TĨĨGI WERE 8
8
Tawgeti bii maŋge no
1Baa kal ferge ɗiggi ti Nowe, ti nàyren wo ɓuy, ti horog wo no, maga hay wo ti jeŋ ɓe ɓi daagen ni mono. Baa kal fug leege le ti tamsir la, biin kal haɗamge go. 2Kããge bii ma gesiŋ kuɗumn wo de jag ngel ma ciŋn tẽg wo go. Baa kal men raage lay. 3Biin tĩĩ wer õgge go gesiŋ la meʼ meʼ e. Biin taw õgge go gesiŋ la ɓuy, diŋ ɓil naw kis ti ɓe doo dwee. 4Nen few ma de renam, wur naw ma de hwal ti renam ɓen, daagen kal kaŋge ciŋ ti húulì ma Ararad wo. 5Biin see wo de õggen hãã wo go ɓil few ma de hwal no. Nen few ma de hwal no, wur naw ma taŋgun, tipẽẽge ti húulì kal wo ndar nen kaɗ kaɗe.
6Naw wo maŋge doo naa mono, Nowe kal bul jag feneder maga se hay caan see daagen ni go. 7Á kal ɓoʼ gããge wo go siigi. Gããgen wo le halge, kal ferge le, wo le halge, kal ferge le. Hãã biin taw õgge go ti sir la ɓuy. 8Á kal ɓoʼ kurgudu wo ni ma koge ga biin nà taw we go ti sir la so yawla. 9Ama kurgudun daʼ ngel laa ɓaale ɓe gà á kal ferge le ɓi daage no, werga bii hay go de wum ti tamsir ɓuy ɗa. À kal coŋ doo ɓe baa ne, kal ɓoʼge ɓe wo ɓiŋ ɓe ɓi daagen ni. 10Á kal gor naw ma tigriŋ renam pa, kal ɓoʼ kurgudun wo go siigi ti daage no. 11Kurgudun kal ferge le daʼge ɓe go de law, de brag sug koo olife jage. Nowe kal koge ga bii joŋ yaŋ go de õgge ti tamsir patala so. 12Á kal ɗaw see ɓe fer gor naw ma tigriŋ renam pa, blam ɓe kal ɓoʼ kurgudun tigriŋ. Ama de sen mokay la kurgudun fer le ɓiŋ ɓe gà so. 13Nen kiŋgi ma kiskis hiiraʼ ti boŋ no, wur naw ma taŋgun nen few ma taŋgun mono, biin hay õg go ti tamsiri. Nowe kal hog ti daagen go, wo ko nen no kay ko nà ciŋ ti sir hay go de heege. 14Nen few ma de ɓogn wur naw ma de doo ɓog ti renam ɓen mono, tamsir hay go de heege.
15Doo sen Baa kal fer wããre ne Nowe doo kay nono : 16Ga kal le go ɓi daage no, ndo, wãy ɓo, weere ɓon wo, de naare weere ɓon wo no. 17Laa wer nàyre ma sar sar maga wo ɓiŋ ɓo ni wo le go wer ɓo ni lay, weere dweere wo, nàyre wo, de fẽẽre ma seɗge de ɓil gesiŋ wo lam ɓuy no. Daga á mo def wo go ti sir la, mo tes wo, mo dus wo ti tamsiri. 18Nowe kal kalge go de weere ɓen wo, de wãy ɓe, de naare weere ɓen wo no. 19N à yren wo ɓuy, de fẽẽre ma seɗge de ɓiln wo ɓuy, de weere dweeren wo ɓuy, de fẽẽre ma seɗge de ɓil ti sir wo la wer sar sar ɓuy mo deŋ kal wo laage le go ɓi daage no.
20Nowe kal boo ngel siɗ jag ne Manwuri. À kal hooge yoo nàyre ma bay meyeɗe wo de weere dweere ma bay meyeɗe wo kal joŋ siɗgi jag maga à roɗ mo ɓen go ɓuy ti ngel siɗ jag no. 21Manwur kal fõõ fen fõõre maga de cõõre jag ɓe. Manwur kal wããge de ɓil ɓe ga : Ndi faɗ ge tamsir go wer je táabay gà so, doo ga ɗiggi je táabay go de kaŋge diŋ ti ɓlagge le ti klee ɓe ɓaa. Ndi taw ge fẽẽre ma tenen wo go ɓuy doo maga ndi hay joŋn go no hã gà so. 22Hãã hun laybla de maga tamsir yaŋ mbe tiʼ ɗa mono, joɗge fẽẽre wo de werge fẽẽre wo, ngel ceere wo de ngel ti hisi jag tob wo de ngel yaale ngel ceg wo de ngel suŋ, ɓuy taw ge wo go gà so.
S'ha seleccionat:
TĨĨGI WERE 8: TUP
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Tupuri Bible © Bible Society of Cameroon, 2016. All rights reserved.
TĨĨGI WERE 8
8
Tawgeti bii maŋge no
1Baa kal ferge ɗiggi ti Nowe, ti nàyren wo ɓuy, ti horog wo no, maga hay wo ti jeŋ ɓe ɓi daagen ni mono. Baa kal fug leege le ti tamsir la, biin kal haɗamge go. 2Kããge bii ma gesiŋ kuɗumn wo de jag ngel ma ciŋn tẽg wo go. Baa kal men raage lay. 3Biin tĩĩ wer õgge go gesiŋ la meʼ meʼ e. Biin taw õgge go gesiŋ la ɓuy, diŋ ɓil naw kis ti ɓe doo dwee. 4Nen few ma de renam, wur naw ma de hwal ti renam ɓen, daagen kal kaŋge ciŋ ti húulì ma Ararad wo. 5Biin see wo de õggen hãã wo go ɓil few ma de hwal no. Nen few ma de hwal no, wur naw ma taŋgun, tipẽẽge ti húulì kal wo ndar nen kaɗ kaɗe.
6Naw wo maŋge doo naa mono, Nowe kal bul jag feneder maga se hay caan see daagen ni go. 7Á kal ɓoʼ gããge wo go siigi. Gããgen wo le halge, kal ferge le, wo le halge, kal ferge le. Hãã biin taw õgge go ti sir la ɓuy. 8Á kal ɓoʼ kurgudu wo ni ma koge ga biin nà taw we go ti sir la so yawla. 9Ama kurgudun daʼ ngel laa ɓaale ɓe gà á kal ferge le ɓi daage no, werga bii hay go de wum ti tamsir ɓuy ɗa. À kal coŋ doo ɓe baa ne, kal ɓoʼge ɓe wo ɓiŋ ɓe ɓi daagen ni. 10Á kal gor naw ma tigriŋ renam pa, kal ɓoʼ kurgudun wo go siigi ti daage no. 11Kurgudun kal ferge le daʼge ɓe go de law, de brag sug koo olife jage. Nowe kal koge ga bii joŋ yaŋ go de õgge ti tamsir patala so. 12Á kal ɗaw see ɓe fer gor naw ma tigriŋ renam pa, blam ɓe kal ɓoʼ kurgudun tigriŋ. Ama de sen mokay la kurgudun fer le ɓiŋ ɓe gà so. 13Nen kiŋgi ma kiskis hiiraʼ ti boŋ no, wur naw ma taŋgun nen few ma taŋgun mono, biin hay õg go ti tamsiri. Nowe kal hog ti daagen go, wo ko nen no kay ko nà ciŋ ti sir hay go de heege. 14Nen few ma de ɓogn wur naw ma de doo ɓog ti renam ɓen mono, tamsir hay go de heege.
15Doo sen Baa kal fer wããre ne Nowe doo kay nono : 16Ga kal le go ɓi daage no, ndo, wãy ɓo, weere ɓon wo, de naare weere ɓon wo no. 17Laa wer nàyre ma sar sar maga wo ɓiŋ ɓo ni wo le go wer ɓo ni lay, weere dweere wo, nàyre wo, de fẽẽre ma seɗge de ɓil gesiŋ wo lam ɓuy no. Daga á mo def wo go ti sir la, mo tes wo, mo dus wo ti tamsiri. 18Nowe kal kalge go de weere ɓen wo, de wãy ɓe, de naare weere ɓen wo no. 19N à yren wo ɓuy, de fẽẽre ma seɗge de ɓiln wo ɓuy, de weere dweeren wo ɓuy, de fẽẽre ma seɗge de ɓil ti sir wo la wer sar sar ɓuy mo deŋ kal wo laage le go ɓi daage no.
20Nowe kal boo ngel siɗ jag ne Manwuri. À kal hooge yoo nàyre ma bay meyeɗe wo de weere dweere ma bay meyeɗe wo kal joŋ siɗgi jag maga à roɗ mo ɓen go ɓuy ti ngel siɗ jag no. 21Manwur kal fõõ fen fõõre maga de cõõre jag ɓe. Manwur kal wããge de ɓil ɓe ga : Ndi faɗ ge tamsir go wer je táabay gà so, doo ga ɗiggi je táabay go de kaŋge diŋ ti ɓlagge le ti klee ɓe ɓaa. Ndi taw ge fẽẽre ma tenen wo go ɓuy doo maga ndi hay joŋn go no hã gà so. 22Hãã hun laybla de maga tamsir yaŋ mbe tiʼ ɗa mono, joɗge fẽẽre wo de werge fẽẽre wo, ngel ceere wo de ngel ti hisi jag tob wo de ngel yaale ngel ceg wo de ngel suŋ, ɓuy taw ge wo go gà so.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Tupuri Bible © Bible Society of Cameroon, 2016. All rights reserved.