Lucas 21
21
Laj yac' smoton Dios ta ch'ulna jun me'on ants
(Mr 12.41-44)
1Li Jesuse la stoy sat; laj yil ti oy jc'ulejetic ta xaq'uic smoton Dios te ta yavile. 2Laj yil noxtoc jun me'on ants solel mu'yuc c'usi oy yu'un. Ja' no'ox cha'sep bic'tal taq'uin laj yac'. 3Li Jesuse jech laj yal:
—Melel chacalboxuc, li me'on ants le'e ja' xjelov yepal laj yac' ta scotolic. 4Yu'un li jc'ulejetique puru scomelal xa staq'uin laj yaq'uic. Yan li me'on antse laj yac' scotol ti c'u yepal oy yu'un sventa tsmac'lin sba oe —xi li Jesuse.
Laj yal Jesús ti tsta yorail ta xvuq'uesat li ch'ulnae
(Mt 24.1-2; Mr 13.1-2)
5Oy jayibuc te chlo'ilajic ta sventa ch'ulna ti toj c'upilic sba li tonetic pasbil oe, xchi'uc ti toj c'upilic sba st'ujumal la spasic o ta sventa li c'usitic laj yaq'uic ta smoton Diose. 6Li Jesuse jech laj yal:
—Scotol li c'usitic chavilic li' ta orae ta to sta sc'ac'alil ta xich' vuq'uesel scotol. Me jbejuc ton mu'yuc bu cajal ta xcom ta sba yac'ol yan ton —xut.
Sq'uelubiltac sventa slajebal c'ac'al
(Mt 24.3-28; Mr 13.3-23)
7Jech la sjac'beic li Jesuse:
—Jchanubtasvanej, ¿c'usi ora ta xc'ot ta pasel jech le'e? ¿C'usi sq'uelubil chvinaj ti c'alal po'ot xa chc'ot ta pasele? —xutic.
8Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic. 9C'alal chava'yic oy xa pleito, xchi'uc ti oy xa boch'o ta scontrain sbaique, mu me xaxi'ic. Ta persa jech ta xc'ot ta pasel ba'yuc, pero mu to ja'uc slajebal c'ac'al”, xi.
10Jech laj yal noxtoc: “Ta xlic scontrain sbaic cristianoetic ta jujun banamil. Ta to xlic scontrain sbaic ajvaliletic noxtoc. 11Ta xjelov tsots niqueletic. Ta to xtal tsots vi'nal xchi'uc chamel ta buticuc banamilal. Ta to xtal ep xi'el, xchi'uc muc'tic sq'uelubil stsatsal Dios ta vinajel.
12“C'alal muc to chc'ot ta pasel jeche, ba'yuc chavich'ic tsaquel, chavich'ic uts'intael. Chavich'ic aq'uel ta sc'ob boch'otic oy yabtelic ta nail tsobobbailetic, xchi'uc chavich'ic chuquel. Chavich'ic iq'uel batel ta stojol muc'tic ajvaliletic, xchi'uc ta stojol its'inal ajvaliletic, pero vu'un ta jcoj. 13C'alal jech chc'ot ta pasele, ja' yorail te chavinajesbicun batel jc'oplal. 14Te me oyuc ta avo'ntonic ti tsc'an mu xanopilanic ba'yuc li c'usi chc'ot avalique. 15Yu'un vu'un chcac' ana'ic c'usi chavalic, xchi'uc vu'un ta xcac'boxuc abijilic. Jech mu xastsaloxuc ta lo'il, jech mu xu' yu'unic staq'uel li boch'o ta scontrainoxuque.#Lc 12.11-12. 16Oy ta xlic yac'oxuc ta c'abal atot ame'ic, achi'ilic ta voq'uel, avuts' avalalic, xchi'uc li boch'o lec xac'opan aba achi'uquique. Oy te ta smiloxuc o. 17Solel bajbil chac'otic yu'un scotol cristianoetic ta jcoj. 18Pero me jlicuc stsotsil ajolic mu xch'ay. 19Me jun avo'nton chcuch avu'unique, chacolic.
20“C'alal chavilic li' xa joyibtabil ta soldadoetic li lum Jerusalene, na'ic me ti yu'un laj xa sta yorail ta chich' vuq'uesele. 21Vo'oxuc ti li' nacaloxuc ta Judea banamile, jatovanic batel ta anil ta vitsetic. Li boch'otic li' oyic ta yut lume, ac'o loq'uicuc batel. Li boch'otic loq'uemic batele, mu xa me x'ochic tal. 22Yu'un ja' xa sc'ac'alil ta xich'beic stojol#Os 9.7. jech chac c'u cha'al ts'ibabil comele. 23Ja' toj abul sba li antsetic ti ja' to xchi'inoj yolique xchi'uc li boch'otic ta to xchu'un yolique. Yu'un toj c'ux li vocol chtal li' ta banamile. Toj tsots stojol smul chich' li cristianoetic li'i. 24Oy ta xmilatic ta espada. Oy chucbil chbatic ta yantic banamil. Li lum Jerusalén li'i chlaj ta pech'el ta teq'uel yu'un yanlum cristianoetic, ja' to me its'aqui sc'ac'alil yu'unique.
Sc'oplal chcha'tal Cajvaltic
(Mt 24.29-35,42-44; Mr 13.24-37)
25“Jech noxtoc ta xvinaj sq'uelubil ta c'ac'al,#21.25 C'ac'al - Oy boch'o chalic jtotic. ta u,#21.25 U - Oy boch'o chalic jme'tic. xchi'uc ta c'analetic.#Is 13.10; Ez 32.7; Jl 2.31; Ap 6.12-13. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae. 26Li cristianoetique ch-alubic ta scoj xi'el, xchi'uc ta scoj sc'op o'ntonal li c'usitic chtal li' ta banamile. Yu'un scotol li c'usitic oy ta vinajele ta xnic scotol. 27Ja'o ta xilic chiyal tal ta toc,#Dn 7.13; Ap 1.7. vu'un ti Xnich'on cristiano lic'ote. Ep jtsatsal xchi'uc tsots jxojobal chital. 28C'alal chavilic ta xlic c'otuc ta pasel scotol li c'usitic laj calboxuque, mu me xaxi'ic. Teteuc me asatic, yu'un po'ot xa chacolic”, xi li Jesuse.
29Jech laj yal noxtoc: “Q'uelavilic li higoe xchi'uc scotol li yantic te'etique. 30C'alal ta xq'uexine, xana'ic ti po'ot xa yorail vo'olaltique. 31Ja' no'ox jech ec li vo'oxuque, c'alal chavilic ta xc'ot ta pasel scotol li c'usi calojboxuque, jech chana'ic o ti po'ot xa chlic sventainoxuc li Diose.
32“Melel chacalboxuc, vo'oxuc ti li' cuxuloxuc ta orae, oy mu'yuc to chachamic ja' to me ic'ot ta pasel scotol li c'usi laj calboxuque. 33Li vinajel banamile ta xlaj, pero li jc'ope mu xlaj sc'oplal o.
34“Q'uelo me aba atuquic. Mu me stsatsub avo'ntonic ta scoj li c'usitic tsc'an abec'talique, ta sventa li yacubele, xchi'uc ta sventa sc'op o'ntonal ti c'u x'elan chacuxiique. Yu'un jech mu ch'ayemuc avo'ntonic c'alal chc'ot ta pasel 35jech chac c'u cha'al li c'usi ch-och ta yoquile. Yu'un ja' jech chc'ot ta stojol scotol li cristianoetic ta sbejel banamile. 36Viq'uiluc me asatic cha'e; c'anbeic vocol Dios scotol c'ac'al ti ac'o cuchuc avu'unic scotol c'alal chc'ot ta pasel jech chac le'e. Jech lec va'al chacomic ta jtojol vu'un ti Xnich'on cristiano lic'ote”, xi li Jesuse.
37Ta c'ac'altique te ichanubtasvan ta ch'ulna ta Jerusalén li Jesuse.#Lc 19.47. Yan ta jujun ac'ubale iloc' batel, bat vayuc ta vits Olivatic. 38Scotol li cristianoetique ta jujun sob ibatic ta ch'ulna, yu'un ta xa'ibeic sc'op li Jesuse.
S'ha seleccionat:
Lucas 21: TZE97
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Tzotzil Chenalhó DC Bible © Sociedad Bíblica de México, a. c., 2002.
Lucas 21
21
Laj yac' smoton Dios ta ch'ulna jun me'on ants
(Mr 12.41-44)
1Li Jesuse la stoy sat; laj yil ti oy jc'ulejetic ta xaq'uic smoton Dios te ta yavile. 2Laj yil noxtoc jun me'on ants solel mu'yuc c'usi oy yu'un. Ja' no'ox cha'sep bic'tal taq'uin laj yac'. 3Li Jesuse jech laj yal:
—Melel chacalboxuc, li me'on ants le'e ja' xjelov yepal laj yac' ta scotolic. 4Yu'un li jc'ulejetique puru scomelal xa staq'uin laj yaq'uic. Yan li me'on antse laj yac' scotol ti c'u yepal oy yu'un sventa tsmac'lin sba oe —xi li Jesuse.
Laj yal Jesús ti tsta yorail ta xvuq'uesat li ch'ulnae
(Mt 24.1-2; Mr 13.1-2)
5Oy jayibuc te chlo'ilajic ta sventa ch'ulna ti toj c'upilic sba li tonetic pasbil oe, xchi'uc ti toj c'upilic sba st'ujumal la spasic o ta sventa li c'usitic laj yaq'uic ta smoton Diose. 6Li Jesuse jech laj yal:
—Scotol li c'usitic chavilic li' ta orae ta to sta sc'ac'alil ta xich' vuq'uesel scotol. Me jbejuc ton mu'yuc bu cajal ta xcom ta sba yac'ol yan ton —xut.
Sq'uelubiltac sventa slajebal c'ac'al
(Mt 24.3-28; Mr 13.3-23)
7Jech la sjac'beic li Jesuse:
—Jchanubtasvanej, ¿c'usi ora ta xc'ot ta pasel jech le'e? ¿C'usi sq'uelubil chvinaj ti c'alal po'ot xa chc'ot ta pasele? —xutic.
8Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic. 9C'alal chava'yic oy xa pleito, xchi'uc ti oy xa boch'o ta scontrain sbaique, mu me xaxi'ic. Ta persa jech ta xc'ot ta pasel ba'yuc, pero mu to ja'uc slajebal c'ac'al”, xi.
10Jech laj yal noxtoc: “Ta xlic scontrain sbaic cristianoetic ta jujun banamil. Ta to xlic scontrain sbaic ajvaliletic noxtoc. 11Ta xjelov tsots niqueletic. Ta to xtal tsots vi'nal xchi'uc chamel ta buticuc banamilal. Ta to xtal ep xi'el, xchi'uc muc'tic sq'uelubil stsatsal Dios ta vinajel.
12“C'alal muc to chc'ot ta pasel jeche, ba'yuc chavich'ic tsaquel, chavich'ic uts'intael. Chavich'ic aq'uel ta sc'ob boch'otic oy yabtelic ta nail tsobobbailetic, xchi'uc chavich'ic chuquel. Chavich'ic iq'uel batel ta stojol muc'tic ajvaliletic, xchi'uc ta stojol its'inal ajvaliletic, pero vu'un ta jcoj. 13C'alal jech chc'ot ta pasele, ja' yorail te chavinajesbicun batel jc'oplal. 14Te me oyuc ta avo'ntonic ti tsc'an mu xanopilanic ba'yuc li c'usi chc'ot avalique. 15Yu'un vu'un chcac' ana'ic c'usi chavalic, xchi'uc vu'un ta xcac'boxuc abijilic. Jech mu xastsaloxuc ta lo'il, jech mu xu' yu'unic staq'uel li boch'o ta scontrainoxuque.#Lc 12.11-12. 16Oy ta xlic yac'oxuc ta c'abal atot ame'ic, achi'ilic ta voq'uel, avuts' avalalic, xchi'uc li boch'o lec xac'opan aba achi'uquique. Oy te ta smiloxuc o. 17Solel bajbil chac'otic yu'un scotol cristianoetic ta jcoj. 18Pero me jlicuc stsotsil ajolic mu xch'ay. 19Me jun avo'nton chcuch avu'unique, chacolic.
20“C'alal chavilic li' xa joyibtabil ta soldadoetic li lum Jerusalene, na'ic me ti yu'un laj xa sta yorail ta chich' vuq'uesele. 21Vo'oxuc ti li' nacaloxuc ta Judea banamile, jatovanic batel ta anil ta vitsetic. Li boch'otic li' oyic ta yut lume, ac'o loq'uicuc batel. Li boch'otic loq'uemic batele, mu xa me x'ochic tal. 22Yu'un ja' xa sc'ac'alil ta xich'beic stojol#Os 9.7. jech chac c'u cha'al ts'ibabil comele. 23Ja' toj abul sba li antsetic ti ja' to xchi'inoj yolique xchi'uc li boch'otic ta to xchu'un yolique. Yu'un toj c'ux li vocol chtal li' ta banamile. Toj tsots stojol smul chich' li cristianoetic li'i. 24Oy ta xmilatic ta espada. Oy chucbil chbatic ta yantic banamil. Li lum Jerusalén li'i chlaj ta pech'el ta teq'uel yu'un yanlum cristianoetic, ja' to me its'aqui sc'ac'alil yu'unique.
Sc'oplal chcha'tal Cajvaltic
(Mt 24.29-35,42-44; Mr 13.24-37)
25“Jech noxtoc ta xvinaj sq'uelubil ta c'ac'al,#21.25 C'ac'al - Oy boch'o chalic jtotic. ta u,#21.25 U - Oy boch'o chalic jme'tic. xchi'uc ta c'analetic.#Is 13.10; Ez 32.7; Jl 2.31; Ap 6.12-13. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae. 26Li cristianoetique ch-alubic ta scoj xi'el, xchi'uc ta scoj sc'op o'ntonal li c'usitic chtal li' ta banamile. Yu'un scotol li c'usitic oy ta vinajele ta xnic scotol. 27Ja'o ta xilic chiyal tal ta toc,#Dn 7.13; Ap 1.7. vu'un ti Xnich'on cristiano lic'ote. Ep jtsatsal xchi'uc tsots jxojobal chital. 28C'alal chavilic ta xlic c'otuc ta pasel scotol li c'usitic laj calboxuque, mu me xaxi'ic. Teteuc me asatic, yu'un po'ot xa chacolic”, xi li Jesuse.
29Jech laj yal noxtoc: “Q'uelavilic li higoe xchi'uc scotol li yantic te'etique. 30C'alal ta xq'uexine, xana'ic ti po'ot xa yorail vo'olaltique. 31Ja' no'ox jech ec li vo'oxuque, c'alal chavilic ta xc'ot ta pasel scotol li c'usi calojboxuque, jech chana'ic o ti po'ot xa chlic sventainoxuc li Diose.
32“Melel chacalboxuc, vo'oxuc ti li' cuxuloxuc ta orae, oy mu'yuc to chachamic ja' to me ic'ot ta pasel scotol li c'usi laj calboxuque. 33Li vinajel banamile ta xlaj, pero li jc'ope mu xlaj sc'oplal o.
34“Q'uelo me aba atuquic. Mu me stsatsub avo'ntonic ta scoj li c'usitic tsc'an abec'talique, ta sventa li yacubele, xchi'uc ta sventa sc'op o'ntonal ti c'u x'elan chacuxiique. Yu'un jech mu ch'ayemuc avo'ntonic c'alal chc'ot ta pasel 35jech chac c'u cha'al li c'usi ch-och ta yoquile. Yu'un ja' jech chc'ot ta stojol scotol li cristianoetic ta sbejel banamile. 36Viq'uiluc me asatic cha'e; c'anbeic vocol Dios scotol c'ac'al ti ac'o cuchuc avu'unic scotol c'alal chc'ot ta pasel jech chac le'e. Jech lec va'al chacomic ta jtojol vu'un ti Xnich'on cristiano lic'ote”, xi li Jesuse.
37Ta c'ac'altique te ichanubtasvan ta ch'ulna ta Jerusalén li Jesuse.#Lc 19.47. Yan ta jujun ac'ubale iloc' batel, bat vayuc ta vits Olivatic. 38Scotol li cristianoetique ta jujun sob ibatic ta ch'ulna, yu'un ta xa'ibeic sc'op li Jesuse.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Tzotzil Chenalhó DC Bible © Sociedad Bíblica de México, a. c., 2002.