LUCAS 6
6
Jesuspaj yachajujcunaca, samana punllapimi trigo umata fitinajushca
(Mat. 12:1-8; Mar. 2:23-28)
1Samana punllapimi cashna tucurca: Jesusca, Paipaj yachajujcunahuanmi trigo pambata yalinajurca. Paicunaca trigo umata fitishpami maquihuan jacushpa granocunata micunajurca. 2Chaita ricushpami huaquin fariseocunaca:
“¿Imashpata cangunaca, samana punllapi na ruranalla cashcata ruranajunguichi?” nishpa tapunajurca.
3Shina nijpimi Jesusca cashna nirca:
“Ñaupa mandaj David, paipaj cumbacunandi ninanda yarjachishpa, imata rurashcatapash, ¿nachu quilcashcapi ricushcanguichi? 4Davidca, Diosta yarina huasiman yaicushpami, Diosman carashca tandacunata japirca. Chaicunataca pipash na micunallachu carca, sacerdotecunallami micuna carca. Chaicunataca, paipash micushpami cumbacunamambash cararca” nircami.
5Shinallata cashnatapashmi nirca:
“Runa Aichayuj tucushca Ñucami, samana punllapipash mandaita ushani” nircami.
Maqui chaquishca runatami, Jesusca alichishca
(Mat. 12:9-14; Mar. 3:1-6)
6Samana punlla cutin chayajpimi, sinagogapi yaicushpa Jesusca yachachijurca. Chai ucupica, ali maqui chaquishca runapashmi tiyajurca. 7Chaipica, mandashca Shimita yachachijcunapash, fariseocunapashmi tiyanajurca. Paicunaca, samana punllapi cai runata alichijpica, imashnallapash juchachingapami Jesustaca ricurianajurca. 8Ashtahuangarin, paicuna imata yarinajujta Jesusca yachashpami, chai maqui chaquishca runataca:
“Jatarishpa, cai chaupiman shamui” nirca.
Shina nijpimi, chai runaca jatarishpa shayarirca. 9Chai jipami Jesusca, Paita ricurianajuj runacunataca cashna nirca:
“Cangunataca caitami tapuni: Mandashcapi nijunshnaca samana punlla cajpipash, ¿alita ruranachu ali, na alita ruranachu ali? ¿Causaita caranachu ali, huañuchinachu ali imata?” nishpami tapurca.
10Chai jipaca, muyundi tucuilla gentecunata ricushpami chai runataca:
“Cambaj maquita chutai” nirca.
Shina nijpi maquita chutajpica, ñapash ali tucurcallami. 11Shina cajpimi paicunaca ninandapacha fiñarishpa.
Jesusta imashna llaquichinata, paicunapura parlarinajurca.
Chunga ishcai apostolcunata Jesús agllashcamanda
(Mat. 10:1-4; Mar. 3:13-19)
12Chai punllacunapica Jesusca, Diosta mañangapa urcuman rishpami Taita Diosta mañashpa pacarijurca. 13Ña punllayajpimi, Paipaj yachajujcunata cayashpa, chunga ishcaicunata agllarca. Shina agllashpami, “cangunaca apostolcunami canguichi” nirca. 14Chaipimi Simonga paipaj huauqui Andreshuan carca. Simondaca Pedro nishpami shutichirca. Shinallata Jacobota, Juanda, Felipeta, Bartolometa, 15Mateota, Tomasta, Alfeopaj churi Jacobota, Zelote nishpa rijsi tucushca Simonda, 16Jacobopaj huauqui Judasta, Jesusta japichij Judas Iscariotetapashmi agllarca.
Ashtaca gentecunamanmi Jesusca alicunata rurashca
(Mat. 4:23-25)
17Jesusca, Paipaj yachajujcunandi urai shamushpami shuj pambaman chayarca. Chaipica, Judea llactamanda, Jerusalenmanda, mama cucha manñapi tiyaj Tiro, Sidón pueblocunamanda ashtaca gentecunami, Jesús villajujta uyangapa, huañujujcunata alichijuchun nishpapash shamushca carca. 18Shinallata, mapa ayacuna llaquichijpi causajcunatapash alichijurcami. 19Chashna ninan ushaihuan alichijujta ricushpami, Jesustaca tucuicuna tacaringapa munanajurca.
Ninanda cushijunamandapash, aij nishpa llaquirinamandapash
(Mat. 5:1-12)
20Chai jipami Jesusca, Paipaj yachajujcunata ricushpa cashna nirca: “Imagupash illajcunaca ninanda cushijuichi, Taita Dios mandajuj llactaca cangunapajmi. 21Cai causaipi yarjachishpa causajcunaca ninanda cushijuichi, cangunamanmi ashtacata caranga. Huacashpa causajcunaca, ninanda cushijuichi, cangunaca jipamanmi asishpa causanguichi. 22Runa Aichayuj tucushca Ñucata catishcamandami cangunataca millanayachishpa, paicunahuan ama tandanajuchun shicanyachinga. Shinallata, na ricunayachishpa rimanajujpi cangunapaj shutitapash na alita rurajcunapaj shutitashna yangapi churanajujpica, ninanda cushijuichi. 23Chashna llaquichijui punllacunapica, ninandapacha cushijunguichilla. Canguna jatun juyailla japinaca, jahua pachapimi. Chashnallatami paicunapaj ñaupa taitacunapash, profetacunataca llaquichinajurca.
24Ashtahuangarin ninan charijcunaca, ¡aij imachari tucunguichi! Cangunaca, ñami caipillata cushijushpa causanajunguichi.
25Cunanbi na ushangacaman micushpa causajcunaca, ¡aij imachari tucunguichi! Cangunaca, jipamanmi yarjachinguichi. Cai causaipi cushijushpa asijcuna, ¡aij imachari tucunguichi! Cangunaca, jipamanmi ninanda llaquirishpa huacanguichi. 26Tucuicuna alicachijpi causajcunaca, ¡aij imachari tucunguichi! Chashnallatami cangunapaj ñaupa taitacunapash, llulla profetacunatara alicachishpa chasquinajurca.
Fiñajcunatapash juyachunmi yachachishca
(Mat. 5:38-48; 7:12)
27Ñuca villajujta uyanajujpimi cangunataca, cashna nini: Cangunata fiñajcunatapash, juyanami canguichi. Cangunata na ricunayachij runacunamambash, imatapash aligutami rurana canguichi. 28‘Imapash tucushpaca alichari canman’ nijcunatapash, alicachinami canguichi. Cangunata yangamanda juchachishpa rimajcunamandapash, Diosta mañanami canguichi. 29Pipash canda shuj ñavipi huajtashpa chugrichijpica, chaishujtapash huajtachun saquinallami canguichi. Cambaj jahualla churajushcata maijambash quichujpica, ucuman churajushcatapash apachun saquinallami canguichi. 30Pipash canda, imagutapash mañaj shamujpica caranguilla. Shinallata, cambajta imatapash apajpica, ama ‘tigrachihuai’ nishpa saquinguilla. 31Imashnami shujcuna, cangunaman imatapash aliguta rurachun munanguichi, chashnallatami cangunapash paicunaman alita rurana canguichi. 32Cangunata juyajcunatalla juyashpa causashpaca, ¿ima alitata ruranguichiyari? Juchayujcunapash paicunapuralla juyarishpami causan. 33Shinallata, cangunaman alita rurajcunamanlla alita rurashpaca, ¿ima alitata ruranguichi? Juchayujcunapash chashnallatami rurashpa causanajun. 34Piman imata mañachishpapash, paicuna imatapash cuchun shuyanajushpaca, ¿ima alitata ruranguichi? Juchayuj gentecunami ‘ashtahuan imatapash chasquisha’ yashpa mañachinajun. 35Ashtahuangarin cangunata fiñajcunataca juyanami canguichi. Paicunaman alita rurashpa imagutapash mañachishpaca, paicunamanda imatapash japinataca na shuyanachu canguichi. Shina rurashcamandami cangunaca jatun juyaillata japinguichi. Shinallata, cangunaca jahua pachapi causaj Diospaj huahuacunami canguichi. Paica, pashi ninata na yachajcunatapash, na alita rurashpa causajcunatapashmi llaquijun. 36Cangunapaj Taita, imashna ninanda llaquishpa juyan, chashnallatami cangunapash shujcunataca, ninanda llaquishpa juyana canguichi.
Pitapash na juchachishpa rimanalla cashcamanda
(Mat. 7:1-5)
37Pitapash na llaquichishpami, cambash na llaquita apangui. ‘Llaquichi tucunapachami cangui’ nishpaca, cambashmi llaquichi tucungui. Ima na alita rurajpipash cungajpimi, cambaj juchacunatapash cunganga. 38Shujcunaman imaguta carana cajpipash caranami canguichi. Chashna juyaihuan carajpica, cangunamambash jicharijta jundachishpami caranga. Imashna shujcunaman ricushpa carashcashnallatami, cangunamambash caranga” nircami.
39Paicunamanga cai yarichina shimicunahuanmi yachachijurca: “¿Shuj ñausa runaca, shuj ñausatallata pushashpa ri ushangachu? ¿Nachu utujupi ishcandi huashajunga? 40Yachajuj runaca, paita yachachijtaca na yalichu. Ashtahuangarin maijambash aligutapacha tucuita yachajushpaca, paita yachachij runashnallatami tucun. 41Cambaj huauquipaj ñavipi uchilla jupa tiyajujtara ricungapa randica, ¿imashpata cambaj ñavipi caspi tiyajujtara, na tigrashpa ricungui? 42Cambaj ñavipi shuj jatun caspi tiyajujtara nara anchuchishpaca, ¿imashnata cambaj huauquipaj ñavipi uchilla jupa tiyajujtara: ‘Huauquigu, shuyai anchuchisha’ ni ushanguiyari? Mishqui shimi, jayaj shungumi cangui. Cambaj ñavipi jatun caspi tiyajujtara anchuchiyari. Chai jipami, cambaj huauquipaj ñavipi uchilla jupa tiyajujtaca, ali ricushpa anchuchi ushangui.
“Ali fucuj yuratapash, na ali fucuj yuratapash rijsinallami” nishcami
(Mat. 7:15-20)
43Na ali yurapica, alica na fucunllu. Ali yurapipash, imapash na alica na fucunllu. 44Ima yura cajtapash, fucushcata ricushpami rijsirin. Higocunataca, casha yuramandaca na pallanllu. Uvacunatapash, casha yuramandaca na pallanllu. 45Ali runaguca, paipaj shungupi imatapash aligutalla yarijushpami alitalla riman. Ashtahuangarin, na ali runaca, paipaj shungupi na alitalla yarijushpami imatapash na ali shimicunatalla riman. Imata rimachumbash, shungu ninanda yarichijpimi shimica riman.
Shinlli alpapi, amujlla alpapi huasichishcamanda
(Mat. 7:24-27)
46¿Imashpata: ‘Apunchi Jesús, Apunchi Jesús’ ninajushpapash, Ñuca nijushcataca na ruranguichi? 47Ñucapajman shamushpa, Ñuca nijushcata uyashpa pactachijcunaca, piman rijchaj cajtami cangunamanga villagrini: 48Paicunaca, ucu ucuta allashpa ucuman jatun rumicunatara churashpa, chai jahuapi huasichij runashnami. Chaitaca, yacu ninanda jatarishpa shamushpa huajtarishpapash na shitai usharcachu. Chai huasitaca rumi jahuapi shayachishca cashcamandami, na cuyuchi usharca. 49Ashtahuangarin, Ñuca yachachishcata uyashpapash na pactachijcunaca, na ucuta allashpa jahualla alpapi huasichij runashnami. Chai huasica, yacu ninanda shamushpa huajtarimujpimi, tunirishpa shitarishpa tucurirca” nircami.
S'ha seleccionat:
LUCAS 6: QVI16
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
LUCAS 6
6
Jesuspaj yachajujcunaca, samana punllapimi trigo umata fitinajushca
(Mat. 12:1-8; Mar. 2:23-28)
1Samana punllapimi cashna tucurca: Jesusca, Paipaj yachajujcunahuanmi trigo pambata yalinajurca. Paicunaca trigo umata fitishpami maquihuan jacushpa granocunata micunajurca. 2Chaita ricushpami huaquin fariseocunaca:
“¿Imashpata cangunaca, samana punllapi na ruranalla cashcata ruranajunguichi?” nishpa tapunajurca.
3Shina nijpimi Jesusca cashna nirca:
“Ñaupa mandaj David, paipaj cumbacunandi ninanda yarjachishpa, imata rurashcatapash, ¿nachu quilcashcapi ricushcanguichi? 4Davidca, Diosta yarina huasiman yaicushpami, Diosman carashca tandacunata japirca. Chaicunataca pipash na micunallachu carca, sacerdotecunallami micuna carca. Chaicunataca, paipash micushpami cumbacunamambash cararca” nircami.
5Shinallata cashnatapashmi nirca:
“Runa Aichayuj tucushca Ñucami, samana punllapipash mandaita ushani” nircami.
Maqui chaquishca runatami, Jesusca alichishca
(Mat. 12:9-14; Mar. 3:1-6)
6Samana punlla cutin chayajpimi, sinagogapi yaicushpa Jesusca yachachijurca. Chai ucupica, ali maqui chaquishca runapashmi tiyajurca. 7Chaipica, mandashca Shimita yachachijcunapash, fariseocunapashmi tiyanajurca. Paicunaca, samana punllapi cai runata alichijpica, imashnallapash juchachingapami Jesustaca ricurianajurca. 8Ashtahuangarin, paicuna imata yarinajujta Jesusca yachashpami, chai maqui chaquishca runataca:
“Jatarishpa, cai chaupiman shamui” nirca.
Shina nijpimi, chai runaca jatarishpa shayarirca. 9Chai jipami Jesusca, Paita ricurianajuj runacunataca cashna nirca:
“Cangunataca caitami tapuni: Mandashcapi nijunshnaca samana punlla cajpipash, ¿alita ruranachu ali, na alita ruranachu ali? ¿Causaita caranachu ali, huañuchinachu ali imata?” nishpami tapurca.
10Chai jipaca, muyundi tucuilla gentecunata ricushpami chai runataca:
“Cambaj maquita chutai” nirca.
Shina nijpi maquita chutajpica, ñapash ali tucurcallami. 11Shina cajpimi paicunaca ninandapacha fiñarishpa.
Jesusta imashna llaquichinata, paicunapura parlarinajurca.
Chunga ishcai apostolcunata Jesús agllashcamanda
(Mat. 10:1-4; Mar. 3:13-19)
12Chai punllacunapica Jesusca, Diosta mañangapa urcuman rishpami Taita Diosta mañashpa pacarijurca. 13Ña punllayajpimi, Paipaj yachajujcunata cayashpa, chunga ishcaicunata agllarca. Shina agllashpami, “cangunaca apostolcunami canguichi” nirca. 14Chaipimi Simonga paipaj huauqui Andreshuan carca. Simondaca Pedro nishpami shutichirca. Shinallata Jacobota, Juanda, Felipeta, Bartolometa, 15Mateota, Tomasta, Alfeopaj churi Jacobota, Zelote nishpa rijsi tucushca Simonda, 16Jacobopaj huauqui Judasta, Jesusta japichij Judas Iscariotetapashmi agllarca.
Ashtaca gentecunamanmi Jesusca alicunata rurashca
(Mat. 4:23-25)
17Jesusca, Paipaj yachajujcunandi urai shamushpami shuj pambaman chayarca. Chaipica, Judea llactamanda, Jerusalenmanda, mama cucha manñapi tiyaj Tiro, Sidón pueblocunamanda ashtaca gentecunami, Jesús villajujta uyangapa, huañujujcunata alichijuchun nishpapash shamushca carca. 18Shinallata, mapa ayacuna llaquichijpi causajcunatapash alichijurcami. 19Chashna ninan ushaihuan alichijujta ricushpami, Jesustaca tucuicuna tacaringapa munanajurca.
Ninanda cushijunamandapash, aij nishpa llaquirinamandapash
(Mat. 5:1-12)
20Chai jipami Jesusca, Paipaj yachajujcunata ricushpa cashna nirca: “Imagupash illajcunaca ninanda cushijuichi, Taita Dios mandajuj llactaca cangunapajmi. 21Cai causaipi yarjachishpa causajcunaca ninanda cushijuichi, cangunamanmi ashtacata caranga. Huacashpa causajcunaca, ninanda cushijuichi, cangunaca jipamanmi asishpa causanguichi. 22Runa Aichayuj tucushca Ñucata catishcamandami cangunataca millanayachishpa, paicunahuan ama tandanajuchun shicanyachinga. Shinallata, na ricunayachishpa rimanajujpi cangunapaj shutitapash na alita rurajcunapaj shutitashna yangapi churanajujpica, ninanda cushijuichi. 23Chashna llaquichijui punllacunapica, ninandapacha cushijunguichilla. Canguna jatun juyailla japinaca, jahua pachapimi. Chashnallatami paicunapaj ñaupa taitacunapash, profetacunataca llaquichinajurca.
24Ashtahuangarin ninan charijcunaca, ¡aij imachari tucunguichi! Cangunaca, ñami caipillata cushijushpa causanajunguichi.
25Cunanbi na ushangacaman micushpa causajcunaca, ¡aij imachari tucunguichi! Cangunaca, jipamanmi yarjachinguichi. Cai causaipi cushijushpa asijcuna, ¡aij imachari tucunguichi! Cangunaca, jipamanmi ninanda llaquirishpa huacanguichi. 26Tucuicuna alicachijpi causajcunaca, ¡aij imachari tucunguichi! Chashnallatami cangunapaj ñaupa taitacunapash, llulla profetacunatara alicachishpa chasquinajurca.
Fiñajcunatapash juyachunmi yachachishca
(Mat. 5:38-48; 7:12)
27Ñuca villajujta uyanajujpimi cangunataca, cashna nini: Cangunata fiñajcunatapash, juyanami canguichi. Cangunata na ricunayachij runacunamambash, imatapash aligutami rurana canguichi. 28‘Imapash tucushpaca alichari canman’ nijcunatapash, alicachinami canguichi. Cangunata yangamanda juchachishpa rimajcunamandapash, Diosta mañanami canguichi. 29Pipash canda shuj ñavipi huajtashpa chugrichijpica, chaishujtapash huajtachun saquinallami canguichi. Cambaj jahualla churajushcata maijambash quichujpica, ucuman churajushcatapash apachun saquinallami canguichi. 30Pipash canda, imagutapash mañaj shamujpica caranguilla. Shinallata, cambajta imatapash apajpica, ama ‘tigrachihuai’ nishpa saquinguilla. 31Imashnami shujcuna, cangunaman imatapash aliguta rurachun munanguichi, chashnallatami cangunapash paicunaman alita rurana canguichi. 32Cangunata juyajcunatalla juyashpa causashpaca, ¿ima alitata ruranguichiyari? Juchayujcunapash paicunapuralla juyarishpami causan. 33Shinallata, cangunaman alita rurajcunamanlla alita rurashpaca, ¿ima alitata ruranguichi? Juchayujcunapash chashnallatami rurashpa causanajun. 34Piman imata mañachishpapash, paicuna imatapash cuchun shuyanajushpaca, ¿ima alitata ruranguichi? Juchayuj gentecunami ‘ashtahuan imatapash chasquisha’ yashpa mañachinajun. 35Ashtahuangarin cangunata fiñajcunataca juyanami canguichi. Paicunaman alita rurashpa imagutapash mañachishpaca, paicunamanda imatapash japinataca na shuyanachu canguichi. Shina rurashcamandami cangunaca jatun juyaillata japinguichi. Shinallata, cangunaca jahua pachapi causaj Diospaj huahuacunami canguichi. Paica, pashi ninata na yachajcunatapash, na alita rurashpa causajcunatapashmi llaquijun. 36Cangunapaj Taita, imashna ninanda llaquishpa juyan, chashnallatami cangunapash shujcunataca, ninanda llaquishpa juyana canguichi.
Pitapash na juchachishpa rimanalla cashcamanda
(Mat. 7:1-5)
37Pitapash na llaquichishpami, cambash na llaquita apangui. ‘Llaquichi tucunapachami cangui’ nishpaca, cambashmi llaquichi tucungui. Ima na alita rurajpipash cungajpimi, cambaj juchacunatapash cunganga. 38Shujcunaman imaguta carana cajpipash caranami canguichi. Chashna juyaihuan carajpica, cangunamambash jicharijta jundachishpami caranga. Imashna shujcunaman ricushpa carashcashnallatami, cangunamambash caranga” nircami.
39Paicunamanga cai yarichina shimicunahuanmi yachachijurca: “¿Shuj ñausa runaca, shuj ñausatallata pushashpa ri ushangachu? ¿Nachu utujupi ishcandi huashajunga? 40Yachajuj runaca, paita yachachijtaca na yalichu. Ashtahuangarin maijambash aligutapacha tucuita yachajushpaca, paita yachachij runashnallatami tucun. 41Cambaj huauquipaj ñavipi uchilla jupa tiyajujtara ricungapa randica, ¿imashpata cambaj ñavipi caspi tiyajujtara, na tigrashpa ricungui? 42Cambaj ñavipi shuj jatun caspi tiyajujtara nara anchuchishpaca, ¿imashnata cambaj huauquipaj ñavipi uchilla jupa tiyajujtara: ‘Huauquigu, shuyai anchuchisha’ ni ushanguiyari? Mishqui shimi, jayaj shungumi cangui. Cambaj ñavipi jatun caspi tiyajujtara anchuchiyari. Chai jipami, cambaj huauquipaj ñavipi uchilla jupa tiyajujtaca, ali ricushpa anchuchi ushangui.
“Ali fucuj yuratapash, na ali fucuj yuratapash rijsinallami” nishcami
(Mat. 7:15-20)
43Na ali yurapica, alica na fucunllu. Ali yurapipash, imapash na alica na fucunllu. 44Ima yura cajtapash, fucushcata ricushpami rijsirin. Higocunataca, casha yuramandaca na pallanllu. Uvacunatapash, casha yuramandaca na pallanllu. 45Ali runaguca, paipaj shungupi imatapash aligutalla yarijushpami alitalla riman. Ashtahuangarin, na ali runaca, paipaj shungupi na alitalla yarijushpami imatapash na ali shimicunatalla riman. Imata rimachumbash, shungu ninanda yarichijpimi shimica riman.
Shinlli alpapi, amujlla alpapi huasichishcamanda
(Mat. 7:24-27)
46¿Imashpata: ‘Apunchi Jesús, Apunchi Jesús’ ninajushpapash, Ñuca nijushcataca na ruranguichi? 47Ñucapajman shamushpa, Ñuca nijushcata uyashpa pactachijcunaca, piman rijchaj cajtami cangunamanga villagrini: 48Paicunaca, ucu ucuta allashpa ucuman jatun rumicunatara churashpa, chai jahuapi huasichij runashnami. Chaitaca, yacu ninanda jatarishpa shamushpa huajtarishpapash na shitai usharcachu. Chai huasitaca rumi jahuapi shayachishca cashcamandami, na cuyuchi usharca. 49Ashtahuangarin, Ñuca yachachishcata uyashpapash na pactachijcunaca, na ucuta allashpa jahualla alpapi huasichij runashnami. Chai huasica, yacu ninanda shamushpa huajtarimujpimi, tunirishpa shitarishpa tucurirca” nircami.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.