ሉቃስ 18

ፈኬኘ ሃዸ ህዬሳ ቶኮ

1ዬሱስስ አከ እሳን ዬሮ ሁንደ ከዸቹ ቀበኒፊ አከ እሳን አብዲ ህንኩተትኔ እሳን በርሲሱፍ ጄዼ ፈኬኘ ቶኮ በረቶተሳት ህሜ። 2እንስ አከነ ጄዼ፤ “መጋላ ቶኮ ኬሰ አባ ሙርቲ ከን ዋቀ ህንሶዳትኔ፣ ነመስ ከን ህንከበጅኔ ቶኮቱ ቱሬ። 3ሃት ህዬሳ ቶኮስ መጋላ ሰነ ኬሰ ቱርቴ፤ እሼንስ፣ ‘ዲነኮረት ሙርቲ ቀጄላ ናፍ ኬን’ ጄቴ እሰት ዴዴብኣ ቱርቴ።

4 “እንስ ዬሮ ገባባፍ ድዴ ቱሬ፤ ኤርገሲ ገሩ አከነ ጄዼ ገራሳት ያዴ፤ ‘አን ዮን ዋቀ ህንሶዳትኔሌ፣ ዮን ነመስ ህንከበጅኔሌ፣ 5ሰበቢ ኒቲን ኩን ዴዴብቴ ነ ረክፍቱፍ ሙርቲ ቀጄላ ነንኬናፍ፤ ዮ ከና አቺ ዴዴብቴ ነ ደዸብሲፍት።’ ”

6ጎፍታንስ አከነ ጄዼ፤ “ኤጋ ዋን አብቺ ሙርቲ ደባን ሱን ጄዹ ዸገኣ፤ 7ዋቅንሞ ፍለተምቶተሳ ወረ ሀልከኒ ጉያ ገረሳት እየተኒፍ ሙርቲ ቀጄላ ህንኬኑ? እሳን ዱራ ቱርሳሬ? 8አን እስንትን ህመ፤ እን ደፌ ሙርቲ ቀጄላ ኬናፍ፤ ገሩ እልም ነማ ጋፈ ዹፉ ለፈረት አመንቲ ንአርገታ?”

ፈኬኘ ፈሪስቻቲፊ ነምቸ ቀረጠ ወልት ቀቡ

9ዬሱስስ ነሞተ ቀጄሉማ ኦፊት አመነኒ ወረ ካንሞ ቱፈተንት አከነ ጄዼ ፈኬኘ ከነ ህሜ። 10“ነሞትን ለመ ዋቀ ከዸቹፍ ገረ መነ ቁልቁሉማት ኦል በአን፤ እሳንስ ፈሪስቸ ቶኮፊ ነመ ቀረጠ ወልት ቀቡ ቶኮ ቱረን። 11ፈሪስች ከኤ ዻበቴ፣ ዋኤ መታሳ አከነ ጄዼ ከዸቴ፤ ‘ያ ዋቀዮ፣ አን አከ ነሞተ ካኒ ጄቹንስ አከ ሳምቶታ፣ ጀልኦታፊ ሰጋገልቶታ ኬሱመቱ ዋን አከ ነምቸ ቀረጠ ወልት ቀቡ ከና ህንተእኒፍ ስን ገለቴፈዸ። 12አን ቶርበንት ዬሮ ለመ ነንሶመ፤ ዋነን አርገዹ ሁንዱማራስ ሀርከ ኩዸን ኬሳ ቶኮ ነንኬነ።’

13 “ነምች ቀረጠ ወልት ቀቡ ሱን ገሩ ፈጎ ዻበቴ፣ ቆመሳ ዸዸኣ፣ ‘ያ ዋቀዮ፣ አን ነመ ጩበማዻቲ ና ነእ!’ ጄዼ መሌ እጀሳቲንሌ ኦል ጄዼ ገረ ሰሚ ህንእላሌ።

14 “አን እስንትን ህመ፤ ነምች ኩን ነምቸ ዱራረ ፉለ ዋቃ ዱረት ቀጄላ ተኤ መነሳት ገሌ። ነምን ኦል ኦፍ ቀቡ ሁንድኑ ገድ ቀበማቲ፤ ነምን ገድ ኦፍ ቀቡ ገሩ ኦል ቀበመ።”

ዬሱሲፊ እጆሌ ጥጥኖ

18፥15‑17 ኩወፈ – ማቴ 19፥13‑15፤ ማር 10፥13‑16

15ነሞትን አከ እን ሀርከ እሳንረ ካኤ እሳኒፍ ከዸቱፍ ዳእመንስ ዬሱስት ፍዳ ቱረን። በረቶትን ገሩ ዮሙ ዋን ከነ አርገንት እሳን እፈተን። 16ዬሱስ ገሩ እጆሌ ሰነ ኦፍት ዋሜ አከነ ጄዼ፤ “እጆሌን ጥጥኖን ገረኮ ሃዹፈኒቲ ህንዾውና፤ ሞቱማን ዋቃ ከን ወረ አከናቲ። 17አን ዹጉመን እስንት ህመ፤ ነምን አኩመ እጆሌት ሞቱማ ዋቃ ህንስመትኔ ከምዩ ጎንኩማ እት ህንገሉ።”

ፈኬኘ ዱሬሳቲፊ ሞቱማ ዋቃ

18፥18‑30 ኩወፈ – ማቴ 19፥16‑29፤ ማር 10፥17‑30

18ቡልቻን ቶኮ፣ “ያ በርሲሳ ጋሪ፣ አን ጅሬኘ በረ በራ ዻሉፍ ማል ጎቹን ቀበ?” ጄዼ እሰ ጋፈቴ።

19ዬሱስስ አከነ ጄዼ ዴብሴ፤ “አት ማሊፍ ጋሪ ናን ጄተ? ዋቀ ቶክቸ መሌ ጋሪን ህንጅሩ። 20አት አጀጀወን ንቤክተ፤ ‘ህንኤጅን፤ ህንአጄስን፤ ህንሀትን፤ ሶባን ዹጋ ህንበእን፤ አባኬቲፊ ሃዸኬቲፍ ኡልፍነ ኬን።’#18፥20 በኡ 20፥12፤ ኬዴ 5፥16‑20”

21ነምችስ፣ “አን እጆሉማኮቲ ጀልቀቤ አጀጀወን ከኔን ሁንደ ኤጌረ” ጄዼ።

22ዬሱስስ ዮሙ ዋን ከነ ዸገኤት፣ “አመሌ ዋን ቶኮቱ ስ ዱራ ህርአተ፤ ዋን ቀብዱ ሁንደ ጉርጉሪ ህዬዪፍ ኬን፤ ሰሚ ኬሰት በዻዹማ ንቀባታ። ኤርገሲ ኮቱ ነ ዱካ ቡእ” ጄዼን።

23እን ዮሙ ዋን ከነ ዸገኤት ባይኤ ገዴ፤ አከ መሌ ሶሬሰ ቱሬቲ። 24ዬሱስስ እሰ እላሌ አከነ ጄዼ፤ “ሞቱማ ዋቃት ገሉን ሶሬዪፍ አከም ረክሳዸ! 25ዹጉማን ነምን ሶሬስ ሞቱማ ዋቃት ገሉረ ቃወ ልልሞ ኬሰ በኡቱ ጋላፍ ሰልጰተ።”

26ወር ዋን ከነ ዸገአንስ፣ “ዮስ ኤኙቱ ፈዩ ደንደአሬ?” ጄዸኒ ጋፈተን።

27ዬሱስስ፣ “ወን ነማፍ ህንደንደአምኔ፣ ዋቃፍ ንደንደአመ” ጄዼ ዴብሴ።

28ጴጥሮስስ፣ “ኩኖ፣ ኑ ዋን ቀብኑ ሁንደ ዺፍኔ ስ ዱካ ቡኔረ” ጄዼን።

29ዬሱስሞ አከነ እሳኒን ጄዼ፤ “አን ዹጉመን እስንት ህመ፤ ነምን ሰበቢ ሞቱማ ዋቃቲፍ ጄዼ መነ ዮካን ኒቲ ዮካን ኦቦሎተ ዮካን ሃዻፊ አባ ዮካን እጆሌ ዺሴ፣ 30በረ ከነ ኬሰ ደቻ ባይኤ፣ በረ ዹፉፍ ጅሩ ኬሰሞ ጅሬኘ በረ በራ ኡቱ ህንአርገን ሀፉ ቶኮዩ ህንጅሩ።”

ዬሱስ ዬሮ ሰደፋ ዋኤ ዱአሳ ዱበቴ

18፥31‑33 ኩወፈ – ማቴ 20፥17‑19፤ ማር 10፥32‑34

31ዬሱስ ወረ ኩዸ ለማን ኮጳት ባሴ አከነ ጄዼን፤ “ኩኖ ኑ ዬሩሳሌምት ኦል በኣ ጅረ፤ ወን ራጆትን ዋኤ እልመ ነማ በሬሰን ሁንድኑስ ንራወተመ። 32እን ደበርፈሜ ነሞተ ኦርማት ንኬነመ። እሳንስ እሰት ቆሱ፤ እሰ አረብሱ፤ እሰት ቱፉ፤ እሰ ገረፉ፤ እሰ አጄሱስ። 33እንስ ጉያ ሰደፋት ዱኣ ንከአ።”

34በረቶትን ገሩ ዋን ከነ ሁንደ ኬሳ ቶኮሌ ህንሁበትኔ፤ ሂካንሳስ እሳን ዱራ ዾክፈሜ ቱሬ። እን ማል አከ ዱበቻ ቱሬስ እሳኒፍ ህንገሌ።

ነምች ጃማን ቶኮ ፈይፈሙሳ

18፥35‑43 ኩወፈ – ማቴ 20፥29‑34፤ ማር 10፥46‑52

35ዬሮ ዬሱስ ዬርኮት ዽኣቴት፣ ነምች ጃማን ቶኮ ቀርቀረ ከራ ታኤ ከዸቻ ቱሬ። 36እንስ አከ ቱትን ነሞታ ከራ ሰነ ደርባ ጅሩ ዸጌኛን፣ ዋን ተኣ ቱሬ ጋፈቴ። 37እሳንስ፣ “ዬሱስ ነመ ናዝሬትቱ አሲን ደርባ ጅረ” ጄዸኒ እሰት ህመን።

38እንስ፣ “ዬሱስ፣ ያ እልመ ዳዊት፣ ነ ማር!” ጄዼ እዬ።

39ነሞትን ፉለ ዱረ ዴማ ቱረንስ አከ እን ጨልእሱፍ እሰ እፈተን፤ እን ገሩ፣ “ያ እልመ ዳዊት ነ ማር!” ጄዼ እቱመ ጫልችሴ እዬ።

40ዬሱስስ ዻበቴ አከ እሳን ነምቸ ገረሳ ፍደን አጀጄ። ዮሙ እን ገረሳት ዽኣቴት ዬሱስ አከነ ጄዼ እሰ ጋፈቴ፤ 41“አከ አን ማል ሲፍ ጎዹ በርባደ?”

ነምችስ፣ “ያ ጎፍታ፣ አን አርጉን በርባደ” ጄዼ ዴብሴ።

42ዬሱስስ፣ “አርግ፤ አመንቲንኬ ስፈይሴራ” ጄዼን። 43እንስ ዬሩመ ሰነ አርጌ ዋቀ ጀጀቻ ዬሱስ ዱካ ቡኤ። ነሞትን ሁንድኑስ ዮሙ ዋን ከነ አርገንት ዋቀ ጀጀን።

S'ha seleccionat:

ሉቃስ 18: NOCV

Subratllat

Comparteix

Copia

Vols que els teus subratllats es desin a tots els teus dispositius? Registra't o inicia sessió

ክታበ ቁልቁሉ፣ ሂካ አመያ ሃራ™፣

ኤየማን እት ፈየደሙ።

ምርግ ሁንድ አዱኛ ጉቱረት ከን ኤገሜዸ።

Holy Bible, New Oromo Contemporary Version™

Més informació sobre ክታበ ቁልቁሉ፣ ሂካ አመያ ሃራ