ଲୁକ 10
10
ଯୀଶୁ ସତୁରି ଜାଣ୍ତିଙ୍ଗ୍ ପକ୍ତାନ୍
1ଯୀଶୁ ଇବେଣ୍ ୱେଚ୍ଚି ପାଚେ ସତୁରି ଜାଣ୍ତିଙ୍ଗ୍#୧୦:୧ ସତୁରି ଜାଣ୍ତିଙ୍ଗ୍ କେତେକ୍ ବାଇବଲ୍ତାକେ ସତୁରି ଦୁଇଜାଣ୍ ଇଞ୍ଜି ଲେକା ମାନାତ୍ ବିନ୍ ଚେଲାହିରିଙ୍ଗ୍ ବାଚିକିତାନ୍। ଇମ୍ଣି ଇମ୍ଣିନାସ୍ ଆରେ ବାହାତାକେ ହେୱାନ୍ ହେୱାରିଙ୍ଗ୍ ରିକାର୍ ରିକାର୍କିଜି ଜାର୍ ହାଲ୍ୱି ଆଗେ ପକ୍ତାନ୍। 2ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇନେସ୍କି ଜମି ବେସି ମାନାତ୍ ଆରେ କାମାୟ୍ କିନାକାର୍ ଅଲପ୍, ହେଲେକେନେ ଈଶ୍ୱର ରାଜିନି ବେଣ୍ ୱେନ୍ଞ୍ଜି ପାର୍ତି କିଦେଙ୍ଗ୍ ବେସି ମାନାୟ୍ ମାନାର୍, ମାତର୍ ଈଶ୍ୱର ରାଜିନି ବେଣ୍ ଶୁଣାୟ୍ କିନାକାର୍ ଅଲପ୍। ଲାଗିଙ୍ଗ୍ ମାପୃତାକେ ପାର୍ତାନା କିୟାଟ୍, ହେୱାନ୍ ବେସି କାମାୟ୍ କିନି ମାନାୟ୍ତିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟତାଙ୍ଗ୍ ମାନାୟାରିଙ୍ଗ୍ ୱେଚ୍ଚେଙ୍ଗ୍ ପକ୍ତାନାନ୍।
3ଏପେଙ୍ଗ୍ ହାଲାଟ୍, ମାତର୍ ମାନ୍ତରାକି କିୟାଟ୍, ଆନେଙ୍ଗ୍ ବୁର୍କାଙ୍ଗ୍ ବିତ୍ରେ ମେଣ୍ଢାଙ୍ଗ୍ ଲେକେ ଆନେଙ୍ଗ୍ ମିଙ୍ଗେଙ୍ଗ୍ ପକ୍ତାନାଙ୍ଗା। 4ଏପେଙ୍ଗ୍ ଡାବୁଙ୍ଗ୍ ଇଟ୍ନି ମଣା କି ପାଣ୍ଡାୟ୍ ପା ଆମାଟ୍, ହାଜ୍ଦ ଇନେରିଙ୍ଗ୍ ପା ଜୱାର୍ କିମାଟ୍।
5ଏଚେପାଦ୍ନା ଏପେଙ୍ଗ୍ ଇମ୍ଣି ଇଞ୍ଜ ହଣାଦେର୍, ପାର୍ତୁମ୍ ୱେଚାଟ୍, ଇ ଇଞ୍ଜ ଶାନ୍ତି ଆଏତ୍। 6ଯଦି ହେବେ ଇନେର୍ ଶାନ୍ତିତାଙ୍ଗ୍ ମାନି ମାନାୟ୍ ମାନାଦେର୍। ଲାଗିଙ୍ଗ୍ ମି ଶାନ୍ତି ଆଶ୍ରିବାଦ୍ ହେୱାନିଙ୍ଗ୍ ଗାଟାଆନାତ୍, ଆୱିତିସ୍ ହେ ଶାନ୍ତି ମିତାକେ ଲେଉଟା ଆଜି ୱାଏତ୍। 7ଏପେଙ୍ଗ୍ ଶାନ୍ତି ମାନି ଇଞ୍ଜ ମାନାଟ୍। ହେ ମାନାୟାର୍ ଇନାକା ହିଦ୍ନାର୍ ହେଦାଙ୍ଗ୍ ତିନାଟ୍ ଆରେ ଉଣାଟ୍। ଇନେସ୍କି କାମାୟ୍ କିନି ମାନାୟ୍ ତା ରଜ୍ଗାର୍ ଜପି ଆଦିକାର୍ ମାନାତ୍। ହେ ଇଲ୍ ପିସ୍ତି ଜେକନି ଇଞ୍ଜ ମାଞ୍ଜେଙ୍ଗ୍ ହାଲ୍ମାଟ୍।
8ଏପେଙ୍ଗ୍ ର ନାସ୍ ହାଲାଟ୍ ଆରେ ହେବେ ଯଦି ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍, ଲାଗିଙ୍ଗ୍ ମିଙ୍ଗେଙ୍ଗ୍ ହେୱାର୍ ଇନା କାଦି ହିଦ୍ନାର୍, ହେଦାଙ୍ଗ୍ ତିନାଟ୍। 9ହେବେ ମାନି ରଗିୟାରିଙ୍ଗ୍ ହାର୍ କିୟାଟ୍। ତାପାଚେ ହେୱାରିଙ୍ଗ୍ ୱେଚାଟ୍, ‘ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।’
10ମାତର୍ ଇମ୍ଣି ସହର୍ତାକେ ହାନାଦେର୍ ମିଙ୍ଗେଙ୍ଗ୍ ହେୱାର୍ ଆସ୍ତୁର୍, ଲାଗିଙ୍ଗ୍ ହେ ସହର୍ନି ହାକ୍ଡ଼ିକାଙ୍ଗ୍ ହସି ୱେଚାଟ୍, 11ମି ସହର୍ନି ଇମ୍ଣି ଦୁଡ଼ି ମା କାଲ୍ପାନାତାକେ ଡାଞ୍ଚାତ୍ନା ଇ ଦୁଡ଼ି ପା ମି ବିରୁଦ୍ତାକେ ଇବେ ଡ଼ାତ୍ତି ହାନାପା। ଏପେଙ୍ଗ୍ ମାନ୍ତ ଇଡ଼୍ଜି ମାନାଟ୍, ‘ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।’ 12ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା ଯେ ବିଚାର୍ ନାଞ୍ଜିଙ୍ଗ୍ ହେ ସହର୍ନି ମାନାୟାରିଙ୍ଗ୍ ଦଣ୍ଡ୍ ହିନାକା ସଦୋମ ସହର୍ନି ମାନାୟାର୍ ଇମ୍ଣି ଦଣ୍ଡ୍ ପାୟାଆଜି ମାଚାର୍ ତାତାଙ୍ଗ୍ ପା ଆଦିକ୍ ବାନ୍ୟା ଆନାତ୍।
ମାନିକିୱି ସହର୍ କାଜିଙ୍ଗ୍ ଚିନ୍ତା
(ମାଥି. ୧୧:୨୦-୨୪)
13ହାୟ୍, କୋରାଜିନ୍ ସହର୍ ମାନାୟ୍ କାଦେର୍! ହାୟ୍ ବେଥ୍ସାଇଦା ସହର୍ ମାନାୟ୍ କାଦେର୍! ମି ବିତ୍ରେ ଆନେଙ୍ଗ୍ ଚାନିଆଆନି କାମାୟ୍ ଚଚ୍ଚାତାଙ୍ଗ୍ନା। ଯଦି ଇଦାଙ୍ଗ୍ ସୋର୍ ଆରେ ସିଦନ୍ ସହର୍ନି ମାନାୟାର୍ କାଜିଙ୍ଗ୍ କିୟାଆତାତ୍ମା, ଲାଗିଙ୍ଗ୍ ଇନେୱାଡ଼ାତାଙ୍ଗ୍ ହେୱାର୍ ଜାର୍ ଗରବ୍ ବାଦ୍ଲାଇ କିତାର୍ମା ଆରେ ପାପ୍ କାମାୟ୍ କିନାକା ପିସ୍ତି ବାସ୍ତାତାଙ୍ଗ୍ ରସ୍ତି ହେନ୍ଦ୍ରା ଉସ୍ପାତାର୍ମା ଆରେ କାପ୍ଡ଼ାତାକେ ନିସ୍ ଇବାତାର୍ମା। 14ବିଚାର୍ ନାଞ୍ଜିଙ୍ଗ୍ ସୋର୍ ସହର୍ ଦଣ୍ଡ୍ ସିଦନ୍ ଦେସ୍ନି ବାଦୁଲ୍ତାଙ୍ଗ୍ ତ ଦଣ୍ଡ୍ ପାୟାଆନାର୍। 15ଏ କପୁର୍ନାହୁମ୍ ସହର୍ତାକେ ମାନି ମାନାୟ୍! ଏପେଙ୍ଗ୍ ଇନାକା ସରଗ୍ତାକେ ହାଞ୍ଜେଙ୍ଗ୍ ବାବିକିନାଦେରା କି? ମାତର୍ ଈଶ୍ୱର ମିଙ୍ଗେଙ୍ଗ୍ ନାଣି ମାନି ନରକ୍ତାକେ ତୁସିହିଦ୍ନାନ୍।”
16“ଏଚେପାଦ୍ନା ଇମ୍ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍ନାନ୍, ହେୱାନ୍ ହାତ୍ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”
ସତୁରି ଜାଣ୍ ଲେଉଟା ଆନାକା
17ହେପାଦ୍ନା ସତୁରି ଜାଣ୍ ବୁଲାଆନିହିଙ୍ଗ୍ ଲେଉଟା ଆତାର୍, ହେୱାର୍ ବେସି ୱାରିଆଜି ମାଚାର୍। ହେୱାର୍ ୱେଚ୍ଚାର୍, “ମାପୃ, ଆପେଙ୍ଗ୍ ଏଚେପାଦ୍ନା ନି ତର୍ ଅଜି ଆପେଙ୍ଗ୍ ଆଦେସ୍ ହିତିସ୍ ମା ଆଦେସ୍ତିଙ୍ଗ୍ ବୁତ୍ଆତ୍ମାକ୍ ପା କାତା ମାନି କିତିକ୍।”
18ଇଦାଙ୍ଗ୍ ୱେନ୍ଞ୍ଜି ଯୀଶୁ ୱେଚ୍ଚାନ୍, “ଆନେଙ୍ଗ୍ ଶୟତାନ୍ତିଙ୍ଗ୍ ଆରାୟ୍କିଜି ସରଗ୍ତାଙ୍ଗ୍ ବିଜ୍ଲି ଲେକେ ଆଜି ଆର୍ଦାନାକା ହୁଡ଼୍ତାଙ୍ଗ୍। 19ୱେନାଟ୍! ରାଚ୍ ଆରେ କାଚାକୁପିକାଙ୍ଗ୍ କାଲ୍କୁ ତାରେନ୍ ତଗାୱିହା କିଦେଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆଦିକାର୍ ହିତ୍ତାଙ୍ଗ୍ନା। ଆନେଙ୍ଗ୍ ମିଙ୍ଗେଙ୍ଗ୍ ଶାତ୍ରୁ ଶୟ୍ତାନ୍ ଲାଗାୟ୍ ମାନି ସାକ୍ତିତାଙ୍ଗ୍ ଆଦିକ୍ ଶାକ୍ତି ହିତ୍ତାଙ୍ଗ୍ନା। ମିଙ୍ଗେଙ୍ଗ୍ ଇନେର୍ ପା ଇନାକା କିଦ୍ଦେଙ୍ଗ୍ ଆଡ଼୍ଦୁର୍। 20ଆଁ ବୁତ୍ଆତ୍ମା ମି କାତାତିଙ୍ଗ୍ ମାନିକିନିକା ଇଞ୍ଜି ୱାରି ଆମାଟ୍। ମାତର୍ ମି ତର୍ ସରଗ୍ଜପି ଲେକାଆତାତ୍ନା ଲାଗିଙ୍ଗ୍ ୱାରି ଆଡୁ।”
ଯୀଶୁ ୱାରିଆ ଆତାନ୍
(ମାଥି. ୧୧:୨୫-୨୭; ୧୩:୧୬-୧୭)
21ତାପାଚେ ପବିତ୍ର ଆତ୍ମାକାଙ୍ଗ୍ ଯୀଶୁ ବେସି ୱାରିଆଜି ୱେଚ୍ଚାନ୍, “ଏ ଆବା, ବାଦାଡ଼୍ ଆରେ ପୁର୍ତିନି ମାପୃ। ଏପେଙ୍ଗ୍ ବୁଦିକାଟି ମାନାୟ୍ତାଙ୍ଗ୍ ଇୱିଜୁ ବିଷୟ ଡ଼ୁକ୍ଚି ହିରୁ ହିମ୍ଣାଙ୍ଗ୍ତାକେ ୱେଚ୍ଚାଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗେଙ୍ଗ୍ ଦନ୍ଯବାଦ୍ କିଦ୍ନାଙ୍ଗା। ଆଁ, ଆବା, ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍ନା।
22ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍ତାନ୍ନା। ହିମ୍ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍ନେ ଆବା ବିଷୟରେ ପୁନିକିନାଙ୍ଗ୍।”
23ତାପାଚେ ଯୀଶୁ ଚେଲାହିର୍ ନିପଣ୍ ମୁମ୍ ବୁଲାୟ୍ କିତାନ୍। ଆରେ ହେୱାନ୍ ୱେଚ୍ଚାନ୍, “ଏପେଙ୍ଗ୍ ଏଚେକ୍ କାରୁମ୍, ଲାଗିଙ୍ଗ୍ ଏପେଙ୍ଗ୍ ଇୱିଜୁ ବିଷୟ ହୁଡ଼୍ନାଦେରା। 24ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, ଏପେଙ୍ଗ୍ ନଙ୍ଗୟ୍ ଇନା ଇନାକା ହୁଡ଼୍ନାଦେରା, କେତେକ୍ ଭବିଷ୍ଯତବକ୍ତା ଆରେ ରାଜାର୍ ହୁଡ଼୍ଦେଙ୍ଗ୍ ଇଚାକିଜି ମାଚାର୍। ମାତର୍ ହେୱାର୍ ଇୱିଜୁ ହୁଡ଼୍ଦେଙ୍ଗ୍ ଆଡ୍ୱାଦାଙ୍ଗ୍ ମାଚାର୍। ଏପେଙ୍ଗ୍ ନଙ୍ଗୟ୍ ଇନା ଇନାକା ୱେନାଦେରା ହେ ୱିଜୁ ହେୱାର୍ ୱେଞ୍ଜେଙ୍ଗ୍ ଇଚାକିତାର୍, ମାତର୍ ହେୱାର୍ ଇୱିଜୁ ୱେଞ୍ଜେଙ୍ଗ୍ ଆଡ୍ୱାଦାଙ୍ଗ୍ ମାଚାର୍।”
ହାର୍ଦି ଶମିରଣିୟ୍ନି କାତା
25ରଦିନ୍ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ତାପାଚେ ରକାନ୍ ପଣ୍ଡିତ୍ ୱାଜି ନିଲ୍ତାନ୍। ହେୱାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍ବାତାନ୍, “ଏ ଗୁରୁ, ୱିଜ୍ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?” 26ଇଦାଙ୍ଗ୍ ୱେନ୍ଞ୍ଜି ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ମୋଶା ଲେକିକିତି ନିୟମ୍ନି ସାସ୍ତର୍ତାକେ ଇନାକା ଲେକା ମାନାତ୍? ହେବେନିକା ଲେକା ଏପେଙ୍ଗ୍ ପଡ଼ିକିଜି ଇନାକା ବୁଜାଆନାଦେର୍?” 27ହେୱାନ୍ ୱେଚ୍ଚାନ୍, “‘ଏନେଙ୍ଗ୍ ଜାର୍ ୱିଜୁ ଗରବ୍, ୱିଜୁ ଆତ୍ମା, ୱିଜୁ ସାକ୍ତି, ଆରେ ୱିଜୁ ମାନ୍ଆଜି ମି ମାପୃ ଈଶ୍ୱରତିଙ୍ଗ୍ ଲାଡ୍ କିୟାଟ୍।’ ଆରେ ‘ଏପେଙ୍ଗ୍ ଜାର୍ତିଙ୍ଗ୍ ଲାଡ୍ କିତିଲେକେ ଜେକନିକାରିଙ୍ଗ୍ ପା ଲାଡ୍ କିୟାଟ୍।’ ” 28ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ଏନେଙ୍ଗ୍ ଟିକ୍ ୱେଚ୍ଚାଇନା। ଇଦାଙ୍ଗ୍ ନେ କିୟାଟ୍, ଇଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ୱିଜ୍ୱି ଜିବୁନ୍ ପାୟାଆନାଦେର୍।”
29ନିଜେ ଦରମ୍ ମାନାୟ୍ ଇଞ୍ଜି ଚଚିୟାଆନି କାଜିଙ୍ଗ୍ ଇଚାକିଜି ଯୀଶୁଙ୍ଗ୍ ୱେନ୍ବାତାନ୍, “ଇମ୍ଣାକାରିଙ୍ଗ୍ ଲାଡ୍ କିନାଙ୍ଗ୍, ହେୱାର୍ ଇନେର୍?” 30ଇ ବେଣ୍ନି ପ୍ରଶ୍ନନି ଉତର୍ ହିଦେଙ୍ଗ୍ ହାଲ୍ଜି ଯୀଶୁ ୱେଚ୍ଚାନ୍, “ରକାନ୍ ମାନାୟ୍ ଯିରୁଶାଲାମ ସହର୍ତାଙ୍ଗ୍ ଯିରିହୋ ସହର୍ତାକେ ହାନିହିଙ୍ଗ୍। ହାଜ୍ଦ ହେୱାନ୍ ଚର୍କୁତାକେ ଗିଟାଆତାନ୍। ହେୱାର୍ ତା ହେନ୍ଦ୍ରାପାଟା ୱିଜୁ କେଚ୍ପିସ୍ ଆରେ ହେୱାନ୍ ଇନାକା ଆସ୍ତି ମାଚାନ୍ ହେ ୱିଜୁ ଅତାର୍। ଆରେ ହେୱାନିଙ୍ଗ୍ ହାଃନିଲେକେ ମାଡ୍ଇଡ଼୍ଜି ପିସ୍ତି ହାଚାର୍।
31ହେପାଦ୍ନା ରକାନ୍ ଯିହୁଦି ଦରମ୍ନି ଈଶ୍ୱର ହେବାକିନି ମୁଡ଼୍ଦି ପୁଜାରି ହେ ହାଜ୍ଦିଙ୍ଗ୍ ହାଲ୍ଜି ମାଚାନ୍। ହେ ମାନାୟ୍ତିଙ୍ଗ୍ ହୁଡ଼୍ଜି ହେୱାନ୍ ହେୱାନିଙ୍ଗ୍ ସାଇଜ କିୱାଦାଙ୍ଗ୍ ଜେକନି ହାଜ୍ଦିଙ୍ଗ୍ ହାଚାନ୍। 32ତାପାଚେ ଲେବିୟ ତର୍ଦାକାନ୍ ରକାନ୍ ହେୱାନ୍ ମନ୍ଦିର୍ କାମାୟ୍ତାକେ ସାଇଜ କିନାକାନ୍, ହେ ହାଜ୍ଦିଙ୍ଗ୍ ୱାତାନ୍। ହେୱାନ୍ ହେ ମାନାୟ୍ତିଙ୍ଗ୍ ହୁଡ଼୍ତି ଦାପ୍ରେ ହେୱାନିଙ୍ଗ୍ ସାଇଜ କିୱାଦାଙ୍ଗ୍ ଜେକନି ହାଜ୍ଦିଙ୍ଗ୍ ହାଚାନ୍।
33ତାପାଚେ ଶମିରଣିୟ ଦେସ୍ନି ରକାନ୍ ମାନାୟ୍ ହେ ହାଜ୍ଦିଙ୍ଗ୍ ହେ ବାହାତାକେ ୱାତାନ୍। ହେୱାନ୍ ହେୱାନିଙ୍ଗ୍ ହୁଡ଼୍ଜି ଦୟା କିତାନ୍। 34ହେୱାନ୍ ତା ଲାଗେ ହାଲ୍ଜି। ତା ଗାଉତାକେ ଚିକାଣ୍ ଆରେ ଅଙ୍ଗୁର୍ ରାସ୍ ୱାକ୍ଚି ଗାର୍ଣ୍ଡା ଲାହାଙ୍ଗ୍ ଗାଚ୍ଚାନ୍। ହେୱାନ୍ତାକେ ଗଦ ରଞ୍ଜାଙ୍ଗ୍ ମାଚାତ୍। ହେୱାନିଙ୍ଗ୍ ତା ଗଦଜପି କୁଚିକିଜି ର ହିରୁଇଞ୍ଜ ଅତାନ୍। ହେବେ ହେୱାନିଙ୍ଗ୍ ଜାତୁନ୍ ଅତାନ୍। 35ତା ଆର୍କାତ୍ ନାଞ୍ଜିଙ୍ଗ୍ ଶମିରଣିୟ ଦେସ୍ନି ମାନାୟ୍ ରକାନ୍ ରିଣ୍ଡାଙ୍ଗ୍ ରୁପା ଡାବୁଙ୍ଗ୍ ହପ୍ତାନ୍। ହେୱାନ୍ ତା ହିରୁଇଲ୍ନି ମାଲିକ୍ତିଙ୍ଗ୍ ହିଜି ୱେଚ୍ଚାନ୍, ‘ଇ ଆଡ଼ାଡାଡ଼ା ଆତି ମାନାୟ୍ତିଙ୍ଗ୍ ଜାତୁନ୍ କିନାଇ। ତା କାଜିଙ୍ଗ୍ ଯଦି ଆଦିକ୍ ଡାବୁଙ୍ଗ୍ ୱିଜ୍ଦିନିକ୍, ଆନେଙ୍ଗ୍ ୱାନିହିଙ୍ଗ୍ ନିଙ୍ଗେଙ୍ଗ୍ ହେ ଏଚେକ୍ ହୁଜାଆଦ୍ନାଙ୍ଗ୍।’ ”
36ପାଚେ ଯୀଶୁ ୱେଚ୍ଚାନ୍, “ନଙ୍ଗୟ୍ ଏପେଙ୍ଗ୍ ୱେଚ୍ଚାଟ୍, ଚର୍କୁ ହାବୁଡ଼୍ତ ଆର୍ଜି ଆଡ଼ାଡାଡ଼ା ଆତି ମାନାୟ୍ତିଙ୍ଗ୍ ଇ ତିନ୍ଜାଣ୍ ବିତ୍ରେତାଙ୍ଗ୍ ଇନେର୍ ହେୱାନିଙ୍ଗ୍ ଲାଡ୍ ଚଚ୍ଚାନ୍ ଇଞ୍ଜି ଏପେଙ୍ଗ୍ ବାବିକିନାଦେରା?” 37ପଣ୍ଡିତ୍ ୱେଚ୍ଚାନ୍, “ଇମ୍ଣି ମାନାୟ୍ ଆଡ଼ାଡାଡ଼ା ଆଜି ଗୁର୍ଜି ମାଚାନ୍ ହେୱାନିଙ୍ଗ୍ ଇନେର୍ ଦୟାକିଜି ତା ଜାତୁନ୍ କିତାନ୍।” ଯୀଶୁ ନେ ହେୱାନିଙ୍ଗ୍ ଲାଡ୍ କିତାନ୍, “ଲାଗିଙ୍ଗ୍ ଏପେଙ୍ଗ୍ ହାଲାଟ୍, ଆରେ ମାନାୟାର୍ କାଜିଙ୍ଗ୍ ହେଲେକେ କାମାୟ୍ କିୟାଟ୍।”
ମାର୍ଥା ଆରେ ମରିୟମ ଇଞ୍ଜ ଯୀଶୁ
38ଯୀଶୁ ଆରେ ତା ଚେଲାହିର୍ ହାନିହିଙ୍ଗ୍ ର ନାସ୍ ଯୀଶୁ ହାଚାନ୍। ହେପାଦ୍ନା ମାର୍ଥା ତର୍ଦି ର କଗ୍ଲେ ଯୀଶୁଙ୍ଗ୍ ତାଞ୍ଜ କୁକ୍ଚି ଅତାତ୍। 39ମାର୍ଥା ତଣ୍ଦେହି ମରିୟମ ମାଚାତ୍। ମରିୟମ ଯୀଶୁ କାଲ୍ପାନା ଲାଗାୟ୍ କୁଚ୍ଚି ତା ହିକ୍ଷାତିଙ୍ଗ୍ ୱେନ୍ଞ୍ଜି ମାଚାତ୍। ମାତର୍ ମାର୍ଥା ଇଲ୍ନି ୱିଜୁ କାମାୟ୍ କିଜି ମାଚାତ୍।
40ମାର୍ଥାଙ୍ଗ୍ ବେସି କାମାୟ୍ କିଜି ମାଚିଲେ ହେଦେଲ୍ ରିସାଆତାତ୍। ହେଦେଲ୍ ଯୀଶୁ ଲାଗାୟ୍ ୱାଜି ୱେଚ୍ଚାତ୍, “ମାପୃ! ନା ତଣ୍ଦେଲ୍ ଇଲ୍ନି ୱିଜୁ କାମାୟ୍ ନାଙ୍ଗେଙ୍ଗ୍ ଚଚ୍ଚାତାତ୍ନା, ଇ ବିଷୟରେ ଏନେଙ୍ଗ୍ ଇନାକା ଚିନ୍ତା କିଉୟାକି? ଲାଗିଙ୍ଗ୍ ହେଦେଲିଙ୍ଗ୍ ୱେଚା ଯେ ହେଦେଲ୍ ନାଙ୍ଗେଙ୍ଗ୍ ସାଇଜ କିଦେତ୍।” 41ଯୀଶୁ ୱେଚ୍ଚାନ୍, “ମାର୍ଥା, ଏ ମାର୍ଥା, ବେସି କାମାୟ୍ତିଙ୍ଗ୍ ଏନେଙ୍ଗ୍ ଚିନ୍ତା କିନାଟ୍। 42ମାତର୍ ର ଜିନିଷ୍ ୱିଜୁତାଙ୍ଗ୍ ଗାଜା। ମରିୟମ ଜାର୍ କାଜିଙ୍ଗ୍ ହାର୍ଦି ବିଷୟ ମାନ୍ କିତାତ୍ନା, ଆରେ ଇଦାଙ୍ଗ୍ ଇନେର୍ ପା ତାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।”
S'ha seleccionat:
ଲୁକ 10: PEGNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Pengo Parja Bible by The Love Fellowship is licensed under Creative Commons Attribution-ShareAlike 4.0 License.
ଲୁକ 10
10
ଯୀଶୁ ସତୁରି ଜାଣ୍ତିଙ୍ଗ୍ ପକ୍ତାନ୍
1ଯୀଶୁ ଇବେଣ୍ ୱେଚ୍ଚି ପାଚେ ସତୁରି ଜାଣ୍ତିଙ୍ଗ୍#୧୦:୧ ସତୁରି ଜାଣ୍ତିଙ୍ଗ୍ କେତେକ୍ ବାଇବଲ୍ତାକେ ସତୁରି ଦୁଇଜାଣ୍ ଇଞ୍ଜି ଲେକା ମାନାତ୍ ବିନ୍ ଚେଲାହିରିଙ୍ଗ୍ ବାଚିକିତାନ୍। ଇମ୍ଣି ଇମ୍ଣିନାସ୍ ଆରେ ବାହାତାକେ ହେୱାନ୍ ହେୱାରିଙ୍ଗ୍ ରିକାର୍ ରିକାର୍କିଜି ଜାର୍ ହାଲ୍ୱି ଆଗେ ପକ୍ତାନ୍। 2ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇନେସ୍କି ଜମି ବେସି ମାନାତ୍ ଆରେ କାମାୟ୍ କିନାକାର୍ ଅଲପ୍, ହେଲେକେନେ ଈଶ୍ୱର ରାଜିନି ବେଣ୍ ୱେନ୍ଞ୍ଜି ପାର୍ତି କିଦେଙ୍ଗ୍ ବେସି ମାନାୟ୍ ମାନାର୍, ମାତର୍ ଈଶ୍ୱର ରାଜିନି ବେଣ୍ ଶୁଣାୟ୍ କିନାକାର୍ ଅଲପ୍। ଲାଗିଙ୍ଗ୍ ମାପୃତାକେ ପାର୍ତାନା କିୟାଟ୍, ହେୱାନ୍ ବେସି କାମାୟ୍ କିନି ମାନାୟ୍ତିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟତାଙ୍ଗ୍ ମାନାୟାରିଙ୍ଗ୍ ୱେଚ୍ଚେଙ୍ଗ୍ ପକ୍ତାନାନ୍।
3ଏପେଙ୍ଗ୍ ହାଲାଟ୍, ମାତର୍ ମାନ୍ତରାକି କିୟାଟ୍, ଆନେଙ୍ଗ୍ ବୁର୍କାଙ୍ଗ୍ ବିତ୍ରେ ମେଣ୍ଢାଙ୍ଗ୍ ଲେକେ ଆନେଙ୍ଗ୍ ମିଙ୍ଗେଙ୍ଗ୍ ପକ୍ତାନାଙ୍ଗା। 4ଏପେଙ୍ଗ୍ ଡାବୁଙ୍ଗ୍ ଇଟ୍ନି ମଣା କି ପାଣ୍ଡାୟ୍ ପା ଆମାଟ୍, ହାଜ୍ଦ ଇନେରିଙ୍ଗ୍ ପା ଜୱାର୍ କିମାଟ୍।
5ଏଚେପାଦ୍ନା ଏପେଙ୍ଗ୍ ଇମ୍ଣି ଇଞ୍ଜ ହଣାଦେର୍, ପାର୍ତୁମ୍ ୱେଚାଟ୍, ଇ ଇଞ୍ଜ ଶାନ୍ତି ଆଏତ୍। 6ଯଦି ହେବେ ଇନେର୍ ଶାନ୍ତିତାଙ୍ଗ୍ ମାନି ମାନାୟ୍ ମାନାଦେର୍। ଲାଗିଙ୍ଗ୍ ମି ଶାନ୍ତି ଆଶ୍ରିବାଦ୍ ହେୱାନିଙ୍ଗ୍ ଗାଟାଆନାତ୍, ଆୱିତିସ୍ ହେ ଶାନ୍ତି ମିତାକେ ଲେଉଟା ଆଜି ୱାଏତ୍। 7ଏପେଙ୍ଗ୍ ଶାନ୍ତି ମାନି ଇଞ୍ଜ ମାନାଟ୍। ହେ ମାନାୟାର୍ ଇନାକା ହିଦ୍ନାର୍ ହେଦାଙ୍ଗ୍ ତିନାଟ୍ ଆରେ ଉଣାଟ୍। ଇନେସ୍କି କାମାୟ୍ କିନି ମାନାୟ୍ ତା ରଜ୍ଗାର୍ ଜପି ଆଦିକାର୍ ମାନାତ୍। ହେ ଇଲ୍ ପିସ୍ତି ଜେକନି ଇଞ୍ଜ ମାଞ୍ଜେଙ୍ଗ୍ ହାଲ୍ମାଟ୍।
8ଏପେଙ୍ଗ୍ ର ନାସ୍ ହାଲାଟ୍ ଆରେ ହେବେ ଯଦି ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍, ଲାଗିଙ୍ଗ୍ ମିଙ୍ଗେଙ୍ଗ୍ ହେୱାର୍ ଇନା କାଦି ହିଦ୍ନାର୍, ହେଦାଙ୍ଗ୍ ତିନାଟ୍। 9ହେବେ ମାନି ରଗିୟାରିଙ୍ଗ୍ ହାର୍ କିୟାଟ୍। ତାପାଚେ ହେୱାରିଙ୍ଗ୍ ୱେଚାଟ୍, ‘ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।’
10ମାତର୍ ଇମ୍ଣି ସହର୍ତାକେ ହାନାଦେର୍ ମିଙ୍ଗେଙ୍ଗ୍ ହେୱାର୍ ଆସ୍ତୁର୍, ଲାଗିଙ୍ଗ୍ ହେ ସହର୍ନି ହାକ୍ଡ଼ିକାଙ୍ଗ୍ ହସି ୱେଚାଟ୍, 11ମି ସହର୍ନି ଇମ୍ଣି ଦୁଡ଼ି ମା କାଲ୍ପାନାତାକେ ଡାଞ୍ଚାତ୍ନା ଇ ଦୁଡ଼ି ପା ମି ବିରୁଦ୍ତାକେ ଇବେ ଡ଼ାତ୍ତି ହାନାପା। ଏପେଙ୍ଗ୍ ମାନ୍ତ ଇଡ଼୍ଜି ମାନାଟ୍, ‘ଈଶ୍ୱର ସାସନ୍ କିନି ରାଜି ଲାଗେ ଇକାୱାତାତେ।’ 12ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା ଯେ ବିଚାର୍ ନାଞ୍ଜିଙ୍ଗ୍ ହେ ସହର୍ନି ମାନାୟାରିଙ୍ଗ୍ ଦଣ୍ଡ୍ ହିନାକା ସଦୋମ ସହର୍ନି ମାନାୟାର୍ ଇମ୍ଣି ଦଣ୍ଡ୍ ପାୟାଆଜି ମାଚାର୍ ତାତାଙ୍ଗ୍ ପା ଆଦିକ୍ ବାନ୍ୟା ଆନାତ୍।
ମାନିକିୱି ସହର୍ କାଜିଙ୍ଗ୍ ଚିନ୍ତା
(ମାଥି. ୧୧:୨୦-୨୪)
13ହାୟ୍, କୋରାଜିନ୍ ସହର୍ ମାନାୟ୍ କାଦେର୍! ହାୟ୍ ବେଥ୍ସାଇଦା ସହର୍ ମାନାୟ୍ କାଦେର୍! ମି ବିତ୍ରେ ଆନେଙ୍ଗ୍ ଚାନିଆଆନି କାମାୟ୍ ଚଚ୍ଚାତାଙ୍ଗ୍ନା। ଯଦି ଇଦାଙ୍ଗ୍ ସୋର୍ ଆରେ ସିଦନ୍ ସହର୍ନି ମାନାୟାର୍ କାଜିଙ୍ଗ୍ କିୟାଆତାତ୍ମା, ଲାଗିଙ୍ଗ୍ ଇନେୱାଡ଼ାତାଙ୍ଗ୍ ହେୱାର୍ ଜାର୍ ଗରବ୍ ବାଦ୍ଲାଇ କିତାର୍ମା ଆରେ ପାପ୍ କାମାୟ୍ କିନାକା ପିସ୍ତି ବାସ୍ତାତାଙ୍ଗ୍ ରସ୍ତି ହେନ୍ଦ୍ରା ଉସ୍ପାତାର୍ମା ଆରେ କାପ୍ଡ଼ାତାକେ ନିସ୍ ଇବାତାର୍ମା। 14ବିଚାର୍ ନାଞ୍ଜିଙ୍ଗ୍ ସୋର୍ ସହର୍ ଦଣ୍ଡ୍ ସିଦନ୍ ଦେସ୍ନି ବାଦୁଲ୍ତାଙ୍ଗ୍ ତ ଦଣ୍ଡ୍ ପାୟାଆନାର୍। 15ଏ କପୁର୍ନାହୁମ୍ ସହର୍ତାକେ ମାନି ମାନାୟ୍! ଏପେଙ୍ଗ୍ ଇନାକା ସରଗ୍ତାକେ ହାଞ୍ଜେଙ୍ଗ୍ ବାବିକିନାଦେରା କି? ମାତର୍ ଈଶ୍ୱର ମିଙ୍ଗେଙ୍ଗ୍ ନାଣି ମାନି ନରକ୍ତାକେ ତୁସିହିଦ୍ନାନ୍।”
16“ଏଚେପାଦ୍ନା ଇମ୍ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍ନାନ୍, ହେୱାନ୍ ହାତ୍ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”
ସତୁରି ଜାଣ୍ ଲେଉଟା ଆନାକା
17ହେପାଦ୍ନା ସତୁରି ଜାଣ୍ ବୁଲାଆନିହିଙ୍ଗ୍ ଲେଉଟା ଆତାର୍, ହେୱାର୍ ବେସି ୱାରିଆଜି ମାଚାର୍। ହେୱାର୍ ୱେଚ୍ଚାର୍, “ମାପୃ, ଆପେଙ୍ଗ୍ ଏଚେପାଦ୍ନା ନି ତର୍ ଅଜି ଆପେଙ୍ଗ୍ ଆଦେସ୍ ହିତିସ୍ ମା ଆଦେସ୍ତିଙ୍ଗ୍ ବୁତ୍ଆତ୍ମାକ୍ ପା କାତା ମାନି କିତିକ୍।”
18ଇଦାଙ୍ଗ୍ ୱେନ୍ଞ୍ଜି ଯୀଶୁ ୱେଚ୍ଚାନ୍, “ଆନେଙ୍ଗ୍ ଶୟତାନ୍ତିଙ୍ଗ୍ ଆରାୟ୍କିଜି ସରଗ୍ତାଙ୍ଗ୍ ବିଜ୍ଲି ଲେକେ ଆଜି ଆର୍ଦାନାକା ହୁଡ଼୍ତାଙ୍ଗ୍। 19ୱେନାଟ୍! ରାଚ୍ ଆରେ କାଚାକୁପିକାଙ୍ଗ୍ କାଲ୍କୁ ତାରେନ୍ ତଗାୱିହା କିଦେଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆଦିକାର୍ ହିତ୍ତାଙ୍ଗ୍ନା। ଆନେଙ୍ଗ୍ ମିଙ୍ଗେଙ୍ଗ୍ ଶାତ୍ରୁ ଶୟ୍ତାନ୍ ଲାଗାୟ୍ ମାନି ସାକ୍ତିତାଙ୍ଗ୍ ଆଦିକ୍ ଶାକ୍ତି ହିତ୍ତାଙ୍ଗ୍ନା। ମିଙ୍ଗେଙ୍ଗ୍ ଇନେର୍ ପା ଇନାକା କିଦ୍ଦେଙ୍ଗ୍ ଆଡ଼୍ଦୁର୍। 20ଆଁ ବୁତ୍ଆତ୍ମା ମି କାତାତିଙ୍ଗ୍ ମାନିକିନିକା ଇଞ୍ଜି ୱାରି ଆମାଟ୍। ମାତର୍ ମି ତର୍ ସରଗ୍ଜପି ଲେକାଆତାତ୍ନା ଲାଗିଙ୍ଗ୍ ୱାରି ଆଡୁ।”
ଯୀଶୁ ୱାରିଆ ଆତାନ୍
(ମାଥି. ୧୧:୨୫-୨୭; ୧୩:୧୬-୧୭)
21ତାପାଚେ ପବିତ୍ର ଆତ୍ମାକାଙ୍ଗ୍ ଯୀଶୁ ବେସି ୱାରିଆଜି ୱେଚ୍ଚାନ୍, “ଏ ଆବା, ବାଦାଡ଼୍ ଆରେ ପୁର୍ତିନି ମାପୃ। ଏପେଙ୍ଗ୍ ବୁଦିକାଟି ମାନାୟ୍ତାଙ୍ଗ୍ ଇୱିଜୁ ବିଷୟ ଡ଼ୁକ୍ଚି ହିରୁ ହିମ୍ଣାଙ୍ଗ୍ତାକେ ୱେଚ୍ଚାଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗେଙ୍ଗ୍ ଦନ୍ଯବାଦ୍ କିଦ୍ନାଙ୍ଗା। ଆଁ, ଆବା, ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍ନା।
22ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍ତାନ୍ନା। ହିମ୍ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍ନେ ଆବା ବିଷୟରେ ପୁନିକିନାଙ୍ଗ୍।”
23ତାପାଚେ ଯୀଶୁ ଚେଲାହିର୍ ନିପଣ୍ ମୁମ୍ ବୁଲାୟ୍ କିତାନ୍। ଆରେ ହେୱାନ୍ ୱେଚ୍ଚାନ୍, “ଏପେଙ୍ଗ୍ ଏଚେକ୍ କାରୁମ୍, ଲାଗିଙ୍ଗ୍ ଏପେଙ୍ଗ୍ ଇୱିଜୁ ବିଷୟ ହୁଡ଼୍ନାଦେରା। 24ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, ଏପେଙ୍ଗ୍ ନଙ୍ଗୟ୍ ଇନା ଇନାକା ହୁଡ଼୍ନାଦେରା, କେତେକ୍ ଭବିଷ୍ଯତବକ୍ତା ଆରେ ରାଜାର୍ ହୁଡ଼୍ଦେଙ୍ଗ୍ ଇଚାକିଜି ମାଚାର୍। ମାତର୍ ହେୱାର୍ ଇୱିଜୁ ହୁଡ଼୍ଦେଙ୍ଗ୍ ଆଡ୍ୱାଦାଙ୍ଗ୍ ମାଚାର୍। ଏପେଙ୍ଗ୍ ନଙ୍ଗୟ୍ ଇନା ଇନାକା ୱେନାଦେରା ହେ ୱିଜୁ ହେୱାର୍ ୱେଞ୍ଜେଙ୍ଗ୍ ଇଚାକିତାର୍, ମାତର୍ ହେୱାର୍ ଇୱିଜୁ ୱେଞ୍ଜେଙ୍ଗ୍ ଆଡ୍ୱାଦାଙ୍ଗ୍ ମାଚାର୍।”
ହାର୍ଦି ଶମିରଣିୟ୍ନି କାତା
25ରଦିନ୍ ଯୀଶୁ ମାନାୟାରିଙ୍ଗ୍ ହିକ୍ଷାହିଜି ମାଚାନ୍। ତାପାଚେ ରକାନ୍ ପଣ୍ଡିତ୍ ୱାଜି ନିଲ୍ତାନ୍। ହେୱାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍ବାତାନ୍, “ଏ ଗୁରୁ, ୱିଜ୍ୱି ଜିବୁନ୍ ପାଇକିଦେଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?” 26ଇଦାଙ୍ଗ୍ ୱେନ୍ଞ୍ଜି ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ମୋଶା ଲେକିକିତି ନିୟମ୍ନି ସାସ୍ତର୍ତାକେ ଇନାକା ଲେକା ମାନାତ୍? ହେବେନିକା ଲେକା ଏପେଙ୍ଗ୍ ପଡ଼ିକିଜି ଇନାକା ବୁଜାଆନାଦେର୍?” 27ହେୱାନ୍ ୱେଚ୍ଚାନ୍, “‘ଏନେଙ୍ଗ୍ ଜାର୍ ୱିଜୁ ଗରବ୍, ୱିଜୁ ଆତ୍ମା, ୱିଜୁ ସାକ୍ତି, ଆରେ ୱିଜୁ ମାନ୍ଆଜି ମି ମାପୃ ଈଶ୍ୱରତିଙ୍ଗ୍ ଲାଡ୍ କିୟାଟ୍।’ ଆରେ ‘ଏପେଙ୍ଗ୍ ଜାର୍ତିଙ୍ଗ୍ ଲାଡ୍ କିତିଲେକେ ଜେକନିକାରିଙ୍ଗ୍ ପା ଲାଡ୍ କିୟାଟ୍।’ ” 28ହେବେତାଙ୍ଗ୍ ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ଏନେଙ୍ଗ୍ ଟିକ୍ ୱେଚ୍ଚାଇନା। ଇଦାଙ୍ଗ୍ ନେ କିୟାଟ୍, ଇଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ୱିଜ୍ୱି ଜିବୁନ୍ ପାୟାଆନାଦେର୍।”
29ନିଜେ ଦରମ୍ ମାନାୟ୍ ଇଞ୍ଜି ଚଚିୟାଆନି କାଜିଙ୍ଗ୍ ଇଚାକିଜି ଯୀଶୁଙ୍ଗ୍ ୱେନ୍ବାତାନ୍, “ଇମ୍ଣାକାରିଙ୍ଗ୍ ଲାଡ୍ କିନାଙ୍ଗ୍, ହେୱାର୍ ଇନେର୍?” 30ଇ ବେଣ୍ନି ପ୍ରଶ୍ନନି ଉତର୍ ହିଦେଙ୍ଗ୍ ହାଲ୍ଜି ଯୀଶୁ ୱେଚ୍ଚାନ୍, “ରକାନ୍ ମାନାୟ୍ ଯିରୁଶାଲାମ ସହର୍ତାଙ୍ଗ୍ ଯିରିହୋ ସହର୍ତାକେ ହାନିହିଙ୍ଗ୍। ହାଜ୍ଦ ହେୱାନ୍ ଚର୍କୁତାକେ ଗିଟାଆତାନ୍। ହେୱାର୍ ତା ହେନ୍ଦ୍ରାପାଟା ୱିଜୁ କେଚ୍ପିସ୍ ଆରେ ହେୱାନ୍ ଇନାକା ଆସ୍ତି ମାଚାନ୍ ହେ ୱିଜୁ ଅତାର୍। ଆରେ ହେୱାନିଙ୍ଗ୍ ହାଃନିଲେକେ ମାଡ୍ଇଡ଼୍ଜି ପିସ୍ତି ହାଚାର୍।
31ହେପାଦ୍ନା ରକାନ୍ ଯିହୁଦି ଦରମ୍ନି ଈଶ୍ୱର ହେବାକିନି ମୁଡ଼୍ଦି ପୁଜାରି ହେ ହାଜ୍ଦିଙ୍ଗ୍ ହାଲ୍ଜି ମାଚାନ୍। ହେ ମାନାୟ୍ତିଙ୍ଗ୍ ହୁଡ଼୍ଜି ହେୱାନ୍ ହେୱାନିଙ୍ଗ୍ ସାଇଜ କିୱାଦାଙ୍ଗ୍ ଜେକନି ହାଜ୍ଦିଙ୍ଗ୍ ହାଚାନ୍। 32ତାପାଚେ ଲେବିୟ ତର୍ଦାକାନ୍ ରକାନ୍ ହେୱାନ୍ ମନ୍ଦିର୍ କାମାୟ୍ତାକେ ସାଇଜ କିନାକାନ୍, ହେ ହାଜ୍ଦିଙ୍ଗ୍ ୱାତାନ୍। ହେୱାନ୍ ହେ ମାନାୟ୍ତିଙ୍ଗ୍ ହୁଡ଼୍ତି ଦାପ୍ରେ ହେୱାନିଙ୍ଗ୍ ସାଇଜ କିୱାଦାଙ୍ଗ୍ ଜେକନି ହାଜ୍ଦିଙ୍ଗ୍ ହାଚାନ୍।
33ତାପାଚେ ଶମିରଣିୟ ଦେସ୍ନି ରକାନ୍ ମାନାୟ୍ ହେ ହାଜ୍ଦିଙ୍ଗ୍ ହେ ବାହାତାକେ ୱାତାନ୍। ହେୱାନ୍ ହେୱାନିଙ୍ଗ୍ ହୁଡ଼୍ଜି ଦୟା କିତାନ୍। 34ହେୱାନ୍ ତା ଲାଗେ ହାଲ୍ଜି। ତା ଗାଉତାକେ ଚିକାଣ୍ ଆରେ ଅଙ୍ଗୁର୍ ରାସ୍ ୱାକ୍ଚି ଗାର୍ଣ୍ଡା ଲାହାଙ୍ଗ୍ ଗାଚ୍ଚାନ୍। ହେୱାନ୍ତାକେ ଗଦ ରଞ୍ଜାଙ୍ଗ୍ ମାଚାତ୍। ହେୱାନିଙ୍ଗ୍ ତା ଗଦଜପି କୁଚିକିଜି ର ହିରୁଇଞ୍ଜ ଅତାନ୍। ହେବେ ହେୱାନିଙ୍ଗ୍ ଜାତୁନ୍ ଅତାନ୍। 35ତା ଆର୍କାତ୍ ନାଞ୍ଜିଙ୍ଗ୍ ଶମିରଣିୟ ଦେସ୍ନି ମାନାୟ୍ ରକାନ୍ ରିଣ୍ଡାଙ୍ଗ୍ ରୁପା ଡାବୁଙ୍ଗ୍ ହପ୍ତାନ୍। ହେୱାନ୍ ତା ହିରୁଇଲ୍ନି ମାଲିକ୍ତିଙ୍ଗ୍ ହିଜି ୱେଚ୍ଚାନ୍, ‘ଇ ଆଡ଼ାଡାଡ଼ା ଆତି ମାନାୟ୍ତିଙ୍ଗ୍ ଜାତୁନ୍ କିନାଇ। ତା କାଜିଙ୍ଗ୍ ଯଦି ଆଦିକ୍ ଡାବୁଙ୍ଗ୍ ୱିଜ୍ଦିନିକ୍, ଆନେଙ୍ଗ୍ ୱାନିହିଙ୍ଗ୍ ନିଙ୍ଗେଙ୍ଗ୍ ହେ ଏଚେକ୍ ହୁଜାଆଦ୍ନାଙ୍ଗ୍।’ ”
36ପାଚେ ଯୀଶୁ ୱେଚ୍ଚାନ୍, “ନଙ୍ଗୟ୍ ଏପେଙ୍ଗ୍ ୱେଚ୍ଚାଟ୍, ଚର୍କୁ ହାବୁଡ଼୍ତ ଆର୍ଜି ଆଡ଼ାଡାଡ଼ା ଆତି ମାନାୟ୍ତିଙ୍ଗ୍ ଇ ତିନ୍ଜାଣ୍ ବିତ୍ରେତାଙ୍ଗ୍ ଇନେର୍ ହେୱାନିଙ୍ଗ୍ ଲାଡ୍ ଚଚ୍ଚାନ୍ ଇଞ୍ଜି ଏପେଙ୍ଗ୍ ବାବିକିନାଦେରା?” 37ପଣ୍ଡିତ୍ ୱେଚ୍ଚାନ୍, “ଇମ୍ଣି ମାନାୟ୍ ଆଡ଼ାଡାଡ଼ା ଆଜି ଗୁର୍ଜି ମାଚାନ୍ ହେୱାନିଙ୍ଗ୍ ଇନେର୍ ଦୟାକିଜି ତା ଜାତୁନ୍ କିତାନ୍।” ଯୀଶୁ ନେ ହେୱାନିଙ୍ଗ୍ ଲାଡ୍ କିତାନ୍, “ଲାଗିଙ୍ଗ୍ ଏପେଙ୍ଗ୍ ହାଲାଟ୍, ଆରେ ମାନାୟାର୍ କାଜିଙ୍ଗ୍ ହେଲେକେ କାମାୟ୍ କିୟାଟ୍।”
ମାର୍ଥା ଆରେ ମରିୟମ ଇଞ୍ଜ ଯୀଶୁ
38ଯୀଶୁ ଆରେ ତା ଚେଲାହିର୍ ହାନିହିଙ୍ଗ୍ ର ନାସ୍ ଯୀଶୁ ହାଚାନ୍। ହେପାଦ୍ନା ମାର୍ଥା ତର୍ଦି ର କଗ୍ଲେ ଯୀଶୁଙ୍ଗ୍ ତାଞ୍ଜ କୁକ୍ଚି ଅତାତ୍। 39ମାର୍ଥା ତଣ୍ଦେହି ମରିୟମ ମାଚାତ୍। ମରିୟମ ଯୀଶୁ କାଲ୍ପାନା ଲାଗାୟ୍ କୁଚ୍ଚି ତା ହିକ୍ଷାତିଙ୍ଗ୍ ୱେନ୍ଞ୍ଜି ମାଚାତ୍। ମାତର୍ ମାର୍ଥା ଇଲ୍ନି ୱିଜୁ କାମାୟ୍ କିଜି ମାଚାତ୍।
40ମାର୍ଥାଙ୍ଗ୍ ବେସି କାମାୟ୍ କିଜି ମାଚିଲେ ହେଦେଲ୍ ରିସାଆତାତ୍। ହେଦେଲ୍ ଯୀଶୁ ଲାଗାୟ୍ ୱାଜି ୱେଚ୍ଚାତ୍, “ମାପୃ! ନା ତଣ୍ଦେଲ୍ ଇଲ୍ନି ୱିଜୁ କାମାୟ୍ ନାଙ୍ଗେଙ୍ଗ୍ ଚଚ୍ଚାତାତ୍ନା, ଇ ବିଷୟରେ ଏନେଙ୍ଗ୍ ଇନାକା ଚିନ୍ତା କିଉୟାକି? ଲାଗିଙ୍ଗ୍ ହେଦେଲିଙ୍ଗ୍ ୱେଚା ଯେ ହେଦେଲ୍ ନାଙ୍ଗେଙ୍ଗ୍ ସାଇଜ କିଦେତ୍।” 41ଯୀଶୁ ୱେଚ୍ଚାନ୍, “ମାର୍ଥା, ଏ ମାର୍ଥା, ବେସି କାମାୟ୍ତିଙ୍ଗ୍ ଏନେଙ୍ଗ୍ ଚିନ୍ତା କିନାଟ୍। 42ମାତର୍ ର ଜିନିଷ୍ ୱିଜୁତାଙ୍ଗ୍ ଗାଜା। ମରିୟମ ଜାର୍ କାଜିଙ୍ଗ୍ ହାର୍ଦି ବିଷୟ ମାନ୍ କିତାତ୍ନା, ଆରେ ଇଦାଙ୍ଗ୍ ଇନେର୍ ପା ତାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Pengo Parja Bible by The Love Fellowship is licensed under Creative Commons Attribution-ShareAlike 4.0 License.