लूका 14
14
अराम्मा के दिना म सूल करना
1एक बारी यीशु अराम्मा के दिना म फरीसियैं के किसी बड़े मुखिये के घरा म रोट्टी खाणैं गया, अर वो सारे ही उसपर आँख लगाई बैठ्ठे थिये। 2ओठ्ठी एक इन्सान उसकै साम्है बैठ्ठा थिया, जिस्कै सुजणैं कि बिमारी थी। 3इसपर यीशुऐं यहूदी शास्त्रीयैं अर फरीसियैं थ बुझ्झया, “क्या अराम्मा के दिना म किसी कु सूल करना सही है, कै नाही?”
4पर वो सारे चुप रहे, अर यीशुऐं उसकै हाथ लगाई उसकु सूल करया, अर घलाई दिया। 5अर उनथै कैहया, “थारै माहला ऐस्सा कौण है, जिस्का बेट्टा या पशु अराम्मा के दिना म, कुँए म पड़ी जावै अर वो उसकु उसी वक्त बाहर ना काढ्ढैं?”
6पर वो इस बात्ता का कोइ जवाब कोइ देई सके।
खात्तरदारी अर दीन होणा
7जिद यीशुऐं देख्या, कि मैहमान बैठणै वास्तै खास जाघ्घा देख्या करते हैं, तो उनु एक उधाहरण देई उनकु कैहया, 8“जिद थम किसी भी ब्याह म जावो, तो किसी खास जाघ्घा पर ना बैसीयो, कड़ी इदा ना होवै, कि उनु तेरै थ भी किसी खास मैहमान्ना कु न्योत्ता देवोड़ा होवै, 9अर जिनु थम दोन्नो कु न्योत्ता देवोड़ा है, वो आइकना चिकु कैहै, ‘इस्कु जाघ्घा दे,’ अर चिकु शरमिन्दा होइकना सारैं थ गैल्लै बैठणा पड़ै। 10पर अगर चिकु किनी न्योत्ता देवड़ा होवै, तो तौं सारैं थ गैल्लै जाई बैस, ताकी चिकु जिनु न्योत्ता दिया है, वो आइकना कैहै, ‘हे भाई, आग्गै चाल्ली बैस।’ पिछैं तेरै सात्थी बैसणै आळैं साम्है तेरी बड़ाई होग। 11#मत्ती 23:12; लूका 18:14क्योंकि जो कोइ अपणे-आप्पा कु बड़ा बणाउगड़ा, वो ल्होड़ा करया जाग, अर जो कोइ अपणे-आप्पा कु ल्होड़ा बणाउगड़ा, वो बड़ा करया जाग।”
12पिछैं यीशुऐं आपके न्योत्ता दैणैं आळे थ भी कैहया, “जिद तौं दिना या रात्ती कि रोट्टी धरैं, तो आपके दोस्त या भाइय्यैं या रीश्तेदारैं कु या किसी अमीर पड़ोसियैं कु ना बुलाइय्यैं। कड़ी इदा ना होवै कि वो भी चिकु न्योत्ता देइकना तेरा बदला पूरा करैं। 13पर जिद तौं रोट्टी धरुआवैं, तो कंगाल्लैं अर टुण्डैं लंगड़ैं अर आँध्धैं कु बुला। 14पिछैं तौं धन्य होंग, क्योंकि उनकै धौरै चिकु बदला दैणैं वास्तै काहीं भी कोइन होवै। पर चिकु धर्मियैं के जीवी ऊठणैं पर इसका इनाम मिलगड़ा।”
दावत धरनै का उधाहरण
(मत्ती 22:1–10)
15यीशुआ सात्थी रोट्टी खाणैं आळैं माहलैं ये बात्तां सुणीकना यीशुआ थ कैहया, “धन्य हैं वो जो परमेश्वरा के राज्जा म रोट्टी खाँगड़े।”
16इसपर यीशुऐं उसकु कैहया, “किनी इन्सान्नै एक बड़ी दावत धरवाई, अर उनु कइय्यैं कु बुलाया। 17अर जिद दावता कि त्यारी होई गई, तो उनु आपके दास्सा के ज़रीये बुलाओड़ें कु या कही घलाया, ‘आओ इब दावता कि रोट्टी त्यार है।’ 18पर वो सारे ही बहान्ना मारनै लाग्गी गये। एक्की कैहया, ‘मैं खेत मौल लिया है, अर मैं उसकु देखणैं जाणां है, इसकरी मिस्कु माफ कर।’ 19दुसरैं कैहया, ‘मैं पाँच जोड़े बैल मौल लिये हैं, अर मैं उनकी जाँच करनै जाणां है, इसकरी हूँ मीन्त करता हैं, मिस्कु माफ कर।’ 20एक्की होर जणैं कैहया कि, ‘मेरा इभी ब्याह होया है, इसकरी हूँ नाही आई सकैं।’ 21अर ये बात्तां दास्सैं आपके मालका कु आई बताइय्याँ, अर या सुणी मालकैं रोष्षा म आपके दास्सा थ कैहया, ‘शहरा के रस्तैं अर गळियैं म जाइकना कंगलैं, टुण्डैं, लंगड़ैं अर आँध्धैं कु लेई आओ।’ 22फेरी दास्सैं कैहया, ‘हे मालक, तेरा हुकम पूरा करया गया है, पर इब भी जाघ्घा बाक्की है’। 23फेरी मालकैं कैहया, ‘सड़कैं अर खेत्तैं के रस्ते म जाइकना लोक्कैं कु मनाई लेई आओ, ताकी मेरा घर भरी जावै। 24क्योंकि हूँ थमकु कैहता हैं, कि मेरे बुलाओड़ैं माहला, कोइ भी मेरीया दावता किया रोटिया कु कोइ चाक्खी सकै।’”
चेल्ला बणणैं कि किमत?
(मत्ती 10:37,38)
25एक बड़ी भीड़ यीशुआ सात्थी चाल्या करी, यीशुऐं उनकै वळ मुड़ीकना कैहया, 26#मत्ती 10:37“अगर कोइ मेरै धौरै आवता है, अर आपके मा-बाप अर लुगाई अर टाबरैं या भाई बाहाण, बल्की आपकिया जिन्दगिया कु भी मायनै समझै, तो वो मेरा चेल्ला नाही बणी सकै। 27#मत्ती 10:38; 16:24; मर 8:34; लूका 9:23अर अगर कोइ आपका क्रूस ना चावै, अर मेरै गैल्लै ना होवै, तो वो मेरा चेल्ला नाही होई सकै।”
28“थारै माहला ऐस्सा कोण है, जो घर बणाणा चाहता हो, अर पैहलै उसके खर्चे का हिसाब ना करै, कि पूरी रकम है भी, के नाही? 29नाही तो वो नींव तो घाल्ली लैग, पर वो घर पूरा कोइ बणाई सकै, अर जिनु उसकी शुरुआत देक्खी थी, वो उसका मज़ाक उड़ाईकना कैहैंगड़े, 30‘या इन्सान घर बणाणैं तो लाग्या पर पूरा कोइ बणाई सख्या।’”
31“या फेरी क्या कोइ ऐस्सा राजा है, जो युद्ध करनै थ पैहलै या ना सोच्चै, कि ‘जो मेरै पर बीस हजार सेना लेई आया करता है, क्या हूँ उसथै दस हजार सेना लेई लड़ी सक्ता हैं क नाही?’ 32अगर इदा ना होग, तो वो आपका दूत घलाइकना उसथै मेल-मिलाप करनै कि मीन्त करगड़ा। 33इसी तरीक्के थ, अगर जो कोइ आपका सारा काइं ना त्याग्गी दवै, मेरा चेल्ला नाही बणी सकै।”
बेस्वाद लूण
(मत्ती 5:13; मरकुस 9:50)
34“लूण तो आच्छा है, पर अगर लूणा का सुआद ही खराब होई जावै, तो वो किस चिज्जा थ लूणी करया जागड़ा? 35फेरी ना तो वो ज़मिन्ना क, अर ना ही खाद्दा वास्तै काम आवै, अर लोक उसकु बाहर राळी देत्ते हैं।
“जिनके सुणणै के कान हैं, वो सुणी लवैं।”
S'ha seleccionat:
लूका 14: Sansi
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Life Literature
लूका 14
14
अराम्मा के दिना म सूल करना
1एक बारी यीशु अराम्मा के दिना म फरीसियैं के किसी बड़े मुखिये के घरा म रोट्टी खाणैं गया, अर वो सारे ही उसपर आँख लगाई बैठ्ठे थिये। 2ओठ्ठी एक इन्सान उसकै साम्है बैठ्ठा थिया, जिस्कै सुजणैं कि बिमारी थी। 3इसपर यीशुऐं यहूदी शास्त्रीयैं अर फरीसियैं थ बुझ्झया, “क्या अराम्मा के दिना म किसी कु सूल करना सही है, कै नाही?”
4पर वो सारे चुप रहे, अर यीशुऐं उसकै हाथ लगाई उसकु सूल करया, अर घलाई दिया। 5अर उनथै कैहया, “थारै माहला ऐस्सा कौण है, जिस्का बेट्टा या पशु अराम्मा के दिना म, कुँए म पड़ी जावै अर वो उसकु उसी वक्त बाहर ना काढ्ढैं?”
6पर वो इस बात्ता का कोइ जवाब कोइ देई सके।
खात्तरदारी अर दीन होणा
7जिद यीशुऐं देख्या, कि मैहमान बैठणै वास्तै खास जाघ्घा देख्या करते हैं, तो उनु एक उधाहरण देई उनकु कैहया, 8“जिद थम किसी भी ब्याह म जावो, तो किसी खास जाघ्घा पर ना बैसीयो, कड़ी इदा ना होवै, कि उनु तेरै थ भी किसी खास मैहमान्ना कु न्योत्ता देवोड़ा होवै, 9अर जिनु थम दोन्नो कु न्योत्ता देवोड़ा है, वो आइकना चिकु कैहै, ‘इस्कु जाघ्घा दे,’ अर चिकु शरमिन्दा होइकना सारैं थ गैल्लै बैठणा पड़ै। 10पर अगर चिकु किनी न्योत्ता देवड़ा होवै, तो तौं सारैं थ गैल्लै जाई बैस, ताकी चिकु जिनु न्योत्ता दिया है, वो आइकना कैहै, ‘हे भाई, आग्गै चाल्ली बैस।’ पिछैं तेरै सात्थी बैसणै आळैं साम्है तेरी बड़ाई होग। 11#मत्ती 23:12; लूका 18:14क्योंकि जो कोइ अपणे-आप्पा कु बड़ा बणाउगड़ा, वो ल्होड़ा करया जाग, अर जो कोइ अपणे-आप्पा कु ल्होड़ा बणाउगड़ा, वो बड़ा करया जाग।”
12पिछैं यीशुऐं आपके न्योत्ता दैणैं आळे थ भी कैहया, “जिद तौं दिना या रात्ती कि रोट्टी धरैं, तो आपके दोस्त या भाइय्यैं या रीश्तेदारैं कु या किसी अमीर पड़ोसियैं कु ना बुलाइय्यैं। कड़ी इदा ना होवै कि वो भी चिकु न्योत्ता देइकना तेरा बदला पूरा करैं। 13पर जिद तौं रोट्टी धरुआवैं, तो कंगाल्लैं अर टुण्डैं लंगड़ैं अर आँध्धैं कु बुला। 14पिछैं तौं धन्य होंग, क्योंकि उनकै धौरै चिकु बदला दैणैं वास्तै काहीं भी कोइन होवै। पर चिकु धर्मियैं के जीवी ऊठणैं पर इसका इनाम मिलगड़ा।”
दावत धरनै का उधाहरण
(मत्ती 22:1–10)
15यीशुआ सात्थी रोट्टी खाणैं आळैं माहलैं ये बात्तां सुणीकना यीशुआ थ कैहया, “धन्य हैं वो जो परमेश्वरा के राज्जा म रोट्टी खाँगड़े।”
16इसपर यीशुऐं उसकु कैहया, “किनी इन्सान्नै एक बड़ी दावत धरवाई, अर उनु कइय्यैं कु बुलाया। 17अर जिद दावता कि त्यारी होई गई, तो उनु आपके दास्सा के ज़रीये बुलाओड़ें कु या कही घलाया, ‘आओ इब दावता कि रोट्टी त्यार है।’ 18पर वो सारे ही बहान्ना मारनै लाग्गी गये। एक्की कैहया, ‘मैं खेत मौल लिया है, अर मैं उसकु देखणैं जाणां है, इसकरी मिस्कु माफ कर।’ 19दुसरैं कैहया, ‘मैं पाँच जोड़े बैल मौल लिये हैं, अर मैं उनकी जाँच करनै जाणां है, इसकरी हूँ मीन्त करता हैं, मिस्कु माफ कर।’ 20एक्की होर जणैं कैहया कि, ‘मेरा इभी ब्याह होया है, इसकरी हूँ नाही आई सकैं।’ 21अर ये बात्तां दास्सैं आपके मालका कु आई बताइय्याँ, अर या सुणी मालकैं रोष्षा म आपके दास्सा थ कैहया, ‘शहरा के रस्तैं अर गळियैं म जाइकना कंगलैं, टुण्डैं, लंगड़ैं अर आँध्धैं कु लेई आओ।’ 22फेरी दास्सैं कैहया, ‘हे मालक, तेरा हुकम पूरा करया गया है, पर इब भी जाघ्घा बाक्की है’। 23फेरी मालकैं कैहया, ‘सड़कैं अर खेत्तैं के रस्ते म जाइकना लोक्कैं कु मनाई लेई आओ, ताकी मेरा घर भरी जावै। 24क्योंकि हूँ थमकु कैहता हैं, कि मेरे बुलाओड़ैं माहला, कोइ भी मेरीया दावता किया रोटिया कु कोइ चाक्खी सकै।’”
चेल्ला बणणैं कि किमत?
(मत्ती 10:37,38)
25एक बड़ी भीड़ यीशुआ सात्थी चाल्या करी, यीशुऐं उनकै वळ मुड़ीकना कैहया, 26#मत्ती 10:37“अगर कोइ मेरै धौरै आवता है, अर आपके मा-बाप अर लुगाई अर टाबरैं या भाई बाहाण, बल्की आपकिया जिन्दगिया कु भी मायनै समझै, तो वो मेरा चेल्ला नाही बणी सकै। 27#मत्ती 10:38; 16:24; मर 8:34; लूका 9:23अर अगर कोइ आपका क्रूस ना चावै, अर मेरै गैल्लै ना होवै, तो वो मेरा चेल्ला नाही होई सकै।”
28“थारै माहला ऐस्सा कोण है, जो घर बणाणा चाहता हो, अर पैहलै उसके खर्चे का हिसाब ना करै, कि पूरी रकम है भी, के नाही? 29नाही तो वो नींव तो घाल्ली लैग, पर वो घर पूरा कोइ बणाई सकै, अर जिनु उसकी शुरुआत देक्खी थी, वो उसका मज़ाक उड़ाईकना कैहैंगड़े, 30‘या इन्सान घर बणाणैं तो लाग्या पर पूरा कोइ बणाई सख्या।’”
31“या फेरी क्या कोइ ऐस्सा राजा है, जो युद्ध करनै थ पैहलै या ना सोच्चै, कि ‘जो मेरै पर बीस हजार सेना लेई आया करता है, क्या हूँ उसथै दस हजार सेना लेई लड़ी सक्ता हैं क नाही?’ 32अगर इदा ना होग, तो वो आपका दूत घलाइकना उसथै मेल-मिलाप करनै कि मीन्त करगड़ा। 33इसी तरीक्के थ, अगर जो कोइ आपका सारा काइं ना त्याग्गी दवै, मेरा चेल्ला नाही बणी सकै।”
बेस्वाद लूण
(मत्ती 5:13; मरकुस 9:50)
34“लूण तो आच्छा है, पर अगर लूणा का सुआद ही खराब होई जावै, तो वो किस चिज्जा थ लूणी करया जागड़ा? 35फेरी ना तो वो ज़मिन्ना क, अर ना ही खाद्दा वास्तै काम आवै, अर लोक उसकु बाहर राळी देत्ते हैं।
“जिनके सुणणै के कान हैं, वो सुणी लवैं।”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
New Life Literature