Yùxanà 11
11
Lazarì saun min niì Betanìn wɔ̀ rɔ̀n
1 #
Luk 10.38,39. Àyìwà, kpiri sɔn na ɲìniɔ̀n Betanìn wɔ̀ rɔ̀n, nìi tsoo ci Lazarì. Tàan fii swey sa na tsùuŋnà Betanìn wɔ̀ rɔ̀n, twɛy tseyn ko tsìnà: soo tsoo ci Maritsì, soo tsoo yè bà ci Mariyamùn. 2#Yux 12.3.Tàan sɔn ɲinin kinin dziù kon dɔ̀un Tsìfaà sàn nèè tsɛ, è kungwɛ̀ɛn ka à tsùsa. Tɔ̀ taàn na Mariyamùn nì. Tɔ̀ keresi Lazar'lì naà cɛrɛma waa. 3Maritsì ko Mariyamùn yè mòò ka Yesù kpɛyn, è bè dè à ra ci: «Tsìfaà, wo dzunwɛynsi riì goojaa xɔ wo re, fɔ è bè geren, tɔ̀ na cɛrɛma waa.»
4Yesù tɔ̀ myɛ̀un min niì, è dzin ci: «Nèe ɲìn'nèe na Lazarì saàn ɲìn'nà waa, à goo rìì, nìi nà blà wɔ Ŋaablà ɲan, tà ko è Ŋaablà Dzin Kpir'la nɔɔrɔɔ̀ kpàdè.»
5Maritsì, ko Mariyamùn ko Lazarì, è sapɛ goo na dzi Yesù rà, fɔ è bè geren. 6Yesù rè à myɛ̀unmaà shɔ̀ùn ci Lazarì na cɛrɛma waa, à na ni min niì, è to mɔn bwèy fii kɔn. 7Tɔ̀un, è dzin e re kàràndzin neè rà ci: «Y'a wa, mìn kpɛyn sèè Yude mar'la ɲàn.»
8Kàràndzin neè yè dzin à ra ci: «Kàrànfaà, à na ciɔ̀n waa, Yude mar'la Dzyèèsìbee mòdzin neè na wo dzyɛn vuma gaa kpàa ì ka. Arì she wo to n'a re, wo yè bè mɔn ŋe.»
9È dzin è ra ci: «Waatsi teeŋ fii rìì na ni bwèy sɔɔ̀n doùn ɔ̀n ? Àwà, mòò ye ba jìɛ bwèy rɔ̀n, à na e san nà baan waa, kàtsu vyevyeè kamà, à jɛ̀y faa cɛyn. 10Ŋà, mòò ye ba jìɛ fene rɔn, è san nà baan, kàtsu vyevyee na ni à ɲan waa.»
11Twɛy gooma reè shɔ̀ùn, Yesù yè dzin è ra ci: «Ɲe dzunwɛynsi kpiri Lazarì cìiŋnà, ŋà, mun nà bè, min b'a kpunan.»
12À tɔ̀ dèu min niì, kàràndzin neè yè dzin à ra ci: «Tsìfaà, è ba cìiŋnà, tɔ̀ y'a kpàdèe, ci à nà cɛrɛmabe.»
13Yesù rè goomaa doùn, à na ci Lazarì saɔn rìì, ŋà, kàràndzin neè na à siɛ̀n, ci à cìi maana maànà nì gooma dekɔɔn. 14Tɔ̀un, à y'à dè fyɛ è ra ci: «Lazarì saun ni. 15Ŋà, mun na ba ni mɔn nìi fa waa, tɔ mun taama dzibeò ye kamà, kàtsu, tɔ nà bà saabu, ye yè ɲɛn mun na ŋe. Àwà, mùn y'a wa à re mɔn.»
16Tɔ̀un, Yesù rè kàràndzin niì tsoo ci Tomà, yè bà à kir'là sa, ci fìrìkàmaa, tɔ̀ yeè dzin e koòsi kàràndzin neè rà ci: «Mùn sa y'a wa, mìn bè san à ka.»
17Àyìwà, Yesù ci e ye bè wɔ mɔn waatsi riì bwèy, tɔ̀ y'a tàrà, Lazarì fùàn na bwèy nààlen faɔ̀ fùnkɔɔ rè nòn, tɔ̀ ɲɛɛna faà ɲàn, a ci kpankɔɔ 18Betanìn wɔ̀ɔ̀ ko Yerusalɛmùn fia gbànbee naà gereon cilo zhììgi tsuru tsɛ waa. 19Àwà, Yude mar'la Dzyèèsìbee mòdzin neè giri na naɔ̀ Maritsì ko Mariyamùn kpà, yè nà è keresia shì tswɛɛ̀ fa, yè è jaayu tsɛ̀ tɔ̀ ka.
20Maritsì toro jiu à ɲan min niì, ci Yesù nàa, è bè, ci wo bèe à kùùntsi. Nìi Mariyamùn, tɔ̀ yeè e tsuù to gbàà doùn. 21Maritsì bèu dzi Yesù tsɛ waatsi riì bwèy, è dzin à ra ci: «Tsìfaà, wo ye ba na ni mìin, mun keresia fa ni san waa. 22Ŋà, m'a tɔ̀, arì she wo ye goo o goo gaa Ŋaablà re, à nà tɔ̀ fa wo re.»
23Yesù yè dzin à ra ci: «Maritsì, wo keresia nà sèè kpunan.»
24Maritsì yè dzin à ra ci: «Mun kpɛ̀ynto y'à tɔ̀, ci tsìɛ̀ sii sèè, à sa nà sèè kpunan bo saàn ɲàn ko fùn nèè ka.»
25Yesù yè dzin à ra ci: «Fùn nèè sèè kpunaàn ko jaamabee, tɔ mun nì. Mòò o moò ye ɲɛn mun na, arì à tsìfa kɛ̀nsɛɛn ye san, à nà sèè è jaamabee fa. 26Mòò o moò to jaama, à ye ɲɛn mun na, à fa san jà dɛ. Wo ɲɛɔ̀n tɔ̀ ra ɔ ?»
27Maritsì yè dzin ci: «Ɔ̀ɔn Tsìfaà, mun ɲɛɔ̀n à ra, ci wo rìì Ŋaablà Jaara Modzìàn, Ŋaablà Dzin Kpir'la. Nìi na wù è nà dziɲaan doùn, à Wo rìì.»
28Maritsì tɔ̀ goomaa dè dòu min niì, è dɔ̀n be, è bè e tseyn taan Mariyamùn kiri. È toro kɔɔ doun goòmà dè à ra ci: «Kàrànfaà nàu, à to wo lateè.»
29Mariyamùn dziu tɔ̀ myɛ̀n min niì, è tabe fu, è dɔ̀n be Yesù kpà. 30Àwà, Yesù naà dɔɔ̀n wɔ̀ɔ̀ doùn ŋe waa. Maritsì y'à kùùntsiu min niì, à na ni mɔn nì ŋe. 31Dzyèèsìbee mòdzin niì reè na ni Mariyamùn ka gbàà doùn, yè bà naɔ̀ shì tswɛɛ̀ fa, yè è jaayu tsɛ̀ tɔ̀ ka, twɛy y'à tabe fuuma jàu è bo min niì, è sa yeè fù, yè e gban à kpɛyn. È na à siɛ̀n, ci à bèe gɛynma nì fùnkɔɔ rà.
32Tɔ̀un, Yesù ni min niì, Mariyamùn yè bè dzi mɔn. À Yesù jàu nìi tsuru, è bè e kunun gban ji à sàn dzuun. È dzin à ra ci: «Tsìfaà, wo ye ba na ni mìin, mun keresia fa ni san waa.»
33Yesù y'à jà à gɛɛ. Dzyèèsìbee mòdzin niì reè na naɔ̀ à ka, twɛy sa yeè bà gɛɛ. À tɔ̀ jàu min niì, à goò yè dɔ̀n à ɲan, fɔ è bè geren, à akiri yè gbiiman. 34È tey ci: «Ye y'à wɔu min ?»
Yè dzin à ra ci: «Nà Tsìfaà, wo nà à jà.»
35Yesù yè gɛyn. 36Dzyèèsìbee mòdzin neè yè dzin tɔ̀un ci: «Y'a jàa kɛ̀, Lazarì goo na dzi à ra dɛ !»
37Ŋà, swey yè dzin è ɲan ci: «N ci à jaana kpir'là jaa dzii saun, à fa ni dzi à to Lazarì tsu mà san ɔn ?»
Yesù Lazarì fùàn kpunaun min niì
38À goò yè dɔ̀n Yesù ɲàn kɔn kpɛrɛ, fɔ è bè geren. Àwà, Yesù yè wɔ fùnkɔɔ rà tɔ̀un. Kɔ̀ɔ̀ na ni a ci kpankɔɔ, kpàa yè bà ka à dzii tsyeeŋna. 39È dzin ci: «Ye kpàa bo mɔn.»
Sanbaà keresi Maritsì yè dzin Yesù rà ci: «Tsìfaà, à kinin nà bà boò nòn, kàtsu à bwèy nààlen nì yɛ, à ni kɔ̀ɔ̀ doùn.»
40Yesù yè dzin à ra ci: «Mun na dzin wo ra ci wo ye ba ɲɛɔ̀n Ŋaablà ra, wo nà à nɔɔrɔɔ̀ jà ɔ̀ ?»
41Tɔ̀un, yè kpàa bo kɔ̀ɔ̀ dziɛ rà. Àwà, Yesù yè e jaà ɲansen jìran kèrè, è dzin ci: «Mun Fàà, wo y'à toro wɔ nìi fau mun ne, mun baraka sìan wo ra, è ɲɛn tɔ̀ tsɛ. 42Mun y'à tɔ̀, ci wo y'à toro wɔɔ̀ mun ne kudɛyn, ŋà, mun nèe dèu nì, sànko jàma nìi sapɛ yɛ mun laguruɔ̀, yè ɲɛn à ra, ci wo rìì mun ka naɔ.»
43À tɔ̀ dèu min niì, è sɛ̀ɛ̀y fààn na ci: «Lazarì, bo na mìin !»
44Àwà, Lazarì jaama yeè bo na kɔ̀ɔ̀ doùn tɔ̀un, kasangee ka à si rèè ko à sàn nèe sa miniunà, sɔn yeè bà miniɔ̀n à jaakɔrɔun. Nìì reè na ni mɔn, Yesù yè dzin è ra ci: «Ye nèe sapɛ bo à mà, y'a to è bèe.»
45Àwà, Dzyèèsìbee mòdzin niì reè na naɔ̀ Mariyamùn nè, Yesù goo nìi fau twɛy jaadzin ɲɛun tɔ̀ mà, è giri yè ɲɛn à ra. 46Ŋà, è ɲan, swey yè bè Faridziɲɛn rèè rè. Yesù goo nìi fau, yè bè tɔ̀ dè è ra.
Dzyèèsìbee mòdzin neè jɔundzin neè byɛ̀un à mà min niì ci Yesù wù è vu
47Tɔ̀un, Saaka Jɔundzin neè ko Faridziɲɛn rèè yè kitsi kunun kuru blàa mòdzin neè kiri, yè è ladzyeè. Yè dziàn ci: «Mùn nà fee rìì fa ? Kpir'lee tàànmàshɛn kabagooma giri faa dɛ ! 48Mùn y'a to à y'à faa tɔ̀ tsuru, mòdzian sapɛ nà ɲɛn à ra. Ɔ̀rɔ̀mùnka reè to nà nà mùn ne gàne fɛnɛɛ ci, yè mùn tsua mòò rèè sa bara.»
49Àwà, mòò sɔn na ni è ɲan, tɔ̀ tsoo yè bà ci Kàyifè. Wò rii na Saaka Jɔundzin blaa tɔ̀ jiɛ rà. Tɔ̀ yeè goomaa sen tɔ̀un, è dzin è ra ci: «Ye kpɛ̀yn, ye na gèsɔn pɛn tɔ̀ waa. 50Mòò sɔ̀n dzin soo yeè san mòdzian sapɛ tsɔsaan ɲàn, ye na à jàa ci tɔ fyan ye mà, sani jàmaàn mòdzian sapɛ yeè bara ɔ ?»
51Tɔ̀ y'a tàrà, Kàyifè tɔ̀ niì dèu, tɔ̀ naà boo à yɛ̀r'la ɲàn waa. Ŋà, à na Saaka Jɔundzin blaa tɔ̀ jiɛ rà nìi fa, à Ŋaablà re kɛɛrabe rii fau tɔ̀ tsuru, ci Yesù nà san Dzyèèsìbee mòdzin neè tsua tsɔ̀saan ɲàn. 52À to fa san Dzyèèsìbee mòdzin neè tsua bàsɔùn kamà waa, ŋà, Ŋaablà dzin nìì reè jee jiɔ̀ min niì sapɛ, à nà twɛy sa dzyeè soo.
53È sen tɔ̀ jisee rà, Dzyèèsìbee mòdzin neè jɔundzin neè yè byɛ̀n à mà, ci Yesù yè vu. 54Tɔ̀ kamà, Yesù tsu naà e kungɔ boò jàmaà fi, è bà ni e ɲantsyeere Dzyèèsìbee mòdzin neè fi dɛ. È bo mɔn tɔ̀un, è bè jènjàà kor'nà tɛyn wɔ̀ sɔn ɲan, tɔ̀ tsoo ci Efarayimùn. È bè to e re kàràndzin neè ka mɔn, yè waatsi fa.
55Àwà, Dzyèèsìbee mòdzin neè rè Geren n tsɛɛ̀ sɛr'là fa waatsi na tsyɛnbe naɔ. Tà doùn, mòdzian giri na boò jàmaàn gàne giri ɲan, yè bè Yerusalɛmùn, sànko ye yè bà ni tabe wɔ sɛr'là jɔun, ye yè e yɛrɛ fɛnɛbeuma tàrà, è bè è re làndà shi rèè tsɛ. 56È na Yesù gaa beè. Tà doùn, è ni Ŋaablà re gbà blàa fɔɔn doùn, yè e si teè ci: «Y'a jàa dzùrù ? Y'a kɛ̀sɛɛ̀, ci à nà nà sɛr'là rè faan ?»
57Tɔ̀ y'a tàrà, Saaka Jɔundzin neè ko Faridziɲɛn rèè dziɔn mòdzian nà, ci mòò riì ye ba à tɔ̀ Yesù ni min niì, è nà e sarà ye ra, sànko è bè kun.
S'ha seleccionat:
Yùxanà 11: BDZU
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024 Église Évangélique Mennonite du Burkina Faso (EEMBF) et SIL International
Yùxanà 11
11
Lazarì saun min niì Betanìn wɔ̀ rɔ̀n
1 #
Luk 10.38,39. Àyìwà, kpiri sɔn na ɲìniɔ̀n Betanìn wɔ̀ rɔ̀n, nìi tsoo ci Lazarì. Tàan fii swey sa na tsùuŋnà Betanìn wɔ̀ rɔ̀n, twɛy tseyn ko tsìnà: soo tsoo ci Maritsì, soo tsoo yè bà ci Mariyamùn. 2#Yux 12.3.Tàan sɔn ɲinin kinin dziù kon dɔ̀un Tsìfaà sàn nèè tsɛ, è kungwɛ̀ɛn ka à tsùsa. Tɔ̀ taàn na Mariyamùn nì. Tɔ̀ keresi Lazar'lì naà cɛrɛma waa. 3Maritsì ko Mariyamùn yè mòò ka Yesù kpɛyn, è bè dè à ra ci: «Tsìfaà, wo dzunwɛynsi riì goojaa xɔ wo re, fɔ è bè geren, tɔ̀ na cɛrɛma waa.»
4Yesù tɔ̀ myɛ̀un min niì, è dzin ci: «Nèe ɲìn'nèe na Lazarì saàn ɲìn'nà waa, à goo rìì, nìi nà blà wɔ Ŋaablà ɲan, tà ko è Ŋaablà Dzin Kpir'la nɔɔrɔɔ̀ kpàdè.»
5Maritsì, ko Mariyamùn ko Lazarì, è sapɛ goo na dzi Yesù rà, fɔ è bè geren. 6Yesù rè à myɛ̀unmaà shɔ̀ùn ci Lazarì na cɛrɛma waa, à na ni min niì, è to mɔn bwèy fii kɔn. 7Tɔ̀un, è dzin e re kàràndzin neè rà ci: «Y'a wa, mìn kpɛyn sèè Yude mar'la ɲàn.»
8Kàràndzin neè yè dzin à ra ci: «Kàrànfaà, à na ciɔ̀n waa, Yude mar'la Dzyèèsìbee mòdzin neè na wo dzyɛn vuma gaa kpàa ì ka. Arì she wo to n'a re, wo yè bè mɔn ŋe.»
9È dzin è ra ci: «Waatsi teeŋ fii rìì na ni bwèy sɔɔ̀n doùn ɔ̀n ? Àwà, mòò ye ba jìɛ bwèy rɔ̀n, à na e san nà baan waa, kàtsu vyevyeè kamà, à jɛ̀y faa cɛyn. 10Ŋà, mòò ye ba jìɛ fene rɔn, è san nà baan, kàtsu vyevyee na ni à ɲan waa.»
11Twɛy gooma reè shɔ̀ùn, Yesù yè dzin è ra ci: «Ɲe dzunwɛynsi kpiri Lazarì cìiŋnà, ŋà, mun nà bè, min b'a kpunan.»
12À tɔ̀ dèu min niì, kàràndzin neè yè dzin à ra ci: «Tsìfaà, è ba cìiŋnà, tɔ̀ y'a kpàdèe, ci à nà cɛrɛmabe.»
13Yesù rè goomaa doùn, à na ci Lazarì saɔn rìì, ŋà, kàràndzin neè na à siɛ̀n, ci à cìi maana maànà nì gooma dekɔɔn. 14Tɔ̀un, à y'à dè fyɛ è ra ci: «Lazarì saun ni. 15Ŋà, mun na ba ni mɔn nìi fa waa, tɔ mun taama dzibeò ye kamà, kàtsu, tɔ nà bà saabu, ye yè ɲɛn mun na ŋe. Àwà, mùn y'a wa à re mɔn.»
16Tɔ̀un, Yesù rè kàràndzin niì tsoo ci Tomà, yè bà à kir'là sa, ci fìrìkàmaa, tɔ̀ yeè dzin e koòsi kàràndzin neè rà ci: «Mùn sa y'a wa, mìn bè san à ka.»
17Àyìwà, Yesù ci e ye bè wɔ mɔn waatsi riì bwèy, tɔ̀ y'a tàrà, Lazarì fùàn na bwèy nààlen faɔ̀ fùnkɔɔ rè nòn, tɔ̀ ɲɛɛna faà ɲàn, a ci kpankɔɔ 18Betanìn wɔ̀ɔ̀ ko Yerusalɛmùn fia gbànbee naà gereon cilo zhììgi tsuru tsɛ waa. 19Àwà, Yude mar'la Dzyèèsìbee mòdzin neè giri na naɔ̀ Maritsì ko Mariyamùn kpà, yè nà è keresia shì tswɛɛ̀ fa, yè è jaayu tsɛ̀ tɔ̀ ka.
20Maritsì toro jiu à ɲan min niì, ci Yesù nàa, è bè, ci wo bèe à kùùntsi. Nìi Mariyamùn, tɔ̀ yeè e tsuù to gbàà doùn. 21Maritsì bèu dzi Yesù tsɛ waatsi riì bwèy, è dzin à ra ci: «Tsìfaà, wo ye ba na ni mìin, mun keresia fa ni san waa. 22Ŋà, m'a tɔ̀, arì she wo ye goo o goo gaa Ŋaablà re, à nà tɔ̀ fa wo re.»
23Yesù yè dzin à ra ci: «Maritsì, wo keresia nà sèè kpunan.»
24Maritsì yè dzin à ra ci: «Mun kpɛ̀ynto y'à tɔ̀, ci tsìɛ̀ sii sèè, à sa nà sèè kpunan bo saàn ɲàn ko fùn nèè ka.»
25Yesù yè dzin à ra ci: «Fùn nèè sèè kpunaàn ko jaamabee, tɔ mun nì. Mòò o moò ye ɲɛn mun na, arì à tsìfa kɛ̀nsɛɛn ye san, à nà sèè è jaamabee fa. 26Mòò o moò to jaama, à ye ɲɛn mun na, à fa san jà dɛ. Wo ɲɛɔ̀n tɔ̀ ra ɔ ?»
27Maritsì yè dzin ci: «Ɔ̀ɔn Tsìfaà, mun ɲɛɔ̀n à ra, ci wo rìì Ŋaablà Jaara Modzìàn, Ŋaablà Dzin Kpir'la. Nìi na wù è nà dziɲaan doùn, à Wo rìì.»
28Maritsì tɔ̀ goomaa dè dòu min niì, è dɔ̀n be, è bè e tseyn taan Mariyamùn kiri. È toro kɔɔ doun goòmà dè à ra ci: «Kàrànfaà nàu, à to wo lateè.»
29Mariyamùn dziu tɔ̀ myɛ̀n min niì, è tabe fu, è dɔ̀n be Yesù kpà. 30Àwà, Yesù naà dɔɔ̀n wɔ̀ɔ̀ doùn ŋe waa. Maritsì y'à kùùntsiu min niì, à na ni mɔn nì ŋe. 31Dzyèèsìbee mòdzin niì reè na ni Mariyamùn ka gbàà doùn, yè bà naɔ̀ shì tswɛɛ̀ fa, yè è jaayu tsɛ̀ tɔ̀ ka, twɛy y'à tabe fuuma jàu è bo min niì, è sa yeè fù, yè e gban à kpɛyn. È na à siɛ̀n, ci à bèe gɛynma nì fùnkɔɔ rà.
32Tɔ̀un, Yesù ni min niì, Mariyamùn yè bè dzi mɔn. À Yesù jàu nìi tsuru, è bè e kunun gban ji à sàn dzuun. È dzin à ra ci: «Tsìfaà, wo ye ba na ni mìin, mun keresia fa ni san waa.»
33Yesù y'à jà à gɛɛ. Dzyèèsìbee mòdzin niì reè na naɔ̀ à ka, twɛy sa yeè bà gɛɛ. À tɔ̀ jàu min niì, à goò yè dɔ̀n à ɲan, fɔ è bè geren, à akiri yè gbiiman. 34È tey ci: «Ye y'à wɔu min ?»
Yè dzin à ra ci: «Nà Tsìfaà, wo nà à jà.»
35Yesù yè gɛyn. 36Dzyèèsìbee mòdzin neè yè dzin tɔ̀un ci: «Y'a jàa kɛ̀, Lazarì goo na dzi à ra dɛ !»
37Ŋà, swey yè dzin è ɲan ci: «N ci à jaana kpir'là jaa dzii saun, à fa ni dzi à to Lazarì tsu mà san ɔn ?»
Yesù Lazarì fùàn kpunaun min niì
38À goò yè dɔ̀n Yesù ɲàn kɔn kpɛrɛ, fɔ è bè geren. Àwà, Yesù yè wɔ fùnkɔɔ rà tɔ̀un. Kɔ̀ɔ̀ na ni a ci kpankɔɔ, kpàa yè bà ka à dzii tsyeeŋna. 39È dzin ci: «Ye kpàa bo mɔn.»
Sanbaà keresi Maritsì yè dzin Yesù rà ci: «Tsìfaà, à kinin nà bà boò nòn, kàtsu à bwèy nààlen nì yɛ, à ni kɔ̀ɔ̀ doùn.»
40Yesù yè dzin à ra ci: «Mun na dzin wo ra ci wo ye ba ɲɛɔ̀n Ŋaablà ra, wo nà à nɔɔrɔɔ̀ jà ɔ̀ ?»
41Tɔ̀un, yè kpàa bo kɔ̀ɔ̀ dziɛ rà. Àwà, Yesù yè e jaà ɲansen jìran kèrè, è dzin ci: «Mun Fàà, wo y'à toro wɔ nìi fau mun ne, mun baraka sìan wo ra, è ɲɛn tɔ̀ tsɛ. 42Mun y'à tɔ̀, ci wo y'à toro wɔɔ̀ mun ne kudɛyn, ŋà, mun nèe dèu nì, sànko jàma nìi sapɛ yɛ mun laguruɔ̀, yè ɲɛn à ra, ci wo rìì mun ka naɔ.»
43À tɔ̀ dèu min niì, è sɛ̀ɛ̀y fààn na ci: «Lazarì, bo na mìin !»
44Àwà, Lazarì jaama yeè bo na kɔ̀ɔ̀ doùn tɔ̀un, kasangee ka à si rèè ko à sàn nèe sa miniunà, sɔn yeè bà miniɔ̀n à jaakɔrɔun. Nìì reè na ni mɔn, Yesù yè dzin è ra ci: «Ye nèe sapɛ bo à mà, y'a to è bèe.»
45Àwà, Dzyèèsìbee mòdzin niì reè na naɔ̀ Mariyamùn nè, Yesù goo nìi fau twɛy jaadzin ɲɛun tɔ̀ mà, è giri yè ɲɛn à ra. 46Ŋà, è ɲan, swey yè bè Faridziɲɛn rèè rè. Yesù goo nìi fau, yè bè tɔ̀ dè è ra.
Dzyèèsìbee mòdzin neè jɔundzin neè byɛ̀un à mà min niì ci Yesù wù è vu
47Tɔ̀un, Saaka Jɔundzin neè ko Faridziɲɛn rèè yè kitsi kunun kuru blàa mòdzin neè kiri, yè è ladzyeè. Yè dziàn ci: «Mùn nà fee rìì fa ? Kpir'lee tàànmàshɛn kabagooma giri faa dɛ ! 48Mùn y'a to à y'à faa tɔ̀ tsuru, mòdzian sapɛ nà ɲɛn à ra. Ɔ̀rɔ̀mùnka reè to nà nà mùn ne gàne fɛnɛɛ ci, yè mùn tsua mòò rèè sa bara.»
49Àwà, mòò sɔn na ni è ɲan, tɔ̀ tsoo yè bà ci Kàyifè. Wò rii na Saaka Jɔundzin blaa tɔ̀ jiɛ rà. Tɔ̀ yeè goomaa sen tɔ̀un, è dzin è ra ci: «Ye kpɛ̀yn, ye na gèsɔn pɛn tɔ̀ waa. 50Mòò sɔ̀n dzin soo yeè san mòdzian sapɛ tsɔsaan ɲàn, ye na à jàa ci tɔ fyan ye mà, sani jàmaàn mòdzian sapɛ yeè bara ɔ ?»
51Tɔ̀ y'a tàrà, Kàyifè tɔ̀ niì dèu, tɔ̀ naà boo à yɛ̀r'la ɲàn waa. Ŋà, à na Saaka Jɔundzin blaa tɔ̀ jiɛ rà nìi fa, à Ŋaablà re kɛɛrabe rii fau tɔ̀ tsuru, ci Yesù nà san Dzyèèsìbee mòdzin neè tsua tsɔ̀saan ɲàn. 52À to fa san Dzyèèsìbee mòdzin neè tsua bàsɔùn kamà waa, ŋà, Ŋaablà dzin nìì reè jee jiɔ̀ min niì sapɛ, à nà twɛy sa dzyeè soo.
53È sen tɔ̀ jisee rà, Dzyèèsìbee mòdzin neè jɔundzin neè yè byɛ̀n à mà, ci Yesù yè vu. 54Tɔ̀ kamà, Yesù tsu naà e kungɔ boò jàmaà fi, è bà ni e ɲantsyeere Dzyèèsìbee mòdzin neè fi dɛ. È bo mɔn tɔ̀un, è bè jènjàà kor'nà tɛyn wɔ̀ sɔn ɲan, tɔ̀ tsoo ci Efarayimùn. È bè to e re kàràndzin neè ka mɔn, yè waatsi fa.
55Àwà, Dzyèèsìbee mòdzin neè rè Geren n tsɛɛ̀ sɛr'là fa waatsi na tsyɛnbe naɔ. Tà doùn, mòdzian giri na boò jàmaàn gàne giri ɲan, yè bè Yerusalɛmùn, sànko ye yè bà ni tabe wɔ sɛr'là jɔun, ye yè e yɛrɛ fɛnɛbeuma tàrà, è bè è re làndà shi rèè tsɛ. 56È na Yesù gaa beè. Tà doùn, è ni Ŋaablà re gbà blàa fɔɔn doùn, yè e si teè ci: «Y'a jàa dzùrù ? Y'a kɛ̀sɛɛ̀, ci à nà nà sɛr'là rè faan ?»
57Tɔ̀ y'a tàrà, Saaka Jɔundzin neè ko Faridziɲɛn rèè dziɔn mòdzian nà, ci mòò riì ye ba à tɔ̀ Yesù ni min niì, è nà e sarà ye ra, sànko è bè kun.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024 Église Évangélique Mennonite du Burkina Faso (EEMBF) et SIL International