Luk 24
24
1Mero le nian aupan le nahwakan ka lakapnipin aken netakaruan to nepag maros marua nar nemieuan ravit ilar kenmarol ita.
2An netakaihm kapiel kinhwinikalin to nepag.
3An netakaruan lan mesaihman nubalaki Ieremera Iesu.
4An ilar netakatiktik am nar uk, an ahm ru ieremim kiu netakamuail iwaket to ilar le nar kameviu ilau in rameroaip.
5An netakamarigen netakaretaghiau le nemapten, an netukuani to ilar, Retol nakamaitkoigen ieremim miuh le neki nerem kamaremis?
6In rikok; mero reknermig. Nekimiar terakahmo moma rameni to kamiar loanian ramamarik ena Kalili.
7Mameni moma, Neri Ieremim tepakeikei kauraipen ie nelimi nerem kamarol etat, an kuit, an le nian ierem rol kisil terakeikei mermig.
8An nekin ilar neterakahmo nakaran min tahan.
9An netakaleleg le nepag kapiel mamani nar min uk to nerem katikatilum katilum makarena, mene to ilar min nevin mun.
10An ilar Meri Makdalini mene Joana mene Meri ine Jems; an neberavin nevin mun ilar min netakamani nar min uk to apostelo min.
11An ilar netakama nakaran min uk neiweaman. An kamesanian nuparhienan le ilar.
12Mero Piter neterermig maetkin muan to nepag. An neteremelemel metagpen mahm napen rakamel pusen am. An neteruan nanumun neterakamuka to nar kamol.
13An ahm ru kiu le ilar kamamiavan le nian am ka to nauanu ker netigen Emeas, napahman tahan to nar Jerusalem ferlog 60.
14An netakamuakar kam ilau min le naremnar min ka kamol.
15An ilau kamamuakar mamuahrapuk to ilau min, an Iesu atu neterua iwaket hmaivan ihlel min.
16Mero nemrin ilau kenol rait apnapen am lan moma tesiahinatinan in.
17An netereni to ilau, Neta nakaran min uk nakamuahl to kamilau min le naliwakan temilau? An netukuail mamuarap.
18An ker netigen Kleopas neteraram menipen ton, Ik am ka nakamarik Jerusalem matiktik am nar kamol lan le nian min uk?
19An netereni to ilau, Neta nar? An ilau netukuani ton, Nar le Iesu le Nasareth, in profeta resanen le nolan mene le nakaran le nemri Wuhgin mene neremim petum,
20Moma neremera le nuhwasigenan mene neremera tetar kamaiurai pen in to nuhwapraian to nemisan, mamaruit le nik aluauin.
21Mero kamar iememaitigeta lan mama ierem terepevita nerem Israel. Mero le nar min uk nepenian reknol kisil le nar min uk kamol.
22An neberavin le kamar nevin kamarol nar nanumamar reknika ton, mero in ka kamaruan loanpuspusan to nepag;
23An kamesaihman nubalakin, an netakarua mamani mama kamaihm mun nar pa le agelo mil ierem mil kamuani muoma ramemiuh.
24An nevin le nerem iakamairik kamar min ilar netakaruan to nepag maihm rolkoma neberavin kamani, mero kamesaihman in.
25An netereni to ilau, Awe kamilau iapou mil, nekimilau repukam to nenian nuparhienan le nar min profeta min kamani!
26Resolan moma Kristo ramakeikei merou nahmean min ka muan le nevitan tahan?
27An netererwowun le Moses mene profeta min mametikun ilau le nar min kamrai atu lan le nawowa min.
28An netakhalua iwaket to nauanu ka ilau kamiavan iken, an neterol atu moma terepuan tahman.
29Mero netakamuakeikei kam in mamuani, Arik to kamlau, mero in ka reknehnaiu an nian reknua muan. An neterua imwa moma terarik ihlel min ilau.
30An neterowata ihlel min ilau to nauganan, an neteros bred mameni vivi, netererkahl mofen kam ilau.
31An nemrin ilau neterait an netikiahinatin in. An neterika le nemrin ilau.
32An netukuani to ilau min, Resolan moma nekilau ramatiwan le kalau ramamakar kam kalau le suatu, an remetita nawowa min to kalau?
33An netukuarmig le aur ka mialeleg pen mun Jerusalem, an netukuahm nerem katilum katilum makarena karhwafugen ilar min mene nerem kamairik ilar min ilar,
34Mamani mama, Ieremera reknermig parhien, an reknier to Saimon.
35An netakamuausito in nar kamol le suatu an muoma kamiahinatin in le nerkahlan bred.
36An ilar kamamani ena nar min uk, an in atu neteramail ilukan le nekin ilar, an netereni to ilar, Nemelinuan to kamiar.
37Mero ilar netakamaisiouh mamarigenipus, netakama kenamaihm nanumutil.
38An netereni to ilar, Retol tipil rakahmo kamiar? An retol nakaran min rakamet le nekimiar?
39Aihm ru nelimok mene nelikok moma io aken uk; ariap ru io maihm, mero in ka nanumutil resosan nubalakin mene nekilkilhin rolkoma nakamaihm lak.
40An netereni nar uk neterhinhin kam ilar nelimin mene nelikin.
41An ilar kamesanian ena nuparhienan lan to nagienan mene to nanumun ilar neterika, an netereni to ilar, Nar tukukin ker to kamiar ikenuk wa kapa?
42An netakarofen kam in takeri nam kavan.
43An neteros mamkin le nemrin ilar.
44An netereni to ilar, In uk nakaran tahak iemameni to kamiar loanian iememarik to kamiar, moma nar min kamrai lak le nowa asul te Moses mene profeta min mene Sam min tepakeikei kol petum.
45An neteretita nekin ilar moma takarhinatin nawowa min;
46An netereni to ilar moma kamrai mok lan moma Kristo tereperou nahmean mermig mun le neki nerem kamaremis le nian ierem rol kisil,
47An moma nelelegan to nositean tehwaga tat tepausito in le netigen to nahuto min, merwowun le Jerusalem,
48Kamiar nerem neknaihm esas le nar min uk.
49An aihm ru, tiakhalipena to kamiar nar kamenita le Tata; mero kamiar tenakamaiwata le nauanu meroatis tepeviu kmiar le nesanenan remsimet.
50An neterir iatou ilar meroatis nar iwaket to Bethani, an neterosit nelimin mamaker vi kam ilar.
51An ramamakar vi ena kam ilar an kamosita to ilar, an kamosit in le neai.
52An ilar netakameihwak kam in, an netakaleleg pen Jerusalem le nagienan asul.
53An ilar kamemairik le nimwa ahwak le nian min mameikar vi kam Wuhgin.
S'ha seleccionat:
Luk 24: LEN1902
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1902, reprinted in 1935.
Luk 24
24
1Mero le nian aupan le nahwakan ka lakapnipin aken netakaruan to nepag maros marua nar nemieuan ravit ilar kenmarol ita.
2An netakaihm kapiel kinhwinikalin to nepag.
3An netakaruan lan mesaihman nubalaki Ieremera Iesu.
4An ilar netakatiktik am nar uk, an ahm ru ieremim kiu netakamuail iwaket to ilar le nar kameviu ilau in rameroaip.
5An netakamarigen netakaretaghiau le nemapten, an netukuani to ilar, Retol nakamaitkoigen ieremim miuh le neki nerem kamaremis?
6In rikok; mero reknermig. Nekimiar terakahmo moma rameni to kamiar loanian ramamarik ena Kalili.
7Mameni moma, Neri Ieremim tepakeikei kauraipen ie nelimi nerem kamarol etat, an kuit, an le nian ierem rol kisil terakeikei mermig.
8An nekin ilar neterakahmo nakaran min tahan.
9An netakaleleg le nepag kapiel mamani nar min uk to nerem katikatilum katilum makarena, mene to ilar min nevin mun.
10An ilar Meri Makdalini mene Joana mene Meri ine Jems; an neberavin nevin mun ilar min netakamani nar min uk to apostelo min.
11An ilar netakama nakaran min uk neiweaman. An kamesanian nuparhienan le ilar.
12Mero Piter neterermig maetkin muan to nepag. An neteremelemel metagpen mahm napen rakamel pusen am. An neteruan nanumun neterakamuka to nar kamol.
13An ahm ru kiu le ilar kamamiavan le nian am ka to nauanu ker netigen Emeas, napahman tahan to nar Jerusalem ferlog 60.
14An netakamuakar kam ilau min le naremnar min ka kamol.
15An ilau kamamuakar mamuahrapuk to ilau min, an Iesu atu neterua iwaket hmaivan ihlel min.
16Mero nemrin ilau kenol rait apnapen am lan moma tesiahinatinan in.
17An netereni to ilau, Neta nakaran min uk nakamuahl to kamilau min le naliwakan temilau? An netukuail mamuarap.
18An ker netigen Kleopas neteraram menipen ton, Ik am ka nakamarik Jerusalem matiktik am nar kamol lan le nian min uk?
19An netereni to ilau, Neta nar? An ilau netukuani ton, Nar le Iesu le Nasareth, in profeta resanen le nolan mene le nakaran le nemri Wuhgin mene neremim petum,
20Moma neremera le nuhwasigenan mene neremera tetar kamaiurai pen in to nuhwapraian to nemisan, mamaruit le nik aluauin.
21Mero kamar iememaitigeta lan mama ierem terepevita nerem Israel. Mero le nar min uk nepenian reknol kisil le nar min uk kamol.
22An neberavin le kamar nevin kamarol nar nanumamar reknika ton, mero in ka kamaruan loanpuspusan to nepag;
23An kamesaihman nubalakin, an netakarua mamani mama kamaihm mun nar pa le agelo mil ierem mil kamuani muoma ramemiuh.
24An nevin le nerem iakamairik kamar min ilar netakaruan to nepag maihm rolkoma neberavin kamani, mero kamesaihman in.
25An netereni to ilau, Awe kamilau iapou mil, nekimilau repukam to nenian nuparhienan le nar min profeta min kamani!
26Resolan moma Kristo ramakeikei merou nahmean min ka muan le nevitan tahan?
27An netererwowun le Moses mene profeta min mametikun ilau le nar min kamrai atu lan le nawowa min.
28An netakhalua iwaket to nauanu ka ilau kamiavan iken, an neterol atu moma terepuan tahman.
29Mero netakamuakeikei kam in mamuani, Arik to kamlau, mero in ka reknehnaiu an nian reknua muan. An neterua imwa moma terarik ihlel min ilau.
30An neterowata ihlel min ilau to nauganan, an neteros bred mameni vivi, netererkahl mofen kam ilau.
31An nemrin ilau neterait an netikiahinatin in. An neterika le nemrin ilau.
32An netukuani to ilau min, Resolan moma nekilau ramatiwan le kalau ramamakar kam kalau le suatu, an remetita nawowa min to kalau?
33An netukuarmig le aur ka mialeleg pen mun Jerusalem, an netukuahm nerem katilum katilum makarena karhwafugen ilar min mene nerem kamairik ilar min ilar,
34Mamani mama, Ieremera reknermig parhien, an reknier to Saimon.
35An netakamuausito in nar kamol le suatu an muoma kamiahinatin in le nerkahlan bred.
36An ilar kamamani ena nar min uk, an in atu neteramail ilukan le nekin ilar, an netereni to ilar, Nemelinuan to kamiar.
37Mero ilar netakamaisiouh mamarigenipus, netakama kenamaihm nanumutil.
38An netereni to ilar, Retol tipil rakahmo kamiar? An retol nakaran min rakamet le nekimiar?
39Aihm ru nelimok mene nelikok moma io aken uk; ariap ru io maihm, mero in ka nanumutil resosan nubalakin mene nekilkilhin rolkoma nakamaihm lak.
40An netereni nar uk neterhinhin kam ilar nelimin mene nelikin.
41An ilar kamesanian ena nuparhienan lan to nagienan mene to nanumun ilar neterika, an netereni to ilar, Nar tukukin ker to kamiar ikenuk wa kapa?
42An netakarofen kam in takeri nam kavan.
43An neteros mamkin le nemrin ilar.
44An netereni to ilar, In uk nakaran tahak iemameni to kamiar loanian iememarik to kamiar, moma nar min kamrai lak le nowa asul te Moses mene profeta min mene Sam min tepakeikei kol petum.
45An neteretita nekin ilar moma takarhinatin nawowa min;
46An netereni to ilar moma kamrai mok lan moma Kristo tereperou nahmean mermig mun le neki nerem kamaremis le nian ierem rol kisil,
47An moma nelelegan to nositean tehwaga tat tepausito in le netigen to nahuto min, merwowun le Jerusalem,
48Kamiar nerem neknaihm esas le nar min uk.
49An aihm ru, tiakhalipena to kamiar nar kamenita le Tata; mero kamiar tenakamaiwata le nauanu meroatis tepeviu kmiar le nesanenan remsimet.
50An neterir iatou ilar meroatis nar iwaket to Bethani, an neterosit nelimin mamaker vi kam ilar.
51An ramamakar vi ena kam ilar an kamosita to ilar, an kamosit in le neai.
52An ilar netakameihwak kam in, an netakaleleg pen Jerusalem le nagienan asul.
53An ilar kamemairik le nimwa ahwak le nian min mameikar vi kam Wuhgin.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1902, reprinted in 1935.