यूहन्ना 17
17
यीशु केर अपन खुद लगिन प्रार्थना
1यीशु अपन चेलामन से इ गोइठमन के कहेक केर पाछे स्वरग बटे देइख के कहलक, “हे आबा परमेश्वर, उ बेरा आय जाहे कि तोंय मोर महिमा कर, जे तोर अपन बेटा हेकों, जेकर से मोंय तोर बेटा हों तोर महिमा करमूँ। 2काले कि तोंय मोके जे तोर बेटा हेकों, सोउब आदमीमन केर उपरे अधिकार देले, जेकर से मोंय सोउब आदमीमन के जेमन के तोंय मोके जिम्मा देई हिस, जुग-जुग केर जिंदगी देमूँ। 3आउर जुग-जुग केर जिंदगी इ हेके कि उमन तोके जे एके गो सच्चा परमेश्वर हेकिस आउर मोंय यीशु मसीह के, जेके तोंय भेइज हिस, जानोक। 4जे काम तोंय मोके करेक ले देई रहिस, उके मोंय पूरा काइर के दुनिया में तोर महिमा काइर हों। 5आउर अब, हे आबा परमेश्वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।
यीशु केर अपन चेलामन लगिन प्रार्थना
6तोंय जे आदमीमन के दुनिया केर आदमीमन में से चुइन के मोके देले। उमन के मोंय बतालों कि तोंय के हेकिस, उमन तोर रहैं आउर तोंय उमन के मोके देले आउर उमन तोर बचन के माइन लेई हैं। 7अब उमन जाइन जाय हैं कि जे #17:7 कुछ=बचन, चमत्कार केर काम करेक केर अधिकार कुछ तोंय मोके देई हिस, सोउब तोर बटे से अहे। 8काले कि जे बचन तोंय मोके देई हिस, ओहे बचन मोंय उमन के बतालों आउर उमन बचन केर उपरे बिसवास करलैं। आउर सचमुच जाइन गेलैं कि मोंय तोर बटे से आय हों आउर एहो बिसवास काइर लेई हैं कि तोंय हें मोके भेइज हिस। 9मोंय उमन लगिन प्रार्थना नी कराथों, जेमन दुनिया से नाता रखैना मगर उमन लगिन प्रार्थना कराथों, जेमन के तोंय मोके देई हिस, काले कि उमन तोर हेकैं। 10आउर जेमन मोर हेकैं, उमन सोउब तोर हेकैं, आउर जेमन तोर हेकैं, उमन सोउब मोर हेकैं। आउर उमन से मोर महिमा दिस्तार होई हे। 11मोंय अब दुनिया में नी रहमूँ, मोंय तोर ठिना आवाथों मगर मोर चेलामन दुनिया में रहबैं। हे पवितर आबा परमेश्वर, तोंय उ नाँव केर शक्ति से जेके तोंय मोके देई हिस, उमन केर रक्षा कर। जेकर से उमन हों हमर लेखे एक होबैं। 12जब मोंय उमन केर संगे रहों, तो मोंय तोर उ नाँव केर शक्ति से जेके तोंय मोके देई हिस, उमन केर रक्षा करलों, मोंय उमन केर देख-रेख करलों। जेकर नाश होवेक पक्का रहे, उके छोइड़ के उमन में से केऊ नाश नी होलैं। जेकर से पवितर किताब में लिखल गोइठ पूरा होवोक।
13मगर अब मोंय तोर ठिना आवाथों, आउर इ गोइठमन के दुनिया में रहते कहाथों। जेकर से उ मनक मन मोर खुशी से भाइर जाओक। 14मोंय तोर बचन के उमन के बताय देई हों, आउर दुनिया केर आदमीमन उमन से घिरना करलैं। काले कि जइसन मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे। 15मोंय तोर से इ प्रार्थना नी कराथों कि तोंय उमन के दुनिया से उठाय ले, मगर मोंय इ लगिन प्रार्थना कराथों कि तोंय उमन के उ दुष्ट शैतान से बचाय के रखबे। 16जइसन कि मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे। 17तोर बचन सच्चा हेके। से लगिन तोंय सच्चाई केर बचन से उमन के पवितर बनाव। 18जे लेखे तोंय मोके दुनिया केर आदमीमन केर माझे भेइज हिस, ओहे लेखे मोंय हों उमन के दुनिया केर आदमीमन केर माझे भेइज हों। 19आउर उमन केर फायदा लगिन मोंय खुद के पवितर कराथों, जेकर से उमन हों सच्चाई केर बचन से पवितर करल जाओक।
यीशु केर अपन सोउब बिसवासी आदमीमन लगिन प्रार्थना
20मोंय सिरिफ अपन चेलामन लगिन प्रार्थना नी कराथों, मगर उमन लगिन हों जेमन इमन केर देवल बचन के सुइन के मोर उपरे बिसवास करबैं, 21कि उमन सोउब एक होई जाओक। हे आबा परमेश्वर, जइसन तोंय मोर में अहिस, आउर मोंय तोर में अहों, तइसनेहें उमन हों हमर में होई जाओक। जेकर से इ दुनिया केर आदमीमन इ बिसवास करोक कि तोंय हें मोके भेइज हिस। 22तोंय जे महिमा मोके देले, ओहे महिमा के मोंय उमन के देई हों, ताकि उमन हों हमर नियर एक होबैं। 23तोंय मोर में आउर मोंय उमन में, जेकर से उमन पूरा-पुरी एक होई जाओक, आउर दुनिया केर आदमीमन जाइन लेवोक कि तोंय हें मोके भेइज हिस, आउर जे लेखे तोंय मोर से प्रेम करले, ओहे लेखे तोंय उमन से हों प्रेम करले। 24हे आबा परमेश्वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस। 25हे धरमी आबा परमेश्वर, दुनिया केर आदमीमन तोके नी जानलैं, मगर मोंय तोके जानलों, आउर मोर चेलामन हों जानलैं कि तोंय हें मोके भेइज हिस। 26आउर मोंय उमन के बतालों कि तोंय के हेकिस आउर बताते रहमूँ, जेकर से जे प्रेम मोके देई हिस ओहे प्रेम उमन में बनल रहोक आउर मोंय हों उमन में बनल रहमूँ।”
S'ha seleccionat:
यूहन्ना 17: SCK
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sadri Bible by The Love Fellowship is licensed under Creative Commons Attribution-ShareAlike 4.0 License.
यूहन्ना 17
17
यीशु केर अपन खुद लगिन प्रार्थना
1यीशु अपन चेलामन से इ गोइठमन के कहेक केर पाछे स्वरग बटे देइख के कहलक, “हे आबा परमेश्वर, उ बेरा आय जाहे कि तोंय मोर महिमा कर, जे तोर अपन बेटा हेकों, जेकर से मोंय तोर बेटा हों तोर महिमा करमूँ। 2काले कि तोंय मोके जे तोर बेटा हेकों, सोउब आदमीमन केर उपरे अधिकार देले, जेकर से मोंय सोउब आदमीमन के जेमन के तोंय मोके जिम्मा देई हिस, जुग-जुग केर जिंदगी देमूँ। 3आउर जुग-जुग केर जिंदगी इ हेके कि उमन तोके जे एके गो सच्चा परमेश्वर हेकिस आउर मोंय यीशु मसीह के, जेके तोंय भेइज हिस, जानोक। 4जे काम तोंय मोके करेक ले देई रहिस, उके मोंय पूरा काइर के दुनिया में तोर महिमा काइर हों। 5आउर अब, हे आबा परमेश्वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।
यीशु केर अपन चेलामन लगिन प्रार्थना
6तोंय जे आदमीमन के दुनिया केर आदमीमन में से चुइन के मोके देले। उमन के मोंय बतालों कि तोंय के हेकिस, उमन तोर रहैं आउर तोंय उमन के मोके देले आउर उमन तोर बचन के माइन लेई हैं। 7अब उमन जाइन जाय हैं कि जे #17:7 कुछ=बचन, चमत्कार केर काम करेक केर अधिकार कुछ तोंय मोके देई हिस, सोउब तोर बटे से अहे। 8काले कि जे बचन तोंय मोके देई हिस, ओहे बचन मोंय उमन के बतालों आउर उमन बचन केर उपरे बिसवास करलैं। आउर सचमुच जाइन गेलैं कि मोंय तोर बटे से आय हों आउर एहो बिसवास काइर लेई हैं कि तोंय हें मोके भेइज हिस। 9मोंय उमन लगिन प्रार्थना नी कराथों, जेमन दुनिया से नाता रखैना मगर उमन लगिन प्रार्थना कराथों, जेमन के तोंय मोके देई हिस, काले कि उमन तोर हेकैं। 10आउर जेमन मोर हेकैं, उमन सोउब तोर हेकैं, आउर जेमन तोर हेकैं, उमन सोउब मोर हेकैं। आउर उमन से मोर महिमा दिस्तार होई हे। 11मोंय अब दुनिया में नी रहमूँ, मोंय तोर ठिना आवाथों मगर मोर चेलामन दुनिया में रहबैं। हे पवितर आबा परमेश्वर, तोंय उ नाँव केर शक्ति से जेके तोंय मोके देई हिस, उमन केर रक्षा कर। जेकर से उमन हों हमर लेखे एक होबैं। 12जब मोंय उमन केर संगे रहों, तो मोंय तोर उ नाँव केर शक्ति से जेके तोंय मोके देई हिस, उमन केर रक्षा करलों, मोंय उमन केर देख-रेख करलों। जेकर नाश होवेक पक्का रहे, उके छोइड़ के उमन में से केऊ नाश नी होलैं। जेकर से पवितर किताब में लिखल गोइठ पूरा होवोक।
13मगर अब मोंय तोर ठिना आवाथों, आउर इ गोइठमन के दुनिया में रहते कहाथों। जेकर से उ मनक मन मोर खुशी से भाइर जाओक। 14मोंय तोर बचन के उमन के बताय देई हों, आउर दुनिया केर आदमीमन उमन से घिरना करलैं। काले कि जइसन मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे। 15मोंय तोर से इ प्रार्थना नी कराथों कि तोंय उमन के दुनिया से उठाय ले, मगर मोंय इ लगिन प्रार्थना कराथों कि तोंय उमन के उ दुष्ट शैतान से बचाय के रखबे। 16जइसन कि मोर दुनिया से कोनों नाता नखे, तइसनेहें उमन केर हों दुनिया से कोनों नाता नखे। 17तोर बचन सच्चा हेके। से लगिन तोंय सच्चाई केर बचन से उमन के पवितर बनाव। 18जे लेखे तोंय मोके दुनिया केर आदमीमन केर माझे भेइज हिस, ओहे लेखे मोंय हों उमन के दुनिया केर आदमीमन केर माझे भेइज हों। 19आउर उमन केर फायदा लगिन मोंय खुद के पवितर कराथों, जेकर से उमन हों सच्चाई केर बचन से पवितर करल जाओक।
यीशु केर अपन सोउब बिसवासी आदमीमन लगिन प्रार्थना
20मोंय सिरिफ अपन चेलामन लगिन प्रार्थना नी कराथों, मगर उमन लगिन हों जेमन इमन केर देवल बचन के सुइन के मोर उपरे बिसवास करबैं, 21कि उमन सोउब एक होई जाओक। हे आबा परमेश्वर, जइसन तोंय मोर में अहिस, आउर मोंय तोर में अहों, तइसनेहें उमन हों हमर में होई जाओक। जेकर से इ दुनिया केर आदमीमन इ बिसवास करोक कि तोंय हें मोके भेइज हिस। 22तोंय जे महिमा मोके देले, ओहे महिमा के मोंय उमन के देई हों, ताकि उमन हों हमर नियर एक होबैं। 23तोंय मोर में आउर मोंय उमन में, जेकर से उमन पूरा-पुरी एक होई जाओक, आउर दुनिया केर आदमीमन जाइन लेवोक कि तोंय हें मोके भेइज हिस, आउर जे लेखे तोंय मोर से प्रेम करले, ओहे लेखे तोंय उमन से हों प्रेम करले। 24हे आबा परमेश्वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस। 25हे धरमी आबा परमेश्वर, दुनिया केर आदमीमन तोके नी जानलैं, मगर मोंय तोके जानलों, आउर मोर चेलामन हों जानलैं कि तोंय हें मोके भेइज हिस। 26आउर मोंय उमन के बतालों कि तोंय के हेकिस आउर बताते रहमूँ, जेकर से जे प्रेम मोके देई हिस ओहे प्रेम उमन में बनल रहोक आउर मोंय हों उमन में बनल रहमूँ।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Sadri Bible by The Love Fellowship is licensed under Creative Commons Attribution-ShareAlike 4.0 License.