ལུ་ཀ། 22
22
ཡེ་ཤུ་ལ་བསད་ཡས་ཀྱི་གྲོས།
(མད་ཐཱ། ༢༦:༡-༥,༡༤-༡༦; མར་ཀུ། ༡༤:༡-༢,༡༠-༡༡; ཡོ་ཧ་ནན། ༡༡:༤༥-༥༣)
1སྐྱུར་རྩི་མེད་ཀྱིན་གྱང་ག་བཟོ་གིན་ཡ་ཧུ་དཱ་པ་ཀྱ་ཡི་པེ་སག་གི་དུས་ཆེན་གོ་ཉེ་སླེབས་པ་ལགས། 2དེ་ནས་མཆོད་དཔོན་ཆེ་ཀྱ་དང་ཆོས་ཁྲིམས་ཀྱི་སློབ་དཔོན་ཀྱ་ཡིས་ཡེ་ཤུ་ལ་གང་གི་བྱས་རེ་བསད་དུ་བཅུག་ཡས་སྨྲས་རེ་ཐབས་ཤེས་བཙལ་ལི་འོད་ད་ལགས། གི་བྱས་རེ་སྨྲ་ན་ཁོང་ཀྱ་མི་མང་ཀྱ་ལ་འཇིགས་བ་ལགས། 3དེ་ནས་ཉེ་གནས་བཅུ་གཉིས་ནས་ཨཱིས་ཀ་རི་ཨཱོད་སྨྲ་གིན་ཡུ་དཱའི་སེམས་ནང་དུ་སཱ་ཏན་འཛུལ་བ་ལགས། 4ཁོ་མཆོད་དཔོན་ཆེ་ཀྱ་དང་མཆོད་ཁང་སྲུང་མཁན་ཀྱ་ཡི་དམག་དཔོན་ཀྱ་རྩ་རུ་སོང་རེ། ཡེ་ཤུ་ལ་ཁོང་ཀྱ་ཡི་ལག་ཀ་ལ་གང་གི་བྱས་རེ་རྩི་བརྒྱབ་ཡས་སྨྲས་རེ་གྲོས་བྱས་བ་ལགས། 5དེ་ནས་ཁོང་ཀྱ་ཉམ་མོ་དགྱེས་རེ་ཁོ་ལ་དངུལ་སྟེར་ཡས་ཀྱི་མནའ་བསྐྱལ་བ་ལགས། 6དེ་ནས་ཁོ་ཁ་འཆམ་ཏེ་མི་ཚོགས་མེད་དེ་གང་ལ་ཁོང་པ་ལ་ཁོང་ཀྱ་ཡི་ལག་ཀ་ལ་རྩི་བརྒྱབ་ཡས་ཀྱི་གོ་སྐབས་བཙལ་བ་ལགས།
ཉེ་གནས་ཀྱ་མུ་ལ་པེ་སག་གི་དུས་ཆེན།
(མད་ཐཱ། ༢༦:༡༧-༢༥; མར་ཀུ། ༡༤:༡༢-༢༡; ཡོ་ཧ་ནན། ༡༣:༢༡-༣༠)
7ད་པེ་སག་གི་ལུག་ཕྲུག་ལ་དམར་མཆོད་འབུལ་གྱིན་སྐྱུར་རྩི་མེད་ཀྱིན་གྱང་ག་བཟོ་གིན་ཉིན་མ་གོ་སླེབས་པ་ལགས། 8འོ་བྱས་རེ་ཡེ་ཤུ་ཡིས་པེ་ཏྲོ་དང་ཡོ་ཧ་ནན་ལ་དེ་རེ་གསུངས་རེ་བརྫངས་བ་ལགས། སོང་རེ་འོ་རང་གི་ཕྱིར་ལ་པེ་སག་གི་དུས་ཆེན་གྱི་ཟ་རྒྱུ་གྲ་སྒྲིག་བྱེད།
9ཁོང་གཉིས་ཀྱིས་ཁོང་པ་ལ་ཞུས་བ་ལགས། འེ་ཀྱ་དེ་ག་རུ་གྲ་སྒྲིག་བྱེད་ཡས།
10ཁོང་པ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱ་རྒྱལ་ས་ནང་དུ་སླེབས་ཏེ་ཆུ་ཏོམ་ལ་ཆུ་ཁྱེར་ཏེ་རྒྱུག་གིན་མི་གཅིག་ཁྱེད་ཀྱ་ལ་ཐུག་གི་ལགས། དེ་ནས་ཁོ་འགྲོ་ས་ནང་ཐུག་པའི་ཁྱེད་ཀྱ་ཁོའི་གཤམ་ལ་སོང་། 11དེ་ནས་འོ་དེ་ཁང་པའི་བདག་པོ་ལ་སྨྲོས། དགེ་ལགས་ཀྱིས་ཁྱེད་རང་ལ་གསུངས་སོང་། ང་ངའི་ཉེ་གནས་ཀྱ་མུ་ལ་པེ་སག་གི་དུས་ཆེན་གྱི་མགྲོན་གོ་ཟ་ས་ནང་གོ་ག་རུ་ལེ། 12དེ་ནས་ཁོས་ཁྱེད་ཀྱ་ལ་ཁང་པ་སྟོད་ཡོག་ལ་གྲ་སྒྲིག་བྱས་རེ་བཞག་ས་ནང་ཆེ་གཅིག་སྟོན་གྱི་ལགས། དེ་ནས་འོ་དུ་རུ་རང་གྲ་སྒྲིག་བྱེད། 13དེ་ནས་ཁོང་ཀྱ་སོང་བ་ལགས། དེ་ནས་ཁོང་པ་ཡིས་གསུངས་ཀྱིན་ཅོག་རེ་ཐུག་པ་ལགས། དེ་ནས་ཁོང་ཀྱ་ཡིས་མགྲོན་གོ་གྲ་སྒྲིག་བྱས་བ་ལགས།
གཙོ་བོའི་ཞལ་ལག།
(མད་ཐཱ། ༢༦:༢༦-༣༠; མར་ཀུ། ༡༤:༢༢-༢༦; ༡ ཀོ་རིན་ཐུ་པ། ༡༡:༢༣-༢༥)
14དེ་ནས་དུས་ཚོད་བྱུང་བའི་གང་ལ་ཡེ་ཤུ་ཉེ་གནས་བཅུ་གཉིས་ཀྱ་ཡི་མུ་ལ་ཞལ་ལག་བཞེས་ཡས་ལ་བཞུགས་པ་ལགས། 15ཁོང་པ་ཡིས་ཁོང་ཀྱ་ལ་གསུངས་བ་ལགས། ང་སྡུག་པོ་མྱངས་ཡས་ཀྱི་ཨེན་ལ་ཁྱེད་ཀྱ་མུ་ལ་འདི་པེ་སག་གི་དུས་ཆེན་གྱི་ཞལ་ལག་དེ་ཟ་ཡས་ལ་ངས་སྙིང་ཐག་པ་ནས་འདོད་པའི། 16གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། དཀོན་མཆོག་གི་རྒྱལ་སྲིད་དུ་དེ་མ་འགྲུབ་ཀྱིན་ཐུག་པའི་ང་ཡང་ད་འདི་ཞལ་ལག་དེ་ཟ་ཡས་མིན།
17དེ་ནས་ཁོང་པ་ཡིས་ཞལ་དཀར་ཕྱག་ལ་བསྣུམས་ཏེ་དཀོན་མཆོག་ལ་ཐུགས་རྗེ་ཆེ་ཕུལ་རེ་གསུངས་བ་ལགས། དེ་ལེན། དེ་ནས་ཁྱེད་རང་ཀྱ་ནང་དུ་བགོས། 18གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། དཀོན་མཆོག་གི་རྒྱལ་སྲིད་མེད་ཡོང་གིན་ཐུག་པའི་དི་རིང་ནས་ཧ་ལ་ང་རྒུན་འབྲུམ་གྱི་ཁུ་བ་འཐུང་ཡས་མིན།
19དེ་ནས་ཁོང་པ་ཡིས་གྱང་ག་གཅིག་ཕྱག་ལ་བསྣུམས་ཏེ་དཀོན་མཆོག་ལ་ཐུགས་རྗེ་ཆེ་ཕུལ་རེ་བཅག་པ་ལགས། དེ་ནས་ཁོང་ཀྱ་ལ་དེ་རེ་གསུངས་རེ་གནང་བ་ལགས། དེ་ཁྱེད་ཀྱ་ཡི་དོན་དུ་སྦྱིན་པ་བཏང་ཏ་ངའི་ལུས་ལགས། ང་ལ་དྲན་གསོ་བྱེད་ཡས་ལ་ཁྱེད་ཀྱ་དེ་རེ་བྱེད།
20འོ་བྱས་རེ་རང་ཞལ་ལག་བཞེས་ཚར་ཏེ་ཁོང་པ་ཡིས་ཞལ་དཀར་བསྣུམས་ཏེ་གསུངས་བ་ལགས། འདི་ཕོ་ར་དེ་ཁྱིད་ཀྱི་དོན་དུ་བླུགས་ལ་ངའི་ཁྲག་གི་སྒོ་ནས་དམ་བཅའ་གསར་པ་གོ་ལགས། 21ཡིན་ནའང་ལྟོས། ང་ལ་དགྲའི་ལག་ཀ་ལ་རྩི་བརྒྱབ་ཏུ་བཅུག་མཁན་མི་གོ་ངའི་མུ་ལ་རང་ཞལ་ལག་ལ་བསྡད་འདུག། 22གི་བྱས་རེ་སྨྲ་ན་ཐག་བཅད་ཅ་གོ་ལ་བརྩིས་རེ་མིའི་བུ་འགྲོ་གི་ལགས། ཡིན་ནའང་ཁོ་ལ་དགྲ་ཀྱ་ཡི་ལག་ཀ་ལ་རྩི་བརྒྱབ་མཁན་མི་གོ་མྱངས་བ་ལི། 23དེ་ནས་ཁོ་རང་ཀྱ་ནས་སུས་དེ་རེ་ལས་ཀ་བྱེད་ཡས་ཡིན་གྲོའི་སྨྲས་རེ་ཉེ་གནས་ཀྱ་ཡིས་གཅིག་གིས་གཅིག་ལ་དྲིས་བ་ལགས།
ཆེ་ཤོས་སུ་ཡིན་གྱིན་གྱི་སྐོར་ལ།
(མད་ཐཱ། ༢༠:༢༥-༢༨;༡༩:༢༨; མར་ཀུ། ༡༠:༤༢-༤༥)
24ད་ཉེ་གནས་ཀྱ་ནས་ཆེ་ཤོས་སུ་ཡིན་གྱིན་གྱི་སྐོར་ལ་ཁོང་ཀྱ་གུང་དུ་རྩོད་པ་ཤོར་པ་ལགས། 25དེ་ནས་ཡེ་ཤུ་ཡིས་ཁོང་ཀྱ་ལ་གསུངས་བ་ལགས། མི་རིགས་གཞན་མ་ཀྱ་ཡི་རྒྱལ་བོ་ཀྱ་ཁོང་ཀྱ་ཁར་ལ་དབང་བྱེད་ད་ལགས། དེ་ནས་ཁོང་ཀྱ་ཁར་ལ་དབང་བྱེད་མཁན་ཀྱ་ལ་དྲིན་ཅན་སྨྲ་ལགས། 26ཡིན་ནའང་ཁྱེད་ཀྱ་གོ་དེ་ཅོག་རེ་མ་བྱེད། ཁྱེད་ཀྱ་ནས་ཆེ་ཤོས་ཡིན་གྱིན་གོ་ཆུང་ཤོས་ཅོག་རེ་འབྱུང་དགོས། དེ་ནས་དཔོན་པོ་གོ་གཡོག་པོ་ཅོག་རེ་འབྱུང་དགོས། 27ཟ་མ་ཟ་མཁན་དང་ཞབས་ཕྱི་ཞུ་མཁན་གོ་ནས་སུ་ཆེ་ལེ། ཟ་མ་ཟ་མཁན་གོ་མ་ལེ། ཡིན་ནའང་ལྟོས། ང་ཁྱེད་ཀྱ་ཡི་གུང་དུ་ཞབས་ཕྱི་ཞུ་མཁན་ཅོག་རེ་ཡིན།
28ང་ལ་སྡུག་པོ་བྱུང་བའི་གང་ལ་ངའི་མུ་ལ་བསྡད་མཁན་གོ་ཁྱེད་ཀྱ་ལགས། 29ངའི་ཡབ་ཀྱིས་ང་ལ་རྒྱལ་སྲིད་གཅིག་གནང་གིན་ཅོག་རེ་ངའང་ཁྱེད་ཀྱ་ལ་སྟེར་ར་ཡིན། 30དེ་ནས་ཁྱེད་ཀྱ་ངའི་རྒྱལ་སྲིད་དུ་ངའི་མུ་ལ་ཟ་འཐུང་བྱེད་ཀྱི་ལགས། དེ་ནས་བཞུགས་ཁྲི་ཀྱ་ལ་བསྡད་དེ་ཡིས་ར་ཨེལ་གྱི་བརྒྱུད་པ་བཅུ་གཉིས་ཀྱི་ཁར་ལ་ཁྲིམས་བྱེད་ཀྱི་ལགས།
པེ་ཏྲོ་ཡིས་གཙོ་བོ་ལ་ཁས་མེད་ལེན་གྱིན་སྐོར་ལ་མངོན་ཤེས།
(མད་ཐཱ། ༢༦:༣༡-༣༥; མར་ཀུ། ༡༤:༢༧-༣༡; ཡོ་ཧ་ནན། ༡༣:༣༦-༣༨)
31འོ་དེ་གཤམ་ནས་ཡེ་ཤུ་ཡིས་གསུངས་བ་ལགས། སི་མོན། སི་མོན། དུ་རུ་ཉན། སཱ་ཏན་གྱིས་ཁྱོད་ལ་གྲོ་ཅོག་རེ་འོ་འཕྱར་ཡས་ལ་ཞུས་འདུག། 32ཡིན་ནའང་ཁྱོའི་དད་པ་མ་ཡལ་བ་ཤོག་སྨྲས་རེ་ངས་ཁྱོའི་ཕྱིར་ལ་གསོལ་བ་བཏབ་པའི། དེ་ནས་ཁྱོའི་སེམས་བསྒྱུར་ཚར་ཏེ་ཁྱོད་རི་སྤུན་ཀྱ་ལ་བརྟན་པོ་བཟོས།
33དེ་ནས་པེ་ཏྲོ་ཡིས་སྨྲས་བ་ལགས། གཙོ་བོ། ང་ཁྱེད་རང་མུ་ལ་བཙོན་ཁང་དུ་འགྲོ་ཡས་དང་ཤི་ཡས་ལའང་གྲ་སྒྲིག་འོད།
34ཡེ་ཤུ་ཡིས་གསུངས་བ་ལགས། པེ་ཏྲོ། ང་ཁྱོད་ལ་སྨྲ་ཡིན། ཉེ་དྲོ་སྔ་རོག་བྱ་ཕོ་སྐད་མ་བརྒྱབ་ཀྱིན་ཨེན་ལ་ཁྱོས་ང་ལ་ལེ་མོ་གསུམ་ཁས་མེད་ལེན་གྱི་ལགས།
ཁུག་མ་དང་རས་ཁུག་དང་རལ་གྲི།
35དེ་ནས་ཡེ་ཤུ་ཡིས་གསུངས་བ་ལགས། ངས་ཁྱེད་ཀྱ་ལ་ཁུག་མ་ཡང་ན་རས་ཁུག་ཡང་ན་པོ་ལེ་མ་ཁྱེར་ར་བརྫངས་བའི་གང་ལ་ཁྱེད་ཀྱ་ལ་མེད་ཚང་གིན་རེ་བྱུང་སེ།
ཁོང་ཀྱ་ཡིས་སྨྲས་བ་ལགས། མ་བྱུང་སོང་།
36ཁོང་པ་ཡིས་གསུངས་བ་ལགས། ཡིན་ནའང་དེ་ནས་ཧ་ལ་ཁྱོད་རི་ཁུག་མ་དང་རས་ཁུག་ཁྱེར། དེ་ནས་ཁྱོད་ལ་རལ་གྲི་མེད་ན་ཁྱོད་རི་གཟན་གོ་བཙོངས་རེ་རལ་གྲི་གཅིག་ཉོས། 37གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། ཆོས་ཁྲིམས་ལ་ཁོ་ཇག་པ་ཀྱ་ཡི་མུ་ལ་བརྩིས་བ་ལགས།#ཡེ་ཤ་ཡཱ། ༥༣:༡༢ སྨྲས་རེ་བྲིས་བྲ་གོ་ང་ལ་འགྲུབ་དགོས་གུ་ལགས། དེ་ནས་བདེན་པ་རང་ངའི་སྐོར་ལ་བྲིས་བྲ་ཀྱ་འགྲུབ་པ་ལགས།
38དེ་ནས་ཉེ་གནས་ཀྱ་ཡིས་སྨྲས་བ་ལགས། གཙོ་བོ། གཟིགས་རོགས་གནང་། དུ་རུ་རལ་གྲི་གཉིས་འོད།
ཁོང་པ་ཡིས་གསུངས་བ་ལགས། འོ་དེ་འོད་ན་སྒྲིག་གུ་ལགས།
སྐྱུར་རུ་ཤིང་གི་རི་རུ་ཡེ་ཤུ་ཡིས་གསོལ་བ་བཏབ་པ།
(མད་ཐཱ། ༢༦:༣༦-༤༦; མར་ཀུ། ༡༤:༣༢-༤༢)
39ཉིན་མ་ཏེན་ཀྱ་ཅོག་རེ་ཡེ་ཤུ་རྒྱལ་ས་ནས་ཐོན་མཛད་དེ་སྐྱུར་རུ་ཤིང་གི་རི་རུ་ཕེབས་པ་ལགས། དེ་ནས་ཉེ་གནས་ཀྱ་ཁོང་པ་ཡི་གཤམ་པ་ལ་འབྲངས་བ་ལགས། 40འོ་དེ་ས་ཆ་དུ་སླེབས་ཏེ་ཁོང་པ་ཡིས་ཉེ་གནས་ཀྱ་ལ་གསུངས་བ་ལགས། ཁྱེད་ཀྱ་ཚོད་ལྟ་ལ་མ་ཆུད་ད་ཤོག་སྨྲས་རེ་གསོལ་བ་རྒྱོབ།
41དེ་ནས་ཡེ་ཤུ་ཁོང་ཀྱ་བསྡད་ས་ནས་ཅི་མེ་ཧ་ལ་ཕེབས་ཏེ་པུས་མོ་ས་ལ་བཙུགས་ཏེ་དེ་རེ་གསོལ་བ་བཏབ་པ་ལགས། 42ངའི་ཡབ། ཁྱེད་རང་གི་ཐུགས་དགོངས་འོད་ན་འདི་སྡུག་པོའི་ཕོ་ར་དེ་ང་ནས་ཧ་ལ་བསྣུམས་མ་མཛད། ཡིན་ནའང་ངའི་འདོད་པ་མིན་ད་ཁྱེད་རང་གི་ཐུགས་དགོངས་འགྲུབ་པར་ཤོག།
43དེ་ནས་ནམ་མཁའི་ཞིང་ཁམས་ནས་ནམ་མཁའི་བང་ཆེན་གཅིག་ཕེབས་ཏེ་ཁོང་པ་ལ་ཤུགས་གནང་བ་ལགས། 44ཁོང་པ་ཡི་སེམས་དམི་ཅིག་གི་སྡུག་པོ་ཡིས་ཁངས་རེ་ཁོང་པ་ཡི་སྙིང་ཐག་པ་ནས་གསོལ་བ་བཏབ་པ་ལགས། དེ་ནས་ཁོང་པ་ཡི་རྔུལ་ནག་ཁྲག་གི་ཐིགས་པ་ཅོག་རེ་ས་ལ་ཐིགས་པ་ལགས།#༢༢:༤༤ ཨེན་མའི་གསུང་རབ་ཀྱ་ལ་རིང་འགའ་ལ་ ༤༣ དང་ ༤༤ བྲིས་མེད་ད་ལགས། 45དེ་ནས་ཡེ་ཤུ་གསོལ་བ་བཏབ་ཚར་ཏེ་ཡར་ལ་བཞེངས་ཏེ་ཉེ་གནས་ཀྱ་རྩ་རུ་ཕེབས་པ་ལགས། དེ་ནས་འོ་དུ་རུ་ཁོང་ཀྱ་སྡུང་ང་ཡིས་བྱས་རེ་ཐང་ཆད་དེ་གཉིད་ལོག་སྟེ་བསྡད་ཀྱིན་གཟིགས་པ་ལགས། 46དེ་ནས་ཁོང་པ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱ་གི་བྱས་རེ་ཉལ་རེ་བསྡད་ད་ལེ། ལོངས། དེ་ནས་ཚོད་ལྟ་ལ་མི་ཆུད་ཡས་ཀྱི་ཆེད་དུ་གསོལ་བ་རྒྱོབ།
ཡེ་ཤུ་ཟིམ་པ།
(མད་ཐཱ། ༢༦:༤༧-༥༦; མར་ཀུ། ༡༤:༤༣-༥༠; ཡོ་ཧ་ནན། ༡༨:༣-༡༡)
47ཡེ་ཤུ་ཡིས་བཀའ་མོལ་གསུངས་བའི་གང་ལ་ཉེ་གནས་བཅུ་གཉིས་ནས་ཡུ་དཱ་སྨྲ་གིན་གྱིས་མི་ཚོགས་ཆེ་གཅིག་ཁྲིད་དེ་འོ་དུ་རུ་འོངས་བ་ལགས། ཁོ་ཡེ་ཤུ་ལ་འོ་བྱེད་ཡས་ལ་ཁོང་པ་ཡི་བོ་ལོག་ཏུ་སོང་བ་ལགས། 48ཡིན་ནའང་ཡེ་ཤུ་ཡིས་ཁོ་ལ་གསུངས་བ་ལགས། ཡུ་དཱ། ཁྱོད་མིའི་བུ་ལ་འོ་བྱས་རེ་ངོ་ལོག་བྱེད་གུ་ལེ།
49དེ་ནས་ཁོང་པ་ཡི་མཐའ་འཁོར་ལ་འོད་མཁན་ཀྱ་ཡིས་གི་འབྱུང་ཡས་བྱེད་ཀྱིན་གོ་མཐོང་རེ་སྨྲས་བ་ལགས། གཙོ་བོ། འེ་ཀྱ་རལ་གྲི་བེད་སྤྱོད་བྱེད་གུའི། 50དེ་ནས་ཉེ་གནས་ཀྱ་ནས་གཅིག་གིས་གཙོ་མཆོད་དཔོན་གྱི་གཡོག་པོ་གཅིག་ལ་རལ་གྲི་བརྒྱབ་སྟེ་འོ་དེའི་གཡས་ཕྱོགས་ཀྱི་ཨམ་མཆོག་གོ་བཅད་པ་ལགས།
51ཡིན་ནའང་ཡེ་ཤུ་ཡིས་གསུངས་བ་ལགས། དེ་རེ་མ་བྱེད། དེ་ནས་འོ་དེ་མིའི་ཨམ་མཆོག་ལ་འཇུས་རེ་ཁོང་པ་ཡིས་འོ་དེ་ལ་བཅོས་ག་མཛད་པ་ལགས།
52དེ་ནས་ཁོང་པ་ལ་ཟིམ་དུ་འོང་གིན་མཆོད་དཔོན་ཆེ་ཀྱ་དང་མཆོད་ཁང་སྲུང་མཁན་ཀྱ་ཡིས་དམག་དཔོན་དང་། གཞན་མ་འགོ་ཁྲིད་ཀྱ་ལ་ཁོང་པ་ཡིས་གསུངས་བ་ལགས། ཁྱེད་ཀྱ་ཇག་པ་གཅིག་ཟིམ་དུ་འོང་གིན་ཅོག་རེ་རྒྱུག་པ་དང་རལ་གྲི་ཁྱེར་ཏེ་འོངས་ང་ལེ། 53ང་ཉིན་མ་ཏེན་ཀྱ་མཆོད་ཁང་དུ་ཁྱེད་ཀྱ་མུ་ལ་འོད་དེ་གང་ལ་ཁྱེད་ཀྱ་ཡིས་ང་ལ་མ་ཟིམ་པ་ལགས། ཡིན་ནའང་ད་ལྟ་ཁྱེད་ཀྱ་ཡི་དུས་ཚོད་ལགས། དེ་ནས་མུན་ནག་གི་དབང་ལགས།
པེ་ཏྲོ་ཡིས་ཡེ་ཤུ་ལ་ཁས་ལེན་མ་བྱས་བ།
(མད་ཐཱ། ༢༦:༥༧-༥༨,༦༩-༧༥; མར་ཀུ། ༡༤:༥༣-༥༤,༦༦-༧༢; ཡོ་ཧ་ནན། ༡༨:༡༢-༡༨,༢༥-༢༧)
54དེ་ནས་ཁོང་ཀྱ་ཡིས་ཡེ་ཤུ་ལ་ཟིམ་ཏེ་གཙོ་མཆོད་དཔོན་གྱི་ནང་དུ་ཁྲིད་དེ་སོང་བ་ལགས། དེ་ནས་པེ་ཏྲོ་རྒྱང་ནས་གཤམ་པ་ལ་འབྲངས་རེ་སོང་བ་ལགས། 55འོ་དུ་རུ་སྒོ་རའི་གུང་དུ་མི་ཀྱ་མེ་བཏང་རེ་བསྡད་འོད་ད་ལགས། དེ་ནས་པེ་ཏྲོ་ཁོང་ཀྱ་མུ་ལ་བསྡད་པ་ལགས། 56དེ་ནས་གཡོག་མོ་གཅིག་གིས་ཁོ་ལ་མེའི་འོད་ལ་བསྡད་ཀྱིན་མཐོང་རེ་ག་མོ་མ་ཞིབས་ལྟ་བྱས་རེ་བལྟས་རེ་སྨྲས་བ་ལགས། འདི་མི་དེའང་ཁོ་མུ་ལ་འོད་ད་ལགས།
57ཡིན་ནའང་པེ་ཏྲོ་ཡིས་དེ་རེ་སྨྲས་བ་ལགས། བུ་མོ། ང་ཁོང་ལ་ངོ་མེད་ཤེས་འོད།
58ཅི་མེ་གཅིག་ནས་གཞན་མ་གཅིག་གིས་ཁོ་ལ་མཐོང་རེ་སྨྲས་བ་ལགས། ཁྱོད་འང་ཁོང་ཀྱ་ནས་གཅིག་ལགས།
ཡིན་ནའང་པེ་ཏྲོ་ཡིས་སྨྲས་བ་ལགས། ང་མ་ལགས།
59དེ་ནས་ཆུ་ཚོད་གཅིག་འགྱངས་རེ་མི་གཞན་མ་གཅིག་གིས་ཨུ་ཚུགས་བྱས་རེ་སྨྲས་བ་ལགས། བདེན་པ་རང་འདི་མི་དེ་ཁོའི་མུ་ལ་འོད་ད་ལགས། གི་བྱས་རེ་སྨྲ་ན་ཁོའང་ག་ལིལ་པ་ལགས།
60ཡིན་ནའང་པེ་ཏྲོ་ཡིས་སྨྲས་བ་ལགས། ཁྱོད་གིན་གྱི་སྐོར་ལ་ལབ་བཏང་ང་ལེ། ང་ལ་ཤེས་ཡས་མེད། དེ་ནས་ལམ་སང་ཁོ་ལབ་བཏང་བའི་གང་ལ་བྱ་ཕོ་སྐད་བརྒྱབ་པ་ལགས། 61དེ་ནས་གཙོ་བོ་ཡིས་ཞལ་བསྒྱུར་ཏེ་པེ་ཏྲོ་ལ་གཟིགས་པ་ལགས། དི་རིང་བྱ་སྐད་བརྒྱབ་ཡས་ཨེན་ལ་ཁྱོས་ང་ལ་ལན་མོ་གསུམ་ཁས་མེད་ལེན་གྱི་ལགས་སྨྲས་རེ་གཙོ་བོ་ཡིས་གསུངས་ཀྱིན་གོ་ཁོས་དྲན་པ་ལགས། 62དེ་ནས་ཁོ་ཕི་ལ་ཐོན་ཏེ་དམི་ཅིག་གི་ངུས་བ་ལགས།
ཡེ་ཤུ་ལ་སྨད་སྤྲ་པབ་པ།
(མད་ཐཱ། ༢༦:༦༧,༦༨; མར་ཀུ། ༡༤:༦༥)
63དེ་ནས་ཡེ་ཤུ་ལ་སྲུང་གིན་དམག་མི་ཀྱ་ཡིས་ཁོང་པ་ལ་སྨད་སྤྲ་བབས་ཏེ་བརྡུངས་བ་ལགས། 64དེ་ནས་ཁོང་པ་ཡི་སྤྱན་ལ་རས་ཀྱིས་བཀབ་སྟེ་དྲིས་བ་ལགས། ཁྱོད་ལ་བརྡུངས་མཁན་གོ་སུ་ལེ། མངོན་ཤེས་ཤོད། 65དེ་ནས་ཁོང་ཀྱ་ཡིས་ཁོང་པ་ལ་གཞན་མ་སྨད་སྤྲ་བབས་ཀྱིན་ལབ་མང་ང་བཏང་བ་ལགས།
ཚོགས་འདུའི་གདོང་དུ་ཡེ་ཤུ།
(མད་ཐཱ། ༢༦:༥༩-༦༦; མར་ཀུ། ༡༤:༥༥-༦༤; ཡོ་ཧ་ནན། ༡༨:༡༩-༢༤)
66ནམ་ལངས་རེ་མཆོད་དཔོན་ཆེ་ཀྱ་དང་ཆོས་ཁྲིམས་ཀྱི་སློབ་དཔོན་ཀྱ་ཚོགས་འདུ་འཛོམས་པ་ལགས། དེ་ནས་ཁོང་ཀྱ་ཡིས་ཡེ་ཤུ་ལ་ཚོགས་འདུ་རུ་ཁྲིད་དེ་སྨྲས་བ་ལགས། 67ཁྱོད་མཱ་ཤི་ཀ་གོ་ཡིན་ན། འེ་ཀྱ་ལ་ཤོད།
ཡིན་ནའང་ཁོང་པ་ཡིས་ཁོང་ཀྱ་ལ་གསུངས་བ་ལགས། ངས་སྨྲ་ནའང་ཁྱེད་ཀྱ་ཡིས་ང་ལ་ཡིད་ཆེས་བྱེད་གུ་མ་ལགས། 68དེ་ནས་ངས་དྲི་བ་དྲིས་ནའང་ཁྱེད་ཀྱ་ཡིས་ལན་སྟེར་གུ་མ་ལགས། 69ཡིན་ནའང་དི་རིང་ནས་ཧ་ལ་མིའི་བུ་ནི་ཀུན་དབང་དཀོན་མཆོག་གི་ཕྱག་གཡས་ཕྱོགས་ལ་བཞུགས་ཀྱི་ལགས།
70དེ་ནས་ཁོང་གི་རི་ཡིས་སྨྲས་བ་ལགས། དེ་རེ་ཡིན་ན། ཁྱོད་དཀོན་མཆོག་གི་སྲས་ལེ།
ཁོང་པ་ཡིས་ཁོང་ཀྱ་ལ་གསུངས་བ་ལགས། ང་ཡིན་གྱིན་གོ་ཁྱེད་ཀྱ་རང་སྨྲ་ལགས།
71དེ་ནས་ཁོང་ཀྱ་ཡིས་སྨྲས་བ་ལགས། ད་འོ་རང་ལ་དཔང་པོ་གཞན་མ་གི་དགོས་ཡས་འདུག་བོ། ཁོའི་ཁ་ནས་རང་འོ་རི་དེ་གོ་སོང་།།
S'ha seleccionat:
ལུ་ཀ། 22: LOY
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. and Nepal Bible Society
ལུ་ཀ། 22
22
ཡེ་ཤུ་ལ་བསད་ཡས་ཀྱི་གྲོས།
(མད་ཐཱ། ༢༦:༡-༥,༡༤-༡༦; མར་ཀུ། ༡༤:༡-༢,༡༠-༡༡; ཡོ་ཧ་ནན། ༡༡:༤༥-༥༣)
1སྐྱུར་རྩི་མེད་ཀྱིན་གྱང་ག་བཟོ་གིན་ཡ་ཧུ་དཱ་པ་ཀྱ་ཡི་པེ་སག་གི་དུས་ཆེན་གོ་ཉེ་སླེབས་པ་ལགས། 2དེ་ནས་མཆོད་དཔོན་ཆེ་ཀྱ་དང་ཆོས་ཁྲིམས་ཀྱི་སློབ་དཔོན་ཀྱ་ཡིས་ཡེ་ཤུ་ལ་གང་གི་བྱས་རེ་བསད་དུ་བཅུག་ཡས་སྨྲས་རེ་ཐབས་ཤེས་བཙལ་ལི་འོད་ད་ལགས། གི་བྱས་རེ་སྨྲ་ན་ཁོང་ཀྱ་མི་མང་ཀྱ་ལ་འཇིགས་བ་ལགས། 3དེ་ནས་ཉེ་གནས་བཅུ་གཉིས་ནས་ཨཱིས་ཀ་རི་ཨཱོད་སྨྲ་གིན་ཡུ་དཱའི་སེམས་ནང་དུ་སཱ་ཏན་འཛུལ་བ་ལགས། 4ཁོ་མཆོད་དཔོན་ཆེ་ཀྱ་དང་མཆོད་ཁང་སྲུང་མཁན་ཀྱ་ཡི་དམག་དཔོན་ཀྱ་རྩ་རུ་སོང་རེ། ཡེ་ཤུ་ལ་ཁོང་ཀྱ་ཡི་ལག་ཀ་ལ་གང་གི་བྱས་རེ་རྩི་བརྒྱབ་ཡས་སྨྲས་རེ་གྲོས་བྱས་བ་ལགས། 5དེ་ནས་ཁོང་ཀྱ་ཉམ་མོ་དགྱེས་རེ་ཁོ་ལ་དངུལ་སྟེར་ཡས་ཀྱི་མནའ་བསྐྱལ་བ་ལགས། 6དེ་ནས་ཁོ་ཁ་འཆམ་ཏེ་མི་ཚོགས་མེད་དེ་གང་ལ་ཁོང་པ་ལ་ཁོང་ཀྱ་ཡི་ལག་ཀ་ལ་རྩི་བརྒྱབ་ཡས་ཀྱི་གོ་སྐབས་བཙལ་བ་ལགས།
ཉེ་གནས་ཀྱ་མུ་ལ་པེ་སག་གི་དུས་ཆེན།
(མད་ཐཱ། ༢༦:༡༧-༢༥; མར་ཀུ། ༡༤:༡༢-༢༡; ཡོ་ཧ་ནན། ༡༣:༢༡-༣༠)
7ད་པེ་སག་གི་ལུག་ཕྲུག་ལ་དམར་མཆོད་འབུལ་གྱིན་སྐྱུར་རྩི་མེད་ཀྱིན་གྱང་ག་བཟོ་གིན་ཉིན་མ་གོ་སླེབས་པ་ལགས། 8འོ་བྱས་རེ་ཡེ་ཤུ་ཡིས་པེ་ཏྲོ་དང་ཡོ་ཧ་ནན་ལ་དེ་རེ་གསུངས་རེ་བརྫངས་བ་ལགས། སོང་རེ་འོ་རང་གི་ཕྱིར་ལ་པེ་སག་གི་དུས་ཆེན་གྱི་ཟ་རྒྱུ་གྲ་སྒྲིག་བྱེད།
9ཁོང་གཉིས་ཀྱིས་ཁོང་པ་ལ་ཞུས་བ་ལགས། འེ་ཀྱ་དེ་ག་རུ་གྲ་སྒྲིག་བྱེད་ཡས།
10ཁོང་པ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱ་རྒྱལ་ས་ནང་དུ་སླེབས་ཏེ་ཆུ་ཏོམ་ལ་ཆུ་ཁྱེར་ཏེ་རྒྱུག་གིན་མི་གཅིག་ཁྱེད་ཀྱ་ལ་ཐུག་གི་ལགས། དེ་ནས་ཁོ་འགྲོ་ས་ནང་ཐུག་པའི་ཁྱེད་ཀྱ་ཁོའི་གཤམ་ལ་སོང་། 11དེ་ནས་འོ་དེ་ཁང་པའི་བདག་པོ་ལ་སྨྲོས། དགེ་ལགས་ཀྱིས་ཁྱེད་རང་ལ་གསུངས་སོང་། ང་ངའི་ཉེ་གནས་ཀྱ་མུ་ལ་པེ་སག་གི་དུས་ཆེན་གྱི་མགྲོན་གོ་ཟ་ས་ནང་གོ་ག་རུ་ལེ། 12དེ་ནས་ཁོས་ཁྱེད་ཀྱ་ལ་ཁང་པ་སྟོད་ཡོག་ལ་གྲ་སྒྲིག་བྱས་རེ་བཞག་ས་ནང་ཆེ་གཅིག་སྟོན་གྱི་ལགས། དེ་ནས་འོ་དུ་རུ་རང་གྲ་སྒྲིག་བྱེད། 13དེ་ནས་ཁོང་ཀྱ་སོང་བ་ལགས། དེ་ནས་ཁོང་པ་ཡིས་གསུངས་ཀྱིན་ཅོག་རེ་ཐུག་པ་ལགས། དེ་ནས་ཁོང་ཀྱ་ཡིས་མགྲོན་གོ་གྲ་སྒྲིག་བྱས་བ་ལགས།
གཙོ་བོའི་ཞལ་ལག།
(མད་ཐཱ། ༢༦:༢༦-༣༠; མར་ཀུ། ༡༤:༢༢-༢༦; ༡ ཀོ་རིན་ཐུ་པ། ༡༡:༢༣-༢༥)
14དེ་ནས་དུས་ཚོད་བྱུང་བའི་གང་ལ་ཡེ་ཤུ་ཉེ་གནས་བཅུ་གཉིས་ཀྱ་ཡི་མུ་ལ་ཞལ་ལག་བཞེས་ཡས་ལ་བཞུགས་པ་ལགས། 15ཁོང་པ་ཡིས་ཁོང་ཀྱ་ལ་གསུངས་བ་ལགས། ང་སྡུག་པོ་མྱངས་ཡས་ཀྱི་ཨེན་ལ་ཁྱེད་ཀྱ་མུ་ལ་འདི་པེ་སག་གི་དུས་ཆེན་གྱི་ཞལ་ལག་དེ་ཟ་ཡས་ལ་ངས་སྙིང་ཐག་པ་ནས་འདོད་པའི། 16གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། དཀོན་མཆོག་གི་རྒྱལ་སྲིད་དུ་དེ་མ་འགྲུབ་ཀྱིན་ཐུག་པའི་ང་ཡང་ད་འདི་ཞལ་ལག་དེ་ཟ་ཡས་མིན།
17དེ་ནས་ཁོང་པ་ཡིས་ཞལ་དཀར་ཕྱག་ལ་བསྣུམས་ཏེ་དཀོན་མཆོག་ལ་ཐུགས་རྗེ་ཆེ་ཕུལ་རེ་གསུངས་བ་ལགས། དེ་ལེན། དེ་ནས་ཁྱེད་རང་ཀྱ་ནང་དུ་བགོས། 18གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། དཀོན་མཆོག་གི་རྒྱལ་སྲིད་མེད་ཡོང་གིན་ཐུག་པའི་དི་རིང་ནས་ཧ་ལ་ང་རྒུན་འབྲུམ་གྱི་ཁུ་བ་འཐུང་ཡས་མིན།
19དེ་ནས་ཁོང་པ་ཡིས་གྱང་ག་གཅིག་ཕྱག་ལ་བསྣུམས་ཏེ་དཀོན་མཆོག་ལ་ཐུགས་རྗེ་ཆེ་ཕུལ་རེ་བཅག་པ་ལགས། དེ་ནས་ཁོང་ཀྱ་ལ་དེ་རེ་གསུངས་རེ་གནང་བ་ལགས། དེ་ཁྱེད་ཀྱ་ཡི་དོན་དུ་སྦྱིན་པ་བཏང་ཏ་ངའི་ལུས་ལགས། ང་ལ་དྲན་གསོ་བྱེད་ཡས་ལ་ཁྱེད་ཀྱ་དེ་རེ་བྱེད།
20འོ་བྱས་རེ་རང་ཞལ་ལག་བཞེས་ཚར་ཏེ་ཁོང་པ་ཡིས་ཞལ་དཀར་བསྣུམས་ཏེ་གསུངས་བ་ལགས། འདི་ཕོ་ར་དེ་ཁྱིད་ཀྱི་དོན་དུ་བླུགས་ལ་ངའི་ཁྲག་གི་སྒོ་ནས་དམ་བཅའ་གསར་པ་གོ་ལགས། 21ཡིན་ནའང་ལྟོས། ང་ལ་དགྲའི་ལག་ཀ་ལ་རྩི་བརྒྱབ་ཏུ་བཅུག་མཁན་མི་གོ་ངའི་མུ་ལ་རང་ཞལ་ལག་ལ་བསྡད་འདུག། 22གི་བྱས་རེ་སྨྲ་ན་ཐག་བཅད་ཅ་གོ་ལ་བརྩིས་རེ་མིའི་བུ་འགྲོ་གི་ལགས། ཡིན་ནའང་ཁོ་ལ་དགྲ་ཀྱ་ཡི་ལག་ཀ་ལ་རྩི་བརྒྱབ་མཁན་མི་གོ་མྱངས་བ་ལི། 23དེ་ནས་ཁོ་རང་ཀྱ་ནས་སུས་དེ་རེ་ལས་ཀ་བྱེད་ཡས་ཡིན་གྲོའི་སྨྲས་རེ་ཉེ་གནས་ཀྱ་ཡིས་གཅིག་གིས་གཅིག་ལ་དྲིས་བ་ལགས།
ཆེ་ཤོས་སུ་ཡིན་གྱིན་གྱི་སྐོར་ལ།
(མད་ཐཱ། ༢༠:༢༥-༢༨;༡༩:༢༨; མར་ཀུ། ༡༠:༤༢-༤༥)
24ད་ཉེ་གནས་ཀྱ་ནས་ཆེ་ཤོས་སུ་ཡིན་གྱིན་གྱི་སྐོར་ལ་ཁོང་ཀྱ་གུང་དུ་རྩོད་པ་ཤོར་པ་ལགས། 25དེ་ནས་ཡེ་ཤུ་ཡིས་ཁོང་ཀྱ་ལ་གསུངས་བ་ལགས། མི་རིགས་གཞན་མ་ཀྱ་ཡི་རྒྱལ་བོ་ཀྱ་ཁོང་ཀྱ་ཁར་ལ་དབང་བྱེད་ད་ལགས། དེ་ནས་ཁོང་ཀྱ་ཁར་ལ་དབང་བྱེད་མཁན་ཀྱ་ལ་དྲིན་ཅན་སྨྲ་ལགས། 26ཡིན་ནའང་ཁྱེད་ཀྱ་གོ་དེ་ཅོག་རེ་མ་བྱེད། ཁྱེད་ཀྱ་ནས་ཆེ་ཤོས་ཡིན་གྱིན་གོ་ཆུང་ཤོས་ཅོག་རེ་འབྱུང་དགོས། དེ་ནས་དཔོན་པོ་གོ་གཡོག་པོ་ཅོག་རེ་འབྱུང་དགོས། 27ཟ་མ་ཟ་མཁན་དང་ཞབས་ཕྱི་ཞུ་མཁན་གོ་ནས་སུ་ཆེ་ལེ། ཟ་མ་ཟ་མཁན་གོ་མ་ལེ། ཡིན་ནའང་ལྟོས། ང་ཁྱེད་ཀྱ་ཡི་གུང་དུ་ཞབས་ཕྱི་ཞུ་མཁན་ཅོག་རེ་ཡིན།
28ང་ལ་སྡུག་པོ་བྱུང་བའི་གང་ལ་ངའི་མུ་ལ་བསྡད་མཁན་གོ་ཁྱེད་ཀྱ་ལགས། 29ངའི་ཡབ་ཀྱིས་ང་ལ་རྒྱལ་སྲིད་གཅིག་གནང་གིན་ཅོག་རེ་ངའང་ཁྱེད་ཀྱ་ལ་སྟེར་ར་ཡིན། 30དེ་ནས་ཁྱེད་ཀྱ་ངའི་རྒྱལ་སྲིད་དུ་ངའི་མུ་ལ་ཟ་འཐུང་བྱེད་ཀྱི་ལགས། དེ་ནས་བཞུགས་ཁྲི་ཀྱ་ལ་བསྡད་དེ་ཡིས་ར་ཨེལ་གྱི་བརྒྱུད་པ་བཅུ་གཉིས་ཀྱི་ཁར་ལ་ཁྲིམས་བྱེད་ཀྱི་ལགས།
པེ་ཏྲོ་ཡིས་གཙོ་བོ་ལ་ཁས་མེད་ལེན་གྱིན་སྐོར་ལ་མངོན་ཤེས།
(མད་ཐཱ། ༢༦:༣༡-༣༥; མར་ཀུ། ༡༤:༢༧-༣༡; ཡོ་ཧ་ནན། ༡༣:༣༦-༣༨)
31འོ་དེ་གཤམ་ནས་ཡེ་ཤུ་ཡིས་གསུངས་བ་ལགས། སི་མོན། སི་མོན། དུ་རུ་ཉན། སཱ་ཏན་གྱིས་ཁྱོད་ལ་གྲོ་ཅོག་རེ་འོ་འཕྱར་ཡས་ལ་ཞུས་འདུག། 32ཡིན་ནའང་ཁྱོའི་དད་པ་མ་ཡལ་བ་ཤོག་སྨྲས་རེ་ངས་ཁྱོའི་ཕྱིར་ལ་གསོལ་བ་བཏབ་པའི། དེ་ནས་ཁྱོའི་སེམས་བསྒྱུར་ཚར་ཏེ་ཁྱོད་རི་སྤུན་ཀྱ་ལ་བརྟན་པོ་བཟོས།
33དེ་ནས་པེ་ཏྲོ་ཡིས་སྨྲས་བ་ལགས། གཙོ་བོ། ང་ཁྱེད་རང་མུ་ལ་བཙོན་ཁང་དུ་འགྲོ་ཡས་དང་ཤི་ཡས་ལའང་གྲ་སྒྲིག་འོད།
34ཡེ་ཤུ་ཡིས་གསུངས་བ་ལགས། པེ་ཏྲོ། ང་ཁྱོད་ལ་སྨྲ་ཡིན། ཉེ་དྲོ་སྔ་རོག་བྱ་ཕོ་སྐད་མ་བརྒྱབ་ཀྱིན་ཨེན་ལ་ཁྱོས་ང་ལ་ལེ་མོ་གསུམ་ཁས་མེད་ལེན་གྱི་ལགས།
ཁུག་མ་དང་རས་ཁུག་དང་རལ་གྲི།
35དེ་ནས་ཡེ་ཤུ་ཡིས་གསུངས་བ་ལགས། ངས་ཁྱེད་ཀྱ་ལ་ཁུག་མ་ཡང་ན་རས་ཁུག་ཡང་ན་པོ་ལེ་མ་ཁྱེར་ར་བརྫངས་བའི་གང་ལ་ཁྱེད་ཀྱ་ལ་མེད་ཚང་གིན་རེ་བྱུང་སེ།
ཁོང་ཀྱ་ཡིས་སྨྲས་བ་ལགས། མ་བྱུང་སོང་།
36ཁོང་པ་ཡིས་གསུངས་བ་ལགས། ཡིན་ནའང་དེ་ནས་ཧ་ལ་ཁྱོད་རི་ཁུག་མ་དང་རས་ཁུག་ཁྱེར། དེ་ནས་ཁྱོད་ལ་རལ་གྲི་མེད་ན་ཁྱོད་རི་གཟན་གོ་བཙོངས་རེ་རལ་གྲི་གཅིག་ཉོས། 37གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། ཆོས་ཁྲིམས་ལ་ཁོ་ཇག་པ་ཀྱ་ཡི་མུ་ལ་བརྩིས་བ་ལགས།#ཡེ་ཤ་ཡཱ། ༥༣:༡༢ སྨྲས་རེ་བྲིས་བྲ་གོ་ང་ལ་འགྲུབ་དགོས་གུ་ལགས། དེ་ནས་བདེན་པ་རང་ངའི་སྐོར་ལ་བྲིས་བྲ་ཀྱ་འགྲུབ་པ་ལགས།
38དེ་ནས་ཉེ་གནས་ཀྱ་ཡིས་སྨྲས་བ་ལགས། གཙོ་བོ། གཟིགས་རོགས་གནང་། དུ་རུ་རལ་གྲི་གཉིས་འོད།
ཁོང་པ་ཡིས་གསུངས་བ་ལགས། འོ་དེ་འོད་ན་སྒྲིག་གུ་ལགས།
སྐྱུར་རུ་ཤིང་གི་རི་རུ་ཡེ་ཤུ་ཡིས་གསོལ་བ་བཏབ་པ།
(མད་ཐཱ། ༢༦:༣༦-༤༦; མར་ཀུ། ༡༤:༣༢-༤༢)
39ཉིན་མ་ཏེན་ཀྱ་ཅོག་རེ་ཡེ་ཤུ་རྒྱལ་ས་ནས་ཐོན་མཛད་དེ་སྐྱུར་རུ་ཤིང་གི་རི་རུ་ཕེབས་པ་ལགས། དེ་ནས་ཉེ་གནས་ཀྱ་ཁོང་པ་ཡི་གཤམ་པ་ལ་འབྲངས་བ་ལགས། 40འོ་དེ་ས་ཆ་དུ་སླེབས་ཏེ་ཁོང་པ་ཡིས་ཉེ་གནས་ཀྱ་ལ་གསུངས་བ་ལགས། ཁྱེད་ཀྱ་ཚོད་ལྟ་ལ་མ་ཆུད་ད་ཤོག་སྨྲས་རེ་གསོལ་བ་རྒྱོབ།
41དེ་ནས་ཡེ་ཤུ་ཁོང་ཀྱ་བསྡད་ས་ནས་ཅི་མེ་ཧ་ལ་ཕེབས་ཏེ་པུས་མོ་ས་ལ་བཙུགས་ཏེ་དེ་རེ་གསོལ་བ་བཏབ་པ་ལགས། 42ངའི་ཡབ། ཁྱེད་རང་གི་ཐུགས་དགོངས་འོད་ན་འདི་སྡུག་པོའི་ཕོ་ར་དེ་ང་ནས་ཧ་ལ་བསྣུམས་མ་མཛད། ཡིན་ནའང་ངའི་འདོད་པ་མིན་ད་ཁྱེད་རང་གི་ཐུགས་དགོངས་འགྲུབ་པར་ཤོག།
43དེ་ནས་ནམ་མཁའི་ཞིང་ཁམས་ནས་ནམ་མཁའི་བང་ཆེན་གཅིག་ཕེབས་ཏེ་ཁོང་པ་ལ་ཤུགས་གནང་བ་ལགས། 44ཁོང་པ་ཡི་སེམས་དམི་ཅིག་གི་སྡུག་པོ་ཡིས་ཁངས་རེ་ཁོང་པ་ཡི་སྙིང་ཐག་པ་ནས་གསོལ་བ་བཏབ་པ་ལགས། དེ་ནས་ཁོང་པ་ཡི་རྔུལ་ནག་ཁྲག་གི་ཐིགས་པ་ཅོག་རེ་ས་ལ་ཐིགས་པ་ལགས།#༢༢:༤༤ ཨེན་མའི་གསུང་རབ་ཀྱ་ལ་རིང་འགའ་ལ་ ༤༣ དང་ ༤༤ བྲིས་མེད་ད་ལགས། 45དེ་ནས་ཡེ་ཤུ་གསོལ་བ་བཏབ་ཚར་ཏེ་ཡར་ལ་བཞེངས་ཏེ་ཉེ་གནས་ཀྱ་རྩ་རུ་ཕེབས་པ་ལགས། དེ་ནས་འོ་དུ་རུ་ཁོང་ཀྱ་སྡུང་ང་ཡིས་བྱས་རེ་ཐང་ཆད་དེ་གཉིད་ལོག་སྟེ་བསྡད་ཀྱིན་གཟིགས་པ་ལགས། 46དེ་ནས་ཁོང་པ་ཡིས་ཁོང་ཀྱ་ལ་གསུངས་བ་ལགས། ཁྱེད་ཀྱ་གི་བྱས་རེ་ཉལ་རེ་བསྡད་ད་ལེ། ལོངས། དེ་ནས་ཚོད་ལྟ་ལ་མི་ཆུད་ཡས་ཀྱི་ཆེད་དུ་གསོལ་བ་རྒྱོབ།
ཡེ་ཤུ་ཟིམ་པ།
(མད་ཐཱ། ༢༦:༤༧-༥༦; མར་ཀུ། ༡༤:༤༣-༥༠; ཡོ་ཧ་ནན། ༡༨:༣-༡༡)
47ཡེ་ཤུ་ཡིས་བཀའ་མོལ་གསུངས་བའི་གང་ལ་ཉེ་གནས་བཅུ་གཉིས་ནས་ཡུ་དཱ་སྨྲ་གིན་གྱིས་མི་ཚོགས་ཆེ་གཅིག་ཁྲིད་དེ་འོ་དུ་རུ་འོངས་བ་ལགས། ཁོ་ཡེ་ཤུ་ལ་འོ་བྱེད་ཡས་ལ་ཁོང་པ་ཡི་བོ་ལོག་ཏུ་སོང་བ་ལགས། 48ཡིན་ནའང་ཡེ་ཤུ་ཡིས་ཁོ་ལ་གསུངས་བ་ལགས། ཡུ་དཱ། ཁྱོད་མིའི་བུ་ལ་འོ་བྱས་རེ་ངོ་ལོག་བྱེད་གུ་ལེ།
49དེ་ནས་ཁོང་པ་ཡི་མཐའ་འཁོར་ལ་འོད་མཁན་ཀྱ་ཡིས་གི་འབྱུང་ཡས་བྱེད་ཀྱིན་གོ་མཐོང་རེ་སྨྲས་བ་ལགས། གཙོ་བོ། འེ་ཀྱ་རལ་གྲི་བེད་སྤྱོད་བྱེད་གུའི། 50དེ་ནས་ཉེ་གནས་ཀྱ་ནས་གཅིག་གིས་གཙོ་མཆོད་དཔོན་གྱི་གཡོག་པོ་གཅིག་ལ་རལ་གྲི་བརྒྱབ་སྟེ་འོ་དེའི་གཡས་ཕྱོགས་ཀྱི་ཨམ་མཆོག་གོ་བཅད་པ་ལགས།
51ཡིན་ནའང་ཡེ་ཤུ་ཡིས་གསུངས་བ་ལགས། དེ་རེ་མ་བྱེད། དེ་ནས་འོ་དེ་མིའི་ཨམ་མཆོག་ལ་འཇུས་རེ་ཁོང་པ་ཡིས་འོ་དེ་ལ་བཅོས་ག་མཛད་པ་ལགས།
52དེ་ནས་ཁོང་པ་ལ་ཟིམ་དུ་འོང་གིན་མཆོད་དཔོན་ཆེ་ཀྱ་དང་མཆོད་ཁང་སྲུང་མཁན་ཀྱ་ཡིས་དམག་དཔོན་དང་། གཞན་མ་འགོ་ཁྲིད་ཀྱ་ལ་ཁོང་པ་ཡིས་གསུངས་བ་ལགས། ཁྱེད་ཀྱ་ཇག་པ་གཅིག་ཟིམ་དུ་འོང་གིན་ཅོག་རེ་རྒྱུག་པ་དང་རལ་གྲི་ཁྱེར་ཏེ་འོངས་ང་ལེ། 53ང་ཉིན་མ་ཏེན་ཀྱ་མཆོད་ཁང་དུ་ཁྱེད་ཀྱ་མུ་ལ་འོད་དེ་གང་ལ་ཁྱེད་ཀྱ་ཡིས་ང་ལ་མ་ཟིམ་པ་ལགས། ཡིན་ནའང་ད་ལྟ་ཁྱེད་ཀྱ་ཡི་དུས་ཚོད་ལགས། དེ་ནས་མུན་ནག་གི་དབང་ལགས།
པེ་ཏྲོ་ཡིས་ཡེ་ཤུ་ལ་ཁས་ལེན་མ་བྱས་བ།
(མད་ཐཱ། ༢༦:༥༧-༥༨,༦༩-༧༥; མར་ཀུ། ༡༤:༥༣-༥༤,༦༦-༧༢; ཡོ་ཧ་ནན། ༡༨:༡༢-༡༨,༢༥-༢༧)
54དེ་ནས་ཁོང་ཀྱ་ཡིས་ཡེ་ཤུ་ལ་ཟིམ་ཏེ་གཙོ་མཆོད་དཔོན་གྱི་ནང་དུ་ཁྲིད་དེ་སོང་བ་ལགས། དེ་ནས་པེ་ཏྲོ་རྒྱང་ནས་གཤམ་པ་ལ་འབྲངས་རེ་སོང་བ་ལགས། 55འོ་དུ་རུ་སྒོ་རའི་གུང་དུ་མི་ཀྱ་མེ་བཏང་རེ་བསྡད་འོད་ད་ལགས། དེ་ནས་པེ་ཏྲོ་ཁོང་ཀྱ་མུ་ལ་བསྡད་པ་ལགས། 56དེ་ནས་གཡོག་མོ་གཅིག་གིས་ཁོ་ལ་མེའི་འོད་ལ་བསྡད་ཀྱིན་མཐོང་རེ་ག་མོ་མ་ཞིབས་ལྟ་བྱས་རེ་བལྟས་རེ་སྨྲས་བ་ལགས། འདི་མི་དེའང་ཁོ་མུ་ལ་འོད་ད་ལགས།
57ཡིན་ནའང་པེ་ཏྲོ་ཡིས་དེ་རེ་སྨྲས་བ་ལགས། བུ་མོ། ང་ཁོང་ལ་ངོ་མེད་ཤེས་འོད།
58ཅི་མེ་གཅིག་ནས་གཞན་མ་གཅིག་གིས་ཁོ་ལ་མཐོང་རེ་སྨྲས་བ་ལགས། ཁྱོད་འང་ཁོང་ཀྱ་ནས་གཅིག་ལགས།
ཡིན་ནའང་པེ་ཏྲོ་ཡིས་སྨྲས་བ་ལགས། ང་མ་ལགས།
59དེ་ནས་ཆུ་ཚོད་གཅིག་འགྱངས་རེ་མི་གཞན་མ་གཅིག་གིས་ཨུ་ཚུགས་བྱས་རེ་སྨྲས་བ་ལགས། བདེན་པ་རང་འདི་མི་དེ་ཁོའི་མུ་ལ་འོད་ད་ལགས། གི་བྱས་རེ་སྨྲ་ན་ཁོའང་ག་ལིལ་པ་ལགས།
60ཡིན་ནའང་པེ་ཏྲོ་ཡིས་སྨྲས་བ་ལགས། ཁྱོད་གིན་གྱི་སྐོར་ལ་ལབ་བཏང་ང་ལེ། ང་ལ་ཤེས་ཡས་མེད། དེ་ནས་ལམ་སང་ཁོ་ལབ་བཏང་བའི་གང་ལ་བྱ་ཕོ་སྐད་བརྒྱབ་པ་ལགས། 61དེ་ནས་གཙོ་བོ་ཡིས་ཞལ་བསྒྱུར་ཏེ་པེ་ཏྲོ་ལ་གཟིགས་པ་ལགས། དི་རིང་བྱ་སྐད་བརྒྱབ་ཡས་ཨེན་ལ་ཁྱོས་ང་ལ་ལན་མོ་གསུམ་ཁས་མེད་ལེན་གྱི་ལགས་སྨྲས་རེ་གཙོ་བོ་ཡིས་གསུངས་ཀྱིན་གོ་ཁོས་དྲན་པ་ལགས། 62དེ་ནས་ཁོ་ཕི་ལ་ཐོན་ཏེ་དམི་ཅིག་གི་ངུས་བ་ལགས།
ཡེ་ཤུ་ལ་སྨད་སྤྲ་པབ་པ།
(མད་ཐཱ། ༢༦:༦༧,༦༨; མར་ཀུ། ༡༤:༦༥)
63དེ་ནས་ཡེ་ཤུ་ལ་སྲུང་གིན་དམག་མི་ཀྱ་ཡིས་ཁོང་པ་ལ་སྨད་སྤྲ་བབས་ཏེ་བརྡུངས་བ་ལགས། 64དེ་ནས་ཁོང་པ་ཡི་སྤྱན་ལ་རས་ཀྱིས་བཀབ་སྟེ་དྲིས་བ་ལགས། ཁྱོད་ལ་བརྡུངས་མཁན་གོ་སུ་ལེ། མངོན་ཤེས་ཤོད། 65དེ་ནས་ཁོང་ཀྱ་ཡིས་ཁོང་པ་ལ་གཞན་མ་སྨད་སྤྲ་བབས་ཀྱིན་ལབ་མང་ང་བཏང་བ་ལགས།
ཚོགས་འདུའི་གདོང་དུ་ཡེ་ཤུ།
(མད་ཐཱ། ༢༦:༥༩-༦༦; མར་ཀུ། ༡༤:༥༥-༦༤; ཡོ་ཧ་ནན། ༡༨:༡༩-༢༤)
66ནམ་ལངས་རེ་མཆོད་དཔོན་ཆེ་ཀྱ་དང་ཆོས་ཁྲིམས་ཀྱི་སློབ་དཔོན་ཀྱ་ཚོགས་འདུ་འཛོམས་པ་ལགས། དེ་ནས་ཁོང་ཀྱ་ཡིས་ཡེ་ཤུ་ལ་ཚོགས་འདུ་རུ་ཁྲིད་དེ་སྨྲས་བ་ལགས། 67ཁྱོད་མཱ་ཤི་ཀ་གོ་ཡིན་ན། འེ་ཀྱ་ལ་ཤོད།
ཡིན་ནའང་ཁོང་པ་ཡིས་ཁོང་ཀྱ་ལ་གསུངས་བ་ལགས། ངས་སྨྲ་ནའང་ཁྱེད་ཀྱ་ཡིས་ང་ལ་ཡིད་ཆེས་བྱེད་གུ་མ་ལགས། 68དེ་ནས་ངས་དྲི་བ་དྲིས་ནའང་ཁྱེད་ཀྱ་ཡིས་ལན་སྟེར་གུ་མ་ལགས། 69ཡིན་ནའང་དི་རིང་ནས་ཧ་ལ་མིའི་བུ་ནི་ཀུན་དབང་དཀོན་མཆོག་གི་ཕྱག་གཡས་ཕྱོགས་ལ་བཞུགས་ཀྱི་ལགས།
70དེ་ནས་ཁོང་གི་རི་ཡིས་སྨྲས་བ་ལགས། དེ་རེ་ཡིན་ན། ཁྱོད་དཀོན་མཆོག་གི་སྲས་ལེ།
ཁོང་པ་ཡིས་ཁོང་ཀྱ་ལ་གསུངས་བ་ལགས། ང་ཡིན་གྱིན་གོ་ཁྱེད་ཀྱ་རང་སྨྲ་ལགས།
71དེ་ནས་ཁོང་ཀྱ་ཡིས་སྨྲས་བ་ལགས། ད་འོ་རང་ལ་དཔང་པོ་གཞན་མ་གི་དགོས་ཡས་འདུག་བོ། ཁོའི་ཁ་ནས་རང་འོ་རི་དེ་གོ་སོང་།།
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. and Nepal Bible Society