लुका 12
12
शास्त्री एने फरुशीन तोसला मा बोनु
1ओतरामा जेतार होजारोन गोरदी होय गोयी, न्या तोक कि चे एक दिसरा पोर हिट पोळता होता, ती येसु आखान पेहेले आपना चेला काजे कोयने बाज गोयू, “फरुशीन दोगावो रूपोन खमीरसी हुशारीन मा रोयजू. 2काहीन ढाकायलो नी होय, जो उगळाये नी; एने नि काहीन डूकायलो छे जो जानाये नी, 3इनान कोरता जो काहीन तुमु आंदारामा कोयला छे, चो विजावामा सोमवायसे; एने जो तुमु कुठळीमा कानटामा मोनेन कोयला छे, चो छोत पोर गोथो प्रचार कोरायसे.
तिनासी बिहू
(मत्ती 10:28-31)
4“मे तुमु काजे जे मारा दुस्तीदार छे कोयतेलू कि जे डीलोक मारतला बाकीन तिना पोछोव ओवी काहीन नि कोर सोकतला, तीनु काजे मा बिहू. 5मे तुमु काजे जोताळो कि तुमु कुनी काजे बिहनो जुवे, मारनेन ओवते जीना काजे नोरोगमा नाखनेन होक छे, तीना काजे बिहू; होव, मे तुमु काजे कोयो, तीनात काजे बिहू. 6काय दुय पोयशान पाच चिल्ला नि वेचायतला? ते बी परमेश्वर तीनामा गोथू एकाक बी नि वीसेरतलु. 7तुमरा मुनकान आखा झोटा बी गीनायला छे, इनान कोरता बिहता झुनी, तुमु चिल्ला गोथा जादा बोळीन छे.”
येसु काजे मना करणेन मतलब
(मत्ती 10:32-33; 12:32; 10:19-20)
8“मे तुमु काजे कोयो जू कुदू माणसोन सामने मेसेक मान लेये तीनाक माणसोन पुऱ्यु बी परमेश्वरोन सोरगो दूतो सामने स्वीकारसे, 9बाकीन जू माणसोन सामने मारू नाकार कोरे तेरु परमेश्वरोन सोरगो दूतो सामने नाकार कोरायसे.”
10“जू कुदू माणसोन पुऱ्यान खिलापमा काहीन वात कोये, तेरु चू गुणू माफ कोरायसे, बाकीन जू पवित्र आत्मान बुराई कोरसे तेरु गुणू माफ नि कोराये.
11“जेतार माणसे तुमुक सभामा एने सुभेदारोन एने अधिकारीन सामने लीजासे, ती चिंता नि कोरनो कि आमु काहना रितीसी एने काय जोवाब आपजे, नीती काय कोयजे. 12काहाकि पवित्र आत्मा तिनी टेमे तुमुक सिकाळ देसे कि काय कोयनू जुवे.”
मालदार माणसोन दाखलू
13ओवते गोरदीमा गोथू एक जोणु येसु काजे कोयू, “हे गुरु, मारा भाश काजे कोय कि बासोन धोन मार साते वाट ले.” 14येसु तीनाक कोयू, “हे माणूस, कून मेसेक तुमरू न्याय एने वाटने वावू नेमलू छे?” 15एने येसु तीनुक कोयू, “हुशारीमा रोयू एने आखा भातीन लालचसी आपना खुदो काजे वाचाडीन राखू; काहाकि कुदान जीवन तेरो धोनोन बोढनेसी नि होयतलो.”
16येसु तीनुक एक दाखलू कोयू काहना एक मालदारोन खेतोमा घोन सोवटो पाक्यो. 17तेत्यार चू खुद मोनोमा विचार कोरणे बाज गोयू, “मे काय कोरो? काहाकि मारेंचा जागा नि होय जा आपनो ओनाज एने कोतरो मेको.” 18एने येसु कोयू, “मे यो कोरीस मे आपना कुठारा तुळीन तिंदरे गोथा मोटा बोनावीस; एने चा आपनो आखो ओनाज एने धोन मेकीस; 19एने आपना जीवो काजे कोयीस कि जीव तारे जुव लोकेत सालोन कोरता लोकेत धोन मेकलो छे; मुजा कोर, खा, पी, सुखोमा रो.” 20बाकीन परमेश्वर तीनाक कोयू, “हे बिन ओकली, इने राती तारू जीव तारे जुव गोथू मांगाय जासे; तेत्यार जो काहीन तू एखठो कोरलु छे चो कुनीन होयसे?” 21ओसुत चू माणूस बी छे जू आपनेन कोरता धोन एखठो कोरतेलू, बाकीन परमेश्वरोन नोजोरमा मालदार नि होय.
कानली वातोन चिंता मा कोरु
(मत्ती 6:25-34; 6:19-21)
22ओवतेन येसु आपना चेला काजे कोयू, “इनान कोरता मे तुमु काजे कोयो, आपना जीवन चींता नि कोरनो; कि आमु काय खाजे; नी आपना डीलोन कि काय पेहेरसू.” 23काहाकि खाणासी जीव, एने छिंदरासी डील बोढीन छे. 24चिल्ला भुनी भावू; चे नी वेरतेला, एने नी काटतेला; तिंदरा नि कुठारा होय नि कोनजा होय; ते बी परमेश्वर तीनुक पावतेलु तुमरी किमोत चिल्ला गोथी घोनी सोवटी छे! 25तुमरेमा गोथू ओसू कुन छे जू चिंता कोरनेसी आपनी उमोरोन एक घोळी, बी बोढाव सोके? 26इनान कोरता तुमु आखान नानो काम बी नी कोर सोकतेला, ती दिसरी वातोन कोरता काहा चिंता कोरतेला? 27फुलोन झाडो भुनी देखू कि चे कोसा बोढतला चे नी मेहनत कोरतेला, नी पेहेरतला; ते बी मे तुमु काजे कोयो कि सुलेमान बी आपना आखा कला मा, तिना मायला कुदा एक सारकू बी छिंदरा पेहेरलु नी होतु. 28इनान कोरता परमेश्वर बोयळा मायला खोळो काजे, जो आज छे वाहाणे भट्टीमा नाखाय जासे, ओसो पेहेरावतेलु छे; ती हे कोमजुर विस्वास्या, चु तुमुक काहा नि पेहेरावे? 29एने तुमु इनी वातोन हेरमा मा रोयू कि काय खासु एने काय पीसू, एने नी शंका कोरु. 30काहाकि जोगोन जाती इनी आखी वातोन हेरमा रोयतेला छे, एने तुमरा बासो काजे मालूम छे कि तुमु काजे इनी चीजोन गोरोज छे. 31बाकीन तेरो राजोन हेरमा रोयू, ती ये चीजे बी तुमु काजे जोळ जासे.
धोन काजे का एखठो कोरनो
32“हे नानला टूवा, मा बिहे, काहाकि तुमरा बासो काजे यो गोवलो छे, कि तुमुक राज आपे. 33आपनो धोन वेचीन दान कोर देवू; एने आपनेन कोरता ओसा थोयला बोनावू जे जुना नी होये, बाकीन सोरगोमा ओसो धोन एखठा कोरु जो घोटे नी एने जीना साते चुटू नि जाय, एने किडा नी बिगाळतला. 34काहाकि जा तुमरो धोन छे; चा तुमरो मोन बी लागलो रोयसे.”
हमेशा तीयार रोयू
(मत्ती 24:42-44)
35“तुमरा कोळ्या बांदला रोये एने तुमरा दिवा धोपला रोये, 36एने तुमु तीनु माणसो सारका बोनू, जू आपना मालकोन वाट देख रोये कि चु वियावमा गोथू केतार आवसे, कि जेतार चू आवीन झोपलु ठूकसे ती तेत्यारुत तिनान कोरता उगाळ देये.” 37सोयावा छे जे दास जीनुक मालिक आवीन जागतला देखे; मे तुमु काजे छाचलीन कोयो कि चू कोळ्यो बांदीन तीनुक खाणो खाणे बोसाळसे, एने साते आवीन तिंदरा सेवा कोरसे. 38अगर चू रातीन दिसरे पोहोरे नीती तिसरे पोहोर मा आवीन चू जागतला देखे, ती चे दास सोयावा छे. 39बाकीन तुमु यो जान लेवू कि अगर घोरोन मालिक जाने कि चुटू काहनली टेमे आवसे, ती जागलु रोये एने आपना घोरोक लुटायणे नि देय. 40तुमु बी तीयार रोयू; काहाकि जिनी टेमे तुमु विचार बी नी कोरे, तिनी टेमे माणसोन पुऱ्यु आव लागसे.
भुरसान लायक दास कुन?
(मत्ती 24:45-51)
41तेत्यार पतरस कोयू, “हे प्रभू, काय यु दाखलु तु आमु काजे कि आखा काजे कोयने बाज रोयू.” 42प्रभू कोयू, “चू विस्वासयोग्य एने बुद्धीमान भंडारी कून छे, जेरु मालिक तीनाक नोवकोर चाकोर पोर सरदार ठेरावे, कि तीनुक टेम पोर खाणेन समान आप देय. 43सोयावा छे चे दास, जीनुक तिंदरू मालिक आवीन ओसोत कोरतेला देखे. 44मी तुमु काजे छाचलीन कोयो, चू तीनाक आपना आखा धोनोपोर अधिकारी ठेरावसे. 45बाकीन अगर चू दास विचार कोरने बाज जाय कि मारू मालिक आवनेमा टेम लागाळ रोयू, एने दास एने दासी काजे मार पीट कोरणे बाज जाय एने खाय पीन मुजा कोरणे बाज जाय. 46ती तीना दासोन मालिक ओसले दाहळे, जेतार चू तेरी वाट जुवतू नि रोये, एने ओसी टेम चू जानतू नी होसे, आवसे एने तीनाक भारी दोंड आपीन तेरु वाटू अविस्वास साते ठेरावसे. 47चू दास जू आपना मालिकन मोर्जी जानतू होतु, एने तीयार नी रोयू एने नी तेरी मोर्जी पोर चाल्यु, घोनु मार खासे. 48बाकीन जु नि जानीन मार खाणेन लायक काम कोरे चू थुळू मार खासे इनान कोरता जीनाक लोकेत आपाय गोयलो छे, तीना जुव गोथो लोकेत मांगाय जासे; एने जीनाक लोकेत सोपाय गोयलो छे, तीना जुव गोथो लोकेत हापकाय जासे.
शांती नि फुट
(मत्ती 10:34-36)
49“मे धोरती पोर आगठो लागाळने आव रोयू; एने काय जुवतलु निसतू यो कि हिमी सीलगी जाय. 50मेसेक ते एक बाप्तिस्मा लेनो छे, एने जेतार तोक चू नि होये तेत्यार तोक मे कानली हालोतमा रोयीस” 51काय तुमु सोमोजतेला कि मे धोरती पोर शांती आपने आव रोयू? मे तुमु काजे कोयने बाज रोयू; नी बाकीन ओलोग कोरावणे आव रोयू. 52काहाकि हीमी गोथा एक घोरमा पाच जोना विरोध कोरसे, तीन दुयो पोर एने दुय तीनोपोर. 53बास पुऱ्या पोर एने पुऱ्यु बासोपोर विरोध कोरसे; आश बेटीस पोर, एने बेटीस आश पोर, सासू उहूळीस पोर, एने उहूळीस सासू पोर खिलाप कोरसे.
टेमोन उवखनो
(मत्ती 16:2-3)
54येसु भीळ काजे बी कोयू, “जेतार तुमु वादवा काजे बुडेवनो भूनी गोथो उगतलो देखतेला ती तेत्यारुत कोयतेला कि पाणी पोळसे, एने ओसोत होयतलो; 55एने जेतार दक्षिणोन वाहावो जातलो देखतला ती कोयतेला कि गोरमी होयसे, एने ओसोत होयतलो. 56हे दोगावा तुमु धोरती एने सोरगोन रूप-रोंग मा भेद कोर सोकतला, बाकीन इनी कोवीन बारामा काहा भेद कोरने नि जानतेला?”
आपना दुख तोकलीत काजे वारू कोरु
(मत्ती 5:25-26)
57“तुमु खुद ठेराव काहणी कोर लेतला कि वारलो काय छे? 58जेतार तु आपना झोगळ्या साते न्यायाधीश जाणे बाज रोयू ती वाटयेत तिना जुव गोथू छुटनेन कोशिश कोरले, ओसो नि होये कि चू तुसेक न्याय कोरणे वावानचा घीसीन लीजाय, एने न्याय कोरणे वावू तुसेक सिपायळान होवाले कोरे एने सिपायळा तुसेक बंदी वाळामा नाख देये. 59मे तुमु काजे कोयो कि जेतार तोक तू दोमळी-दोमळी भोर नि आपे तेत्यार तोक चा गोथू छुटी नी सोके.”
S'ha seleccionat:
लुका 12: BFBNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
लुका 12
12
शास्त्री एने फरुशीन तोसला मा बोनु
1ओतरामा जेतार होजारोन गोरदी होय गोयी, न्या तोक कि चे एक दिसरा पोर हिट पोळता होता, ती येसु आखान पेहेले आपना चेला काजे कोयने बाज गोयू, “फरुशीन दोगावो रूपोन खमीरसी हुशारीन मा रोयजू. 2काहीन ढाकायलो नी होय, जो उगळाये नी; एने नि काहीन डूकायलो छे जो जानाये नी, 3इनान कोरता जो काहीन तुमु आंदारामा कोयला छे, चो विजावामा सोमवायसे; एने जो तुमु कुठळीमा कानटामा मोनेन कोयला छे, चो छोत पोर गोथो प्रचार कोरायसे.
तिनासी बिहू
(मत्ती 10:28-31)
4“मे तुमु काजे जे मारा दुस्तीदार छे कोयतेलू कि जे डीलोक मारतला बाकीन तिना पोछोव ओवी काहीन नि कोर सोकतला, तीनु काजे मा बिहू. 5मे तुमु काजे जोताळो कि तुमु कुनी काजे बिहनो जुवे, मारनेन ओवते जीना काजे नोरोगमा नाखनेन होक छे, तीना काजे बिहू; होव, मे तुमु काजे कोयो, तीनात काजे बिहू. 6काय दुय पोयशान पाच चिल्ला नि वेचायतला? ते बी परमेश्वर तीनामा गोथू एकाक बी नि वीसेरतलु. 7तुमरा मुनकान आखा झोटा बी गीनायला छे, इनान कोरता बिहता झुनी, तुमु चिल्ला गोथा जादा बोळीन छे.”
येसु काजे मना करणेन मतलब
(मत्ती 10:32-33; 12:32; 10:19-20)
8“मे तुमु काजे कोयो जू कुदू माणसोन सामने मेसेक मान लेये तीनाक माणसोन पुऱ्यु बी परमेश्वरोन सोरगो दूतो सामने स्वीकारसे, 9बाकीन जू माणसोन सामने मारू नाकार कोरे तेरु परमेश्वरोन सोरगो दूतो सामने नाकार कोरायसे.”
10“जू कुदू माणसोन पुऱ्यान खिलापमा काहीन वात कोये, तेरु चू गुणू माफ कोरायसे, बाकीन जू पवित्र आत्मान बुराई कोरसे तेरु गुणू माफ नि कोराये.
11“जेतार माणसे तुमुक सभामा एने सुभेदारोन एने अधिकारीन सामने लीजासे, ती चिंता नि कोरनो कि आमु काहना रितीसी एने काय जोवाब आपजे, नीती काय कोयजे. 12काहाकि पवित्र आत्मा तिनी टेमे तुमुक सिकाळ देसे कि काय कोयनू जुवे.”
मालदार माणसोन दाखलू
13ओवते गोरदीमा गोथू एक जोणु येसु काजे कोयू, “हे गुरु, मारा भाश काजे कोय कि बासोन धोन मार साते वाट ले.” 14येसु तीनाक कोयू, “हे माणूस, कून मेसेक तुमरू न्याय एने वाटने वावू नेमलू छे?” 15एने येसु तीनुक कोयू, “हुशारीमा रोयू एने आखा भातीन लालचसी आपना खुदो काजे वाचाडीन राखू; काहाकि कुदान जीवन तेरो धोनोन बोढनेसी नि होयतलो.”
16येसु तीनुक एक दाखलू कोयू काहना एक मालदारोन खेतोमा घोन सोवटो पाक्यो. 17तेत्यार चू खुद मोनोमा विचार कोरणे बाज गोयू, “मे काय कोरो? काहाकि मारेंचा जागा नि होय जा आपनो ओनाज एने कोतरो मेको.” 18एने येसु कोयू, “मे यो कोरीस मे आपना कुठारा तुळीन तिंदरे गोथा मोटा बोनावीस; एने चा आपनो आखो ओनाज एने धोन मेकीस; 19एने आपना जीवो काजे कोयीस कि जीव तारे जुव लोकेत सालोन कोरता लोकेत धोन मेकलो छे; मुजा कोर, खा, पी, सुखोमा रो.” 20बाकीन परमेश्वर तीनाक कोयू, “हे बिन ओकली, इने राती तारू जीव तारे जुव गोथू मांगाय जासे; तेत्यार जो काहीन तू एखठो कोरलु छे चो कुनीन होयसे?” 21ओसुत चू माणूस बी छे जू आपनेन कोरता धोन एखठो कोरतेलू, बाकीन परमेश्वरोन नोजोरमा मालदार नि होय.
कानली वातोन चिंता मा कोरु
(मत्ती 6:25-34; 6:19-21)
22ओवतेन येसु आपना चेला काजे कोयू, “इनान कोरता मे तुमु काजे कोयो, आपना जीवन चींता नि कोरनो; कि आमु काय खाजे; नी आपना डीलोन कि काय पेहेरसू.” 23काहाकि खाणासी जीव, एने छिंदरासी डील बोढीन छे. 24चिल्ला भुनी भावू; चे नी वेरतेला, एने नी काटतेला; तिंदरा नि कुठारा होय नि कोनजा होय; ते बी परमेश्वर तीनुक पावतेलु तुमरी किमोत चिल्ला गोथी घोनी सोवटी छे! 25तुमरेमा गोथू ओसू कुन छे जू चिंता कोरनेसी आपनी उमोरोन एक घोळी, बी बोढाव सोके? 26इनान कोरता तुमु आखान नानो काम बी नी कोर सोकतेला, ती दिसरी वातोन कोरता काहा चिंता कोरतेला? 27फुलोन झाडो भुनी देखू कि चे कोसा बोढतला चे नी मेहनत कोरतेला, नी पेहेरतला; ते बी मे तुमु काजे कोयो कि सुलेमान बी आपना आखा कला मा, तिना मायला कुदा एक सारकू बी छिंदरा पेहेरलु नी होतु. 28इनान कोरता परमेश्वर बोयळा मायला खोळो काजे, जो आज छे वाहाणे भट्टीमा नाखाय जासे, ओसो पेहेरावतेलु छे; ती हे कोमजुर विस्वास्या, चु तुमुक काहा नि पेहेरावे? 29एने तुमु इनी वातोन हेरमा मा रोयू कि काय खासु एने काय पीसू, एने नी शंका कोरु. 30काहाकि जोगोन जाती इनी आखी वातोन हेरमा रोयतेला छे, एने तुमरा बासो काजे मालूम छे कि तुमु काजे इनी चीजोन गोरोज छे. 31बाकीन तेरो राजोन हेरमा रोयू, ती ये चीजे बी तुमु काजे जोळ जासे.
धोन काजे का एखठो कोरनो
32“हे नानला टूवा, मा बिहे, काहाकि तुमरा बासो काजे यो गोवलो छे, कि तुमुक राज आपे. 33आपनो धोन वेचीन दान कोर देवू; एने आपनेन कोरता ओसा थोयला बोनावू जे जुना नी होये, बाकीन सोरगोमा ओसो धोन एखठा कोरु जो घोटे नी एने जीना साते चुटू नि जाय, एने किडा नी बिगाळतला. 34काहाकि जा तुमरो धोन छे; चा तुमरो मोन बी लागलो रोयसे.”
हमेशा तीयार रोयू
(मत्ती 24:42-44)
35“तुमरा कोळ्या बांदला रोये एने तुमरा दिवा धोपला रोये, 36एने तुमु तीनु माणसो सारका बोनू, जू आपना मालकोन वाट देख रोये कि चु वियावमा गोथू केतार आवसे, कि जेतार चू आवीन झोपलु ठूकसे ती तेत्यारुत तिनान कोरता उगाळ देये.” 37सोयावा छे जे दास जीनुक मालिक आवीन जागतला देखे; मे तुमु काजे छाचलीन कोयो कि चू कोळ्यो बांदीन तीनुक खाणो खाणे बोसाळसे, एने साते आवीन तिंदरा सेवा कोरसे. 38अगर चू रातीन दिसरे पोहोरे नीती तिसरे पोहोर मा आवीन चू जागतला देखे, ती चे दास सोयावा छे. 39बाकीन तुमु यो जान लेवू कि अगर घोरोन मालिक जाने कि चुटू काहनली टेमे आवसे, ती जागलु रोये एने आपना घोरोक लुटायणे नि देय. 40तुमु बी तीयार रोयू; काहाकि जिनी टेमे तुमु विचार बी नी कोरे, तिनी टेमे माणसोन पुऱ्यु आव लागसे.
भुरसान लायक दास कुन?
(मत्ती 24:45-51)
41तेत्यार पतरस कोयू, “हे प्रभू, काय यु दाखलु तु आमु काजे कि आखा काजे कोयने बाज रोयू.” 42प्रभू कोयू, “चू विस्वासयोग्य एने बुद्धीमान भंडारी कून छे, जेरु मालिक तीनाक नोवकोर चाकोर पोर सरदार ठेरावे, कि तीनुक टेम पोर खाणेन समान आप देय. 43सोयावा छे चे दास, जीनुक तिंदरू मालिक आवीन ओसोत कोरतेला देखे. 44मी तुमु काजे छाचलीन कोयो, चू तीनाक आपना आखा धोनोपोर अधिकारी ठेरावसे. 45बाकीन अगर चू दास विचार कोरने बाज जाय कि मारू मालिक आवनेमा टेम लागाळ रोयू, एने दास एने दासी काजे मार पीट कोरणे बाज जाय एने खाय पीन मुजा कोरणे बाज जाय. 46ती तीना दासोन मालिक ओसले दाहळे, जेतार चू तेरी वाट जुवतू नि रोये, एने ओसी टेम चू जानतू नी होसे, आवसे एने तीनाक भारी दोंड आपीन तेरु वाटू अविस्वास साते ठेरावसे. 47चू दास जू आपना मालिकन मोर्जी जानतू होतु, एने तीयार नी रोयू एने नी तेरी मोर्जी पोर चाल्यु, घोनु मार खासे. 48बाकीन जु नि जानीन मार खाणेन लायक काम कोरे चू थुळू मार खासे इनान कोरता जीनाक लोकेत आपाय गोयलो छे, तीना जुव गोथो लोकेत मांगाय जासे; एने जीनाक लोकेत सोपाय गोयलो छे, तीना जुव गोथो लोकेत हापकाय जासे.
शांती नि फुट
(मत्ती 10:34-36)
49“मे धोरती पोर आगठो लागाळने आव रोयू; एने काय जुवतलु निसतू यो कि हिमी सीलगी जाय. 50मेसेक ते एक बाप्तिस्मा लेनो छे, एने जेतार तोक चू नि होये तेत्यार तोक मे कानली हालोतमा रोयीस” 51काय तुमु सोमोजतेला कि मे धोरती पोर शांती आपने आव रोयू? मे तुमु काजे कोयने बाज रोयू; नी बाकीन ओलोग कोरावणे आव रोयू. 52काहाकि हीमी गोथा एक घोरमा पाच जोना विरोध कोरसे, तीन दुयो पोर एने दुय तीनोपोर. 53बास पुऱ्या पोर एने पुऱ्यु बासोपोर विरोध कोरसे; आश बेटीस पोर, एने बेटीस आश पोर, सासू उहूळीस पोर, एने उहूळीस सासू पोर खिलाप कोरसे.
टेमोन उवखनो
(मत्ती 16:2-3)
54येसु भीळ काजे बी कोयू, “जेतार तुमु वादवा काजे बुडेवनो भूनी गोथो उगतलो देखतेला ती तेत्यारुत कोयतेला कि पाणी पोळसे, एने ओसोत होयतलो; 55एने जेतार दक्षिणोन वाहावो जातलो देखतला ती कोयतेला कि गोरमी होयसे, एने ओसोत होयतलो. 56हे दोगावा तुमु धोरती एने सोरगोन रूप-रोंग मा भेद कोर सोकतला, बाकीन इनी कोवीन बारामा काहा भेद कोरने नि जानतेला?”
आपना दुख तोकलीत काजे वारू कोरु
(मत्ती 5:25-26)
57“तुमु खुद ठेराव काहणी कोर लेतला कि वारलो काय छे? 58जेतार तु आपना झोगळ्या साते न्यायाधीश जाणे बाज रोयू ती वाटयेत तिना जुव गोथू छुटनेन कोशिश कोरले, ओसो नि होये कि चू तुसेक न्याय कोरणे वावानचा घीसीन लीजाय, एने न्याय कोरणे वावू तुसेक सिपायळान होवाले कोरे एने सिपायळा तुसेक बंदी वाळामा नाख देये. 59मे तुमु काजे कोयो कि जेतार तोक तू दोमळी-दोमळी भोर नि आपे तेत्यार तोक चा गोथू छुटी नी सोके.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.