Matta 8
8
Yesu a dɨmə ama də ootɨ dagde
(Markus 1.40-45; Luka 5.12-16)
1Ite Yesu a janga gə nə motə, ɓwaare hananang a koɗən. 2A nzə-dagde a shi hakan, a kupo humwasən a san atɨ, “Həmɨmiye, na hye mwa, hye nee ka gətə hye suɓwagi gə dagdenə.”
3Yesu a ɗifdə tɨfəngɨn a pan. Nda san atɨ, “Hɨn mwa, zə gi shet-shet.” Də a hangɨn dagde a dɨmgən, sɨsən a mɨna shet-shet. 4Yesu a fyel-kwakingɨn twai atɨ, “Ɓe sa atɨ hye ɓa boyə ama sanə bəngra. Zə wudə hye bɨlə kɨsahəme sɨsa. Beetɨ angɨn hye vədə həmte ɓashita Musa a boyo. Angɨn nə ɓa bɨlə atɨ dagde dəw mbəə kat.” Nda ɓə ɗakan nda muɗə.
Mwadiyale da gyana nyatə
(Luka 7.1-10; Yohana 4.43-54)
5Ite Yesu a pɨrə vor Kafanawum, a gyana nyati da mi Roma a shi hakan ta nyit gwadəha. 6Mangɨn a sa Yesu atɨ, “Həmɨmiye, kɨsa de ndə bə hwoɗye ka ootɨ ndongtə dɨ tənə kɨr-kɨr.”
7Yesu a san atɨ, “Hɨn ɓa wudə a gwadən nda piyagə ootɨngɨn.”
8Gyanangɨn a luwa a san atɨ, “Həmɨmiye, taa kəni hye shi hwode, bwe le ɓəmbə kɨsa de ɓa piyagə ootɨngɨn. 9Di hɨn mgban hɨnə dɨ ɗa lyentə a pukə imi, hɨnə ka ji-pakawatə mgban a puka. Hɨn kana sa ma hiɗə atɨ, ‘Wudə,’ nda wudə, hɨn kana sa ama mgban atɨ, ‘Wa,’ nda shi. Hɨn kana gɨra kɨsa de atɨ, ‘Ɗa sanə,’ nda dɨ ɗa səngɨn.”
10Naya Yesu ɓe kɨl la nda boyo, Yesu a ɗa ndəle, nda virwo haka myee dɨ koɗən a sarən, “Diyalə na dɨ boyownə atɨ, a bətɨ njiya Israila kat taa pa wule mwadiyale ɓətɨ a. 11Na dɨ səwnə atɨ, ɓwaare som-som a vor vɨratə, dɨ basa fɨlatɨ fəre, dɨ basa mbɨrtɨ fəre, tən kat ɓa ɗɨm haa nzatə gə təna zɨmshe ka Ibɨraim ka Ishaku ka Yakubu a vor həmnə pwa. 12Shezə myee kana təna pɨrə həmnə pwa, tənə 'ye mya poro a kəjidərən a haa bwange gaarə a vor kulitə. A hangɨn tən ɓa təwo ka tuula lintə.”
13Yesu a sa gyanangɨn atɨ, “Zə muɗə hwoɗye, naya mwadiyale dəw a gə, sə mgban ɓa nza.” A itɨngɨn nə mgban ootə a dɨmgə kɨsa dan.
Yesu a gwadə ɓwaare hananang
(Markus 1.29-34; Luka 4.38-41)
14Ite Yesu a pɨrə vor hwoda Bitrus, nda pa shewtɨ Bitrus ndə bi ka ootɨ haɓi kpalamye. 15Yesu a pa tɨfərə, ootɨngɨn a mbəə, ngga maɗə a vərən sɨzɨmtə. 16Ka kaade, mya payadə ɓwaare hananang 'ye ka pɨle ji-dwatə a sɨsərən a haka Yesu, nda boyə pɨle ji-dwatɨngɨn le a dɨmdərən, nda dɨmdə ootə gə sɨtɨ myee aa mworən kat. 17Gə la mya boyo dɨ kwaamɨ kpale Ishaya a naa atɨ,
“Nda luu ootɨ dam,
ndi ka nənəngɨn
nda nggur sɨtɨ otə dam mgban a sɨsən.”#8.17 Naasə: Ishaya 53.4.
Tənəte a vor koɗə Yesu
(Luka 9.57-62)
18Ite Yesu a naa ɓwaare ləkə kɨr-kɨr takadən, nda gɨra lagbe dan a boyərən atɨ maa təna nggɨrə dɨ ɓayatɨ gərəngɨn. 19Də a nzə-lee kəndə ɓashita Musati a shi hakan a san atɨ, “Nzə-kəndəshe, na koɗu a nagi ndo haa hye ɓa zə.”
20Yesu a luwa a san, “Gakye kat tənə ka goyee təna dɨ pukə də, ɓakaryee dɨ woyo pwa mgban tənə ka vənye darən, shezə hɨn Nze da Ɓwaara hɨn tam ka haa hɨn ɓa bə a piyadə.”
21Ama hiɗə dɨ vor myee dɨ koɗən a san atɨ, “Həmɨmiye, vi humwatə gə na mɨnə hwoɗye a dɨ ɗɨk wo baagi.”
22Də Yesu a luwa a san, “Kwaɗe, ɗaka wogye maa təna ɗək wogye darən.”
Yesu a gɨra hawo ɓoole
(Markus 4.35-41; Luka 8.22-25)
23Də Yesu a pɨrə vor koombotə, lagbe dan a koɗən. 24Dɨmsərən a vor haɓye nəle, hawe a nza maɗa, ɗogoli hawe a maɗa ka haɓye ta pɨrə vor koombotə. Shezə Yesu nee dɨ shini. 25Lagbengɨn a wudə a maddən a san, “Həmɨmiye, mbədenə! Hɨm nə ɓa ɗyeməm.”
26Nda sarən, “Hwun ji-mwadiyalə kəng-kənge, mɨnə ɗa hwuna gə ka kala shea?” Də nda maɗə a gɨra hawe ka ɗogoli hawe, təna bə ɗəng, haa talə shetətət.
27Kala a gərən kɨr-kɨr, təna ɗiyəsə, “Ɓə ndawula ɓwaara nə ana? A hawe kat ka ɗogoli hawe a dɨ koddə kormingɨn!”
Yesu a dɨmdə pɨle ji-dwatə dɨ sɨtɨ imi kpe a Garasa
(Markus 5.1-20; Luka 8.26-39)
28Ite təna nggɨrə ɓayatə a vor njiya Garasa, imi kpe 'ye ka pɨle ji-dwatə a sɨsərən a dɨma dɨ vor gonggoryi faree mya dɨ ɗɨk wogye də a kultən. Gətɨ pɨle darən a hasə kɨr-kɨr baa ama aa yə koɗə hangɨn. 29Təna maddə kormingrən a pwa, a wa kawahəme, a ɗiyə Yesu atɨ, “Nze da Həmɨnpwa, mɨnə peda kenə? Mɨnə hina gu, hye ɓə shi ɓa tənəə denə, a fərəngɨn aa nda kənə?”
30Kaɓa a doomo gusune nee dɨ zəmə basa hangɨn. 31Ji-dwatɨngɨn a nyisə Yesu a san atɨ, “Na hye omrenə dɨmdenə gə sɨtɨ minə, hye ɗakenə hina pɨrə sɨtɨ doomo gusunarə.”
32Yesu a sarən atɨ, “Muɗəm.” Də pɨle ji-dwatɨngɨn a dɨmgə sɨtɨ mingɨn a muɗə a dɨ pɨrə sɨtɨ gusune. Gusunəngɨn a rɨfə a sargə zangtə a pɨrə vor haɓye a soɓwo a mbərə kat. 33Ji-nidə gusunəngɨn a gyeɓə a muɗə a boyə ɓwaaree a vor vɨratə lə sa bəng gusunəngɨn ka sa bəng mingɨn 'ye ka pɨle ji-dwatə. 34Mi vɨratɨngɨn a dɨmə kat a dɨ pa Yesu. Də mgban təna nyisə Yesu atɨ, a nda muɗə a ɗaka bətɨ njiya darən.
S'ha seleccionat:
Matta 8: bcy
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Matta 8
8
Yesu a dɨmə ama də ootɨ dagde
(Markus 1.40-45; Luka 5.12-16)
1Ite Yesu a janga gə nə motə, ɓwaare hananang a koɗən. 2A nzə-dagde a shi hakan, a kupo humwasən a san atɨ, “Həmɨmiye, na hye mwa, hye nee ka gətə hye suɓwagi gə dagdenə.”
3Yesu a ɗifdə tɨfəngɨn a pan. Nda san atɨ, “Hɨn mwa, zə gi shet-shet.” Də a hangɨn dagde a dɨmgən, sɨsən a mɨna shet-shet. 4Yesu a fyel-kwakingɨn twai atɨ, “Ɓe sa atɨ hye ɓa boyə ama sanə bəngra. Zə wudə hye bɨlə kɨsahəme sɨsa. Beetɨ angɨn hye vədə həmte ɓashita Musa a boyo. Angɨn nə ɓa bɨlə atɨ dagde dəw mbəə kat.” Nda ɓə ɗakan nda muɗə.
Mwadiyale da gyana nyatə
(Luka 7.1-10; Yohana 4.43-54)
5Ite Yesu a pɨrə vor Kafanawum, a gyana nyati da mi Roma a shi hakan ta nyit gwadəha. 6Mangɨn a sa Yesu atɨ, “Həmɨmiye, kɨsa de ndə bə hwoɗye ka ootɨ ndongtə dɨ tənə kɨr-kɨr.”
7Yesu a san atɨ, “Hɨn ɓa wudə a gwadən nda piyagə ootɨngɨn.”
8Gyanangɨn a luwa a san atɨ, “Həmɨmiye, taa kəni hye shi hwode, bwe le ɓəmbə kɨsa de ɓa piyagə ootɨngɨn. 9Di hɨn mgban hɨnə dɨ ɗa lyentə a pukə imi, hɨnə ka ji-pakawatə mgban a puka. Hɨn kana sa ma hiɗə atɨ, ‘Wudə,’ nda wudə, hɨn kana sa ama mgban atɨ, ‘Wa,’ nda shi. Hɨn kana gɨra kɨsa de atɨ, ‘Ɗa sanə,’ nda dɨ ɗa səngɨn.”
10Naya Yesu ɓe kɨl la nda boyo, Yesu a ɗa ndəle, nda virwo haka myee dɨ koɗən a sarən, “Diyalə na dɨ boyownə atɨ, a bətɨ njiya Israila kat taa pa wule mwadiyale ɓətɨ a. 11Na dɨ səwnə atɨ, ɓwaare som-som a vor vɨratə, dɨ basa fɨlatɨ fəre, dɨ basa mbɨrtɨ fəre, tən kat ɓa ɗɨm haa nzatə gə təna zɨmshe ka Ibɨraim ka Ishaku ka Yakubu a vor həmnə pwa. 12Shezə myee kana təna pɨrə həmnə pwa, tənə 'ye mya poro a kəjidərən a haa bwange gaarə a vor kulitə. A hangɨn tən ɓa təwo ka tuula lintə.”
13Yesu a sa gyanangɨn atɨ, “Zə muɗə hwoɗye, naya mwadiyale dəw a gə, sə mgban ɓa nza.” A itɨngɨn nə mgban ootə a dɨmgə kɨsa dan.
Yesu a gwadə ɓwaare hananang
(Markus 1.29-34; Luka 4.38-41)
14Ite Yesu a pɨrə vor hwoda Bitrus, nda pa shewtɨ Bitrus ndə bi ka ootɨ haɓi kpalamye. 15Yesu a pa tɨfərə, ootɨngɨn a mbəə, ngga maɗə a vərən sɨzɨmtə. 16Ka kaade, mya payadə ɓwaare hananang 'ye ka pɨle ji-dwatə a sɨsərən a haka Yesu, nda boyə pɨle ji-dwatɨngɨn le a dɨmdərən, nda dɨmdə ootə gə sɨtɨ myee aa mworən kat. 17Gə la mya boyo dɨ kwaamɨ kpale Ishaya a naa atɨ,
“Nda luu ootɨ dam,
ndi ka nənəngɨn
nda nggur sɨtɨ otə dam mgban a sɨsən.”#8.17 Naasə: Ishaya 53.4.
Tənəte a vor koɗə Yesu
(Luka 9.57-62)
18Ite Yesu a naa ɓwaare ləkə kɨr-kɨr takadən, nda gɨra lagbe dan a boyərən atɨ maa təna nggɨrə dɨ ɓayatɨ gərəngɨn. 19Də a nzə-lee kəndə ɓashita Musati a shi hakan a san atɨ, “Nzə-kəndəshe, na koɗu a nagi ndo haa hye ɓa zə.”
20Yesu a luwa a san, “Gakye kat tənə ka goyee təna dɨ pukə də, ɓakaryee dɨ woyo pwa mgban tənə ka vənye darən, shezə hɨn Nze da Ɓwaara hɨn tam ka haa hɨn ɓa bə a piyadə.”
21Ama hiɗə dɨ vor myee dɨ koɗən a san atɨ, “Həmɨmiye, vi humwatə gə na mɨnə hwoɗye a dɨ ɗɨk wo baagi.”
22Də Yesu a luwa a san, “Kwaɗe, ɗaka wogye maa təna ɗək wogye darən.”
Yesu a gɨra hawo ɓoole
(Markus 4.35-41; Luka 8.22-25)
23Də Yesu a pɨrə vor koombotə, lagbe dan a koɗən. 24Dɨmsərən a vor haɓye nəle, hawe a nza maɗa, ɗogoli hawe a maɗa ka haɓye ta pɨrə vor koombotə. Shezə Yesu nee dɨ shini. 25Lagbengɨn a wudə a maddən a san, “Həmɨmiye, mbədenə! Hɨm nə ɓa ɗyeməm.”
26Nda sarən, “Hwun ji-mwadiyalə kəng-kənge, mɨnə ɗa hwuna gə ka kala shea?” Də nda maɗə a gɨra hawe ka ɗogoli hawe, təna bə ɗəng, haa talə shetətət.
27Kala a gərən kɨr-kɨr, təna ɗiyəsə, “Ɓə ndawula ɓwaara nə ana? A hawe kat ka ɗogoli hawe a dɨ koddə kormingɨn!”
Yesu a dɨmdə pɨle ji-dwatə dɨ sɨtɨ imi kpe a Garasa
(Markus 5.1-20; Luka 8.26-39)
28Ite təna nggɨrə ɓayatə a vor njiya Garasa, imi kpe 'ye ka pɨle ji-dwatə a sɨsərən a dɨma dɨ vor gonggoryi faree mya dɨ ɗɨk wogye də a kultən. Gətɨ pɨle darən a hasə kɨr-kɨr baa ama aa yə koɗə hangɨn. 29Təna maddə kormingrən a pwa, a wa kawahəme, a ɗiyə Yesu atɨ, “Nze da Həmɨnpwa, mɨnə peda kenə? Mɨnə hina gu, hye ɓə shi ɓa tənəə denə, a fərəngɨn aa nda kənə?”
30Kaɓa a doomo gusune nee dɨ zəmə basa hangɨn. 31Ji-dwatɨngɨn a nyisə Yesu a san atɨ, “Na hye omrenə dɨmdenə gə sɨtɨ minə, hye ɗakenə hina pɨrə sɨtɨ doomo gusunarə.”
32Yesu a sarən atɨ, “Muɗəm.” Də pɨle ji-dwatɨngɨn a dɨmgə sɨtɨ mingɨn a muɗə a dɨ pɨrə sɨtɨ gusune. Gusunəngɨn a rɨfə a sargə zangtə a pɨrə vor haɓye a soɓwo a mbərə kat. 33Ji-nidə gusunəngɨn a gyeɓə a muɗə a boyə ɓwaaree a vor vɨratə lə sa bəng gusunəngɨn ka sa bəng mingɨn 'ye ka pɨle ji-dwatə. 34Mi vɨratɨngɨn a dɨmə kat a dɨ pa Yesu. Də mgban təna nyisə Yesu atɨ, a nda muɗə a ɗaka bətɨ njiya darən.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.