Ioane 17
17
1Iesu orau kuruaka’ane, pani muku i U inamu‐ekinave, erau voa kurunave ane, Mai e, pani ei‐anena; Ni Mere avioine, uku Ni Mere aviniane‐iai:
2Orau Ni are’eane euna a’a uriria upa mere, uku oro uriria Ni awkuane euna U opai rokoa ekuane‐iai.
3Opai rokoa eire, oro ipa?-?nilauane‐iai Ni e Eloi miki keina, Iesu Keriso ane, Ni okaiviriane euna.
4Pani va’au ai Nai avini?-?ane euna: iaki Ni ikunave Nai liane‐iai Nai oailiane euna.
5Eai, Mai e, Ni avi’i’ine Ni paku ai, kurua avioia ikune Nai miaka Ni paku ai pani va’au unu ea pani paku ai.
6A’a Ni ikuane euna pani va’au mere Ni nawi Nai ipekiane euna: oro Ni a’a kei’inave, a’a Ni ikunave; Ni voa oro kamaia liane euna.
7Awku uriria Ni ikuane euna oro ipaliane euna Ni mere anena.
8Voa Ni ikunave Nai ekuane euna; oro emiane euna ane, oro ipaliane euna kapoi Nai Ni mere anenave, oro pirimaroakoane euna Ni ikaiviriaka.
9Oro eiai Nai nawki‐awkana: pani va’au eiai Nai nawki‐a‐awkanakea, a uku oro eiai Ni ikuane euna; uku oro Ni a’a keina.
10Na awku uriria Ni awku keina, Ni awku ane Na awku keina; oro laru ai Nai avi’i’iakeina.
11Eai Na pokoia pani pani va’au ai oailiakeina, a oro pani va’au ai pokoina, Nai Ni ai anemakina. Mai Iaa e, oro a’a miki keia’ane‐iai Ni nawi eiai Ni paiekane, a’a Ni ikuane euna, oro, enere orau, monou keia’ane‐iai.
12Nai oro kiripai pokoinave ane, oro a’a miki keia’ane‐iai Ni nawi eiai, Nai paiekanave; a’a Ni ikunave Nai eiviriane euna, monou e paukiakeina, imua anu mua vaki; uku iaa revareva evere’eakeia’ane‐iai.
13Eai Ni ai Nai anemakina; ei voa pani va’au ai Nai kuruna, oro kopai miane‐iai omo lai laru ai.
14Ni voa Nai ekuane euna; pani va’au vai’i‐eka?-?va’ane euna, uku oro pani va’au unu a’a peo, orau Nai pani va’au unu a’a peo.
15Nai nawki‐a‐awkanakea pani va’au mere Ni lai‐ekavai, a uku diabolo mere Ni iekavakana.
16Oro pani va’au unu a’a peo, orau Nai awku pani va’au unu a’a peo.
17Voa miki laru ai Ni iaa’ekane: Ni voa miki keina.
18Orau Ni ikaiviriane euna pani va’au ai, orau Nai ekaiviriane euna pani va’au ai.
19Oro eiai Nai iaa?-?ikana, uku Voa Miki laru ai oro iaa‐ekavakeia’ane?-?iai.
20Nai nawki‐a‐awkanakea uku oro e eiai, a uku oro awku eiai oro pirimaroakoakana uku omo omoro voa eiai;
21Oro uriria monou keia’ane‐iai; orau Mai e, Ni Nai laru ai keina, Nai awku Ni laru ai keina, oro awku monou keia’ane‐iai enere laru ai: uku pani va’au pirimaroakoane‐iai Ni ikaiviriane euna.
22Avioia Ni ikuane euna Nai au‐ekuane euna; uku oro monou keia’ane‐iai, orau enere monou keina;
23Nai oro laru ai keia’ane‐iai, Ni awku Nai laru ai keia’ane‐iai, uku oro monou miki evere’eiakeia’ane‐iai; uku pani va’au awku ipaliane‐iai Ni ikaiviriane euna, Ni umu‐ekava’ane euna, orau Ni umu‐ikuane euna.
24Mai e, a’a Ni ikuane euna, oro awku Nai kiripai pokoiane‐iai Nai umuli’ina, uku evao’evao Ni ikuane euna oro inamu‐oiane‐iai: uku Ni umu‐ikanave pani va’au unu ea pani paku ai.
25Mai anana e, pani va’au ipa‐nilauape: Nai ipa‐nilauane euna, ei a’a awku ipaliane euna Ni ikaiviriane euna.
26Ni nawi Nai ipekiane euna, Ni nawi Nai ipawkiakana ane: uku kurua umu Ni umu‐ika’ane euna oro laru ai keia’ane‐iai, Nai awku oro laru ai keia’ane‐iai.
S'ha seleccionat:
Ioane 17: IAR1920
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1920.
Ioane 17
17
1Iesu orau kuruaka’ane, pani muku i U inamu‐ekinave, erau voa kurunave ane, Mai e, pani ei‐anena; Ni Mere avioine, uku Ni Mere aviniane‐iai:
2Orau Ni are’eane euna a’a uriria upa mere, uku oro uriria Ni awkuane euna U opai rokoa ekuane‐iai.
3Opai rokoa eire, oro ipa?-?nilauane‐iai Ni e Eloi miki keina, Iesu Keriso ane, Ni okaiviriane euna.
4Pani va’au ai Nai avini?-?ane euna: iaki Ni ikunave Nai liane‐iai Nai oailiane euna.
5Eai, Mai e, Ni avi’i’ine Ni paku ai, kurua avioia ikune Nai miaka Ni paku ai pani va’au unu ea pani paku ai.
6A’a Ni ikuane euna pani va’au mere Ni nawi Nai ipekiane euna: oro Ni a’a kei’inave, a’a Ni ikunave; Ni voa oro kamaia liane euna.
7Awku uriria Ni ikuane euna oro ipaliane euna Ni mere anena.
8Voa Ni ikunave Nai ekuane euna; oro emiane euna ane, oro ipaliane euna kapoi Nai Ni mere anenave, oro pirimaroakoane euna Ni ikaiviriaka.
9Oro eiai Nai nawki‐awkana: pani va’au eiai Nai nawki‐a‐awkanakea, a uku oro eiai Ni ikuane euna; uku oro Ni a’a keina.
10Na awku uriria Ni awku keina, Ni awku ane Na awku keina; oro laru ai Nai avi’i’iakeina.
11Eai Na pokoia pani pani va’au ai oailiakeina, a oro pani va’au ai pokoina, Nai Ni ai anemakina. Mai Iaa e, oro a’a miki keia’ane‐iai Ni nawi eiai Ni paiekane, a’a Ni ikuane euna, oro, enere orau, monou keia’ane‐iai.
12Nai oro kiripai pokoinave ane, oro a’a miki keia’ane‐iai Ni nawi eiai, Nai paiekanave; a’a Ni ikunave Nai eiviriane euna, monou e paukiakeina, imua anu mua vaki; uku iaa revareva evere’eakeia’ane‐iai.
13Eai Ni ai Nai anemakina; ei voa pani va’au ai Nai kuruna, oro kopai miane‐iai omo lai laru ai.
14Ni voa Nai ekuane euna; pani va’au vai’i‐eka?-?va’ane euna, uku oro pani va’au unu a’a peo, orau Nai pani va’au unu a’a peo.
15Nai nawki‐a‐awkanakea pani va’au mere Ni lai‐ekavai, a uku diabolo mere Ni iekavakana.
16Oro pani va’au unu a’a peo, orau Nai awku pani va’au unu a’a peo.
17Voa miki laru ai Ni iaa’ekane: Ni voa miki keina.
18Orau Ni ikaiviriane euna pani va’au ai, orau Nai ekaiviriane euna pani va’au ai.
19Oro eiai Nai iaa?-?ikana, uku Voa Miki laru ai oro iaa‐ekavakeia’ane?-?iai.
20Nai nawki‐a‐awkanakea uku oro e eiai, a uku oro awku eiai oro pirimaroakoakana uku omo omoro voa eiai;
21Oro uriria monou keia’ane‐iai; orau Mai e, Ni Nai laru ai keina, Nai awku Ni laru ai keina, oro awku monou keia’ane‐iai enere laru ai: uku pani va’au pirimaroakoane‐iai Ni ikaiviriane euna.
22Avioia Ni ikuane euna Nai au‐ekuane euna; uku oro monou keia’ane‐iai, orau enere monou keina;
23Nai oro laru ai keia’ane‐iai, Ni awku Nai laru ai keia’ane‐iai, uku oro monou miki evere’eiakeia’ane‐iai; uku pani va’au awku ipaliane‐iai Ni ikaiviriane euna, Ni umu‐ekava’ane euna, orau Ni umu‐ikuane euna.
24Mai e, a’a Ni ikuane euna, oro awku Nai kiripai pokoiane‐iai Nai umuli’ina, uku evao’evao Ni ikuane euna oro inamu‐oiane‐iai: uku Ni umu‐ikanave pani va’au unu ea pani paku ai.
25Mai anana e, pani va’au ipa‐nilauape: Nai ipa‐nilauane euna, ei a’a awku ipaliane euna Ni ikaiviriane euna.
26Ni nawi Nai ipekiane euna, Ni nawi Nai ipawkiakana ane: uku kurua umu Ni umu‐ika’ane euna oro laru ai keia’ane‐iai, Nai awku oro laru ai keia’ane‐iai.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society in 1920.