Lucas 17
17
Mbai porãmbape jaa potarã
1Jesús heishu mboireare: Ĩmeñoĩpo'ẽ mbai porãmba japokashua kuaretare; tẽvã, tengapokui mbai porãmba japoka'ishua yngavare! 2Haikavivepo jajure ñapĩtihã ita mungu'iapyarã mombohaseve yyvasupe, mahẽ penteva jyrojatẽ'i shyrevare ityjykui mbai porãmbape. 3Pingareko pindijehe. Ndyryvy mbai porãmba japo ndyreherã, ijetashu; hãrã mbai porãmba hejamarã ryhejareijyveshu; 4timeĩpo pente arapeĩ 7 kavi mbai porãmba japo ndyrehe, hareka 7 kavi ou hei nde: “Ajapoveamapo”, hejareiishu.
Meẽve ore jyrojakue
5Apostolre heishu Ñandeja: Meẽve ore jyrojakue. 6Ñandeja heishu reta: Ajemaĩpo mostaza hãỹ rãĩmi mishĩĩ pirojakue, katupo pereshu ko yvyra: “Syry koivi, yyvasupe ekua iñotyjy”; hãma yvyra katupo japo pereshuva.
Jokueharea japo verã
7Pynymbytepe mbava ĩmere jokuehareirea mby'arao'ia maĩrã hymba ñyngareko'iheshua, oujy ñũũvirã, heirashukuei: “Ei, vapy karu”. 8Mba'ety, koñeĩ heiposhu: “Myhẽvãshe hau verã, hareka ẽĩkavi ñyngareko shyrehekui opa akarupeve, haivi opama rijaporã katu nde rykaru hareka rimbyuvekui”. 9Hãma jokuehareirea opama japoshurã heiraposhu, ajetema? Mba'ety. 10Kyrãpo jyve pee, opa pijapo Tũpa japokapevarã, perepo: “Jokuehareirea mba'erãmba'ia rãnga ore; shara japoa verãĩ japoha”.
Jesús mynguerashu 10 opa kuru vekua
11Hãma Jesús oho Jerusalén kytyrã hasa Samaria hareka Galileaipi; 12hãrã ichema oho pente tentamĩperã ou hỹvãitishu 10 kuimbai kuru põrãmbare, tẽvã mbyrykatuĩ ou ñymboushi reta; 13haivi sapuke jyrerã hei: Jesús, Pyrỹmboi'ia, yryparekomitẽvei! 14Jesús heshamãrã heishu reta: Pekua pijeshakashu paire. Haivi jyraha retarã opa kuera. 15Hãrã pente hai retava hesha kueramãrã, oujy sapuke ryheve õmombaishu Tũpa. 16Haipe ĩñeesu hova yvyre mbojapeve Jesús hỹnonde, meẽshu verã jy'ajetekue. Ko kuimbai hai Samariava. 17Haipe Jesús hei: “Ha'ẽãraje 10 iare opa kueravare? 9 ia retara mape ĩme'ẽ? 18Koñyra tenta yngaivi ouvaĩ oujy õmombaishu Tũpa?” 19Haivi Jesús heishu kuimbai: “Pũ'ã, ekuajy; shara rirojarã rykuera”.
Tũpa huvisha vasu ara vateivi ouva ryheva
20Fariseore pyrãndushu Jesús: Mbaiperapo vãhẽkui Tũpa ẽvãpe'õ ryheva? Hãrã heishu reta: Tũpa ẽvãpe'õ ryheva ha'ẽã maĩnunga jahesha verã. 21He'iãpope: “Pymaĩhe kope'ẽ” maĩrã “Pymaĩhe kuty'ẽ”; pikuaapo Tũpa ẽvãpe'õ ryheva ĩmema'ẽ pynymbytepe. 22Haivi Jesús heishu mboireare: Vãhẽpokui ara pota pyheshajy verã pente arape Kuareta Tay, tẽvã pyheshãpo. 23Ĩmepo'ẽ heipeva: “Kõõ ẽẽ, maĩrã hoka'ẽ” tẽvã, avy pekua hipii reta. 24Shara kueĩpi vera ouva saperã opa mykõĩ arare, kyrã katĩĩpo jyve Kuareta Tay vãhẽma ara oujy verãperã. 25Tẽvã, tynondepo heta hasa'asy, hareka ã'ẽva kuaretare mymorããpo. 26Noe arape jehushuva rãĩmi katĩĩpo, jehujykui Kuareta Tay oujymarã. 27Kuaretare karu, ñymbyu reta hareka omendajyre, ara vãhẽpeve Noe iche verã varko vasupe; hãma ãma vãsu yvy opa tynyhẽvã oumarã, opaiteva hykove'iare mano. 28Kyrãmi jehujy Lot arape; karu jyre, ñymbyu reta, mba'ova jyre, mavẽnde, ñimĩty hareka hoorã japo jyre; 29tẽvã Lot õhẽma Sodomaivirã, vate araivi ou ãma tata rãĩmi hareka “azufre” he'iashuva ryheverã, opaite haipe'iare juka. 30Kyrã katĩĩpo jehujykui Kuareta Tay ijeshakamarã. 31Hoka arape, ĩme'ẽ oo'iarẽ iarã, ĩmere ña'ãpovare oo iperã, avy tyvejy raha verã. Kyrã jyve ñũũhupi mba'apo'ia, avy toujy hentape. 32Pynymanduahe Lot hyrekokue. 33Ĩme'ẽ hykove pota mondojepevarã mondojepeãpo; tẽvã ma'ẽĩhe kañyshia, hipitypo tykove opambava. 34She hai pee hoka pyhare aijymarã ĩmepo'ẽ mõkue oche'õre turupape: Pentevapo rahahashi, ĩrũpo hejahakui. 35Mõkue taupe penteapeĩ mangui'õre; pentepo rahaha, ĩrũpo hejahakui. 36Ĩmepo mõkue mba'apo'õ ñũũpe; pentepo rahahashi, ĩrũpo hejahakui. 37Mboireare hendu kovarã pyrãndushu reta: Yreja, maperapo ikokui hokava? Jesús heishu reta: Mãipi tyretekue ẽvãpe, haipepo jaty vyrachevasure hou verã.
S'ha seleccionat:
Lucas 17: TPJ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2023 LETRA Paraguay
Lucas 17
17
Mbai porãmbape jaa potarã
1Jesús heishu mboireare: Ĩmeñoĩpo'ẽ mbai porãmba japokashua kuaretare; tẽvã, tengapokui mbai porãmba japoka'ishua yngavare! 2Haikavivepo jajure ñapĩtihã ita mungu'iapyarã mombohaseve yyvasupe, mahẽ penteva jyrojatẽ'i shyrevare ityjykui mbai porãmbape. 3Pingareko pindijehe. Ndyryvy mbai porãmba japo ndyreherã, ijetashu; hãrã mbai porãmba hejamarã ryhejareijyveshu; 4timeĩpo pente arapeĩ 7 kavi mbai porãmba japo ndyrehe, hareka 7 kavi ou hei nde: “Ajapoveamapo”, hejareiishu.
Meẽve ore jyrojakue
5Apostolre heishu Ñandeja: Meẽve ore jyrojakue. 6Ñandeja heishu reta: Ajemaĩpo mostaza hãỹ rãĩmi mishĩĩ pirojakue, katupo pereshu ko yvyra: “Syry koivi, yyvasupe ekua iñotyjy”; hãma yvyra katupo japo pereshuva.
Jokueharea japo verã
7Pynymbytepe mbava ĩmere jokuehareirea mby'arao'ia maĩrã hymba ñyngareko'iheshua, oujy ñũũvirã, heirashukuei: “Ei, vapy karu”. 8Mba'ety, koñeĩ heiposhu: “Myhẽvãshe hau verã, hareka ẽĩkavi ñyngareko shyrehekui opa akarupeve, haivi opama rijaporã katu nde rykaru hareka rimbyuvekui”. 9Hãma jokuehareirea opama japoshurã heiraposhu, ajetema? Mba'ety. 10Kyrãpo jyve pee, opa pijapo Tũpa japokapevarã, perepo: “Jokuehareirea mba'erãmba'ia rãnga ore; shara japoa verãĩ japoha”.
Jesús mynguerashu 10 opa kuru vekua
11Hãma Jesús oho Jerusalén kytyrã hasa Samaria hareka Galileaipi; 12hãrã ichema oho pente tentamĩperã ou hỹvãitishu 10 kuimbai kuru põrãmbare, tẽvã mbyrykatuĩ ou ñymboushi reta; 13haivi sapuke jyrerã hei: Jesús, Pyrỹmboi'ia, yryparekomitẽvei! 14Jesús heshamãrã heishu reta: Pekua pijeshakashu paire. Haivi jyraha retarã opa kuera. 15Hãrã pente hai retava hesha kueramãrã, oujy sapuke ryheve õmombaishu Tũpa. 16Haipe ĩñeesu hova yvyre mbojapeve Jesús hỹnonde, meẽshu verã jy'ajetekue. Ko kuimbai hai Samariava. 17Haipe Jesús hei: “Ha'ẽãraje 10 iare opa kueravare? 9 ia retara mape ĩme'ẽ? 18Koñyra tenta yngaivi ouvaĩ oujy õmombaishu Tũpa?” 19Haivi Jesús heishu kuimbai: “Pũ'ã, ekuajy; shara rirojarã rykuera”.
Tũpa huvisha vasu ara vateivi ouva ryheva
20Fariseore pyrãndushu Jesús: Mbaiperapo vãhẽkui Tũpa ẽvãpe'õ ryheva? Hãrã heishu reta: Tũpa ẽvãpe'õ ryheva ha'ẽã maĩnunga jahesha verã. 21He'iãpope: “Pymaĩhe kope'ẽ” maĩrã “Pymaĩhe kuty'ẽ”; pikuaapo Tũpa ẽvãpe'õ ryheva ĩmema'ẽ pynymbytepe. 22Haivi Jesús heishu mboireare: Vãhẽpokui ara pota pyheshajy verã pente arape Kuareta Tay, tẽvã pyheshãpo. 23Ĩmepo'ẽ heipeva: “Kõõ ẽẽ, maĩrã hoka'ẽ” tẽvã, avy pekua hipii reta. 24Shara kueĩpi vera ouva saperã opa mykõĩ arare, kyrã katĩĩpo jyve Kuareta Tay vãhẽma ara oujy verãperã. 25Tẽvã, tynondepo heta hasa'asy, hareka ã'ẽva kuaretare mymorããpo. 26Noe arape jehushuva rãĩmi katĩĩpo, jehujykui Kuareta Tay oujymarã. 27Kuaretare karu, ñymbyu reta hareka omendajyre, ara vãhẽpeve Noe iche verã varko vasupe; hãma ãma vãsu yvy opa tynyhẽvã oumarã, opaiteva hykove'iare mano. 28Kyrãmi jehujy Lot arape; karu jyre, ñymbyu reta, mba'ova jyre, mavẽnde, ñimĩty hareka hoorã japo jyre; 29tẽvã Lot õhẽma Sodomaivirã, vate araivi ou ãma tata rãĩmi hareka “azufre” he'iashuva ryheverã, opaite haipe'iare juka. 30Kyrã katĩĩpo jehujykui Kuareta Tay ijeshakamarã. 31Hoka arape, ĩme'ẽ oo'iarẽ iarã, ĩmere ña'ãpovare oo iperã, avy tyvejy raha verã. Kyrã jyve ñũũhupi mba'apo'ia, avy toujy hentape. 32Pynymanduahe Lot hyrekokue. 33Ĩme'ẽ hykove pota mondojepevarã mondojepeãpo; tẽvã ma'ẽĩhe kañyshia, hipitypo tykove opambava. 34She hai pee hoka pyhare aijymarã ĩmepo'ẽ mõkue oche'õre turupape: Pentevapo rahahashi, ĩrũpo hejahakui. 35Mõkue taupe penteapeĩ mangui'õre; pentepo rahaha, ĩrũpo hejahakui. 36Ĩmepo mõkue mba'apo'õ ñũũpe; pentepo rahahashi, ĩrũpo hejahakui. 37Mboireare hendu kovarã pyrãndushu reta: Yreja, maperapo ikokui hokava? Jesús heishu reta: Mãipi tyretekue ẽvãpe, haipepo jaty vyrachevasure hou verã.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
©2023 LETRA Paraguay