ବିଷୟରେ ହେୱାନ୍ ଇନାକା ୱେଚ୍ଚାନାନା, ହେଦାଙ୍ଗ୍ୱିଜୁ ସତ୍। 33ଏପେଙ୍ଗ୍ ଡୁବନ୍ହିନି ଯୋହନ ଲାଗାୟ୍ ଡାଣ୍ଡାସିଙ୍ଗ୍ ପକ୍ତାଇନା। ଆରେ ହେୱାନ୍ ମିଙ୍ଗେଙ୍ଗ୍ ନା ସତ୍ ବିଷୟରେ ୱେଚ୍ଚାତାନ୍। 34ନା ବିଷୟରେ ୱେଚ୍ଚେଙ୍ଗ୍ ମାନାୟାର୍ ସାକି ଦର୍କାର୍ ଆକାୟ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ ୱେଚ୍ଚାନାଙ୍ଗା ଇନେସ୍କି ଏପେଙ୍ଗ୍ ଯୋହନ କାତା ୱେନ୍ଞ୍ଜି ରକ୍ଷା ପାୟାଆନାଦେର୍। 35ଡୁବନ୍ହିନି ଯୋହନ ରକାନ୍ କାଚାଆନି ବଇଟାଲେକେ ଅଜଡ଼୍ ମାଚାନ୍। ଆରେ ଏପେଙ୍ଗ୍ ହେ ଅଜଡ଼୍ ଅଲପ୍ ଦିନ୍ତିଙ୍ଗ୍ ହୁଡ଼୍ଜି ୱାରି ଆତାଦେର୍। 36ଡୁବନ୍ହିନି ଯୋହନ ସାକିତାଙ୍ଗ୍ ନା ଲାଗାୟ୍ ଆଦିକ୍ ଗାଜାସାକି ମାନାତ୍। ଆବା ଇମ୍ଣି କାମାୟ୍ ପୁରା କିନି କାଜିଙ୍ଗ୍ ହିତ୍ତାନ୍ନା, ହେ କାମାୟ୍ ୱିଜୁ ନା କାଜିଙ୍ଗ୍ ସାକି ହିତ୍ତାନ୍ନା, ଆରେ ଆବା ନାଙ୍ଗେଙ୍ଗ୍ ପକ୍ତାତାନ୍ନା ଲାଗିଙ୍ଗ୍ ସାକି ହିନାଙ୍ଗା। 37ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍ନା ଆରେ ନିଜେ ନା ବିଷୟରେ ସାକି ହିତ୍ତାନ୍ନା। ମାତର୍ ଏପେଙ୍ଗ୍ ଇନାୱେଡ଼ାଙ୍ଗ୍ ପା ବେଣ୍ ୱେନୁଦେରେ। ହେୱାନିଙ୍ଗ୍ ଇନେସ୍ ଲେଗ୍ଦି ରୁପ୍, ହେଦାଙ୍ଗ୍ ପା ଏପେଙ୍ଗ୍ ହୁଡ଼୍ୱାତାଦେର୍ନା। 38ହେୱାନ୍ ବେଣ୍ ମି ଗରବ୍ ବିତ୍ରେ ଇଟ୍ୱାତାଦେର୍ନା। ହେୱାନ୍ ଇନେରିଙ୍ଗ୍ ପକ୍ତାତାନ୍ନା ହେୱାନିଙ୍ଗ୍ ଏପେଙ୍ଗ୍ ପାର୍ତି କିଉଦେରା।
39ଏପେଙ୍ଗ୍ ଦରମ୍ ସାସ୍ତର୍ତିଙ୍ଗ୍ ପିଡ଼ି କିନାଦେରା, ଆରେ ହେବେ ନେ ୱିଜ୍ୱି ଜିବୁନ୍ ପାୟାଆନାପ୍ ଇଞ୍ଜି ମାନ୍ତ ବାବିକିନାଦେରା। ମାତର୍ ହେ ଦରମ୍ ସାସ୍ତର୍ ନା ବିଷୟରେ ସାକି ହିଦ୍ନାତା। 40ମାତର୍ ଏପେଙ୍ଗ୍ ୱିଜ୍ୱି ଜିବୁନ୍ ପାୟା ଆଦେଙ୍ଗ୍ ନା ଲାଗାୟ୍ ୱାଉଦେରା।
41ନାଙ୍ଗେଙ୍ଗ୍ ମାନାୟାର୍ ଜୟ୍-ଜୟ୍ କିନାକା ଦର୍କାର୍ ଆକାଇ। 42ମାତର୍ ଏପେଙ୍ଗ୍ ଗରବ୍ତାକେ ଈଶ୍ୱରତିଙ୍ଗ୍ ଲାଡ୍ କିଉଦେରା ଇଞ୍ଜି ଆନେଙ୍ଗ୍ ପୁଚାଙ୍ଗ୍ନା। 43ଆନେଙ୍ଗ୍ ନା ଆବା ଈଶ୍ୱର ଆଦିକାର୍ତାଙ୍ଗ୍ ୱାତାଙ୍ଗ୍ନା। ମାତର୍ ଏପେଙ୍ଗ୍ ନା ବେଣ୍ତିଙ୍ଗ୍ ୱେନୁଦେରା। ମାତର୍ ଏଚେପାଦ୍ନା ରକାନ୍ ନିଜେ ତା ଆଦିକାର୍ତାଙ୍ଗ୍ ୱାନାନ୍, ହେୱାନ୍ ବେଣ୍ ଏପେଙ୍ଗ୍ ୱେନାଦେର୍। 44ଏପେଙ୍ଗ୍ ଜାର୍ ଜାର୍ତିଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିନାଦେର୍, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ନାବେ ପାର୍ତି କିଉଦେରା। ଏପେଙ୍ଗ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିଉଦେରା।
45ଆନେଙ୍ଗ୍ ସରଗ୍ନି ଆବା ମୁମ୍ଦ ମି ବିରୁଦ୍ତାକେ ୱେଚ୍ନାଙ୍ଗ୍, ଇଞ୍ଜି ଏପେଙ୍ଗ୍ ଇଲେକେ ବାବିକିମାଟ୍। ମାତର୍ ଇମ୍ଣି ଭବିଷ୍ଯତବକ୍ତା ମୋଶାଙ୍ଗ୍ ଆହା ଇଡ଼୍ତାଦେର୍ନା, ହେୱାନ୍ ମି ବିରୁଦ୍ତାକେ ୱେଚ୍ଚାନାନା। 46ଯଦି ଏପେଙ୍ଗ୍ ମୋଶାଙ୍ଗ୍ ପାର୍ତି କିଜିମାଚିସ୍, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ପା ପାର୍ତି କିତ୍ତାଦେର୍ମା। ଇନେସ୍କି ହେୱାନ୍ ନା ବିଷୟରେ ଲେକିକିତାନ୍ନା। 47ଏପେଙ୍ଗ୍ ଯଦି ମୋଶା ଲେକିକିତି ସାସ୍ତର୍ତିଙ୍ଗ୍ ପାର୍ତି କିଉଦେରା। ଲାଗିଙ୍ଗ୍ ଏପେଙ୍ଗ୍ ନା କାତାତିଙ୍ଗ୍ ଇନେସ୍ ପାର୍ତି କିନାଦେର୍?”
S'ha seleccionat:
ଯୋହନ 5: PEGNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ଯୋହନ 5
5
ଅଟ୍ତିରିଶ୍ ବାର୍ହୁନି ରଗ୍ଦାକାନିଙ୍ଗ୍ ଯୀଶୁ ହାର୍କିତାନ୍
1ତାପାଚେ ଯିହୁଦି ଜାତିନି ର ପାର୍ବୁ ଆତାତ୍, ଲାଗିଙ୍ଗ୍ ଯୀଶୁ ଯିରୁଶାଲାମ ସହର୍ତାକେ ହାଚାନ୍। 2ଯିରୁଶାଲାମ ସହର୍ତାକେ ପାଞ୍ଚ୍ଗଟା ମଣ୍ଡପ୍ ମାନି ର ବାନ୍ଦ୍ ମାଚାତ୍। ଏବ୍ରୀ ବାଷାତାଙ୍ଗ୍ ଇଦାଙ୍ଗ୍ତିଙ୍ଗ୍ ବେଥେସାଦା ଇଞ୍ଜିମାଚାର୍। ଇଦାଙ୍ଗ୍ ମେଣ୍ଢାଙ୍ଗ୍ ହଣି ଦୁୱେର୍ତ ମାଚାତ୍। 3ହେବେ ବାରବିନି ରଗିୟାର୍ ବାନ୍ଦ୍ ଲାଗାୟ୍ନି ମଣ୍ଡପ୍ତାକେ ମାଗ୍ଜି ମାଚାର୍। ହେୱାର୍ ବିତ୍ରେତାଙ୍ଗ୍ କେତ୍ଜାଣ୍ କାଣା, ଚଟା ଆରେ ହିର୍କଲ୍ ରଗ୍ଦାକାର୍ ମାଚାର୍। 4ରକାନ୍ ସରଗ୍ଦୁତ୍ ଏଚେପାଦ୍ନା ୱାଜି ବାନ୍ଦ୍ନି ଏଜୁକାଙ୍ଗ୍ ଜଲାଇ କିଜି ମାଚାତ୍। ହେପାଦ୍ନା ଇମ୍ଣି ରଗିୟା ପାର୍ତୁମ୍ ଏଜୁଙ୍ଗ୍ ବିତ୍ରେ ହାଲ୍ଜି ମାଚାନ୍, ହେୱାନ୍ ହାର୍ ଆଜି ମାଚାନ୍। 5ହେବେ ତିରିଶ୍ ଆଟ୍ ବାର୍ହୁ ରଗ୍ ଆହିଆତି ରକାନ୍ ମାନାୟ୍ ମାଚାନ୍। 6ହେୱାନ୍ ବେସି ଦିନ୍ତି ରଗ୍ ଆହିୟା ଆତାକା ଯୀଶୁ ପୁନ୍ଞ୍ଜି ହେୱାନିଙ୍ଗ୍ ୱେନ୍ବାତାନ୍, “ଏନେଙ୍ଗ୍ ହାର୍ ଆଦେଙ୍ଗ୍ ଇଚାକି?”
7ହେ ରଗ୍ ଆହିୟା ଆତାକାନ୍ ହେୱାନିଙ୍ଗ୍ ୱେଚ୍ଚାନ୍, “ଆଜ୍ଞା, ଏଜୁଙ୍ଗ୍ ଜଲା ଆନିହିଙ୍ଗ୍ ଏଜୁଙ୍ଗ୍ ବିତ୍ରେ ଅସାହାଞ୍ଜେଙ୍ଗ୍ ନାଙ୍ଗେଙ୍ଗ୍ ଇନେର୍ ହିଲୁର୍। ଆନେଙ୍ଗ୍ ପାର୍ତୁମ୍ ଏଜୁଙ୍ଗ୍ ବିତ୍ରେ ହାନାଙ୍ଗ୍ ଇଞ୍ଜି ଉପାୟ୍ କିନିହିଙ୍ଗ୍, ଜେକନିକାର୍ ନା ଆଗେ ଏଜୁକାଙ୍ଗ୍ ହାନାରା।”
8ତାପାଚେ ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ନିଙ୍ଗା! ନି ପାସ୍ତି ଟାଟି ନିକ୍ଚି ହାଲା।”
9ହେଦାପ୍ରେ ହେ ରଗ୍ୟା ହାର୍ ଆତାନ୍। ଆରେ ହେୱାନ୍ ତା ପାସ୍ତି ଟାଟି ଆସ୍ତି ତାଙ୍ଗ୍ଦେଙ୍ଗ୍ ଆରମ୍ କିତାନ୍। ଇ ଗଟ୍ନା ଗଟାଆନିଦିନ୍ ଜମ୍ନିଦିନ୍ ମାଚାତ୍। 10ଲାଗିଙ୍ଗ୍ ଯିହୁଦି ନେତାର୍ ହାର୍ଆତି ମାନାୟ୍ତିଙ୍ଗ୍ ୱେଚ୍ଚାର୍, “ନେଞ୍ଜେଙ୍ଗ୍ ତ ଜମ୍ନିଦିନ୍। ଜମ୍ନିଦିନ୍ତ ଏନେଙ୍ଗ୍ ପାସ୍ତି ଟାଟି ପିଣ୍ଜି ଅନାକା ମା ବିଦି ଆକାୟ୍।”
11ମାତର୍ ହେୱାନ୍ ୱେଚ୍ଚାନ୍, “ନାଙ୍ଗେଙ୍ଗ୍ ଇନେର୍ ହାର୍ କିତ୍ତାନ୍ନା, ହେୱାନ୍ ନାଙ୍ଗେଙ୍ଗ୍ ୱେଚ୍ଚାତାନ୍ ‘ନି ଟାଟି ଆହା ଆରେ ହାଲା।’ ”
12ଯିହୁଦି ନେତାର୍ ହେୱାନିଙ୍ଗ୍ ୱେନ୍ବାତାର୍, “ନେଞ୍ଜେଙ୍ଗ୍ ନିଙ୍ଗେଙ୍ଗ୍ ଇନେର୍ ଟାଟି ଆସ୍ତି ହାଲା ଇଞ୍ଜି ୱେଚ୍ଚାତାନ୍?”
13ମାତର୍ ହାର୍ଆତି ମାନାୟ୍ ହେୱାନ୍ ଇନେର୍ ଇଞ୍ଜି ପୁନ୍ୱାଦାଙ୍ଗ୍ ମାଚାନ୍। ହେ ବାହାତାକେ ବେସିହେନି ମାନାୟ୍ ମାଚାର୍। ଆରେ ଯୀଶୁ ହେବେତାଙ୍ଗ୍ ହାଲ୍ଜି ମାଚାନ୍। 14ତାପାଚେ ଯୀଶୁଙ୍ଗ୍ ହେୱାନ୍ ଈଶ୍ୱର ମାନି ମନ୍ଦିର୍ ବିତ୍ରେ ହୁଡ଼୍ତାନ୍। ହେୱାନ୍ ହେୱାରିଙ୍ଗ୍ ୱେଚ୍ଚାନ୍, “ହୁଡ଼ା ନଙ୍ଗୟ୍ ପୁରାପୁରି ହାର୍ଆତାଇନା। ଲାଗିଙ୍ଗ୍ ଏନେଙ୍ଗ୍ ଆରେ ପାପ୍ କାମାୟ୍ କିମା। ଏନେଙ୍ଗ୍ ଯଦି ପାପ୍ କାମାୟ୍ କିନାୟ୍, ଏନେଙ୍ଗ୍ ଆଦିକ୍ ଦୁକ୍କଷ୍ଟ ପାୟାଆନାୟ୍।” 15ତାପାଚେ ହେ ମାନାୟ୍ ହାଲ୍ଜି ଯିହୁଦି ନେତାରିଙ୍ଗ୍ ୱେଚ୍ଚାନ୍, “ଯୀଶୁ ନାଙ୍ଗେଙ୍ଗ୍ ହାର୍ କିତ୍ତାନ୍।”
16ଯୀଶୁ ଜମ୍ନିଦିନ୍ ନାଞ୍ଜିଙ୍ଗ୍ ଇୱିଜୁ ହାର୍କିନି କାମାୟ୍ କିଜି ମାଚାନ୍। ଲାଗିଙ୍ଗ୍ ଯିହୁଦି ନେତାର୍ ଯୀଶୁଙ୍ଗ୍ ହଇରାଣ୍ କିଦେଙ୍ଗ୍ ଲାଗାତାର୍। 17ମାତର୍ ଯୀଶୁ ଯିହୁଦି ନେତାରିଙ୍ଗ୍ ୱେଚ୍ଚାନ୍, “ନା ଆବା ନଙ୍ଗୟ୍ ପାତେକ୍ କାମାୟ୍ କିନାନା, ଆରେ ଆନେଙ୍ଗ୍ ପା କାମାୟ୍ କିନାଙ୍ଗା।” 18ଇଦାଙ୍ଗ୍ କାଜିଙ୍ଗ୍ ଯିହୁଦି ନେତାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଆରେ ଆଦିକ୍ ଉପାୟ୍ କିତାର୍। ଯିହୁଦି ନେତାର୍ ୱେଚ୍ଚାର୍, “ପାର୍ତୁମ୍ ଯୀଶୁ ଜମ୍ନିଦିନ୍ ନିୟମ୍ ବିଦିତିଙ୍ଗ୍ ବାଙ୍ଗାଇ କିତାନ୍। ତାପାଚେ ହେୱାନ୍ ଈଶ୍ୱରତିଙ୍ଗ୍ ଜାର୍ ଆବା ଇଞ୍ଜି ଇନାନା। ହେୱାନ୍ ଜାର୍ତିଙ୍ଗ୍ ଈଶ୍ୱର ଲାହାଙ୍ଗ୍ ହାମାନ୍ କିନାନା।”
ମେହିତି ଆଦିକାର୍
19ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ମେହି ରକାନ୍ ଇନାକା କିଦେଙ୍ଗ୍ ଆଡୁନ୍। ଇନାକା ଲାତ୍ରାହି କିନାକା ମେହି ହୁଡ଼୍ତାନ୍, ହେୱାନ୍ ହେଦାଙ୍ଗ୍ନେ ଇନାନ୍। ଇନେସ୍କି ଆବା ଇନାକା କିନାନ୍ ମେହି ପା ହେ ୱିଜୁ କିନାନ୍। 20ଲାଗିଙ୍ଗ୍ ଆବା ମେହିଙ୍ଗ୍ ଲାଡ୍ କିନାନ୍। ଆବା କିନି ୱିଜୁ କାମାୟ୍ ମେହିଙ୍ଗ୍ ଚଚ୍ନାନ୍। ଆରେ ଏପେଙ୍ଗ୍ ହୁଡ଼୍ଜି ଚାନିଆ ଆନାଦେର୍। ଇଦାଙ୍ଗ୍ କାଜିଙ୍ଗ୍ ଆବା ମେହିଙ୍ଗ୍ ଇଦାଙ୍ଗ୍ତାଙ୍ଗ୍ ଆରେ ଗାଜା-ଗାଜା କାମାୟ୍ କିଦେଙ୍ଗ୍ ଚଚ୍ଚାନାନ୍। 21ଆବା ଈଶ୍ୱର ହାଃତାକାରିଙ୍ଗ୍ ନିକ୍ଚି ହେୱାରିଙ୍ଗ୍ ଜିବୁନ୍ ହିନାନ୍। ଟିକ୍ ହେଲେକେନେ ମେହି ଇନେରିଙ୍ଗ୍ ଇଚାକିନାନ୍ ହେୱାରିଙ୍ଗ୍ ଜିବୁନ୍ କିନାନ୍। 22ଆବା ଇନେରିଙ୍ଗ୍ ବିଚାର୍ କିଉନ୍। ମାତର୍ ହେୱାନ୍ ମେହିଙ୍ଗ୍ ବିଚାର୍କିନି ୱିଜୁ ଆଦିକାର୍ ହିତାନ୍ନା। 23ଇମ୍ଣାକାନ୍ ମେହିଙ୍ଗ୍ ସନ୍ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍ମାନ୍ କିଉଦେର୍।”
24ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, “ଇମ୍ଣାକାନ୍ ନା ୱେଚ୍ଚି ବେଣ୍ତିଙ୍ଗ୍ ୱେନାନ୍, ଆରେ ନାଙ୍ଗେଙ୍ଗ୍ ପକ୍ତାତାକାନିଙ୍ଗ୍ ପାର୍ତିକିନାର୍, ଲାଗିଙ୍ଗ୍ ହେୱାନ୍ ୱିଜ୍ୱି ଜିବୁନ୍ ପାୟା ଆନାନ୍। ଆରେ ହେୱାନ୍ ଦସି ଇଞ୍ଜି ବିଚାର୍ କିୟା ଆୱାଦାଙ୍ଗ୍ ହାଃନିତାଙ୍ଗ୍ ଜିତାଆଜି ଜିବୁନ୍ ମାନ୍ଗାନାନ୍।
25ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ର ସମୟ୍ ୱାନାତା ହାଃତାକାର୍ ମାନାୟ୍ ଈଶ୍ୱର ମେହି ବେଣ୍ ୱେନାର୍। ଆରେ ମେହି ବେଣ୍ ୱେନ୍ଞ୍ଜି ଆସ୍ତାକାର୍ ୱିଜ୍ୱି ଜିବୁନ୍ ପାୟାଆନାର୍। ନଙ୍ଗୟ୍ ହେ ସମୟ୍ ପା ଏକାତାତ୍ନା। 26ମାତର୍ ସରଗ୍ନି ଆବା ଆନାନା ଜିବୁନ୍ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍ନି ଆଦିକାର୍ ହିତାନ୍ନା। 27ମାନାୟାର୍ ବିଚାର୍ କିଦେଙ୍ଗ୍ ହେୱାନ୍ ତା ମେହିଙ୍ଗ୍ ଆଦିକାର୍ ହିତାନ୍ନା। ଇନେସ୍କି ଆନେଙ୍ଗ୍ ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତଙ୍ଗ୍। 28ଏପେଙ୍ଗ୍ ଚାନିଆ ଆମାଟ୍। ଇଲେଗ୍ଦି ସମୟ୍ ୱାନାତା, ହେପାଦ୍ନା ହାଃଜି ଦୁଗେର୍ତ ମୁଚିଆ ଆତାକାର୍ ୱିଜାକାର୍ ତା ବେଣ୍ ୱେନାର୍। 29ହେୱାର୍ ଜିବୁନ୍ତ ସତ୍ କାମାୟ୍ କିତାକାର୍ ଆରେରଗ ଜିବୁନ୍ଆଜି ନିଙ୍ଗ୍ନାର୍। ଆରେ ୱିଜ୍ୱି ଜିବୁନ୍ ପାୟାଆନାର୍। ମାତର୍ କରାପ୍ କାମାୟ୍ କିତାକାର୍ ଦଷିଲେକେ ବିଚାର୍ କିୟା ଆଦେଙ୍ଗ୍ ନିଙ୍ଗ୍ନାର୍।”
ଯୀଶୁ ବେଣ୍ତିଙ୍ଗ୍ ପାର୍ତି କିୱାତାର୍
30ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।
31ଆନେଙ୍ଗ୍ ଯଦି ମାନାୟାରିଙ୍ଗ୍ ନା ଜାର୍ ବିଷୟରେ ୱେଚ୍ଚାନାଙ୍ଗ୍, ଏଲେଙ୍ଗ୍ ଆତିସ୍ ନା ୱେଚ୍ଚି ବେଣ୍ ଟିକ୍ ଆଉତ୍। 32ମାତର୍ ନା ବିଷୟରେ ଆବା ଈଶ୍ୱର ସାକି ହିନାନା। ଆରେ ଆନେଙ୍ଗ୍ ପୁନାଙ୍ଗ୍ ନା ବିଷୟରେ ହେୱାନ୍ ଇନାକା ୱେଚ୍ଚାନାନା, ହେଦାଙ୍ଗ୍ୱିଜୁ ସତ୍। 33ଏପେଙ୍ଗ୍ ଡୁବନ୍ହିନି ଯୋହନ ଲାଗାୟ୍ ଡାଣ୍ଡାସିଙ୍ଗ୍ ପକ୍ତାଇନା। ଆରେ ହେୱାନ୍ ମିଙ୍ଗେଙ୍ଗ୍ ନା ସତ୍ ବିଷୟରେ ୱେଚ୍ଚାତାନ୍। 34ନା ବିଷୟରେ ୱେଚ୍ଚେଙ୍ଗ୍ ମାନାୟାର୍ ସାକି ଦର୍କାର୍ ଆକାୟ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ ୱେଚ୍ଚାନାଙ୍ଗା ଇନେସ୍କି ଏପେଙ୍ଗ୍ ଯୋହନ କାତା ୱେନ୍ଞ୍ଜି ରକ୍ଷା ପାୟାଆନାଦେର୍। 35ଡୁବନ୍ହିନି ଯୋହନ ରକାନ୍ କାଚାଆନି ବଇଟାଲେକେ ଅଜଡ଼୍ ମାଚାନ୍। ଆରେ ଏପେଙ୍ଗ୍ ହେ ଅଜଡ଼୍ ଅଲପ୍ ଦିନ୍ତିଙ୍ଗ୍ ହୁଡ଼୍ଜି ୱାରି ଆତାଦେର୍। 36ଡୁବନ୍ହିନି ଯୋହନ ସାକିତାଙ୍ଗ୍ ନା ଲାଗାୟ୍ ଆଦିକ୍ ଗାଜାସାକି ମାନାତ୍। ଆବା ଇମ୍ଣି କାମାୟ୍ ପୁରା କିନି କାଜିଙ୍ଗ୍ ହିତ୍ତାନ୍ନା, ହେ କାମାୟ୍ ୱିଜୁ ନା କାଜିଙ୍ଗ୍ ସାକି ହିତ୍ତାନ୍ନା, ଆରେ ଆବା ନାଙ୍ଗେଙ୍ଗ୍ ପକ୍ତାତାନ୍ନା ଲାଗିଙ୍ଗ୍ ସାକି ହିନାଙ୍ଗା। 37ଆବା ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍ନା ଆରେ ନିଜେ ନା ବିଷୟରେ ସାକି ହିତ୍ତାନ୍ନା। ମାତର୍ ଏପେଙ୍ଗ୍ ଇନାୱେଡ଼ାଙ୍ଗ୍ ପା ବେଣ୍ ୱେନୁଦେରେ। ହେୱାନିଙ୍ଗ୍ ଇନେସ୍ ଲେଗ୍ଦି ରୁପ୍, ହେଦାଙ୍ଗ୍ ପା ଏପେଙ୍ଗ୍ ହୁଡ଼୍ୱାତାଦେର୍ନା। 38ହେୱାନ୍ ବେଣ୍ ମି ଗରବ୍ ବିତ୍ରେ ଇଟ୍ୱାତାଦେର୍ନା। ହେୱାନ୍ ଇନେରିଙ୍ଗ୍ ପକ୍ତାତାନ୍ନା ହେୱାନିଙ୍ଗ୍ ଏପେଙ୍ଗ୍ ପାର୍ତି କିଉଦେରା।
39ଏପେଙ୍ଗ୍ ଦରମ୍ ସାସ୍ତର୍ତିଙ୍ଗ୍ ପିଡ଼ି କିନାଦେରା, ଆରେ ହେବେ ନେ ୱିଜ୍ୱି ଜିବୁନ୍ ପାୟାଆନାପ୍ ଇଞ୍ଜି ମାନ୍ତ ବାବିକିନାଦେରା। ମାତର୍ ହେ ଦରମ୍ ସାସ୍ତର୍ ନା ବିଷୟରେ ସାକି ହିଦ୍ନାତା। 40ମାତର୍ ଏପେଙ୍ଗ୍ ୱିଜ୍ୱି ଜିବୁନ୍ ପାୟା ଆଦେଙ୍ଗ୍ ନା ଲାଗାୟ୍ ୱାଉଦେରା।
41ନାଙ୍ଗେଙ୍ଗ୍ ମାନାୟାର୍ ଜୟ୍-ଜୟ୍ କିନାକା ଦର୍କାର୍ ଆକାଇ। 42ମାତର୍ ଏପେଙ୍ଗ୍ ଗରବ୍ତାକେ ଈଶ୍ୱରତିଙ୍ଗ୍ ଲାଡ୍ କିଉଦେରା ଇଞ୍ଜି ଆନେଙ୍ଗ୍ ପୁଚାଙ୍ଗ୍ନା। 43ଆନେଙ୍ଗ୍ ନା ଆବା ଈଶ୍ୱର ଆଦିକାର୍ତାଙ୍ଗ୍ ୱାତାଙ୍ଗ୍ନା। ମାତର୍ ଏପେଙ୍ଗ୍ ନା ବେଣ୍ତିଙ୍ଗ୍ ୱେନୁଦେରା। ମାତର୍ ଏଚେପାଦ୍ନା ରକାନ୍ ନିଜେ ତା ଆଦିକାର୍ତାଙ୍ଗ୍ ୱାନାନ୍, ହେୱାନ୍ ବେଣ୍ ଏପେଙ୍ଗ୍ ୱେନାଦେର୍। 44ଏପେଙ୍ଗ୍ ଜାର୍ ଜାର୍ତିଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିନାଦେର୍, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ନାବେ ପାର୍ତି କିଉଦେରା। ଏପେଙ୍ଗ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିଉଦେରା।
45ଆନେଙ୍ଗ୍ ସରଗ୍ନି ଆବା ମୁମ୍ଦ ମି ବିରୁଦ୍ତାକେ ୱେଚ୍ନାଙ୍ଗ୍, ଇଞ୍ଜି ଏପେଙ୍ଗ୍ ଇଲେକେ ବାବିକିମାଟ୍। ମାତର୍ ଇମ୍ଣି ଭବିଷ୍ଯତବକ୍ତା ମୋଶାଙ୍ଗ୍ ଆହା ଇଡ଼୍ତାଦେର୍ନା, ହେୱାନ୍ ମି ବିରୁଦ୍ତାକେ ୱେଚ୍ଚାନାନା। 46ଯଦି ଏପେଙ୍ଗ୍ ମୋଶାଙ୍ଗ୍ ପାର୍ତି କିଜିମାଚିସ୍, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ପା ପାର୍ତି କିତ୍ତାଦେର୍ମା। ଇନେସ୍କି ହେୱାନ୍ ନା ବିଷୟରେ ଲେକିକିତାନ୍ନା। 47ଏପେଙ୍ଗ୍ ଯଦି ମୋଶା ଲେକିକିତି ସାସ୍ତର୍ତିଙ୍ଗ୍ ପାର୍ତି କିଉଦେରା। ଲାଗିଙ୍ଗ୍ ଏପେଙ୍ଗ୍ ନା କାତାତିଙ୍ଗ୍ ଇନେସ୍ ପାର୍ତି କିନାଦେର୍?”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Pengo Parja Bible by The Love Fellowship is licensed under Creative Commons Attribution-ShareAlike 4.0 License.