युहन्ना 14
14
चेलवानिके येसुजिक सान्त्वना
1येसुजि चेलवानिके कहलसि, “तोहार हृदय दुःखित झिन हखइ। तोहरा परमेस्वरमा विस्वास करसह, मोरमा फेनि विस्वास करह। 2मोर पिताक घरवामा बहुत रहना ठउरि बडइ। यगर ठउरि नाहिँ रहतिय जउँ, मुइ तोहराके कहतहिँ। मुइ तोहार तहिँया ठउरि तयार पारे जाइ बडहिँ। 3मुइ जाके तोहार तहिँया ठउरि तयार पारके फेरि यबहिँ हसे तोहराके यापनसाङे लिगबहिँ, ताकि मुइ जहवाँ रहबहिँ तोहरा फेनि वहवाँहिँ रहिह। 4मुइ जहवाँ जाइ बडहिँ, वहवाँ जइना पइडा तोहार थाह बडइ।”
येसुजि मतरे परमेस्वर पिताक लघिना जइना पइडा
5थोमा येसुजिके कहलिय, “प्रभुजि, यपनहुँ कहवाँ जाइबडहुँ कहके हमार त हइने थाह बडइ, तब हमरा कस्के पइडा जनबहुँ?”
6येसुजि वकरेके कहलसि, “पइडा, सत्य हसे जिवन मोहिँ हखहि। मोर बिना कुनहुँ फेनि पिता लघिना यावे नाहिँ सकतइ। 7यगर तोहरा मोरके चिनले रहतह, मोर पिताके फेनि चिनतह। याबेसे तोहरा हुनेके चिनले हसे हुनेके देखले बडह।”
8फिलिप हुनेके कहलिय, “हे प्रभुजि, हमराके पिता देखादेहुँ, उतुरा भेले हमराके पुगतइ।”
9तब येसुजि वकरेके कहलसि, “फिलिप, यतुरा नमहर जुनलइ मुइ तोहारसाङे बडहिँ, ताफेनि तुइ मोरके हइने चिनसहिँ? जुने मोरके देखले बडिय, उअ पिताके देखले बडिय। तुइ कस्के कहे सकबहि, ‘हमराके पिता देखादेहुँ’? 10मुइ पितामा बडहिँ हसे पिता मोरमा बडसि कहके कथि तुइ विस्वास हइने करसहि? मुइ तोहराके जथि बात कहसहि, उअ बतवा मुइ यपनहिँ हइने फदकले हखहि, बाकि मोरमा रहलाहर पिता मोरसे यापन काम करइ बडसि। 11मुइ पितामा बडहिँ हसे पिता मोरमा बडसि कहलि मोर बतवामा विस्वास करह। यगर मोर कहलि बतवा विस्वास नाहिँ करबह जउँ, मोर करलि यचम्मक कमवा हेरके त विस्वास करह। 12मुइ तोहराके सदियो कहइ बडहिँ, जुने मोरके विस्वास करबिय, उअ मोर करलि कमवासभ नहिँया करबिय हसे वकरसे फेनि जबड कामसभ करबिय, केहकेकि मुइ पिता लघिना जाइ बडहिँ। 13तोहरा मोर नाउँमा जथि मङबह उअ मुइ करबहिँ, ताकि पुतरमा पिताक महिमा परकट हखइ। 14यगर तोहरा मोर नाउँमा किहो मङबह जउँ, उअ मुइ करबहिँ।
पवितर-आत्माक बारेमा प्रतिग्या
15 “यगर तोहरा मोरके प्रेम करसह जउँ मोर आग्यासभ पालन करह। 16मुइ पितासाङे बिन्ति करबहिँ हसे हुने तोहराके दोसरे सल्लाह देलाहर देबसि तके हुने तोहारसाङे सबदिन रहबसि। 17हुने सत्यक आत्मा हखसि। संसार हुनेके स्विकार करे नाहिँ सकबिय, केहकेकि संसार नत हुनेके देखसइ, न जनसइ। बाकि तोहरा हुनेके जनसह, केहकेकि हुने तोहारसाङे रहससि हसे हुने तोहारमा बास करबसि।
18 “मुइ तोहराके टुवर बनाके नाहिँ छडबहिँ, मुइ तोहार लघिना यबहिँ। 19याबे इचिका जुन पाछा, संसार मोरके फेरि नाहिँ देखबिय, बाकि तोहरा देखबह। मुइ जिउते भेलेसे तोहरा फेनि जिउते रहबह। 20उअ दिन तोहरा जनबह कि, मुइ मोर पितामा बडहिँ, तोहरा मोरमा बडह हसे मुइ तोहारमा बडहिँ। 21मोरके प्रेम करलाहर उहे हखिय जुने मोर आग्या स्विकार करबिय हसे पालन करबिय। मोरके प्रेम करलहराके मोर पिता प्रेम करबसि। मुइ फेनि वकरेके प्रेम करबहिँ हसे मुइ यपनहिँके वकर लघिना परकट करबहिँ।”
22तब यहुदा इस्कोरियोत हइने, बाकि यहुदा नाउँक येसुजिक दोसरि चेलवा हुनेके कहलिय, “प्रभु, केहके यपनहुँ हमार लघिना यपनहिँके परकट करबहुँ, बाकि संसारक लघिना नाहिँ करबहुँ?”
23येसुजि वकरेके जवाफ देते कहलसि, “जुने मोरके प्रेम करतइ, उअ मोर वचन पालन करबिय। मोर पिता वकरेके प्रेम करबसि हसे हमरा वकर लघिना यबहुँ तके वकरसाङे बास करबहुँ। 24जुने मोरके प्रेम नाहिँ करबिय, उअ मोर वचन पालन नाहिँ करबिय। जुन वचनवा तोहरा सुनसह, उअ मोर हइने, बाकि मोरके पठोलहरा पिताक हखइ।
25 “इअ बतवासभ तोहारसाङे रहइकि मुइ तोहराके कहले हखहि। 26बाकि सल्लाह देलाहर, पवितर-आत्मा, जकरेके पिता मोर नाउँमा पठोबसि, हुने तोहराके जम्मे बतवा सिखोबसि हसे मोर कहलि जम्मे बतवा तोहराके सम्झा देबसि। 27मुइ तोहराके मोर सान्ति छाडदेबहिँ, मुइ यापन सान्ति तोहराके देबहिँ। संसारक देलि नहिँया मुइ तोहराके नाहिँ देबहिँ। तोहार हृदय व्याकुल झिन हखइ हसे तोहरा झिन डेरइह।
28 “मुइ ‘यहवाँसे जाइ बडहिँ हसे तोहार लघिना फिरके यबहिँ’ कहके मोर कहलि बतवा तोहरा सुनलह। यगर तोहरा मोरके प्रेम करले रहतह त, मुइ पिताक लघिना जाइ बडहिँ कहइकि सुनके तोहरा खुसि हखतह, केहकेकि पिता मोरसे महान बडसि। 29इअ बतवा हखलिक यगाहेसे मुइ तोहराके कहले बडहिँ, जब इअ हतइ तब तोहरा विस्वास करबह। 30याबे मुइ तोहारसाङे बहुत बात नाहिँ करबहिँ, केहकेकि इअ संसारक सासक यवइ बडिय। मोर वपरा वकर किहो अधिकार हइने बडइ। 31बाकि मुइ पिताके प्रेम करसहिँ हसे जम्मे कमवा हुनेक आग्या यनुसार करसहिँ कहके संसारक जम्मे मन्सावाह जाने परतइ।
“उठह, याबे हमरा यहवाँसे जाउँ।”
S'ha seleccionat:
युहन्ना 14: CTHR
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. and Nepal Bible Society
युहन्ना 14
14
चेलवानिके येसुजिक सान्त्वना
1येसुजि चेलवानिके कहलसि, “तोहार हृदय दुःखित झिन हखइ। तोहरा परमेस्वरमा विस्वास करसह, मोरमा फेनि विस्वास करह। 2मोर पिताक घरवामा बहुत रहना ठउरि बडइ। यगर ठउरि नाहिँ रहतिय जउँ, मुइ तोहराके कहतहिँ। मुइ तोहार तहिँया ठउरि तयार पारे जाइ बडहिँ। 3मुइ जाके तोहार तहिँया ठउरि तयार पारके फेरि यबहिँ हसे तोहराके यापनसाङे लिगबहिँ, ताकि मुइ जहवाँ रहबहिँ तोहरा फेनि वहवाँहिँ रहिह। 4मुइ जहवाँ जाइ बडहिँ, वहवाँ जइना पइडा तोहार थाह बडइ।”
येसुजि मतरे परमेस्वर पिताक लघिना जइना पइडा
5थोमा येसुजिके कहलिय, “प्रभुजि, यपनहुँ कहवाँ जाइबडहुँ कहके हमार त हइने थाह बडइ, तब हमरा कस्के पइडा जनबहुँ?”
6येसुजि वकरेके कहलसि, “पइडा, सत्य हसे जिवन मोहिँ हखहि। मोर बिना कुनहुँ फेनि पिता लघिना यावे नाहिँ सकतइ। 7यगर तोहरा मोरके चिनले रहतह, मोर पिताके फेनि चिनतह। याबेसे तोहरा हुनेके चिनले हसे हुनेके देखले बडह।”
8फिलिप हुनेके कहलिय, “हे प्रभुजि, हमराके पिता देखादेहुँ, उतुरा भेले हमराके पुगतइ।”
9तब येसुजि वकरेके कहलसि, “फिलिप, यतुरा नमहर जुनलइ मुइ तोहारसाङे बडहिँ, ताफेनि तुइ मोरके हइने चिनसहिँ? जुने मोरके देखले बडिय, उअ पिताके देखले बडिय। तुइ कस्के कहे सकबहि, ‘हमराके पिता देखादेहुँ’? 10मुइ पितामा बडहिँ हसे पिता मोरमा बडसि कहके कथि तुइ विस्वास हइने करसहि? मुइ तोहराके जथि बात कहसहि, उअ बतवा मुइ यपनहिँ हइने फदकले हखहि, बाकि मोरमा रहलाहर पिता मोरसे यापन काम करइ बडसि। 11मुइ पितामा बडहिँ हसे पिता मोरमा बडसि कहलि मोर बतवामा विस्वास करह। यगर मोर कहलि बतवा विस्वास नाहिँ करबह जउँ, मोर करलि यचम्मक कमवा हेरके त विस्वास करह। 12मुइ तोहराके सदियो कहइ बडहिँ, जुने मोरके विस्वास करबिय, उअ मोर करलि कमवासभ नहिँया करबिय हसे वकरसे फेनि जबड कामसभ करबिय, केहकेकि मुइ पिता लघिना जाइ बडहिँ। 13तोहरा मोर नाउँमा जथि मङबह उअ मुइ करबहिँ, ताकि पुतरमा पिताक महिमा परकट हखइ। 14यगर तोहरा मोर नाउँमा किहो मङबह जउँ, उअ मुइ करबहिँ।
पवितर-आत्माक बारेमा प्रतिग्या
15 “यगर तोहरा मोरके प्रेम करसह जउँ मोर आग्यासभ पालन करह। 16मुइ पितासाङे बिन्ति करबहिँ हसे हुने तोहराके दोसरे सल्लाह देलाहर देबसि तके हुने तोहारसाङे सबदिन रहबसि। 17हुने सत्यक आत्मा हखसि। संसार हुनेके स्विकार करे नाहिँ सकबिय, केहकेकि संसार नत हुनेके देखसइ, न जनसइ। बाकि तोहरा हुनेके जनसह, केहकेकि हुने तोहारसाङे रहससि हसे हुने तोहारमा बास करबसि।
18 “मुइ तोहराके टुवर बनाके नाहिँ छडबहिँ, मुइ तोहार लघिना यबहिँ। 19याबे इचिका जुन पाछा, संसार मोरके फेरि नाहिँ देखबिय, बाकि तोहरा देखबह। मुइ जिउते भेलेसे तोहरा फेनि जिउते रहबह। 20उअ दिन तोहरा जनबह कि, मुइ मोर पितामा बडहिँ, तोहरा मोरमा बडह हसे मुइ तोहारमा बडहिँ। 21मोरके प्रेम करलाहर उहे हखिय जुने मोर आग्या स्विकार करबिय हसे पालन करबिय। मोरके प्रेम करलहराके मोर पिता प्रेम करबसि। मुइ फेनि वकरेके प्रेम करबहिँ हसे मुइ यपनहिँके वकर लघिना परकट करबहिँ।”
22तब यहुदा इस्कोरियोत हइने, बाकि यहुदा नाउँक येसुजिक दोसरि चेलवा हुनेके कहलिय, “प्रभु, केहके यपनहुँ हमार लघिना यपनहिँके परकट करबहुँ, बाकि संसारक लघिना नाहिँ करबहुँ?”
23येसुजि वकरेके जवाफ देते कहलसि, “जुने मोरके प्रेम करतइ, उअ मोर वचन पालन करबिय। मोर पिता वकरेके प्रेम करबसि हसे हमरा वकर लघिना यबहुँ तके वकरसाङे बास करबहुँ। 24जुने मोरके प्रेम नाहिँ करबिय, उअ मोर वचन पालन नाहिँ करबिय। जुन वचनवा तोहरा सुनसह, उअ मोर हइने, बाकि मोरके पठोलहरा पिताक हखइ।
25 “इअ बतवासभ तोहारसाङे रहइकि मुइ तोहराके कहले हखहि। 26बाकि सल्लाह देलाहर, पवितर-आत्मा, जकरेके पिता मोर नाउँमा पठोबसि, हुने तोहराके जम्मे बतवा सिखोबसि हसे मोर कहलि जम्मे बतवा तोहराके सम्झा देबसि। 27मुइ तोहराके मोर सान्ति छाडदेबहिँ, मुइ यापन सान्ति तोहराके देबहिँ। संसारक देलि नहिँया मुइ तोहराके नाहिँ देबहिँ। तोहार हृदय व्याकुल झिन हखइ हसे तोहरा झिन डेरइह।
28 “मुइ ‘यहवाँसे जाइ बडहिँ हसे तोहार लघिना फिरके यबहिँ’ कहके मोर कहलि बतवा तोहरा सुनलह। यगर तोहरा मोरके प्रेम करले रहतह त, मुइ पिताक लघिना जाइ बडहिँ कहइकि सुनके तोहरा खुसि हखतह, केहकेकि पिता मोरसे महान बडसि। 29इअ बतवा हखलिक यगाहेसे मुइ तोहराके कहले बडहिँ, जब इअ हतइ तब तोहरा विस्वास करबह। 30याबे मुइ तोहारसाङे बहुत बात नाहिँ करबहिँ, केहकेकि इअ संसारक सासक यवइ बडिय। मोर वपरा वकर किहो अधिकार हइने बडइ। 31बाकि मुइ पिताके प्रेम करसहिँ हसे जम्मे कमवा हुनेक आग्या यनुसार करसहिँ कहके संसारक जम्मे मन्सावाह जाने परतइ।
“उठह, याबे हमरा यहवाँसे जाउँ।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. and Nepal Bible Society