KEJADIAN 19
19
Dosa Mai ku Kote Sodom
1Ku dui ajeh nar malikat baihol nu kote Sodom ru Lot tengah kigigei ku pintu gerbang kote. Bile kibakek ha ubai ajeh, kek kikos kaha-terbuk ha ubai lalu kisujod. 2Kek kiurok, “Tuan-tuan, singahloh nu deg eng. Jerkek buleh jerkesuj jog jerkek ru buleh jerkebet ku deg eng. Amen jerkehod, huper jerkek buleh jerkekos awal ru jerkepeteros ceknip jerkek nij.”
Tapi baiberlag, “Tok, jar jarha-bet ku padeh taleh, ku tempat kengnem.”
3Tapi Lot kikerekwat nu ubai, ipenyudah ubai muj besama ru kek nu kateh deg. Lot kisedia caknak de sedap ru kijop ruti pek beragi lalu baicak.
4Sebelom itengloh ajeh baibukbet, mai kote Sodom naikerpog deg ajeh. Dikdij keral ku kote ajeh, dari de nyengnyam lei nu de engrak mong ku pajeh. 5Naicereg Lot ru naitanya, “Ku belokka sengoi de baihol ru baibet ku deg hek? Ogloh ubai ajeh nu jik supaye buleh jibesama ru ubai!”
6Lalu Lot kihol ju ideg lalu kitutop ipintu. 7Kek kiurok nu mai kote Sodom ku pajeh, “Sesedara, eng ngsemanj wesloh agok beh hal de jehat ajeh! 8Cerngailoh, eng mong nar mom kenon kerdor de lekat menaleh. Biarloh ngserah ubai nu engkek, ru engkek buleh engkebeh ma taleh ku ubai. Tapi wesloh agok beh ma-ma nu tengloh eng, kerana eng mesti nglindog ubai.”
9Tapi naiurok, “Et! Hek mai aseg tapi haha-arah ha jik! Jik doh jibekelaku lebeh nej nu hek daripade de jibeh nu ubai ajeh!” Lalu enai tulak Lot ru naiha-cereh pintu. 10Tapi nar mom tengloh ajeh baiulur teg ubai ru baitarek Lot muj nu kateh deg lalu baitutop pintu. 11Telas ajeh ubai pebuta mat dikdij mai de mong ku luar ajeh lei sengoi jengoi ajeh pek dapat naikek pintu deg ajeh.
Lot Kidek ju Kote Sodom
12Nar mom tengloh ajeh baiurok nu Lot, “Amen hek mong kenon keral, kenon kerdor, mengsau, atao sesedara kilek de naigei ku kote adeh, enloh naihol ju kendeh 13kerana jar jarha-pemusnah tempat adeh. Yahweh ya Kicerngai perkara-perkara de ihad niknej tentang mai Sodom ru Kek Kingeng jar supaye jarpemusnah kote adeh.”
14Telas ajeh Lot kipasal nu nar mom ibakal mengsau, “Deras hol ju kendeh kerana Yahweh Kaha-pemusnah kote adeh!” Tapi baisabek Lot kibeseluro taleh.
15Ku ipepegelap, malikat-malikat ajeh baikerekwat supaye Lot deras kiet ju kenjeh. “Derasloh!” baiurok. “Enloh kenah ru nar mom kenon kerdor hek, ru etloh ju kendeh supaye pek engkedat bile kote adeh bipemusnah.” 16Tapi Lot kiarag beingak. Jadi, nar mom itengloh ajeh baicap teg Lot, ikenah ru ikekenon, lalu baien enai hol nu luar kote ajeh. Begei ajehloh Yahweh Kiyayak ha Lot. 17Telas ajeh nanek ju malikat ajeh kiurok, “Jarloh ru peselamatloh diri liengkek! Wes agok neng nu celod, ru wes agok behenti ku lembah. Jarloh nu lod supaye pek engkedat!”
18Tapi Lot kiberlag, “Wesloh agok or jik jijar nu lod. 19Mimang jerkek ya jeoi jerketulog eng ru jerkepeselamat eng, tapi lod ajeh ihad nyak. Jangan-jangan bencane ajeh doh kidalag kenit ru eng doh ngdat sebelom nglei ku petai. 20Neng, mong kote macot pek nyak ju kendeh. Ogloh eng ngjar nu majeh supaye ngselamat.”
21Malikat ajeh kiberlag, “Amen begei ajeh, eng doh pek ngpemusnah kote ajeh. 22Deras, jarloh! Eng pek dapat ngbeh ma-ma sebelom halei ku petai.”
Kerana Lot kibual kote ajeh macot, jadi kote ajeh bigelar Zoar.#19:22 Zoar: Ku kateh engrok Ibrani, muh adeh isengyog begei perkataan de imaksod, macot.
Kote Sodom ru Kote Gomora Biperher
23Mat arik ya kihuj mase Lot kilei ku Zoar. 24Telas ajeh Yahweh Kicerleh manik belerang de beros nu kote Sodom ru kote Gomora. 25Rimnar kote ajeh bipemusnah, temasok dikdij lembah, dikdij ceknet, ru mai de gigei ku pajeh. 26Tapi kenah Lot kiceleg nu icelod lalu kek kijadi cenol empoj.
27Ku ipepegelap huper nij, Abraham gej-gej kihol kaha-et nu tempat ku belok kek kijinjeg ku ngar Yahweh sebelom hal ajeh belaku. 28Kek kineng nu kote Sodom ru kote Gomora ru seluroh lembah ajeh lalu kibakek cas ju tempat ajeh begei cas kihol ju tungkuk de entoi. 29Ku mase Jenang Kipemusnah kote-kote ku lembah tempat Lot kigei entem, Jenang Kiingat ha Abraham ru kitulog Lot jar ju kenjeh.
Asal Mai Moab ru Mai Amon
30Kerana Lot kisengoh kaha-gei ku Zoar, kek ru nar mom ikekenon kerdor naiet nu lod ru naigei ku kateh hug. 31Kenon kerdor de sulog kiurok nu imenang, “Apak har ya engrak ru pek mong numom pen ku seluroh lengrik adeh de dapat harjeg supaye dapat harkep kenon begei ha dikdij mai kilek ku bumi adeh. 32Beiloh harbeh apak har kibel lalu harbesama ru kek supaye harkep kenon-cenok ju kek.” 33Ku kenglem ajeh ubai og apak ubai ngut teu wain lalu ikenon kerdor de sulog pen kibesama ru iapak, tapi iapak ihad kibel lei pek kipanei ma-ma de ya belaku.
34Ku ihuper nij, ikenon kerdor de sulog ajeh kibual nu imenang, “Eng ya ngbesama ru apak kelemnek. Kelem adeh harbeh apak kibel nij. Telas ajeh etloh besama ru kek supaye harkep kenon-cenok ju kek.” 35Jadi, ubai perbel nij apak liubai ku kenglem ajeh, lalu ikenon kerdor de iloj ajeh kibesama ru iapak. Nukali nij Lot kibel lei pek kipanei ma-ma de ya belaku. 36Telas ajeh nar mom ikenon ajeh pen baimakok ya apak liubai. 37Ikenon kerdor de sulog ajeh kiperyos numom kenon keral imuh Moab. Kekloh de kijadi jenang rak bangse mai Moab de mong hunen. 38Ikenon kerdor de iloj juga kiperyos numom kenon keral imuh Ben-Ami. Kekloh de kijadi jenang rak bangse mai Amon de mong hunen.
S'ha seleccionat:
KEJADIAN 19: AEH
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
KEJADIAN 19
19
Dosa Mai ku Kote Sodom
1Ku dui ajeh nar malikat baihol nu kote Sodom ru Lot tengah kigigei ku pintu gerbang kote. Bile kibakek ha ubai ajeh, kek kikos kaha-terbuk ha ubai lalu kisujod. 2Kek kiurok, “Tuan-tuan, singahloh nu deg eng. Jerkek buleh jerkesuj jog jerkek ru buleh jerkebet ku deg eng. Amen jerkehod, huper jerkek buleh jerkekos awal ru jerkepeteros ceknip jerkek nij.”
Tapi baiberlag, “Tok, jar jarha-bet ku padeh taleh, ku tempat kengnem.”
3Tapi Lot kikerekwat nu ubai, ipenyudah ubai muj besama ru kek nu kateh deg. Lot kisedia caknak de sedap ru kijop ruti pek beragi lalu baicak.
4Sebelom itengloh ajeh baibukbet, mai kote Sodom naikerpog deg ajeh. Dikdij keral ku kote ajeh, dari de nyengnyam lei nu de engrak mong ku pajeh. 5Naicereg Lot ru naitanya, “Ku belokka sengoi de baihol ru baibet ku deg hek? Ogloh ubai ajeh nu jik supaye buleh jibesama ru ubai!”
6Lalu Lot kihol ju ideg lalu kitutop ipintu. 7Kek kiurok nu mai kote Sodom ku pajeh, “Sesedara, eng ngsemanj wesloh agok beh hal de jehat ajeh! 8Cerngailoh, eng mong nar mom kenon kerdor de lekat menaleh. Biarloh ngserah ubai nu engkek, ru engkek buleh engkebeh ma taleh ku ubai. Tapi wesloh agok beh ma-ma nu tengloh eng, kerana eng mesti nglindog ubai.”
9Tapi naiurok, “Et! Hek mai aseg tapi haha-arah ha jik! Jik doh jibekelaku lebeh nej nu hek daripade de jibeh nu ubai ajeh!” Lalu enai tulak Lot ru naiha-cereh pintu. 10Tapi nar mom tengloh ajeh baiulur teg ubai ru baitarek Lot muj nu kateh deg lalu baitutop pintu. 11Telas ajeh ubai pebuta mat dikdij mai de mong ku luar ajeh lei sengoi jengoi ajeh pek dapat naikek pintu deg ajeh.
Lot Kidek ju Kote Sodom
12Nar mom tengloh ajeh baiurok nu Lot, “Amen hek mong kenon keral, kenon kerdor, mengsau, atao sesedara kilek de naigei ku kote adeh, enloh naihol ju kendeh 13kerana jar jarha-pemusnah tempat adeh. Yahweh ya Kicerngai perkara-perkara de ihad niknej tentang mai Sodom ru Kek Kingeng jar supaye jarpemusnah kote adeh.”
14Telas ajeh Lot kipasal nu nar mom ibakal mengsau, “Deras hol ju kendeh kerana Yahweh Kaha-pemusnah kote adeh!” Tapi baisabek Lot kibeseluro taleh.
15Ku ipepegelap, malikat-malikat ajeh baikerekwat supaye Lot deras kiet ju kenjeh. “Derasloh!” baiurok. “Enloh kenah ru nar mom kenon kerdor hek, ru etloh ju kendeh supaye pek engkedat bile kote adeh bipemusnah.” 16Tapi Lot kiarag beingak. Jadi, nar mom itengloh ajeh baicap teg Lot, ikenah ru ikekenon, lalu baien enai hol nu luar kote ajeh. Begei ajehloh Yahweh Kiyayak ha Lot. 17Telas ajeh nanek ju malikat ajeh kiurok, “Jarloh ru peselamatloh diri liengkek! Wes agok neng nu celod, ru wes agok behenti ku lembah. Jarloh nu lod supaye pek engkedat!”
18Tapi Lot kiberlag, “Wesloh agok or jik jijar nu lod. 19Mimang jerkek ya jeoi jerketulog eng ru jerkepeselamat eng, tapi lod ajeh ihad nyak. Jangan-jangan bencane ajeh doh kidalag kenit ru eng doh ngdat sebelom nglei ku petai. 20Neng, mong kote macot pek nyak ju kendeh. Ogloh eng ngjar nu majeh supaye ngselamat.”
21Malikat ajeh kiberlag, “Amen begei ajeh, eng doh pek ngpemusnah kote ajeh. 22Deras, jarloh! Eng pek dapat ngbeh ma-ma sebelom halei ku petai.”
Kerana Lot kibual kote ajeh macot, jadi kote ajeh bigelar Zoar.#19:22 Zoar: Ku kateh engrok Ibrani, muh adeh isengyog begei perkataan de imaksod, macot.
Kote Sodom ru Kote Gomora Biperher
23Mat arik ya kihuj mase Lot kilei ku Zoar. 24Telas ajeh Yahweh Kicerleh manik belerang de beros nu kote Sodom ru kote Gomora. 25Rimnar kote ajeh bipemusnah, temasok dikdij lembah, dikdij ceknet, ru mai de gigei ku pajeh. 26Tapi kenah Lot kiceleg nu icelod lalu kek kijadi cenol empoj.
27Ku ipepegelap huper nij, Abraham gej-gej kihol kaha-et nu tempat ku belok kek kijinjeg ku ngar Yahweh sebelom hal ajeh belaku. 28Kek kineng nu kote Sodom ru kote Gomora ru seluroh lembah ajeh lalu kibakek cas ju tempat ajeh begei cas kihol ju tungkuk de entoi. 29Ku mase Jenang Kipemusnah kote-kote ku lembah tempat Lot kigei entem, Jenang Kiingat ha Abraham ru kitulog Lot jar ju kenjeh.
Asal Mai Moab ru Mai Amon
30Kerana Lot kisengoh kaha-gei ku Zoar, kek ru nar mom ikekenon kerdor naiet nu lod ru naigei ku kateh hug. 31Kenon kerdor de sulog kiurok nu imenang, “Apak har ya engrak ru pek mong numom pen ku seluroh lengrik adeh de dapat harjeg supaye dapat harkep kenon begei ha dikdij mai kilek ku bumi adeh. 32Beiloh harbeh apak har kibel lalu harbesama ru kek supaye harkep kenon-cenok ju kek.” 33Ku kenglem ajeh ubai og apak ubai ngut teu wain lalu ikenon kerdor de sulog pen kibesama ru iapak, tapi iapak ihad kibel lei pek kipanei ma-ma de ya belaku.
34Ku ihuper nij, ikenon kerdor de sulog ajeh kibual nu imenang, “Eng ya ngbesama ru apak kelemnek. Kelem adeh harbeh apak kibel nij. Telas ajeh etloh besama ru kek supaye harkep kenon-cenok ju kek.” 35Jadi, ubai perbel nij apak liubai ku kenglem ajeh, lalu ikenon kerdor de iloj ajeh kibesama ru iapak. Nukali nij Lot kibel lei pek kipanei ma-ma de ya belaku. 36Telas ajeh nar mom ikenon ajeh pen baimakok ya apak liubai. 37Ikenon kerdor de sulog ajeh kiperyos numom kenon keral imuh Moab. Kekloh de kijadi jenang rak bangse mai Moab de mong hunen. 38Ikenon kerdor de iloj juga kiperyos numom kenon keral imuh Ben-Ami. Kekloh de kijadi jenang rak bangse mai Amon de mong hunen.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.