Phŭn Blŭng 4
4
Ka-in pơdjai lôi Êƀĕl
1Ađam jĕ jiăm hr̂ŏm bơnai ñu Êwa, jr̂ŏng nŭn bơnai ñu dŏ năp pơpôn r̂ai Ka-in,#4:1 Ƀŏ Ka-in keng-keng boh hiăp Hêbrơ laĭ bơjr̂ŏng. nŭn Êwa laĭ: «Kâo bơjr̂ŏng r̂ai đahkơi ha r̂ăng, yua yang Yêhôwa dŏng kâo.» 2Jr̂ŏng nŭn ñu pơpôn r̂ai Êƀĕl dŏng, adơi Ka-in. Êƀĕl ñu mơnuih čiă čĭm triw dăp be, plai Ka-in ñu mơnuih ngă hua. 3Tơl ti bih thŭn, nŭn Ka-in tô̆ boh-tr̂oh pơanah mơ̆ng hua ba nao pơyŏl Yêhôwa. 4Gah Êƀĕl dŏng, ñu tô̆ nă triw nă be pơanah tuh phŭn blŭng,#An Biă 34:19-20. ba nao pơyŏl hr̂ŏm muă ñu.#An Lêwi 3:14-16. Nŭn Yêhôwa bŏ bŭt mơ̆ng Êƀĕl dăp dr̂ăm pơyŏl ñu mơ̆n,#An Hêb 11:4. 5plai Ka-in dăp dr̂ăm pơyŏl ñu, Yêhôwa bĭ bŏ bŭt ôh. Nĭng nŭn Ka-in hêl kơtang jat, dăp ƀŏ pơta ñu bĭ ak. 6Jr̂ŏng nŭn Yêhôwa kơña Ka-in: «Yua yĕt ih hêl? Yua yĕt ƀŏ pơta ih bĭ ak? 7Jơ̆ laĭ ih ngă hiam, ƀŏ ih ti mơ-ak yơh. Jơ̆ ih ngă bĭ hiam, nŭn klơi glaĭ dŏ kuen ti bah amăng boih, klơi glaĭ hăt ngă khua ih, plai ih găl ti ngă khua ñu.»
8Jr̂ŏng nŭn Ka-in pơhiăp hr̂ŏm adơi ñu Êƀĕl.#4:8 Hla hr̂ă ƀŏ pr̂e pơanah čih thim laĭ: «Nah ta nao pơ čol.» Hla hr̂ă Hêbrơ bĭ hmâo ôh. Dơdơi mơ̆ng anŭn, pah gơñu dŏ pơ čol, Ka-in kluh nao pơdjai lôi Êƀĕl adơi ñu.#An 1Yôh 3:12. 9Jr̂ŏng nŭn Yêhôwa kơña Ka-in: «Pơ pă Êƀĕl adơi ih?» Nŭn Ka-in til glaĭ: «Kâo bĭ thâo ôh. Hiư̆m, kâo pô wai adơi kâo ah?» 10Pah anŭn Yêhôwa laĭ: «Yĕt ih ngă nĭng nŭn? Hmĭ wŏ! Dr̂ah adơi ih iâo ôl mơ̆ng kơnah hmĭ đĭ tơl pơ kâo.#An Hêb 12:24. 11Nêne kơnah ti hơtŏm ih, yua kơnah hr̂ip tô̆ dr̂ah adơi ih r̂ai mơ̆ng ngan ih. 12Tơl ih ngă hua, kơnah bĭ bơboh dr̂oh br̂ơi ih tĭm dŏng tah. Ih ti đuĕ đông yô bŏ glai bŏ glo mơ̆ng lŏn kơnah.» 13Jr̂ŏng nŭn Ka-in til glaĭ pơ Yêhôwa, ñu laĭ: «Klơi tr̂ĕ kơđi kâo ne#4:13 Klơi tr̂ĕ kơđi kâo ne lơ «Klơi glaĭ kâo ne.» tr̂ă hloh đơi yơh, kâo bĭ anăm glăm ôh. 14Ep wŏ, r̂ơi ne ih pơpŏl lôi kâo biă đuĕ mơ̆ng kơnah ne, dăp kâo ti dŏ taih mơ̆ng ƀŏ pơta ih he mơ̆n. Nĭng nŭn yơh, kâo ti đuĕ đông yô bŏ glai bŏ glo mơ̆ng lŏn kơnah, nŭn lơi pô pŏ kâo, gơñu ti pơdjai lôi kâo he yơh.» 15Nŭn Yêhôwa pơhiăp til glaĭ pơ ñu: «Jơ̆ nĭng nŭn, lơi pô pơdjai Ka-in, a ti pơdjai ƀong glaĭ gah pô nŭn juh r̂ăng dŏng.» Nĭng nŭn yơh, Yêhôwa kơnăl mơ̆ng Ka-in,#4:15 Klơi Yêhôwa kơnăl mơ̆ng Ka-in nŭn ta bĭ thâo ôh Ơi Adai kơnăl mơ̆ng Ka-in hiư̆m pă. Mơnuih pơanah khư̆t laĭ Ơi Adai r̂ek mơ̆ng dr̂ơi-jĕn Ka-in čiăng r̂ăng thâo mơ̆ng klơi Ơi Adai khă bĭ br̂ơi r̂ăng pơdjai lôi Ka-in ôh. huĭ r̂ăng pơdjai lôi Ka-in jơ̆ r̂ăng pŏ ñu. 16Jr̂ŏng nŭn Ka-in biă đuĕ mơ̆ng ƀŏ pơta Yêhôwa nao dŏ pơ ƀon Nôt,#4:16 Ƀŏ Nôt tui tam Hêbrơ čiăng laĭ «Đuĕ đông yô bŏ glai bŏ glo.» ping gah ngŏ ƀon Êđen.
Nă čo Ka-in
17Nŭn Ka-in jĕ jiăm hr̂ŏm bơnai ñu, jr̂ŏng nŭn bơnai ñu dŏ năp pơpôn r̂ai Ênô̆k. Nŭn Ka-in ngă plơi ha boh, ñu iâo plơi nŭn “Ênô̆k,” tui tam ƀŏ nă ñu. 18Ênô̆k ma Irat, Irat ma Môhuyel, Môhuyel ma Môtusel, Môtusel ma Lamêk. 19Lamêk tô̆ đahmơi dua r̂ăng ngă bơnai ñu, ha r̂ăng a iâo Ađa, ha r̂ăng dŏng a iâo Sila. 20Ađa pơpôn r̂ai Yaƀal, Yaƀal yơh mơnuih dŏ tăm sang seng tŏng phŭn blŭng,#4:20 Yaƀal yơh mơnuih dŏ tăm sang seng tŏng phŭn blŭng Hêbrơ laĭ «Yaƀal yơh ma môt mơnuih dŏ tăm sang seng tŏng.» yua ñu bat tui čĭm-br̂ĭm ñu čiă, wŏt nă čo ñu ngă hla ti ñu mơ̆n. 21Adơi đahkơi ñu a iâo Yuƀal, Yuƀal yơh mơnuih thâo pĕ bơdung dăp hyŭp đing dŏt phŭn blŭng, wŏt nă čo ñu ngă hla ti ñu mơ̆n. 22Gah Sila dŏng, ñu pơpôn Tuƀal-ka-in, Tuƀal-ka-in yơh thâo čia băn dăp pơsơi,#4:22 Tuƀal-ka-in yơh thâo čia băn dăp pơsơi lơ «Tuƀal-ka-in yơh gru pơto br̂ơi r̂ăng thâo ngă čieng čia băn čia pơsơi.» ngă nŏ thâo yua gr̂ư̆ neo. Adơi đahmơi Tuƀal-ka-in a iâo Naama.
23Lamêk pơhiăp hr̂ŏm bơnai ñu dua r̂ăng:
«Ơ Ađa dua gih Sila,
Br̂ơi hmĭ hiăp kâo wŏ,
Ơ môt bơnai Lamêk,
Br̂ơi kơmŏng nŏ kâo laĭ ne wŏ,
Kâo pơdjai đahkơi ha r̂ăng,
Yua ñu ngă br̂ơi kâo lơka,
Kâo pơdjai nă muai ha r̂ăng,#4:23 Nă muai ha r̂ăng lơ «Dơdăm ha r̂ăng.»
Yua ñu teh kâo.
24Jơ̆ laĭ a pơdjai ƀong br̂ơi Ka-in,
Ha r̂ăng ƀong glaĭ juh r̂ăng,#An Phŭn 4:15.
Plai kâo Lamêk dŏng,
Jơ̆ laĭ r̂ăng pơdjai lôi kâo,
Nŭn a ti pơdjai ƀong br̂ơi kâo,
Ha r̂ăng ƀong glaĭ juh pluh juh r̂ăng dŏng.»#An Mat 18:22.
25Ađam jĕ jiăm hr̂ŏm Êwa bơnai ñu dŏng, jr̂ŏng nŭn Êwa pơpôn r̂ai nă đahkơi ha r̂ăng. Nŭn Êwa iâo ƀŏ nă ñu “Sêt,”#4:25 Ƀŏ Sêt keng-keng boh hiăp Hêbrơ laĭ bơdŏ. yua ñu laĭ: «Ơi Adai bơdŏ glaĭ br̂ơi kâo djuoi ha r̂ăng dŏng, čiăng tang br̂ơi Êƀĕl, yua Ka-in pơdjai lôi ñu.» 26Sêt, ñu hmâo nă đahkơi ha r̂ăng mơ̆n, nŭn ñu iâo ƀŏ nă ñu “Ênôh.” Gơi nôk nŭn yơh, mơnuih iâo đĭ ƀŏ Yêhôwa.
S'ha seleccionat:
Phŭn Blŭng 4: JKB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024, Wycliffe Bible Translators, Inc.
Phŭn Blŭng 4
4
Ka-in pơdjai lôi Êƀĕl
1Ađam jĕ jiăm hr̂ŏm bơnai ñu Êwa, jr̂ŏng nŭn bơnai ñu dŏ năp pơpôn r̂ai Ka-in,#4:1 Ƀŏ Ka-in keng-keng boh hiăp Hêbrơ laĭ bơjr̂ŏng. nŭn Êwa laĭ: «Kâo bơjr̂ŏng r̂ai đahkơi ha r̂ăng, yua yang Yêhôwa dŏng kâo.» 2Jr̂ŏng nŭn ñu pơpôn r̂ai Êƀĕl dŏng, adơi Ka-in. Êƀĕl ñu mơnuih čiă čĭm triw dăp be, plai Ka-in ñu mơnuih ngă hua. 3Tơl ti bih thŭn, nŭn Ka-in tô̆ boh-tr̂oh pơanah mơ̆ng hua ba nao pơyŏl Yêhôwa. 4Gah Êƀĕl dŏng, ñu tô̆ nă triw nă be pơanah tuh phŭn blŭng,#An Biă 34:19-20. ba nao pơyŏl hr̂ŏm muă ñu.#An Lêwi 3:14-16. Nŭn Yêhôwa bŏ bŭt mơ̆ng Êƀĕl dăp dr̂ăm pơyŏl ñu mơ̆n,#An Hêb 11:4. 5plai Ka-in dăp dr̂ăm pơyŏl ñu, Yêhôwa bĭ bŏ bŭt ôh. Nĭng nŭn Ka-in hêl kơtang jat, dăp ƀŏ pơta ñu bĭ ak. 6Jr̂ŏng nŭn Yêhôwa kơña Ka-in: «Yua yĕt ih hêl? Yua yĕt ƀŏ pơta ih bĭ ak? 7Jơ̆ laĭ ih ngă hiam, ƀŏ ih ti mơ-ak yơh. Jơ̆ ih ngă bĭ hiam, nŭn klơi glaĭ dŏ kuen ti bah amăng boih, klơi glaĭ hăt ngă khua ih, plai ih găl ti ngă khua ñu.»
8Jr̂ŏng nŭn Ka-in pơhiăp hr̂ŏm adơi ñu Êƀĕl.#4:8 Hla hr̂ă ƀŏ pr̂e pơanah čih thim laĭ: «Nah ta nao pơ čol.» Hla hr̂ă Hêbrơ bĭ hmâo ôh. Dơdơi mơ̆ng anŭn, pah gơñu dŏ pơ čol, Ka-in kluh nao pơdjai lôi Êƀĕl adơi ñu.#An 1Yôh 3:12. 9Jr̂ŏng nŭn Yêhôwa kơña Ka-in: «Pơ pă Êƀĕl adơi ih?» Nŭn Ka-in til glaĭ: «Kâo bĭ thâo ôh. Hiư̆m, kâo pô wai adơi kâo ah?» 10Pah anŭn Yêhôwa laĭ: «Yĕt ih ngă nĭng nŭn? Hmĭ wŏ! Dr̂ah adơi ih iâo ôl mơ̆ng kơnah hmĭ đĭ tơl pơ kâo.#An Hêb 12:24. 11Nêne kơnah ti hơtŏm ih, yua kơnah hr̂ip tô̆ dr̂ah adơi ih r̂ai mơ̆ng ngan ih. 12Tơl ih ngă hua, kơnah bĭ bơboh dr̂oh br̂ơi ih tĭm dŏng tah. Ih ti đuĕ đông yô bŏ glai bŏ glo mơ̆ng lŏn kơnah.» 13Jr̂ŏng nŭn Ka-in til glaĭ pơ Yêhôwa, ñu laĭ: «Klơi tr̂ĕ kơđi kâo ne#4:13 Klơi tr̂ĕ kơđi kâo ne lơ «Klơi glaĭ kâo ne.» tr̂ă hloh đơi yơh, kâo bĭ anăm glăm ôh. 14Ep wŏ, r̂ơi ne ih pơpŏl lôi kâo biă đuĕ mơ̆ng kơnah ne, dăp kâo ti dŏ taih mơ̆ng ƀŏ pơta ih he mơ̆n. Nĭng nŭn yơh, kâo ti đuĕ đông yô bŏ glai bŏ glo mơ̆ng lŏn kơnah, nŭn lơi pô pŏ kâo, gơñu ti pơdjai lôi kâo he yơh.» 15Nŭn Yêhôwa pơhiăp til glaĭ pơ ñu: «Jơ̆ nĭng nŭn, lơi pô pơdjai Ka-in, a ti pơdjai ƀong glaĭ gah pô nŭn juh r̂ăng dŏng.» Nĭng nŭn yơh, Yêhôwa kơnăl mơ̆ng Ka-in,#4:15 Klơi Yêhôwa kơnăl mơ̆ng Ka-in nŭn ta bĭ thâo ôh Ơi Adai kơnăl mơ̆ng Ka-in hiư̆m pă. Mơnuih pơanah khư̆t laĭ Ơi Adai r̂ek mơ̆ng dr̂ơi-jĕn Ka-in čiăng r̂ăng thâo mơ̆ng klơi Ơi Adai khă bĭ br̂ơi r̂ăng pơdjai lôi Ka-in ôh. huĭ r̂ăng pơdjai lôi Ka-in jơ̆ r̂ăng pŏ ñu. 16Jr̂ŏng nŭn Ka-in biă đuĕ mơ̆ng ƀŏ pơta Yêhôwa nao dŏ pơ ƀon Nôt,#4:16 Ƀŏ Nôt tui tam Hêbrơ čiăng laĭ «Đuĕ đông yô bŏ glai bŏ glo.» ping gah ngŏ ƀon Êđen.
Nă čo Ka-in
17Nŭn Ka-in jĕ jiăm hr̂ŏm bơnai ñu, jr̂ŏng nŭn bơnai ñu dŏ năp pơpôn r̂ai Ênô̆k. Nŭn Ka-in ngă plơi ha boh, ñu iâo plơi nŭn “Ênô̆k,” tui tam ƀŏ nă ñu. 18Ênô̆k ma Irat, Irat ma Môhuyel, Môhuyel ma Môtusel, Môtusel ma Lamêk. 19Lamêk tô̆ đahmơi dua r̂ăng ngă bơnai ñu, ha r̂ăng a iâo Ađa, ha r̂ăng dŏng a iâo Sila. 20Ađa pơpôn r̂ai Yaƀal, Yaƀal yơh mơnuih dŏ tăm sang seng tŏng phŭn blŭng,#4:20 Yaƀal yơh mơnuih dŏ tăm sang seng tŏng phŭn blŭng Hêbrơ laĭ «Yaƀal yơh ma môt mơnuih dŏ tăm sang seng tŏng.» yua ñu bat tui čĭm-br̂ĭm ñu čiă, wŏt nă čo ñu ngă hla ti ñu mơ̆n. 21Adơi đahkơi ñu a iâo Yuƀal, Yuƀal yơh mơnuih thâo pĕ bơdung dăp hyŭp đing dŏt phŭn blŭng, wŏt nă čo ñu ngă hla ti ñu mơ̆n. 22Gah Sila dŏng, ñu pơpôn Tuƀal-ka-in, Tuƀal-ka-in yơh thâo čia băn dăp pơsơi,#4:22 Tuƀal-ka-in yơh thâo čia băn dăp pơsơi lơ «Tuƀal-ka-in yơh gru pơto br̂ơi r̂ăng thâo ngă čieng čia băn čia pơsơi.» ngă nŏ thâo yua gr̂ư̆ neo. Adơi đahmơi Tuƀal-ka-in a iâo Naama.
23Lamêk pơhiăp hr̂ŏm bơnai ñu dua r̂ăng:
«Ơ Ađa dua gih Sila,
Br̂ơi hmĭ hiăp kâo wŏ,
Ơ môt bơnai Lamêk,
Br̂ơi kơmŏng nŏ kâo laĭ ne wŏ,
Kâo pơdjai đahkơi ha r̂ăng,
Yua ñu ngă br̂ơi kâo lơka,
Kâo pơdjai nă muai ha r̂ăng,#4:23 Nă muai ha r̂ăng lơ «Dơdăm ha r̂ăng.»
Yua ñu teh kâo.
24Jơ̆ laĭ a pơdjai ƀong br̂ơi Ka-in,
Ha r̂ăng ƀong glaĭ juh r̂ăng,#An Phŭn 4:15.
Plai kâo Lamêk dŏng,
Jơ̆ laĭ r̂ăng pơdjai lôi kâo,
Nŭn a ti pơdjai ƀong br̂ơi kâo,
Ha r̂ăng ƀong glaĭ juh pluh juh r̂ăng dŏng.»#An Mat 18:22.
25Ađam jĕ jiăm hr̂ŏm Êwa bơnai ñu dŏng, jr̂ŏng nŭn Êwa pơpôn r̂ai nă đahkơi ha r̂ăng. Nŭn Êwa iâo ƀŏ nă ñu “Sêt,”#4:25 Ƀŏ Sêt keng-keng boh hiăp Hêbrơ laĭ bơdŏ. yua ñu laĭ: «Ơi Adai bơdŏ glaĭ br̂ơi kâo djuoi ha r̂ăng dŏng, čiăng tang br̂ơi Êƀĕl, yua Ka-in pơdjai lôi ñu.» 26Sêt, ñu hmâo nă đahkơi ha r̂ăng mơ̆n, nŭn ñu iâo ƀŏ nă ñu “Ênôh.” Gơi nôk nŭn yơh, mơnuih iâo đĭ ƀŏ Yêhôwa.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2024, Wycliffe Bible Translators, Inc.